ཤ་ཀླན་འཇམ་དབྱངས་གྲགས་པ།
དེ་ཉིན་གཟའ་ག་རེ་ཡིན་མི་དྲན་མོད། སྤྱི་ཚེས་༢༣རེད།
ང་སློབ་གྲོགས་རྣམས་དང་ལྷན་དུ་བྱ་བ་ཞིག་ལ་བྲེལ་བཞིན་ཡོད།
སྐབས་དེར་ང་ལ་སྒྲུང་གཏམ་འབྲི་འདོད་ཤིན་ཏུ་ཆེན་པོ་བྱུང་བ་མ་ཟད་བརྗོད་བྱ་ཞིག་ཀྱང་གོ་རིམ་སྒྲིག་ཐུབ་སོང༌།
ཡིན་ཡང་སློབ་གྲྭའི་བྱ་བར་གཡོལ་ན་མི་འགྲིག་པས་བྱེད་ཐབས་མ་བྱུང༌།
ཡིན་ཡང་ཚོར་བ་དེ་ཕྱི་དྲོ་བར་དུ་མ་ཡལ་བ་མ་ཟད་བསམ་གཞིག་བྱེད་ཀྱིན་ཀྱིན་ཚོར་བ་ཇེ་རྣོ་ཇེ་རྣོ་རེད།
ཤ་ཀླན་འཇམ་དབྱངས་གྲགས་པ།
དེ་ཉིན་གཟའ་ག་རེ་ཡིན་མི་དྲན་མོད། སྤྱི་ཚེས་༢༣རེད།
ང་སློབ་གྲོགས་རྣམས་དང་ལྷན་དུ་བྱ་བ་ཞིག་ལ་བྲེལ་བཞིན་ཡོད།
སྐབས་དེར་ང་ལ་སྒྲུང་གཏམ་འབྲི་འདོད་ཤིན་ཏུ་ཆེན་པོ་བྱུང་བ་མ་ཟད་བརྗོད་བྱ་ཞིག་ཀྱང་གོ་རིམ་སྒྲིག་ཐུབ་སོང༌།
ཡིན་ཡང་སློབ་གྲྭའི་བྱ་བར་གཡོལ་ན་མི་འགྲིག་པས་བྱེད་ཐབས་མ་བྱུང༌།
ཡིན་ཡང་ཚོར་བ་དེ་ཕྱི་དྲོ་བར་དུ་མ་ཡལ་བ་མ་ཟད་བསམ་གཞིག་བྱེད་ཀྱིན་ཀྱིན་ཚོར་བ་ཇེ་རྣོ་ཇེ་རྣོ་རེད།
ཤ་ཀླན་འཇམ་དབྱངས་གྲགས་པ།
དེ་ཉིན་གཟའ་ག་རེ་ཡིན་མི་དྲན་མོད། སྤྱི་ཚེས་༢༣རེད།
ང་སློབ་གྲོགས་རྣམས་དང་ལྷན་དུ་བྱ་བ་ཞིག་ལ་བྲེལ་བཞིན་ཡོད།
སྐབས་དེར་ང་ལ་སྒྲུང་གཏམ་འབྲི་འདོད་ཤིན་ཏུ་ཆེན་པོ་བྱུང་བ་མ་ཟད་བརྗོད་བྱ་ཞིག་ཀྱང་གོ་རིམ་སྒྲིག་ཐུབ་སོང༌།
ཡིན་ཡང་སློབ་གྲྭའི་བྱ་བར་གཡོལ་ན་མི་འགྲིག་པས་བྱེད་ཐབས་མ་བྱུང༌།
ཡིན་ཡང་ཚོར་བ་དེ་ཕྱི་དྲོ་བར་དུ་མ་ཡལ་བ་མ་ཟད་བསམ་གཞིག་བྱེད་ཀྱིན་ཀྱིན་ཚོར་བ་ཇེ་རྣོ་ཇེ་རྣོ་རེད།
ཁྱོད་སུ་ཡིན།
དེ་རིང་བོད་ཀྱི་སྐུ་ཚབ་རྒྱ་ནག་ཏུ་བུད་ཐལ།
དེ་དང་མཉམ་དུ་བོད་མི་གང་མང་ཞིག་གིས་རེ་བ་རྒྱབ་གང་རུམ་བཞིན་ཡོད་ངེས།
འོ་ན་ཁྱོད་ཀྱིས་རེ་བ་ཅི་འདྲ་ཞིག་རྒྱག་གི་ཡོད། མ་གཞི་ནས་རེ་བ་ཞིག་རྒྱག་གི་ཨེ་ཡོད།
ང་ལ་རེ་བ་ཅི་ཡང་མེད། མེད་པའི་མེད་སྟངས་བཤད་ན། རྒྱུ་མཚན་ཁ་ཤས་ཤིག་ལ་ཐུག་ཡོད།
བོད། ལྷ་ཀླུ་གཉན་གསུམ་ནས།
ངས་རང་གི་ནོར་འཁྲུལ་བསམ་ནས་རང་ཉིད་བོད་མི་ཞིག་དུ་སྐྱེ་བ་དེར་འགྱོད་པ་ཆེན་པོ་བྱེད་ཀྱི་ཡོད། འགྱོད་པ་དེ་ནི་ཡོང་ས་གཙོ་བོ་རང་ཉིད་བོད་མི་ཞིག་གི་སྐྱེ་བ་ནས་བཟུང་དེ། རང་གིས་རང་ཉིད་བོད་མི་ཚད་ལྡན་ཞིག་བཟོ་མ་ཐུབ་པ་དེ་ཡིན།
ཐོག་མར་བོད་མི་ཚད་ལྡན་ཞིག་བཟོ་མ་ཐུབ་པའི་ནོར་འཁྲུལ་དང་བོ་དེ་ནི། རང་ཉིད་ནས་རང་གི་རིགས་རྒྱུད་འདི་གཞན་ལ་ཤོར་བའི་ནོར་འཁྲུལ་དེ་ཡིན་ལ། ནོར་འཁྲུལ་དེ་ལ་བརྟེན་ནས་རང་གི་བུ་རབས་རྗེས་མའི་བོད་སྐད་མི་ཤེས་ཤིང་། བོད་ཀྱི་རུས་ཞེན་ཡོད་ཙམ་ལས། བོད་མི་ཞིག་བྱེད་པའི་ཚད་ལྡན་གྱི་རུས་རྒྱུད་གཙང་མ་དེ་མེད་པར་བཏང་བ་དེ་ཡིན།
ནོར་འཁྲུལ་གཞན་ཞིག་ནི་རང་ཉིད་ཀྱིས་ཀ་ཁ་ཤེས་པ་ནས་ཀ་ཁའི་སྒྲིག་སྟངས་ཡག་པོ་ཞིག་མི་ཤེས་པའི་སྒང་ལ། ཀ་ཁའི་ཁྲོད་དུ་མི་ཚེ་གཏོང་བར་འཁྲུལ་སྣང་བྱེད་ཀྱི་ཡོད་པ་འདི་ཡིན། དེ་ནི་ཀ་ཁའི་ཁྲོད་དུ་མི་ཚེ་བསྐྱེལ་བའི་བོད་སྤྱི་ཚོགས་དང་བོད་ཀྱི་ཁོར་ཡུག་དང་ཁ་བྲལ་ནས་ཀ་ཁ་ཡོད་སའི་ཚགས་པར་དང་དུས་དེབ་སྣ་གཅིག་ཀྱང་མི་མཐོང་བའི་ཡུལ་གྲུ་ཞིག་དུ་འཚོ་བཞིན་པ་འདི་ཡིན།
ནོར་འཁྲུལ་ལས་ནོར་འཁྲུལ་འབྱུང་སའི་རང་ཉིད་ནི། བོད་མི་རིགས་ཀྱི་སྐད་ཡིག་གོམས་གཤིས་ལ་ཞིབ་བརྡར་བྱེད་པའི་ཁོར་ཡུག་མེད་ས་ནས། བོད་ཀྱི་སྐོར་ལ་སྐད་མགོ་མཐོ་བ་ནས་སྐད་མགོ་མཐོ་སྟངས་དེ་ལ་ཡང་གནས་ལུགས་དང་རྒྱུ་མཚན་ཆེན་པོ་ཞིག་མེད་པ་དེ་ཡིན།
ནོར་འཁྲུལ་གྱི་ལམ་དུ་ཞུགས་པ་ནས། རང་གིས་རང་གི་སྐད་ཡིག་ལ་རང་མགོ་ཐོན་པ་ནས་རང་གིས་གང་བསམ་པ་དག་བོད་ཀྱི་སྐད་ཡིག་ཐོག་ནས་བོད་ཀྱི་སྤུན་ཟླ་ཚོ་ལ་དུས་ཐོག་དུ་ངོ་སྤྲོད་དང་བགྲོ་གླེང་བྱེད་པ་ནས་ལག་ལེན་ལ་བསྟར་སའི་ཆ་རྐྱེན་མེད་པ་དེ་ཡིན།
དེ་ལས་མང་བ་། “སྐྱེ་བ་ནོར་མེད་ཀྱང་། འཚོ་བ་ལ་ནོར་འཁྲུལ་ཤོར་སོང་།” »
མི་རྐང་གླིང་བུ།
ཆེས་གདོད་མའི་དུས་སྟེ་གླིང་བདུན་ཅན་གྱི་འཇིག་རྟེན་འདི་ཉིད་ཡོངས་སུ་མ་གྲུབ་པའི་སྔོན་ དེར། རྒྱ་གར་གྱི་ས་དབྱིབས་གྲུ་གསུམ་སོག་པ་འདྲ་བ་དེ་ཉིད་ས་གཞི་ཆེན་མོ་ལས་ཟུར་དུ་ གྱེས། བོད་ཡུལ་གྱིས་གཙོས་པའི་ཡར་གླིང་གི་ཡུལ་གྲུ་ཕལ་མོ་ཆེར་དྲོ་ཚད་ཆེ་ཞིང་ཤིང་ནག་ འབོར་ཆེན་ཅན་གྱི་ཚ་བའི་ནགས་ཀླུང་ཞིག་ཏུ་གྲུབ་པ་མདོ་དབུས་མཐོ་སྒང་ནས་རྙེད་པའི་ གླང་ཆེན་གྱི་འགྱུར་རྡོ་དང་ ། ཧི་མ་ལ་ཡའི་རིའིརྩེ་མོ་ནས་རྙེད་པའི་ཉ་ཕྱིས་དང་འགྲོན་བུ་ དག་གིས་དཔང་པོར་བྱེད། དེ་ལྟར་བུའི་ཁོར་ཡུག་མཐིང་མདོག་ཅན་དེ་ཡང་གཏན་ དུ་ སྡོད་ དུ་ཐུབ་པ་ཞིག་མ་ཡིན་པས་ས་གཞིའི་སྒུལ་ཤུགས་ཀྱིས་ཡོ་འཁྱམས་རབ་དང་རིམ་པར་སོང་ བའི་མཐར། འཇིག་རྟེན་ན་གྲགས་པ་ཅན་གྱི་གངས་ཀྱི་རི་བོ་ཞིག་རྒྱ་བོད་གཉིས་ཀྱི་བར་དུ་ གསུན་གཙིར་གྱིས་གྱེན་དུ་བསླངས། གངས་རི་དེ་ཡི་ཕ་རོལ་རྒྱ་གར་ཡུལ་དུ་དུས་བཞིར་དབྱེ་ བ་དེ་ཙམ་མེད་པར་ཚ་བས་ནོན་པ་ཙམ་ལས་འགྱུར་བ་ཆེར་མ་བྱུང་ཀྱང་ ། གངས་རི་དེ་ཡི་ཚུར་རོལ་བོད་གངས་ཅན་ལྗོངས་ན་ས་ཡི་འགྱུར་ལྡོག་ཆེན་པོ་འདིས་གནམ་གཤིས་ལའང་ འགྱུར་བ་ཆེན་པོ་ཐེབས་ནས་ཆར་ཆུ་ཉུང་ཞིང་ ། གངས་དང་སད་ཀྱི་དུས་འགོ་ཚུགས། དེའི་ དབང་གིས་ཚ་བའི་ཡུལ་གྱི་སྲོག་ཆགས་སྤུ་མེད་པ། རློན་པ་དེ་དག་ཞིག་པའི་ཤུལ་དུ་རྐྱང་ འབྲོང་སོགས་ཀྱིས་གར་འཁྲབ་པ་སོགས་སྣོད་བཅུད་གཉིས་ཀ་ལ་གངས་ཀྱི་རི་རྒྱུད་འདི་ཡིས་
༢༠༠༩ ལོའི་པར་རྒྱག་སྒྱུ་རྩལ་པའི་འདྲ་པར་དྲག་འདེམས་པར་དེབ་ནི་ཚོང་ར་ལ་འགྲིམ་ཆེ་བའི་དེབ་ཞིག་དུ་གྱུར་ཡོད་པ་དང་འདིར་དེའི་ཁྲོད་གྱི་པར་ཁག་གཅིག་བཀོད་ཐབས་བྱས་བ་ཡིན།
གོང་གསལ་གྱི་རི་མོ་འདིའི་ནང་། གལ་ཏེ་ཁྱེད་ལ་རྒྱ་ནག་ཏུ་ཉེན་རྟོག་་པ་དགོས་མཁོ་བྱུང་ཚེ། གང་མགྱོགས་སམ། ༩༡༡ ལ་ཁ་པར་གཏོང་བའམ། ཡང་ན། དྲ་རྒྱའི་ཐོག་༧གོང་ས་མཆོག་ཅེས་འཚོལ་བ། ཞེས་འདམ་ཁའི་དྲི་བ་ཞིག་བཀོད་འདུག
བསྟན་འཛིན་ལེགས་བཤད་ཀྱིས་བླངས་བའི་འདྲ་པར་་ཁག་ཅིག
དེ་ལས་མང་བ་། “བཙན་བྱོལ་ནང་གི་པར་བ་འགས་བླངས་བའི་འདྲ་པར་ཁག་ཅིག” »
མི་རྐང་གླིང་བུ།
༡ གླེང་སློང་བ།
དེ་ནས་བཅོམ་ལྡན་འདས་རྒྱལ་བ་འབྲོག་རྒན་རྡོ་རྗེ་འཆང་དེ་ཉིད་ཀྱི་འཁོར་དུ་སྤོབས་པ་མཐའ་ཡས་ལ་སོགས་པ་གངས་ཅན་ལྗོངས་སུ་ལྟེ་ཁྲག་བྱོ་བ། ལོ་གསུམ་གོང་ནས་མི་ཡུལ་གྱར་བ། ཤེས་རབ་ལ་གཞན་དྲིང་མི་འཇོག་པ། འཇིག་རྟེན་གསར་པའི་ལུགས་ལ་མཁས་པ། གློག་རླབས་ཕྲ་མོའི་སྣེ་ན་འགྱིང་བ། གླིང་དང་གླིང་ཕྲན་ཐམས་ཅད་ཉུལ་བ། སྐད་རིགས་དགུ་བཅུ་གོ་དགུ་བཤད་པའི་དེང་རབས་ན་གཞོན་འབའ་ཞིག་སྐོར་བ་དང་ཐབས་ཅིག་ཏུ་བཞུགས་སོ།། འོན་ཀྱང་དེ་ཐམས་ཅད་བོད་གངས་ཅན་གྱི་རི་དྭགས་དང༌། གཅན་གཟན་དང༌། འདབ་ཆགས་སོགས་ཀྱི་རིགས་སྤྱི་དང༌། ལྷག་པར་གླ་བ་གར་ཡོད་མི་ཤེས། གླ་རྩི་གང་ཡིན་མི་ཤེས་པ་ཤ་སྟག་གོ། དེའི་ཚེ་དེའི་དུས་ན་གནོད་སྦྱིན་སྡེ་དཔོན་ཆེན་པོ་སྤོབས་པ་མཐའ་ཡས་དེ་ཉིད་སྟན་ལས་ལངས་ནས་འདི་སྐད་ཅེས་གསོལ་ཏོ།། བཅོམ་ལྡན་འདས། འདི་ན་ལྷ་ཆེན་པོ་སྒོམ་སྡེ་ལྷ་རམས་པ་དང༌། ཀླུ་ཆེན་པོ་ར་ས་ཕོ་ཉ་ལ་སོགས་དབང་པོ་དང༌། 
སྐལ་པ་དང༌། ལམ་མཐོན་པོ་ལ་གནས་དག་གིས་ཀྱང་གླ་བ་གང་ཡིན་མི་ཤེས་པ་དང་གླ་རྩི་གར་ཡོད་མི་ཤེས་ནས་ལམ་གོལ་བ་ཆེན་པོར་འཕྱན་པར་འགྱུར་བཞིན་པ་ལགས་པས་བཅོམ་ལྡན་འདས་ཀྱིས་གླ་བ་དང་གླ་རྩིའི་མདོ་ཞིག་བསྟན་དུ་གསོལ། ཅེས་ཞུས་སོ།། དེ་ནས་རྒྱལ་བ་འབྲོག་རྒན་རྡོ་རྗེ་འཆང་དེ་ཉིད་ཀྱིས་བོད་གངས་ཅན་གྱི་སྲོག་ཆགས་ཐམ་ཅད་ཀྱི་ངོ་བོ་དང༌། གཤིས་ཀ་ བྱུང་རབས་སོགས་མ་འདྲེས་པར་གསལ་བར་གཟིགས་པའི་ཏིང་ངེ་འཛིན་ལ་སྙོམས་པར་ཞུགས་ནས་གླ་བའི་གཟུངས་འདི་ཉིད་བཀའ་སྩལ་ཏོ།།
བེ་རི་འཇིགས་མེད་དབང་རྒྱལ།
འབུམ་ཕྲག་ཟླ་ཟེར་འཐུང་བའི་ཀུན་མུ་ཏས།།
མཚོན་དུས་མ་ཡིན་ངག་དབང་དབྱངས་ལྡན་ལྷ།
སྙུག་ཐོགས་བུ་ངའི་མགྲིན་པའི་འོ་མཚོ་ལ།
རྩེན་ནས་ཉམས་འགྱུར་སྟོང་གི་ཤིས་པ་སྒྲུབས།
འཕགས་བོད་འདུ་བྱེད་མཁས་པའི་ཞལ་ཆབ་ལས།
བྱུང་བའི་ལེགས་བཤད་བདུད་རྩིའི་མཆོད་ཡོན་འཕྲུལ།
གསང་བའི་སྐུར་ཡིག་དོན་ལྡན་ནོར་བུའི་གཏེར།
འདི་ན་འཁྱིལ་ཞེས་འཛུབ་སྟོན་མདོར་བསྡུས་བྱ།
བཙན་བྱོལ་དུ་བུད་མེད་རྩོམ་འབྲི་བ་ཉུང་ཤས་ཤིག་མ་གཏོགས་མེད། བོད་ཡིག་གི་ལམ་ནས་རྩོམ་འབྲི་མཁན་དང་དབྱིན་ཡིག་གི་ནང་ལ་རྩོམ་འབྲི་མཁན་གཉིས་བསྡུར་ན།
སྔ་མ་མང་ཞིང་ཕྱི་མ་ཉུང་། དབྱིན་ཡིག་གི་ནང་ལ་རྩོམ་འབྲི་མཁན་གྱི་བོད་རིགས་བུད་མེད་ཉུང་ཉུང་ཞིག་ཡོད་པའི་ཁྲོད་ནས་གཅིག་ནི་དོམ་པ་ཚེ་རིང་དབང་མོ་ཡིན།
དོམ་པ་ཚེ་རིང་དབང་མོ་ནི་སྙན་ངག་ཚེ་སྲོག་བཞིན་གཅེས་མཁན་ཞིག་ཡིན། དོམ་པ་ཚེ་རིང་དབང་མོས་བྲིས་བའི་སྙན་ངག་རྣམས་སྒྱུ་རྩལ་གྱི་མཐོ་སར་བསྙེགས་འདུག་ཞེས་གཞན་གྱིས་སྨྲ།
མི་རྐང་གླིང་བུ། དོམ་ནག་སྙིང་དཀར། འདི་ནི་བོད་ཀྱི་བྱུང་རབས་ནང་དུ་གཅན་གཟན་སྐད་གྲགས་ཅན་སྟག་གཟིག་དོམ་དྲེད་བཞི་ཡི་ཁོངས་སུ་གཏོགས། འདི་ཉིད་ངོས་འཛིན་ཚུལ་ལ་མི་མཐུན་པ་འགའ་རེ་བྱུང་འདུག དཔར་ཆས་དང་རྒྱང་ཤེལ་ཁོ་ན་སྐྱབས་སུ་བཟུང་བའི་ཕྱི་གླིང་བ་ཉ་དྲི་ཐུལ་ལེ་བ་དེ་དག་རྗེས་འབྲངས་དང་བཅས་པས་ངོས་འཛིན་བྱེད་མི་ཐུབ། གཅན་གཟན་འདི་ཉིད་ངོས་འཛིན་པ་ལ་བོད་ཕྲུག་རྩམ་དྲི་ཐུལ་ལེ་བ་ཞིག་དགོས་པ་ཡིན། དེ་ཡང་གནས་ཡུལ་དང༌། གཟུགས་དབྱིབས། གོམས་གཤིས། སྔོན་བྱོན་མཁས་པའི་གསུངས་སྲོལ། ཚན་རིག་པས་བརྙེད་དོན་བཅས་ཀྱིས་དབྱེ་བར་རིགས། (འདྲ་པར་འདི་ནི་བོད་གངས་ཅན་ན་འཚོ་བའི་དོམ་ནག་སྙིང་དཀར་རེད།) ༡་ དེ་ཡང་དང་པོ་གནས་ཡུལ་ནི། བོད་ཀྱི་རོང་ཆེན་བཞི་ས་ཆ་དྲོད་ཚད་ཆེ་བ་དང༌།…
མི་རྐང་གླིང་བུ
འདི་སྐད་བདག་གིས་ཐོས་པ་དུས་གཅིག་ན།
ཡུལ་གངས་ལྗོངས་འབྲོག་ཕྱོགས་ན་འཁྲུངས་པའི་བཅོམ་ལྡན་འདས་དེ་ཉིད་རིགས་དྲུག་གི་སེམས་ཅན་མཐའ་ཡས་པ་རྣམས་ཀྱིས་གཟུགས་དང༌། བོང་ཚོད། ཁམས་དང༌། མོས་པ་ཐམས་ཅད་ཅིག་ཅར་དུ་གཟིགས་པའི་ཏིང་ངེ་འཛིན་ལ་མཉམ་པར་བཞུགས་སོ།།
དེའི་ཚེ་དེའི་དུས་ན་དོམ་དང་དྲེད་མོང་སོ་སོར་མ་ཕྱེད་པའི་འཁོར་འགའ་ཞིག་ལྷགས་སོ།།
དེའི་ཚེ་བཅོམ་ལྡན་འདས་ཀྱིས་དེ་དག་གི་བསམ་པ་ཐུགས་ཀྱིས་གཟིགས་ནས་འདི་སྐད་ཅེས་བཀའ་སྩལ་ཏོ།།
དེ་ལ་ཚེ་དང་ལྡན་པ་དག་དྲེད་མོང་ནི་ཤ་གཟན་གྱི་སྲོག་ཆགས་སྟོབས་ཆེན་ཞིག་ཡིན་ནོ།། མིང་གི་རྣམ་གྲངས་ལ་ས་སློག་དང༌། སྦར་ཁོ། རྔ་ཡུ་མ་སོགས་སོ།། འདི་ནི་བྱང་རོང་གཉིས་ཀ་དང་བོད་ཡུལ་སྟོད་སྨད་བར་གསུམ་གང་སར་ཡོད་པའི་གཅན་གཟན་དཀོན་གྲས་ཀྱི་རིགས་སུ་གཏོགས། ཁེར་རྐྱང་དང༌། ཡང་ན་མ་བུ་རེ་ཟུང་དང་ལྷན་དུ་ཡོད་དོ།། སྤུ་མདོག་ཕལ་མོ་ཆེར་རག་པ་དང༌། ཁམས་ནག རག་པ་སོག་དཀར་ཅན། རག་དཀར། ཁྲ་བོ་སོགས་ཅི་རིགས་སུ་ཡོད་དོ།། ཁ་ཟས་ཀྱི་གཙོ་བོ་སེམས་ཅན་ཆུང་ཚགས་ཀྱི་རིགས་དང༌། སྒོ་ཟོག་ར་ལུག་སོགས་ཀྱི་སྟེང་དུ་ཡང་ལྷས་ར་ནང་དུ་མཆོངས་ཡོང་བ་ཡིན། རྒྱུན་དུ་རི་ལ་གནས་ཤིང་བྱི་བ་དང༌། འབུ་སྲིན་སོགས་ཀྱི་ཚང་སོགས་སློགས་ནས་དེ་དག་ཟ་བ་ཡིན་ཅིང་དེ་དག་ཚང་སློགས་སྐབས་སྲོག་ཆགས་དེ་དག་གཟུགས་པོ་ཆུང་བས་གང་སར་བྲོས་ཤོར་ནས་མང་པོ་ཟ་ཐུབ་གི་མེད་དོ།། གནས་ཚུལ་དེ་ཝྭ་སྦྲེ་སོགས་ཀྱིས་ཤེས་ནས་རྒྱུན་དུ་ཝྭ་སྦྲེ་སོགས་དྲེད་མོང་གི་རྗེས་སུ་འབྲངས་ཤིང་དྲེད་མོང་གི་ཚང་སློགས་སྐབས་ཁོང་ཚོས་བྱི་བ་སོགས་སྲོག་ཆག་ཆུང་ཚགས་མང་པོ་ཟ་རྒྱུ་རྙེད་གི་ཡོད་དོ།། དེ་ཡི་དབང་གིས་ཝྭ་སྦྲེ་མཐོང་སྐབས་ཡུལ་མི་རྣམས་ཀྱིས་དེའི་ཕྱོགས་དེར་དྲེད་མོང་ཡོད་པའི་ཚོད་དཔག་བྱེད་པ་ཡིན་ནོ།། 
བོད། ལྷ་ཀླུ་གཉན་གསུམ་ནས།
དེ་རིང་ནི་ཉིས་སྟོང་དགུ་རྫོགས་ནས་ད་ནི་ཉིས་སྟོང་བཅུ་ཟིན་པ་རེད། ལོ་གཅིག་གི་རིང་དུ་བྱས་ཟིན་པའི་བྱ་བ་དག་ལ་ཕྱི་མིག་ཅིག་བལྟས་དུས། འདས་ཟིན་མ་ཐག་པའི་ལོ་གཅིག་དེ་ཡི་ནང་དུ་ག་རེ་བྱས་ཡོད་མེད་དེ་རེད། དེ་ནི་མི་ཡུལ་ནས་མི་ཡུལ་ལ་གྱར་ནས། མི་ཡུལ་གྱི་འཚོ་བ་རོལ་སྟངས་གཞན་ཞིག་གི་ཁྲོད་དུ་ཡོད་པ་དེ་རེད།
དེ་རིང་་ ངས་དེབ་ཅིག་ཀློག་མགོ་བཙུགས་པ་ཡིན། དེབ་དེ་ནི་ རྒྱ་མི་ཀུང་ཕེ་ཚེ་ཡིས་བརྩམས་ཤིང་། དབང་ལགས་ཀྱིས་བསྒྱུར། བོད་ལྗོངས་མི་དམངས་དཔེ་བསྐྲུན་ཁང་གིས་ ༢༠༠༡ ལོར་པར་བརྒྱབ་པ་ཞིག་རེད། དེབ་ཀྱི་ཁ་བྱང་ལ། “ཚེ་སྲོག་གི་འབུལ་སྐྱེས། ༡༩༥༠ ལོར་དཔའ་བོའི་སྔོན་མངགས་བརྒྱ་ཤོག་ཤིན་ཅང་ནས་བོད་དུ་དཔུང་བསྐྱོད་བྱས་ཚུལ་བཀོད་པ།” ཞེས་བྲིས་འདུག དེབ་འདི་བཀླགས་ནས་ཤོག་ངོས་དྲུག་ཙམ་ལ་སླེབས་སྐབས་ངའི་སེམས་དེ་དྲི་བ་གཞན་ཞིག་བཟུང་། དྲི་བ་དེ་ཡལ་ཐབས་མི་འདུག་སྟབས་དྲ་ངོས་ནས་ལན་ཞིག་བཙལ།…
དེ་ལས་མང་བ་། “མི་དམངས་ཤོག་སྒོར་ཐོག་ཏུ་བོད་ཡིག་སུས་བྲིས་སམ།” »
རི་སྤྱང་ཁེར་འགྲོ
སྔོན་ཆད་ང་ཚོའི་ཁོར་ཡུག་ལ་དཀའ་ངལ་འཕྲད་སྟངས་དང་དེར་གདོང་ལེན་བྱེད་སྟངས་དང༌། དེ་རིང་གི་དུས་འདིར་ཁོར་ཡུག་ལ་ཉེན་ཁ་འབྱུང་ཚུལ་དང་དེ་ལ་གདོང་ལེན་བྱེད་སྟངས་གཉིས་ཇི་ལྟར་འདྲ་སྟེ་མི་འདྲའོ།
འདིར་བདག་གིས་དེང་དར་སོ་ཆེ་བའི་བརྗོད་གཞི་སའི་གོ་ལར་ཚ་ཆེན་འཕར་ནས་སྲིད་པའི་གངས་རི་ཞུ་བ་དང༌། རྒྱ་མཚོའི་རྦ་རླབས་འཁྱོམ་ནས་འཇིག་རྟེན་རྒུད་ཚུལ་སོགས་༢༠༡༢་ཞེས་བའི་གློག་བརྙན་ནང་གི་ཆག་སྒོ་དང་ཆ་འདྲ་བ་དག་གླེང་མི་སྤྲོ་བར། ས་ཁུལ་ཆུང་ཆུང་ཞིག་ནང་འབྱུང་བའི་དོན་དག་དང་ང་ཚོར་དེ་འདྲ་དོ་སྣང་མེད་པའི་ཁོར་ཡུག་གི་ན་ཚ་ཞིག་གླེང་བར་སེམས།
འཕྲུལ་ཆས་དང་བཟོ་ལས་ཤུགས་ཆེར་མ་དར་གོང༌། ང་ཚོས་ཁོར་ཡུག་ལ་བྱེད་སྟངས་དེ་བུང་བས་ཟེ་འབྲུ་ལེན་པ་དང་འདྲ་ལབ་ནའང་མི་ཆོག་པ་མེད་པ་འདྲ་ལ། སྐབས་དེར་ང་ཚོས་ཁོར་ཡུག་ལ་འཛིན་པའི་རྣམ་འགྱུར་དེའང་ཧམ་སེམས་ཆེན་པོ་མ་རེད་ལ། དེང་སང་ནང་བཞིན་ཁོར་ཡུག་ལ་བཤུ་གཤོག་དང་བཙན་གཡེམ་བྱེད་སྤྱད་ཀྱི་འཕྲུལ་ཆས་ཀྱི་མཐུན་རྐྱེན་ཡང་ང་ཚོར་ལྡན་མེད།
དཔེར་ན། ང་སྐྱེས་སའི་གྲོང་སྡེ་དེར་མཚོན་ན། སྔོན་ཆད་རྫ་ངོས་རི་ངོས་ཚང་མར་ནགས་ཀྱིས་ཁེངས་ཡོད་ལ། སྡོད་ཁང་གསར་རྒྱག་དང་ལབ་ཙེ་བསྟོད་པ། དར་ཤིང་བསློང་བ་སོགས་ཡིན་ན་ཡུལ་ལྷ་གཞི་བདག་གི་གནང་བ་ཐོབ་ཐོག་གྲོང་སྤྱིའི་མོས་མཐུན་ཡོད་ན་ཤིང་ནགས་བཅད་ཆོག་ལ། འབུད་ཤིང་དང་སླེ་བོ་བསླས་སྤྱད་ཀྱི་ལྕུག་ཕྲན་ཡང་སྒྲུག་ཆོག་གི་རེད། དེ་དུས་ལག་ཆ་ནི་སྟ་རེ་དང་སོག་ལེ། ཟོར་བ་ཙམ་མ་གཏོགས་མེད་ལ། ཤིང་ཆ་དང་འབུད་ཤིང༌། ལྕུག་ཕྲན་སོགས་བོང་དྲེལ་དང་མིས་རྒྱབ་ཏུ་འཁུར་ནས་སྐྱེལ་འདྲེན་བྱེད་ལ། བྱེད་སྟངས་དེ་སྦྲང་མས་མེ་ཏོག་གི་ཟེ་འབྲུ་ལེན་སྟངས་དང་འདྲ་སེ་ཡོད།
དེ་ནས་ཆིག་སྟོང་དགུ་བརྒྱ་བརྒྱད་ཅུ་དང་དགུ་ཅུའི་ནང་ཁོར་ཡུག་གི་གཤེད་མ་རྣམས་སླེབས་ནས། གློག་སྒུལ་ཟོག་ལེ་རང་འཁོར་མ་དེས་ཤིང་ནགས་ཚང་མ་སྐྲ་འབྲེག་འབྲེག་བྱས་ནས༌། ཤིང་གཏུན་རླངས་འཁོར་ཆེན་པོའི་ནང་གནམ་ལ་སྙོབ་པ་རེ་བརྩིགས་ནས་ནང་ལོགས་སུ་དབོར་འདྲེན་བྱས།
རི་ལུང་ཐང་གསུམ་ལ་ཚ་བ་འཕར་ཞིང་ཡུལ་གང་བོར་ཐན་པ་བྱུང་ནས། དུས་དུས་སུ་སྤྲིན་འཁྲིགས་པ་དང༌། དུས་དུས་སུ་འབྲུག་སྒྲ་སྒྲོག་པ། དུས་དུས་སུ་ཆར་བ་འབེབབ་པ་ཟེར་བ་སོགས་གནའ་གཏམ་འདྲ་ཞིག་ཏུ་གྱུར། ས་བཅུད་ཟུངས་འཛིན་གྱི་རྟེན་ཕུར་རྨང་ནས་ཕྱུང་ནས། ང་ཚོའི་ཕ་ཡུལ་གྱི་མི་ཚང་མ་ངུ་ན་མིག་ཆུ་མི་ཐོན་པ་ཞིག་བཟོས། མཚོ་བོད་མཐོ་སྒང་ནས་ཤིང་ནགས་བསྐྱར་གསོ་བྱེད་རྒྱུ་དཀའ་བ་འདི་ཚང་མར་གསལ་ཐང་ཐང་བཞིན།
ཕྱིས་སུ་རྒྱ་ནང་དུ་ཆུ་ལོག་རྒྱུག་པ་མཚོ་བོད་མཐོ་སྒང་གི་ཤིང་ནགས་གཅོད་འབྲེག་དང་གནག་ཕྱུགས་ཀྱིས་རྩ་ཟ་རྒྱུ་ཐལ་དྲག་པའི་རྐྱེན་རེད་ཟེར་ནས། ཞིང་ཁར་རྩ་འདེབས་སུ་བཅུག འབྲི་གཡག་དང་བཞོན་རྟ་སོགས་གནག་ཕྱུགས་གཟུགས་བོང་ཆེ་བའི་རིགས་ཉུང་དུ་འཕྲི།འབྲོག་པ་རྣམས་གདོད་མའི་ཕ་ས་འབྲོག་ཐང་ནས་དེད་དེ་གནའ་གོར་མོ་བྱེ་ཐང་སོགས་སུ་སྤྱུགས་ཤིང༌།ཞིང་བ་རྣམས་ཀྱི་ཕ་ནས་བུར་བརྒྱུད་པའི་འབྲུ་རིགས་འདེབས་ལས་རང་ཁ་རང་གསོའི་འཚོ་ལས་བོར་ནས་ཆ་རྒྱུས་མེད་པའི་གྲོང་ཁྱེར་དག་ཏུ་ཟ་ཁང་དང་ཨར་ལས་ཀྱི་གཡོག་ལས་ཙམ་ལ་བརྟེན་ནས་ཁྱིམ་ཁ་གསོ་ཐུ བ་ཙམ་ཡ་ང་བའི་སྐྱོ་གནས་སུ་བཙན་འདེད་བྱས།
བོད་གཞུང་བཀའ་ཟུར་ང་ཕོད་ངག་དབང་འཇིགས་མེད་མཆོག་སྐུ་ཚེའི་འཕེན་པ་རྫོགས་པའི་ཡིད་སྐྱོའི་གནས་ཚུལ་ལ་བཙན་བྱོལ་བོད་གཞུང་བཀའ་ཤག་གིས་དམ་པ་དེ་ཉིད་ཀྱི་སྐུ་ཚེའི་མཛད་སྤྱོད་ལ་རྗེས་དྲན་དང་འབྲེལ་མྱ་ངན་གུས་འདུད་ཞུ་རྒྱུ་ཡིན། དམ་པ་དེ་ཉིད་ནི་སྲིད་སྐྱོང་སྟག་བྲག་རིན་པོ་ཆེ་མཆོག་གི་སྐུ་དུས་ནས་ཞབས་པད་དུ་བསྐོ་གཞག་གནང་བའི་གཞུང་ཞབས་བགྲེས་སོང་ཞིག་ཡིན་པ་མ་ཟད། དྲང་ཚུགས་དང་རྒྱལ་ཞེན་ཅན་དཀའ་ཚེགས་ཆེ་བའི་གནས་བབ་ཀྱི་འོག་ཏུའང་བདེན་པའི་གནས་ཚུལ་གསལ་སྟོན་གནང་རྒྱུའི་འབད་རྩོལ་གནང་མཁན་ཞིག་ཡིན། ཕྱི་ལོ་ ༡༩༨༠ གྱ་གྲངས་ནང་སྐུ་ཚབ་དང་བལྟ་སྐོར་ཚོགས་ཆུང་སྔ་རྗེས་ལ་མཇལ་འཕྲད་སྐབས་དགའ་ལྡན་ཕོ་བྲང་གཞུང་གིས་རྒྱ་ནག་ལ་དཔྱ་ཁྲལ་འཇལ་བའི་ལོ་རྒྱུས་གཏན་ནས་མེད་སྐོར་མཛུབ་སྟོན་དང༌། གྲོས་མཐུན་དོན་ཚན་བཅུ་བདུན་བཞག་སྐབས་བོད་རིགས་ས་ཁུལ་ཡོངས་རྫོགས་གཅིག་གྱུར་དགོས་པའི་རེ་འདུན་བཏོན་པར་སྲིད་བློན་ཀྲོའུ་ཨེན་ལེ་ཡིས་ད་ལྟ་དུས་ཚོད་མ་རན་ཡང་རིམ་པས་དགོངས་བཞེས་གནང་འཐུས་ཁས་ལེན་གནང་བའི་དངོས་དོན་བདེན་དཔང་གནང་བ་དང༌། ཕྱི་ལོ་ ༡༩༨༩ ལོར་རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་ངོས་འཛིན་གསེར་ཁྲི་མངའ་གསོལ་རྒྱ་ནག་དབུས་གཞུང་གིས་ངོས་བཞེས་བཀའ་འཁྲོལ་ལྟར་གནང་བ་ཡིན་ཚུལ་གྱི་འཁྱོག་བཤད་ལ་ཚད་ལྡན་བྱུང་རབས་ཀྱི་རྒྱབ་ལྗོངས་དང་བཅས་ཏེ། དངོས་བདེན་མིན་པའི་གསལ་བཤད་གནང་བ་དང༌། བོད་ནི་གྲངས་ཉུང་མི་རིགས་གཞན་དང་མི་འདྲ་བར་དབུས་གཞུང་དང་མཉམ་དུ་གྲོས་མཐུན་བཞག་པ་ཞིག་ཡིན་པས་དེའི་དམིགས་བསལ་གྱི་གནས་བབ་ངོས་འཛིན་དགོས་པའི་ཞུ་བསྐུལ་གནང་བ། ཕྱི་ལོ་ ༡༩༩༡ ལོར་སླར་ཡང་དབུས་གཞུང་ལ་གྲོས་མཐུན་དོན་ཚན་བཅུ་བདུན་གྱི་དོན་ཚན་སྤྱི་དང༌།…
(དུས་བབ་དྲ་ཐོག་གི་བསྟན་འཛིན་ཚེ་དཔག་གི་ཟིན་བྲིས་ནས་བླངས།)
གཅིག བོད་ཡུལ་ནས་སྐྱེས་ཤིང་རྒྱ་ཡུལ་ནས་འདས་པ།
ང་ཕོད་ངག་དབང་འཇིགས་མེད་ནི། བོད་ཀྱི་ཆོས་རྒྱལ་སྲོང་བཙན་སྒམ་པོ་འཁྲུངས་ཡུལ་རྒྱ་མ་ཞེས་པའི་ཡུལ་དེའི་ནང༌། ཕྱི་ལོ་ ༡༩༡༠ ་ལོའི་ཟླ་ ༢ པའི་ནང་སྐྱེས་ཤིང༌། དེ་རིང་བཟང་པོ་བཅུ་འཛོམས་ཀྱི་ཉིན་སྟེ། ཕྱི་ལོ་ ༢༠༠༩ ཟླ་ ༡༢ ཚེས་ ༢༣ ཉིན་པེ་ཅིན་ནས་འདས་གྲོངས་སུ་གྱུར།
ང་ཕོད་ནི་ཁོང་རང་མག་པར་འགྲོ་ཡུལ་གྱི་ཁྱིམ་གཞིའི་མིང་ཡིན། ཁྱིམ་མིང་དེའི་སྟེང་ནས་ཁོང་ཉིད་གཞུང་ཞབས་ཁོངས་སུ་ཞུགས་ཤིང༌། དམའ་རིམ་གཞུང་ཞབས་ནས་བཀའ་བློན་གྱི་གོ་གནས་སུ་ཐེམ་པ་རིམ་འཛེགས་བྱས། ཤོད་ཚུལ་ལ། བོད་ཀྱི་ལོ་རྒྱུས་སྟེང་ལོ་ན་ཆུང་ཤོས་ཀྱི་བཀའ་བློན་ཡིན་པར་ཡང་བཤད།
བེ་རི་འཇིགས་མེད་དབང་རྒྱལ།
འབུམ་ཕྲག་ཟླ་ཟེར་འཐུང་བའི་ཀུན་མུ་ཏས།།
མཚོན་དུས་མ་ཡིན་ངག་དབང་དབྱངས་ལྡན་ལྷ།།
སྙུག་ཐོགས་བུ་ངའི་མགྲིན་པའི་འོ་མཚོ་ལ།།
རྩེན་ནས་ཉམས་འགྱུར་སྟོང་གི་ཤིས་པ་སྒྲུབས།།
འཕགས་བོད་འདུ་བྱེད་མཁས་པའི་ཞལ་ཆབ་ལས།།
བྱུང་བའི་ལེགས་བཤད་བདུད་རྩིའི་མཆོད་ཡོན་འཕྲུལ།།
གསང་བའི་སྐུར་ཡིག་དོན་ལྡན་ནོར་བུའི་གཏེར།།
འདི་ན་འཁྱིལ་ཞེས་འཛུབ་སྟོན་མདོར་བསྡུས་བྱ།།
སྔོན་བྱོན་འཕགས་བོད་མཁས་པ་དུ་མའི་ཐབས་འཕྲུལ་ཕྱག་སྲོལ་རྒྱུན་འབྱམས་ལས་བྱུང་བའི་གསང་འཕྲིན་ཡིག་ཟོམ་གྱི་ཐབས་ལམ་བླ་ན་མེད་པའི་ལེགས་བྱས་ལ་བརྟེན་ནས། ལུགས་གཉིས་གནས་ལ་ཕན་རླབས་རྒྱ་ཆེར་བྱུང་བ་ནི་ལོ་རྒྱུས་ཀྱི་མེ་ལོང་ནང་གསལ་མོད། དེ་ལྟ་ནའང་དེང་རབས་གསར་པའི་སྤྱི་ཚོགས་ནང་དུ། ཡིག་འཕྲུལ་གྱི་གསང་བའི་ཐབས་ལམ་འདི་ཉིད་ལ་བློ་གྲོས་ཀྱི་ཁ་ལོ་བསྒྱུར་མྱོང་མེད་པའི་བློ་གསར་གཞོན་སྐྱེས་མི་ཉུང་བ་ཞིག་མཆིས་པ་བདེན་མི་ཟ་བས། དེས་ན་འདིར་གལ་ཆེན་སྒྲུབ་པའི་ཆ་ཤས་མེད་དུ་མི་རུང་བའི་གསང་འཕྲིན་གཏོང་ལེན་བྱེད་སྟངས་ཀྱི་གནད་བསྡུས་ཏེ་ཅུང་ཟད་ཞུ་ན།