ཡོང་ཁུངས། བོད་མིའི་སྒྲིག་འཛུགས་དྲ་རྒྱ
བོད་རིགས་ཁྱིམ་ཚང་གཅིག་གིས་ཤེས་རིག་ལས་ཁུངས་ལ་སློབ་ཡོན་ཆེད་ཨ་སྒོར་འབུམ་གཅིག་ཞལ་འདེབས་གནང་བ།
༄༅། །ཉེ་ཆར་ཨ་རིར་གནས་སྡོད་བོད་རིགས་ཁྱིམ་ཚང་སྨར་ཁམས་དུང་དཀར་ཚང་གིས་བོད་མིའི་སྒྲིག་འཛུགས་ཤེས་རིག་ལས་ཁུངས་ལ་བོད་རིགས་སློབ་མ་ཚོར་སློབ་ཡོན་གྱི་མཐུན་རྐྱེན་བསྐྲུན་ཆེད་ཨ་སྒོར་འབུམ་གཅིག་ཞལ་འདེབས་གནང་འདུག དེ་ཡང་སློབ་ཡོན་འདི་བཞིན་འཛིན་རིམ་བཅུ་གཉིས་ནང་མཐའ་མའི་ཡིག་རྒྱུགས་ཀྱི་བརྒྱ་ཆ་ ༩༠ ལོན་པ་དང་། ཉམ་ཐག་སློབ་ཕྲུག བོད་ནས་ཡིན་པའི་སློབ་ཕྲུག་བཅས་ཁྱོན་སློབ་མ་དགུ་ལ་འབུལ་རྒྱུ་ཡིན་འདུག
དེ་ལས་མང་བ་། “བོད་རིགས་ཁྱིམ་ཚང་ཞིག་གིས་ཨ་སྒོར་འབུམ་གཅིག་གནང་བ།” »
ཕྱི་ལོ་༢༠༡༤ ཟླ་༡༢ ཚེས་༢༧ ཉིན་ཤེས་རྟོགས་བྱུང་བར། ཕྱི་ཚེས་༢༦ ཉིན་གྱི་བོད་ནང་གི་དགོང་མོ་རྔ་བ་ཀིརྟི་དགོན་པའི་གྲྭ་བློ་བཟང་ལུང་རིགས། རང་ལོ་༢༠ ཡས་མས་ཡིན་པ་ཁོང་རྒྱ་གཞུང་ཉེན་རྟོག་པས་དགོན་པའི་ནང་ནས་འཛིན་བཟུང་གིས་བཙན་ཁྲིད་བྱས་ཡོད་ཀྱང་ས་གནས་གང་དུ་བཀག་ཉར་བྱས་ཡོད་མེད་དང་། རྒྱུ་མཚན་ཅི་ཞིག་ཡིན་སོགས་ཞིབ་ཕྲ་ཤེས་རྟོགས་མ་བྱུང་།
ཕྱི་ལོ་༢༠༡༤ ཟླ་༡༢ ཚེས་༢༦ ཉིན་གྱི་བོད་ནང་གི་ཆུ་ཚོད་༤ ཙམ་ལ་བོད་མདོ་སྨད་རྔ་བ་ཀིརྟི་དགོན་པའི་གྲྭ་བློ་བཟང་འཕྲིན་ལས། རང་ལོ་༢༡ ཡས་མས་ཡིན་པ་ཁོང་གིས་༸གོང་ས་མཆོག་གི་སྐུ་པར་དང་བོད་ཀྱི་རྒྱལ་དར་མཉམ་སྦྱར་བྱས་པའི་འདྲ་པར་ཆེན་པོ་ཞིག་མཐོ་སར་བཏེགས་ཏེ་གཞུང་ལམ་དཀྱིལ་ནས་(རྒྱལ་དབང་བསྟན་འཛིན་རྒྱ་མཚོ་སྐུ་ཚེ་ཁྲི་ལོ་ནས་ཁྲི་ལོ་བརྟན་པར་ཤོག བོད་ལ་རང་དབང་དགོས་)ཞེས་སྐད་འབོད་གནང་བཞིན་རྒྱ་ནག་གཞུང་གིས་བོད་ལ་འཛིན་པའི་སྲིད་བྱུས་ལ་ངོ་རྒོོལ་གནང་ཡོད་ཅིང་།
ཕྱི་ལོ་༢༠༡༤ ཟླ་༡༢ ཚེས་༢༢ ཉིན་གྱི་བོད་ནང་གི་ཕྱི་དྲོའི་ཆུ་ཚོད་༤ པ་ཡོལ་ཙམ་ལ་རྔ་བ་རྫོང་རྨེའུ་རུ་མ་ཡུལ་ཚོའི་སྲང་ལམ་སྨད་ཕྱོགས་ནས་རང་ལོ་༡༩ ཡིན་པའི་བུ་མོ་ཚེ་པེ་ལགས་ཀྱིས་རྒྱ་གཞུང་གིས་བོད་ཐོག་འཛིན་པའི་སྲིད་བྱུས་ལ་ངོ་རྒོལ་ཆེད་སྐུ་ལུས་མེར་སྲེག་བཏང་སྟེ་ས་གནས་དེ་ག་རང་ནས་འདས་གྲོངས་སུ་གྱུར་ཡོད་ཅིང་། དེ་མ་ཐག་ཉེན་རྟོག་པས་ཁོང་མོའི་སྐུ་ཕུང་བཙན་འཁྱེར་བྱས་ཡོད་འདུག