རྒྱ་སྟོན་བུ་དར་རྒྱས།

༈ རྒྱལ་བ་རིན་པོ་ཆེ།
ལྔ་བཅུ་ང་དགུའི་ལོ་ནག་དེ་ཀོ།
ཆག་སྒོ་དང་ཕམ་ཁ་ཞིག་ཡིན་ཆོག
འབུམ་ཕྲག་དུ་མིའི་ཚེ་སྲོག་དང་ཡོད་ཚད་ཤོར།
དྲུག་བཅུ་རེ་གཅིག་གི་ལོ་ཡུན་དེ་ལ།
ངེད་ཅག་རྒྱལ་འབངས་ས་མཐར་བུད་མོད།
ལས་དབང་སྐྱ་མོ་དེས་སྐྱ་ཟད་སྔོ་ལ་བསྒྱུར།

དེ་ལས་མང་བ་། “ཐོལ་རྩོམ།” »

ལ་མོ་ཚུལ་ཁྲིམས།
 
ཨ་མེ་རི་ཀའི་སྲིད་འཛིན་གསར་བ་སུ་ཡིན་ཕལ་ཆེར་གཏན་འཁེལ་ཡོད། ཁོང་ནི་ཇཱོ་དཔལ་ལྡན་རེད། ཁོང་ལ་མང་མོས་འོས་ཤོག་གི་རྒྱལ་ཁ་ཐོབ་ཡོད། ཐོབ་ས་ནས་ཐོབ། རྒྱལ་ས་རྒྱལ་བ་རེད། ཡིན་ན་ཡང་། ཨ་རི་སྤྱིའི་འགྲོ་ལུགས་ལྟར་འོས་ཤོག་གི་མཐའ་མའི་རྩིས་སྤྲོད་རྩིས་ལེན་དེ་ཟླ་རྗེས་མའི་ཚེས ༨ ཉིན་ལ་མ་གཏོགས་མི་བྱེད་པ་ཡིན། དུས་ཡུན་དེའི་རིང་ལ་འོས་ཤོག་གི་རྩོད་གླེང་གང་འདྲ་ཞིག་ཡོད་ཀྱང་གླེང་སློང་བྱས་ཆོག་པ་ཞིག་ཡིན སྲིད་འཛིན་ཁྲོན་གྱིས་གོ་སྐབས་འདི་དམ་འཛིན་བྱས་ཏེ། འོས་ཤོག་རྫུན་བཟོ་བྱས་ཡོད་ལུགས་ཀྱི་ཁྲིམས་གཏུག་བྱེད་བཞིན་ཡོད། སྐབས་འདིར། ཨ་རིར་ཡོད་པའི་བོད་པ་ཚོས་འོས་མི་འདི་གཉིས་ལས་སུ་ཞིག་བོད་ལ་བཟང་མིན་གྱིས་སྐད་ཆ་བཤད་བཞིན་ཡོད།

དེ་ལས་མང་བ་། “ཨ་རིའི་སྲིད་འཛིན་ཇཱོ་དཔལ་ལྡན་དང་ཁྲོན་ཕུ་གཉིས་ལས་བོད་ཀྱི་གནས་སྟངས་ལ་བལྟ་བ།” »

འཇམ་དབྱངས་དཀར་པོ།
 
སྤྱི་ལོ་ ༢༠༢༠ ཟླ་ ༡༡ ཚེས་ ༢༣ ཉིན།

བཙན་བྱོལ་དུ་གྱར་བའི་བོད་མི་མང་པོ་ཞིག་གིས་བསམ་བཞིན་དང་བསམ་བཞིན་མ་ཡིན་པར་༧རྒྱལ་བ་རིན་པོ་ཆེ་ལ་དཀའ་ངལ་མང་པོ་བཟོ་ཡི་ཡོད་ལ། རྩོམ་པ་པོ་འཇམ་དབྱངས་ནོར་བུ་ནི་ནམ་ཡིན་ཡང་བསམ་བཞིན་དུ་༧རྒྱལ་བ་རིན་པོ་ཆེ་ལ་དཀའ་ངལ་བཟོ་མཁན་དང་། ཁྱད་གསོད་བྱེད་མཁན་གཏེ་བོ་ཞིག་ཡིན།

དེང་སང་འཇམ་དབྱངས་ནོར་བུ་རྒས་ནད་ཀྱིས་ཟིན་པ་རེད་དམ། རང་གི་བསམ་ཚུལ་ལ་ཁ་ཕྱོགས་མེད་པ་དང་། སྤྱི་ཚོགས་ཀྱི་གནས་ཚུལ་སྔ་ཕྱིའི་བྱུང་རིམ་ལ་

དེ་ལས་མང་བ་། “རྩོམ་པ་པོ་འཇམ་དབྱངས་ནོར་བུས་རྒྱ་རི་སྒྲོལ་མའི་བྱ་ལེ་ལྡག་གི་འདུག” »

ཆབ་མདོ་ངག་ཕུན་གྱིས།

རྒན་པོ་སེམས་བཟང་ཅན་གྱིས། །སྲོག་ཆགས་ཁྱི་ཕྲུག་ཆུང་ཆུང་།།
གདུག་རྩུབ་ཆུ་སྲིན་ཁ་ནས། །ཚེ་སྲོག་སྐྱོབས་པ་མཛད་ལྟོས།།

དེ་རིང་དངོས་སྒྲུང་ཞིག་འབྲི་བར་འདོད། དེ་ཡང་ནུབ་ཕྱོགས་བདེ་བ་ཅན་གྱི་ཞིང་ཁམས་ཞེས་གྲགས་པའི་ལུང་པ་དེ་ནི་

དེ་ལས་མང་བ་། “ཆུ་སྲིན་ཁ་ནས་ཁྱི་ཕྲུག་སྐྱོབས་པ། (དངོས་སྒྲུང་ཞིག)” »

བཞག་ལྡོམ་ལྗང་ལོ། 
 
ཆབ་སྲིད་ནི་ཆབ་འབངས་ཏེ་མངའ་འབངས་སྐྱོང་བར་བྱེད་པའི་འཇིག་རྟེན་སྲིད་པའི་ཁྲིམས་ཀྱི་བྱ་གཞག་གམ་རིག་ལམ་ཞིག་ཡིན་པ་དང་། དེའི་སྐོར་ལ་ཆེད་ལས་བ་དང་། ལས་དོན་སྒྲུབ་མཁན་ཚོར་ཆབ་སྲིད་པ་ཟེར་བ་ཡིན་ཞིང། ཁོང་ཚོ་མང་ཆེ་བ་ནི་དམངས་ཀྱི་ཚབ་མཚོན་དབུས་སྲིད་གཞུང་ཁང་དང་། ས་གནས་སྲིད་གཞུང་ཁང་སོགས་ན་བྱ་བ་སྒྲུབ་ཀྱི་ཡོད་པ་རེད། མང་གཙོའི་སྤྱི་ཚོགས་ལ་མཚོན་ན་གཞུང་ལས་ཁང་ནས་གལ་ཆེ་བའི་བྱ་བ་ཞིག་ཐོབ་པ་ལ། ཆབ་སྲིད་པ་ཚོར་ངེས་བར་ཚང་དགོས་བའི་ཆ་རྐྱེན་ཞིག་ནི། དམངས་ཚོགས་ཀྱི་ཆེད་དུ་ལས་དོན་སྒྲུབ་པའི་འབྱོན་ནུས་མི་མང་གི་མིག་ལམ་ལ་སྟོན་དགོས་ཤིང། དེ་ལ་བརྟེན་ནས་རྒྱ་ཆེ་དམངས་ཚོགས་ཀྱིས་སོ་སོའི་ལྟ་བ་དང་འདོད་མོས། དགའ་ཕྱོགས་སོགས་གཞིར་བཞག་ནས་ཆབ་སྲིད་པ་ཚོ་

དེ་ལས་མང་བ་། “ཆབ་སྲིད་པ་ཚོ་རྫུན་རྐྱལ་ཡིན་དགོས་བ་གང་ཡིན་ནམ།” »

རླུང་དམར།
 
རེ་བའི་རྨི་ལམ་སྔར་བཞིན་འགྱེལ་མེད་ངང་གསོན་འདུག འདས་སོང་བའི་ལོ་ཟླ་ནི་བཤད་མི་འདོད་པའི་སྐྱུག་ནད་ཅིག་རེད། དེའི་སྐོར་ནས་མི་གླེང་བར་བྱ། ད་ཐེངས་འདིར་གླེང་འོས་པ་ནི། མ་འོངས་༢༠༢༡ལོའི་བཙན་བྱོལ་བོད་མིའི་སྲིད་སྐྱོང་གི་ཁྲི་སྟེགས་སུ་ལ་ཐོབ་འོས་མིན་དེ་ཡིན། ད་ལྟའི་བར་ཏུ་མི་མང་གིས་སྲིད་སྐྱོང་འོས་མི་འགའ་ཤས་ཤིག་གི་ཐད་ནས་གཏམ་གླེང་སྤེལ་ཞིང་གྲོས་ཁ་བསྡུར་བཞིན་པའི་དུས་ཚོད་འདིར། ཁ་ལྕེ་ཁོ་ན་བརྡར་ནས་མི་འདུག་པར་དྲ་ལམ་སྟེང་ནས་སྲིད་སྐྱོང་གི་ཆ་རྐྱེན་ལེགས་པོ་སུ་ལ་ཚང་ཡོད་མེད་ལ་དཔྱད་གཏམ་འགྲེམ་དགོས་ལ། དོན་སྙིང་ལྡན་པའི་སྲིད་སྐྱོང་ཚད་ལྡན་ཞིག་འདེམ་བསྐོ་གནང་རྒྱུ་དེ་བོད་མི་རེ་རེའི་འགན་འཁྲི་ཆེས་ཆེ་ཤོས་དེ་ཡིན། དེའང་། ཆོལ་གསུམ་བོད་མིའི་བར་ནས་བོད་གཞིས་བྱེས་མ་རྩོད།

དེ་ལས་མང་བ་། “བོད་མིའི་སྲིད་དོན་གྱི་མངའ་བདག་ངོ་མ་དེ་སུ་ཡིན།” »

སྐྱོ་བྲག་དགའ་དབང་།
 
སྐྱེ་བ་སྔོན་མའི་སྐྱེས་ཐོབ་དང་། ད་ལྟའི་སྦྱོར་བྱུང་གི་ནུས་པས་ལུས་ངག་ཡིད་ཀྱི་བྱ་བ་གང་ཞིག་ཡིན་ནའང་ཆོས་མཐུན་གྱི་སྤྱོད་པ་འབའ་ཞིག་པ་ལས་འཇིག་རྟེན་གྱི་ཆོས་ཀྱིས་གཏན་ནས་མ་གོས་པའི་སྐྱེས་བུ་ངོ་མཚར་ཅན། མཁན་སྤྲུལ་ཨ་བསྟན་ཕུན་ཚོགས་རིན་པོ་ཆེ་མཆོག་གིས།

༡ ཕྱག་ཆེན་ངེས་དོན་རྒྱ་མཚོའི་ནང་ལུས་གནད་སྐབས་རྗེ་བཙུན་མར་པས་ཆེད་དུ་བསྔགས་པ་བླ་མ་ཞང་གིས་བཀྲལ་བའི་བསམ་གཏན་གྱི་ཆོས་ལྔ་ཡི་ནང་ཚན། ལྀ་རྀ་ལྟར་བསྒྲིམ་ཞེས་པ་སྙན་བརྒྱུད་ཀྱི་ཡིག་ཆར་རྩྭ་དྲས་མའི་མདུད་པ་ལ་དཔེར་མཛད་འདུག་པ། རྩྭ་དྲས་མ་འདི་གང་ལ་ངོས་འཛིན་ལགས།

དེ་ལས་མང་བ་། “བཞུགས་སྟངས་དཔེ་དོན།” »

གཡག་རྒོད་རྩོམ་སྒྲིག་ཚོགས་ཆུང་གིས།
 
བྱིས་པ་ཡག་པོ་ཞིག་སྐྱོང་བ་ལ་ཐོག་མར་སྐྱོང་ལུགས་སྣ་ཚོགས་སྦྱོང་རྒྱུ་གལ་ཆེ་ཞིང་། རང་གི་ཤ་ཁྲག་ལས་ཆད་པའི་བུ་ཕྲུག་ལ་བདེ་སྐྱིད་ལྡན་པའི་འཚོ་བ་ཞིག་མཁོ་སྤྲོད་བྱེད་དགོས་པ་ཡིན། བོད་པའི་མི་རབས་རྗེས་མ་རྣམས་ལ་མི་ཚེའི་ཁ་ཕྱོགས་ཕུགས་རྒྱང་རིང་པོ་ཞིག་སྟོན་འདོད་ན་དུས་རབས་དང་མཐུན་པའི་བྱིས་པ་གསོ་སྐྱོང་བྱེད་ལུགས་ཀྱི་སྐོར་ལ་ཤེས་རྟོགས་བྱེད་དགོས་པ་ཡིན། ལྷག་པར་དུ་བྱིས་པའི་སེམས་ཁམས་དང་དགའ་ཕྱོགས་ལ་ཞིབ་འཇུག་བྱས་ཏེ་ཆ་རྒྱུས་ཡོད་པའི་སྟེང་ནས་བྱིས་པ་གསོ་སྐྱོང་བྱེད་དགོས་པ་ཡིན། འོན་ཀྱང་། བོད་ཕྱི་ནང་གི་ཕ་མ་མང་པོར་བྱིས་པ་གསོ་སྐྱོང་བྱེད་ཐབས་ཀྱི་སྐོར་ལ་དོ་སྣང་བྱེད་པའི་གོམས་གཤིས་ཡག་པོ་ཞིག་མེད་པ་དང། ཕ་མ་རེ་ཟུང་ཕྱོགས་ཞེན་གྱི་དབང་དུ་སོང་སྟེ་བོད་རང་གི་རིག་གཞུང་ཁྲོད་དུ་

དེ་ལས་མང་བ་། “རྩེད་མོའི་ཁྲོད་ཀྱི་སློབ་གསོ་དང་དེའི་དགེ་མཚན།” »

བཞག་ལྡོམ་ལྗང་ལོ།

ང་ཆུང་དུས་སུ་རྒན་རབ་པ་ཚོའི་ངག་རྒྱུན་ལས་འབྱུང་བོ་རོ་ལངས་ཞེས་བའི་བྱིས་སྒྲུང་གང་མང་ཞིག་ལ་ཉན་མྱོང་ཡོད་ལ། དེ་དག་བདེན་པ་རུ་འདོད་དེ་ཞེད་སྣང་ཡང་སྐྱེས་མྱོང་ཡང་། རིམ་གྱིས་ང་རང་ནར་སོན་ཡོང་དུས་བྱིས་སྒྲུང་དེ་དག་ནི་རྟོག་བཟོ་ཡིན་པ་ལས་དངོས་ཡོད་མ་ཡིན་པ་གཞི་ནས་ཤེས་བྱུང་། གང་ལྟར་། དེ་རིང་ཡང་སྐྱར་ངའི་སེམས་ཁམས་

དེ་ལས་མང་བ་། “འབྱུང་བོ་རོ་ལངས་ཀྱི་གཏམ་རྒྱུད།” »

སྐྱོ་བྲག་དགའ་དབང་།
 
ངས། ང་རང་གི་ཉལ་ཁང་མི་གཉིས་བདེ་ཤོང་བྱེད་པ་ཞིག་ཡོད་པ་དེ་གཙང་བཟོ་བྱས་ཡིན།ནམ་རྒྱུན་ངས་གཙང་སྦྲ་མི་བྱེད་པས་ན་ངའི་ཁང་པ་ལ་གཙང་མ་ཡོད་མ་རེད།

ང་བཙོག་ཉོབ་ལ་དགའ་བའི་གང་ཟག་ཕག་པ་འདྲ་བ་ཞིག་མིན་ལ། ཁང་བུ་བརྩེགས་པའི་མདོ་ལས། ཀུན་དགའ་བོ་ཕྱག་དར་བྱས་པའི་ཕན་ཡོན་ནི་ལྔར་འགྱུར་ཏེ། ལྔ་གང་ཞེ་ན། ཀུན་དགའ་བོ་འདི་ལྟ་སྟེ། བདག་གི་སེམས་དྭང་བར་འགྱུར་བ་དང་། གཞན་གྱི་སེམས་དྭང་བར་འགྱུར་བ་དང་། ལྷ་རྣམས་དགའ་བར་འགྱུར་བ་དང་། མཛེས་པའི་ལས་བྱས་ཤིང་བསགས་པ་དང་། ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་གྱི་ལྷ་རྣམས་སུ་སྐྱེ་བར་འགྱུར་

དེ་ལས་མང་བ་། “གཙང་མ་བཟོས་ཡིན།” »

བཞག་ལྡོམ་ལྗང་ལོ།
 
དོན་དངོས་སུ་གང་ཞིག་ལ་བཟང་བ་ཅེས་བསྟོད་པ་དང་། ཡང་ན་ངན་པ་ཅེས་སྨད་པ་བྱ་དགོས་ན། བཟང་ངན་ཟུང་བསྡུར་བའི་ཆ་ནས་བཤད་དགོས་བ་ཡིན་ལ། དེ་ཡང་ཁུངས་ལུང་དག་པ་དང་། བདེན་པ་ཡོད་པའི་ཆ་ནས་བཤད་ན་གནས་ལུགས་ལ་དག་དག་མཐུན་པ་ཡིན་པ་བརྟེན། ངས་འཇིག་རྟེན་འདིའི་ལོ་རྒྱུས་སུ་ཕྱིར་དྲན་བྱེད་བཞིན། དེ་རིང་གི་ཨ་རིའི་སྲིད་འཛིན་འགྲན་རྩོད་སྐབས་བྷན་ཌིན་རྒྱལ་བ་ནི་མང་གཙོ་ཚོགས་པ་རྒྱལ་བ་མིན་པ་དང་ཨ་རི་རྒྱལ་བ་ཡིན་པ་དང་། དེ་ཡང་ཨ་རི་ཁོ་ན་རྒྱལ་བ་མིན་པ་དང་འཇིག་རྟེན་འདིའི་མང་གཙོ་རྒྱལ་བ་ཡིན་པ་དོན་དངོས་འགའ་དང་སྡུར་ནས་བཤད་ཀྱི་ཡིན།

དང་པོ།༽ མང་གཙོའི་སྤྱི་ཚོགས་ནང་

དེ་ལས་མང་བ་། “དེ་རིང་འཇིག་རྟེན་འདིའི་མང་གཙོ་རྒྱལ་་སོང། ” »

གཡག་རྒོད་རྩོམ་སྒྲིག་ཚོགས་ཆུང་གིས།
 
ཨ་ཕ་རྒྱབ་ཀྱི་རི་ཡིན། ཨ་མ་མདུན་གྱི་མཚོ་ཡིན་ཞེས་བཤད་སྲོལ་ཡོད་པ་ལྟར། བྱིས་པའི་འཚར་ལོངས་ཀྱི་གོ་རིམ་ཁྲོད་དུ་ཕ་མའི་བྱམས་སྐྱོང་ནི་ཤིན་ཏུ་གལ་ཆེ། བརྩེ་བ་གང་ལ་ཡོད་ན། བདེ་སྐྱིད་དེ་རུ་ཡོད་ཅེས་པ་ལྟར། ཕ་མའི་བྱམས་སྐྱོང་ནི་བྱིས་པའི་ལུས་སེམས་ཀྱི་ནུས་སྟོབས་གོང་འཕེལ་དུ་འགྲོ་བའི་གཞི་རྟེན་གཙོ་བོ་དེ་ཡིན་ཞིང་། ཕ་མའི་བྱམས་སྐྱོང་འོག་ཏུ་འཚར་ལོངས་བྱུང་བའི་བྱིས་པའི་ལུས་སེམས་ནི་སྐྱོན་མེད་བདེ་ལེགས་སུ་འཕེལ་རྒྱས་སུ་འགྲོ་བར་བཤད། ཡིན་ནའང་དྭ་ཕྲུག་དང་ཕ་མ་ཁ་བྲལ་དུ་སོང་བའི་བུ་ཕྲུག་དག་ལ་ཕ་མ་གཉིས་འཛོམས་ཀྱི་བྱམས་སྐྱོང་གི་འཚོ་བ་དེ་མེད། དེར་བརྟེན་དྭ་ཕྲུག་དང་ཕ་མ་ཁ་བྲལ་དུ་སོང་བའི་བུ་ཕྲུག་གི་ལུས་སེམས་ལ་འཕྲད་པའི་དཀའ་སྡུག་ནི་ཚོད་དཔག་བྱས་ཏེ་བརྗོད་ཐུབ་པ་ཞིག་མིན་པར་བཤད།

དེ་ལས་མང་བ་། “དྭ་ཕྲུག་དང་ཕ་མ་ཁ་བྲལ་དུ་སོང་བའི་བྱིས་པ་ཚོའི་དཀའ་སྡུག་སྐོར་གྱི་ཟིན་བྲིས།” »

གཡག་རྒོད་རྩོམ་སྒྲིག་ཚོགས་ཆུང་གིས།
 
2015 ལོའི་ལོ་མཇུག་ནས་བཟུང་བུ་ཕྲུག་གི་མདུན་ལམ་ལ་དོ་ཁུར་ཆེ་བའི་བོད་ཕྱི་ནང་གི་ཕ་མ་མང་པོ་སྐད་འཕྲིན་ལ་སོགས་པའི་དྲ་ལམ་དུ་ཞུགས་ཏེ། དུས་རབས་ཀྱི་འགྱུར་བ་དང་སྤྱི་ཚོགས་ཀྱི་དགོས་མཁོར་གཞིགས་པའི་བྱིས་པ་ཞིག་བོད་ལུགས་ལྟར་གསོ་སྐྱོང་ཇི་ལྟར་བྱེད་ཚུལ་་དང་། དེའི་ཆ་རྐྱེན་གཙོ་བོ་ཅི་ཞིག་ཡིན་པ་སོགས་ཀྱི་གླེང་གཞིའི་སྐོར་ལ་རིགས་གཅིག་རྐང་འཛིན་གྱིས་བགྲོ་གླེང་གནང་པ་དང་ཉམས་མྱོང་བརྗེ་རེས་བྱས་དང་བྱེད་བཞིན་ཡོད། ཕ་མ་དེ་དག་གི་འཚོ་སྡོད་བྱེད་ས་དང་འཚོ་རྟེན་གྱི་ལས་རིགས། སྤྱི་ཚོགས་ཀྱི་ཉམས་མྱོང་། སློབ་གསོའི་གནས་ཚད་དང་རིག་གནས་ཀྱི་རྒྱབ་ལྗོངས་སོགས་མི་འདྲ་བར་བརྟེན། བྱིས་སྐྱོང་གི་བྱེད་ཐབས་དང་དེའི་ཆ་རྐྱེན་སྐོར་ལའང་ལྟ་ཚུལ་མི་མཐུན་པ་ཡོད་པ་གསལ་བོ་ཡིན་ནའང་། བུ་ཕྲུག་གསོ་སྐྱོང་གི་

དེ་ལས་མང་བ་། “བརྩེ་བ་གཙང་མ་ཞིག་ཡོད་ན་བུ་ཕྲུག་ཚད་ལྡན་ཞིག་སྐྱེད་སྲིང་བྱེད་ཐུབ།” »

བཞག་ལྡོམ་ལྗང་ལོ། 
 
རྒྱལ་ཁབ་ཞིག་ལ་མཚོན་ན་སྟོབས་ཆེན་ནམ། ཡང་ན་ཡར་རྒྱས་ཡིན་མིན་ནི་ཆབ་སྲིད་དང་། དཔལ་འབྱོར། རིག་གནས་གསུམ་ཀྱི་སྒོ་ནས་བལྟ་དགོས་བ་ཡིན་ལ། དེ་གསུམ་པོ་དོ་མཉམ་ཡིན་པའི་རྒྱལ་ཁབ་ཞིག་ནི་འཇིག་རྟེན་འདིའི་སྟེང་ན་ཧ་ཅང་ཉུང་ཉུང་རེད། རྒྱུ་མཚན་ནི།  རེ་དགའ་ཆབ་སྲིད་དང་དམག་དོན་ཡར་ཐོན་ཡིན་ཡང་དཔལ་འབྱོར་སྐྱོ་བ་དང་། ཁ་ཤས་དཔལ་འབྱོར་ཡར་རྒྱས་ཡིན་ཡང་དམག་དོན་དམན་པ་རེད། གང་ལྟར། ཡོངས་གྲགས་ཀྱིས་ཨ་རི་ནི་དེ་གསུམ་པོ་འཛོམས་པའི་རྒྱལ་ཁབ་ཞིག་ལ་འཁུམས་ཤིང།  དེ་གསུམ་པོ་སྣ་འཛོམས་ཡིན་པའི་ཨ་རི་བ་ལ་མཚོན་ན། དུས་གང་ཞིག་ལ་ཆབ་དཔལ་རིག་སོགས་ལམ་འགྲོ་སོང་བ་ཡིན་ན། སྐབས་དེའི་སྲིད་འཛིན་གྱིས་དགེ་མཚན་ཁུར་བ་དང་། ལྡོག་ཕྱོགས་ནས་དེ་རྣམས་སྐྱོ་བོ་

དེ་ལས་མང་བ་། “དེ་རིང་གི་སྲིད་ཀྱིས་འུད་ཤོབ་དང་ཨ་རིའི་དཔལ་འབྱོར། ” »

རྫ་ཚེ་རིང་བཀྲ་ཤིས།

(དེ་ཡང་ཤིན་ཏུ་བརྩེ་བ་ཉི་ཤུ་བ་ཞེས་པའི་བསྟོད་རྩོམ་འདི་ནི། གུས་རྫ་ཚེ་རིང་བཀྲ་ཤིས་ཀྱིས་༧གོང་ས་སྐྱབས་མགོན་རྒྱལ་བའི་དབང་པོ་མཆོག་དགུང་གྲངས་བརྒྱད་ཅུ་བཞེས་པའི་ལོ་དེར། མདོ་ཁམས་ཆུ་བཞུ་སྒང་དྲུག་གི་ངོས་ནས་བཀའ་དྲིན་རྗེས་དྲན་དང་འབྲེལ་བའི་ཆེད་དེབ་ཅིག་འདོན་གནང་བར་

དེ་ལས་མང་བ་། “༧གངས་རིའི་མགོན་པོ་ལ་གུས་པར་བསྔགས་པ་《ཤིན་ཏུ་བརྩེ་བ་ཉི་ཤུ་པ་》ཞེས་བྱ་བ།” »

ངམ་རིང་ཡོན་ཏན་རྒྱ་མཚོ།

སྤྱིར་སྐྱེ་རྒ་ན་འཆི་ནི་ཟློག་མེད་འཇིག་རྟེན་གྱི་ཆོས་ཉིད་ཡིན་པས།ཁ་ཆེ་ཕ་ལུས་“ཡོང་གིན་ཡོང་གིན་འགྲོ་གིན་འགྲོ་གིན་འདུག དོན་དུ་ཡོང་མི་ཚང་མ་འགྲོ་མི་རེད།”གསུངས་པ་ལྟར་དུས་ཀྱི་སྔ་ཕྱི་ཙམ་མ་གཏོགས་ང་ཚོ་ཚང་མ་ལམ་བུ་དེར་འགྲོ་མི་ཡིན་སྟབས། ལོ་ན་སྨིན་པའི་སྐྱེ་བོ་སྤྱིར་བཏང་བ་

དེ་ལས་མང་བ་། “བོད་མི་རིགས་ཀྱི་དཔའ་རྒོད་གཅིག་ང་ཚོ་དང་གཏན་དུ་ཁ་བྲལ་སོང་།” »

དགེ་འདུན་རྒྱ་མཚོ།

ཚན་པ་དང་བོ།

༐ བློ་བཟང་རབ་ཡངས་མཁྱེན་པའི་མཁའ་ལ་ལེགས་བཤད་ཆུ་འཛིན་འབུམ་དཀྲིགས་ཏེ།། ལུང་རིགས་གྲུ་ཆར་རྟག་ཏུ་འབེབས་ལ་བཤད་སྒྲུབ་རླུང་གི་འགྲོས་བཟང་མྱུར།། བསྟན་པའི་དེ་ཉིད་འཛིན་ལ་དབང་འབྱོར་མཁས་གྲུབ་བྱེ་བའི་གར་འཕྲེང་ཅན།། ཐར་འདོད་རྐང་འཐུང་སྐྱོང་བའི་མགོན་ཁྱོད་ཟུར་ཕུད་མཛེས་པའི་རྒྱན་དུ་བཞུགས།། ༐ཕྱོགས་བཅུའི་ཞིང་ན་ཇི་སྙེད་བགྲང་ཡས་ས་ཡི་རྡུལ་དང་མཉམ་པའི་བདེར་གཤེགས་གངྒཱའི་ཀླུང་ཉིད་ལ།། མཆོད་པའི་མེ་ཏོག་སྙིམ་པར་འཆིང་རྣམས་མི་ཕྱེད་དད་པའི་རི་བོ་ལྷན་ཅིག་ས་ལ་བསྙིལ་བྱེད་ཅིང་།།

དེ་ལས་མང་བ་། “རྗེ་བཙན་བློ་བཟང་ལུང་རིགས་བསྟན་པ་རྒྱ་མཚོ་དཔལ་བཟང་བོའི་རྟོགས་པ་བརྗོད་པ་ཐར་ལམ་གསལ་བའི་སྒྲོན་མེ་ཞེས་བྱ་བ་བཞུགས་སོ།།” »

རྫ་ཚེ་རིང་བཀྲ་ཤིས།
 
བཀུར་འོས་གཡུ་སྨྱོན་ཧེ་རུ་ཀ་ལགས། ཁྱེད་ཀྱིས་ང་ལ་སྐུར་བའི་དྲི་བ་དེ་བཀྲ་ཤིས་དཔལ་འབྱོར་ཟེར་བ་ཞིག་གིས་བོད་ཕྲན་བརྒྱུད་ང་ལ་བཏང་འདུག་པ་ད་ལྟ་རང་མཐོང་བྱུང་། སྤྱིར་ལོ་སྔ་མ་དག་ཏུ་ཕྲན་གྱིས་བསྒྱུར་བའི་སྟེགས་མདོ་དང་སྟེགས་མདོའི་སྟོང་ཐུན་སོགས་ལས་འཕྲོས་པའི་དྲི་བ་ཚད་ལྡན་དེ་འདྲ་འགའ་འབྱོར་བྱུང་སྟེ། ད་བར་དངོས་སུ་ལན་འདེབས་མ་ཐུབ་པར་དེ་མུར་ལུས་སོང་། འོན་ཀྱང་། གུས་མེད་ཞུས་པ་མིན། དྲི་བ་དེ་དག་ད་དུང་ཡང་ཉར་ཚགས་བྱས་ནས་བསྡད་ཡོད།

དོ་ནུབ་འདིར་ཁ་ཐུག་ཁྱེད་ཀྱི་དྲི་བ་དེར་ལན་སྟབས་བདེ་ཞིག་འབུལ་རྒྱུ་ཡིན། དེ་ཡང་གུས་པའི་ངོས་ནས་བོད་ལ་ཡོངས་གྲགས་ཧ་ཤང་གི་ལྟ་བ་ཞེས་གྲགས་པའི་

དེ་ལས་མང་བ་། “ཧ་ཤང་དང་འབྲེལ་བའི་དྲིས་ལན་ཁ་ཐུག་མ།” »

བློ་བཟང་རིན་ཆེན།
 
སྔོན་གླེང་།

ང་ནི་གྲོགས་པོ་ནང་ཁུལ་ལ་རྩོད་པ་རྒྱག་རྒྱུར་ཧ་ཅང་དགའ། བརྗོད་བྱ་བྱེ་བྲག་པ་ཞིག་གི་ཐོག་ལ་རྩོད་པ་བྱེད་སྐབས། མཚམས་རེར་རང་གི་ཞེ་ཕུག་གི་འདོད་པ་མིན་ཡང་། དགག་ཕྱོགས་ནས་བསམ་ཚུལ་བརྗོད་དེ་རྩོད་པ་ལྷུར་ལེན་བྱས་མྱོང་། བསམ་ཚུལ་བརྗེ་རེས་སམ་རྩོད་པ་རྩོད་ལན་གྱི་སྐབས་སུ་གྲོགས་པོ་ཕན་ཚུན་ཁོང་ཁྲོ་ལངས་ཏེ་ཉིན་ཤས་ལ་ཁ་གཏམ་ཆད་པའི་གཏམ་རྒྱུད་མང་པོ་བྱུང་མྱོང་། ཁ་གཏམ་ཆད་པའི་སྐབས་སུ་མི་སྐྱིད་པ་རེ་ཡོད་ཀྱང་སྔོན་ཆད་ཀྱི་བྱུང་བར་ཕྱི་མིག་རེ་བལྟས་ཚེ་དགོད་སྤྲོ་བ་ཞིག་རེད།

དེ་ལས་མང་བ་། “ཆོས་ལུགས་ཀྱི་མཚམས་ལས་འདས་པའི་འཇིག་རྟེན་སྤྱི་སྨན་གྱི་བཟང་སྤྱོད་བཀླགས་པའི་བརྗེད་བྱང་། 8” »