——-ལྡེ་མིག
 
སྤྱིར་ང་རང་བཙན་བྱོལ་ལ་འབྱོར་ནས་མི་ལོ་༡༡ མིན་ཙམ་ཞིག་འགྲོ་བཞིན་ཡོད། སྐབས་འདིའི་རིང་བཙན་བྱོལ་སྤྱིར་ཚོགས་ལ་མཚོན་ན་འགྱུར་བ་ཧ་ཅང་མང་། དེའི་ནང་ནས་འགྱུར་བ་ཆེ་ཤོས་དེ་ག་རེ་རེད་ཟེར་ན། དེ་ཡང་བོད་མི་རྩམ་ཟན་ཡོངས་ཀྱིས་འདི་ཕྱི་གཉིས་ཀྱི་སྐྱབས་ཡུལ་དུ་འཛིན་པའི་༸གོང་ས་སྐྱབས་མགོན་རྒྱལ་བ་རིན་པོ་ཆེ་མཆོག་གིས་

དེ་ལས་མང་བ་། “ང་རང་སྤོབས་པ་སྐྱེས་སོང་།” »

འབྲི་མཁན། ཚེ་རིང་།
 
རང་གིས་བདམས་པའི་དཔོན་པོ་དེ་སྐྱག་ལང་དུ་འགྲོ་མི་འཇུག་པ་ནི། མང་གཙོའི་ལམ་ལུགས་ལ་མོས་གུས་གནང་བའི་མི་མང་གི་འོས་འགན་ཞིག་རེད། གཤམ་གསལ་གྱི་དྲི་ཚིག་ ༡༡ དེས་བོད་ལ་མང་གཙོ་ཡང་དག་པ་ཞིག་དར་བའི་སྨོན་ལམ་ཞུ།

༡༽ འདས་པའི་ལོ་ངོ་བཞིའི་རིང་ལ་བློ་བཟང་སེང་གེ་ལགས་ཀྱིས་སོ་སོའི་རྐུབ་སྟེགས་དང་བོད་དོན་གཉིས་ལས་གང་ཞིག་ཆེས་གལ་ཆེ་བར་བརྩིས་ནས་ཕྱག་ལས་གནང་འདུག་གམ།

དེ་ལས་མང་བ་། “མི་མང་གིས་བསྐོས་པའི་དབུ་ཁྲིད་དེ་བོད་སྤྱི་བའི་རྩ་དོན་སྒྲུབ་མཁན་ཞིག་ཏུ་མི་མང་རང་གིས་བཟོ་ཐུབ་དགོས།” »

གསལ་ལེ་རྒྱལ།

 
རྒྱལ་ཁབ་ཀྱི་དོན་དུ་ཁྱོད་ཚོ་དང་ང་ཚོ་གཅིག་ཡིན་ཡང
སྲིད་སྐྱོང་གི་དོན་དུ་ཁྱོད་ཚོ་དང་ང་ཚོ་ཁ་ཁ་རེད
ད་ཀློའུ་མིན་ན་ཅི་རེད
སྲིད་སྐྱོང་ཁམས་པ་ཡིན་པས་ཁམས་ཕྱོགས་ལ་ཅི་ཞིག་ཕན་སོང་།

དམངས་གཙོ་ཡི་དོན་དུ་ཁྱོད་ཚོ་དང་ང་ཚོ་གཅིག་ཡིན་ཡང
འོས་ཤོག་གི་དོན་དུ་ཁྱོད་ཚོ་དང་ང་ཚོ་ཁ་ཁ་རེད

དེ་ལས་མང་བ་། “ད་ཀློའུ་མིན་ན་ཅི་རེད།” »

དཔལ་དགྱེས་པ་རྡོ་རྗེ།

 
བརྒྱུད་གསུམ་བླ་མའི་ཞབས་ལ་འདུད།།
རྨོངས་པའི་གཞན་དབང་སོང་བ་ཡི།།
ཁམས་གསུམ་འགྲོ་བ་སྐྱོབ་པའི་ཕྱིར།།
དུ་བ་འཐེན་པའི་ཉེས་དམིགས་བཤད།།
སྟོན་པ་རྫོགས་པའི་སངས་རྒྱས་ཀྱིས།།
ཐ་མག་ངན་སོང་ལྟུང་བྱེད་གསུངས།།

དེ་ལས་མང་བ་། “དུ་བ་མ་འཐེན་ཆོས་གྲོགས་ཚོ།” »

སྲོང་བཙན།

 
ཁ་སང་དེ་རིང་གི་གསར་འགྱུར་འཁྲུགས་པོ་དེ་ནི་གངས་སྐྱིད་སྤྱི་ཐབ་ཁང་གི་མ་བྱན་བློ་བཟང་ཉི་མས་ཚོགས་གཙོ་ཆང་གིས་བཟི་སྟེ་སྤྱི་འཐུས་ཤིག་ལ་འགྲམ་ལྕག་གཞུས་སྐོར་གྱི་སྐད་ཆ་དེ་རེད། སྐར་མ་19ཅན་གྱི་སྐད་ཆ་དེས་མི་མང་པོ་ཧང་ནག་པོ་སང་གཅུག་འདུག་ལ། དེ་འདྲ་ངོ་མ་ཨེ་ཡིན་བསམ་ནའང་མི་ཟེར་ས་ཞིག་ལྷག་མི་འདུག་སྟེ། མ་བྱན་དེས་དཔང་མི་འདི་དང་འདི་ཡོད་དེས་མིང་དང་བཅས་པ་གསལ་པོ་བཤད་རྒྱུ་འདུག

དེ་རིང་མདོ་སྨད་སྤྱི་འཐུས་ཁོས་གསལ་བཤད་ཅིག་གནང་འདུག་པའི་ནང་

དེ་ལས་མང་བ་། “ཚོགས་གཙོ་ཆང་གིས་བཟི་ནས་མདོ་སྨད་སྤྱི་འཐུས་རྡུང་བ།” »

རྐ་སྲས།

 
ང་ཚོར་སུ་ཊེབ་ཇྷོབ་སུ་གཞན་པ་ཞིག་ཡོང་རྒྱུ་མེད་པ་སོམ་སྙི་མེད་ལ་དེ་ཐད་ང་ཚོས་ཅི་ཡང་བྱེད་མི་ཐུབ། འོན་ཀྱང་ཁོང་གིས་ང་ཚོར་རྨད་དུ་བྱུང་བའི་ཀུ་ཤུའི་ཐོན་རྫས་འདི་འདྲ་ཞིག་གནང་པར་རྟག་དུ་བཀའ་དྲིན་ཞུ་བར་འོས། ཀུ་ཤུའི་གཙོ་སྐྱོང་བ་ཟུར་བའི་འཚོ་བ་གཅིག་པུའི་ནང་དུའང་སློབ་ཚན་ཞིག་ཡོད། ལྷག་པར་དུ། ཐོག་མར་ཁོང་གིས་འགྲོ་གྲོན་ཡང་ཁ་མི་འཐབ་པའི་ཚོང་གཉེར་ཁང་དེ་ཡོང་སྒོ་སྟེར་ཐུབ་པའི་ཚོང་ལས་ཁང་ཞིག་ཏུ་བསྐྲུན་ནས་ཚོང་གཉེར་བ་དག་ལ་མ་འོངས་བའི་ལེགས་འགྲུབ་མཐོང་དུ་བཅུག་པ་དེ་རེད།

དེ་ལས་མང་བ་། “ཀུ་ཤུ་གསར་གཏོད་པ་སི་ཊེབ་ཇཱོབ་སི་ལས་བསླབ་འོས་པའི་འཚོ་བའི་སློབ་ཚན་བཅུ།” »

ལྷ་རྒོད།

 
ནང་ཁུལ་གྱི་འཐབ་རྩོད་འདི་དག་ཐད་ཀར་དགྲ་བོ་ལ་སྤེལ་ཐུབ་ན་ཅི་མ་རུང་། ཕྱོགས་རིས་ཀྱི་གཡུལ་འཁྲུག་འདི་དག་མེས་པོའི་དགྲ་བོ་དང་འགྲན་ནུས་ན་ཅི་མ་རུང་། གཡོ་ཁྲམ་གྱི་སྤྲ་ལག་འདི་དག་དམར་པོའི་དཔུང་དང་བསྡུར་ནུས་ན་ཅི་མ་རུང་། ཁ་ལྕེ་ཡི་ཚིག་མཚོན་འདི་དག་ཕ་བསད་ཀྱི་ཤན་པ་ལ་གཡུག་ནུས་ན་ཅི་མ་རུང་། སྨྱུག་རྩེ་ཡི་གར་སྟབས་འདི་དག་རྒྱལ་སྤྱིའི་ཁྲིམས་སར་བསྒྱུར་ཐུབ་ན་ཅི་མ་རུང་།

དྲང་བདེན་དང་གནས་ལུགས་ལ་ཐུག་དུས་དཔྱོད་ཤེས་ཀྱི་བློ་མིག་ཞར་ར་ཅན་པོ། ཕྱོགས་རིས་དང་གཡོ་ཁྲམ་ཙམ་ལས་ཅི་ཡང་མི་ནུས་པའི་རང་རིགས་ཀྱི་

དེ་ལས་མང་བ་། “ཁྱེད་ཚོ་མི་མིན།” »

ཨེ་མ་ཧོ།

 
སྙིང་རྗེའི་ལྷ་གཅིག་འཕགས་མཆོག་སྤྱན་རས་གཟིགས་ལ་ཕྱག་འཚལ་ལོ།། རང་བཞན་སེམས་ཅན་ཐམས་ཅད་བདེ་བ་དང་ལྡན། བདེ་བ་འབྱུང་བའི་རྒྱུ་མ་ནོར་བ་ནི་དཀར་པོ་དགེ་བ་བཅུའི་ལམ་ལ་ལོངས་སུ་སྤྱོད་པར་གྱུར་ཅིག། སྡུག་བསྔལ་རྣམ་པ་གསུམ་མི་མྱོང་བ་དང་། སྡུག་བསྔལ་འབྱུང་བའི་རྒྱུ་མ་ནོར་བ་ནི་ནག་པོ་མི་དགེ་བ་བཅུའི་དྲི་ཙམ་ཡང་མི་གོས་པར་གྱུར་ཅིག། སྡུག་བསྔལ་མེད་པའི་བདེ་བ་དམ་པ་ནི་མ་གྱུར་འགྲོ་བ་སེམས་ཅན་ཡོངས་ལ་ནམ་ཡང་འབྲལ་བ་མེད་པར་གྱུར་ཅིག། དགྲ་གཉེན་ཉེ་རིང་ཆགས་སྡང་རྨོངས་པའི་ཚོགས་དང་བྲལ་ནས་

དེ་ལས་མང་བ་། “ཚེ་སྲོག་གི་མེ་མཆོད་ད་སྤོངས་ཤིག” »

ཨེ་མ་ཧོ།

 
བྱང་ཆུབ་སེམས་དཔའ་ས་ཡི་སྙིང་པོ་ལ་ཕྱག་འཚལ་ལོ།།

༡༽ སངས་རྒྱས་བསྟན་པ་བཤད་སྒྲུབ་ཕྲིན་ལས་དགོས།།
སྲོལ་རྒྱུན་རྒྱལ་ཁབ་སྐྱོབ་པའི་སྐད་ཡིག་དགོས།།
བསྟན་སྲིད་ཆོས་ལ་མཁྱེན་པའི་ཤེས་རབ་དགོས།།
འགྲོ་བ་ཡོངས་ལ་བྱམས་པའི་བརྩེ་བ་དགོས།།

དེ་ལས་མང་བ་། “དགོས་པ་ཉེར་གཅིག་གི་གདམས་ངག” »

འབར།
 
སྔར་གྱི་བཀའ་ཁྲི་སྐབས་ང་མཁས་དབང་བློ་བཟང་སེང་གེའི་རྒྱབ་སྐྱོར་བ་ཞིག་ཡིན། ཁོང་གདན་ས་སླེབས་སྐབས་གནམ་ཐང་ནས་གཞིས་ཆགས་ཆུང་ཆུང་དེ་དག་གི་ནང་གཡས་གཡོན་ལ་སྐུ་སྲུང་བ་བཞི་ལྔ་རེ་ཁྲིད་ནས། མིག་ཤེལ་ནག་པོ་དེའི་འོག་ནས་ང་ཚོ་གྲྭ་བ་དང་མི་དམངས་དཀྱུས་མ་དག སྐུའི་ཐག་ཉེ་སར་མ་སླེབས་པར་ཆེན་པོ་མཐོང་གི་མེད། ང་ཚོས་ལག་པ་བརྡབ་ཆེ་ན་ཁོང་ཧ་ཅང་ཐུགས་མཉེལ་བ་ཡོང་གི་རེད།
ཁོང་གི་གཏམ་བཤད་བྱེད་སྐབས། {ཆོལ་གསུལ་ཆིག་སྒྲིལ་ངང་མ་འོངས་པའི་རེ་བ་གསར་བ་ཞིག ༸གོང་ས་སྐྱབས་མགོན་རིན་པོ་ཆེ་བོད་ལ་གདན་འདྲེན་བྱེད་རྒྱུ་ཡིན།}

དེ་ལས་མང་བ་། “བློ་བཟང་སེང་གེ་དགོངས་དག ངས་ཁྱོད་ལ་རྒྱབ་སྐྱོར་བྱེད་མི་ཐུབ།” »

——ཅོག་མྱི།
 
ད་ལྟ་ཨ་རི་ན་ཆེས་ཚ་ཚ་འུར་འུར་གླེང་བཞིན་པའི་ཆབ་སྲིད་པ་ནི་ཨ་རིའི་སྤྱི་མཐུན་ཚོགས་པའི་སྲིད་འཛིན་ལོས་ལངས་བ་མདང་ནོད་་ཁྲོང་ཕུ་ཞེས་བྱ་བའི་གཉེར་རྒན་དེ་ཡིན། ཚང་མས་ཉམས་བཞག་ཡོད་མེད་མ་ཤེས་མོད། ཁོང་གི་འཆད་རྩོད་སྤྱོད་གསུམ་ལས་ངས་འོ་སྐོལ་གྱི་

དེ་ལས་མང་བ་། “མདང་ནོད་་ཁྲོང་ཕུ་(Donald Trump)ལས་ཨ་ཚོགས་ཀླུ་མཁར་བྱམས་དྲན་པ།” »

དབྱར་རྩ་དགུན་འབུ།

 
སྲིད་སྐྱོང་བློ་བཟང་སེངྒེས་ཨ་རིའི་དོན་གཅོད་ཁང་ནེའུ་ཡོག་ནས་ཝ་ཞིན་ཀྲོན་དུ་སྤར་རྗེས། དོན་ཁང་ནང་གི་ད་ལྟ་༸གོང་ས་མཆོག་གི་སྐུ་པར་བཀལ་བའི་རྩིག་གྱང་དེར། དེ་སྔ་སྐུ་པར་གང་ཡང་མེད། ཡར་བཀལ། མར་ཕབ་ཅེས་པ་མེད་ཅེས་ཨུ་ཚུགས་ཀྱིས་གསུངས་པ་དེ་བདེན་པ་མ་རེད།
གནས་ཚུལ་ཁུངས་ལྡན་ལྟར་ན། ཝ་ཞིན་ཀྲོན་དུ་སྤར་མ་ཐག་གྱང་ངོས་དེར་༸གོང་ས་མཆོག་གི་སྐུ་པར་ཆུང་ཆུང་ཞིག་བཀལ་འདུག དེ་ནི་དོན་ཁང་ནང་གི་ལས་བྱེད་ཡོངས་རྫོགས་ཀྱིས་ཀྱང་གསལ་བོ་མཁྱེན་གྱི་ཡོད་པ་རེད།

དེ་ལས་མང་བ་། “པར་ཕབ་པའི་གསང་བ་ཤོར་བ།” »

སྲོང་བཙན།

 
ད་ལན་དཔལ་ལྡན་ཚོགས་གཙོ་མཆོག་འོས་བསྡུའི་གཏམ་བཤད་ཆེད་ས་གནས་མང་པོར་སྐོར་སྐྱོད་གནང་གི་ཡོད་པ་དང་བསྟུན། མང་ཚོགས་ལ་གསལ་བཤད་དང་བཀའ་ལན་གནང་མུས་ཕེབས་བཞིན་ཡོད་སྟབས། མང་ཚོགས་ཚོས་ཀྱང་དོགས་འདྲི་དང་གསོལ་འདེབས། རེ་སྐུལ་དང་སྐྱབས་འཇུག་ངེས་པར་ཞུ་ཐུབ་དགོས་རྒྱུ་ནི་ཧ་ཅང་གལ་ཆེ་བ་ཡིན། ཁོང་ནི་རང་རེའི་དབུ་ཁྲིད་ཅིག་ཡིན་པས་གུས་བརྩི་དང་ཡ་རབས་བཟང་པོའི་ཀུན་སྤྱོད་དང་མཐུན་པར་བྱས་ཏེ་དོགས་འདྲི་དང་བསལ་ཚུལ་ཞུ་དགོས་པ་དེའང་གནད་འགག་ཅིག་ཡིན་སྙམ།

དེ་ལས་མང་བ་། “དཔལ་ལྡན་ཚོགས་གཙོ་མཆོག་ལ་ངེས་པར་འདྲི་དགོས་པའི་དྲི་བ་ཉེར་ལྔ།” »

—དགུ་རོང་སྤུན་གྲོལ།
 
ཉེ་ཆར་ཧྥ་རན་སིར་གནས་སྡོད་བྱས་པའི་ལྗང་བུ་ལ”བོད་ཀྱི་དུས་བབ”དྲ་བའི་གསར་འགོད་པ་དོན་གྲུབ་བཀྲ་ཤིས་ཞུ་པ་ཞིག་གིས་བཅར་འདྲི་བྱས་པའི་སྒྲ་ཕབ་ཡིག་འབྲུ་ཚན་པ་ཞིག་དྲ་ལམ་དུ་འཁྱར་གྱིན་འདུག མདང་ནུབ་ཞིབ་ཀློག་ཅིག་བྱས་དུས་ལྗང་བུས་དེ་སྔོན་ངེད་ལ་བཤད་པའི་སྐད་ཆ་དེ་དང་ཧེ་བག་ཆེན་པོ་བྱུང་ཡོད་པ་གཅིག་དང་། གཉིས་ནས་དོན་གྲུབ་རྒྱལ་གྱི་ལོ་རྒྱུས་འཁྱོག་བཤད་བྱས་ཡོད་བརྟེན། དེའི་ཐད་ནས་ཤན་ཞིག་འབྱེད་དགོས་བསམ་བྱུང་།

དེ་ལས་མང་བ་། “སྲང་ལམ་གྱི་ཅ་ཅོ”བདེན་པར”སྨྲ་བའི་ལྗང་བུའི་མོག་བཤད་ཁག་ཅིག་ཤན་འབྱེད་པ།” »

—གསལ་ལེ་རྒྱལ།

 
ཡེ། མཆོད་ཨོཾ་ཨ་ཧུཾང་། མཆོད་ཨོཾ་ཨ་ཧུཾང་། མཆོད་ཨོཾ་ཨ་ཧུཾང་། དེ་ནི་སྦྲའི་ཕྱི་རོལ་གྱི་བསང་ཁྲིའི་མཐའ་ནས་གྲགས་ཡོང་བའི་དབྱངས་རྟ་དེ་ཡིན་ལ། སྦྲའི་ནང་ལོགས་ནས་གྲགས་འོང་བའི་དབྱངས་རྟ་ནི་”ཨ་མ་ལོ་ལོ། འུན་འུན་འུན། ངས་མྱི་དེ་ངོ་ར་མི་ཤེས། ངས་དེའི་རྩིབ་ནས་ཉི་མ་ཅི་བྱས་གཏོང་། འུན་འུན་འུན། ཨ་མ་ལོ་ལོ་”ཞེས་བ་དེ་རེད།

ཨ་ཕ་དང་ཨ་ཁུ་ཚང་མས་གྲོས་བྱས་ཏེ།

དེ་ལས་མང་བ་། “ཨ་ཅེ་འབྲོག་མོའི་བརྩེ་དུང་གི་ཉིན་མོ།” »