བློ་བཟང་།

དེ་རིང་༢༠༡༣/༧/༡༤ཡིན། ཕྱི་ནང་གི་དྲྭ་གྲོགས་རྣམས་དང་ལྷན། བོད་སྐད་ཡིག་རིག་གཞུང་གི་སྐོར་གླེང་མོལ་བྱས་པ་ན། བསྙད་ཚུལ་ལ་བཙན་བྱོལ་བོད་མིའི་སྒྲིག་འཛུགས་ཀྱི་ཤེས་རིག་ལས་ཁུངས་ཀྱིས་ཕྱི་ལོ་༢༠༡༣/༧/༡ཉིན་བོད་ཀྱི་དུས་བབ་གསར་ལམ་དུ། སམ་བྷོ་ཊའི་ཁྱབ་ཁོངས་ཀྱི་སློབ་གྲྭ་ཡོངས་སུ་འཛིན་རིམ་དྲུག་པ་ནས་བརྒྱད་པའི་བར་སློབ་ཚན་ཁག་དབྱིན་སྐད་ཀྱི་ཐོག་ཁྲིད་དགོས་པའི་བཀའ་ཁྱབ་གནང་ཡོད་པ་བཤད།

དེ་ལས་མང་བ་། “པུས་མོ་ས་རུ་བཙུགས་ཏེ་གསོལ་བ་འདེབས་སྙིང་ནི་ཁྱེད་ཚོས་འདི་ལྟར་བོད་མི་རིགས་རྣམས་འཆི་ལམ་དུ་མི་འདེད་པར་ཞུ།།” »

རྔ་བ་བརྒྱད་གསུམ་གཅིག་དྲུག

སྙིང་ཉེ་བའི་གཅེས་ཕྲུག ཁྱོད་ངོ་མ་བུ་ཕྲུག་ཡ་རབས་ཡ་རབས་ཤིག་རེད། གདོང་དང་གཟུགས་བྱད་མཛེས་པ་ནང་བཞིན། ཁྱེད་ཀྱི་ལྷད་མེད་ཀྱི་སེམས་པའང་ནག་ནོག་དང་དྲི་མས་དབེན་ཞིང་། དུང་དཀར་ལྟར་དཀར་ནོ་ཁོ་ཐག་རེད། སྙིང་ཉེ་བའི་གཅེས་ཕྲུག ངས་ཁྱོད་ལ་བཤད་ཕོད་པ་ཞིག་ལ། བཤད་འོས་པ་ཞིག་ལ། ཁྱོད་ལ་ལྷད་མེད་ཀྱི་བརྩེ་བ་སྟེར་མཁན་རང་གི་ཕ་མ་ཡིན་ལ། ཁྱོད་ཀྱི་འབྱུང་འགྱུར་དང་འཚོ་བའི་ཆེད་དུ་ཡོད་ཚད་བློས་གཏོང་ཕོད་མཁན་ཡང་རང་གི་ཕ་མ་རེད།

དེ་ལས་མང་བ་། “སྙིང་ཉེ་བའི་གཅེས་ཕྲུག” »

ཤར་ཕྱོགས་ཁུག་རྟ།

མཐོན་པོའི་གྲལ་དང་བདག་མེད་འཁྱམ་པོའི་ཁྲོད།།
ངེས་གཏན་གནས་ཡུལ་ཐབ་ཀ་མ་ཟིན་པའི།།
བར་མ་དོ་ན་འཁོར་བའི་ཁ་རྒྱགས་འགའི།།
རང་བཙན་སྒྲོགས་པ་གཏད་སོ་ཅི་ཞིག་མཆིས།།

དེ་ལས་མང་བ་། “རྒྱ་མིན་བོད་མིན་བུ་ཡི་རང་བཙན་ལ།། ཕན་ཕྱིར་དབུ་མའི་བཅད་མ་ཤར་མར་སྤྲིངས།།” »

ནག་པོ་སྦྲུལ་གྱི་མདུད་པ།

ངའི་བརྩེ་བའི་སྙིང་གི་དུམ་བུ་ཁྱོད། ཁྱོད་ཁྱོད་རང་གི་ཨ་མའི་ལྟོ་བ་རུ་སླེབས་ནས་བདུན་ཕྲག་བདུན་སོང་བའི་དེ་རིང་གི་ཉིན་མོ་འདིར། ངས་ཁྱོད་ལ་འཕྲིན་ཡིག་འདི་འབྲི་བཞིན་ཡོད། མ་གཞི་གློ་བུར་པའི་དོན་རྐྱེན་འདིས་ང་ནི་བསམ་ཡུལ་ལས་འདས་པའི་ངང་གློ་བུར་དུ་ཨ་ཕ་ཞིག་གི་མིང་ཐོགས་པར་གྱུར་སོང་། ཁྱོད་ཀྱི་ཨ་ཕ་རུ་གྱུར་སོང་། འདི་ལྟར་ང་ཨ་ཕ་རུ་གྱུར་པའི་གནས་ཚུལ་ལ་ནི། ངོ་མ་བཤད་ན་ད་ལྟ་ད་དུང་ཡང་ང་ང་རང་ལ་ཡིད་ཆེས་དཀའ་བའི་ཚོར་སྣང་འབྱུང་གིན་འདུག

དེ་ལས་མང་བ་། “ངའི་སྙིང་གི་དུམ་བུ་ཁྱོད།” »

གླིང་ཚ་ཚེ་བརྟན་རྡོ་རྗེ།

ངས་རང་ཉིད་ཀྱིས་བོད་མི་རིགས་ཀྱི་རང་དབང་དང་ཞི་བདེའི་ཆེད། ༧གོང་ས་རྒྱལ་བའི་དབང་བོ་བོད་དུ་གདན་འདྲེན་བྱེད་རྒྱུའི་འབོད་ཚིག་དང་བོད་རིགས་སྐྱ་སེར་བརྒྱ་དང་བཅུ་བཞི་ལྷག་གི་ཁ་ཆེམས་ཁུར་ནས། ང་རང་བོད་ལ་སྐྱེ་བའི་བོད་མི་གཅིག་གི་སེམས། བོད་མི་གཅིག་གི་ན་ཟུག བོད་མི་གཅིག་གི་ཐོབ་ཐང་། བོད་མི་གཅིག་གི་འགན་འཁུར། བོད་མི་གཅིག་གི་འཐབ་རྩོད། དུས་རབས་ཉེར་གཅིག་པའི་བོད་མི་གཅིག་གི་རིགས་ཀྱི་རུས་པའི་གཏིང་ནས་འབུས་པའི་

དེ་ལས་མང་བ་། “ཞི་བའི་གོམ་བགྲོད་ཐེངས་གཉིས་པའི་ཉིན་ཉེར་དྲུག་ལ་ཕྱིར་མིག” »

ཨོ་རྒྱན་ཉི་མ།

རྒྱལ་སྤྱིའི་བོད་ཀྱི་ལོ་ཙཱ་བ་རྣམས་ལ་སེམས་གཏིང་ནས་རེ་སྐུལ་ཞིག་ཞུ་ན་འདོད། དེང་སང་ནང་ཆོས་གཙོར་བྱས་པའི་བོད་ཀྱི་རིག་གཞུང་དབྱིན་རྒྱ་གཉིས་སོགས་འཛམ་གླིང་གི་ཡིག་རིགས་འདྲ་མིན་ནང་སྒྱུར་བཞིན་པ་དང་། མི་རིགས་གཞན་པའི་ཚན་རིག་དང་། དཔལ་འབྱོར། ཆབ་སྲིད་ཀྱི་རིག་པ་སོགས་ཀྱང་བོད་པའི་སྐད་ཡིག་སྟེང་ཚུར་བསྒྱུར་བ་སོགས་མདོར་ན་སྐད་སྒྱུར་གྱི་བྱ་བའམ། ལོ་ཙཱའི་ཕྱག་ལས་གནང་མཁན་མང་དུ་འགྲོ་བཞིན་པ་རེད། ཆོས་དང་། དཔལ་འབྱོར། ཆབ་སྲིད། ཚན་རིག ལོ་རྒྱུས། སུམ་རྟགས་སོགས་ཀྱི་བརྡ་ཆད་མི་འདྲ་བ་མང་པོ་རེད།

དེ་ལས་མང་བ་། “རྒྱལ་སྤྱིའི་བོད་ཀྱི་ལོ་ཙཱ་བ་རྣམས་ལ་ཞུ་འཕྲིན།” »

གླིང་ཚ་ཚེ་བརྟན་རྡོ་རྗེ།

ངའི་ཤ་ཁྲག་གི་རྒྱུད་དུ་གཏོགས་པའི་གཅེས་ཕྲུག་བུ་མོ་ཐར་མ་མཚོ་དང་བུ་ཆུང་ཁ་བའི་ལྷ་སྲས་གཉིས། ཁྱེད་གཉིས་དྲིན་མ་ལོའི་བྱམས་བརྩེའི་འོག་བདེ་ཐང་དང་བཅས་འཚར་ལོངས་བྱུང་བཞིན་པ་གཞིར་བཅས། ཨ་ཕ་ངས་ཁྱེད་མིང་སྲིང་གཉིས་ལ་འཚམས་འདྲི་ཞུ། ཨ་མས་ཡི་གེར་ཕབ་ཞིང་ཁྱེད་གཉིས་ཀྱིས་ཨ་ཕ་ང་དྲན་པའི་སྐོར་ཡང་ཡང་ཐོས་སྟབས། ཨ་ཕ་ངས་ཁྱེད་གཉིས་ལ་སྐད་ལན་དུ་འཕྲིན་ཡིག་འདི་ཡི་གེ་བྲིས་པ་ཡིན། ཨ་ཕ་ང་། ཕལ་ཆེར་ཁྱེད་ཀྱི་སར་ཕྱིར་ཡོང་ཐུབ་རྒྱུའི་ཉིན་མོ་ཞིག་ཡོད་ཁག་པོ་ཡིན་པས་ཨ་མའི་ཁ་ལ་ཉོན།

དེ་ལས་མང་བ་། “ངའི་སྙིང་ནས་གཅེས་པའི་གཅེས་ཕྲུག་གཉིས་ལ།” »

ཤིན་ཏུ་བཀུར་འོས་རང་དབང་འཐབ་རྩོད་པ་གླིང་ཚ་ཚེ་བརྟན་རྡོ་རྗེ་ལགས།

ཁྱེད་རང་ཁམས་བདེ།
ཉིན་ཤས་སྔོན་ཁྱེད་ཀྱིས་གོམ་བགྲོད་ཐེངས་གཉིས་པ་གང་ནས་ཇི་ལྟར་འགོ་འཛུགས་མིན་དང་ས་མཚམས་གང་ནས་བརྒལ་ཏེ་གོམ་བགྲོད་གནང་མིན་སྐོར་ལ་བགྲོ་གླེང་ཚོགས་རྒྱུ་ཡིན་པ་བདག་གིས་སྔ་ས་ནས་ཤེས་རྟོགས་བྱུང་ནའང་ལས་དོན་ཞིག་གིས་ཁྱེད་ཀྱི་བགྲོ་གླེང་ལ་ཉན་རྒྱུའི་གོ་སྐབས་མ་བྱུང་ཙང་། ད་ལྟ་བདག་གིས་ཁྱེད་ལ་བཤད་འདོད་པའི་སྐད་ཆ་ཚིག་ཀ་འགའ་ཁུ་སིམ་མེར་འཕྲིན་ཡིག་ཏུ་འབྲི་བཞིན་ཡོད།

དེ་ལས་མང་བ་། “གླིང་ཚ་ཚེ་བརྟན་རྡོ་རྗེ་ལ་སྤྲིངས་པའི་འཕྲིན།” »

ཨེ་མ་ཧོ།

ན་མོ་གུ་རུ་ནྰ་ག་ཛུ་ན་ཡེ།
ཀ་མ་ལ་ལྟར་ལྷག་བསམ་དཀར་པོ་ཁ་བ་དཀར་པོ་ཚུར་གསོན་དང་། །
ག་དུས་ཡིན་ཡང་དུང་ཞེན་དཀར་པོ་ང་དང་ཁྱེད་ལ་ལྷད་མེད་ཕྱིར། །
ཅ་ཅོའི་ཚིག་ལ་སྙིང་པོ་མེད་ཀྱང་ཆ་འཇོག་ཡོད་པའི་སྙིང་གཏམ་ཞིག །
ཇ་འཐུང་ངོ་དགའི་ཚུལ་འཆོས་མིན་པར་ཉ་ཉོག་བདག་གིས་ཚིག་འགའ་ཐལ། །

དེ་ལས་མང་བ་། “ཀླུ་སྨྱོན་ཧེ་རུ་ཀ་པ་ལར་གུས་ཕུལ།” »

གླིང་ཚ་ཚེ་བརྟན་རྡོ་རྗེ།

སྙིང་ནས་བརྩེ་བའི་བཀའ་དྲིན་གཞལ་དུ་མེད་པའི་ཕ་མ་གཉིས་དང་ནུ་མོ་ལགས། ཁྱེད་ཅག་སྐུ་ཁམས་བདེ་ཐང་ཡིན་པ་གཞིར་བཅས་འཚམས་འདྲི་དང་བཅས་ཞུ་སྙིང་། ཕྲན་བུ་ཆུང་ས་ཡ་དྲུག་གི་བུ་གླིང་ཚ་ཚེ་བརྟན་རྡོ་རྗེ་ནས། རང་ཉིད་ཀྱི་སྐོར་ལ་སེམས་ཁྲལ་བྱེད་མི་དགོས་པའི་རྒྱུ་མཚན་ཕྲན་བུ་ཞུ་ཆོག་པ་གནོངས་། བདག་གི་ལུས་སེམས་གཉིས་ལ་དཀའ་ངལ་གང་ཡང་མེད་པར་བདེ་ཐང་ཡིན་པ་ནི། བསླུ་མེད་མཆོག་གསུམ་དང་༧རྩ་གསུམ་༧བླ་མ་༧གོང་ས་མཆོག་གིས་བཀའ་དྲིན་གྱི་སེམས་ལ་དཀའ་ངལ་མེད་པ་དང་ལུས་ལ་ན་ཚ་ཕྲན་བུ་ཙམ་ཡང་མེད་པ་༧ཁོང་གིས་ཐུགས་རྗེ་དང་།

དེ་ལས་མང་བ་། “བཙོན་ནས་ཕ་མ་གཉིས་དང་ནུ་མོར་སྤྲིངས་པའི་འཕྲིན།” »

བོད་སྒྱུར་བྱེད་མཁན། ཚངས་དབྱངས།

༄༄། །བཀུར་འོས་གྲོས་ཚོགས་སྔོན་རྩིས་ཚོགས་ཆུང་གི་ཚོགས་གཙོ་སྐུ་ཞབས་ཧལ་རོ་ཇར་ (Hal Rogers)མཆོག་གི་དྲུང་དུ།

ཨེ་ཤེ་ཡ་རང་དབང་རླུང་འཕྲིན་ཁང་ནང་གི་གནད་དོན་འགའ་ཤས་ཐད་ལ་ང་རང་བློ་མི་བདེ་བ་ཡོང་ཞིང་། དེ་ཡང་འདི་ལྟར་ཡོང་བའི་རྒྱུ་མཚན་ནི། ངས་གྲོས་ཚོགས་ཀྱི་ཕྱི་སྲིད་ལྷན་ཚོགས་ཀྱི་ལྟ་ཞིབ་དང་ཞིབ་བཤེར་ཚོགས་ཆུང་གི་ཚོགས་གཙོའི་མིང་ཐོག་ནས་ལོ་གཉིས་རིང་ངེད་ཚོའི་རྒྱལ་སྤྱིའི་རླུང་འཕྲིན་མ་ལག་ལ་བརྟག་དཔྱད་བྱས་པའི་མཇུག་འབྲས་དང་འབྲེལ་བ་ཡོད།

དེ་ལས་མང་བ་། “ཨ་རིའི་གྲོས་ཚོགས་འཐུས་མི་ཞིག་གི་ཡི་གེ” »

༄༅།། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་གཙོ་འཛིན་གསར་པ་སྐུ་ཞབས་ཞིས་ཅིན་ཕིན་མཆོག་གིས་གཙོས་རྒྱ་ནག་དབུས་གཞུང་གི་འབྲེལ་ཡོད་དཔོན་རིགས་རྣམ་པ་དང་རང་སྲེག་བསྟུད་མར་འབྱུང་སའི་ས་གནས་དཔོན་རིགས་རྣམས་ཀྱི་མདུན་སར།།

      ཆེད་ཞུ། རྣམ་པ་ཚོས་ཤེས་གསལ་བཞིན། འདས་པའི་ལོ་དྲུག་ཅུ་ལྷག་རིང་༧གོང་ས་༧སྐྱབས་མགོན་ཆེན་པོ་མཆོག་གི་དབུས་གཞིས་བྱེས་བོད་མི་ཡོངས་ནས་རྒྱ་ནག་གཞུང་གིས་བོད་ཐོག་འཛིན་པའི་ནོར་འཁྲུལ་ཅན་གྱི་སྲིད་བྱུས་ལ་བསྒྱུར་བཅོས་ཡོང་སླད་དབུས་དང་ས་གནས་ཀྱི་འབྲེལ་ཡོད་དཔོན་རིགས་ཁག་ལ་རེ་སྐུལ་དང་ཞུ་འབོད་མཚམས་མ་ཆད་པར་བྱས་ཤིང་།

དེ་ལས་མང་བ་། “ཞིས་ལ་ཕུལ་བའི་སྙན་ཞུ་ཆ་ཚང། An open letter to Xi Jinping” »

གྲོགས་པོ། ཁམས་བདེ། འུ་ཅག་གི་གཅེས་ཕྲུག་ཤར་གྱི་གནས། དུང་གི་མདོག རིའི་གཟུགས། ཡི་གེའི་ཁྲབ། བསམ་བློའི་སྲོག་ཅན་དེ་རྐྱེན་ངན་བར་ཆད་མེད་པར་བདེའམ། ད་ལྟ་ལོ་ན་སོ་དུ་ལ་བུད་ཟིན། སྨྲ་ལྕེ་དང་སྒལ་ཚིགས་རང་དབང་ན་གནས་སམ། ཞོགས་དང་འགྱན་དང་བྱང་དང་མེ་སོགས་བདེ་སྒང་དུ་གནས་སམ། ཆར་རླུང་ཁྲོད་སྐད་སྒྲ་སྒྲོག་གིན་འདུག་གམ། ད་རུང་།
སྤུན་ཟླ་མཆེད་གྲོགས་ཞོགས་ལྗང་། རྣོ་སྦྲེང་། སྤྱན་དུངས། སྒྲེན་པོ་སོགས་བདེ་མོ་ཡིན་ནམ། ནུབ་བྱང་ཚང་གི་རུ་ཐུར་དང་འཛུམ་དྲུག་སྔར་ལྟར་རྣོ་ངར་དང་འོད་སྣང་གིས་ཡོད་དམ། ཐུན་མོང་གི་རྨི་ལམ་ལ་སྨོན་ལམ་གཅིག་ཏུ་འདེབས་པའི་རོགས་ཚོའི་བསམ་དོན་ལྷུན་གྱིས་འགྲུབ་པར་སྨོན།

དེ་ལས་མང་བ་། “ཁྲག་ཡིག་རྩོམ་པ་པོ་ཐེའུ་རང་གིས་བཙོན་ནས་གྲོགས་པོར་སྤྲིངས་བའི་འཕྲིན།” »

༼ གཤམ་གྱི་སྙན་ཞུ་འདི་ནི་ཨ་རི་གཙོས་ཕྱི་རྒྱལ་ཡུལ་གྲུ་ཁག་གི་རྒྱ་རིགས་མང་གཙོ་དོན་གཉེར་བའི་ཚོགས་པ་ཁག་ཅིག་ཐུན་མོང་ནས་བྲིས་པའི་རྒྱལ་ཁབ་ཁག་གི་གྲོས་ཚོགས་འཐུས་མི་དང་།  གཞུང་གི་འགོ་ཁྲིད།  ཡུ་རོབ་མནའ་མཐུན་ཚོགས་པ། མཉམ་འབྲེལ་རྒྱལ་ཚོགས་སོགས་ལ་ཕུལ་རྒྱུའི་བོད་པའི་རང་ལུས་མེར་བསྲེགས་སྐོར་གྱི་འབོད་སྐུལ་སྙན་ཞུ་ཞིག་ཡིན་པ་དང་། ཕྱི་ཚེས་ ༢༥ ཉིན་གྱི་དགོང་དྲོ་དངོས་སུ་དྲྭ་ཐོག་ཏུ་འགྲེམས་སྤེལ་དང་ཆབས་ཅིག འབོད་སྐུལ་ཡི་གེ་དེར་ས་རྟགས་བསྡུ་ལེན་གྱི་ལས་འགུལ་ཞིག་མགོ་འཛུགས་གནང་ཡོད་འདུག ༽

༄༅།  གུས་བརྩི་འོས་པའི་༼སྙན་ཞུ་འབུལ་ཡུལ།༽མཆོག་ལ།

            ཕྱི་ལོ་ ༢༠༠༩ ཟླ་ ༢ པ་ནས་བཟུང་རྒྱ་ནག་དམར་པོའི་དབང་འོག་ཏུ་ཡོད་པའི་བོད་རིགས་ས་ཁུལ་དུ་བོད་མིས་རང་ལུས་བསྲེགས་པའི་གནས་ཚུལ་བསྟུད་མར་ཐོན་པ་མ་ཟད།  སྐབས་རེ་ཉིན་གཅིག་ལ་སེར་སྐྱ་མི་གྲངས་བཞིས་རང་ལུས་བསྲེགས་པའི་གནས་ཚུལ་ཡང་བྱུང་ཡོད།

དེ་ལས་མང་བ་། “རྒྱ་རིགས་ཚོས་འབོད་སྐུལ་སྙན་ཞུ།” »

སྤྲུལ་སྐུ།

ཀ་ཡེ་སྙིང་སྡུག་གླིང་ཚའི་ཕོ་རྒོད་ལགས།།
ཁ་བའི་ལྷ་སྲས་ཞི་མོ་ཐར་མོ་མཚོ།།
ག་ཆད་ངང་ནས་ཨ་ཕར་འབོད་ཐེངས་རེས།།
ང་ཡི་གློ་སྙིང་སྟེང་འོག་བརྗེས་ཙམ་བྱུང་།།

དེ་ལས་མང་བ་། “མ་བུ་གསུམ་གྱི་ཚབ་ཞུས་ནས་གླིང་ཚ་ཚེ་རྡོར་ལ་སྤྲིངས་པའི་ཀ་འཕྲིན།” »

དེ་ལས་མང་བ་། “རེབ་གོང་གི་དགོན་པ་སོ་སོའི་བླ་མ་དགེ་བཤེས་ལས་ཀྱི་སྣེ་མོ་བ་ཡོངས་དང་སྡེ་བ་ཡོངས་ཀྱི་རྒན་པ་བསམ་ཤེས་ཅན་བཅས་ནས་ལྷག་བསམ་རྣམ་དག་གིས་རང་རིགས་སྐྱ་སེར་ཡོངས་ལ་ཕངས་སེམས་དང་རེ་བ་ཆེན་པོས་སྙན་བསྐུལ་ཞུ་ཡིག” »

དོལ་སྨྱོན།
—བསྟན་འཛིན་དཔལ་འཛོམས་ལ་ཕུལ་བ།

ཁྱོད་ཀྱི་ལུས་པོ་ཆུང་བས་ཡིན་ནམ། ཁྱོད་ཀྱི་ལོ་ཚད་ཆུང་བས་ཡིན། ཡང་ན། ཁྱོད་ཀྱི་གཤིས་ཀའི་རྐྱེན་པས་ཡིན། གང་ལྟར། ངས་ཁྱོད་ལ་བུ་མོ་ཆུང་ཆུང་ཞེས་འབོད་སྙིང་འདོད། དེ་ཡང་ཡིན་ཏེ། ལྷད་མ་ཞུགས་པའི་ཁྱོད་ཀྱི་སྤྱོད་པ་དག་གིས། ཁྱོད་ཆུང་ཆུང་ཡིན་པ་མཚོན་ལ། གཡའ་མ་འདྲེས་པའི་ཁྱོད་ཀྱི་སེམས་ཁམས་གཙང་མ་དེ་ཡིས། དེ་བས་ཀྱང་ཁྱོད་ཆུང་ཆུང་ཡིན་པ་མཚོན་ཐུབ།འབུར་དུ་ཐོན་པའི་ཁྱོད་ཀྱི་མིག་ཟུང་ལས་གསལ་བོར་མཐོང་ཐུབ་པ་ནི། ཤན་མ་ཞུགས་པའི་ཁྱོད་ཀྱི་སེམས་ཁམས་གཙང་མ་དེ་ཡིན་ལ། དྲི་མས་དག་པའི་ཁྱོད་ཀྱི་སྤྱོད་པ་ལས་ངེས་གཏན་རྙེད་ཐུབ་པ་ནི། སྐྱོན་གྱིས་སྟོང་བའི་ཁྱོད་ཀྱི་གཤིས་སྤྱོད་གཙང་མ་དེ་ཡིན།

དེ་ལས་མང་བ་། “བུ་མོ་ཆུང་ཆུང་།” »

དྲང་སྲོང་།

༡༽ ངོ་སྤྲོད།

ང་ཚོ་བོད་མི་རིགས་ལ་རྒྱ་མི་རིགས་ལྟར་ཆབ་སྲིད་ཀྱི་འཐབ་རྩོད་བྱེད་པའི་བློ་སྒོ་ཆེན་པོ་ཕྱེས་མེད་ལ། རྒྱ་མི་རིགས་ལྟར་ཆབ་སྲིད་ལ་རྔམས་ནག་པའི་བྱ་སྤྱོད་ཕར་ཞོག་དེ་འདྲར་བག་ཆགས་ཀྱང་བཞག་པ་ཉུང་ཉུང་རེད། དེ་ནི་གཏིང་ཇུས་མི་བསྟེན་པ་དང་ལས་དོན་ཐད་ཀར་སྒྲུབ་སྟངས་ཀྱི་ཆ་ནས་རང་བཞིན་མི་གཤིས་རང་ལ་ཁྱད་པར་ཆེན་པོ་ཤོར་ཡོད་པ། ད་ལྟ་ད་དུང་མིའི་གཤིས་ཀ་ལ་བལྟས་ན་གསལ་མཁྱེན་ཐུབ་པ་དེ་རེད།

དེ་ལས་མང་བ་། “གཞིས་ལུས་བོད་མི་ཚོར་སྤྲིངས་པའི་རང་སྐྱོང་རྩོད་ཐབས།” »

རྔ་བ་བརྒྱད་གསུམ་གཅིག་དྲུག

བཀུར་འོས་གཞོན་ནུ་ལྷན་རྒྱས་ལགས།
ཁྱེད་ཅག་གིས་རང་མི་རིགས་ཀྱི་བདེན་དོན་དང་རང་དབང་སླར་གསོའི་ཆེད་དུ་དཀའ་སྡུག་གང་ཞིག་འཕྲད་ཀྱང་། ལོ་རྒྱུས་ཀྱི་ཁུར་བོ་ཕྲག་ཏུ་བླངས་དེ་སྤོབས་སེམས་ཀྱིས་མགོ་བོ་མཐོ་པོ་དེ་ཞུམ་མེད་དཔའ་ངར་གྱིས་ཕྱུག་པའི་ཆོད་སེམས་འགྱུར་བ་མེད་པ་ནི། གངས་ཅན་པའི་སྒེར་ཚུགས་ཀྱི་རིན་ཐང་ཡིན་པས་ངས་ཁྱེད་ཅག་ལ་སྙིང་ཐག་པ་ནས་བཀའ་དྲིན་མི་ཉུང་བ་ཞུ་རྒྱུ་ཡིན། ད་དུང་ལོ་འདིར་ཁྱེད་ཅག་གིས་རང་སྲོག་དང་བསྡོངས་བའི་རླབས་ཆེ་བའི་ལས་འགུལ་གང་མང་ཞིག་མཐོང་མཐོང་རིག་རིག་ཏུ་ཐ་ན་འཚམས་འདྲི་ཞིག་ཀྱང་བྱེད་མ་ཐུབ་པ་དེ་ཡང་། སྒྲིག་འཛུགས་ཤིག་དང་ཡང་ན་བྱ་བའི་བྲེལ་འཚུབ་ཀྱི་དབང་གིས་ལན་ཟེར་ན་དེ་བས་ཀྱང་ངོ་ཚ་ཞིག་ཡིན་པས་གུ་ཡངས་གནང་རོགས།

དེ་ལས་མང་བ་། “བོད་ཀྱི་གཞོན་ནུ་ལྷན་ཚོགས་ལ་བསྲིངས་པའི་འཕྲིན།” »

༼བོད་མི་མང་སྤྱི་འཐུས་ལྷན་ཚོགས་ཀྱི་དྲ་ཚིགས་ནས་འདིར་འདྲེན་བཀོད་ཞུས།༽

རྒྱ་ནག་གུང་ཁྲན་ཏང་གི་སྐབས་བཅོ་བརྒྱད་པའི་ཚོགས་ཆེན་ལ་བོད་མི་མང་སྤྱི་འཐུས་ལྷན་ཚོགས་ཀྱིས་སྤེལ་བའི་ཞུ་སྐུལ།

འདས་མ་ཐག་པའི་ཟླ་ ༡༠ པ་གཅིག་པུའི་ནང་བོད་ནང་བོད་མི་ ༡༠ ཙམ་གྱིས་རང་ལུས་མེར་བསྲེགས་བཏང་བ་དེ་ནི། ད་བར་བོད་ནང་ཛ་དྲག་གི་རང་ལུས་མེར་བསྲེགས་བཏང་བའི་ལས་འགུལ་གཞི་རྒྱ་ཆེ་ཤོས་ཀྱི་ཟླ་བ་ཞིག་ཆགས་ཡོད། ང་ཚོས་ཤེས་རྟོགས་གསལ་པོ་བྱུང་བར་གཞིགས་ན། ད་བར་བོད་ནང་བོད་མི་གྲངས་ ༦༣ གྱི་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་གནང་ཡོད་པ་དེའི་ནང་ཕོ་གྲངས་ ༥༥ དང་། མོ་གྲངས་ ༨ དགེ་འདུན་པ་གྲངས་ ༢༡ བཙུན་མ་གྲངས་ ༣ སྐྱ་བོ་གྲངས་ ༣༤ བུད་མེད་གྲངས་ ༥ ལོ་ན་མཐོ་ཤོས་དགུང་ལོ་ ༦༤ དང་། ཆུང་ཤོས་དགུང་ལོ་ ༡༧ ཆགས་ཡོད།

དེ་ལས་མང་བ་། “བོད་མི་མང་སྤྱི་འཐུས་ལྷན་ཚོགས་ཀྱིས་རྒྱ་ནག་གི་ཚོགས་ཆེན་ ༡༨ པར་ཞུ་སྐུལ་ཡི་གེ” »