རིག་འཛིན་ལྷུན་གྲུབ།

སྤྱི་༢༠༡༤ ཟླ་༣ ཚེས་༢ ཉིན་རྒྱ་གར་ནང་གྲགས་ཅན་གློག་བརྙན་ཁྲབ་མཁན་ཨཱ་མིར་ཁཱན་གྱིས་རྒྱ་གར་གྱི་སྤྱི་ཚོགས་ནང་གི་དངོས་ཡོད་ཡ་ང་བའི་གནད་དོན་ཁག་ལ་ཞིབ་འཇུག་མཐར་ཕྱིན་གནང་སྟེ། དེ་དག་བསྒྱུར་བཅོས་ཡོང་སླད་སྤྱི་ཚོགས་ཀྱི་དངོས་ཡོད་གནས་ཚུལ་བརྙན་འཕྲིན་ལེ་ཚན་༼བདེན་པ་ཉིད་རྒྱལ་གྱུར་ཅིག༽་ཅེས་པ་རྒྱ་གར་རྒྱལ་ཡོངས་བརྙན་འཕྲིན་ཁག་དང་གསར་འགྱུར་བརྒྱུད་ལམ་བརྒྱུད་དེ། འདི་ཟླའི་རེས་གཟའ་ཉི་མ་ནམ་ཡིན་ལ་ཞོགས་པ་ཕྱག་ཚོད་༡༡ ནས་༡༢ བར་རྒྱང་སྒྲོག་བྱེད་བཞིན་ཡོད། ཁ་སྔོན་ཚེས་༢ ཉིན་གྱི་ལེ་ཚན་དང་པོ་དེ་ནི་ལོག་གཡེམ་མམ་བཙན་གཡེམ་གྱི་སྐོར་རེད།

དེ་ལས་མང་བ་། “རྒྱ་གར་གྱི་གྲགས་ཅན་བརྙན་འཕྲིན་ལེ་ཚན་༼བདེན་པ་ཉིད་རྒྱལ་གྱུར་ཅིག༽” »

དགྲ་འདུལ།

ཉེ་ཆར་སྤྱི་ཟླ་༢ ཚེས་༡༧ དགོང་མོ་རྒྱལ་ས་ཀ་ཐ་མན་གྲུའི་ཡག་ཁི་ནེ་ཞེས་པའི་མགྲོན་ཁང་གི་ཐོག་རྩེག་གཉིས་པའི་ནང་ནས་བལ་ཡུལ་ནང་གི་རྒྱ་ནག་གཞུང་ཚབ་ཁང་གིས་ད་ལོ་ཡང་ལོ་སར་གོ་སྒྲིག་བྱས་འདུག ལོ་ལྟར་བལ་ཡུལ་ནང་རྟེན་གཞི་བྱས་པའི་རྒྱ་ནག་གཞུང་ཚབ་ཁང་གིས་གོ་སྒྲིག་བྱས་ཏེ་བོད་ཀྱི་ལོ་སར་ཞེས་པ་ཞིག་གཏོང་གི་ཡོད་ཅིང་། དང་ཐོག་ཕྱི་ལོ་༢༠༠༧ དང་༢༠༠༨ བར་ལོ་སར་དེ་གོ་སྒྲིག་བྱེད་མཁན་གངས་བླ་མ་ཟེར་པའི་དོལ་རྒྱལ་རྗེས་འབྲང་བ་ཁོས་བལ་ཡུལ་མཚོན་པའི་རྒྱལ་ཁབ་ཁ་ཤས་ནང་རྒྱ་ནག་གཞུང་ཚབ་དང་འབྲེལ་ནས་བོད་ཀྱི་ལོ་སར་ཟེར་བ་ཞིག་བོད་རང་གི་ལོ་སར་གྱི་དུས་ཚུགས་དང་མ་བསྟུན་པ་ཞིག་གོ་སྒྲིག་བྱས་ཡོད།

དེ་ལས་མང་བ་། “བལ་ཡུལ་ནང་རྒྱ་ནག་གཞུང་ཚབ་ཁང་གི་ལོ་སར་དགོང་ཚོགས།” »

གངས་སེང་།

ཁྱོད་ལ་ཚེ་ཐར་གཏོང་འདོད་འདུག་ན་རང་ཉིད་ཀྱིས་ཤ་ཁྲག་ལོངས་སུ་མི་སྤྱོད་པ་དེ་ཚེ་ཐར་ནང་ནས་ཡག་ཤོས་དེ་ཡིན། གང་ཡིན་ཞེ་ན། དཔེར་ན། ལོ་རེར་ཁྱབ་མཉམ་མི་རེས་ལུག་ཤ་གཉིས་རེ་ཟ་གི་ཡོད་ན། མི་གཅིག་གིས་ཤ་ཟ་བ་སྤོང་ན་ལོ་རེར་ལུག་གཉིས་ཚེ་ལས་ཐར་གྱི་ཡོད། དེ་བཞིན་མི་བརྒྱས་ཤ་སྤོང་ན་ལོ་རེར་ལུག་ཉིས་བརྒྱ་ཚེ་ལས་ཐར་ཐུབ་ཀྱི་ཡོད། དཔེ་དེ་བཞིན་ཁྱིམ་ཚང་ཞིག་ལ་ནང་མི་བཅུ་ཡོད་ན། དེའི་ཟ་རྒྱུའི་ཆེད་ལོ་རེར་གཡག་བཞི་བེད་སྤྱོད་ཀྱིན་ཡོད་ན། མི་གསུམ་གྱིས་ཤ་སྤོང་ན་མ་མཐར་ལོ་རེར་གཡག་གཅིག་ཚེ་ལས་ཐར་བ་གདོན་མི་ཟ།

དེ་ལས་མང་བ་། “བཤས་ར་ནང་ལ་སོང་ནས་ཚེ་ཐར་གྱི་ཆེད་དུ་སེམས་ཅན་ཉོ་རྒྱུ་དེ་ག་འདྲ་འདུག་དཔྱད་དགོས།” »

ཉི་མ་རྒྱལ་མཚན།

སྤུན་ཟླ་ཚོ།

ཉིན་མོ་འདི་དག་ལ་ལོ་སར་དང་ལོ་གསར་ཞེས་རྣ་བར་ཐོས་སྐབས། ངས་ཀྱང་ཁ་ཞིག་གྲགས་འདོད་བྱུང་། སྤུན་ཟླ་ཚོ། ང་ལ་ལོ་གསར་མེད། ལོ་སར་བསུ་འོས་པའི་རྒྱལ་ཁ་དང་། གྲུབ་འབྲས། བསྟན་ནུས་པའི་ངོ་གདོང་། དགའ་འོས་པའི་གཏམ་བཟང་ཞིག་ཀྱང་མེད། སྤུན་ཟླ་ཚོ། ང་ལ་ལོ་སར་མེད། ང་དང་ནམ་ཡང་ཁ་འབྲལ་ཐབས་མེད་པའི་ཕུ་ནུ་གང་མང་ཞིག་འཇིག་རྟེན་འདི་དང་ད་དུང་ཁ་བྲལ་དགོས་བྱུང་སོང་།

དེ་ལས་མང་བ་། “ང་ལ་ལོ་སར་མེད།” »

བདུན་ཕྲག་གཅིག་གཉིས་ཤིག་གི་རིང་ལ་དྲ་བ་དང་སྐད་འཕྲིན་དག་ནས་བོད་ཕྱི་ནང་གི་ན་གཞོན་དག་གི་གསུང་རྩོམ་དང་གསུང་བཤད་སྐོར་ཅིག་ཀློག་རྒྱུ་དང་ཉན་རྒྱུ་བྱུང་སྟབས། དེ་ནི་འགོག་དཀའ་བའི་རྦབ་ཆུ་ཞིག་ཁ་ཤོར་ཏེ་ངའི་ལུས་དང་། ཁྱིམ། སྡེ་བ་བཅས་ཀྱི་སྟེང་དུ་འཕྱོ་བཞིན་ཡོང་གི་ཡོད་པའི་སྣང་བ་ཞིག་སྟེར་རོ།།  རྦབ་ཆུ་འདིས་ང་དང་ངའི་ཁང་ཁྱིམ་སྡེ་བ་དང་བཅས་པ་འཁྱེར་ནས་བཅོམ་ཡང་། ང་དེ་ལ་དགའ་སྣང་མེད་པ་ག་ལ་ཡིན་ཏེ། རྡོ་ཕ་བོང་རེ་ཟུང་ཡང་རྦབ་ཆུའི་བགྲོད་ལམ་དུ་མ་བཞག་ཚེ། རྦབ་ཆུའི་ཝུ་བ་དེ་ཡང་བར་སྣང་མཐོན་པོར་མི་འཕྱོ་སྟབས་ཕ་བོང་རེ་ཟུང་གི་མཆོད་པ་འདི་ན་བཤམས་ཡོད་ཅིང་། དེ་ལ་ཟུང་ལྡན་གྱི་ཁ་གཡང་ཞེས་འབོད་པ་ཡིན་ནོ།།  

དེ་ལས་མང་བ་། “ཟུང་ལྡན་གྱི་ཁ་གཡང་། ཐོལ་བྱུང་གི་འཆར་སྣང་སྐོར་ཞིག” »

ཁྲི་རལ་པ་ཅན།

མི་མང་པོ་ཅིག་གིས་ཁ་བྱང་འདི་མཐོང་ཙམ་ཉིད་ནས་ཅ་ལག་སྣ་ཚོགས་མ་བྱིན་པར་ལེན་མཁན་ཚོར་གོ་བ་ལེན་ངེས་ཅན་རེད་དེ། ཡང་བསམ་བློ་ནམ་རྒྱུན་དང་མི་འདྲ་བ་འཁོར་མཁན་དང་རྣམ་རྟོག་ཚ་བོ་ཅན་དེ་འདྲའི་སེམས་ནང་དུ། མི་བརྐུས་མཁན་དང་མིའི་བསམ་བློ་རྐུན་མ་བརྒྱབས་མཁན་དེ་འདྲར་གོ་བ་ལེན་སྲིད་པ་རེད།
གང་ལྟར་ངས་བཤད་འདོད་པ་ནི་གཟུགས་ཅན་དང་གཟུགས་མེད་གཉིས་ཆ་རྐུ་མཁན་ཚོར་བརྗོད་ཀྱི་ཡོད། ངོས་རང་རྡ་སར་ཐོག་མར་འབྱོར་སྐབས་སློབ་གྲྭའི་ནང་ཕྲུ་གུ་ཕན་ཚུན་གྱི་ལྷམ་དང་སྟོད་ཐུང་། རྐང་ཤུབས་བཅས་རྐུན་མར་ཤོར་འགྲོ་བ་མ་ཟད།

དེ་ལས་མང་བ་། “རྐུན་མ་མང་བའི་རྡ་ས།” »

ལོག་སྨྲ་ཚར་གཅོད།

བོད་ཀྱི་དམངས་ཁྲོད་དུ་ནང་ཆོས་རྫུན་མ་ཞིག་སུས་ཀྱང་འགོག་ཏུ་མེད་པ་གནའ་བོའི་དུས་ནས་དར་ཁྱབ་ཕྱིན་ཡོད་པ་རེད། དེ་ཅི་འདྲའི་ཐོག་ནས་དར་ཁྱབ་ཕྱིན་པ་རེད་ཅེ་ན། དེ་ཡང་འདི་ལྟར་ཕྲུ་གུ་རྣམས་ནར་མ་སོན་པའི་དུས་སུ་ཀླད་པའི་དབང་རྩའི་མ་ལག་སོ་སོར་འདུ་སྒྲིག་འབྲེལ་མཐུད་བྱེད་པའི་ཚེ་ན་མི་རྒན་པ་རྣམས་དང་ལྷག་པར་དུ་ཕ་མས་གདོན་འདྲེ་ཟེར་བ་ཞིག་ཧ་ཅང་གི་ཞེད་སྣང་ཚ་པོ། མིག་བགྲོད་ཁ་ཀྱོག མདོག་མི་སྡུག་པའི་སྔོ་ནག་ཅན་འཇིགས་སུ་རུང་བ། མི་རྣམས་ལ་བར་ཆད་དང་གནོད་པ་ཁོ་ན་སྐྱེལ་མཁན།

དེ་ལས་མང་བ་། “བོད་ཀྱི་དམངས་ཁྲོད་ཀྱི་ནང་ཆོས་རྫུན་མ།” »

ཚེ་རིང་།

སྟོད་འགག་སེར་བོ། ཞྭ་མོ་སེར་བོ། ད་དུང་ཆོས་གོས་སེར་བོ་བཅས་གྱོན་པའི་ལྷ་རམས་པའི་དགེ་བཤེས་ལྔ་བོ་འདིས་གྲྭ་སའི་དཀྱེལ་ཡངས་ཀྱི་རྣམ་པ་གསར་བའི་སློབ་གསོའི་ལམ་ལུགས་ཤིག་མཚོན་གྱི་ཡོད་ལ། འདིའི་ཁྲོད་དུ་ས་སྐྱ་དང་རྙིང་མ། བཀའ་བརྒྱུད་དང་དགེ་ལུགས། གཡུང་དྲུང་བོན་དང་བཅས་པ་འདུས་ཡོད། ཁོང་ཚོའི་ཐོད་པའི་རྒས་གཉེར་གྱི་ཁྲོད་དུ་དཀའ་སྡུག་གི་ལོ་ཟླ་རིང་མོ་ཞིག་གི་མི་ཚེའི་ལོ་རྒྱུས་སྦས་ཡོད་ལ། ཁོང་ཚོའི་འཛུམ་མདངས་ཀྱི་ངོས་སུ་ཕྲག་ལ་ལྕི་བའི་འགན་འཁྲི་ཅི་ཞིག་དང་དུ་ལེན་རྒྱུར་སྤྲོ་བས་བརྟས་ཡོད།

དེ་ལས་མང་བ་། “གདན་ས་གསུམ་དང་ལྷ་རམས་པ།” »

ཤར་ཕྱོགས་ཁུག་རྟ།

མི་མང་པོ་ཞིག་གིས་ཁོ་མོའི་མིང་ལ་སྒྲོལ་མ་ཟེར་ཞིང་། དེ་ལྟར་འབོད་མཁན་རྣམས་ནི་ཁོ་མོར་རྒྱུས་མེད་ཀྱང་མོའི་མདོ་འཛིན་སྒྱུ་རྩལ་དང་། སྐྱེས་གཟུགས། ལང་ཚོའི་མཚར་སྡུག་ལ་དོ་སྣང་ཡོད་མཁན་བོད་ཕྱི་ནང་གི་རང་རིགས་སེར་སྐྱ་རྒན་བྱིས་མང་པོ་ཞིག་ཡིན། ཉེ་བའི་ལོ་འགའི་རིང་མཚོ་སྔོན་རླུང་འཕྲིན་ཁང་དུ་སྒྲོལ་མ་འདྲ་བའི་མདོ་འཛིན་ལས་བྱེད་མང་དག་ཅིག་བསྡུས་ཤིང་།

དེ་ལས་མང་བ་། “རྨ་ཁུག་གྱི་ལིང་དང་མདོ་འཛིན་པ་སྒྲོལ་མ།” »

___________མཁས་དབང་པདྨ་འབུམ་གྱིས་སྙན་ངག་གི་ཕ་ཁྱིམ་ནང་གླེང་མོལ་བྱས་པ།

ཟིན་བྲིས་པ། ཕ་ཡུལ།

 ང་པད་མ་འབུམ་ཡིན། ནེའུ་ཡོག་ལ་ཡོད་པའི་ལ་རྩེ་དཔེ་མཚོད་ཁང་ནང་ལས་ཀ་ལས་ཀི་ཡོད། དེ་རིང་གཙོ་བོ་དེང་སང་གི་བོད་ཀྱི་རྩོམ་པ་པོ་དང་རྩོམ་རིག་དཔྱད་བརྗོད་པ་ཚོའི་ངག་ལ་རྒྱུན་འབྱམས་སུ་གནས་ཡོད་པའི་རྩོམ་རིག་གི་ལྟ་བའི་སྐོར་ལ་སྐད་ཆ་ཁ་ཤས་བཤད་དགོས་སྙམ་གྱིན་ཡོད། དང་བོ་རྩོམ་རིག་གི་གཞུང་ལུགས་སྐོར་འོངས་སྟངས་བཤད་དགོས་པ་རེད། བོད་ལ་རྩོམ་རིག་གི་གཞུང་ལུགས་ཐོན་པ་འཕྱི་བོ་རེད། དེང་སང་གི་གོ་དོན་ཡོད་པའི་རྩོམ་རིག་གི་གཞུང་ལུགས་ཡོང་འཕྱི་བོ་རེད། <<སྙན་ངག་མེ་ལོང་མ་>>ནི་སྙན་ངག་རྩོམ་སྟངས་ཤིག་རེད་མ་གཏོགས།

དེ་ལས་མང་བ་། “རྩོམ་པ་པོ་དང་དཔྱད་བརྗོད་པའི་ངག་ལ་རྒྱུན་འབྱམས་ཀྱི་རྩོམ་རིག་གི་ལྟ་བ།” »

ཚེ་བཀྲ།

ཉིན་འདི་ཚོར་ངོ་ཤེས་མིན་གཉིས་ཀྱི་སྤྱི་འཐུས་འོས་ཤོག་སློང་ཡིག་སྣ་ཚོགས་སྐད་འཕྲིན་དང་ངོ་དེབ་སོགས་བརྒྱུད་དེ་གད་སྙིགས་བཞིན་སྤུངས་ནས་ཡོང་དུས། མང་གཙོ་ཟེར་བ་འདི་ཡང་སྙིང་བསམ་བློའི་ཁོ་ལག་རྫོགས་པའི་མི་སྡེ་ཞིག་མིན་ཚེ། གྲལ་ནས་རྩོག་ཐུབ་མིན་གྱི་བྱིས་པ་ཚུན་ཆུད་འོས་མིར་འཇོག་མི་སྲིད་པའི་ངེས་པ་མེད་རྐྱེན། མང་གཙོའི་ཁྲིམས་སྲོལ་ལམ་ཚད་གཞི་ཞིག་གི་ཚད་དང་ཚོད་ཅིག་དགོས་གལ་ཆེ་བར་འདོད་བྱུང་ལ། མི་བུ་རེ་རེའི་སེམས་ངོར་འབབ་པའི་འོས་མི་གཅིག་པོའང་ལག་ནས་འཕྲོག་གྲབས་བྱེད་པའི་ཧམ་གཏམ་གཡོ་སྒྱུ་ཅན་ཡང་གང་སར་རླུང་བཞིན་རྒྱུ་བས་དངངས་སྐྲག་རེའང་ཞོར་དུ་སྐྱེས།

དེ་ལས་མང་བ་། “མདོ་སྨད་སྤྱི་འཐུས་འོས་མི་རྩེ་གྲ།” »

མཁོ་སྤྲོད་པ། རྔ་བ་མཁས་གྲུབ།

ཉིན་རེའི་འཚོ་བའི་ནང་ཕྱི་རྒྱལ་དུ་ཡོད་པའི་ཕ་མས་བྱིས་པར་བོད་སྐད་སློབ་པའི་ཐབས་ཤེས་བཅོ་བརྒྱད།

༡༽ བཟོད་བསྲན་དང་སྙིང་རུས་ཡོད་དགོས།

༢༽ ཕ་མ་གཉིས་ཐུན་མོང་གི་འབད་བརྩོན་ལ་བརྟེན་ཏེ་ཁྱིམ་ཚང་ནང་དུ་བོད་སྐད་བཤད་སའི་ཁོར་ཡུག་ཅིག་བསྐྲུན་པ་དང་། བྱིས་པའི་རྒྱུད་ལ་བོད་སྐད་བཤད་པའི་གོམས་གཤིས་རྒྱུན་འཇགས་བྱ་དགོས།

༣༽ ཕ་མ་གཉིས་ཀྱི་ནང་ནས་གཅིག་གིས་མ་གཏོགས། བོད་སྐད་ཡག་པོ་མཁྱེན་གྱི་མེད་ན། བོད་སྐད་ཡག་པོ་ཤེས་མཁན་དེས་བྱིས་པར་བོད་སྐད་ཁོ་ན་བཤད་པ་ལས། བྱིས་པའི་ཁོར་ཡུག་ནས་སྐད་རིགས་གཞན་པ་རྩ་བ་ནས་བཤད་མི་ཉན།

དེ་ལས་མང་བ་། “བྱིས་པར་བོད་སྐད་སློབ་པའི་ཐབས་ཤེས་བཅོ་བརྒྱད།” »

སྐྱོ་བྲག་དགའ་དབང་།

ངེད་གསུམ་མཉམ་དུ་འཛོམས་ན་སྤྲོ་པོ་ཡོད་ངེས་མོད། ཡིན་ནའང་། ལུག་རྫི་ས་མཐར་འཁྱར། གངས་ལྷ་གྲོང་ན་རྒྱུག །ལྷ་རྩེ་རི་མགོར་ཡིབ། མཉམ་འཛོམ་ཟེར་བ་སྟོང་གཏམ་ཙམ་རེད།
གཉོམ་ལུག་རྫི་ཆུང་། རོ་ལྷ་རྩེ་གྱོང་། རླབས་གངས་ལྷ་ཆེ།
ང་ཚོ་མི་སྔུན་ལ་འགྲོ་ན་དཔོན་གངས་ལྷ། ང་ཚོ་དབེན་རི་ལ་བསྐྱོད་ན་བླ་མ་ལྷ་རྩེ། ང་ཚོ་གྱོད་ཁུག་ལ་ལྷུང་ན་གྱོད་པ་ལུག་རྫི་ཡིན་འགྲོ།

དེ་ལས་མང་བ་། “ང་ཚོའི་ངོ་སྤྲོད།” »

དུར་བྱང་།

གཏམ་གྱི་འགོ་མ་གསལ་འདེབས་ཤིག་བྱ་དགོས་ཡོད། ཁོ་བོར་ནམ་ནམ་ཞར་ཞར་ལ་ཨ་ཚོགས་ཀླུ་མཁར་བྱམས་ནི་ཆབ་སྲིད་སྨྲ་བའི་མཁས་ཆེན་ཞིག་ཡིན་པའི་ལྟ་ཚུལ་མེད་ལ། འུ་ཚང་གི་འཁོས་ཆུང་བའི་ཆབ་སྲིད་པ་དེ་དག་གི་གོ་རྟོགས་ལ་འགྲན་མི་བཟོད་པའི་བླུན་པོ་ཞིག་ཡིན་པའི་འདོད་ཚུལ་དེ་བས་ཀྱང་མེད། ལྟོས་འཇོག་གིས་བཤད་ན་ཁོང་ནི་ཆབ་སྲིད་ཀྱི་ལངས་ཕྱོགས་བརྟན་ལ་དགག་སྒྲུབ་ཀྱི་སྙིང་སྟོབས་མངའ་བའི་གསར་བུ་སྣང་མཐོ་ཞིག་ཡིན་པ་རེད། དེའི་སྟབས་ཀྱིས། འཛམ་གླིང་རང་བཞིན་གྱི་མཁས་གྲལ་དུ་བཞུགས་པའི་སློབ་དཔོན་ཆེན་མོ་ཡན་ཧོང་པེན་གྱིས་ཀྱང་ཨ་ཚོགས་ཀླུ་མཁར་བྱམས་ལ་«ཁ་གཏད་ཚོགས་པའི་ན་གཞོན་དབུ་ཁྲིད་པ»དང་«ཆབ་སྲིད་དགག་སྒྲུབ་སྨྲ་བ»ཞེས་པའི་མཚན་གསོལ་གནང་དགོས་བྱུང་བ་མ་ཡིན་ནམ།

དེ་ལས་མང་བ་། “ཨ་ཚོགས་ཀླུ་མཁར་བྱམས་དང་འབྲེལ་བའི་དོགས་སློང་།” »

འགར་ཚེ་རྒྱལ།

ཁོ་བོར་མཚོན་ན་གཞན་གྱི་ལུང་པ་ན་འཚོ་བའི་འུ་ཅག་ཚང་མ་གཅིག་མཚུངས་ཀྱི་བཙན་བྱོལ་བ་ཡིན་པའི་ངོས་འཛིན་བྱེད་ཀྱིན་ཡོད་ལ། བཙན་བྱོལ་བའི་གནས་བབ་འདི་ནས་འུ་ཅག་ཚང་མ་གནམ་འོག་འདིའི་དམིགས་ཡུལ་གཅིག་པའི་ཡུལ་གྱར་བ་རྐྱང་རྐྱང་ཡིན་པའི་ཆ་ནས། ང་ཚོ་དང་ཁོ་ཚོ་ཞེས་ཆོལ་ཁ་དང་ལུང་ཚན་གྱི་ཕྱོགས་གཏོགས་རིས་བཅད་ཀྱིས་ཕ་ཡུལ་གཅིག་པ་ཡིན་ཟེར་ནས་ཁྱུ་སྐོར་བྱས་ཏེ་འགྲོ་བ་དང༌། ལུང་ཚན་གཅིག་པ་ཡིན་ཟེར་ནས་སྐོར་ཚོགས་བྱས་ཏེ་ཟ་འཐུང་སྤྲོ་སྐྱིད་ལ་རོལ་བའི་བྱེད་སྟངས་དེ་ལ་ཆེས་མི་དགའ་མཁན་ཞིག་ཡིན།

དེ་ལས་མང་བ་། “ཁོ་བོས་སྤྱི་འཐུས་འོས་མི་བསྡུར་ཏེ་གདམ་རྒྱུ་ཡིན།” »

ལ་སྟོད་འབྲོང་ཆུང་།

དབུ་མའི་ལམ་ནི་༧གོང་ས་མཆོག་གིས་གཏན་ལ་ཕབ་ཞིང་བོད་མི་རིགས་ཀྱི་ཤི་གསོན་གནས་སྟངས་དངོས་དེར་གཟིགས་པ་དང་། ཁ་ཞེ་གཉིས་མེད་ནས་བོད་མི་རིགས་འདི་ཉིད་ཀྱི་བདེ་ཐབས་ཁོ་ན་རྩལ་དུ་བཏོན་པའི་མི་རིགས་རང་བཞིན་གྱི་ལམ་ཁ་ཆེས་ཤིན་ཏུ་བཀུར་འོས་པ་དེ་ཡིན་པར་བོད་མི་ཤེས་ལྡན་པ་སུ་ཡང་བློ་དྭོགས་མེད། ཁ་སང་དེ་རིང་བརྡ་འཕྲིན་གྱི་དབང་གིས་འཛམ་གླིང་ཧྲིལ་བོ་གཅིག་གྱུར་ཡོང་བཞིན་པའི་གནས་སྟངས་འདི་དང་། ལྷག་པར་དུ་དམངས་གཙོའི་ལྟ་གྲུབ་ཀྱིས་འཛམ་གླིང་གི་ས་ཁུལ་ཡོངས་རྫོགས་གཅིག་གྱུར་བྱེད་བཞིན་པའི་སྐབས་འདིར།

དེ་ལས་མང་བ་། “བར་མའི་འོས་བསྡུའི་ནང་གི་ཤར་ཕྱོགས་ཁུག་རྟ། ད་དུང་བློ་བཟང་སེང་གེ” »