རྟ་ནག་སྐལ་བཟང་ལུང་རིགས།
སྐྱེ་བོ་སྒེར་བ་ཞིག་གི་སྨྲ་ལྕེ་ལེབ་མོ་ཁྲོ་ཆུ་ཁོལ་མའི་ཞུན་གྱིས་བཙོ་བའི་ཚོགས་དབང་སྒེར་གཅོད་པ་མདོ་སྨད་ས་རྒྱུན་ཚང་ལ། བཞུད་ཟིན་གྱི་ཟླ་ངོ་གཉིས་ཀྱི་སྔོན་དུ་བདག་གིས“མདོ་སྨད་ས་རྒྱུན་ཚང་ལ་ཆེད་དུ་བསྟབས་པ”ཞེས་པའི་བྲིས་རྩོམ་ཞིག་སྤེལ་བ་དེ་ག་རང་ཁྱེད་ཅག་གིས་ཀོ་ལོང་དང་མ་རངས་པའི་ཉམས་ཀྱིས་སྐད་ཅིག་མའི་མིག་གཤེར་ཞིག་གིས་འཐུས་པར་བགྱིས་ཡོད་དམ་ཅི་ལྟ་ནའང་། དེ་རིང་ཡང་བསྐྱར་གསོག་པོ་དང་ཟོལ་མས་མ་བསླད་པའི་གཏམ་རེ་འགའ་ཞིག་ཁྱེད་ཚང་གི་སྙན་དུ་བསྟབ་པར་བྱ་སྟེ།
<ཀླུ་མཁར་བྱམས་ཀུན་གླེང་>(དྲ་དེབ)དྲ་ཚིགས་གང་རུང་ཏུ་སྤེལ་ཚར་རྗེས་བདེན་རྒྱབ་བདེན་པས་གནོན་པོ་ཅུང་མང་བས། སྒེར་གཅོད་པའི་དཔའ་ཉམས་དང་། ཁེངས་སེམས་ཅུང་ཟད་དམའ་རུ་ཕྱིན་པའི་སྣང་བ་སྐྱེས་ཏེ་འོང་ནའང་། སྒེར་གཅོད་པའི་བསམ་ངན་སྦྱོར་རྩུབ་ནི་ཚད་དུ་གཟུང་བ་མ་ཡིན་པས་ཕྱིར། འདིར་ཡང<ཀླུ་མཁར་བྱམས་ཀུན་གླེང>གི་རྒྱབ་དཔུང་དུ་བདེན་ལུགས་ཁ་ཤས་ཤིག་སྤྲོ་བར་བསམས་སོ།།
