མཆོང་།
ངས་ཡུན་རིང་ཁྱེད་ཀྱི་འཇམ་མཉེན་པའི་རྒྱུ་བ་མྱང་ཡང་ཚོར་མ་ཐུབ། རེ་སྨོན་བཅོལ་བའི་མིག་འབྲས་ཀྱིས་ཡོད་ཚད་སློག་བཤེར་བྱས་ནའང་ཁྱེད་ཀྱི་འོད་ ཟེར་འཕྲོ་བའི་མིག་མདངས་དང་སྦྲེལ་མ་ཐུབ། ཁྱེད། རྒྱང་དུ་གནས། ཁད་ཀྱིས་རྒྱང་དུ་ཕྱིན་པའི་ཁྱེད། ངེད་གཉིས་ཀྱི་བར་ལ་ཆོ་འཕྲུལ་བཙན་པོ་ཞིག་གཙང་བོ་རྒྱུས་མེད་ཏུ་རྒྱུ་བཞིན་རབ་ རིབ་ངང་རླབས་ཕྲེང་བསྟུན་མར་བསྐྱོམས་ནས་ཡུད་ཀྱིས་བཅད། ཁྱེད། རྒྱང་དུ་གནས། ཁད་ཀྱིས་རྒྱང་དུ་ཕྱིན་པའི་ཁྱེད།
བསང་ཆུ་འབྲུག་བྷེ།
༡དྲི་བ། ཁྱོད་ཀྱིས་རང་གི་ཕ་ཡུལ་གྱི་རྣམ་པ་ངོ་མ་དེ་ཅི་འདྲ་ཞིག་ཏུ་མཐོང་སོང༌།
ལན། མཁའ་དབུགས་རབ་རིབ་ཀྱི་བར་ན་ལུས་སེམས་དེ་གསོ་བཞིན་པའི་ཁྱོད་དང་ངའི་ཕ་ཡུལ་ནི། གཞན་ཞིག་གི་རྐང་པའི་འོག་ན་འདུར་རྒྱུགས་བྱེད་ཅིང་འཚོ་གནས་བྱེད་ཀྱིན་པ་ལས། བརྙན་འཕྲིན་འཕྲུལ་ཆས་ངོས་ཀྱི་རི་ཆུ་ཐང་གསུམ་ལ་སྔོ་ལྗང་མཛེས་སྡུག་གི་མངོན་པ་འདྲ་བའི་ཉམས་སྣང་དེ་འདྲ་ཞིག་མིན་ངེས། དོན་ངོ་མར་ངས་རང་གི་ཕ་ཡུལ་གྱི་རྣམ་པ་ནི་ལག་ངོ་སེར་གས་ཁེངས་ཤིང༌། སེན་རྟིང་རྣག་དང་སེན་མགོ་ཁྲག་གིས་ཁེངས་པའི་གནས་བབ་ཅིག་ཏུ་མཐོང༌།
གཙང་བུས
བོད་མི་དམངས་ཀྱི་བཀའ་ཁྲི་མཁས་དབང་བློ་བཟང་སེང་གེ་མཆོག་ལ་འཚམས་འདྲི་བཀྲ་ཤིས་བདེ་ལེགས་ཞུ། ཁོང་གི་ལས་དོན་ཐམས་ཅད་འབད་མེད་ཀྱིས་ཡོང་མི་སྲིད་པས་འབད་རྩོལ་གྱིས་འགྲུབ་པར་ཤོག སྤྱིར་བཏང་བཤད་ན་ཁོང་ནི་བོད་མི་མང་གི་བཀའ་ཁྲི་ཡིན་པས་ངའི་བཀའ་ཁྲི་རུ་གྱུར་པ་རེད། དེ་མིན་ངའི་སེམས་ནང་གི་བཀའ་ཁྲི་ནི་སྙིང་སྟོབས་དང་ཞབས་རྗེས་གཟེངས་སུ་མཐོ་བའི་རྒྱལ་བའི་སྐུ་གཅེན་བཀའ་ཟུར་རྒྱལ་ལོ་དོན་གྲུབ་མཆོག་ཡིན། ཡིན་ན་ཡང་འགྲན་བསྡུའི་ཕྲད་ཁོང་གིས་ཤོར་བ་རེད། གཅིག་བྱེད་ན་འཇོན་ཐང་དང་བྱས་རྗེས་ཅན་བཀའ་ཟུར་ཁོང་ལྟ་བུ་ཞིག་བཀའ་ཁྲི་ལ་འཁོས་པ་ཡིན་ན། རྡ་སའི་བཙན་བྱོལ་བོད་གཞུང་འདི་ལ་བསྒྱུར་བཅོས་གང་འཚམས་ཤིག་ཏན་ཏན་གཏོང་ངེས་རེད་ལ། གཏོང་ཐུབ་རྒྱུ་ཡང་རེད།
བོད་དོན་ལས་འགུལ་ལྟེ་གནས་ཁང་།
སྐྱོ་བྲག་དགའ་དབང་།
ང་ཚོའི་འཛམ་གླིང་འདིར་སྲོག་ཆགས་ཀྱི་རིགས་དུ་མ་འཕེལ་ནུབ་བྱུང་བ་ལས་འགྲོ་བ་མི་རྣམས་ལ་གཞན་དང་ཐུན་མིན་གྱི་ནུས་པ་དམིགས་བསལ་ཡོད་པ་ནི་སོ་སོའི་བསམ་སྤྱོད་ཕན་ཚུན་དུ་བསྟན་ཏེ་ལེགས་སྤེལ་ཉེས་འགོག་ལ་འཇུག་ཐུབ་པ་དེ་ཡིན། ནུས་པ་དེ་ཉིད་བེད་སྤྱོད་ཀྱིས་ཉེར་མཁོའི་ཆ་རྐྱེན་དུ་མ་བཟོ་སྐྲུན་བྱས་པའི་ཆ་ཤས་སུ་ཆེས་ཉེན་ཁ་ཆེ་བའི་དེང་དུས་ཀྱི་མཚོན་ཆ་རྣམས་བྱུང་ཡོད།
བོད། ལྷ་ཀླུ་གཉན་གསུམ།
ལོ་ངོ་གཉིས་གསུམ་གོང་ནས་བོད་མིའི་བཀའ་ཁྲི་གསར་བ་ཞིག་བཙལ་བ་རེད། བོད་མི་འདུས་བསྡོད་ཀྱི་བརྩིགས་ངོས་གང་སར་བཀའ་བློན་ཁྲི་བའི་གསལ་བསྒྲགས་དང་དེ་འབྲེལ་གྱི་ལོ་རྒྱུས། མ་འོངས་པའི་བོད་ཀྱི་སྐྱིད་སྡུག་སོགས་ཆེས་མི་ཉུང་བ་ཞིག་དེ་རིང་གི་བར་དུ་གླེང་བ་རེད། མཐར་བློ་བཟང་སེང་གེ་ལ་ཐོབ་འདུག
དེ་ལས་མང་བ་། “བློ་བཟང་སེང་གེ་དང་བོད་མིའི་སྐྱིད་སྡུག་མཉམ་མྱོང་།” »
བོད ལྷ་ཀླུ་གཉན་གསུམ།
ཁ་རོག་གེར་བསྡོད་པ་དེ་ནི་ཁྱེད་རང་གི་རང་ གཤིས་སུ་གྱུར་ཉིན་ནས། སུ་ལ་ཡང་འདྲིས་ཤིང་མ་གཤིབ་པའི་མི་གཤིས་སྐྱུར་མོའི་དེ་ཡི་ལྟག་རྒྱབ་ན། ཁ་རོག་གེར་སྐོང་ནས་སྟོང་ལབ་ལ་གོམ་པའི་མྱི་ངན་ཁྱེད་རང་། འཇིག་རྟེན་གྱི་གནས་ལུགས་དང་རྒྱུ་མཚན་ལས་བརྒལ་ནས། མྱི་སེམས་མང་བོ་ཞིག་གི་ཕ་རོལ་ན། ཁེར་རྐྱང་གི་རུམ་ཁ་ཞིག་འཚོལ་བའི་དུས་སུ། ཁྱེད་རང་ལ་ཁྱེད་རང་ལས་ལྷག་པའི་འགྲེལ་བཤད་གང་ཡང་མ་མཆིས་མོད། ཡིན་ཡང་། ཁྱེད་རང་ཤེས་མཁན་གྱི་ཁྱེད་རང་དེ་ནི་མྱི་མ་རེད། འདྲེ་རེད། འདྲེ་དེ་ཡང་མི་ཚོགས་ཤིག་གི་ལྟག་རྒྱབ་ན། ཁ་རོག་གེར་ལབ་རྒྱག་པར་གོམ་པའི་མྱི་ཁྱེད་རང་རེད།
གོང་ས་མཆོག་གིས་ཏཱ་ལའི་བླ་མ་སྐུ་ཕྲེང་རིམ་བྱོན་དག་གིས་བོད་ཀྱི་ཆབ་སྲིད་སྐྱོང་བའི་རྒྱུན་དེ་ད་ནས་མཚམས་འཇོག་རྒྱུའི་ཐག་གཅོད་དང་ཆབས་ཅིག དགའ་ལྡན་ཕོ་བྲང་ཞེས་པའི་མིང་བྱང་ཡང་སྐབས་བསྟུན་འགྱུར་བ་གཏོང་དགོས་པའི་གསུང་འཕྲིན་ཕེབས་ཡོད་སྟབས། བཅའ་ཁྲིམས་བསྐྱར་བཅོས་ཟིན་བྲིས་ཚོགས་ཆུང་གི་ངོས་ནས། ༼མ་འོངས་པར་བཙན་བྱོལ་བོད་མིའི་གཞུང་གི་སྒྲིག་འཛུགས་ཀྱི་ལས་ཐམ་དང་ལས་རྟགས་སུ་གངས་སེང་ཁ་སྤྲོད་ཡིན་པ་གང་ཞིག་ལ་དགའ་ལྡན་ཕོ་བྲང་ཞེས་པའི་མིང་བྱང་གི་ཚབ་ཏུ་བདེན་པ་ཉིད་རྒྱལ་གྱུར་ཅིག་ཅེས་འགོད་རྒྱུའི་རྒྱབ་གཉེར་ཞུས།༽ཞེས་སྙན་ཐོའི་ནང་བཀོད་ཡོད། དེ་ནི་ཚིག་སྣ་བསྟུངས་ནས་བཤད་ན། དགའ་ལྡན་ཕོ་བྲང་གཞུང་གི་ལས་རྟགས་དང་ལས་ཐམ་སྟེང་ན་༼བོད་གཞུང་དགའ་ལྡན་ཕོ་བྲང་ཕྱོགས་ལས་རྣམ་རྒྱལ༽ཞེས་འཁོད་པ་དེ་ཚབ་ཏུ༼བདེན་པ་ཉིད་རྒྱལ་གྱུར་ཅིག༽ཅེས་འཁོད་རྒྱུའི་སྙན་ཐོ་ཞིག་རེད།
དེ་ལས་མང་བ་། “བོད་མི། བཙན་བྱོལ་བོད་མི། བཙན་བྱོལ་བོད་གཞུང་། བཙན་བྱོལ་བོད་མིའི་གཞུང་།” »
ཨ་རིག་འགྱུར་མེད།
བརྩེ་བའི་ཀློག་མཁན་རྣམ་པ། ཁྱེད་རྣམ་པའི་ཁམས་བཟང་།
ཟླ་འདིའི་ཕྱི་ཚེས་ ༢༠ ཉིན་ནས་བཟུང་དྲ་ཐོག་ཏུ་ཤར་གཏོང་བྱས་པའི་ ༼ གཞོན་ནུའི་འགྱུར་ཁུགས་ ༽ དྲ་བར་ཁྱེད་ཅག་གིས་ཡིག་ངག་གཉིས་ཐོག་དང་ལྷག་བསམ་རྣམ་དག་གིས་འཚམས་འདྲི་དང་ཤིས་ཚིག་ཕུལ་བར་སྙིང་ནས་དགའ་ཞིང་སྤྲོ་བར་མ་ཟད། ངེད་ཅག་རྩོམ་སྒྲིག་ཚན་ཆུང་གིས་ཁྱེད་རྣམ་པར་བཀའ་དྲིན་བླ་ལྷག་ཏུ་ཆེ་ཞུ་བ་ཡིན། རེད། གཞོན་ནུའི་འགྱུར་ཁུགས་དྲ་བ་འདི་ལྟར་དྲ་ཐོག་ཏུ་ཤར་གཏོང་བྱས་ཏེ། ངེད་རྩོམ་སྒྲིག་ཁང་གིས་ཁྱེད་རྣམ་པ་དང་ལྷག་པར་དུ་བོད་མི་རིགས་ཀྱི་ཉག་ཕྲ་བའི་སྐད་ཡིག་གི་གནས་བབ་ལ་བསམ་ཞོར་ལམ་ལ་ཆས་པ་དང་།
རྨིག་སྒྲ།
ལོ་རབས་ལྔ་བཅུ་པའི་སྐེད་ཚིགས་ནས་ལོག་སྨོན་དུས་སུ་བརྡོལ་བའི་ཤ་ཁྲག་རུས་གསུམ་ལ་རྔམ་པའི་འབྱུང་པོ་རྒྱ་དམར་ྐླ་ྐློས་བོད་ཆོལ་གསུམ་ཁྱོན་ལ་ཤིན་ཏུ་གདུག་རྩུབ་ཆེ་བའི་དབང་ཤུགས་དྲག་པོས་བཙན་འཛུལ་བྱས་ཏེ་ལོ་ངོ་ཆིག་སྟོང་ལྷག་གི་རིང་མངོན་བྱོན་མཁས་ཁྲི་ཕྲག་གིས་འབད་འབུངས་ཀྱིས་གསར་གཏོད་དེ་ཤུལ་དུ་བཞག་པའི་བརྡ་སྤྲོད་ཀྱི་ནུས་པ་དང་། གཅིག་གྱུར་གྱི་རང་བཞིན། གོ་བདེ་དོན་ཟབ་ཀྱི་ལེགས་ཆ་དང་བཅས་གང་ཐད་ནས་མི་དམན་པའི་བོད་ཡིག་དེ།
བསམ་གླིང་ཚེ་རིང་ལྷ་མོ།
གནོན་མི་ཐུབ་པའི་ཚོར་འདུ་དྲག་པོ་ཞིག་དང། སྡོད་མི་ཚུགས་པའི་སེམས་ལས་ལྕི་པོ་ཞིག་གིས། མེ་མདའི་ལྡིར་སྒྲ་ཡི་ཁྲོད་དུ་བྲང་ཁ་ལྡིར་ཞིང་། གློག་དམར་འཁྱུག་འདྲའི་ལྕགས་ཧྲེང་གི་མདུན་དུ་བདེན་པ་བདར། ལུས་ལ་སྐར་མ་ཁྲ་ཐིང་ངེར་ཤར་བར་བྱེད་པའི་གློག་རྒྱུག་འོག་ཏུ་ལ་རྒྱ་རྩོད།
རང་ལུས་མེ་ལྕེ་དམར་པོའི་ཞིམ་ཟས་སུ་གཏོང་བར་ནུས་པའི་བློ་སྟོབས་རྒྱས། དེ་དག་ཚང་མ་གནོན་མི་ཐུབ་པའི་ཚོར་འདུ་ཟབ་མོ་ཞིག་ལས་གཞན་ཅི་ཡིན། དོན་མེད་དུ་གུང་ཁྲན་ལ་བསྟོད་གླུ་དང། ཞེ་མེར་དང་སུན་སྣང་སྐྱེ་བའི་རྒྱལ་གཅེས་ཆོས་གཅེས་ཀྱི་སློབ་གསོ།
དེ་ལས་མང་བ་། “ཁྱེད་རྣམས་དྲན་བཞིན་ཡོད་ལ། ཁྱེད་རྣམས་གླེང་བཞིན་ཡོད།” »
བང་ཚ་ཡེ་ཤེས་བསྟན་གྱིས་གྱིས་ཕུལ།
དེའང་འདིའི་ལོར་བལ་ཡུལ་ས་གནས་གཞུང་གྱི་དཀའ་ངལ་ལ་བསྟུན་མཁས་ཀྱིས་བལ་སྡོད་བོད་མིས་ད་ལོར་བཀའ་སྤྱིའི་དངོས་གཞིའི་འོས་ཤོག་མི་འཕེན་རྒྱུར་གྲོས་འཆམ་བྱེད་དགོས་བྱུང་ཡོད་ཀྱང་། རྩྭ་གང་བཟང་དེ་ཟོས། ཆུ་གང་ཡག་དེ་བཏུང་ཟེར་བའི་དཔེ་ལྟར། དབུས་འོས་བསྡུ་ལས་ཁུངས་དང་། བལ་ཡུལ་དོན་གཅོད་སོགས་ཀྱིས་ཅི་ཞིག་གི་དམིགས་ཡུལ་དང་སུ་ཞིག་གི་བརྒྱུད་བསྐུལ་འོག་ནས། འདི་གའི་ས་གནས་ཁག་ཅིག་ནས་དངོས་གཞིའི་འོས་བསྡུ་བྱས་ཡོད་པ་དང་། བོད་མི་འདུས་སྡོད་བྱེད་སའི་ས་གནས་གཙོ་བོ་ཁག་ཅིག་ལ་འོས་བསྡུའི་གྲ་སྒྲིག་ཙམ་ཡང་བྱས་མ་སོང་། ཐོག་མར་ས་གནས་གཞུང་ལ་བསྟུན་ཐབས་བྱས་པ་རེད་དེ།
དེ་ལས་མང་བ་། “དཔལ་ལྡན་དབུས་འོས་བསྡུ་ལས་ཁུངས་དང་བལ་ཡུལ་དོན་གཅོད་ཀྱི་སྐུ་ངོ་ལྷན་རྒྱས་ལ་གུས་ཞུ།” »
(བོད་མདོ་སྨད་རྔ་བའི་ཡུལ་མི་ཚོར་འཕྲད་པའི་ད་ལྟའི་ཛ་དྲག་གི་གནས་བབ་དང་དེའི་འབྱུང་རྐྱེན་དངོས་ལས་འཕྲོས་པའི་ལོ་རྒྱུས་ཀྱི་དྲན་ཐོ།)
རྔ་བ་གཉན་མི།
ཉེ་བའི་ལོ་ཤས་ནང་བོད་མདོ་སྨད་རྔ་བ་རུ་ཛ་དྲག་དང་མངོན་གསལ་ཡིན་པའི་ངོ་རྒོལ་འོས་ལངས་བསྟུད་མར་བྱུང་བ་དང་། ལྷག་པར་ཉེ་བའི་དུས་ནས་བཟུང་མི་མང་པོ་ཞིག་རང་ཤི་རྒྱག་པ། རང་ལུས་མེར་བསྲེགས་བྱས་ནས་ངོ་རྒོལ་བྱེད་པ་གཅིག་རྗེས་གཉིས་མཐུད་དུ་བྱུང་བའི་གནས་ཚུལ་བརྒྱུད་ལམ་སྣ་ཚོགས་ནས་རྒྱལ་སྤྱིའི་ཁྱོན་ལ་ཛ་དྲག་གི་གསར་གནས་ཀྱི་ངོ་བོར་ཁྱབ་བཞིན་འདུག་མོད། གནས་སྟངས་འདི་ལྟ་བུ་འབྱུང་དགོས་པའི་རྒྱུན་རིང་ལ་གཏིང་ཟབ་པའི་ལོ་རྒྱུས་དང་སྤྱི་ཚོགས་ཀྱི་རྒྱུ་རྐྱེན་ནི་དེ་ལས་ཀྱང་ཛ་དྲག་དང་རྙོག་འཛིང་ཆེ་བ་ཞིག་ཡིན།
དེ་ལས་མང་བ་། “ད་ལྟ་རྔ་བའི་ཡུལ་མི་ཚོའི་སྙིང་ལེན་གྱིན་པ་རེད།” »
བོད། ལྷ་ཀླུ་གཉན་གསུམ་ནས།
སུ་ཚང་གི་སྒོ་འགྲམ་ཞིག་ནས། ངས་རང་ཉིད་ཅེས་པའི་ཐ་སྙད་དེར་བསམ་བློ་བཏང་བ་ནས་བཟུང་། གནམ་འོག་གི་འཇིག་རྟེན་འདི་ན་བདེན་པ་ཞིག་ཡོད་པར་ཡིད་ཆེས་བྱས་པ་ཡིན། ཡིད་ཆེས་དེ་ལ་བཅོལ་བའི་ང་ཡི་སྙིང་སྟོབས་ཀྱང་རིགས་ཀྱི་ནུས་པ་ལས་བྱུང་བ་ཡིན། དེ་ནས་བཟུང་། ངས་གནམ་འོག་ནས་སྐད་ཆ་ཞིག་བཤད་ས་བཙལ་ནས། རང་གིས་སྐད་ཆ་བཤད་རྒྱུར་མུ་མཐུད་དུ་སྤྱངས།
ཐོར་རྒོད་པ་སྤྱན་ཆབ།
འདོད་པའི་ཞེ་སྡང་ལ་ཆགས་སྲེད་ཀྱི་ལྕེ་ལྡག་ཡང་ཡང་བྱས་ཞིང་།
འཁུན་པའི་ཟ་ཟི་ལ་ན་ཟུག་གི་སོ་འབྲད་དང་སེན་འབྲད་བྱས་མཐར།
ད་གཟོད་ང་ཡི་ཕོ་མཚན་ཀྱིས་ན་ཆུང་མ་སུ་ཞིག་དམར་ཧྲེང་དུ་ཐེག་སྣང་སྐྱེས་མོད་།
ཕུར་མཉེད་དང་འཇིབ་ལྡག་གི་ལེའུ་སྙན་མོས་ང་ཉིད་ཞིང་ཁམས་གཞན་ཞིག་ནས་སྦྲིད་པར་བཏང་།
བློ་གྲོས་རབ་བརྟན།
༢༠༡༡ལོའི་བཀའ་ཁྲི་སུ་ཡིན་ནམ།་མི་ཚོའི་ཁ་ལ་ཉན་ན་བློ་བཟང་སེང་གེ་རེད།བློ་སེང་གིས་ཀྱང་རང་ཉིད་བ་ཀའ་ཁྲི་ཡིན་པར་ཤེས་ཡོད།དེ་སྔོན་འོས་འདེམས་སྐབས་ནས་བློ་སེང་གིས་རང་གི་ཕྱག་རོགས་བཀའ་བློན་ཚོའི་སྐོར་ལ་་བསམ་བློ་བཏང་ཡོད།ད་ལྟ་ལྷག་པར་དུ་བསམ་བློ་གཏོང་བཞིན་ཡོད།ཕྱག་རོགས་བཀའ་བློན་མང་ཆེ་བ་ཐག་ཆོད་འདུག
བློ་སེང་གི་དེ་སྔོན་གཏམ་བཤད་ཁག་ལས་ཕྱག་རོགས་བཀའ་བློན་ཚོའི་སྐོར་ཡང་ཡང་མངོན་ཡོད།དཔེར་ན་བཀའ་བློན་རྒན་པ་གསུམ་དང་།གཞོན་པ་བཞི་བསྐོ་རྒྱུ་ཡིན་ཟེར་ལ།ཡང་ད་ལྟའི་བདེ་སྲུང་བཀའ་བློན་འབྲོང་ཆུང་དངོས་གྲུབ་བཀའ་བློན་ལ་བསྐོ་རྒྱུ་ཡིན་པ་དཔེར་མཚོན་དང་བཅས་བཤད་ཡོད།བཀའ་ཁྲིའི་འོས་མི་གཞན་ཚོའི་ཁ་ནས་མི་ཐོན་པའི་ཕྱག་རོགས་བཀའ་བློན་སྐོར་བློ་སེང་གི་ཁ་ནས་ཐོན་དགོས་པ་དེར་དམིགས་ཡུལ་ཡོད།ཁོང་གི་ཕྱག་རོགས་བཀའ་བློན་ཚོ་འདེམས་སྟངས་དེས།བཀའ་བློན་དེ་དག་ལ་རྒྱབ་སྐྱོར་བྱེད་མཁན་ཚོས་བློ་སེང་ལ་རྒྱབ་སྐྱོར་ཡོང་ངེས་པའི་ཚོད་བརྩིས་བྱས་ཡོད།
བོད། ལྷ་ཀླུ་གཉན་གསུམ།
བོད་མི་གང་ན་སུ་ཡོད་པ། ལྷག་པར་དྲ་ངོས་འདི་ནས་བདག་གི་སྐད་ཆ་འདི་ཐོས་མཁན་སུ་ཞིག་ཡིན་ན། དེ་ཡི་ང་བོད་མི་དཀྱུས་མ་ཞིག་གི་སྐད་ཆ་འདི། བོད་མི་ཚང་མས་ཅི་ནས་ཀྱང་བསམ་བློ་ཏན་ཏན་གཏོང་དགོས་པའི་དུས་ཚོད་ཅིག་ཆགས་ཡོད་ཅེས་བཤད་ཀྱི་འདུག་ཟེར་ནས་ཞུ་རོགས། ཨོ་རེད། དེ་ལྟར་བཤད་ནས་འོང་དུས། ངས་གང་ཞིག་བཤད་དགོས་མིན་དེ་ཁྱེད་ཅག་ལ་བཤད་དགོས་པ་རེད།
དཔའ་ཆེན་དོན་གྲུབ།
རིགས་བརྒྱུད་ཀྱི་མཆེད་ཁུངས་དང་བཙན་པོའི་མངའ་རིས་ཀྱི་རྒྱ་ཁྱོན་ཞིབ་ཚགས་ཀྱིས་དེད་ན་བོད་ནི་སུ་སུ་ཡིན་པ་རེད། བོད་ཀྱི་ལོ་རྒྱུས་སྨྲ་བ་མགར་རྩེ་རྟ་མགྲིན་རྒྱལ་ལགས་ཀྱིས་བོད་ཅེས་པ་ནི་ཡུལ་ཡར་ཀླུང་གི་ཚོ་ཁག་ཁ་ཤས་ལ་གོ་བ་བླངས་ན་ཤིན་ཏུ་ནོར་བའི་ལྟ་ཚུལ་བཏོན་པ་དེས་བོད་ནི་རིགས་བརྒྱུད་ཀྱི་མཆེད་ཁུངས་ནས་རྒྱ་བསྐྱེད་དེ་ཆེན་པོ་ཞིག་ཏུ་ངོས་འཛིན་གནང་བ་ལོ་རྒྱུས་སྨྲ་བའི་འབེལ་གཏམ་དུ་ངེས། རྒྱ་ནག་གི་ལོ་རྒྱུས་སྨྲ་བ་ཞིག་གིས་བོད་བཙན་པོའི་རྒྱལ་རབས་ཉམས་རྒུད་ཀྱི་མགོ་ཚུགས་པ་ནས་བོད་རྒྱ་རུ་འགྱུར་བ་དེང་གི་བོད་མིའི་གྲངས་འབོར་ལས་ཀྱས་མང་པར་བཤད་ཅིང་།
རྟ་ནག་སྐལ་བཟང་ལུང་རིགས།
སྐྱེ་བོ་སྒེར་བ་ཞིག་གི་སྨྲ་ལྕེ་ལེབ་མོ་ཁྲོ་ཆུ་ཁོལ་མའི་ཞུན་གྱིས་བཙོ་བའི་ཚོགས་དབང་སྒེར་གཅོད་པ་མདོ་སྨད་ས་རྒྱུན་ཚང་ལ། བཞུད་ཟིན་གྱི་ཟླ་ངོ་གཉིས་ཀྱི་སྔོན་དུ་བདག་གིས“མདོ་སྨད་ས་རྒྱུན་ཚང་ལ་ཆེད་དུ་བསྟབས་པ”ཞེས་པའི་བྲིས་རྩོམ་ཞིག་སྤེལ་བ་དེ་ག་རང་ཁྱེད་ཅག་གིས་ཀོ་ལོང་དང་མ་རངས་པའི་ཉམས་ཀྱིས་སྐད་ཅིག་མའི་མིག་གཤེར་ཞིག་གིས་འཐུས་པར་བགྱིས་ཡོད་དམ་ཅི་ལྟ་ནའང་། དེ་རིང་ཡང་བསྐྱར་གསོག་པོ་དང་ཟོལ་མས་མ་བསླད་པའི་གཏམ་རེ་འགའ་ཞིག་ཁྱེད་ཚང་གི་སྙན་དུ་བསྟབ་པར་བྱ་སྟེ།
(དྲ་དེབ)དྲ་ཚིགས་གང་རུང་ཏུ་སྤེལ་ཚར་རྗེས་བདེན་རྒྱབ་བདེན་པས་གནོན་པོ་ཅུང་མང་བས། སྒེར་གཅོད་པའི་དཔའ་ཉམས་དང་། ཁེངས་སེམས་ཅུང་ཟད་དམའ་རུ་ཕྱིན་པའི་སྣང་བ་སྐྱེས་ཏེ་འོང་ནའང་། སྒེར་གཅོད་པའི་བསམ་ངན་སྦྱོར་རྩུབ་ནི་ཚད་དུ་གཟུང་བ་མ་ཡིན་པས་ཕྱིར། འདིར་ཡངགི་རྒྱབ་དཔུང་དུ་བདེན་ལུགས་ཁ་ཤས་ཤིག་སྤྲོ་བར་བསམས་སོ།།