སྲོང་བཙན་བུ།
ད་རེས་ཀྱི་གསུང་འཕྲིན་ནང་། བཙན་པོའི་རྒྱལ་རབས་ནས་སིལ་བུའི་དུས་སྐབས། ས་སྐྱ་ནས་སྡེ་པ་གཙང་པ། གོང་ས་ལྔ་པ་ཆེན་པོ་ནས་ད་ལྟའི་བར་བཅས་ཀྱི་བརྒྱུད་རིམ་སྤྱི་བབ་དྲན་སྐུལ་དང་བཅས་ཏེ། མ་འོངས་པར་ང་ཚོས་གདོང་ལེན་བྱེད་དགོས་ངེས་གཏན་ཡིན་པའི་དཀའ་ངལ་ཁག་ཅིག་ལ་ད་ནས་གདོང་ལེན་ཡོང་ཐབས་དང་། ཡང་ན། གོང་ས་མཆོག་ཞལ་མ་བཞུགས་པའི་ཉིན་མོར་འཕྲད་ངེས་པའི་དཀའ་ངལ་ཁག་ཅིག་ད་ལྟ་ཞལ་བཞུགས་པའི་སྐབས་ནས་གདོང་ལེན་བྱེད་ཕྱོགས་ཤིག་བསྟན་ཡོད་པ་ཡིན་སྟབས། བཀའ་དགོངས་འདི་སྒྲུབ་པ་ལ་འགལ་རྐྱེན་བྱེད་མཁན་བྱུང་བ་ཡིན་ན། དེ་ནི་བོད་ཀྱི་རྩ་དོན་ལ་ཤ་ཚ་དང་སེམས་ཁུར། འགན་ལེན་གྱི་བསམ་བློ་བཅས་མེད་པ་ལ་ངོས་འཛིན་བྱས་ཆོག་པ་ལྟ་བུ་ཡིན། དེ་རིང་ཁ་སང་གྲོས་ཚོགས་འཐུས་མི་ཚོས་གླེང་སྟངས་རིགས་གཅིག་ནི་འདི་དང་ཐག་ཉེ་བ་ཞིག་རེད།
དེ་ལས་མང་བ་། “གསུང་འཕྲིན་ཕྱིར་སློག་གི་གྲོས་ཆོད་བཀླགས་རྗེས།” »
“ལོ་སར་”པའི་དུས་ཚོད་འདི་ཉེ་ནས་ཉེ་རུ་བཅར་ཡོང་དུས། བཙན་བྱོལ་དུ་ལས་ཀ་མེད་པར། སེམས་ཁྲེལ་མེད་པར། འདང་རྒྱག་མེད་པར། ཚོར་བ་མེད་པར་འདུག་མཁན་ཚོས་(ལོ་སར་ལ་བཀྲ་ཤིས་བདེ་ལེགས་) ཞུ་འགོ་བཙུགས་སོང་།