ཀླུ་སྨྱོན།
མདང་དགོང་ཉལ་ཁར་བྲིས་པའི་སྙན་ངག་དེ།
སྙན་ངག་འབྲི་དུས་ཀྱི་དམིགས་རྣམ་ཞེས་པའི་སྙན་ངག་ཡིན་ལ་མིན་ལ་དེ།
དེ་གཉིས་ལ་མི་གཏོགས་པའི་གཞས་ཚིག་ཐུང་ཐུང་དེ།
སེམས་ནང་ལ་འཁོར་ནས་འདང་ཞིག་བརྒྱབ་དུས།
ལོ་ཟླ་འདི་དག་གི་རིང་ལ་བྲིས་པའི་སྙན་ངག་དེ་ཚོས།
མ་ཤེས་མ་ཚོར་བའི་ངང་དོར་མ་གྱོན་འདུག
དེ་ཡང་ཁ་དོག་མི་འདྲ་བའི་དོར་མ་གྱོན་འདུག
རིང་ཐུང་མི་འདྲ་བའི་དོར་མ་གྱོན་འདུག
གོང་ཚད་མི་འདྲ་བའི་དོར་མ་གྱོན་འདུག
གཙང་བཙོག་མི་འདྲ་བའི་དོར་མ་གྱོན་འདུག
གསེར་རྟ་བྱ་བྲལ་བ།
བོད་ནས་གསར་དུ་འབྱོར་མཁན་གྱི་བླ་སྤྲུལ་ཁག་དང་དེ་བཞིན་གཞིས་ཆགས་ནང་གི་ཕ་རྒན་མ་རྒན་ཁག་གཅིག་བཅས་བོད་མི་མང་པོ་ཞིག་གིས། ག་དུས་ཡིན་ན་ཡང་གཟིམ་ཆུང་ནང་མཇལ་ཟེར་བ་ལ་རེ་སྒུགས་བྱས་ནས་༸རྒྱལ་བ་ལ་སྐུ་ངལ་སྤྲད། གཟིམ་ཆུང་གི་ཆེད་དུ་སྐུ་སྒེར་དྲུང་ཆེ་ལ་འབྲེལ་བ་འཛིན་ས་ཨེ་རག་བལྟས། གཟིམ་ཆུང་གི་ཆེད་དུ་མི་ཆེན་ལ་སྤྲེལ་ལད་འཁྲབ། གཟིམ་ཆུང་གི་ཆེད་དུ་མི་སྣེ་མི་མཐུད་བྱས། གཟིམ་ཆུང་གི་ཆེད་དུ་འགྲོ་སོང་བཏང་། གཟིམ་ཆུང་གི་ཆེད་དུ་སེམས་ཁྲལ་བྱས། གཟིམ་ཆུང་གི་ཁ་ཕོ་རུས་ལ་ཐུག གཟིམ་ཆུང་གི་ཆེད་དུ་རྙོག་དྲ་བཟོས། གཟིམ་ཆུང་མཇལ་ཁ་རག་མཁན་ཚོས་མི་གཞན་ལ་ངོམ་པོ་བྱས། མི་གཞན་ལ་ང་རྒྱལ་བྱས། གཟིམ་ཆུང་མཇལ་ཁ་མ་རག་མཁན་ཚོ་ལ་བློ་ཕམ་བྱུང་། སྐུ་སྒེར་ཡིག་ཚང་ལ་ཁོང་ཁྲོ་ཟ། སྐུ་སྒེར་དྲུང་ཆེའི་ཐོག་ལ་ཁོང་ཁྲོ་ཟ། བོད་གཞུང་གི་ཐོག་ལ་ཁོང་ཁྲོ་ཟ། མི་གཞན་ལ་ཡང་བོད་གཞུང་འདི་དྲང་མོ་མི་འདུག ཕྱོགས་རིས་བྱེད་ཀྱི་ཡོད་ཚུལ་ཀྱང་བཤད་དགོས་ཐུག་གི་ཡོད་པ་རེད།
བློ་གྲོས།
གསར་ལམ་ཁག་ན། སྲང་ལམ་ཁག་ན། ཇ་ཁང་ཁག་ན། སློབ་གྲྭ་ཁག་ན། དགོན་སྡེ་ཁག་ན། ལས་ཁུངས་དག་ན་བཀའ་ཁྲིའི་སྐོར་གླེང་ཤུགས་ཆེན་པོ་རེད། རྒན་གཞོན་ཚང་མས་གླེང་། སྐྱ་སེར་ཚང་མས་གླེང་། མདོར་ན་ཚང་མས་གླེང་བཞིན་ཡོད། ༸གོང་ས་མཆོག་རྒན་ཡོལ་ཆ་ཚང་ལ་ཕེབས་པ་ཡིན་ན། ད་ནི་བཀའ་ཁྲིའི་འགན་དེ་སྔར་གྱི་བཀའ་ཁྲི་ཚོ་ལས་ཇེ་ལྕིར་འགྲོ་གི་ཡོད་སྟབས། རྒྱ་ཆེའི་མང་ཚོགས་ཀྱི་ངོས་ནས། སྔོན་འགྲོའི་འོས་འཕེན་དང་དངོས་གཞིའི་འོས་འཕེན་གྱི་བསམ་བློར་འགྱུར་བ་ཐེབས་མགོ་ཚུགས་ཡོད། སྔོན་འགྲོའི་འོས་ཤོག་དེ་༸གོང་ས་མཆོག་ཕྱེད་བགྲེས་ཡོལ་གྱི་ངོས་དེ་ལ་འཇུས་ཡོད་ལ། ད་ནི་དངོས་གཞིའི་འོས་ཤོག་དེ་བགྲེས་ཡོལ་ཆ་ཚང་གི་ངོས་དེ་ལ་འཇུ་དགོས་པ་ཆགས་པ་དེས། མང་ཚོགས་ཀྱིས་བཀའ་ཁྲི་འོས་འདེམས་ལ་ལྟ་སྟངས་དེ་སྔར་བས་དོ་ནན་དང་ཞིབ་ཚགས་ཀྱི་ལམ་དུ་བསྐྱོད་ཀྱིན་ཡོད། རིགས་གཅིག་གིས། ད་ལྟའི་འོས་མི་གསུམ་ག་བཀའ་ཤག་ནང་ངེས་པར་སླེབས་དགོས་ཀྱི་འདུག གང་ཡིན་ལབ་ན། ཁོང་ཚོ་གསུམ་གས་ང་དཔོན་པོར་འདུག་གི་ཡིན། ང་སྐུ་ངོ་བྱེད་ཀྱི་ཡིན་ཞེས་སུ་གང་ཡང་ཕེབས་མ་སོང་། དེ་ནི་དགའ་འོས་པ་ཞིག་རེད། ངས་དཀའ་ལས་རྒྱག་གི་ཡིན། རྩ་དོན་སྒྲུབ་ཀི་ཡིན། ནུས་པ་འདོན་གི་ཡིན་ཟེར་ནས་ཕེབས་སོང་། དེ་ནི་ཡི་རང་བྱེད་དགོས་པ་ཞིག་རེད་ཅེས་གླེང་གི་ཡོད།
རིག་འབྱུང་དོན་གྲུབ་བཀྲ་ཤིས།
ཁ་སྔོན་ནེའུ་ཡོག་ཏུ་འགྲོ་དུས། ཁ་བ་བབས་སོང་། ཁ་བ་བབས་ནས་ལས་ཁུངས་མང་པོ་སྒོ་བརྒྱབ་སོང་། ཁ་སང་ཕྱིར་སློབ་གྲར་འབྱོར་བ་དང་། ཡང་ཁ་བ་བབས་སོང་། ཉི་མ་གཉིས་ལ་སློབ་གྲ་འཚོགས་མ་སོང་། དོ་དགོང་ཡང་ཁ་བ་འབབ་བཞིན་འདུག སྒེའུ་ཁུང་གི་ཕྱི་རོལ་ན་ཁ་བ་སིམ་སིམ་ཏུ་འབབ་བཞིན་འདུག གཅིག་བྱས་ན། སང་ཉིན་ཡང་འཛིན་གྲ་འཚོགས་རྒྱུ་མེད་སྲིད། དཀར་སོབ་སོབ་ཀྱི་ཁ་བ་འདི་མཐོང་ན། ཕ་ཡུལ་དྲན་པའི་ཚོར་བ་ཞིག་འགོག་མེད་ཏུ་འཕྱུར་ཡོང་གིན་འདུག ཚོར་བ་འདིའི་གཏིང་ན། ལོ་མང་པོར་བསགས་པའི་དྲན་གདུང་ཞིག་ཀྱང་ལོས་ཡོད། ཁ་བ་འབབ་ཐེངས་རེར། ངའི་སེམས་འདི་དྲན་གདུང་གིས་མནན་ནས་ཡོང་གི་འདུག ཞིབ་ཏུ་བསམ་ན། ང་སྐྱེས་ས་ཡང་། ཁ་བབ་འབབ་རྒྱུཡོད་པའི་སའི་གོ་ལའི་རི་ཁུག་གི་གྲོང་གསེབ་ཞིག་ཡིན་པ་དེ་རེད། ད་ཕལ་ཆེར་ང་ལ། ཕྱིར་དྲན་ཞིག་བྱེད་རྒྱུ་མ་གཏོགས་མེད་པ་འདྲ། དེ་ནི། ངེད་རང་བྲག་དམར་སློབ་ཆུང་དུ་ཡོད་པའི་སྐབས་ཤིག་ཡིན།
རྨོག་རུ་བསྟན་པ།
གྲང་ཤུར་ཤུར་དང་འཁྱག་སིབ་སིབ་ངང་བཙན་བྱོལ་བོད་མིའི་སྤྱི་ཚོགས་ཀྱི་ཕྱོགས་གཅིག་ལ་བལྟས་ན་ང་ཚོར་མེད་མུག་དང་། ཐོབ་ཤོར། རྗེས་ལུས་སོགས་ཀྱི་ཞན་ཆ་མང་པོ་ཞིག་ཡོད་པ་སྨོས་མེད་ཡིན་མོད། སྐྱབས་བཅོལ་འདྲ་འདྲའི་ནང་ནས་མ་འདྲ་བ་ཞིག་ཆགས་ཡོད་པའང་།གཅིག་གྱུར་གྱི་རླབས་ཆེ་བའི་དབུ་ཁྲིད་དང་།རྒྱལ་ཁབ་ཚད་ལྡན་ཅིག་གི་གྲུབ་ཆ་ཡོངས་སུ་ཚང་བའི་བཙན་བྱོལ་བོད་མིའི་སྒྲིག་འཛུགས་སོགས་ཡིན།
དེ་ལས་མང་བ་། “བཙན་བྱོལ་བོད་མིའི་སྒྲིག་འཛུགས་ལས་རྙེད་པའི་སྤོབས་པ།” »
ཤར་ཕྱོགས་ཁུག་རྟ།
༢༠༠༨ ལོའི་བོད་ནང་གི་ཞི་རྒོལ་ཆེན་མོས་བླུན་པོ་ཉལ་ས་ནས་བསླངས་ཏེ། མི་ཤེས་ཤེས་ཁུལ་གྱིས་ཁྲག་གི་རྡོ་རིང་ཞེས་པའི་དེབ་ཞིག་པར་དུ་བསྐྲུན། རང་ཉིད་ནག་ཁུངས་ཡིན་པའི་སྲིད་དོན་རིགས་པ་དང་ཁྲིམས་ཀྱི་ཤེས་ཚད་དེས། ན་མཉམ་ཚོའི་ཁྲོད་ནས་སྨྲ་བརྗོད་རང་དབང་ཟེར་བ་ལྟ་བུའི་ཁྲིམས་ལུགས་ཀྱི་ཚིག་འདི་དག ཚོར་བ་ཤུགས་ཆེན་ཡིན་པའི་རྩོམ་མམ་ཡིག་ཚོགས་སུ་འབྲི་རྒྱུའི་ཞེད་སྣང་བྱས། ཞེད་སྣང་གིས་ཡུན་རིང་ལྷགས། ད་དུང་ལྷགས་འདུག་ཀྱང། སྐབས་དེར་དེབ་དེའི་ཟུར་སྦྱར་དུ་རྒྱ་ནག་གི་རང་སྐྱོང་བཅའ་ཁྲིམས་ཤིག་བཀོད་ཁར། མཇུག་གཏམ་ནང་སྲིད་དང་ཁྲིམས་ཀྱི་ཤེས་བྱ་ལས་ཚོར་སྣང་མཆོག་ཏུ་འཛིན་པའི་འཐབ་རྩོད་དང། གཏམ་བརྗོད་རྣམས་ཉུང་དུ་འགྲོ་རྒྱུའི་སྨོན་ལམ་བཏབས་པ་ཡིན།
དེ་ལས་མང་བ་། “སྨྲ་བརྗོད་རང་དབང་ལ་སེན་འབྲད་བྱེད་པ། ༼ཁ་སང་གི་ཉིན་ཐོ།༽” »
འཇམ་དཔལ་ཚུལ་ཁྲིམས།
“ཁ་ བརྡས་སྨྲ་བརྗོད་རང་དབང་དང་གང་ཟག་སྒེར་ལ་དམོད་མོ་བྱེད་པ་གཉིས་ཀྱི་བར་ན་གནས་ པའི་རྣོ་སྐུད་ཀྱི་སྐུད་ལམ་ཕྲ་མོ་དེའི་སྟེང་གོམ་པའི་འདེགས་འཇོག་འཁྱོར་ཞོར་ དང་འགྲོ་ཞོར་བྱས་ནས་ད་བར་དུ་སླེབས་པ་རེད།”་ཁ་བརྡ་དྲ་ཚིགས་ལས་དྲངས།
ཉེ་ཆར་དོན་དག་ཅིག་གི་བྱུང་རབས་ལ་བརྟེན་ནས་སྨྲ་བརྗོད་རང་དབང་དང་གང་བྱུང་མཚང་འབྲུ་གཉིས་ཀྱི་ས་མཚམས་སྐྲ་ཉག་ལས་ཕྲ་བས་སུས་ཀྱང་སོ་སོར་འབྱེད་མི་ཐུབ་པར་བཤད་པ་དེའི་ས་མཚམས་ཤིག་ཁོ་བོས་ལྟས་དབང་གིས་རྙེད་པའི་སྣང་བ་བྱུང་། གལ་སྲིད་ངོ་མ་དེ་ལྟར་ཡིན་ན་འདི་ནི་ཚགས་པར་ལས་ཁུང་ཁག་དང་། ཟིན་བྲིས་པ། དཔྱད་བརྗོད་པ་སོགས་མང་པོ་ཞིག་ལ་ཕན་ཐོགས་འབྱུང་བར་ཐེ་ཚོམ་མེད་པས་དེ་ཁོ་བོས་ཅུང་ཟད་ཞུ་བར་འདོད།
དེ་ཡང་འཇིག་རྟེན་རྒྱང་འཕེན་པའི༎ལུགས་ནི་རྣམ་པ་གཉིས་སུ་འདུ༎ཚེ་འདིའི་བདེ་ཐབས་བཤད་པ་དང་༎འཇིག་རྟེན་ཕ་རོལ་དགག་པའོ༎ཚེ་འདིའི་བདེ་ཐབས་བཤད་པ་ནི༎མ་ཤི་བར་དུ་ཅི་བདེར་སྤྱོད༎ཤི་ནས་དེ་ཡི་སྤྱོད་ཡུལ་མིན༎རང་གི་བདེ་བའི་དོན་སླད་དུ༎གཞན་གྱི་བདེ་བ་གཞོམ་མི་བྱ༎དེ་སླད་གཞན་གྱི་སྲོག་བསྲུང་བྱ༎རང་གི་འཚོ་བའི་དོན་ཙམ་ལས༎སྲོག་ཆགས་བསད་པར་མི་རུང་ན༎མི་ཡི་སྲོག་འཕྲོག་ཅི་སྟེ་རུང་༎རང་ཉིད་ཆུང་མར་བརྩེ་བ་བཞིན༎གཞན་གྱི་སྙིང་ལ་དེ་སྡུག་པས༎བདག་གི་ཆུང་མ་ཁོ་ན་ལས༎ལོག་པར་གཡེམ་པ་མི་བྱའོ༎གཞན་གྱིས་བདག་ཏུ་བཟུང་བ་ཡི༎ཆུ་ཕོར་གང་གི་དངོས་པོ་ཡང་༎གཡོ་དང་འཇབ་བུས་ལེན་པ་སོགས་༎མ་བྱིན་ལེན་པར་མི་རུང་ངོ་༎
རིག་འབྱུང་དོན་གྲུབ་བཀྲ་ཤིས།
ནེའུ་ཡོག་ཏུ་དགུན་གནང་གི་བདུན་གཉིས་ཙམ་རྫོགས། དེའི་རིང་ལ། བོད་རིགས་འཛོམས་ས་ཁ་ཤས་ལ་ཕྱིན་པ་ཡིན། གནས་ཚུལ་རེ་བསྒྲིག་ནས་ཅིག་འབྲི་དགོས་བསམ་མོད། དུས་ཚོད་ཀྱིས་ཡོང་གི་མི་འདུག ད་དུང་བདུན་གཅིག་སྡོད་ཁོམ་འདུག ཁ་སང་གཟའ་ཉི་མའི་ཉིན། ནེའུ་ཡོག་གི་ས་འོག་ལྕགས་ལམ་བརྒྱུད་ཀོ་ལིམ་སྤི་ཡ་གཙུག་ལག་སློབ་ཁང་གི་ཕྱོགས་སུ་ཕྱིན་པ་ཡིན། གཙུག་ལག་སློབ་ཁང་དེའི་འགྲམ་གྱི་ལྷ་ཁང་ཞིག་ཏུ། བཀའ་ཁྲིའི་འོས་དམིགས་ཀྱི་བགྲོ་གླེང་དེ་འཚོགས་སོང་། བཀོད་སྒྲིག་བྱེད་མཁན་ནེའུ་ཡོག་དང་ནེའུ་འཇར་སིའི་བོད་རིགས་སྤྱི་མཐུན་ཚོགས་པ་རེད། གཙོ་སྐྱོང་བ་ཨེ་ཤེ་ཡ་རང་དབང་རླུང་འཕྲིན་ཁང་གི་ཀརྨ་རྒྱ་མཚོ་རེད། བགྲོ་གླེང་གནང་མཁན། བཀའ་ཟུར་བཀྲ་ཤིས་དབང་འདུད་དང་བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ། བློ་བཟང་སེང་གེ་བཅས་རེད། བགྲོ་གླེང་ལ་བཅར་མཁན། བོད་མི་ཆིག་སྟོང་བརྒལ་བ་འདུག རྐུབ་སྟེགས་མ་རག་པར་རྒྱབ་ཏུ་ལངས་མཁན་བོད་རིགས་གང་འཚམ་འདུག བགྲོ་གླེང་དེ་ཁྱོམ་བསྡོམས་དུས་ཚོད་གསུམ་ལྷག་བྱས་སོང་། མི་མང་གི་ཁྲོད་ནས་དྲི་བ་གཏོང་མཁན་བདུན་ལ་གོ་སྐབས་སྤྲད་སོང་། གཙོ་སྐྱོང་བས་དྲི་བ་བཅུ་གཅིག་བཏང་སོང་། དྲི་བ་དང་པོ་དང་གཉིས་པ་གཉིས་འདྲ་སེ་འདུག དམིགས་བསལ་ཁྱད་པར་མི་འདུག
གོ་ཕྲུག་རྭ་བུ། འོག་གི་འབྲེལ་ཐག་ལ་བསྣུན་ནས་ཀློགས། tethong
གོ་ཕྲུག་རྭ་བུ།
བློ་གཟུ་བོར་གནས་པའི་ཐོག་ནས་ལབ་བྲང་ཁར་བཞག་ནས་འདང་ཞིག་བརྒྱབ་ན་འདི་དག་མཐོང་ཐུབ། རྩམ་གཟན་ཚོ།
༡༽ཆོལ་གསུམ་གོང་བུ་ཆིག་དྲིལ་ལས་ཆོལ་ཁའི་འཐེན་འཁྱེར་གྱི་དྲི་མས་མ་གོས་པ་ཞིག་མཚོན་གྱི་ཡོད། གལ་སྲིད་ཆོལ་ཁའི་དབང་དུ་སོང་ན་དབུས་གཙང་ཆེས་མང་བས་བཀྲས་མཐོང་ལས་མདོ་སྟོད་སྨད་གཉིས་བསྡོམས་ནའང་ཁོང་ཤོར་ངེས་ཡིན།
༢༽ གང་ཟག་མཁས་དབང་གི་མིང་ཡོད་པ་ཞིག་འདེམས་པ་འདིས་བོད་པའི་སྤྱི་ཚོགས་འདི་ཡར་ངོའི་ཟླ་བ་བཞིན་དུ་ཤེས་ཡོན་ལ་དགའ་ཞིང་ཤེས་ཡོན་ལ་དུང་། མཁས་པ་ལ་བརྩི་ཞིང་རྣམ་དཔྱད་ལྡན་པ་ལ་མོས་པས་ཤེས་བྱ་རིག་པའི་གནས་ཀྱི་ཆུ་ཚད་ཚད་གོང་ནས་གོང་དུ་འཕེལ་དང་རྒྱས་བཞིན་པ་ཞིག་མཚོན་གྱི་ཡོད།
དེ་ལས་མང་བ་། “ད་ལན་མཁས་དབང་བློ་བཟང་སེང་གེར་སྔོན་འགྲོའི་འོས་མང་ཤོས་ཐོབ་པའི་ཡོན་ཏན་དུམ་བུ་ཞིག” »
བོད་ཀྱི་རྩོམ་རིག་སྒྱུ་རྩལ་སྐོར་དཔྱད་གླེང་རླུང་འཕྲིན་སྙན་སྒྲོན་ལེ་ཚན།
ཆུ་སྐྱེས་སྒྲོལ་མ།
༼རྩོམ་ཡིག་འདི་ནི། ཨ་རིའི་རླུང་འཕྲིན་ཁང་གི་བོད་སྐད་ཚན་པས་བོད་ཀྱི་རྩོམ་རིག་སྐོར་སྙན་སྒྲོན་གྱི་གོ་སྐབས་གནང་བའི་སྐོར་དེ་ཡིན། འདིར་སྙན་སྒྲོན་ཡི་གེའི་མ་ཕྱི་དང༌། སྙན་སྒྲོན་དངོས་གཞི་རྒྱང་བསྲིང་གི་སྒྲ་ཡང་ལྷན་དུ་བཀོད་ཡོད།༽
ལེ་ཚན་དང་པོ།
རྒྱ་ཆེའི་གསན་མཁན་རྣམ་པ་ཚོ་ལ་འཚམས་འདྲི་ཞུ་བ་དང་ཆབས་ཅིག མི་ལོ་ལྔ་བཅུའི་རིང་གི་བོད་ཀྱི་རྩོམ་རིག་སྒྱུ་རྩལ་ལ་ཕྱིར་མིག་བལྟ་བ་ཞེས་པའི་དངོས་ཡོད་གནས་སྟངས་དང༌། འབྲེལ་ཡོད་མི་སྣ་ཁག་ཅིག་ལ་བཅར་འདྲི་ཟུང་འབྲེལ་གྱི་ལམ་ནས། མི་ལོ་ལྔ་བཅུ་ཐམ་པའི་རིང་གི་བོད་ཀྱི་རྩོམ་རིག་སྒྱུ་རྩལ་སྐོར་དཔྱད་གླེང་གི་ལེ་ཚན་དེ་རིང་ནས་དབུ་འཛུགས་ཞུ་གི་ཡོད། དེ་རིང་གི་ལེ་ཚན་འདིའི་ནང༌། ཕྱི་ལོ་ ༡༩༥༩ ཡར་སྔོན་བོད་ཀྱི་རྩོམ་རིག་སྒྱུ་རྩལ་གྱི་གནས་སྟངས་དེ་གང་འདྲ་ཞིག་ཡོད་པ་དང༌། དེར་ངོས་འཛིན་བྱེད་སྟངས་སྐོར་སོགས་རིམ་པས་སྙན་སྒྲོན་ཞུ་ཡི་ཡིན།
དེ་ལས་མང་བ་། “མི་ལོ་ལྔ་བཅུའི་རིང་གི་བོད་ཀྱི་རྩོམ་རིག་སྒྱུ་རྩལ་ལ་ཕྱིར་མིག་བལྟ་བ།༼ ༡༽” »
མི་ནག་ཚང་ལུང་རིགས་རྒྱལ།
༧གོང་ས་མཆོག་གིས་ཕྱག་གཉིས་ཐལ་མོ་སྦྱར་ཏེ་ཁེ་ན་ཌའི་གཞུང་ལ་ཞུ་བ་ཕུལ། ཁེ་ན་ཌའི་གཞུང་གིས་རྒྱ་ནག་གི་གནོན་ཤུགས་ལ་མ་ལྟོས་པར་༧ཁོང་གི་གཞེན་སྐུལ་དེ་དང་དུ་བླངས་པ་མ་ཟད། བཙན་བྱོལ་བོད་མི་ ༡༠༠༠ ཁེ་ན་ཌར་ལེན་རྒྱུ་ཡིན་ཚུལ་ཉེ་ཆར་གཞུང་འབྲེལ་གྱིས་ཁྱབ་བསྒྲགས་བྱས་སོང་། ཡིན་ཡང་། བཙན་བྱོལ་བོད་གཞུང་གིས་ཁོང་ཚོར་ཁེ་ན་ཌའི་གཞུང་གིས་ཚུར་འབྲེལ་བ་བྱས་མ་སོང་སྟབས། དོན་དག་དེ་གཞུང་འབྲེལ་ཆགས་མེད་ཟེར།
བསེ་རུ།
༼ལོ་གསར་པར་རྒྱ་ཆེའི་ཀློག་པ་པོ་དང་དྲ་གྲོགས་ཡོངས་ལ་བཅོས་མིན་གྱི་འཚམས་འདྲིའི་ བཀྲ་ཤིས་བདེ་ལེགས་ཞུ་བ་དང་ཆབས་ཅིག འདས་དོན་ལ་ཕྱིར་དྲན་གྱིས་སེམས་ཚོར་རྗེན་པར་སྨྲ་བར་བྱའོ།།༽
བདག་གི་དྲ་གྲོགས་ལྷན་རྒྱས་དང་། རྒྱ་ཆེའི་ཀློག་པ་པོ་ལྷན་རྒྱས་ལ་སྤྱི་ལོའི་ལོ་གསར་ལ་འཚམས་འདྲི་ཞུ་བ་དང་སྦྲགས། དེ་རིང་འདིར། ལོ་གསར་པའི་ནང་གོམ་པ་སྤོ་སྟངས་ཀྱི་གསལ་འདེབས་ཤིག་ཞུ་འདོད་བྱུང་ལ། དྲ་གྲོགས་ལྷན་རྒྱས་ནས་འདི་ཐད་གཞོགས་འདེགས་ཀྱི་ཡིད་ཆེས་དང་རེ་བ་མཉམ་བསྡེབས་ཀྱིས་ཞུ་བ་ལགས།
དེང་སྐབས་དྲ་བའི་བརྒྱུད་ལམ་ནས་བོད་ཀྱི་སྐད་ཡིག་གི་ཚེ་སྲོག་གི་ལང་ཚོ་དར་བཞིན་པའི་དུས་འདིར། བོད་ཕྱི་ནང་གཉིས་སུ་གཞུང་སྒེར་གྱི་བོད་ཡིག་དྲ་རྒྱ་ཇིི་སྙེད་ཡོད་ཅིང་། དེ་དག་གི་ཁྲོད་ཤེས་རིག་དང་། ཆབ་སྲིད། དཔལ་འབྱོར། ཁྲིམས་ལུགས། བརྡ་འཕྲིན། གསར་འགྱུར། པར་རིགས། གླུ་གཞས་ལ་སོགས་པའི་བརྗོད་གཞི་དང་། ཁྱབ་ཁོངས་མི་འདྲ་བ་ཇི་སྙེད་ཅིག་དང་། དེ་དག་གི་ཁྲོད་རྩོམ་པ་པོ་དང་། ཞིབ་འཇུག་པ། དཔྱད་བརྗོད་པ། སྙན་ངག་པ་སོགས་ཡིན་མིན་ལ་མ་བལྟོས་པར་རྩོམ་ཡིག་སྤེལ་མཁན་ནི་འཚང་ཁ་ཤིག་ཤིག་ཡིན་མིན་མི་ཤེས་ཀྱང་། རྩོམ་ཡིག་གི་ས་བཅད་ནི་སྟོང་པར་ལུས་པའི་དཀའ་ངལ་དེ་མེད་པར་སྣང་། ཡང་མང་པོ་ཞིག་ནི་རྒྱུན་གཏན་ནས་རྩོམ་ཡིག་རྒྱུན་མར་སྤེལ་བ་དང་། འགའ་ཞིག་གིས་གནད་འགག་གི་དུས་སུ་སྤྱི་ཚོགས་དཔྱད་བརྗོད་ཙམ་སྤེལ་བ། རེ་འགས་སྒྱུར་རྩོམ་རིགས་འདྲ་མིན་སྤེལ་བ། ལ་ ལས་ནི་ཉིན་ལྟར་རང་གི་ཚོར་འདུ་དང་འབྲེལ་བའི་རྩོམ་ལུས་མི་འདྲ་བའི་རྩོམ་ཡིག་ གང་མང་སྤེལ་བ་སོགས་གནངས་དང་གནང་མུས་ཚང་མས་བོད་སྐད་ཡིག་གི་རྣམ་ཤེས་སྲོག་ཏུ་ ཞུགས་པའི་རྩོམ་ལུས་ཀྱི་གར་སྟབས་སྣ་ཚོགས་སྒྱུར་བཞིན་ཡོད་པ་ནི་ཆེས་དགའ་འོས་ པའི་ དོན་ཆེན་ཞིག་ཡིན། དེར་དུས་ནམ་ཡང་རྗེས་སུ་ཡི་རངས་དང་དགའ་གུས་ལྷན་དུ་ཞུ་ཡི་ཡོད།
བོད ལྷ་ཀླུ་གཉན་གསུམ།
ཉིས་སྟོང་ལོ་ཟེར་ནས་ང་ཚོས་ཡུན་རིང་ ཞིག་ལ་སྒུག་པ་རེད། དེ་ནས་ཉིས་སྟོང་སླེབས་སོང་། ཉིས་སྟོང་སླེབས་ནས་ཀྱང་། ང་ཚོ་དོན་དག་གསར་བ་གང་ཡང་བྱུང་མ་སོང་། ཉི་ཟླ་ནི་སྔར་བཞིན་ཤར་ནས་ནུབ་དང་། མི་རྣམས་ཀྱང་སྐྱེ་བ་ནས་འཆི་བ་རེད།
དེ་ནས་ཉིས་སྟོང་གཅིག་ལ་རེ་བ་བྱས། དེ་ནས་གཉིས། དེ་ནས་གསུམ། དེ་ནས་རིམ་བཞིན། དམིགས་བསལ་གྱིས་བརྒྱད་ལ་རེ་བ་བརྒྱབས། དེ་ཡི་ནང་ནས་བོད་མི་དག་གིས་ལོ་དེར་གང་ཐུབ་ཅི་ཐུབ་ཞིག་འཛམ་གླིང་མི་མང་ལ་རང་ ཉིད་བོད་མི་ཡིན་པའི་བདེན་དཔུང་བྱས། འཛམ་གླིང་གི་གསར་འགྱུར་ཆེས་མི་ཉུང་བ་ཞིག་གིས་ཀྱང་། བོད་མི་ཟེར་བའི་མི་རིགས་ཤིག་ས་སྒང་འདིར་འཚོ་ཡོད་པ་ཡིད་ཆེས་བྱེད་འགོ་བཙུགས།
དེ་ལས་མང་བ་། “ལོ་འདི་ལྟར་བུད་འགྲོ་ལ། འདི་ལྟར་སླེབས་ཀྱིན་ཡོད།” »
བློ་གྲོས།
མི་ལོ་ལྔ་བཅུའི་སྔོན་ལ། གོང་ས་སྐྱབས་མགོན་ཆེན་པོ་མཆོག་གིས་བོད་གཞུང་མང་གཉིས་ཀ་དམངས་གཙོའི་ལམ་དུ་འཁྲིད་གནང་མཛད་པ་རེད། སྤྱི་ཚོགས་རྙིང་པའི་ཆབ་སྲིད་ཀྱི་སྒྲོམ་གཞི་དེ་ཡག་ན་འདྲ། སྡུག་ན་འདྲ། སྒོ་བརྒྱབ་ཚར་ནས་ལོ་ལྔ་བཅུ་ཕྱིན་པ་རེད། ད་ནི་དེའི་ཤུལ་ལྷག་ཅིག་གང་ནའང་མེད་པ་རེད། འདི་ནི་ང་ཚོའི་དམངས་གཙོའི་འཕེལ་རིམ་གྱིས་ཕྱི་གཙང་ནང་གཙང་བྱས་ཚར་བའི་གྲས་ཤིག་རེད།
ལོ་ལྔ་བཅུའི་རྗེས་ཀྱི་ད་ཆ་ལ་མཚོན་ན། རྒྱ་ནག་གཞུང་གིས་བོད་རྒྱའི་གནད་དོན་ཐག་གཅོད་བྱེད་པའི་གོ་རིམ་ནང་དུ། བཙན་བྱོལ་བོད་ཀྱི་དམངས་གཙོའི་ལམ་སྲོལ་འདི་མུ་མཐུད་གནས་ཤིང་། གཉིས་སྨན་དབུ་མའི་ལམ་ནས་བོད་དོན་ཐག་གཅོད་བྱས་པའི་རྗེས་སུ་བཙན་བྱོལ་བོད་ཀྱི་དམངས་གཙོའི་ལམ་སྲོལ་འདི་ཆོལ་གསུམ་གཅིག་ཏུ་སྒྲིལ་བའི་ས་ཁོངས་ཧྲིལ་པོར་ཁྱབ་རྒྱུར་ངེས་པ་འདི་ཉེན་ཁ་ཞིག་ཏུ་མཐོང་གི་ཡོད་པ་ལས། སྤྱི་ཚོགས་རྙིང་པ་ཟེར་བ་ཞིག་ཡོང་རྒྱུ་མེད་པ་ཤེས་ཀྱི་ཡོད་ནའང་། བོད་ཕྱི་ནང་བར་དང་བོད་གཞུང་མང་བར་གྱི་མཐུན་ལམ་ལ་གས་ཁ་གཏོང་ཆེད་དུ་སྤྱི་ཚོགས་རྙིང་པ་རོི་ལངས་རྒྱག་གི་ཡོད་པ་དེ་དྲིལ་སྒྲོག་ཡོ་བྱད་ཚོའི་ནང་གི་ནུས་པ་ཆེ་ཤོས་གཅིག་ལ་བརྩི་གི་ཡོད་པ་རེད།
བློ་གྲོས་མཐའ་ཡས།
༡༽ ཆེས་བྱིན་ཆགས་ཤིང་མིའི་སེམས་ལ་དྲོད་ཁོལ་འཁྱིལ་བའི་བཞད་སྒྲ་དེ་ནི་བོད་མགོ་ནག་ཡོངས་ཀྱི་འདི་ཕྱིའི་སྐྱབས་གནས་༧གོང་ས་ཐམས་ཅད་མཁྱེན་པའི་བཞད་སྒྲ་རེད། ༧གོང་ས་མཆོག་རྒྱུན་དུ་མཇལ་ཐུབ་མཁན་གྱི་སྐལ་བཟང་ཞིག་ཡིན་ན་ཁོང་གི་བཞད་སྒྲ་རྣ་བར་མ་འདྲིས་ཤིང་མ་གོམས་པ་ཞིག་ག་ལ་ཡོད་ཀྱང་། དེ་རིང་གི་བཞད་སྒྲ་ནི་སྔར་དང་ཆེས་མ་འདྲ་བ་ཞིག་སྟེ། ཐུགས་གཏིང་ནས་དགྱེས་པའི་རྣམ་འགྱུར་ཧ་ཅང་གསལ་བོར་མངོན་གྱི་འདུག
“རྒྱ་སྐྱག་སང་གི་ཁ་ནང་ལ་དེ་ཆུག ད་༧གོང་ས་མཆོག་གི་དགུང་ལོ་ལ་རྩིས་རྒྱོབས་ཡ།”
“འོ་ཡ། བོད་དོན་འདི་སྤྱི་ཚོགས་རྙིང་པའི་སྐུ་དྲག་ཁ་ཅིག་རོ་ལངས་རྒྱག་འདོད་ཨེ་རེད། ད་ལྟོས་དང་།”
“དེ་རིང་ཡང་རྒྱ་རོ་སང་གི་སེམས་ནང་ལ་ཆུ་འཁྱག་བླུགས་སོང་།”
“འོ་ལེ། བོད་ལ་མགོ་ཡོད་པ་ནི་རྒྱ་རོ་ཁོ་རང་སང་གིས་ཀྱང་ཁ་ནས་ཤོར་གྱིན་འདུག ལུས་པོ་ཡོད་པ་ནི་ན་ནིང་གཞིས་ནང་ནས་གསལ་བོར་བསྟན་སོང་། ད་བོད་ལ་མགོ་ལུས་གཉིས་ཀ་མཐུད་པའི་སྐེ་ཞིག་ཀྱང་ཡོད་སོང་བ་རེད།”
མདའ་མོ་ཚང་རྨོག་རུ་བསྟན་པ།
ཟླ་ བ་ཁ་ཤས་ཀྱི་གོང་ནས་བཙན་བྱོལ་བོད་མི་ཡོད་དོ་ཅོག་ལ་འུར་ཟིང་ཆེན་པོ་ཞིག་ལངས་ ཡོད་ལ།འུར་ཟིང་འདི་ནི་བཀའ་ཁྲིའི་འོས་མི་བློ་བཟང་སེང་གེ་ལགས་ནས་མགོ་བརྩམས་ ཤིང་།བཀའ་ཁྲི་ཐོབ་མིན་གང་ལྟར་ཀྱང་བློ་བཟང་སེང་གེ་ལགས་ཀྱིས་བཙན་བྱོལ་བོད་ མིའི་སྤྱི་ཚོགས་ཀྱི་མང་གཙོའི་མི་མང་ཁྲོད་བསྒྲགས་པའི་ཅོང་བརྡ་ཞིག་དང་།ཁོང་ ཉིད་བཀའ་ཁྲིའི་འོས་མིར་གཞེངས་བའི་དམི གས་ཡུལ་གྱི་ཡ་གྱལ་ཞིག་ཀྱང་རེད།
ད་ རེས་ཀྱི་འོས་བསྡུ་འདིའི་ཁྲོད་ནས་མི་མང་གིས་ཀྱང་མང་གཙོའི་རིན་ཐང་ལ་གོ་བ་ཅིག་ རྙེད་ཡོད་ཚོད་ཡིན་ལ།རང་ཚོད་ལ་རང་དཔོག་ཐུབ་མེད་པའི་མི་བུ་མང་པོ་ཞིག་གིས་རང་ ཉིད་ཀྱི་ངོ་གདོང་དང་མི་མང་གི་རང་ཉིད་ལ་ངོས་འཛིན་བྱེད་སྟངས་ཐད་རྒྱུས་ལོན་མང་ པོ་ཞིག་ཀྱང་བྱུང་ཡོད།ལྷག་པར་རང་ཚུགས་མེད་པའི་སྐུ་ངོ་རེ་ཟུང་གི་ལྗིད་ཁོག་ཏེ་ མི་མང་གིས་ངོས་འཛིན་གསལ་པོ་ཐུ བ་ཡོད།
དེ་ལས་མང་བ་། “ཨ་མའི་བུ་ལ་འབྱོན་ཐང་ཡོད་ན།བཀའ་བློན་ཁྲི་པར་ནམ་ཕེབས་རེད།” »
བློ་གྲོས།
ད་ནི་བཀྲས་མཐོང་བསྟན་འཛིན་རྣམ་རྒྱལ་ལགས་ལ་རྒྱབ་སྐྱོར་བ་ཚོས་གཞི་ནས་ཁྱབ་བསྒྲགས་ཀྱི་གོམ་སྟབས་བསྒྱུར་མགོ་ཚུགས་སོང་བ་འདྲ། མི་ཆེན་དཔོན་ཆེན་འདི་ཚོས། གནད་ཀྱི་འགག་རྩ་ལ་ཐུག་དུས། གཞི་ནས་གོམ་སྟབས་དེ་བསྒྱུར་གྱི་འདུག འདི་ནི་དམག་བྱུས་ཤིག་ཡིན་པའི་དབང་དུ་བཏང་ན། དམག་དོིན་མཁས་མྱོང་ཅན་གྱི་བྱེད་སྟངས་ཤིག་ཡིན་འདྲ།
བསམ་འཆར་འདོན་པ་པོ་མགོ་ལོག་སྟོབས་རྒྱལ།
༧་གོང་ས་སྐྱབས་མགོན་ཆེན་པོ་མཆོག་གིས་བགྲེས་ཡོལ་བྱེད་རྒྱུའི་ཐུགས་འདུན་དགོངས་བཞེད་གནང་བ་འདི་ལ་བཀའ་ཤག་དང་སྤྱི་འཐུས་ལྷན་ཚོགས་གཙོའི་པའི་བཙན་བྱོལ་རྒྱ་ཆེའི་མི་མང་ཡོངས་སུ་རྫོགས་པའི་བསམ་བློ་ཞིབ་ཏུ་གནང་དགོས་པ་ཞིག་ངེས་པར་དུ་ཆག་ཡོད། དེ་སྔོན་གཞུང་སྒེར་ཚོགས་པ་ཁག་དང་དགོན་སྡེ་གྲྭ་ཚང་མང་པོ་ཞིག་གིས་རྒྱུ་མཚན་གང་ཡང་མེད་པའི་ཐོག་ནས་སླར་ཡང་་༧་གོང་ས་མཆོག་ལ་བོད་ཆོས་སྲིད་གཉིས་ཀྱི་དབུ་ཁྲིད་ཀྱི་ཐུགས་འགན་གནང་དགོས་པའི་ཞུ་བ་འབུལ་དགོས་པ་རེད་ཅེས་བཤད་ཡོད། ཕྱོགས་གཅིག་ནས་བསམ་ན་༧གོང་ས་མཆོག་གི་སྐུ་ཚེ་བསྐལ་པ་མ་སྟོང་བར་དུ་ད་ལྟ་ནང་བཞིན་བཞུག་རྒྱུ་གཏན་འཁེལ་ཡོད་ན།