མདོ་འདུམ་ཚང་།
བཀའ་ཁྲིའི་སྔོན་འགྲོའི་འོས་བསྡུ་དེ་གསལ་བསྒྲགས་ཟིན་རྗེས། དྲ་ཐོག་ཏུ་བཀའ་བློན་ཁྲི་བའི་སྐོར་གྱི་བགྲོ་གླེང་ཇེ་འཁྲུགས་ལ་སོང་ཡོད། ལྷག་པར་དུ། བོད་ཡིག་ཐོག་རྩོམ་སྤེལ་མཁན་ཚོ་ལས་དབྱིན་ཡིག་ཐོག་འབྲི་མཁན་ཚོ་འཁྲུགས། ད་ཕན་བློ་བཟང་སེང་གེ་གཅིག་པོའི་སྒང་ལ་ཡང་།
དྲ་ཐོག་ན་དབྱིན་ཡིག་ཐོག་བྲིས་བ་བཅུ་གྲངས་འདུག འོན་ཀྱང་། འབྲི་མཁན་ཕལ་ཆེ་བས། ཕྱོགས་གཅིག་རྐྱང་བ་མ་གཏོགས་གླེང་གི་མི་འདུག བློ་སེང་ལ་སྐྱོན་བརྗོད་བྱེད་མཁན་ཚོས་སྐྱོན་གྱི་སྣེ་མོ་རྐྱང་རྐྱང་བཙལ་གི་འདུག བཀྲས་མཐོང་ལ་བསྟོད་པ་རྒྱག་མཁན་ཚོས་བསྟོད་པའི་མཐེ་བོང་རྐྱང་རྐྱང་བསྒྲེངས་གིན་འདུག རྩོམ་འབྲི་མཁན་གཅིག་གིས། ཕྱོགས་གཉིས་ཀ་གླེང་བ་ད་ཕན་ཉུང་སེ་འདུག ཕྱོགས་གཅིག་གླེང་མཁན་མང་རུང་། ཁོང་ཚོས་བྲིས་བ་དེ་ཚོ་ཅུང་ཞིབ་ཚགས་འདུག གནས་སྟངས་འདིའི་འོག་ཏུ། ངེད་ཀྱི་བསམ་ཚུལ་ལ། ད་ང་ཚོས་མི་གཅིག་གི་ཕྱོགས་གཉིས་ཀར་བལྟ་དགོས་རེད་འདོད། ཕྱོགས་གཉིས་ཀ་ཞིབ་བསྡུར་བྱེད་དགོས་རེད་། དཔེར་ན། བློ་བཟང་སེང་གེ་ལ་སྐྱོན་ཡོད་པ་ནང་བཞིན། ཁོང་གི་ཡོན་ཏན་དེ་ཚོ་ཡང་མཁྱེན་དགོས་རེད་འདོད། སྐྱོན་དང་ཡོན་ཏན་གཉིས་ཀར་བལྟ་དགོས་ཀྱི་འདུག བཀྲས་མཐོང་བསྟན་འཛིན་རྣམ་རྒྱལ་ལ་ཡང་དེ་མཚུངས་རེད། སྐྱོན་དང་ཡོན་ཏན་གཉིས་ཀ་མཁྱེན་པའི་རྗེས་སུ། ཕྱོགས་གཉིས་ཀ་བསྡུར་དགོས་རེད་། དེ་ལྟར་བྱས་ན། གང་ཟག་དེ་བཀའ་ཁྲིའི་རྐུབ་སྟེགས་སྟེང་ལ་མ་སླེབས་སྔོན་དུ་།

དེ་ལས་མང་བ་། “བློ་སེང་བཀྲས་མཐོང་གཉིས་ཀ་ཞིབ་ཏུ་ཀློགས།” »

འཇམ་དཔལ་ཚུལ་ཁྲིམས།

ཉེ་ཆར་༧གོང་ས་མཆོག་གིས་ཁོང་ཉིད་ཆབ་སྲིད་ཀྱི་ཐུགས་འགན་ལས་ཕྱེད་རྒན་ཡོལ་དུ་ཡོད་པ་ལས་རྒན་ཡོལ་ཆ་ཚང་ཞུ་འདོད་ཡོད་སྐོར་ཞིག་གསུང་བ་དེས་བོད་མིའི་སྤྱི་ཚོགས་ནང་ དུ་གླེང་གཞི་གསར་བ་ཞིག་བྱུང་། སྐབས་འཚོལ་བ་ཚོར་རང་རང་གི་མིང་གོང་མཐོར་འདེགས་པའི་ལག་ཆ་ཞིག་རག་པ་དང་། ཐུགས་ཁུལ་ཅན་འགའ་རེར་བཅོས་མེད་ཀྱིས་བློ་འཚབ་སོགས་བྱུང་ཡོད། འདིའི་སྐོར་ལ་བདག་གི་བསམ་ཚུལ་དེ་གསལ་ཁ་ཞིག་མ་བཏོན་ན་ཇོ་བཟང་གི་ངང་ཚུལ་དུ་འགྱུར་བས་འདི་ཆེད་དུ་གླེང་བ་ཡིན།

དེ་ལས་མང་བ་། “ཚེ་སྲོག་གི་གཤག་བཅོས།” »

ཆུ་སྐྱེས་སྒྲོལ་མ།

༼ VOA ཨ་རིའི་རླུང་འཕྲིན་ཁང་གི་ བོད་སྐད་ཚན་པས་རྒྱང་བསྲིང་ལེ་ཚན་རྩོམ་སྒྲིག་དང་སྙན་སྒྲོན་ཞུ་བའི་གོ་སྐབས་ གནང་དོན་ལྟར། འདས་པའི་ཟླ་བ་བཅུ་གཉིས་ཡས་མས་རིང་། བཙན་བྱོལ་བོད་ཀྱི་མི་ལོ་ལྔ་བཅུའི་རིང་གི་རྩོམ་རིག་དང་སྒྱུ་རྩལ་རིག་གནས་ཀྱི་ གནས་སྟངས་སྐོར་རྩོམ་སྒྲིག་དང་སྙན་སྒྲོན་ཞུས་གྲུབ་ནས། ཉེ་ལམ་ནས་བཟུང་བོད་ཀྱི་དུས་ཆེན་སྐོར་རྩོམ་སྒྲིག་དང་སྙན་སྒྲོན་ཞུ་མགོ་ཚུགས་ ཏེ། དེའི་སྐོར་རྩོམ་སྒྲིག་དང་སྙན་སྒྲོན་ཞུ་མུས་ལ། ད་ལམ་VOA ཨ་རིའི་རླུང་འཕྲིན་ནང་། མུ་འབྲེལ་ངོ་སྤྲོད་རྒྱང་བསྲིང་གི་མ་ཟིན་ཁག་དང་། འབྲེལ་ཡོད་ཁག་ཅིག་ལ་བཅར་འདྲི་དང་ལྷན་བསྡེབས་ཀྱི་རྒྱང་བསྲིང་སྒྲ་སྐད་ཀྱང་ ཟིན་བྲིས་ནང་ལྷན་འགོད་ཞུ་འཆར་ཡིན་ནའང་། གུས་མོས་དྲ་ངོས་འདིར་སྒྲ་སྐད་འཇོག་སྟངས་སྐོར་ཤེས་མ་སོང་སྟབས། སྒྲ་སྐད་སྐོར་རྗེས་ལ་རིམ་པས་ལྷན་འགོད་ཞུ་འཆར་ཡིན། ༽

རང་ཅག་ཁ་བ་ཅན་པ་ཚོར་རང་གི་ཡུལ་སྲོལ་གོམས་གཤིས་དང་། ཆོས་དང་རིག་གཞུང་བཅས་དང་འབྲེལ་བའི་དུས་ཆེན་འདྲ་མིན་སྣ་ཚོགས་ཤིག་གཏོང་སྲོལ་ ཡོད་པ་དང་། དེ་རེ་རེར་ཡང་བྱུང་ལུགས་བྱུང་སྟངས་དང་། ཁྱད་ཆོས། ནང་དོན་སོགས་མང་པོ་ཞིག་ཡོད། ཡིན་ནའང་། དེའི་སྐོར་གྱི་ཤེས་བྱ་མང་པོ་ཞིག་རིམ་པས་ཉམས་འགྲོ་ཡི་ཡོད་པ་དང་། ལྷག་པར་དུ་གཞོན་སྐྱེས་མི་རབས་དང་ལོ་ཆུང་བྱིོས་པ་མང་པོ་ཞིག་གིས་དེའི་སྐོར་ རབ་བེ་རིབ་བེ་ཞིག་ལས་ཤེས་ཀྱི་ཡོད་པ་མ་རེད། དེར་བརྟེན། དེ་རིང་གི་ལེ་ཚན་འདི་ནས་མགོ་བཙུགས་ཏེ། དུས་ཆེན་སོགས་ཀྱི་སྐོར་ནས་སྙན་སྒྲོན་ལེ་ཚན་འདི་མགོ་འཛུགས་ཞུ་ཡི་ཡོད། དེ་རིང་གི་ལེ་ཚན་འདིའི་ནང་། རིང་མིན་བོད་ཟླ་དགུ་པའི་ནང་སླེབས་ལ་ཉེ་བའི་ལྷ་བབས་དུས་ཆེན་གྱི་སྐོར་སྙན་ སྒྲོན་ཞུ་ཡག་ཡིན། ང་ཚོས་གསན་མཁན་རྣམ་པ་ཚོར། འབྲེལ་ཡོད་མི་སྣ་ཁག་ལ་བཅར་འདྲི་དང་སྦྲགས་ནས་སྙན་སྒྲོན་ཞུ་གི་ཡིན།

དེ་ལས་མང་བ་། “ལྷ་བབས་དུས་ཆེན་སྐོར་ཕྱོགས་བསྡུས།” »

ཟླ་རྗེས་མ་ལ་ཉི་འཛིན་དང་ཟླ་འཛིན་འདུག་པས་དགེ་བསྐུལ་ཞིག་ཞུས་ན་བསམ་བྱུང་། །
དད་དང་བརྩེ་ལྡན་གྱི་སྤུན་ཟླ་རྣམ་པ་དང་། རྒྱལ་ཕྱི་ནང་གི་དཔྱོད་ལྡན་རྣམ་པ་ལགས། ཕྱི་ལོའི་དབང་དུ་སྟངས་ན་ལོ་གཅིག་ཕལ་ཆེ་རྫོགས་འགྲོ་བཞིན་ཡོད་པ་རེད། ལོ་སར་ཟེར་བ་དེ་ཡང་ཉེ་བ་རེད་ཀྱང་། ད་ལོའི་ལོ་འདིའི་ནང་ལ་ཉི་ཟླ་འཛིན་པ་དང་ས་ཆུ་མེ་རླུང་འབྱུང་བཞིའི་གནོད་པ་དག་ལོ་རྒྱུས་ལ་བྱུང་མ་མྱོང་ཡང་བྱུང་ཡོད་པ་རེད། དུས་དང་རྟེན་འབྲེལ་འཁྱུག་པའི་སྐྱོན་ཞིག་རེད་སྙམ་ཡོད། གང་ལྟར་གཟིགས་དང་ཉི་འཛིན་ཟླ་འཛིན་བྱུང་བ་འདི་དག་ལོ་རྒྱུས་དང་སྦྱར་ན་བལྟས་ངན་དང་དུས་གཉེན་གཉིས་ཀ་རེད། གང་ལྟར་ཞུ་དགོས་པ་དངོས་དེ་དེ་རིང་གནམ་གང་རེད། སང་ཉིན་ནས་མགོ་ཟླ་བའི་ཚེས་གཅིག་རེད། མགོ་ཟླའི་ཚེས་བཅོ་ལྔ་ལ་ཉི་ལྡོག་དང་ཟླ་འཛིན་དང་གནམ་གང་ལ་ཉི་འཛིན་ཀྱང་འདུག་པས་དེ་ལུགས་ཀྱིས་རབ་ན་ཟླ་བ་གཅིག་ལ་དགེ་སྒྲུབ་སྡིག་སྤང་། དེ་མ་བྱུང་ན་ཡང་ཚེས་བཅོ་ལྔ་དང་སུམ་ཅུ་ལ་ཤ་མི་ཟ་བ་དང་ཆང་མི་འཐུང་བ་སོགས་གསོ་སྦྱོང་ལ་གནས་པ་དག་ཤིན་ཏུ་གལ་རེད། ང་ཚོ་རང་དྲིན་རང་ལ་ཆེ་བ་རེད་བསམ་ནས་ཞུས་པ་ཡིན། མ་ཚད་ཟླ་འདི་ལ་སྐྱེས་ཆེན་དམ་པ་༧གོང་ས་མཆོག་གི་ཞི་བདེའི་གཟེངས་རྟགས་་བཞེས་པ་དང་ཆོས་རྗེ་དམ་པའི་དུས་མཆོད་སོགས་དམ་པ་དུ་མ་ཞིག་འདས་འཁྲུངས་ཀྱི་དུས་ཆེན་དང་མདོ་རྒྱུད་འགས་ལོ་མགོ་ཡང་འདོད་ཀྱིན་ཡོད་པ་རེད། །དུས་ཡང་གལ་ཆེན་ཞིག་རེད་འདུག དེ་ལ་དུས་ཚོད་བཟང་པོ་དང་ངན་པ་དག་ནི་ཕྱིའི་རྟེན་འབྲེལ་དང་ནང་གི་་བཀྲ་ཤིས་བདེ་ལེགས་བསམ་པ་དེ་རེད། །དེས་ན་རང་རེ་ཚང་མ་བདེ་བ་འདོད་ལ་སྡུག་མི་འདོད་པའི་འགྲོ་བ་སེམས་ཅན་ཀུན་དང་། ཁྱད་པར་སྨྲ་ཤེས་དོན་གོ་བའི་མི་ཞིག་ཡིན་ནས་བཟུང་བཟང་ངན་འབྱུང་འགྱུར་དུས་ལ་ཡང་བསམ་བློ་གཏོང་གི་རེད། དེ་གཙོ་བོ་གང་ཟག་སྒེར་མི་ཚོའི་ཆོས་དང་འཇིག་རྟེན་གྱི་འཚོ་བ་དང་། ཁྱིམ་ཚང་། རང་གི་རྒྱལ་ཁབ་དང་རྒྱལ་ཡོངས་ལ་ཕན་ཐབས་བདེ་བསམ་པ་དེ་རེད། དེ་ནས་མ་གྱུར་ནམ་མཁའི་མཐའ་དང་མཉམ་པའི་སེམས་ཅན་ཀུན་ལ་ཕན་བདེའི་བསམ་པ་བྱ་བ་དེ་རེད། བྱམས་བརྩེ་དང་ཕན་བདེའི་རྩ་བ་རྒྱལ་བསྟན་རིན་པོ་ཆེ་འདི་ལ་ཐུག་ཡོད་པ་རེད་། དེ་ཡང་རྒྱལ་བའི་བསྟན་པ་ཞེས་ཕྱི་རོལ་དཔལ་འབྱོར་དང་འཛུགས་བསྐྲུན་ཞིག་ལ་གོ་རྒྱུ་མ་རེད། ནང་སེམས་ཀྱི་བདེ་བ་དང་ཞི་བ་སྐྱིད་པ་ཞིག་ལ་གོ་དགོས་རེད། དེ་ཡིན་དུས་ནམ་རྒྱུན་བསམ་པ་ཀུན་སློང་བཟང་པོ་བཅོས་རྒྱུ་དེ་རེད། བསམ་པ་བཟང་ན་ས་དང་ལམ་ཡང་བཟང་ཟེར་རྒྱུ་བོ་རེད། །བསམ་པ་བཟང་པོ་དེ་ཡོད་ན་ཡར་དཀོན་མཆོག་ལ་དད་འདུན་གྱི་རེ་བ་བཅའ་ཤེས་ཀྱི་རེད། མར་སེམས་ཅན་ལ་བྱམས་པ་དང་སྙིང་རྗེ་སྐྱེ་ཤེས་རྒྱུ་རེད། སངས་རྒྱས་ལ་དད་པ་དང་སེམས་ཅན་ལ་སྙིང་རྗེ་ཡོད་ནས་བཟུང་དེ་ནང་པ་སངས་རྒྱས་པ་རེད། དེ་ནས་རིམ་པ་བཞིན་དུ་ །གང་ཟག་གང་ཞིག་བློ་རིམ་པ་བཞིན་དང་ཐེག་པའི་གོ་རིམ་དག་རང་རྒྱུད་ལ་འབྱོར་ཡོང་གི་རེད། དེས་ན་དགེ་བསྐུལ་འདི་ཞུས་པ་ཡིན། ང་ཚོའི་ཡིད་ཀྱིས་བསམ་པ་བཟང་པོ་དང་བསྐྱེད་རྫོགས། ངག་གིས་མ་ཎི་སིདྡྷི་འདོན་པ་དང་བསྔོ་སྨོན། ལུས་ཀྱིས་ཕྱག་དང་བསྐོར་བ་དང་སོར་བྱང་སྔགས་ཀྱི་སྡོམ་པ་ལ་གནས་པ་དེ་རེད། དེ་འདྲ་ཞིག་ཡོང་བ་ལ་གསོལ་འདེབས་སྨོན་དམ་བཅའ་བྱས་ པས་རྒྱལ་བ་སྲས་དང་བཅས་པས་མཐུན་འགྱུར་གནང་བར་གསོལ་བར་འདེབས་སོ། །

དེ་ལས་མང་བ་། “དགེ་བསྐུལ་ཉི་ཟླ་ནོར་བུ།” »

བོད། ལྷ་ཀླུ་གཉན་གསུམ
སྐྱེ་དུས་སུ་ངའི་རང་ངོ་མི་ཤེས་ཟེར་ན་འགྲིག ད་དུང་། སྐད་ཆ་ཡང་བཤད་ག་ལ་ཤེས། གཅིག་ཤེས་པ་དེ་ནི་ངུ་རྒྱུ་དེ་རེད། ལྟོགས་པའི་ཚེ་ན་ངུ་། དགའ་བའི་ཚེ་ན་དགོད། དགའ་སྐྱོ་ཆགས་སྡང་ནི་རང་ལག་དུ་ཡོད་པ་རེད། གཅིག་མི་ཤེས་པ་དེ་ནི་རང་ངོ་རེད་ལ། སྐད་ཡིག་གང་གི་ཁུངས་སུ་ཡང་མི་གཏོགས་པའི་མི་བུ་ཞིག་རེད།
ལོ་ཟླ་རིམ་འདས་ཀྱི་རྗེས་སུ། ངས་སྐད་ཆ་བཤད་། སྐད་ཆ་དེ་ནི་བོད་སྐད་རེད། རྒྱུ་མཚན་ནི་ངའི་ཕ་མ་གཉིས་ཀ་བོད་མི་རེད། ཁོང་རྣམ་པ་གཉིས་ཀྱིས་ང་ལ་བསླབ་པ་དེ་ཡང་བོད་སྐད་ལས་གཞན་ཞིག་གང་དུ་ཡོད། དེ་ནས་བཟུང་ངས་བཤད་ཤེས་པའི་སྐད་ཐོག་མ་དེ་ནི་བོད་སྐད་ཡིན་ལ། ང་ལ་བོད་པའི་རྣམ་ཤེས་ཤིག་ཡོད་པ་དེ་ནས་བཟུང་ངེས་འཛིན་བྱས་ན་འགྲིག་པ་ཡིན།

དེ་ལས་མང་བ་། “ཕྱིར་རང་ལ་ཞིབ་དུ་བལྟས་དུས།” »

ཐུབ་བཟང་།

ང་ཚོའི་ལས་དོན་འཐུས་ཤོར་ལས་ཀྱང་ཐུ་བ་ནི་ལས་དོན་ལ་འགོག་རྐྱེན་བྱས་པ་དེ་ཡིན། ངས་ རྟོག་འཆལ་བོད་གཞི་བྱེས་གཉིས་ཀྱི་རྒྱལ་ཕམ་ཞེས་པའི་ འདིའི་ཁ་བྱང་མཐོང་ཚེ་དྲྭ་གྲོགས་ཚོའི་སེམས་ལ་སྟབས་མ་བདེ་བ་ཞིག་འབྱུང་སྲིད་ མོད་འོན་ཅང་དེ་ནི་ཁོང་ཅག་གིས་ཞལ་ཞེས་གནང་པ་ལས་ངས་གསར་བཟོ་བྱས་པ ཞིག་མིན་པ་མུ་མཐུད་ནས་བརྗོད་བྱར་གཟིགས་དང་རྟོགས་ཐུབ། སྤྱིར་བཏང་གི་བོད་མི་རིགས་རང་གི་གོམ་གཤིས་དང་སྐད་ཡིག་རྒྱུད་འཛིན་སོགས་ཀྱི་ ཐད་ལ་གཞིས་ལུས་སྤུན་ཟླ་དག་མཆོག་ཏུ་གྱུར་བ་ཡོད། དེ་ནི་གཞི་བྱེས་གཉིས་མི་འབོར་མང་ཉུང་གིས་གཞན་གྱི་ གོམ་སྲོལ་དང་སྐད་ཡིག་གིས་བཙན་འཛུལ་བྱེད་དཀའ་སླ་ལས་གཞན་མིན། ཁྱད་པར་དུ་ཉེ་ཆར་ལོ་ངོ་ཁ ་ཤས་ནས་དམིགས་བསལ་གྱིས་བོད་སྐད་ཡིག་རྒྱུན་སྐྱོང་གི་ཆེད་དུ་སྒོ་ཀུན་ནས་ཐབས་ ལམ་འདྲ་མིན་གྱིས་དཔེ་བཟང་ལྟ་བུར་སྐྱོད་བཞིན་པ་ནི་རྒྱལ་ཁའི་སྔོན་འགྲོ་ཞིག་ ཏུ་ལྷགས། དེ་ལ་བསྡགས་བརྗོད་དང་ ཡི་རངས་འོས་པ་ཞིག་ཏུ་མཆིས་མོད།

དེ་ལས་མང་བ་། “བོད་ གཞི་བྱེས་གཉིས་ཀྱི་རྒྱལ་ཕམ།” »

ལོ་ལོན་གྱིས།

རིང་མིན་དབུས་འོས་བསྡུ་ལས་ཁང་གིས་ང་ལ་༢༠༡༡ལོའི་བཀའ་ཁྲིའི་འོས་མིར་འདུག་མིན་གྱི་སྐད་ཆ་འདྲི་རྒྱུ་རེད་ལ།ངས་ང་བཀའ་ཁྲིའི་འོས་མིར་འདུག་རྒྱུ་ཡིན་ཞེས་ལན་རྒྱག་གི་ཡིན།དེ་ནས་བཟུང་རང་ངོས་ནས་བཀའ་བློན་ཁྲིའི་འོས་མིར་ལངས་པ་རེད་ལ།བོད་མི་ཚོས་བཀའ་ཁྲིའི་འོས་མི་ཚོར་ཞིབ་ཚགས་པོ་དང་གཏིང་ཟབ་མོ་བལྟ་དགོས་པའི་དུས་ལ་བསླེབས་པ་རེད་ཅེས་བཀྲས་མཐོང་བསྟན་འཛིན་རྣམ་རྒྱལ་ལགས་ཀྱིས་གསུངས་སོང་།

དེ་ལས་མང་བ་། “བོད་མི་ཚོས་ཞིབ་ཚགས་པོ་དང་གཏིང་ཟབ་མོ་བལྟ་བའི་དུས་རེད།” »

རྟ་ནག་སྐལ་བཟང་ལུང་རིགས།

ཁོ་བོས་ས་རཱ་མཐོ་སློབ་ཏུ་ཐོས་པ་བྱེད་པའི་དུས་ཚེ་ནཞེས་པའི་སློབ་གསོའི་སྐོར་གྱི་བྲིས་རྩོམ་ཞིག་སྤེལ་ཏེ། བཙན་བྱོལ་སློབ་གསོའི་རྒུད་རྩ་གང་ག་དགེ་རྒན་མ་རུངས་པ་དག་གི་བྱས་ཉེས་སུ་བགྲངས་ཡོད་ཀྱང་། དེ་དུས་ཀྱི་སློབ་གསོའི་དཔྱད་པ་ཡོད་ཚད་དཔྱད་སྒོམ་གྱི་ཚུལ་དུ་ལས་རང་ཉིད་ལ་དགེ་རྒན་གྱི་ཉམས་མྱོང་ཅི་ཡང་མེད་རྐྱེན། མཐོ་སློབ་པ་ཞིག་གི་ང་རྒྱལ་གྱི་མགོ་བོ་མ་ནོན་པ་ཙམ་ལས་ཅི་ཡང་ཡོད་པ་མ་རེད་བསམས་ཀྱང་། དེང་དུས་རང་ཉིད་ཀྱང་ཁྲིད་སྟེགས་ལ་དབང་བསྒྱུར་བའི་བྱེད་པོ་ཞིག་གྲུབ་ཚར་དུས། སྔོན་མར་སྤེལ་བའི་སློབ་གསོའི་དཔྱད་པ་ཀུན་ཀྱང་ཁ་ཕོ་ཙམ་དང་འུད་ཤོབ་ཙམ་མ་ཡིན་པར། དགེ་རྒན་གྱི་བྱེད་ནུས་ནི་འཁོར་ལོས་བསྒྱུར་བའི་རྒྱལ་བོ་དག་ལས་ཀྱང་དབལ་ཚ་ཞིང་། རྣོ་ཆེ་བ་མྱོང་བས་གྲུབ་སོང་ངོ་།།

དེ་ལས་མང་བ་། “བཙན་བྱོལ་སློབ་གསོ་ལས་དགེ་རྒན་དག་ལ་བསྡིགས་པ།” »

རྨོག་རུ་བསྟན་པ།

༡》ཨ་ ཅེ་འཇམ་དབྱངས་སྐྱིད། འདང་དགུང་ངས་ཁྱོད་ཀྱི་འདྲི་གཅོད་ཀྱི་ཉིན་ཐོ་བཀླག་པ་ཡིན། ཚིག་དོན་གྱི་སྡེབ་སྦྱོར་བར་ནས་གློག་བརྙན་ལྟ་བུའི་སྣང་བརྙན་ཞིག་ཡིད་ངོར་འཆར་ འོངས། ཉེན་རྟོག་པའི་གཟུགས་བརྙན་དང་། སྐད་ཆ། ཁྱེད་ཀྱི་དངངས་སྐྲག་གི་ཁེངས་བའི་སེམས་ཁམས། ཁྱོད་ཀྱི་མིག་ཀོང་ན་ཡལ་ཐབས་མེད་པའི་ཁྱོ་ག་དང་བྱིས་པའི་གཟུགས་བརྙན་དེ་དག རེད་ཡ། ཁྱེད་ཀྱི་ཡིག་འབྲུ་རེ་རེ་ནི་ང་ཡི་ཚོར་བར་གྱུར་ཅིང་། ལྕགས་ཀོང་ལྟ་བུའི་ངའི་སེམས་ཁམས་ཀྱང་ཧྲལ་ཧྲུལ་དུ་གྱུར་སོང་།

དེ་ལས་མང་བ་། “འདྲི་གཅོད་ཀྱི་ཉིན་ཐོ་བཀླག་རྗེས།” »

བོད། ལྷ་ཀླུ་གཉན་གསུམ།

ངས་ང་ཚོས་དུས་རབས་འདིའི་ཟུར་ངོས་རེ་རེ་ནས། དམིགས་བསལ་གྱིས་བུད་མེད་ཀྱི་སྐོར་ལ་ཉན་པ་ཡིན། དེ་ཡི་ནང་ནས་བོད་མི་རིགས་ཀྱི་ཆེད་དུ་ལུས་ཡོད་པའི་བུད་མེད་དག་གི་ཆེད་དུ་ཉན་པ་ཡིན། དེ་ཡིན་དུས། ངས་ད་ལྟ་འདི་ནས་ཁྱེད་ཅག་ལ་ངོ་སྤྲོད་བྱེད་བཞིན་པའི་བུད་མེད་འདི་ཡི་མིང་ལ་ལྷ་མོ་མཚོ་ཟེར་བ་དང་། ཁོ་མོ་སྐྱེ་ཡུལ་ནི་བླ་བྲང་དགོན་པའི་འདབས་ཀྱི་གྲོང་སྡེ་ཞིག་ཡིན། ཁོ་མོ་སྐྱེ་དུས་ཀྱི་ནམ་ཟླ་དེ་དག་གི་སྐོར་ལ་ངས་གསལ་བོ་ཉན་མེད་ལ། སྐད་ཆ་ཡང་འདྲི་མ་འཕོད། ངས་ཁོ་མོ་ལ་ཉན་པ་དེ་ནི་བོད་མི་རིགས་ཀྱི་ཆེད་དུ་ད་ལྟ་བཙོན་དུ་ཡོད་པའི་ཁོ་མོའི་ཁྱོ་གའི་ཤུལ་རྗེས་ཀྱི་འཚོ་བའི་སྐོར་ཡིན། དེ་ཡང་འཇིག་རྟེན་གྱི་མིའི་རིགས་ཀྱི་གཙུག་སུ་འཛིན་པའི་འཚོ་བ་བསྐྱེལ་སྟངས་སྐོར་རེད།

དེ་ལས་མང་བ་། “ལྷ་མོ་མཚོ་ལ་ཉན་པ།” »

མཚོ་སྔོན་ཞིང་ཆེན་གཞུང་འཛིན་ཚོགས་པ་དང་ཞིང་ཆེན་སྲིད་གཞུང་། སློབ་གསོ་སྡེ་ཁག་བཅས་ལ།

གནམ་འོག་གི་སྐད་ཡིག་ཚང་མ་འདྲ་མཉམ་ཡིན།

གནམ་ འོག་གི་མི་ཚང་མས་སོ་སོའི་སྐད་ཡིག་དར་སྤེལ་དང་རིག་གཞུང་སྲུང་སྐྱོབ། མི་རིགས་འདྲ་མཉམ་བཅས་ཀྱི་ལངས་ཕྱོགས་གཙིགས་སུ་བཟུང་ནས་ཕན་ཚུན་ལ་བརྩི་འཇོག་ བྱེད་ཀྱིན་པའི་སྐབས་འདིར་མཚོ་སྔོན་ཞིང་ཆེན་གྱི་སྲིད་གཞུང་དང་འབྲེལ་ཡོད་ སློབ་གསོ་སྡེ་ཁག་ནས་གློ་བུར་དུ་སློབ་གསོ་བཅོས་བསྒྱུར་གྱི་ལས་གཞི་འདི་འདྲ་ ཞིག་གཏན་འབེབ་ལག་བསྟར་བྱས་པར་ང་ཚོ་ཚང་མར་བློ་ཕམ་ཚད་མེད་བྱུང་ཞིང་། གནས་ཚུལ་འདི་ཐོས་འཕྲལ་ང་ཚོས་ཉེན་ཁའི་གནས་སུ་གྱར་ཅིང་རྐང་ཞ་ལག་ལྡུམ་དུ་བཏང་ བའི་བོད་ཀྱི་སྐད་ཡིག་འདིའི་ཐོག་ཡང་བསྐྱར་རིག་གནས་གསར་བརྗེ་ལྟ་བུའི་གོད་ཆག་ འབྱུང་སྲིད་པར་སེམས་ཚབས་ཆེན་པོ་བྱེད་ཀྱིན་ཡོད། ཐེངས་འདིའི་<>ཅེས་ པ་འདི་ཕྱོགས་གཅིག་ནས་སྲིད་འཛིན་ཧུའུ་ཅིན་ཐའོ་ཡིས་ཤོད་ཀྱིན་པའི་འཆམ་མཐུན་ སྤྱི་ཚོགས་ཤིག་ཡོང་བར་འགོག་རྐྱེན་དུ་གྱུར་ཡོད་པས། གོང་རིམ་ནས་དངོས་ཐོག་བདེན་འཚོལ་གྱིས་སྲིད་ཇུས་འདི་འཕྲལ་དུ་ཕྱིར་འཐེན་བྱེད་ དགོས་པའི་འབོད་སྐུལ་ནན་གྱིས་ཞུ་བཞིན་ཡོད།

དེ་ལས་མང་བ་། “སྤྱི་ལོ་༢༠༡༠ནས་༢༠༢༠ བར་གྱི་མཚོ་སྔོན་སློབ་གསོའི་བཅོས་བསྒྱུར་འཆར་འགོད་རྩ་གནད་ཕྱིར་འཐེན་དགོས་པའི་འབོད་སྐུལ་ཁག་བཞི།” »