འཇིགས་མེད་ནུབ་པ།
བོད་ཀྱི་དེང་རབས་རི་མོའི་སྒྱུ་རྩལ་ནི། བོད་ལ་སྒྱུ་རྩལ་གྱི་ཁྱབ་ཁོངས་མང་པོ་ཡོད་པའི་ཁྲོད་ནས་འཛམ་གླིང་གི་སྒྱུ་རྩལ་སྟེགས་བུར་སྙེག་ཐུབ་མཁན་དེ་ཡིན་ཞིང་། ལྷག་པར་དུ། ཉེ་བའི་ལོ་ཤས་ནང་དུ་བོད་ཀྱི་དེང་རབས་རི་མོའི་སྒྱུ་རྩལ་ལ་རྒྱལ་སྤྱིའི་ཐོག་ན་ཉོ་མཁན་དང་བཙོང་མཁན། དོ་སྣང་སྤྲོད་མཁན་གསུམ་ཀ་ཇེ་མང་དུ་འགྲོ་བཞིན་ཡོད་ལ། བསྟན་འཛིན་རིག་གྲོལ་དང་གོང་དཀར་རྒྱ་མཚོ་གཉིས་ནི་བོད་ཀྱི་དེང་རབས་རི་མོའི་སྒྱུ་རྩལ་གྱི་མདུན་གྲལ་བ་གཉིས་ཡིན།
དེ་ལས་མང་བ་། “བསྐྱར་དུ་འཛམ་གླིང་ལ་དབུ་འཁྱུད་ཅིག་བྲིས་སོང་།” »
ཨ་ནུ་ཐང་བསོད་ནམས།
དང་པོ།
སངས་རྒྱས་ཆོས་ལུགས་ཀྱང་ཆོས་ལུགས་གཞན་དང་མཚུངས་པར་གཡོ་ཐབས་སྣ་ཚོགས་བརྒྱུད་ནས་མི་སེམས་ལ་དབང་སྒྱུར་བྱེད་མཁན་ཞིག་དང་། རང་ཉིད་རྒྱ་སྐྱེད་གཏོང་མཁན་ཞིག་རེད། རྒྱ་སྐྱེད་ཀྱི་ཆེད་དུ་མི་རིགས་ཤིག་གམ་རྒྱལ་ཁབ་ཅིག མི་སྒེར་བ་ཞིག་གི་ཁེ་ཕན་ཆེད་དུ་བསམ་བློ་གཏན་ནས་མི་གཏོང་ཞིང་། དད་པ་ཅན་ལ་དད་པ་དང་། ཆགས་སྤྱོད་ཅན་ལ་ཆགས་སྤྱོད། རང་དབང་ཅན་ལ་རང་དབང་གླེང་ནས་སེམས་ཁམས་སྒྱུར་ལ། ལུང་རིགས་སྣ་ཚོགས་དང་གཏམ་རྒྱུད་སྣ་ཚོགས་ཀྱིས་བསྒྲུབ་ཅིང་།
བཀྲ་ཤིས་དོན་འགྲུབ།
སྐུ་ཞབས་མགུར་འབུམ་རྒྱལ་ལགས་ནི་བོད་མདོ་སྨད་མཚོ་སྔོན་ས་ཁུལ་དུ་སྐྱེས་ཤིང་། ཆུང་དུས་ནས་སློབ་གྲྭ་ཆེ་འབྲིང་ཆུང་གསུམ་གྱི་སྒོ་ཐེམ་རིམ་པར་འགྲིམས་མྱོང་། མཚོ་ལྷོ་མི་རིགས་དགེ་ཐོན་སློབ་གྲྭ་ནས་སློབ་མཐར་ཕྱིན་རྗེས། གཞུང་གི་ལས་བགོས་ལྟར་གཞུང་ཞབས་དགེ་རྒན་དང་ས་གནས་སློབ་ཁུལ་གྱི་སློབ་གསོ་ལྟ་སྐུལ་བའི་ཕྱག་ལས་གནང་བ་དང་། ༢༠༠༠ ལོར་རྒྱ་ནག་ཧུའུ་པའེ་ཞིང་ཆེན་གྱི་ཧྲ་ཡཱང་དགེ་ཐོན་སློབ་ཆེན་དུ་འཛུལ་ཞུགས་ཀྱིས་རྒྱའི་སྐད་ཡིག་གཙོས་རྒྱ་ནག་གི་ཆབ་སྲིད་དང་ལོ་རྒྱུས་སོགས་ལ་སློབ་གཉེར་གནང་།
ཨ་རིག་འགྱུར་མེད།
ཉེ་ལམ་ནས་བཟུང་མདོ་སྨད་ཀྱི་བར་མའི་སྤྱི་འཐུས་འོས་བསྡུའི་སྐོར་ལ་ཁ་བརྡ་དང་ངོ་དེབ་གཙོས་དྲ་རྒྱ་འགའ་དང་སྐད་འཕྲིན་ཚོགས་པ་འགའ་ན་ཚ་ཚ་འུར་འུར་གྱིས་གླེང་གིན་འདུག དེ་ནི་དགའ་འོས་པའི་དོན་བཟང་ཞིག་སྟེ་ང་ཚོས་ཅི་ཙམ་གྱིས་གཙུབ་བརྡར་མང་དུ་བྱས་ན་དེའི་ཚོད་ཀྱིས་ང་ཚོ་ལ་འོས་མི་སྤུས་ལེགས་རེ་བརྙེད་པའི་ལམ་ཁ་ཡོད་པ་ཡིན་ལ། ང་ཚོར་ཆ་རྒྱུས་ཡོད་པ་ལྟར་རྒྱ་གར་བ་རྣམས་ཀྱིས་རང་གི་འོས་ཤོག་རྐང་གཅིག་གི་ཆེད་དུ་མི་སྡེ་དང་ཚོགས་སྡེ་ཕན་ཚུན་འཛིང་རེས་མང་དུ་བྱེད་ཀྱིན་པའང་དོན་ལ་རང་དབང་དང་མང་གཙོ། ཐོབ་ཐང་དང་འོས་བསྡུའི་ཆེད་དུ་ཡིན་ལ།
དེ་ལས་མང་བ་། “མགོ་ལོག་པ་ཚངས་དབྱངས་རྒྱ་མཚོ་ལ་རྒྱབ་སྐྱོར་བྱེད་དགོས་པའི་རྒྱུ་མཚན་བཅུ།” »
ཨ་བཙན་པོ།
མིང་། ཚངས་དབྱངས་རྒྱ་མཚོ།
ཕ་ཡུལ། མདོ་སྨད་མགོ་ལོག
སྡོད་གནས། བཞུགས་སྒར་དྷ་རམ་ས་ལ།
ཚང་མས་མཁྱེན་གསལ་ལྟར། གྲོས་ཚོགས་སྐབས་བཅོ་ལྔ་བའི་མདོ་སྨད་སྤྱི་འཐུས་ཀྱི་བར་མའི་འོས་བསྡུ་ལ་ཉེ་བའི་སྐབས་འདིར། མི་མང་པོ་ཞིག་གིས་རང་གི་འདོད་མོས་ལྟར་གྱི་འོས་མི་ངོ་སྦྱོར་དང་དྲིལ་བསྒྲགས་བྱེད་ཀྱི་འདུག་ལ། ང་ཡང་དེའི་གྲས་སུ་ཡོད།
ཤིང་ནགས་མེ་ཏོག
ཆེས་རྒན་པའི་རྨོ་རྨོ་ཞིག་གིས་ཁྱེད་ལ་སྒོར་མོ་སྟེར་རོགས་ཟེར་སྐབས་ཁྱེད་ཀྱིས་རྣམ་འགྱུར་གང་འདྲ་ཞིག་སྟོན་ནམ། ཁྱེད་ཀྱིས་རྨོ་རྨོའི་སྐྱོ་གདུང་ལ་དམིགས་ཏེ་སྒོར་མོ་དུ་སྤྲོད་ཀྱི་ཡོད། ཁྱེད་ཀྱིས་ཕངས་སེམས་སྐྱེས་ཏེ་ཚིག་ངན་སྨྲ་ཡི་ཡོད་དམ། ཡང་ན་ཁྱེད་ཀྱིས་སུན་སྣང་མེད་པའི་ཆེད་སྒོར་འདྲ་སྤྲོད་ཀྱི་ཡོད་དམ། མདོར་ན་ཕ་རོལ་པོ་ནི་ཁྱེད་ལས་ཞན་པའི་གང་ཟག་ཅིག་ཡིན་སྟབས་ཁྱེད་ཀྱིས་ངེས་པར་དུ་བསམ་གཞིགས་བྱ་དགོས། རྒྱུ་མཚན་ནི་གལ་ཏེ་ཁྱེད་ཕ་རོལ་པོའི་ས་ཆར་ཡོད་ན་ད་གཟོད་ཁྱེད་ལ་སྡུག་བསྔལ་ཇི་ཙམ་ཞིག་ཡོད་དམ།
དེ་ལས་མང་བ་། “སྤྲང་པོར་སྦྱིན་གཏོང་བའི་ཀུན་སློང་ངོ་མ་སྐོར་མདོར་ཙམ་གླེང་བ།” »
དུར་བྱང་།
དངོས་གནས་བཤད་ན། ཁོ་བོར་ཆབ་སྲིད་ཀྱི་གོ་རྟོགས་ཤིན་ཏུ་དམན་ཁར། ཆབ་སྲིད་དང་འབྲེལ་བའི་རྒྱུན་ཤེས་དེ་དག་ཀྱང་གཞན་དང་གཞན་ལ་བསྒྲགས་པའི་གསལ་ཆ་དང་འོས་བབ་ཤིན་ཏུ་ནས་ཕྲ་ལ། མཐའ་ན་རང་ཉིད་ཀྱི་བློ་ཁ་བདེ་བ་ཞིག་བརྗོད་པའི་སྤོབས་པའང་ཅི་བས་ཆུང་། དེ་ལྟ་ནའང་། ཟླ་གཅིག་ཟླ་གཉིས་ཤིག་གི་སྔོན་ནས། ཕྲན་པའི་ཉེ་འཁོར་ན་ཡོད་པའི་མྱི་དག་གིས་རྒྱུས་ཡོད་རྒྱུས་མེད་ཀྱི་སྐད་ཆ་མང་བོ་ཞིག་བཤད་ཀྱིན་འདུག་ཅེས་ཟེར་མོད། ཉིན་ཞག་ཟླ་འབྲེལ་གྱི་བྱ་བའི་བྲེལ་གསེང་ནས་ཁོ་བོས་གསལ་ལ་ངེས་པ་ཞིག་མ་ཐོས་ནའང་། མདོ་སྨད་སྤྱི་འཐུས་ཀིརྟི་སྒྲོལ་དཀར་ལྷ་མོ་ཟེར་བ་དེས་དགོངས་པ་ཞུས་པའི་ཚབ་ཏུ།
ཚེ་རིང་ཡ་མ།
ཉིན་ཞིག་གི་ཕྱི་དྲོར་སྒེར་བདག་གནམ་གྲུ་ཆུང་བ་ཞིག་གི་ནང་དུ། སྐུ་ཞབས་སྨན་རམས་པ་མཁས་ཅན་ཞིག་དང་ཁྲིམས་རྩོད་པ་གྲགས་ཅན་གཉིས་པོ། འཁོས་མེད་ཉམ་ཆུང་གི་གྲྭ་རྐྱང་གཅིག་དང་བུ་ཚ་ཆུང་ངུ་ཞིག་དང་འགྲོགས་ཏེ་བར་སྣང་ལ་སྤྲོ་འཁྱམ་དུ་སྐྱོད་བཞིན་པའི་སྐབས། གློ་བུར་དུ་སྟབས་མ་ལེགས་པར་གནམ་གྲུའི་འཕྲུལ་ཆས་ལ་སྐྱོན་ཤོར་ཏེ་མར་ལྷུང་བའི་གནས་སུ་གྱར། ཁ་ལོ་བས་ཐབས་ཤེས་གང་དྲག་བྱས་ཀྱང་ཕན་ནུས་གང་ཡང་མ་ཐོན་པའི་ཐ་མ་དེར་འུ་ཐུག་སྟེ། མཆོང་གདུགས་(parachute)ཤིག་ལག་ཏུ་བཟུང་ནས་སྐད་ཤུགས་ཆེན་པོས་”འགྲུལ་པ་རྣམ་པ་ཚོ་ཚང་མ་མཆོང་རོགས་གྱིས།
ལེན་མཁན། ཚེ་དབང་ལྷ་མོ།
བཅར་འདྲི་ཞུ་མཁན། ཡེ་ཤེས་ལྷ་མོ།
དྲི་བ། ཤར་ཕྱོགས་ཁུག་རྟ་ལགས། ཁྱེད་དང་མཉམ་དུ་བུད་མེད་ཀྱི་སྐོར་ལ་བཀའ་མོལ་ཞུས་ཆོག་གི་རེད་དམ།
ལན། ཆོག་གི་རེད། ཆུ་ཚོད་གཅིག་ཙམ་རིང་ངས་ཁྱེད་ལ་ཐུགས་ཕན་སོས་མིན་ལ་མ་བལྟས་པར་རང་གི་རྒྱུན་གྱི་དྲན་ཕྱོགས་རྣམས་བཤད་ཆོག་གི་རེད།
དྲི་བ། ཁྱེད་ཀྱིས་བུད་མེད་ལ་ཆེ་མཐོང་གང་འདྲ་གནང་གི་ཡོད།
དེ་ལས་མང་བ་། “ཤར་ཕྱོགས་ཁུག་རྟར་བུད་མེད་ཀྱི་སྐོར་ལ་དྲི་བ་ཞུས་པ།” »
ཅོག་མྱི།
ད་རེས་དགའ་ལྡན་ཕོ་བྲང་ནས་བོད་ཀྱི་ཐ་སྙད་བེད་སྤྱོད་བྱེད་སྟངས་ཐད་བོད་ཀྱི་བརྒྱུད་ལམ་ཁག་ལ་འཕྲིན་ཡིག་ཅིག་སྤྲིངས་ཡོད། ནང་དོན་གཤམ་དུ་གསལ་བ་ལྟར། ཁོ་བོའི་བསམ་ཚུལ་ནི་འདི་ནི་སྤྱིར་བཏང་གི་འཕྲིན་ཡིན་ཞིག་མ་ཡིན་པར་དགའ་ལྡན་ཕོ་བྲང་གི་ཡིག་ཚང་ལ་ཆབ་སྲིད་དབང་ཐང་དང་ནུས་མཐུ་ད་དུང་ལྷག་ཡོད་པ་དེ་མཚོན་བྱེད་ཀྱི་རྟགས་ཤིག་ཡིན་པར་སྙམ། གང་ཡིན་ཞེ་ན་དགའ་ལྡན་ཕོ་བྲང་ནས་འཁོད་པའི་མིང་ཚིག་དེ་དག་ཕལ་ཆེར་ཆབ་སྲིད་ཀྱི་ཐ་སྙད་རྐྱང་རྐྱང་རེད།
ཚེ་འབར།
དེ་རིང་ཁ་སང་གི་གླེང་སྟེགས་ངོ་དེབ་དང་སྐད་འཕྲིན་དྲྭ་རྒྱ་སོགས་ཀྱི་བརྒྱུད་ལམ་ཁག་ཏུ། ཕྱི་ཚུལ་དུ་བཅོས་མའི་དད་པ་ཙམ་ལ་གློ་བ་མི་ཉེ་བའི་ཨ་ཚོགས་ཀླུ་མཁར་བྱམས་ཧ་ཅང་གི་གླེང་གཞི་ཆེན་པོ་ཞིག་ཏུ་འགྱུར་འདུག དེ་ནི་མདོ་སྨད་སྤྱི་འཐུས་ཀིརྟི་སྒྲོན་དཀར་ལྷ་མོས་སྤྱི་འཐུས་ལས་དགོངས་པ་ཞུས་ཏེ་ཚབ་གསར་ཞིག་འོས་འདེམས་དགོས་པའི་རྒྱུ་མཚན་གྱིས་ཡིན་མོད། སྐབས་དེར་སྐད་འཕྲིན་བརྒྱུད་ལམ་དུ་《མདོ་སྨད་གྲོས་རྭ》ཟེར་བའི་ཚོགས་མི་བརྒྱ་ལས་གྲུབ་པའི་ཚོགས་པ་ཞིག་གསར་འཛུགས་བྱས་ཏེ་བར་མའི་འོས་བསྡུའི་སྐོར་ལ་བགྲོ་གླེང་བྱེད་བཞིན་འདུག་ལ།
ཨོ་རྒྱན་ཉི་མ།
ང་ལྟ་བུའི་མྱི་ཆུང་ཚོས་ཇི་ལྟར་བཤད་ཀྱང་ཉན་མཁན་མེད་པ་དང་། གང་ལྟར་བསྒྲུབས་ཀྱང་མི་མཐོང་བ་དེ་བསོད་དམན་སྤྱིའི་ལས་དབང་ཞིག་ཡིན་པས། ངས་དེ་ལ་འཁང་ར་དང་། འགྱོད་གདུང་། བཟོད་གསོལ་དགོས་དོན་གཏན་ནས་མེད། ཡིན་ན་ཡང་རྒྱལ་བའི་བསྟན་པ་རིན་པོ་ཆེ་ལ་སྲི་ཞུ་དང་། ཕ་མར་གྱུར་པའི་སེམས་ཅན་ཡོངས་ཀྱི་བདེ་སྡུག་ལ་སེམས་པ་ནི། གཞན་ཕན་དང་། ལྷག་བསམ་ཡོད་ན་སུས་ཀྱང་བསམ་འཆར་དང་། དེའི་སྦྱོར་བ་ལག་ཏུ་ལེན་དུ་རུང་བ། དཔེར་ན་བདག་གི་སྟོན་པ་མཉམ་མེད་དོན་ཀུན་གྲུབ་པས།
དེ་ལས་མང་བ་། “བོད་གཞིས་བྱེས་གཉིས་ཀྱི་བླ་ཆེན་རྣམས་ལ་ཕུལ་བའི་གདུང་དབྱངས།” »
ཁྲི་རལ་པ་ཅན།
དེང་སང་བོད་མིའི་སྤྱི་ཚོགས་ནང་སྦིར་གྲགས་ཆེ་ཤོས་ནི་ཡོ་རོབ་བྷེལ་ཇམ་རྒྱལ་ཁབ་ནང་བོད་མི་ཚོར་སྐྱབས་བཅོལ་སྤྲོད་རྒྱུ་གཞུང་གིས་ཕྱིར་འཐེན་དང་། བོད་མི་མང་པོ་ཅིག་གི་ཡིག་ཆ་ནག་པོར་ཆགས་བཞིན་པ་དེ་ཡིན་ལ། ད་ཆ་དེའི་གནད་དོན་སྐོར་ལ་བསམ་བློ་གཏོང་སྐབས། མི་ཕལ་ཆེར་གྱིས་གནད་འགག་གཙོ་བོ་གཉིས་ཀྱི་ཐད་ལན་པོ་ཡོད་པར་ཚོད་དཔག་གནང་གི་ཡོད།
གཅིག་ནི་གནས་ཚུལ་དེ་བྱུང་མ་ཐག་བོད་ཀྱི་བང་ཆེན་གསར་ཁང་གིས་གནས་ཚུལ་བཀོད་པ་ལྟར་ན།
གཙང་ཕྲུག་སྟོབས་ལགས།
ཕྱི་ལོ་༡༩༨༩ ཟླ་༡ ཚེས་༢༩ ཉིན་བདག་ད་དུང་བདག་གི་ཕ་ཡུལ་མདོག་གཞུང་ཁང་གསར་ཕྲ་མོར་ཡོད། ཉིན་དེ་དག་གི་རིང་བདག་གི་དྲན་པའི་ངོགས་ནས་དུས་ནམ་ཡང་བརྗེད་དཀའ་བའི་ཐལ་རླུང་འཚུབ་ཅིང་། ཁོ་ར་ཁོར་ཡུག་གི་བྱ་དངོས་ཐམས་ཅད་མི་སྣང་བར་གྱུར། ཟླ་༡ ཚེས་༢༩ ཉིན་གྱི་ས་སྲོད་ཀྱི་མཚམས་སུ་བདག་ཚོའི་ནང་མི་རྣམས་ནམ་རྒྱུན་བཞིན་གོ་གྲལ་ལ་འཛོམས་ཏེ་སྒྲོན་མེའི་འོད་རླབས་འོག་ཏུ། བདག་སོགས་ལོ་གཞོན་རྣམས་སྣབས་ལུད་འཛར་ཞིང་གདོང་པ་དྲེག་པས་ཚོས་ཏེ་ཛ་ལའི་མེ་དྲོད་ལ་ལག་པ་སྲོ་ཞིང་། རྒན་པ་རྣམས་ལག་ལས་བྱེད་ཞོར་བོད་ལྗོངས་རླུང་འཕྲིན་ལས་ཁུངས་ཀྱི་གསར་འགྱུར་ལ་ཉན་ནས་བསྡད་ཡོད།
ཐོས་པ་དགའ།
དེ་རིང་ངས་ཁ་བརྡ་བྱེད་འདོད་པ་དེ་ནི་ཉེ་བའི་ཆར་ངོ་དེབ་སོགས་དྲ་རྒྱའི་སྟེང་དུ་གྲོས་བསྡུར་གྱི་བསམ་ཚུལ་སྣ་མང་ཞིག་བྱུང་དང་འབྱུང་བཞིན་འདུག་པས། ཁ་བརྡ་བ་ཚོའི་དགོངས་ཚུལ་ཞིག་ཅི་ནས་ཤེས་འདོད་བྱུང་། དེ་ནི་སྲིད་སྐྱོང་ལ་བོད་ནས་འབྱོར་བའི་ཐང་ཀ་འགའ་ཞིག་གི་སྐོར་ཡིན། ཁྱེད་རྣམ་པས་གོང་གི་པར་རིས་དེའི་གཡས་ངོས་སུ་བལྟས་ན་ཐང་ཀ་གཉིས་དཔྱངས་ཡོད། དེ་དག་ནི་གསར་འགོད་པས་ཕྱོགས་གང་ས་ནས་ཡོང་བ་རྣམས་བརྒྱུད་ནས་འཛམ་གླིང་གང་སར་ཁྱབ་གདལ་དུ་འགྲོ་བཞིན་ཡོད།
བརྒྱུད་གཏོང་བ། འོད་ཟེར་ཀུན་ཁྱབ།
ཉིན་དྲུག་གི་རིང་ལ་འཚོགས་པའི་ཚོགས་ཆེན་གཉིས་ཀྱི་སྐབས་སུ་རང་གིས་བཏོན་པའི་བསམ་འཆར་འགའ།
གཅིག
བོད་ཁུལ་གྱི་སློབ་གྲྭ་མང་བོའི་ནང་དུ་བོད་ཀྱི་སྐད་ཡིག་གཅིག་པུ་བོད་སྐད་ཀྱིས་ཁྲིད་པ་ལས་གཞན་རྩིས་དངོས་རྫས་གསུམ་སོགས་རྒྱ་ཡིག་གི་སྟེང་དུ་ཁྲིད་བཞིན་ཡོད་པ་ནི་ནོར་འཁྲུལ་ཅིག་ཡིན་ཏེ། སློབ་མ་ལ་སློབ་སྦྱོང་སྤྲད་པའི་དམིགས་ཡུལ་གཙོ་བོ་ནི་སྦྱང་བྱའི་རིག་གནས་ཀྱི་ནང་དོན་ཤེས་སུ་འཇུག་པ་དང་མ་འོངས་པ་ན་བཀོལ་སྤྱོད་བྱེད་ཐུབ་རྒྱུ་དེ་ཡིན་པས།
