རྩོམ་པ་པོའི་དཔུང་ཁག་ཇེ་མཐུག་ཏུ་འགྲོ་བཞིན་པ་དང༌། དེ་འབྲེལ་གྱི་རྩོམ་ཡིག་ཀྱང་ཆར་རྗེས་ཀྱི་ཤ་མོ་བརྡོལ་བ་བཞིན་འཕེལ་ཞིང་ཡོད། དུས་དེབ་དང་ཚགས་པར་རྩོམ་སྒྲིག་པ་ཚོར་མཚོན་ན། ད་དུང་ཡང་རྩོམ་ཡིག་གི་རེ་ལྟོས་ཞུ་ཡུལ་གྱི་ཁོར་ཡུག་ནི་ཆུང་ངུ་ཞིག་ལས་མེད་པར་ཡོད། འདི་ནི་རྩོམ་པ་པོ་དང་རྩོམ་སྒྲིག་པའི་བར་གྱི་ས་ཁོད་དམ་བར་ཐག་གཉིས་ཀ་བསྟན་པའི་གནས་སྟངས་མངོན་མཚན་པ་ཞིག་རེད།
རྩོམ་པ་པོ་མང་པོ་ཞིག་གིས་དྲ་ངོས་ཀྱི་ཟིན་བྲིས་གཉེར་ནས་ཡོད་ཅིང༌། དེ་ནི་དུས་ཡུན་སྐར་ཆ་ཁ་ཤས་ནང་རང་ཉིད་ཀྱི་རྩོམ་ཡིག་དེ་བཞིན་ཀློག་མཁན་སྟོང་ཕྲག་གི་མིག་ལམ་དུ་འགྲེམས་བཀོད་ཐུབ་ཀྱི་ཡོད་པས་ཡིན་པར་བཤད་ཆོག ཡིན་ནའང༌། དེ་དང་ཆབས་ཅིག དྲ་རྒྱའི་སྟེང་གི་རྩོམ་སྒྲིག་པ་ཚོར་མཚོན་ན། རང་ཉིད་ཀྱི་འགན་ཁུར་གྱི་ར་བ་ལས་བརྒལ་བའི་ཟིན་བྲིས་པ་དག་གི་རྩོམ་ཡིག་ལ་རྩོམ་སྒྲིག་གི་འགན་ནི་ངེས་པར་ཡོད་ནའང༌། ཁོང་ཚོས་ཐུབ་པ་ནི། ཡིག་ནོར་མ་སྤེལ་རོགས། ཁ་འཛིང་མ་བྱེད་རོགས། ཟེར་བ་ཙམ་ལས། གཞན་ནི་དེ་དག་གི་རྗེས་ཟིན་པའི་འགྲོས་སུ་ཞུགས་དཀའ་ལ། རྗེས་ཟིན་པའི་དབང་དུ་བཏང་ནའང༌། མཐའ་མ་དེར་རེ་སྐུལ་ཙམ་གྱི་མུར་འཇོག་པ་ལས་གཞན་གྱི་ཐབས་ཚུལ་གཉིས་པ་ཞིག་ཧ་ལམ་བསྟེན་དུ་མེད་པའི་ཚོད་དུ་ཡོད། གནས་སྟངས་འདི་ནི། ང་ཚོའི་དྲ་སྟེང་གི་རྩོམ་ཡིག་ལ་ཡིག་ནོར་རྒྱ་ཁྱབ་ཏུ་ཡོང་གི་ཡོད་པའི་ཁུངས་སྣེ་གཅིག་རེད།
བུ་ལ་འཁྲིད་པའི་ཐ་སྙད། ཐབས་ཤེས་ཟད་པའི་འགྲེལ་བཤད།
ཟླ་བ་གཅིག་ཏག་ཏག་གི་གོང་དེར། ངས་རང་གི་བུ་ཆུང་བར་དག་ཆའི་སྐོར་ལ་དོ་སྣང་བྱེད་ཐབས་ཤིག་འགྲེལ་བཤད་བརྒྱབ་པ་ཡིན། ཐོག་མར་ངས་དྲི་བ་ཞིག་བཏོན་ནས་ཕྲུ་གུའི་བསམ་བློར་ཉམས་སད་བྱས་པ་ནི། མེ་ཏོག་ཅེས་པའི་ཐ་སྙད་འདིར་འགྲེལ་བཤད་ཅིག་འབྲི་རོགས་ལབ་པ་དེ་ཡིན། དེར་བུ་ཆུང་གིས། མེ་ཏོག་ནི། དཀར་པོ། དམར་པོ། ད་དུང་སེར་པོ་ཡང་ཡོད། མེ་ཏོག་ཁ་ཤས་ཆེན་པོ་དང༌། མེ་ཏོག་ཁ་ཤས་ཆུང་ཆུང་ཡོད་པ་རེད། ཅེས་པའི་འགྲེལ་བཤད་ཐུང་ཐུང་ཞིག་བྲིས་ནས་བསྟན་སོང༌།
དེ་ནས་ངས་དེ་འདྲ་མ་རེད། མེ་ཏོག་གི་འགྲེལ་བཤད་ཤེས་དགོས་ན། ཐོག་མར་མེ་ལྕེ་ཞེས་པའི་འགྲེལ་བཤད་ཤེས་དགོས་པ་དང༌། དེ་ནས་ད་གཟོད་མེ་ཏོག་གི་འགྲེལ་བཤད་རྙེད་དགོས་པ་རེད། མེ་ལྕེ་ལབ་ན། མེ་ཡི་འབར་སྟངས་དེ་དང༌། དེའི་དཀར་སེར་དམར་སྔོ་སོགས་མདོག་མི་འདྲ་བ་དང༌། དེ་བཞིན་ཕྲ་པོ་དང་སྦོམ་པོ། ཟུར་གསུམ་དང་སྒོར་དབྱིབས་སོགས་དབྱིབས་སྣ་ཚོགས་པ་དེ་ནི་འདབ་ཆགས་དང༌། གཅན་གཟན། རི་དྭགས། འབུ་སྲིན་སོགས་སེམས་ཅན་ཆེ་ཆུང་སྣ་ཚོགས་པའི་ཁ་ནང་གི་ལྕེའི་དབྱིབས་སྣ་ཚོགས་དང༌། མདོག་སྣ་ཚོགས་ཀྱི་རྣམ་པ་དང་འདྲ་བར་འབར་གྱི་ཡོད་པའི་ཆ་ནས་མེ་ལྕེ་ཞེས་བཏགས་པ་དང༌། དེ་བཞིན་དུ་མེ་ལྕེའི་མདོག་དང་དབྱིབས་སྣ་ཚོགས་པ་དང་འདྲ་བའི་ཆ་ནས་མེ་ལྕེའི་ཚིག་བསྡུས་ཏེ་མེ་དང༌། ཏོག་ཅེས་རྩྭ་དང་རྩི་ཤིང༌། ལྗོན་པ་སོགས་ཀྱི་གཞུང་རྟའི་རྩེ་དང་ལན་ཡག་ཉིང་ལག་གང་རུང་གིའང་རྩེ་མོའམ་ཏོག་ན་བཞད་འཛུམ་གྲོལ་བའི་ཆ་ནས་མེ་ཏོག་ཅེས་བཏགས་པ་རེད་ཅེས་བཤད་པ་དེར་ནི། དོ་སྣང་ཆེན་པོས་ཉན་སོང་ལ། སེམས་ནང་ཡང་འཇུག་བདེ་པོ་འདྲ་ཞིག་ཆགས་སོང་བའི་ཚོར་བ་ཞིག་མངོན་པར་བྱས། ད་ནི་བྱིས་པ་དག་ཡིག་དེ་འགྲེལ་བཤད་བརྒྱབ་པས་གོ་འོང་བ་འདུག་སྙམ་དགའ་སྣང་ཡང་སྐྱེས་པར་བྱས།
དེ་ལས་མང་བ་། “བུ་ལ་འཁྲིད་པའི་ཐ་སྙད། ཐབས་ཤེས་ཟད་པའི་འགྲེལ་བཤད།” »
ཉིས་སྟོང་བདུན་ལོའི་རྡ་ལམ་ས་ལའི་བརྗེད་ཐོ་ཞིག
སྐར་ཆེན།
སྤྱི་ཟླ་དྲུག་པའི་ཚེས་ཉེར་གཉིས་དང་ཉེར་གསུམ་གཉིས་ལ་ལས་ཁུངས་གུང་གསེང་ཡིན་པས་ང་ལ་ཡང་ལས་ཀ་དམིགས་བསལ་མེད། འོན་ཀྱང་། ང་ལ་ངལ་གསོ་རྒྱུའི་ཆུ་ཚོད་མེད། རྒྱུ་མཚན། ངའི་གྲོགས་པོས་སྔོན་ཚུན་ནས་ཉིན་མ་འདི་གཉིས་ཀ་ཁོང་གི་ལས་དོན་གྱི་ཆེད་དུ་གཏོང་དགོས་བའི་ངག་བཅོལ་བྱས་སོང་། གྲོགས་པོའི་གདོང་གི་ཆེད་དུ་ངས་ཀྱང་དེ་ལྟར་མ་བྱས་ཐབས་མེད་ཆགས་སོང་། ངའི་གྲོགས་པོ་སློབ་ཕྲུག་ཡིན་ལ་ང་ཡང་སློབ་ཕྲུག་ཡིན། ངེད་གཉིས་ལ་མཚོན་ན་། ཉིན་འདི་གཉིས་ཀྱི་རིང་མེག་ལོར་གྱི་སྲང་ལམ་གཡས་གཡོན་ན་དམིགས་བསལ་གྱི་སྡོད་ས་ཞིག་མེད་ལ་ཤ་ཁྲག་གི་འབྲེལ་བ་ཟབ་པའི་གཉེན་ཉེ་སོགས་ཀྱང་མེད། དེ་ནི་གཞན་ཞིག་ལ་མ་བརྟེན་རང་བརྟེན་རེད། ངེད་གཉིས་ཀྱིས་གྲོགས་པོ་ཁོང་གི་ངོ་ཤེས་ཤིག་ལ་གནས་ཚང་གཡར་དགོས་བྱུང་། ངེད་གཉིས་ཀྱི་ལས་ཀར་མཚོན་ན་ས་ཆ་ཁུ་སིམ་པོ་དང་ལྷིང་འཇགས་པོ་ཞིག་དགོས་ཀྱི་ཡོད་མོད། སོ་སོར་སྡོད་ས་མེད་པའི་གནས་སྟངས་ཤིག་གི་འོག་ལ་གནས་ཁང་དེ་འདྲ་ཞིག་རེག་རྒྱུ་ནི་ཧ་ཅང་ཁག་པོ་རེད། གང་ལྟར། གྲོགས་པོའི་རྗེས་ལ་ངས་ཀྱང་མགོ་སྒུར་ནས་ཕྱིན་པ་ཡིན། ངེད་གཉིས་ཀ་གནས་ཚང་ཞིག་རེག་སོང་།
དེ་ལས་མང་བ་། “ཉིས་སྟོང་བདུན་ལོའི་རྡ་ལམ་ས་ལའི་བརྗེད་ཐོ་ཞིག” »
བོད་ཡིག་དྲ་ཚིགས་ནང་བཀོད་མི་འདུག
བྱ་རྒོད་རྒྱལ་པོ། མ་མཐར་མཛད་སྒོའི་གསར་འགྱུར་བཀོད་སྐབས་ཉིན་རེ་རྩེད་མོའི་རེའུ་མིག་ཞིག་ཀྱང་ངེས་པར་དུ་བཀོད་དགོས་པ་རེད། དེ་ཚོ་ང་ཚོས་མ་བཀོད་ན་སུས་བཀོད་ཀྱི་རེད། དེ་ལྟར་གནས་ཚུལ་བཀོད་ཕྱོགས་སོགས་ཀྱིས་ཐད་བསམ་བློ་གཏོང་སྐབས། གསར་འབྱོར་དང་གཞིས་ཆགས་ཀྱི་བར་སྟོང་མངོན་ཡོང་གི་འདུག ངས་དྲང་པོར་བཤད་ན། ང་ཚོ་བཙན་བྱོལ་བའི་སྤྱི་ཚོགས་འདི་ནང་བོད་ཡིག་དུས་དེབ་དང་ཚགས་པར། དྲ་ཚིགས་སོགས་མང་ཆེ་བ་ནང་ལས་ཀ་བྱེད་མཁན་རྣམས་ཕལ་ཆེར་གསར་འབྱོར་བ་ཡིན་དུས། བསམ་བློ་ཡག་པོ་གཏོང་དགོས་འདུག གང་ལགས་ཤེ་ན། ང་ཚོ་བོད་མི་ཚང་མ་རྡོག་རྩ་ཆིག་བསྒྲིལ་དགོས་པ་དང་མཐུན་པོ་དགོས་པ། ཕན་ཚུན་རོགས་རམ་བྱས་དགོས་ལབ་ཀྱི་ཡོད་ཀྱང་། ད་བར་དུས་དེབ་དང་ཚགས་པར་མང་ཆེ་བའི་ནང་མི་སྣ་ཞིག་ལ་བཅར་དྲི་བྱས་ན་མི་སྣ་དེ་གསར་འབྱོར་བ་ཞིག་ཡིན་ངེས་ཤིང་། ཕལ་ཆེར་དེའི་ནང་ནས་ཨ་མདོ་བ་ཞིག་ཡིན་ངེས་རེད་ཤག གནས་ཚུལ་ཞིག་བཀོད་ན་རྡ་རམ་ས་ལ་ལ་གསར་འབྱོར་བ་ཞིག་ལ་༌༌༌༌།…
གླུ་གཞས་ཤིག
འདི་ལ་འགྲེལ་རྒྱག་ཐུབ་མཁན་ཡོད་དམ།
སྐར་ཆེན། རིག་པ་ནང་པར་འཆི་ཡང་བསླབ།། ཚེ་འདིར་མཁས་པར་མ་གྱུར་ཡང་།། སྐྱེ་བ་ཕྱི་མར་བཅོལ་བ་ཡི།། ནོར་ལ་རང་ཉིད་ལེན་པ་འདྲ།། ངེད་རང་སྒེར་གྱི་ངོས་ནས་ཚིགས་བཅད་འདིའི་འགྲེལ་བ་ཁ་ཤས་ཤིག་སྔ་མོ་ནས་བྐླགས་མྱོང་། ཚང་མས་འགྲེལ་རྒྱག་སྟངས་གཅིག་མཚུངས་ལྟ་བུ་ཞིག་འདུག ད་ལོར་ཡང་རྒྱལ་སྤྱིའི་རྩོམ་རིག་ཟེར་བ་དེའི་ཡིག་རྒྱུགས་མ་སླེབས་སྔོན་ལ་ཚིགས་བཅད་འདིའི་འགྲེལ་བ་དག་བསྐྱར་ྐློག་བྱས་བ་ཡིན། ད་ལོར་ངེད་ཀྱིས་བྐླགས་པ་ཙམ་མ་ཡིན་པར་ ཚིགས་བཅད་འདིའི་སྒང་ལ་སོ་སོ་སྒེར་ངོས་ནས་བསམ་བློ་བཏང་བ་ཡིན། འགྲེལ་བ་སྔ་མ་དག་གིས་ངེད་ལ་གནས་ལུགས་ཤིག་ངོ་སྤྲོད་ཐུབ་ཀྱི་མེད་པའི་རྨོངས་འཆར་བྱུང་། འོན་ཀྱང་། ཡིག་ཚད་ལ་ཚིགས་བཅད་འདི་སླེབས་འདུག་པ་མ་ཟད་ངེད་ཀྱིས་ཀྱང་མཁས་བ་དག་གིས་གང་འགྲེལ་བ་དེ་ཇི་མ་ཇི་བཞིན་བྲིས་བ་ཡིན། རྒྱུ་མཚན། ཡིག་རྒྱུགས་བལྟ་མཁན་རྣམས་ལ་ངེད་ཀྱི་རྨོངས་འཆར་ལས་གཞུང་གི་འགྲེལ་བ་རྩིས་ཆེ།…
དབྱིན་ཇིའི་གཏམ་དཔེ་འགའ།
1. དགོས་དུས་ཀྱི་གྲོགས་པོ་དེ་གྲོགས་པོ་ངོ་མ་ཡིན། ( A friend in need is a friend indeed)
དཀའ་ངལ་ཡོད་སྐབས་ཀྱི་གྲོགས་པོ་དེ་ལ་རོགས་བྱེད་མཁན་ནི་གྲོགས་ཀྱི་ཕུལ་ཡིན་ཞེས་སྟོན།
2. གང་ན་འདུན་པ་ཡོད་ན།། དེ་ན་ལམ་བུ་ཡོད།། (Where there’s a will there’s a way)
མི་གཅིག་གིས་དོན་ཞིག་དངོས་གནས་སྒྲུབ་འདོད་པ་ཡིན་ན། ཁོང་གིས་དེ་འགྲུབ་པའི་ལམ་ཞིག་རྙེད་ཐུབ་པ་དེ་སྟོན།
3. ལྟོགས་པའི་མི་དེ་ནི་ཁྲོས་པའི་མི་ཞིག་རེད། (A hungry man is an angry man)
འདོད་པ་མ་ཁེངས་པའི་མི་ཞིག་ཡིན་ན་དེ་ནི་ལས་སླ་བོར་ཁྲོ་གི་རེད་ཅེས་པའི་དོན་རེད།
4. བུམ་པ་སྟོང་པས་ལྡིར་སྒྲ་སྒྲོག། (Empty vessels make the most noise)
ཡོན་ཏན་ཆུང་ངུ་ཞིག་ལས་མེད་པའི་མི་དེ་ཚོས་རྒྱུན་དུ་ནས་སྐད་ཆ་མང་ཤོས་དེ་བཤད་ཀྱི་རེད་ཅེས་སྟོན།
དྲ་ལམ་གྱི་རྩོམ་ཡིག་དང་འགན་ཁུར་གྱི་ངོས་བཙལ་བ།
དེང་རབས་འཕྲུལ་རིག་ནི་ཉིན་རེ་བཞིན་འཕེལ་རྒྱས་འགྲོ་བཞིན་པ་དང༌། བོད་ཀྱི་སྐད་ཡིག་ལ་མཚོན་ནའང༌། འཕེལ་རྒྱས་དེ་དང་བསྡོངས་ནས་དེང་རབས་ཀྱི་བརྡ་འཕྲིན་བརྒྱུད་ལམ་ན་མངོན་པར་འཕགས་ཀྱིན་ཡོད། ལོ་ངོ་ཁ་ཤས་ནང་བོད་ཕྱི་ནང་གང་སར་བོད་ཡིག་གི་དྲ་རྒྱ་མང་པོ་གཅིག་ལས་གཉིས་ལྷག་གིས་འཕེལ་རྒྱས་སོང་ཞིང༌། འཕེལ་རྒྱས་དང་འབྲེལ་བའི་རྩོམ་ཡིག་སྤེལ་མཁན་དང༌། དེར་བསམ་ཚུལ་དང་མཆན་བུ་འགོད་མཁན་ཡང་བརྒྱ་ཕྲག་ནས་སྟོང་ཕྲག་འཚང་ཁ་ཤིག་ཤིག་གིས་འཇུག་མུས་ང་ཚོ་བརྡ་འཕྲིན་དུ་ཞུགས་པའི་གོམ་སྟབས་ཀྱི་ངོས་རེད།
བརྡ་འཕྲིན་གྱི་ཞིང་དེ་ན། བོད་དང་བོད་ཀྱི་ཆོས་དང་རིག་གཞུང༌། ཡུལ་གོམས་གཤིས་ལུགས་སོགས་ཕྱོགས་སྣ་སྒོར་མོ་ནས་གླེང་བཞིན་ཡོད་པ་དང༌། དེར་དག་བཞག་གི་བསམ་ཚུལ་སྤེལ་མཁན་ཚོས་ཀྱང་ཐུག་མེད་དུ་གླེང་གི་ཡོད་ནའང༌། དེ་དག་གི་མང་ཆེ་བས་ནི་སྨྱུག་མིང་བེད་སྤྱོད་བྱེད་པ་ལས། རང་མིང་དངོས་སུ་སྨྲས་ནས་རྩོམ་ཡིག་དང་བསམ་ཚུལ་སྤེལ་མཁན་གྱི་གྲངས་ཚད་ནི་ཧ་ཅང་ཉུང་ངུའི་ཚུལ་དུ་ཡོད། ཅིའི་ཕྱིར་སྨྱུག་མིང་སྤྱོད་ཀྱི་ཡོད་པ་ཡིན་ནམ། ཅིའི་ཕྱིར་རང་མིང་སྦས་དགོས་བྱུང་བ་ཡིན་ནམ། དྲི་བ་གཅིག་འཕྲོར་གཅིག་སླེབས་ཐེངས་རེར། དེར་ལན་གྱི་དགོས་པ་ཡོད་མེད་སྣ་ཚོགས་པ་རེད་དེ། འགྲེལ་བཤད་ཅིག་ནི་ངེས་པར་དགོས་པ་ལྟ་བུར་ཡོད།
དེ་ལས་མང་བ་། “དྲ་ལམ་གྱི་རྩོམ་ཡིག་དང་འགན་ཁུར་གྱི་ངོས་བཙལ་བ།” »
བོད་ཕྲུག་མཐོ་སློབ་ཐོན་པ་ག་ཚོད་ཡོད།
བདེ་ལེགས་འཚོལ་གྱིས།
———————
༧ གོང་ས་སྐྱབས་མགོན་རྒྱལ་བའི་དབང་པོ་མཆོག་གིས་ཕྱི་ལོ་ ༢༠༠༩ ཟླ་ ༤ ཚེས་༢༧ ཉིན་མ་ཡོ་སྨན་ཁང་(Mayo Clinic) དུ་མི་ནི་སོ་ཊིའི་བོད་མི་ཚོར་ཞལ་མཇལ་བཀའ་སློབ་གནང་འཆར་ཡོད་ལུགས་གོ་ཐོས་བྱུང་ཞིང་། ན་ནིང་ཕྱི་ཟླ་ ༧ པར་བྱང་ཨ་རིར་ ༧ གོང་ས་མཆོག་ལ་བརྟན་བཞུགས་ཕུལ་བའི་རྗེས་དང་ལྷག་པར་དུ་ཁོང་གི་སྐུའི་མཁྲིས་རྡོའི་གཤག་བཅོས་རྗེས་ཞལ་མཇལ་གསུང་ཐོས་ཀྱི་གོ་སྐབས་མ་རེག་པའི་སྟབས་བྱས། མགོན་པོ་གང་གི་ཞལ་མཇལ་གསུང་ཐོས་ཐོབ་རེ་དང་དམིགས་བསལ་གྱིས་ཁོང་གི་སྐུ་ལུས་དང་ཞལ་མདངས་འཕྲོད་བསྟེན་ཇི་འདྲ་ཡོད་མེད་བལྟ་རྒྱུའི་འདུན་པ་རབ་ཏུ་འཕེལ་ཏེ། དེ་ཉིན་ལས་ཀ་ནས་དགོངས་པ་ཞུས་ཏེ་ཞོགས་ཀ་སྔ་ཙམ་ལངས་ཤིང་ཇ་འཐུང་ལོང་ཡང་མེད་པར་ཆུ་ཚོད་བཞི་ཙམ་གྱི་ལམ་ཐག་རིང་པོར་མོ་ཊ་མགྱོགས་བསྐོར་བྱས།
ང་དང་གྲོགས་པོ་གཉིས་མ་ཡོ་སྨན་ཁང་ཡོད་སར་སྔ་དྲོའི་ཆུ་ཚོད་ ༡༠།༣༠ ཙམ་ལ་འབྱོར་ཞིང་། བོད་མི་རེ་ཟུང་མིག་ལམ་དུ་མངོན་པར་གྱུར། ༧ གོང་ས་མཆོག་གིས་སྨན་ཁང་གི་ལྷ་ཁང་དུ་ཉིན་གུང་ཆུ་ཚོད་ ༡ ལ་བཀའ་སློབ་མཇལ་ཁ་གནང་འཆར་ཡོད་པ་ལྟར། སྨན་ཁང་འཁྲིས་ཀྱི་མོ་ཊ་བཀག་ས་ཞིག་ཏུ་བོད་ལུགས་ཕྱུ་པ་མགྱོགས་གོན་བྱས་ཏེ། མདུན་གྲལ་ཡག་པོ་ཞིག་རེག་ཆེད་གང་མགྱོགས་སྨན་ཁང་གི་ལྷ་ཁང་ནང་འགྲོ་ཐུབ་བྱས་མོད། བོད་མི་བརྒྱ་ཕྲག་ལྷག་སྔ་བོ་ནས་སླེབས་ཏེ་མདུན་གྱི་སྡོད་གྲལ་ཐམས་ཅད་བཟུང་ཚར་འདུགང་དང་གྲོགས་པོ་གཉིས་འདོད་པ་མི་ཁེངས་བཞིན་དུ་རྒྱབ་གྲལ་ནས་འདུག་སྟེགས་ཤིག་རེག་སོང་བ་དེར་བསྡད། རིམ་བཞིན་མི་མང་རུ་སོང་སྟེ་ལྷ་ཁང་ནང་སྐད་སྒྲ་དང་ཕྲུ་གུའི་ངག་སྐད་འདྲེས་མས་ཁེངས།
རང་གིས་རང་ལ་སྐྱག་རྫུན་བཤད་པ།
བོད། ལྷ་ྐླུ་གཉན་གསུམ།
མི་ཚོས་རྫུན་ཟེར་དུས་གཞན་གྱིས་བཤད་པ་ལས་རང་གིས་རང་ལ་རྫུན་བཤད་ཀྱི་ཡོད་མེད་ཐད་དུ་བསམ་བློ་གཏོང་གི་ཡོད་པ་རེད་དམ། འོན་ཀྱང་། ངས་རང་གིས་རང་ལ་རྫུན་བཤད་པའི་བསྐོར་ཞིག་ཤེས་ཀྱི་ཡོད། རྫུན་འདིས་ང་རང་ལ་ཐེངས་ཅི་ཙམ་ལ་མགོ་བསྐོར་བཏང་བ་ཡང་རང་གིས་ཤེས་ཀྱང་ད་དུང་འགྱུར་བ་ཞིག་གཏོང་མ་ཐུབ།
རྫུན་འདི་ཅི་ལྟར་རང་གིས་རང་ལ་བཤད་པ་རེད་ཟེར་ན། ང་རང་ནི་དུས་རྒྱུན་དུ་ཐ་མག་འཐེན་རྒྱུས་གོམ་གཤིས་ངན་པ་ཞིག་ཆགས་ཡོད་པ་དེ་དང་འགྲོག་ནས་བཤད་པ་རེད། ངས་རང་གི་མི་ཚེ་ནང་དུ་ཐ་མག་འཐེན་པའི་གྲངས་ཀ་ནི་གཏན་ནས་རྩིས་ཀྱི་མི་ལོངས་པ་ཡིན་ལ། ངས་ད་ནི་ཐ་མག་གཅོད་མཚམས་འཇོག་དགོས་ཟེར་ནས་རང་གི་རང་ལ་བཤད་པའི་གྲངས་ཀ་ཡང་རང་གི་སེམས་སུ་དྲན་གྱི་མི་འདུག ངས་ཐེངས་མང་བོར་རང་གིས་རང་ལ་འདི་ལྟར་བཤད་པ་ཡིན།
གསེར་མདོག་གི་གྲུ་ཆུང་།
གསེར་མདོག་གི་གྲུ་ཆུང་། རྩ་ཕྲན་དང་སྡོང་བོའི་ལོ་འདབ་ཚང་མ་སེར་པོར་གྱུར་སོང་། ངས་སྐྱི་བསེར་རླུང་གིས་རྡོག་པས་བརྫིས་པའི་ལོ་འདབ་ཀྱིས་ཤག་ཤག་གི་སྒྲ་འབྱིན་པ་ཐོས། གསེར་མདོག་གི་ལོ་མ་ནི་ཧ་ཅང་མཛེས་བའི་ཕྱེ་མ་ལེབ་ཅིག་བར་སྣང་དུ་ཕར་འཕུར་ཚུར་འཕུར་བྱེད་པ་དང་འདྲ། ལོ་མ་སེར་པོ་ཆུང་ཆུང་ཞིག་ངའི་ཕྲག་སྟེང་དུ་བབས་ཏེ་ང་ལ་ཁ་རོག་གེར།ང་སླེབས་བྱུང་ཟེར། ངས་ལོ་མ་སེར་པོ་ཆུང་ཆུང་དེ་ལག་མཐིལ་དུ་བཏེགས་ནས་སེམས་ཆུང་ངང་ཆུ་ཕྲན་ཞིག་གི་ནང་དུ་བསྐྱུར་བ་ན། ལོ་མ་སེར་པོ་ཆུང་ཆུང་དེ་གསེར་མདོག་གི་གྲུ་ཆུང་ཞིག་ཏུ་གྱུར། སྟོན་རླུང་བསིལ་བསིལ་དུ་རྒྱུ་བས། གསེར་མདོག་གི་གྲུ་ཆུང་ཡོམ་ཡོམ་དུ་འགུལ་ཞིང་། དལ་གྱིས་རྒྱང་རིང་གི་ཕྱོགས་སུ་བསྐྱོད་སོང་།
ཆུང་སྲིད་རིན་པོ་ཆེ་གང་དུ་ཡོད།
བོད་། ཤ་ཁྲག་རུས་གསུམ།
ང་ཚོས་འདི་ལྟར་གཏམ་ངན་ཞིག་གོ་ན་ཡང་བོད་པ་ཚོས་ད་དུང་སྣང་མེད་ངང་རང་སོར་བཞག་ནས་རྩ་གཅོད་ཙམ་ཡང་བྱེད་མི་ཐུབ་དོན་ཅི་རེད། ལྷག་པར་དུ་དམིགས་གསལ་གྱིས་གསར་འགོད་པ་དག་གིས་འདིའི་ཐད་དུ་དང་ལེན་བྱས་དེ་གཏམ་ངན་འདི་ཁུངས་ལྡན་ཡིན་མིན་གྱི་རྩར་གཅོད་བྱེད་མི་ཐུབ་པ་ཅི་ལ་ཐུག་ཡོད་པ་ཡིན། གཏམ་ངན་ནི་ཆུང་སྲིད་དགེ་འདུན་ཆོས་ཀྱི་ཉི་མ་ཞིང་གཞན་དུ་གཤེགས་པ་རེད་ཟེར་བ་དེ་རེད། དེ་ནི་དུས་བབ་གཅིག་བུའི་སྟེང་གི་གཏམ་ངན་མ་ཡིན་པར་རྒྱལ་ཁབ་གཞན་དག་གི་ཚགས་ཤོག་མི་ཉུང་བ་ཞིག་གི་སྟེང་དུ་ཡང་བོད་ཀྱི་བླ་མ་ཆུང་སྲིད་དགེ་འདུན་ཆོས་ཀྱི་ཉི་མ་སྐྲན་ནད་ཀྱིས་སྐྱེན་པའི་ལོ་ངོ་ཁ་ཤས་ཀྱི་གོང་དུ་ཞིང་ལ་ཕེབས་པ་རེད་ཟེར་བ་དེ་རེད།
ངེད་ཅག་བོད་པ་ཚང་གིས་རང་གི་རྩ་གསུམ་བླ་མ་དགེ་འདུན་ཆོས་ཀྱི་ཉི་མ་གསོན་ཡོད་མེད་ཀྱི་གནས་ཚུལ་ཙམ་ཡང་མ་ལོན་པར་མི་ལོ་བཅོ་ལྔ་ཙམ་བྱིན་པའི་དེ་རིང་། མི་རིགས་གཞན་གྱིས་གསར་འགོད་པའི་གནས་ཚུལ་འདི་འདྲ་ཞིག་ང་ཚོ་ལ་འཁུར་ནས་འོང་དུས། ངེད་ཅག་གིས་ད་དུང་གཏམ་ངན་དེའི་ཁུངས་བདེན་པ་ཡིན་མིན་ཙམ་ལ་ཡང་དོན་སྣང་ཙམ་ཡང་བྱེད་མི་ཐུབ་པ་གང་ལ་ཐུག་པ་རེད། ཡང་ན་འཛམ་གླིང་གི་ཆེས་ཆུང་བའི་ཆབ་སྲིད་བཙོན་པ་རུ་ངེས་འཛིན་བྱེད་ཆོག་པའི་ཆུང་སྲིད་རིན་པོ་ཆེའི་སྐུ་ཕྱ་ལ་ངེད་ཅག་བོད་པ་ཚང་ལ་འགན་འཁུར་མེད་སོང་བ་ཡིན་ནམ་ཅི། ད་ནི་གཏམ་ངན་འདིའ་ཁུངས་ཡང་དག་ཡིན་མིན་ཐད་དུ་ངེད་ཅག་གིས་རང་རང་ས་ནས་ཚགས་ཤོག་དེ་དག་གི་གསར་འགོད་པ་དག་ལ་ཐད་ཀར་འབྲེལ་བ་བཟུང་དེ་གཏམ་ངན་དེའི་བྱུང་རིམ་ལ་རྒྱུས་ལོན་ཐར་བྱིན་པ་ཞིག་བྱེད་རན་མ་ཡིན་ནམ། དྲ་གྲོགས་བོད་ཕྱི་ནང་གཉིས་ཀྱི་བོད་རིགས་སྤུན་ཟླ་ཚོ།
མཁས་དབང་མཁར་རྨེའུ་་བསམ་གཏན་ལགས་སུ་བཅར་འདྲི།
(བོད་ཀྱི་དུས་བབ་རྩོམ་སྒྲིག་པ་ལུང་རིགས་རྒྱལ་གྱིས་ཞུས་པའི་བཅར་འདྲི་འདི་དུས་བབ་ནས་བཤུས་པ་ཡིན།)
༼ཉེ་ལམ་ང་རང་བོད་རིག་པའི་མཁས་དབང་སྐུ་ཞབས་མཁར་རྨེའུ་བསམ་གཏན་ལགས་ལ་མཇལ་བའི་གོ་སྐབས་བྱུང་ཞིང་། སྐབས་དེར་ཁོང་ལ་ད་ལྟའི་བོད་པའི་ཆབ་སྲིད་ཀྱི་སྒྲིག་འཛུགས་དང་མ་འོངས་པའི་ཁ་ཕྱོགས་བཅས་ཀྱི་ཐད་དགོངས་ཚུལ་ཅི་ཡོད་འདྲི་རྒྱུའི་གོ་སྐབས་བྱུང་ལ། སྐབས་དེའི་དྲི་བ་དྲི་ལན་ཁག་ཅིག་གཤམ་དུ་བཀོད་ཡོད།༽
དྲི་བ། སྐུ་ཉིད་ནི་ཡུ་རོབ་ལ་ཕེབས་པའི་བོད་པ་ཐོག་མའི་གྲས་རེད་ཅེས་གོ་མྱོང་། སྐབས་དེ་དུས་ཀྱི་རེ་བ་དེ་གང་འདྲ་ཞིག་ཡིན་ནམ།
ལན། དང་པོ་ང་ཚོའི་དམིགས་ཡུལ་ནི་བོད་ཀྱི་ཆབ་སྲིད་དང་ལོ་རྒྱུས་ཀྱི་གནས་སྟངས་འཛམ་གླིང་ལ་ངོ་སྤྲོད་བྱེད་རྒྱུ་དེ་ཡིན། ༡༩༥༩ ལོའི་སྔོན་ཏེ་ང་ཚོ་འདིར་མ་ཡོང་བའི་སྔོན་ལ་བོད་ཅེས་པ་དེ་ལུང་པ་གང་དུ་ཡོད་མེད་ཁྱོན་ནས་ཧ་གོ་གི་ཡོད་པ་མ་རེད། དེར་བརྟེན་ང་ཚོ་འདིར་ཡོང་དོན་ནི་ང་ཚོ་སུ་རེད། ས་ཆ་གང་ནས་ཡོང་བ་ཡིན། བོད་ཀྱི་ཤེས་རིག་དེ་ཅི་རེད། འདི་དག་ཕྱིའི་མི་རིགས་ལ་འགྲེལ་བཤད་རྒྱག་རྒྱུ་དེ་འདྲ་ཞིག་ཡིན། འདི་ང་ཚོའི་ཐོག་མའི་དམིགས་ཡུལ་འདྲ་བོ་ཡིན། དེ་དུས་ཡུ་རོབ་གླིང་གི་མཐོ་རིམ་སློབ་གྲྭ་སོ་སོས་ང་ཚོའི་བོད་ཀྱི་ཤེས་རིག་དང་ལོ་རྒྱུས་ལ་ཞིབ་འཇུག་བྱེད་གི་ཡིན་ཅེས་ང་ཚོ་ཐོག་མར་སྐད་བཏང་བ་རེད། དེ་ལྟར་ང་ཚོ་འདིར་ཡོང་བ་རེད།
དེ་ལས་མང་བ་། “མཁས་དབང་མཁར་རྨེའུ་་བསམ་གཏན་ལགས་སུ་བཅར་འདྲི།” »
རྒྱ་མིའི་རྒྱུག་ཁྱིར་གྱུར་བའི་བལ་གཞུང་ལ་ཐུགས་རྗེ་ལན་པོར་ཞུ་དགོས་དོན་ཅི།
གངས་ཕྲུག་རྨས་མ། ཉེ་ལམ་བལ་ཡུལ་དུ་གནས་སྡོད་བྱ་བའི་བོད་མི་སྤྲེལ་ལད་པ་འགས་དམར་ཤོག་གི་ལྟ་བ་སྐྱོང་བའི་བལ་གཞུང་གསར་བར་མི་ལོ་ལྔ་བཅུའི་རིང་བོད་མི་སྐྱབས་བཅོལ་བར་མཐུན་རྐྱེན་རོགས་རམ་གནང་བར་ཐུགས་རྗེ་ལན་པོ་ཞུ་རྩིས་ཡོད། སྤྱིར་བཟང་ལ་བཟང་ལན་དང་ངན་ལ་ངན་ལན་སྤྲོད་མ་ནུས་རུང་དྲན་པ་དེ་འགྲོ་བ་ཡོངས་ཀྱི་ཆོས་ཉིད་དུ་འདོད་མོད། མའོ་དམར་ཤོག་པས་བལ་ཡུལ་ནང་དུ་མི་ལོ་ཉི་ཤུའི་རིང་ཉམ་ཆུང་གི་ཡུལ་མིར་བརྡབ་གསིག་བྱས་པའི་བརྒྱུད་རིམ་ཁྲོད། བོད་པའི་དགོན་སྡེ་ཁག་དང་བཟོ་གྲྭ་ཁག་ལའངས་སུན་པོ་ག་ཚོད་བཟོས་ཡོད་པ། ཁྱད་པར་དུ་ལོ་སྔོན་མར་བོད་མི་སྐད་འབོད་པར་བལ་གཞུང་དམག་མིའི་དབྱུག་རྩལ་སྦྱོང་ཡུལ་བྱས་པ་དང་། ད་དུང་སྣེ་ལེན་སྐུ་ངོ་དང་བུད་མེད་ཚོགས་གཙོ་གཉིས་ཉེས་མེད་བཙོན་འཇུག་བྱས་པ་སྤྲེལ་ལད་པ་དག་གིས་བརྗེད་སོང་བ་མ་ཟད། འདི་ལོའི་སུམ་བཅུའི་དུས་དྲན་སྔོན་བོད་མི་ཉེས་མེད་བཅུ་གཅིག་འཛིན་བཟུང་བཀག་ཉར་བྱས་ཡོད་པ་ཧ་གོ་མེད་པ་འདྲ། རྒྱུན་དུ་བོད་མིའི་སྤྱི་ཚོགས་ལ་འཆམས་མཐུན་བྱ་བའི་མི་མང་ལ་ཐུགས་རྗེ་མི་ཞུ་བར་མའོ་ཡི་ལྟ་བ་འཁྱེར་བའི་བལ་གཞུང་གསར་བར་ཐུགས་རྗེ་ཞུ་དགོས་པའི་རྒྱུ་མཚན་ལ་གཞིག་ན། ཁོ་ཚོའི་སེམས་ཁྲལ་ཆེ་ཤོས་དེ་ཁོ་ཚོ་དང་འབྲེལ་ཆེ་བ་དག་ལ་སྔོན་རྒྱལ་པོས་བསྩལ་བའི་ས་ཞིང་དང་ཁང་ཁྱིམ་སོགས་ཕྱིར་གཞུང་བཞེས་བྱེད་པར་དོགས་ནས་སྤྲེལ་ལད་ཀྱི་ཁ་བཏགས་ཤིག་མི་དབུལ་རང་དབུལ་དུ་ཆགས་ཡོད་མི་སྲིད་པ་མ་རེད། སྤྲེལ་ལད་པ་འདི་དག་གི་མི་ཚེ་སྤྲེལ་ལད་དང་རྐུབ་ཀྱག་མཁྲེགས་སྲུང་བྱས་པར་གོམས་པ་ལས་གཞན་འཇོན་ཐང་དང་ལྷག་བསམ་གང་ཡང་མེད་པ་མིག་མཐོང་ལག་ཟིན་དུ་འདོད། ཡང་འདི་དག་འགའ་རེའི་ངག་སྒོ་ན་གང་ཡོད་ཅེ་ན། ང་ཚོ་བལ་སྡོད་བོད་མི་ཚོ་མི་མཐུད་དུ་གནས་ཐུབ་པ་གལ་ཆེ་བ་སོགས་ཀྱི་འཆལ་གཏམ་སྣ་ཚོགས་ལས། སྔོན་རྒྱལ་པོའི་སྐབས་བོད་མི་ཚོར་སྐྱབས་བཅོལ་ལག་འཁྱེར་བཟོས་པའི་ལམ་ཁ་དེ་རྒྱུན་སྐྱོང་མ་བྱས་པ་དང་མ་ནུས་པ་དེ། ད་ལྟ་བལ་ཡུལ་མཆོད་རྟེན་དང་འཕགས་ཤིང་སོགས་ཀྱི་ཉེ་འགྲམ་ན་བོད་མི་བརྒྱ་ཕྲག་མང་པོར་སྐྱབས་བཅོལ་གྱི་ཐོབ་ཐང་གང་ཡང་མེད་པ་དག་གི་དངོས་ཡོད་དཀའ་ངལ་ལ་གཞིག་ན་གསལ་བོ་རེད།…
དེ་ལས་མང་བ་། “རྒྱ་མིའི་རྒྱུག་ཁྱིར་གྱུར་བའི་བལ་གཞུང་ལ་ཐུགས་རྗེ་ལན་པོར་ཞུ་དགོས་དོན་ཅི།” »
གླུ་གཞས་རྙིང་པ་འཚོལ་བ།
དེ་རིང་རྐྱེན་ཅིག་ལ་བསྡོངས་ནས་ང་ལ་དོན་གྲུབ་རྒྱལ་འདས་པོའི་ “ལང་ཚོའི་རྦབ་ཆུ་”ལ་ཉན་འདོད་ཅིག་བྱུང་། ང་ལ་ཐབས་ཤེས་ཤིག་ཡོད་པ་ནི་དྲ་རྒྱ་དག་ནས་འཚོལ་རྒྱུ་དེ་ཡིན། བོད་ཡིག་དང་དབྱིན་ཡིག་གི་དྲ་རྒྱ་དག་ན་ཁོང་གི་ལང་ཚོའི་རྦབ་ཆུ་དང་བཅས་པའི་རྩོམ་ཡིག་དང་དེའི་འཕྲོས་བཤད་མང་ཙམ་རྙེད་བྱུང་། འོན་ཀྱང་ཉན་ས་ཞིག་རག་མ་སོང་། ངེད་ཀྱི་དྲན་ཚོད་ལྟར་ན། ཁོང་གིས་ལང་ཚོའི་རྦབ་ཆུ་དེ་གྱེར་འདོན་བྱས་པ་མཚོ་སྔོན་རླུང་འཕྲིན་ཁང་གིས་རྒྱང་བསྒྲགས་བྱས་ཤིང་། སྐབས་དེའི་རྒྱབ་ལྗོངས་ཀྱི་རོལ་ཆ་དེ་ལའང་རྦབ་ཆུའི་བཞུར་སྒྲ་ཡོད་པ་ཞིག་དྲན་གྱི་འདུག ཏན་ཏན་མ་ཤེས། སྔོན་མ་ཚེ་ཏན་ཞབས་དྲུང་ཚང་གི་སྙན་ངག་སློབ་འཁྲིད་བྱས་པ་དང་། དེ་བཞིན་དམུ་དགེ་བསམ་གཏན་ཚང་གིས་སུམ་རྟགས་སློབ་འཁྲིད་གནང་བ་སོགས་ཀྱི་སྒྲ་འཛིན་འཁོར་ཐག་ཡོད་པ་དང་ཁ་ཤས་ཐོས་ཀྱང་མྱོང་། འདི་རིགས་དྲ་རྒྱའི་ཐོག་དང་དཔེ་མཛོད་ཁང་སོགས་ན་ཡོད་མེད་མཁྱེན་མཁན་ཡོད་དམ། ལ་རྩེ་དཔེ་མཛོད་ཁང་ན་ཡོད་དམ།
རང་རང་གོ་སྐལ་སྲིད་ཞུའི་གྲུབ་འབྲས་སྙིང་བསྡུས་ཤིག་ཞུ་རྒྱུར།
༄༅།། ས་ཁོངས་ཆོས་གཞིས་གཙང་རྩེ་གདོང་ཁང་ལྟག་གི་མི་ངོ་སྐྱབས་བཅོལ་བ་སྤེན་རྡོར་རང་ལོ་བརྒྱད་བཅུ་འཚོ་བའི་དུས་ཚེས་ ཐོག་རང་རང་གོ་སྐལ་སྲིད་ཞུའི་གྲུབ་འབྲས་སྙིང་བསྡུས་ཤིག་ཞུ་རྒྱུར། 
ཕྱི་ལོ་ ༢༠༠༩ དང་བོད་རབ་བྱུང་ས་གླང་ལོ་འདི། གང་ཟག་སྒེར་གྱི་ཆ་ནས་རང་ལོ་༨༠ བར་དུ་འཚོ་བའི་ལོ་ཚིགས་གལ་ཆེན་ཞིག་ཏུ་བརྩི་སྲོལ་ཡོད་པ་བཞིན། ཕྱོགས་མཐར་གནས་པའི་བུ་ཕྲུག་རྣམས་ནས་ཀྱང་ཕ་རྒན་རང་ལོ་ ༨༠ འཚོ་བའི་དགའ་སྟོན་དུ་འདུ་འཛོམས་བྱ་འཆར་འདུག་ཀྱང༌། དགའ་སྟོན་ལ་རོལ་བའི་འོས་བབ་མ་མཐོང་ཞིང༌། དོན་མེད་གནམ་གྲུ་སོགས་ཀྱི་ལམ་གྲོན་ཆུད་ཟོས་དང༌། དཀའ་ངལ་ཡོང་རྒྱུ་ཙམ་ལས་དགོས་དབང་མེད་པར་མཐོང་སྟེ། བུ་ཕྲུག་ཚང་མར་ཡོང་མ་དགོས་ཞེས་བརྗོད་པ་ཡིན། ཡིན་ནའང༌། རང་ལོ་ ༨༠ འཚོ་བའི་རིང་འདིར། རང་གི་རྒྱལ་ཁབ་དང་མི་རིགས་ལ་སྨན་པའི་སྲིད་ཞུ་འགྲུབ་མིན་ལ་ཕྱིར་བལྟ་བྱེད་སྐབས། འགྱོད་པ་སྐྱེ་གཞིའི་བྱ་བ་གང་ཡང་མེད་ཅིང༌། རང་རང་སྐབས་བབ་འོས་འགན་ཕྱོགས་བསྡོམས་ཞུ་རིན་ཡོད་ཙམ་ཞིག་མཐོང་ནས། ད་ལམ་རྒྱས་བཤད་མ་དགོས་པའི་ལས་བསྡོམས་སྙིང་བསྡུས་ཤིག་ཞུ་ན། བོད་མིའི་བླ་སྲོག་ལྟ་བུའི་རིག་གནས་ཆེན་པོ་ལྔའི་ཡ་གྱལ་མཆོག་གི་ལུས་བཟོ་རིག་པ་འབུར་སྐུ་རྟེན་བཞེངས་ཀྱི་ཕྱག་རྩལ་ལ་འཇུག་པར་བྱེད་པ་ལ། ཐོག་མར་བསླབ་པའི་རིམ་པ་གཅིག་ཅོག་གི་བསླབ་པ་དང༌། རིགས་གཅིག་རྐང་འཛིན་དུ་བསླབ་པ་གཉིས་ལས། བོད་གཞུང་དགའ་ལྡན་ཕོ་བྲང་བཀའ་ཤག་གི་འཛིན་སྐྱོང་འོག ལྷ་ས་ཞོལ་འདོད་དཔལ་ཞེས་པའི་རྟེན་བཞེངས་ལས་ཚོགས་ཆེན་པོ་དེ་དག་རིགས་གཅིག་རྐང་འཛིན་ཁོ་ན་ཡིན་ཅིང༌། དཔེར་ན། དྲང་སྲོང་ཁྲོས་པའི་ལྷ་སྐུ་བཅོམ་ལྡན་དུས་ཀྱི་འཁོར་ལོ་ལྟ་བུ་ཞིག་བཞེངས་པ་ལ་དང་པོ་བྲིས་པའི་སྡེ་ཚན་ ༡། གཉིས་པ་རྡུང་པའི་སྡེ་ཚན་ ༡། གསུམ་པ་ཚག་པའི་སྡེ་ཚན་ ༡། བཞི་པ་འཇིམ་བརྙན་སྡེ་ཚན་༡། ལྔ་པ་ལུག་པའི་སྡེ་ཚན་ ༡། དྲུག་པ་ཕྲ་བཟོ་སྡེ་ཚན་ ༡། བདུན་པ་གཟི་རྡར་ལག་གཡོག་གི་སྡེ་ཚན་བཅས། སྒྲིག་གཞི་དགོངས་དོན་མི་གྲངས་ ༡༢༨ ཡོད་པ་རྣམས། ལས་རིགས་སྣ་རེ་ལས་མི་ཤེས་ཏེ། ཤེས་ཀྱང་ལས་མི་ཆོག 
དེ་བཞིན་བླ་བྲང་ནང་མ་སྒང་གི་འཛིན་སྐྱོང་འོག་གཞིས་རྩེ་བཀྲ་ཤིས་སྐྱེད་ཚལ་ཞེས་པའི་ལས་ཚོགས་དེར་ལས་མི་གྲངས ༤༠ ཙམ་ཡོད་པ་དེ་ཡང༌། ཞོལ་འདོད་དཔལ་ལྟར་རིགས་གཅིག་རྐང་འཛིན་ཁོ་ན་ཡིན། འོ་ན་གཅིག་ཅར་གྱི་བསླབ་པ་ལ་ཞུགས་ན། ཐོག་མ་སློབ་མའི་རིམ་པ་དང༌། བར་དུ་བསླབ་པའི་རིམ་པ་གཉིས་ཡོད་པ་ནས། ཐོག་མར་སློབ་མའི་རིམ་པ་ཞུས་ན། མི་གཡོ་བ་རྟོགས་པའི་རྒྱུད་ཀྱི་རྒྱལ་པོ་ལས། ལྷའི་བཟོ་བོ་ནི་བཟོ་རིགས་ཕལ་པ་དང་མི་འདྲ་ཞིང༌། བྲམ་ཟེ་འམ། གཙང་སྦྲ་དང་ལྡན་པ། རབ་དགེ་སློང༌། འབྲིང་དགེ་བསྙེན། མཐའ་མའང་མི་སྐྱ་ཕལ་བ་མ་ཡིན་པར་བསྙེན་གནས་ཕབ་པར་བྱའོ།། དེ་ཡང༌། ཐོས་མང་བརྩོན་བཞིན་དམ་ཚིག་བསྡོམས་གནས་པ།། ཆོས་དང་སྦྱིན་མོས་བྱང་ཆུབ་སེམས་ལྡན་པ།། བློ་ལྡན་བཟོ་ཡི་གནས་ལ་མཁས་ཤིང་དུལ།། རང་དབང་ཡོད་ཅིང་མཆོད་ཅིང་བཀུར་འོས་པ།། སྔགས་རིགས་ལས་ཀུན་ཤེས་ཤིང་འགྲོག་ན་བདེ།། རྒས་མིན་ནད་ཀྱིས་གདུང་མིན་མ་ནིང་མིན།། ལུས་རིགས་བཟང་ཞིང་དགེ་བའི་གྲོགས་བྱེད་པ།། དངོས་གྲུབ་འདོད་ཅིང་སངས་རྒྱས་ཡིད་ལ་བྱེད།། མཁས་པའི་རྗེས་འཇུག་རང་བཟོ་སྤང་པ་བོ།། ཞེས་པ་ལྟར། རང་ཉིད་དུ་སློབ་མའི་རིམ་པ་ལམ་ཙམ་ཚང་ཁུལ་ཐོག གཅིག་ལྕོགས་སུ་བསླབ་པའི་རིམ་པ་ནི། ས་ཁོངས་ཆོས་གཞིས་རྩེ་གདོང་ཞེས་པའི་ཡུལ་ལུང་དེར།
དེ་ལས་མང་བ་། “རང་རང་གོ་སྐལ་སྲིད་ཞུའི་གྲུབ་འབྲས་སྙིང་བསྡུས་ཤིག་ཞུ་རྒྱུར།” »
བདག་གཞན་གཉིས་ལས་གང་ཞིག་གཙོ།
སྤྲིན་བྲལ། མདོ་སྨད་ཟི་ལིང་།
འཚེ་བ་སྤངས་ནས་དགེ་བ་ལ།།
རྣམ་དག་བསམ་པའི་འཇུག་པའི་ལྷ།།
རང་སེམས་འདུལ་བའི་ཐབས་སྣ་ཚོགས།།
སྟོན་མཛད་དེ་ལ་སྙིང་ནས་འདུད།།
དེང་སང་དུས་ན་རང་རློམ་ཚོགས།།
སྤྱི་ཚོགས་འཕེལ་བའི་བཀག་རྡོ་ནི།།
བྱམས་དང་སྙིང་རྗེ་འདི་རེད་ཅེས།།
བདག་གཙོ་སྨྲ་བའི་བསམ་ཚུལ་འབྱུང་།།
ཕ་ཡུལ་ལ་བསྟོད་པ་སྐྱོ་བོ་ཞིག
ཁྱེད་ཀྱིས་འདི་གཅིག་གཟིགས་ནས་ང་ལ་བསམ་ཚུལ་ཞིག་གསུངས་དང་། http://www.youtube.com/watch?v=CeJ3cQdD3ck&feature=related
སློབ་གྲྭ་ཆེན་མོ་བའི་བསམ་བློའི་ཆུ་ཚད་དང་བསམ་གཞིགས་ཀྱི་ནུས་པ་མཐོར་འདེགས་བཟོ་བའི་ཐད་ཀྱི་བསམ་གཞིགས།
(བོད་ཀྱི་དུས་བབ་ནས་བཤུས།)
བདུད་ལྷ་རྒྱལ།
སློབ་གྲྭ་ཆེན་མོ་ནི་མཐོ་རིམ་ཡོན་ཏན་པ་གསོ་སྐྱོང་བྱ་ས་ཡིན་ལ། འདི་ལས་ཐོན་པའི་མི་སྣ་ནི་སྤྱིར་བཏང་གི་སློབ་གསོ་མྱོང་ཡོད་མཁན་ཞིག་དང་གཏན་ནས་མི་འདྲ། སློབ་གྲྭ་ཆེན་མོ་ནས་མཐར་ཕྱིན་པ་ཞིག་ཡིན་ན། དེ་ལ་རང་ཚུགས་ཀྱི་བསམ་གཞིགས་བྱེད་སྟངས་ཤིག་དང༌། གཞན་དྲིང་མི་འཇོག་པའི་སྤོབས་པ།
༧གོང་ས་མཆོག་གིས་ལོ་གསར་ལ་འཚམས་འདྲི་གནང་བ།
༼བོད་ཀྱི་དུས་བབ་དྲ་ཤོག་ནས་བཤུས།༽
རབ་རྒྱལ་ས་གླང་ལོའི་གནམ་ལོ་གསར་ཚེས་ལ་༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་གཞིས་བྱེས་བོད་རིགས་ཡོངས་ལ་བསྩལ་བའི་གསུང་འཕྲིན།
༄༅། །བོད་རྒྱལ་ལོ་ ༢༡༣༦ རབ་བྱུང་བཅུ་བདུན་པའི་ས་གླང་གནམ་ལོ་གསར་ཚེས་ཀྱི་དུས་ཚིགས་འདིར་ངོས་ནས་བོད་ཕྱི་ནང་དུ་འཁོད་པའི་བོད་རིགས་ཡོངས་ལ་བཀྲ་ཤིས་བདེ་ལེགས་ཀྱི་འཚམས་འདྲི་དང་། ལོ་འདི་ཆོས་འབྱོར་བདེ་སྐྱིད་ཀྱིས་འཚོ་ཞིང་བདེན་མཐའ་རིམ་པས་གསལ་བའི་མཆོག་གསུམ་ལ་སྨོན་ལམ་བྱེད་ཀྱི་ཡོད།