གླིང་ཚ་ཚེ་བརྟན་རྡོ་རྗེ།
ད་ལྟ་ང་རང་བདེ་ཐང་ཡིན་རིགས་ཀྱི་སྤུན་ཟླ་ཚོ། ཆུ་ཚོད་ཉེར་བཞིའི་རིང་དུ་ཕྱི་ལོག་ལ་གོམ་བཀང་སྤོ་ས་མེད་པའི་ཁང་མིག་ཞིག་གི་ནང་དུ་ཡོད། འདི་ལ་ཡོང་མཁན་གྱི་མི་ཡང་ཉིན་རེ་བཞིན་མི་ཆད་པར་བརྗེ་སྒྱུར་བྱས་ནས་འགྲོ་འོང་གི་མི་ནི་ཧ་ལས་པའི་མང་བོ་རེད། འདི་ནི་ཐོངས་ཆེན་ལག་ཁྱེར་ཞིབ་གཤེར་ཁང་གི་བཀག་བསྐྱེལ་ཁང་རེད།
དེ་ལས་མང་བ་། “སེམས་ཁྲལ་མ་བྱེད་རིགས་ཀྱི་སྤུན་ཟླ་ཚོ། ང་རང་བདེ་ཐང་ཡིན།” »
བདུད་བྷེའི་གྲོགས་པོ་གཡུ་འབྲུག
ཁ་སང་སྔ་དྲོ་གླུ་བ་བདུད་བྷེས་ཁ་པར་ཞིག་གིས་ང་རང་བོས་བྱུང༌།
ཁོང་གིས་ང་ལ་འདི་སྐད་གསུང་གི ད་སྐབས་མཚོ་སྔོན་གསར་འགྱུར་དང་ དྲ་ཐོག་རྣམས་སུ་ང་སྨན་ཁང་ན་ཡོད་པའི་གནས་ཚུལ་མང་པོ་གླེང་ཞིང༌། ཁྱད་པར་ང་ལ་དགའ་ཞིང་དུང་བའི་སྤུན་གྲོགས་མང་པོས་ཐུགས་ཁུར་བྱས་འདུག་པར་གླེང༌། ཁྱོད་ཀྱིས་ངའི་ངག་ཚབ་བྱས་ནས་དེ་ཚོར་ལན་གསལ་བོ་ཞིག་འདེབས་རོགས་གྱིས།
གྱི་ན་བ་བཞག་ལྡོམ་དར་རྒྱས་ཀྱིས་གུས་ཕྱག་དང་བཅས་བསོལ་བ་འདེབས་པའི་སྙིང་པོར་། གུས་པ་ནི་ནམ་ཡང་༧གོང་ས་མཆོག་གིས་སྲོལ་བཏོད་པའི་གཉིས་སྨན་དབུ་མའི་ལམ་ལ་ཡང་དག་པའི་ཡིད་ཆས་དང་རྒྱབ་བསྐྱོར་བྱེད་མཁན་ཚོའི་གྲས་ཤིག་ཡིན་པའི་ཆ་ནས་། ཁྱེད་ཚོས་གཉིས་སྟོང་བཅུ་གཉིས་སྤྱི་ཟླ་ལྔ་བའི་ཚེ་བརྒྱད་ཉིན་བསྒྲགས་གཏམ་ཞིག་སྤེལ་བའི་ནང་དུ་”བཙན་བྱོལ་བོད་མི་ཡོངས་ལ་འབོད་སྐུལ་ཞུ་རྒྱུ་ཞིག་ནི། ཚེ་བརྟན་རྡོ་རྗེ་མ་བུ་གསུམ་ལྟར་བོད་མི་དཀྱུས་མ་ཞིག་གིས་བོད་གཞིས་བྱེས་མི་མང་གིས་མངོན་འདོད་རྒྱ་གཞུང་ལ་དངོས་སུ་བརྡ་སྤྲོད་བྱེད་ཆེད། རང་ཉིད་བློས་གཏོང་གནང་བ་འདི་ནི་ཡོངས་སུ་རྒྱབ་སྐྱོར་གྱི་གནས་ཤིག་ཡིན་སྟབས། དབུ་མའི་ལམ་མི་མང་ལས་འགུལ་ཁང་གིས་མུ་མཐུད་རྒྱབ་སྐྱོར་ཞུ་རྒྱུ་ཡིན་ལ།
དེ་ལས་མང་བ་། “བཀུར་འོས་བའི་དབུ་མའི་ལམ་ལས་འགུལ་ཁང་གི་ལས་བྱེད་ཡོངས་ཀྱི་ཞབས་དྲུང་དུ་།” »
༼དབུས་བོད་མིའི་སྒྲིག་འཛུགས་ཀྱི་བོད་ཡིག་དྲ་ངོས་ནས་འདིར་འདྲེན་བཀོད་ཞུས།༽
ཕྱི་ལོ་ ༢༠༡༢ ཟླ་ ༤ ཚེས་ ༢༣ ཉིན་ཨ་རིར་རྟེན་གཞི་བྱས་པའི་༸གོང་ས་༸སྐྱབས་མགོན་ཆེན་པོ་མཆོག་གིས་དམིགས་བསལ་སྐུ་ཚབ་བཀའ་ཟུར་རྒྱ་རི་བློ་གྲོས་རྒྱལ་མཚན་མཆོག་གིས་ཝ་ཤིང་ཊོན་དུ་ཨ་རི་ཕྱི་འབྲེལ་ལས་དོན་ཚོགས་ཆུང་ལ་གསུང་འཕྲིན་ཞིག་ཕུལ་བའི་ནང་འཁོད་དོན།
རྣམ་པ་ཚོས་མཁྱེན་གསལ་ལྟར་འདས་པའི་ལོ་མང་རིང་ངས་རྒྱ་ནག་གཞུང་དང་ལྷན་གྲོས་མོལ་བྱ་རྒྱུའི་སྐུ་ཚབ་ཚོགས་ཆུང་གི་འགོ་ཁྲིད་བྱས་ཡོད། འོན་ཀྱང་དེ་རིང་འདིར་ངས་གྲོས་མོལ་གྱི་བརྒྱུད་རིམ་ཐོག་ཡར་རྒྱས་ཇི་འདྲ་བྱུང་མིན་སྐོར་སྙན་གསེང་ཞུ་རྒྱུ་གང་ཡང་མེད། གང་ཡིན་བརྗོད་ན། གནད་དོན་དེའི་ཐོག་གསར་པ་ཞུ་རྒྱུ་གང་ཡང་མེད།
གསང་གྲོལ་གྱིས་བསྒྱུར།
སྲིད་འཛིན་ཧོའུ་ཅིན་ཐོ།
ཀྲུང་ཧ་མི་མང་སྤྱི་མཐུན་རྒྱལ་ཁབ།
པེ་ཅིན། རྒྱ་ནག
བརྩེ་བའི་སྲིད་འཛིན་སྐུ་ཞབས་ལགས།
བོད་མི་མང་གིས་ཁོ་ཚོའི་འབོད་སྒྲ་ཐོས་ཐུབ་པའི་རེ་བ་བཟུང་ཡོད་ལ། ཁོ་ཚོས་དོན་དངོས་ལྡན་པའི་རང་སྐྱོང་ཞིག་ལ་དུས་ཡུན་རིང་པོར་འཚོལ་སྙེགས་བྱེད་པ་དང་། དེ་ཡང་གྲོས་མོལ་དང་བརྩེ་བའི་རོགས་རམ་བརྒྱུད་རང་སྐྱོང་རག་པའི་ཐབས་ལམ་བདམས་ཡོད། ད་ལྟ་ཁོ་ཚོ་ངོ་རྒོལ་གྱི་ཕྱོགས་སུ་བསྐྱོད་པ་དང་། བོད་མི་ཡིས་རང་ལུས་མེར་བསྲེགས་ཏེ་ཁོ་ཚོའི་ཁོང་ཁྲོ་རྣམ་པ་ཕྱིར་སྟོན་གྱི་ཡོད་ལ། བྱེད་ཐབས་ཤུགས་དྲག་འདི་ལ་རྒྱལ་སྤྱིའི་སྤྱི་ཚོགས་ཀྱིས་དོ་སྣངབྱེད་ཀྱི་ཡོད། རྒྱ་ནག་སྲིད་གཞུང་གིས་ཁོང་ཚོའི་འབོད་སྒྲར་ཉན་དགོས་ལ། ཁོ་ཚོའི་སྐྱོ་སྡང་ལ་བསམ་ཤེས་ཀྱིས་འཚེ་མེད་ཞི་བའི་སྒོ་ནས་སེལ་ཐུབ་པའི་ཐབས་ལམ་འཚོལ་དགོས་བ་རེད།
…….. བོད་ཀྱི་བདེན་དོན་ཆེད་རང་ལུས་མེར་མཆོད་བཏང་བའི་རྣམ་ཤེས་དག་གིས།
ཨ་མདོ་མུ་ཏོ་བ།
རེ་བའི་ན་ཟུག་གི་སྨྲེ་སྔགས་འབྱིན་པ་ཨ་མདོའི་མུ་ཏོ་བ་ཞིག་གིས་ཚོར་འདུ་དྲག་པོས་མ་བཟོད་པར་རྒྱལ་སྤྱིའི་ལས་ལ་སྤྲང་སྡུག་གི་ཚུལ་གྱིས་ཁོ་བོ་ཅག་གི་རེ་འདུན་གཟུགས་རིས་སུ་བཀོད་དེ་འཕགས་ཡུལ་དུ་སྤྲིངས་བ་དེ་ཡི་བརྗོད་ཚིག་ཇི་ལྟ་བ། རྒྱ་བོད་མཚམས་ཀྱི་གནད་དོན་ཉོག་ཟིང་གི་རྣམ་པ་ཅན་དེ་ག་རྨེག་མེད་ཉིད་དུ་སངས་སྟེ། སྐམ་ས་ཆེན་པོའི་མི་རིགས་དམངས་ཚོགས་འདི་རྣམས་སྲིད་ན་མངོན་པར་མཐོ་ཆེད་ཆོས་མཐུན་གྱིས།
ཆབ་བྲག་ཕོ་ཉ།
བཀུར་བར་འོས་པའི་ཀྲུང་གོའི་རིགས་སོ་སོའི་རྒྱ་ཆེའི་མི་དམངས་རྣམས། ཁྱེད་ཚོས་བོད་ཀྱི་འདས་པའི་ལོ་རྒྱུས་གསལ་བོ་ཞིག་ཤེས་མེད་ལ་ད་ལྟའི་བོད་ཀྱི་གནས་བབ་ངོ་མ་ཡང་ཤེས་ཀྱིན་མེད། དེ་བས་བོད་ལ་གདུང་སེམས་མཉམ་སྐྱེད་ཀྱི་རྒྱབ་སྐྱོར་ཡང་གནང་ཐུབ་ཀྱིན་མེད་ངེས་ན་ངས་འདིར་བདེན་པའི་གསལ་འདེབས་འགའ་ཞུ་འདོད་བྱུང་།
དང་པོ། བོད་ལ་བཙན་འཛུལ་བྱས་པ།
༡༩༤༩། ༡༠།༡ ཉིན་རྒྱ་ནག་དམར་ཤོག་གི་རྒྱལ་ཁབ་གསར་བཙུགས་ཁྱབ་བསྒྲགས་ཟིན་པའི་རྗེས་ནས་བོད་ལ་དཔུང་འཇུག་བྱས་ཏེ། ༡༩༥༠།༡༠།༡༨ ཉིན་ཆབ་མདོར་བོད་ཀྱི་གཞུང་དམག་ཕམ་པར་བཏང་ཞིང་། དེ་རྗེས་གཞི་ནས་བོད་གཞུང་གི་མི་སྣ་འགའ་ཆེད་དུ་བཀུག་ནས། ༡༩༥༡།༥།༢༣ ཉིན་པེ་ཅིན་དུ༼ བོད་ཞི་བས་བཅིངས་འགྲོལ་འབྱུང་ཐབས་སྐོར་གྱི་དོན་ཚན་བཅུ་བདུན༽ཟེར་བ་འཇོག་བཅུག་ནས་འཛམ་གླིང་ཡོངས་ལ་བོད་ཞི་བས་བཅིངས་འགྲོལ་བཏང་བ་ཡིན་ཚུལ་འུད་ཀྱིས་བསྒྲགས།
དེ་ལས་མང་བ་། “ཀྲུང་གོའི་རྒྱལ་ཡོངས་མི་དམངས་ལ་བསྒྲགས་པའི་བདེན་ཚིག” »
དངོས་མིང་། གླིང་ཚ་ཚེ་བརྟན་རྡོ་རྗེ། ཚུལ་ཁྲིམས་རྒྱ་མཚོ། སྨྱུག་མིང་། བོད། ཤ་ཁྲག་རུས་གསུམ། བོད། ལྷ་ཀླུ་གཉན་གསུམ། མི་འགྱུར་གངས་ཕྲུག བཅས་ཡིན།
ད་ལྟའི་འཆར་བོད་མི་ཞིག་གི་ངོས་ནས་སེམས་ལ་གཏན་པོར་ངེས་དགོས་པ་དེ་ནི་སྐད་ཆ་སྤོམ་པོ་བཤད་དེ་བསྡོད་པའི་དུས་མ་ཡིན་པར། གཞིས་ལུས་བོད་མི་དག་གི་མངོན་འདོད་འགྲུབ་པར་ལག་ལེན་ངེས་ལ་ཞུགས་པའི་དུས་ཆགས་ཡོད། དེ་ཡི་སྟབས་ཀྱིས་རང་ཉིད་ནི་བྱིས་པ་གཉིས་ཀྱི་ཕ་རྒན་ཆགས་ཡོད་ཀྱང་། བོད་མི་རིགས་ཀྱི་འཆི་གསོན་འདི་ལས་བོད་མི་མང་རྣམས་གཉིད་ལས་སློང་བའི་ཅོང་སྒྲ་ཆུང་ཆུང་ཞིག་ཀྱང་ཉན་ན་བསམ་ནས་རང་གི་བུ་དང་བུ་མོ་གཉིས། མཛའ་མོ་བཅས་བཞག་ནས་ཕྱིར་རྒྱ་གར་དུ་ཡོང་བ་ཡིན། རྒྱ་གར་དུ་དྲིན་ཆེན་ཕ་མ་གཉིས་ཡོད། ཁོང་གཉིས་ཀྱི་བདག་གི་ག་རེ་བྱེད་མིན་ད་ལྟ་ཤེས་ཀྱི་མེད། ཤེས་པའི་སྐབས་སུ་ང་ལ་ཏན་ཏན་བཀོག་འགོག་བྱེད་སྲིད་ན་ཐང་། འོན་ཀྱང་། ངས་རང་ཉིད་བོད་མི་ཞིག་གི་ངོས་ནས་བོད་ལ་འགན་འཁུར་བའི་དུས་ཚོད་ཏན་ཏན་སླེབས་པའི་སྐོར་འབྲེལ་བཤད་རྒྱབ་ན་ཁོ་གཉིས་ཀྱིས་ཉན་སྲིད་པ་རེད་ལ། ཁོ་གཉིས་ཀྱིས་ཏན་ཏན་ང་ལ་རྒྱབ་སྐྱོར་བྱེད་པར་ཡིད་ཆེས་བྱས་ནས་འགྲོ་བཞིན་ཡོད། དེ་རིང་ནས་རང་ཉིད་ནི་བོད་མི་རིགས་ཀྱི་རང་དབང་དང་ཞི་བདེ་ཆེད་དུ་གསོན་པའི་མི་ཞིག་ལས། སྒེར་དོན་འགོ་འཁོར་ནས་སྤྱི་དོན་ལ་སེམས་འཁུར་དང་དང་ལེན་བྱེད་མི་ཐུབ་པའི་མི་ཞིག་གཏན་ནས་མིན་པ་དེ་ཡིན།
དེ་ལས་མང་བ་། “ཞི་བའི་འབོད་ཚིག་ལྔ་དང་ཞི་བའི་གོམ་བགྲོད་ཀྱི་དམ་བཅའ།” »
བོད། ལྷ་ཀླུ་གཉན་གསུམ།
ད་ལྟ་དེ་རིང་ནི་ཨེས་སུ་རལ་གྱི་རྒྱལ་ས་རྗོ་སུ་ལམ་གྱི་འགྲམ་གྱི་གྲོང་བརྡལ་ར་མོ་ཀྲི་ན། ངས་རང་གི་གཅེས་པའི་བུ་དང་བུ་མོ་ཁྱེད་གཉིས་ལ་རང་ཉིད་བོད་མི་རིགས་ཀྱི་ཉེན་འཕྲེང་གི་དུས་ཚོད་འདི་ཉིད་ལ་ཕོ་ཉྭ་ཞིག་བྱེད་དུ་འགྲོ་བར་སེམས་ཐག་བཅད་ཚར་བའི་རྗེས་ཡིན། ད་ལྟ་དགོང་མོའི་ཆུ་ཚོད་དགུ་དང་སྐར་མ་ཉེར་གཉིས་རེད། སྙིང་གི་གཅེས་ཕྲུག་མ། ཐར་མ་མཚོ། ཁྱེད་རང་གཉིད་དུ་གཡུར་ནས་ཆུ་ཚོད་གཅིག་སོང་ཡོད། ཁྱེད་ཀྱི་ནུ་བོ་ཁ་བའི་ལྷ་སྲས་ཨ་མའི་བང་དུ་བཟུང་ནས་གཉིད་འདུག་ལ། ཁྱེད་ཀྱི་ཨ་མ་དང་ཨ་མ་རྒན་མོ་གཉིས་ཀྱིས་བརྙན་འཕྲིན་ཐད་གཏོད་ལེ་ཚན་ཞིག་ལ་ཅེར་ནས་ཡོད།
དེ་ལས་མང་བ་། “གཅེས་པའི་སྙིང་གི་བུ་དང་བུ་མོ་གཉིས་ལ་བྲིས་པའི་འཕྲིན།” »
བོད། ལྷ་ཀླུ་གཉན་གསུམ།
ཁྱོད་ལ་དངོས་ནས་ཁག་མེད། སྤྱིར་བཏང་གནམ་འོག་འདིའི་ཁྱིམ་ཚང་གང་ཞིག་ལ་མཚོན་ནའང་། ཁྱིམ་ཚང་དེ་ལ་ཕ་མ་གཉིས་ཀ་ཡོད་ན། བཟང་ངན་ཡག་སྡུག་གང་བྱུང་རུང་། ཕ་མ་ཟེར་ནས་རྒྱབ་བསྟེན་ས་ཞིག་ཡོད་པ་དང་ཕ་མ་ཟེར་ནས་འབོད་ས་ཞིག་ཡོད་པ་རེད། དེ་ནི་དངོས་ནས་མེད་དུ་མི་རུང་བ་ཞིག་ཡིན་པ་ཁྱོད་ཀྱིས་བདག་ལ་ངར་སྐད་དང་ངུ་སྐད་དང་བཅས་མ་བཤད་ཀྱང་། ངས་ལོས་ཤེས། འོན་ཀྱང་། མི་རིགས་ཤིག་གི་ཉམ་ཉེས་ཁྲོད་དུ། མི་རིགས་ཤིག་གི་འབངས་མི་ཚོ་ལ། རང་ཉིད་ཀྱི་མི་རིགས་ལ་འགན་འཁུར་བའི་ལས་འགན་ཡོད་ལ། དེ་ཉིད་དང་དུ་ལེན་པ་ལའང་། དགོས་པ་དང་རྒྱུ་མཚན་ཞིག་ཏན་ཏན་ཡོད་པ་ཡིན། ལྷག་དོན་དུ་མི་རིགས་ཤིག་གཉའ་གནོན་དང་མནར་གཅོད་ཁྲོད་དུ་ཡོད་ན། དེ་ཡི་ཆེད་དུ་ཡར་བླངས་བྱེད་རྒྱུ་ནི། མི་རིགས་དེ་ལ་སྐྱེ་བའི་སྐྱེ་བོ་ཚང་མས་འོས་འགན་ཆགས་ཡོད་དུས། ངས་ཀྱང་འོས་འགན་དེ་ཉིད་དང་དུ་བླང་དེ་ཁྱེད་དང་བུ་དང་བུ་མོ་གཉིས་མི་སྐྱུར་ཐབས་མེད་ཀྱི་དུས་ཚོད་འདི་ངའི་མགོ་ཐོག་དུ་ལྷུང་བ་ཡིན།
༄༅། མཁྱེན་རླབས་མཚུངས་མེད་ྋམི་རྗེ་ཏེང་ཞའོ་ཕིང་མཆོག་ལ།
ཆེད་འབུལ།
ང་ཚོའི་དབར་ཡང་བསྐྱར་ཐད་ཀར་འབྲེལ་བ་མཐུད་པར་དགའ་ཚོར་ཆེན་པོ་བྱུང༌། འདི་ལ་བརྟེན་ནས་ཕན་ཚུན་འབྲེལ་བ་གོང་འཕེལ་ཐོག ཡིད་ཆེས་དང༌། གནད་དོན་གསལ་རྟོགས་ཡོང་བའི་རེ་བ་ཡོད།
༡༩༩༢ ཟླ་ ༦ ཚེས་ ༢༢ ཉིན་སྐུ་ཞབས་ཏིང་ཀོན་ཀིན་དང༌། རྒྱ་ལོ་དོན་གྲུབ་ངོ་འཕྲད་སྐབས་འཕྲོས་མོལ་ཇི་བྱུང་དང༌། རྒྱ་ནག་གཞུང་གི་བོད་དོན་དཀའ་རྙོག་སེལ་ཕྱོགས་འདོད་ཚུལ་ཇི་ཡོད་སྐོར་ངོས་ནས་གོ་རྟོགས་བྱུང༌། སྐུ་ཞབས་ཏིང་ཀོན་ཀིན་ནས་གུ་དོག་གྱོང་མཁྲེགས་ཀྱི་འདོད་ཚུལ་བཟུང་བ་དང༌། ལྷག་པར་དུ་གྲོས་མོལ་མ་བྱས་གོང་སྔོན་འགྲོའི་ཆ་རྐྱེན་ཁས་ལེན་དགོས་པ་ནན་བརྗོད་ ལ་བློ་ཕམ་ཆེན་པོ་བྱུང༌། ངོས་ཀྱི་བསམ་པར་དཀའ་རྙོག་སེལ་ཐབས་བྱེད་པ་ལ་ལྷག་བསམ་རྣམ་དག་དང༌། གུ་ཡངས། དོན་ཕན་ལྡན་པའི་བསམ་བློ་ཞིག་ཡོད་དགོས།
དེ་ལས་མང་བ་། “ཏིན་ཞའོ་ཕིན་དང་ཅང་ཙེ་མིན་སོ་སོར་སྩལ་བའི་བཀའ་ཡིག་དང་དྲན་ཐོ།” »
ཆེད་འབུལ།
འགྲོ་བ་མི་སྤྱི་དང༌། ལྷག་པར་འབྱོར་མེད་གྲལ་རིམ་གྱི་བདེ་རྩ་གཙོ་བོར་དམིགས་པའི་དམར་པོའི་ལྟ་བ་དང༌། ལེ་ནིན་གྱི་མི་རིགས་འདྲ་མཉམ་གྱི་སྲིད་བྱུས་ལ་ཕྲན་རང་བློ་མོས་དང་ཡིད་ཆེས་ཡོད། ཕྱོགས་མཚུངས་མའོ་ངོ་མཇལ་སྐབས་ལྟ་བ་དང་མི་རིགས་སྲིད་བྱུས་སྐོར་བཀའ་མོལ་བྱུང་རིགས་ལའང་བློ་ཡིད་ཚིམ་པ་བྱུང༌། ལྟ་བ་དང༌། དེ་དང་འབྲེལ་བའི་སྲིད་བྱུས་རྣམས་ལག་ལེན་དོན་འཁེལ་བྱུང་ཡོད་ན་ད་ཆ་མི་སྨོན་རང་སྐྱིད་གཅིག་འབྱུང་ངེས་ཡིན། འོན་ཀྱང༌། འདས་པའི་ལོ་ཉི་ཤུ་ལྷག་གི་རིང་བྱུང་བའི་གནས་ཚུལ་སྤྱི་སྙོམས་ཀྱིས་བཤད་ན། མི་ལ་དགོས་པའི་བདེ་སྐྱིད་ཀྱི་རྩ་བ་དཔལ་འབྱོར་དང༌། ཤེས་ཡོན་ཡར་རྒྱས་མེད་པའི་འཐུས་ཤོར་ཆེ་ཐོག བརྡབས་གསིགས་བཟོད་མ་བདེའི་ངལ་དུབ་ཧ་ཅང་ཆེ་བས་ཏང་དང་མི་མང༌། ལས་བྱེད་དང་མི་མང༌། ལས་བྱེད་ནང་ཁུལ། མི་མང་ནང་ཁུལ་བཅས་པར་ཕན་ཚུན་ཡིད་ཆེས་བརླག་སྟེ། མ་ཡོད་ཡོད་ཚུལ་དང༌། མ་ཡིན་ཡིན་ཚུལ་ཤ་སྟག་གིས་གཅིག་གིས་གཅིག་ལ་མགོ་སྐོར་བསླུ་བྲིད་བྱས་ནས་དོན་སྙིང་དམིགས་ཡུལ་ངོ་མའི་ཐོག་འཐུས་ཤོར་རྗེས་ལུས་ཤིན་ཏུ་ཆེན་པོར་གྱུར། ད་སྐབས་ཕྱོགས་མང་པོ་ནས་བློ་ཁ་མ་ཚིམ་པའི་རྣམ་འགྱུར་རང་བཞིན་གྱིས་ཐོན་ཡོང་བ་ འདི་དག་དམིགས་ཡུལ་དོན་འཁྱོལ་མ་བྱུང་བའི་རྟགས་མཚན་ཤིན་ཏུ་གསལ་པོ་ཡིན།
དེ་ལས་མང་བ་། “༄༅། མཁྱེན་རླབས་མཚུངས་བྲལ་ྋམི་རྗེ་ཏེང་ཞའོ་ཕིང་མཆོག་ལ།” »
ཕབ་བཀོད་པ། བསོད་ནམས་ནོར་བུ། རྣམ་གྲོལ་གླིང་།
ཨ་རིའི་རླུང་འཕྲིན་ཁང་གི་ལས་བྱེད་པ་ཡོངས་ལ་ངས་ཟེར་རྒྱུ་ནི། དེ་རིང་བོད་ནང་གི་མིང་བཤད་འདོད་མེད་པའི་མི་ཞིག་གིས་དབུགས་ཧལ་ཧལ་ངང་། སྐད་ཆ་འདི་ཁྱེད་ཀྱིས་གསར་འགོད་པ་དང་བོད་གཞུང་གི་ལས་བྱེད་པ་ཡོངས་ལ་ཅི་ནས་སྙན་སྒྲོན་ཞུ་རོགས་ཞེས་བརྗོད་བྱུང་། ཁོས་ང་ལ་འདི་ལྟར་ལག་པས་ཐལ་མོ་སྦྱར་ཏེ། སྐར་མ་བཅོ་ལྔ་ཙམ་ལ་མང་པོ་ཞིག་བཤད་སོང་ཡང་། གནད་བསྡུས་ན། དོན་ཚན་གསུམ་དུ་འདུས་ཀྱི་འདུག
༡ བོད་གཞུང་དང་བོད་གཞུང་གི་ལས་བྱེད་རྣམས་ང་ཚོ་བོད་དང་བོད་ནང་གི་བདེ་སྡུག་ལ་ལྟ་རྟོག་དང་། གཟིགས་སྐྱོང་གནང་མཁན་ཡིན་ཟེར་ནས་ང་ཚོས་རེ་བ་དང་རྒྱབ་སྐྱོར་ཆེན་པོས་ཁྱོད་ཚོ་རྐུབ་བཀྱག་ཐོག་བདམས་པ་ཡིན་ཡང་། དོན་དངོས་ཐོག བོད་ནང་གི་བདེ་སྡུག་ལ་ལྟ་རྟོག་དང་གཟིགས་སྐྱོང་ཕར་ཞོག ཁྱབ་བསྒྲགས་ཀྱང་བྱེད་ཀྱི་མི་འདུག བོད་ནང་གི་རྒྱལ་གཅེས་བོད་མི་སྤུན་ཟླ་རྣམས་ཀྱིས་རྒྱ་དམར་གྱི་བཙན་དབང་དང་། མནར་གཅོད། བརྡུང་བརྡེག མཚན་སྨད། བཀག་རྒྱ་སོགས་ཀྱི་སྡུག་བསྔལ་མི་སྤྱོད་ལས་འདས་པ་རྣམས་སེམས་ལ་མ་ཤོང་བར་རང་གི་གཅེས་པའི་ལུས་པོ་ཡང་བོད་བསྟན་པ་ཆབ་སྲིད་ཆེད་ཚ་སྲེག་གི་མེ་ལྕེ་ལ་ཕུལ་གྱི་ཡོད་ཀྱང་། ཁྱོད་ཚོས་དེ་ནས་རང་དབང་གི་ལུང་པ་ན་བག་མེད་སྣང་བ་གང་དྲན་ངང་སྐྱིད་ཉལ་བྱེད་དེ་སྡོད་པ་ལས། འཛམ་གླིང་གི་ཤེས་ལྡན་མི་སྣ་དང་། འཛམ་གླིང་མཉམ་འབྲེལ་རྒྱལ་ཚོགས་ལ་རེ་སྐུལ་དང་རོགས་རམ་ཞུ་བ་ང་ཚོས་མཐོང་གི་མི་འདུག་ལ། ཐོས་ཀྱི་མི་འདུག གལ་སྲིད་ཁྱོད་ཚོས་ཞུས་ཀྱང་། ད་དུང་ཡ་ལན་མ་བྱས་ན་ནི། ཡང་ན། མཉམ་འབྲེལ་རྒྱལ་ཚོགས་ཀྱི་མི་རྣམས་རྣ་འོན་པ་དང་། མིག་ལོང་བ་རྐྱང་རྐྱང་ཡིན་ས་རེད། ཁྱོད་ཚོས་ང་ཚོའི་བདེ་སྡུག་ལ་ཁུར་མ་བླངས་པ་དེ་ལྟར་བྱེད་དུས། ང་ཚོ་འདི་ནས་སེམས་ཤུགས་ཀྱང་ཆགས་ཀྱི་འདུག སྐབས་འགར་སེམས་ནས་ཁྱོད་ཚོ་རྒྱ་གར་ལ་ཡོད་མཁན་བོད་མི་རྣམས་ང་ཚོའི་གཅེན་གཅུང་ཡིན་དྲན་གྱི་མི་འདུག་ལ། གལ་ཏེ་ཁྱོད་ཚོས་ཤུལ་ལུས་སྤུན་ཟླ་རྣམས་ལ་ཕན་མ་ཐོགས་ན་གནོད་དེ་ལྟར་མ་སྐྱེལ་རོགས། སྐུ་མཁྱེན། ཞེས་དང་།
རང་དབང་དང་དྲང་བདེན་ལ་ཐུགས་དགྱེས་ཤིང༌། གཉའ་གནོན་དང་གཞན་དབང་ལ་མགོ་མི་སྒུར་བའི་དཔའ་རྒོད། བོད་དོན་ལས་རིགས་སྤྱིར་ལུས་ཅན་ཞིག་ཡིན་ཕྱིར་རང་གི་ལུས་ཕུང་ནི་གཅེས་ནོར་ཐམས་ཅད་ཀྱི་ནང་ནས་ཆེས་གཅེས་ནོར་དང༌། ཚེ་སྲོག་ནི་རིན་ཆེན་ཐམས་ཅད་ཀྱི་ནང་ནས་ཆེས་རིན་ཆེན་ཞིག་ཏུ་སེམས་པ། མི་མ་ཟད་དུད་འགྲོ་ཚུན་ཆད་ཀྱི་གོམས་གཤིས་སུ་འཇགས་ཡོད་པར་གདོན་མི་ཟ་ལ། འོན་ཀྱང་ཡ་མཚན་དགོས་པའི་དུས་སྐབས་འདིར་མི་འགའ་ཞིག་གིས་རང་ལུས་ལ་མེ་སྤར་ཞིང༌། ཚེ་སྲོག་བློས་བཏང་ནས། གཞན་ལ་མི་འཚེ་བར་ལག་ཟུང་སྟོང་བ་ཕྱར་ཏེ། དབུགས་ཡོད་ཚད་ཀྱིས་རེ་བའི་འབོད་སྐུལ་ཞུ་ས་ནི། འཛམ་བུ་གླིང་གི་ཞི་བདེ་ལ་དགའ་མཁན་གྱི་རྒྱལ་ཁབ་གང་ཡོད་དང༌། མི་ལ་མིའི་སྲིད་དབང་འཛིན་པའི་རང་དབང་ཡོད་ཚད་སྤྲོད་དགོས་ཞེས་སྨྲ་བར་དྲང་བདེན་སྲུང་བའི་མིའི་རིགས་སུ་གནས་པ་ཡོད་ཚད་དག་ཡིན་ལ། རྒྱུ་མཚན་དམིགས་གསལ་གྱི་དུས་བབས་འདིར་བོད་མི་རིགས་ལྟ་བུ་ལ་མཚོན་ན། ཕྱི་ལོ་ ༡༩༥༨ ནས་རྒྱ་ནག་གིས་དྲག་ཤུལ་བཙན་འཛུལ་གྱི་འོག་ཏུ་བོད་མི་རིགས་འདི་བསྡུས་པ་ནས་བཟུང༌།
དེ་ལས་མང་བ་། “སྐུ་འདས་བློ་བཟང་ཚུལ་ཁྲིམས་མཆོག་གིས་གསུངས་རྒྱུར། (བོད་འབྱོར་གནས་ཚུལ།)” »
རྨ་མགུར་སངས་རྒྱམ་གྱིས་བསྒྱུར།
སྤྱི་ལོ་༢༠༡༢་ལོའི་ཟླ་༡་ཚེས་༢༢་ཉིན་དུ་སྤེལ་བའི་རྒྱལ་སྤྱིའི་འགྲོ་བ་མིའི་ཐོང་ཐང་ལྟ་རྟོག་ཚོགས་པའི་ལོ་འཁོར་སྙན་ཐོའི་ནང་དུ་བརྗོད་པ་ལྟར་ན། རྒྱ་ནག་གིས་རང་དང་ལྟ་སྤྱོད་མི་མཐུན་པ་རྣམས་ཀྱི་སྐད་ཆ་འགོག་ཐབས་སུ་ཁྲིམས་དང་འགལ་བའི་སྒོ་ནས་བཙན་ཤེད་ཀྱིས་མི་སྣ་དེ་ཚོ་མི་མངོན་པར་བཟོ་བའི་གཞུང་གི་བྱེད་ཐབས་བཀོལ་བ་དེ་ནི་སྤྱི་ལོ་༢༠༡༡་ལོའི་ནང་དུ་འགྲོ་བ་མིའི་ཐོབ་ཐང་གི་སྲུང་སྐྱོབ་ལ་གཏོར་བཤིག་བཏང་བའི་ལས་དོན་ཚབས་ཆེན་ཞིག་ཡིན་པར་བརྗོད་ཡོད། དེའི་སྙན་ཐོ་ནང་དུ་ཨ་རབ་རྒྱལ་ཁབ་ཁ་ཤས་སུ་གཞི་རྒྱ་ཆེ་བའི་ཟིང་འཁྲུག་གི་དོན་རྐྱེན་ཚུད་པའི་རྒྱལ་ཁབ་དགུ་བཅུ་ལྷག་གི་འགྲོ་བ་མིའི་ཐོབ་ཐང་གི་འཕེལ་རྒྱས་ལ་ཉམས་ཞིབ་བྱས་ཡོད། རྒྱལ་སྤྱིའི་འགྲོ་བ་མིའི་ཐོབ་ཐང་ལྟ་རྟོག་ཚོགས་པས། རྒྱ་ནག་གིས་རྒྱལ་སྤྱིའི་ཁྲིམས་ལུགས་དང་ཡོངས་སུ་འགལ་ཏེ་རྒྱ་ནག་གི་ནག་ཉེས་ལས་དོན་གྱི་ཁྲིམས་ཀྱི་ཟིན་བྲིས་ནང་དུ་གཞུང་དང་ལྟ་སྤྱོད་མི་མཐུན་པ་རྣམས་མི་མངོན་པར་བཟོ་བའི་ཆ་རྐྱེན་རྣམས་བཀོད་པའི་འཇིགས་སྐུལ་གྱི་བྱེད་ཐབས་སྤྱོད་བཞིན་པའི་གནས་ཚུལ་བཤད་ཡོད།
དེ་ལས་མང་བ་། “རྒྱལ་སྤྱིའི་འགྲོ་བ་མིའི་ཐོབ་ཐང་གི་ལོ་འཁོར་སྙན་ཐོ།” »
བོད་མི་སྟོང་ཕྲག་དུ་མ་འཛོམས་ནས་ཞི་བའི་སྐད་འབོད་བྱེད་སར།
ཁྱོད་ཚོས་རྒྱ་དམག་ཁྲི་ཕྲག་དུ་མ་བཏང་ནས་དྲག་གནོན་སྟངས་འཛིན་བྱེད།
ཁྱོད་ཚོས་རང་ཉིད་སྤྱང་པོ་དང་སྟོབས་ཤུགས་ཆེན་པོ་ཡོད་བསམ་གི་ཡོད་པ་འདྲ།
ཁྱེད་ཚོས་མུ་མཐུད་དངུལ་འབོར་ཧ་ལས་པ་བཏང་།
དཔུང་དམག་འབོར་ཆེན་བོད་ནང་གང་སར་འགྲེམས་སྐབས།
བོད་མི་རེ་རེ་བྱས་ནས་རང་ལུས་མེ་རུ་སྦར་ནས་རང་གི་དགོས་འདུན་འདོན་མགོ་ཚུགས།
རྒྱང་རིང་གི་རེ་འདུན། རྒྱལ་སྤྱིའི་བོད་ཀྱི་སྐད་ཡིག་ཚོགས་འདུ་ཐེངས་གསུམ་པར་སྤྲིངས་པ།
༄༅། ། བོད་སྐད་ཡིག་གི་འཛིན་སྐྱོང་སྤེལ་གསུམ་ལ་ཐུགས་ཁུར་མཚོ་ལས་ཟབ་ཅིང་བོད་མི་རིགས་ཀྱི་འདས་མ་ད་གསུམ་ལ་ཐུགས་དགོངས་གངས་ལས་དཀར་བའི་ནམ་མཁའ་ནོར་བུ་རིན་པོ་ཆེ་མཆོག་གཙོས་ཐེངས་འདིའི་གོོ་སྒྲིག་པ་ཡོངས་དང་བོད་ཕྱི་ནང་གཉིས་ནས་ཕེབས་པའི་ཚོགས་ཞུགས་པ་ཡོངས་ལ་འཚམས་འདྲི་བཀྲ་ཤིས་བདེ་ལེགས་ཞུ་བ་དང་ཆབས་ཅིག་ཁྱེད་རྣམས་པས་དཀའ་བ་ཁྲི་ཕྲག་གི་ངལ་བ་དང་དུ་བླངས་ནས་བོད་ཀྱི་སྐད་ཡིག་གི་ཚོགས་འདུ་དེ་གཟི་བརྗིད་ཀྱི་ངང་ཚོགས་ཐུབ་པར་རྟེན་འབྲེལ་ཞུ།
<བོད་ཀྱི་སྐད་ཡིག་རྒྱུན་འཛིན་ཚོགས་པའི་>ངོས་ནས་ཐེངས་འདིར་ཨ་རིའི་ནེའུ་ཡོག་གྲོང་ཁྱེར་(New York)དུ་བོད་སྐད་ཡིག་གི་ཚོགས་འདུ་དེ་འདྲ་ཞིག་བསྐོང་ཐུབ་པར་སེམས་བསམ་པའི་གཏིང་ནས་དགའ་སྤྲོ་དཔག་མེད་སྐྱེས་བཞིན་ཡོད་པ་མ་ཟད་ཐེངས་འདིར་འཛོམས་པའི་བོད་ཕྱི་ནང་གཉིས་ཀྱི་མཁས་པ་དང་ཤེས་ཡོན་པ་ཚོས་བོད་སྐད་ཡིག་དར་སྤེལ་སྤྱོད་གསུམ་གྱི་སྐོར་ལ་བགྲོ་གླེང་ལྷུག་པོ་ཡོང་བའི་རེ་བ་ཡང་ཡོད།
འདིར་ཞུ་འདོད་པ་ནི་<བོད་ཀྱི་སྐད་ཡིག་རྒྱུན་འཛིན་ཚོགས་པས>བོད་སྐད་ཡིག་སྲུང་སྐྱོབ་ཐད་བསྡུས་པའི་བགྲོ་གླེང་དང་ཚོགས་འདུ་གལ་ཆེན་སྐོར་ཞིག་གི་ནང་བོད་སྐད་ཡིག་སྲུང་སྐྱོབ་བམ་དེ་དར་སྤེལ་སྤྱོད་གསུམ་གྱི་སྐོར་ལ་བཏོན་པའི་བསམ་ཚུལ་ཁག་ཅིག་ཞུ་འདོད་པ་དེ་ཡིན་པས་གཤམ་ནས་རིམ་གྱིས་ཞིབ་གཟིགས་གནང་རོགས།
དེ་ལས་མང་བ་། “རྒྱལ་སྤྱིའི་བོད་ཀྱི་སྐད་ཡིག་ཚོགས་འདུ་ཐེངས་གསུམ་པར་སྤྲིངས་པ།” »
ཤ་བོ་ཚེ་རིང་།
བལ་ཡུལ་རྒྱལ་ས་དང་རྡི་ལི་གཉིས་ན་རང་རིགས་མདོ་སྨད་པ་ཁག་ཅིག་གིས་བོད་ནས་ཕེབས་མཁན་ཚོར་ལམ་སྟོན་རོགས་རམ་གནང་བཞིན་པ་ལ་རྗེས་སུ་ཡི་རང་ཞུ་བ་དང་སྦྲགས་རེ་འབོད་ཞུ་བྱ།
ད་ལྟ་བོད་ནས་རྒྱ་གར་ནང་ཆོས་ཞུ་མཆོད་མཇལ་ལ་ཕེབས་མཁན་ཉིན་རེ་བཞིན་འབྱོར་བཞིན་པ་དང་། ལྷ་ས་དང་བལ་ཡུལ། བལ་ནས་རྒྱ་གར་བར་གྱི་ལམ་ཁ་ན་ཉི་མ་རྟག་པར་འགྲུལ་བཞུད་བྱེད་བཞིན་ཡོད་པའི་ཁྲོད་རང་རིགས་མདོ་སྨད་ཀྱི་རོང་འབྲོག་ས་ཁུལ་མང་པོ་ནས་རྒྱལ་བ་ཐམས་ཅད་མཁྱེན་པའི་ཞལ་མཇལ་གསུང་མཇལ་ཞུ་བ་དང་། དུས་འཁོར་དབང་ཆེན་ཞུ་བ། རྒྱ་བལ་གྱི་ནང་པའི་གནས་ཆེན་ཁག་ལ་གནས་སྐོར་བྱེད་པ་བཅས་དོན་ཆེན་གསུམ་འདིའི་ཆེད། རྒན་དར་གཞོན་གསུམ་སྐྱ་སེར་དབྱེར་མེད་མང་དག་ཅིག་འབྱོར་བཞིན་པ་ཚོར་མཚོན་ན། ཨ་མདོ་ནས་ལྷ་སར་སླེབས་པ་ནས་སྐད་བརྡ་མི་འཕྲོད་པའི་དཀའ་ངལ་ཡོད་སྟབས། ལྷ་ས་ནས་རྒྱ་གར་བར་གྱི་ལམ་ཁ་དང་སྡོད་ས་དག་ན་དཀའ་ངལ་མང་པོ་ཞིག་མྱངས་དང་མྱོང་གིན་ཡོད་པ་དེ་ངས་ཞུ་མ་དགོས་པར་ཁྱེད་རང་ཚོ་ཚང་མས་མཁྱེན་གསལ་ལྟར་ཡིན།
དེ་ལས་མང་བ་། “མདོ་སྨད་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོ་གཞོན་དང་རྒྱུན་ལས་ཚོ་ལ་རེ་འབོད་ཞུ་ཡིག” »
༄༅།། ཀྲུང་གོའི་གཙོ་འཛིན་སྐུ་ཞབས་ཧུའུ་ཅིན་ཐའོ་ལགས་སུ།
ཁྱེད་རང་ཚོའི་ཀྲུང་གོའི་རྒྱལ་ཁབ་གསར་བ་བཙུགས་རྗེས་ང་ཚོའི་བོད་གངས་ཅན་ལ་དམག་ཤུགས་གཙོ་བཀོལ་གྱིས་དབང་བསྒྱུར་པ་ནས་དེ་རིང་བར་ལ་བོད་ཀྱི་རྒྱལ་ས་ལྷ་སས་གཙོས་བོད་ཁུལ་དུ་མ་ནས་རྒྱ་གཞུང་ལ་ངོ་རྒོལ་ཆེ་ཆུང་ཆུ་གཉེར་བཞིན་བྱུང་ཡོད་པ་ལ་ད་ནི་བཅིངས་འགྲོལ་དམག་གིས་བསྐོར་ནས་མ་བསྡད་ན་མེ་སྟག་གིས་རི་བོ་བསྲེག་ཉེན་ལྟ་བུར་ཐུག་ཡོད་པས་ཁྱེད་རང་ཚོ་ཡང་སེམས་ཁྲལ་དང་འུ་ཐུག་གིན་ཡོད་པ་མཐོང་ཐུབ།
མི་རིགས་རང་སྐྱོང་གི་གནད་དོན་ངོ་མ་ཐག་གཅོད་གཙང་མ་ཞིག་མི་བྱེད་པར་དམ་བསྒྲགས་དང་མགོ་སྐོར་རང་བཞིན་གྱིས་ལོ་ཟླ་སྐྱེལ་ཐབས་འདིའི་མཐའ་འབྲས་ནི་རྒྱལ་ཁབ་ཁ་འཐོར་ལ་འགྲོ་རྒྱུ་ཞིག་མ་ཡིན་ནམ། མ་མཐའ་ཡང་སྤྱི་ཚོགས་ལྷིང་འཇགས་ཟེར་བ་ཞིག་ཡོང་ཐབས་བྲལ་བའི་བྱ་བ་ཞིག་རེད། ཏང་ཀྲུང་དབྱང་གིས་སྔ་ཕྱི་བར་གསུམ་དུ་མི་རིགས་ཀྱི་བསམ་བློ་བ་དང་འཇོན་ཐང་ཡོད་པ་མང་པོར་གཉའ་གནོན་བྱེད་པའི་སྲིད་ཇུས་དེ་ནི་མི་རིགས་འདྲ་མཉམ་དང་འཆམ་མཐུན་ལ་བསམ་བཞིན་དུ་འགལ་རྐྱེན་བཟོས་པ་རང་ཡིན།