བོད། ལྷ་ཀླུ་གཉན་གསུམ།
དོན་དངོས་སུ་མེ་ལྕེ་ལྷབ་ལྷུབ་དུ་གཡོ་བའི་ཚ་གཟེར་ཙམ་ལ་ཡང་མི་གཟོད་པའི་འགྲོ་བ་མིའི་རིགས་ཀྱི་བདེ་སྡུག་གི་ཚོར་བ་ལྕི་མོ་དེ་ལ་བསམ་ནས་སྐད་ཆ་ཞིག་བཤད་ན། བོད་ནང་དུ་མི་རིགས་ཤིག་གི་བདེན་དོན་སླར་གསོའི་འབོད་སྒྲ་ཤུགས་ཀྱིས་མེ་ལྕེ་དང་འགྲོག་ནས་སྒྲོག་པའི་གཞོན་རབས་ཀྱི་འགུལ་བསྐྱོད་ཆེན་མོ་འདིས། དོན་དུ་ཁ་བ་གངས་ཅན་ཡོངས་ལ་བརྡ་སྐུལ་རབ་དང་རིམ་པ་གང་ཞིག་བྱེད་ཀྱི་ཡོད་མེད་ཀྱི་ཐད་དུ། ཁ་བ་གངས་ཅན་པའི་རུས་སུ་གཏོགས་པ་དང་། ཁ་བ་གངས་ཅན་པའི་སྐྱིད་སྡུག་ལ་འགན་ཡོད་པའི་འཛམ་གླིང་ཤར་ནུབ་གང་སར་གནས་བཅའ་བའི་དབུགས་ཐོག་ཚད་ལ། འགྲོ་བ་མི་ཞེས་པའི་རླབས་ཆེ་བའི་ཚེ་སྲོག་གི་རིན་ཐང་ལ་འདྲ་མཉམ་དགོས་པར་འབོད་པ་གཏོང་བཞིན་ཡོད་དམ། འབོད་པ་འདིས་སློང་སྲིད་པའི་སྐྱེ་བོ་ག་ཚོད་ཅིག་ཡོད་ཨང་།

དེ་ལས་མང་བ་། “མེ་དམར་པོའི་བསླུས་པའི་སྤུན་ཟླའི་རྗེས་ནས།” »

ཤར་ཕྱོགས་ཁུག་རྟ།
༢༠༡༡། ༩། ༢༨། ཉིན། སྤེལ།
བོད་ཀྱི་ནང་ཆོས་ཀྱི་གཞི་ལམ་འབྲས་གསུམ་གྱི་དོན་དག་མི་ཤེས་མཁན་ཁག་ཅིག་དང་། གཞན་ཡང་ཚེ་འདི་ཙམ་གྱི་བདེ་བ་ཁོ་ན་དོན་དུ་གཉེར་བའི་དེང་དུས་སྲིད་དོན་པའི་བློ་མིག་ཙམ་ལྡན་པ་འགའ། གཞན་ཡང་རྒྱ་ནག་གཞུང་གིས་གཡོ་ཇུས་ཀྱིས་ཉོས་པའི་གསར་འགོད་པ་ཁག་ཅིག་གིས་༧གོང་ས་མཆོག་ལ་དུས་ནམ་རྒྱུན་དུ་ཁོང་གི་ཡང་སྲིད་ཅི་ལྟར་ཕེབས་རྒྱུ་ཡིན་མིན་གྱི་ དྲི་བ་གཏོང་གི་ཡོད། གནད་དོན་དེས་ང་ཚོར་གསལ་བོ་སྟོན་བཞིན་པ་ཞིག་ནི་ཆབ་སྲིད་ཀྱི་ཆོད་སེམས་མེད་ལ་བོད་མི་རྣམས་མི་གྲལ་དུ་བཞག་མ་མྱོང་བའི་རྒྱ་ནག་གཞུང་གིས་༧གོང་ས་མཆོག་ལ་ཤི་བསྒུགས་རྒྱག་པའི་ཐབས་ཟད་འུ་ཐུག་གི་བྱ་སྤྱོད་དེ་རེད།

དེ་ལས་མང་བ་། “༧རྒྱལ་དབང་སྐུ་ཕྲེང་རྗེས་མ་དང་རྒྱ་ནག་གཞུང་།” »

བསྟན་འཛིན་ཤེས་རབ་ནས།

རྣམ་པ་ཚོ། དགོངས་པ་མ་ཚོམས། ད་ལྟ། ངས་བཤད་ན་མི་འདོད་ལ་བསྒྲགས་ཉན་མིན་མི་ཤེས་པའི་གནས་ཚུལ་ཞིག་བསྒྲགས་རྒྱུ་ཡིན། ངས་བསམ་ན། རང་རེའི་མ་འོངས་པའི་ཆེད་དུ་མི་བསྒྲགས་ཐབས་མེད་སྙམ། དེ་རིང་སྤྱི་ཟླ་དགུ་བའི་ཚེས་ཉེར་དྲུག་རེད། ད་ནངས་སྔ་དྲོ་བོད་ནང་ནས། རང་རེ་ཁ་བ་རི་བའི་དོན་དུ་གྲྭ་བ་གཉིས་ཀྱིས་གཅེས་པའི་ལུས་སྲོག་དམར་བོ་མེ་ལ་སྒྲོན་སོང་། དགོང་དྲོར། རང་རེའི་སྲིད་གཞུང་ངམ་དབུ་ཁྲིད་ཀྱི་ལྟེ་གནས་རྡ་ས་ནས། རྒྱལ་ཞེན་དང་སྙིང་སྟོབས་ཀྱིས་འཕྱུར་བའི་དམ་པ་ཁོང་གཉིས་ལ་མྱ་ངམ་མཆོད་འབུལ་དང་མར་མེ་ཁྲོམ་སྐོར་སོང་། གདུང་སེམས་ཤུགས་ཀྱིས་བཏེགས་སོང་

དེ་ལས་མང་བ་། “མོན་གྷོ་གཞིས་ཆགས་ན། དགའ་བའི་དགའ་བྲོ་འཁྲབ་བཞིན་ཡོད།” »

བོད། ལྷ་ཀླུ་གཉན​་གསུམ།

སྐད་ཆ་ཟེར་བ་ནི་སྙིང་ལ་དགའ་སྐྱོ་སྟེར་བའི་བརྡ་རྟགས་ཟབ་མོ་ཞིག་ཡིན་དུས། ངས་དྲ་ངོས་སོ་སོ་ནས་རང་ཉིད་བོད་ཡིན་པས་བོད་དོན་ལ་དོ་སྣང་བྱེད་ཀྱི་ཡོད། གསར་འགྱུར་དུས་ལྟར་ཀློག་གི་ཡོད། བསམ་ཚུལ་དེ་མཚུངས་ལྟར་ཀློག་གི་ཡོད། གསར་འགྱུར་ནི་གོང་དུ་བཤད་མ་ཐག་པ་བཞིན། ཉན་སྤྲོ་བ་དང་གོ་ན་སེམས་པ་ན་བའི་རྒྱུ་གཉིས་ཀ་ཡིན།
ད་ལོ་སྤྱི་ཟླ་གསུམ་པའི་ཚེས་བཅུ་དྲུག་ཉིན། གྲྭ་ཕུན་ཚོགས་ལགས་ཀྱི་རང་ལུས་མེ་རུ་སྒྲོན་ནས་བོད་ཀྱི་བདེ་སྡུག་གི་ཆེད་དུ་སྐད་འབོད་བྱས་པ་ནས། མདོ་སྨད་རྔ་བ་ཀིརྟི་དགོན་གྱི་གྲྭ་རྒན་གཞོན་དབྱེར་མེད་དུ་བཟུང་བཙོན་ལྟ་བུར་ལུས་པའི་ཉིན་མ་དེ་རིང་། སླར་ཡང་གྲྭ་ཕུན་ཚོགས་ཀྱི་སྤུན་ཆུང་བློ་བཟང་སྐལ་བཟང་དང་བློ་བཟང་དཀོན་མཆོག་གཉིས་ཀྱིས་ཀྱང་། བོད་ཀྱི་བདེ་སྡུག་གླེང་ནས། མི་ལོ་བཅོ་བརྒྱད་ཀྱི་ཉིན་མཐའ་མ་ཞིག བོད་མིའི་སྐྱིད་སྡུག་གི་ཆེད་དང་། འདི་ཕྱིའི་བླ་ན་མེད་པའི་སྐྱབས་མགོན་བོད་ནང་དུ་འདྲེན་པའི་ཆེད་དུ་རང་ལུས་མཆོད་མེར་སྒྲོན་པ་རེད།

དེ་ལས་མང་བ་། “ང་བོད་ཡིན་པས། སེམས་པ་གཟེར།” »

ལྗང་སྨྱུག

ཇི་ཙམ་གྱི་ཕྱིན་ཅི་ལོག་པའི་བདེན་འཛིན་ཤུགས་ཆེན་པོ་ཡོད་ན། དེ་ཙམ་གྱིས་གནོད་བྱེད་མང་བ་ཡིན། ལུས་པོ་བདེ་ཐང་ཙམ་འཚོ་གནས་ཐུབ་པ་ལའང་གཙོ་བོར་སེམས་ཀྱི་འཛིན་སྟངས་ལ་རག་ལུས་ཡོད། གདོན་འདྲེ་དང་། གསོན་འདྲེ། ཤི་འདྲེ་སོགས་ཀྱང་གང་ཟག་དེས་ཕྱིན་ཅི་ལོག་གི་འཛིན་སྟངས་ཤིག་ལས་བྱུང་བ་མ་གཏོགས་ཡུལ་དེར་དངོས་སུ་གྲུབ་མེད་ཀྱང་། ཕལ་ཆེར་བས་གནོད་བྱེད་འདྲེ་དང་སྐྱོབ་བྱེད་ལྷ་ཞེས་གཉིས་སུ་འཛིན་ཏེ། འདྲེ་ཞེས་པ་ནི་མི་སྡུག་པའི་མཚན་མ་དགུས་བརྒྱན་པའི་མི་མ་ཡིན་པ་ཞིག་གཟུགས་པོ་རླུང་ལྟར་མགྱོགས་པ་དང་། སེམས་ཅན་མང་པོའི་ཚེ་སྲོག་འཕྲོག་མཁན་གྱི་དངོས་མེད་ཅིག་བློས་མཁྲེགས་འཛིན་བྱས་ཡོད། འགའ་རེས་ལྷ་ཞེས་པ་ཁས་མི་ལེན་ཡང་། འདྲེ་ཡོད་པར་འདོད་མོད། དོན་དུ་འདྲེ་ཡང་བློས་སྒྲོ་བཏགས་པ་ལས་བྱུང་བ་ཡིན། དཔེར་ན་མི་ཞིག་གསར་དུ་ས་རྒྱུས་མེད་པའི་ལུང་བ་ཞིག་ལ་འབྱོར་ན། མི་གཞན་ཞིག་གིས་ས་འདིར་མཚན་མོ་གདོན་འདྲེ་མང་པོ་ཡོད་ཅེས་བཤད་དེ། མི་དེའི་སྡོད་གནས་ཀྱི་ཁྲིས་སུ་གོས་སློག་སོགས་གཡོགས་ནས་མིའི་གཟུགས་བརྙན་བཞིན་བཅོས་ཏེ་ཁོ་ལ་ལྟར་བཅུག་ཚེ། ཕར་གི་གཟུགས་དབྱིབས་དེས་དངོས་སུ་གཡོ་འགུལ་བྱེད་ཅིང་།

དེ་ལས་མང་བ་། “ལྷ་འདྲེ་དང་རོ་ལངས།” »

(ཀླུ་སྨྱོན་རྩོམ་རིག་བྱ་དགའི་འགྲན་རྩོམ་གྱི་ཁོངས་སུ་འཇོག་རོགས།)
དོན་རིན། གོ་པལ་པུར།

བྱ་དངོས་གང་རུང་གི་ངོ་བོ་གསལ་པོ་མིན་པའི་གནས་ལུགས་ཀྱང་མི་ཤེས་ན།
ངས་ཁྱེད་ལ་ཅི་ཞིག་བཤད། ཁྱོད་ཀྱིས་ཅི་ཞིག་སེམས།
རྟོག་གེ་བའི་ཉམས་སྣང་དེས་སུ་འདྲོགས་སློང་འདོད་དམ།
འུ་ཚོའི་འཇིག་རྟེན་དུ་མེད་པ་ཡོད་ཆོག་ཅིང་།
ཡོད་པ་མེད་ཆོག་པའི་གནས་ལུགས་ཀྱི་ཆོས་ཉིད་ཡོད།

དེ་ལས་མང་བ་། “གྲོས་འདེབས་སྙིང་གི་ཞུན་ཐིགས།” »

མྱི་ནག་ཚང་།

ཉིན་ཤས་གོང་ངོ་ཤེས་སྐོར་ཞིག་དང་མཉམ་དུ་འཛོམས་ཤིང་། རང་རང་ས་ནས་རེ་རེའི་ཁ་ཕྱེ་རྗེས། ནམ་རྒྱུན་ལྟར་ཉོག་ལྡིར་གྱི་མགོ་བཙུགས།

ཡུ་བྷི་སི་གཙུག་ལག་སློབ་གྲྭའི་དགེ་རྒན་ཡིན་པ་རྒྱ་རིགས་བུད་མེད་ཅིག་གིས་བློ་བཟང་སེང་གེའི་ལངས་ཕྱོགས་གསལ་བོ་མི་འདུག་ཟེར། དེ་ག་ལེར་རྩོད་པའི་ངོ་བོར་འཕེལ། ཚང་མ་རྣམ་རིག་གྲུང་སེར་སོང་བ་མ་གཏོགས། དྲང་པོར་བཤད་ན་ང་ཚོའི་སུ་གང་ལ་གསལ་བོ་བཤད་རྒྱུ་མི་འདུག དེ་ནས་དྲ་ཐོག་ལ་རྒྱུག་སྟེ།

དེ་ལས་མང་བ་། “ཁོང་རང་བཙན་རྩོད་མཁན་ཞིག་མ་རེད་དམ།” »

བསྟན་འཛིན་བློ་གསལ་གྱིས།

༼རྩོམ་ཡིག་འདི་མཐོང་མ་ཐག་ཀློག་མཁན་རྣམས་ཀྱིས། ཇོ་ནང་ཚང་གིས་བོད་གཞུང་ལ་སྐྱོན་བརྗོད་བྱེད་ཀྱིན་འདུག་ཅེས་མ་གསུང་རོགས། ང་ཚོས་རང་གཞུང་ལ་མི་ལོ་ཧྲིལ་བོ་བཅུ་གཉིས་རིང་ལག་ཐལ་མོ་སྦྱར་དེ་གསོལ་འདེབས་ཞུས་པ་ཡིན། འོན་ཀྱང་དོན་འབྲས་རུས་སྦལ་གྱི་སྤུ་ཙམ་མ་བྱུང་བ་མ་ཟད། མཐོང་ཆུང་ཚད་ལས་འདས་པ་བྱས་སྟབས། ཐབས་ཟད་ཨུ་ཐུག་གིས་བསམ་ཚུལ་དྲང་མོར་བཤད་པ་ཡིན་པས་དགོངས་འཇགས་གནང་རོགས།༽

དེ་ལས་མང་བ་། “རྔམ་ནག་ཅིང་གཏིང་རིང་བའི་སྲིད་ཇུས།” »

བདེ་ཆེན་སྤེན་པ།

འདི་ཟླའི་ཕྱི་ཚེས་བཅོ་བརྒྱད་དགོང་མོ་དུས་ཚོད་དྲུག་སྐར་མ་བཅུ་གཅིག་སྟེང་བརྒྱབ་པའི་ས་ཡོམ་དེ་ཚད་རིམ་དྲུག་དང་ཚེག་དགུ་ཡིན་པ་དང་།རྒྱ་གར་བྱང་ཤར་མངའ་ཁུལ་ཀ་རྡོར་སྒང་གསུམ་གྱི་ས་གནས་ཁག་གཙོ་བོ་ཆགས་ཡོད།ཚད་རིམ་དྲུག་དང་ཚེག་དགུ་ཅན་གྱི་རྗེས་སུ་ཡང་བསྟུད་མར་ཚད་རིམ་བཞི་དང་ཚེག་བརྒྱད་དང་།བཞི་དང་ཚེག་དྲུག་སོགས་སྔ་ཕྱི་ཐེངས་ཉི་ཤུར་གཡོ་འགུལ་བྱུང་ཡོད་འདུག

དེ་ལས་མང་བ་། “བློ་ཕམ་ཤོས་ཤིག” »

སྤོབས་པ་མཐའ་ཡས།
བོད་ནང་གི་བླ་མ་མཁས་པ་ཞིག་གིས་ཤོག་བུའི་རླུང་རྟ་གང་སར་གགཏོར་སྲོལ་འདི་མི་བཟང་ཚུལ་གྱི་བཀའ་སློབ་ཅིག་གནང་མྱོང་ཚུལ་སྔོན་ནས་ཐོས། ང་བྱིས་པ་ཡིན་དུས་གཟུངས་སྔགས་སྤར་ནས་དར་ཤིང་ལ་འཕྱར་བའམ་རྡོ་རྩིག་ངོས་སུ་སྦྱར་སྲོལ་སོགས་མཐོང་མྱོང་། ཡིན་ན་ཡང་བར་སྐབས་ཤིག་ནས་ཁ་ཆེ་ཚོང་ཁྲོམ་སྟོན་མཁན་ཚོས་ཀ་ཇུ་ཡས་མས་ནས་རླུང་རྟ་ཤོག་བུར་སྤར་བ་ཆག་པ་ཆག་པ་བྱས་པ་མང་པོ་ཁྱེར་ཡོང་ནས་བཙོང་སོང་། འབྲོག་པ་ཚོས་ཧབ་ཐོབ་བརྒྱབ་ནས་ཉོས་སོང་།

དེ་ལས་མང་བ་། “ཤོག་བུའི་རླུང་རྟ་གཏོར་སྲོལ་འདི་ལ་དགོངས་ཚུལ་གང་ཡོད།” »

སྤོབས་པ་མཐའ་ཡས།
དེང་སང་ནུབ་ཕྱོགས་ཀྱི་སངས་རྒྱས་པ་ཚོས་བོད་ཀྱི་ནང་བསྟན་པའི་རོལ་ཆའི་བྱེ་བྲག་གླུ་ལེན་ཕོར་བ་Singing Bowlཞེས་པ་ཞིག་བེད་སྤྱོད་བྱེད་སྲོལ་ཆེན་པོ་འདུག འདི་ཡང་སྙིང་ཅི་ཞིག་རེད། ང་ཚོའི་འདོན་ཆོག་ཚོ་དང་ལྷན་སྦྱར་དུ་ཡོད་པའི་འབུད་རྡུང་དཀྲོལ་གསུམ་གྱི་རྣམ་བཞག་གང་ན་ཡང་གླུ་ལེན་ཕོར་བ་ཞེས་པ་ཞིག་མཐོང་མ་མྱོང་། སངས་རྒྱས་པའི་དད་ལྡན་ཡིན་ཟེར་མཁན་ཕྱི་མི་ཞིག་གི་ཁྱིམ་གྱི་མཆོད་སྒམ་སྟེང་ན་གླུ་ལེན་ཕོར་བ་ཆེ་ཆུང་མང་པོ་ཞིག་བཤམ་འདུག ང་ཁོའི་ནང་དུ་སླེབས་སྐབས་ཁོས་གླུ་ལེན་ཕོར་བ་དེ་ཚོ་མར་བླངས་ནས་ངའི་ལག་ཏུ་བཞག་ནས་རྡུང་དུ་འཇུག ངས་གླུ་ལེན་ཕོར་བ་ཡིན་ནམ་དེ་རྡུང་མི་ཤེས།

དེ་ལས་མང་བ་། “གླུ་ལེན་ཕོར་བ་ཞེས་པ་དེ་ཅི་ཞིག་རེད།” »

བོན་རྒྱ་བསྟན་འཛིན་རབ་རྒྱས།

༡ ༽ བཙན་བྱོལ་གཞུང་མང་གཉིས་ཀྱིས་མ་བཏང་བའི་ཐ་སྙད།

བོད་པ་བཙན་བྱོལ་བ་ཚོས་ཕ་ས་བློས་བཏང་། ཕ་ཡུལ་བློས་བཏང་། ཕ་མ་བློས་བཏང་། ཕུ་ནུ་བློས་བཏང་། རང་བཙན་བློས་བཏང་། དབུ་མ་བློས་བཏང་། ཐ་ན་རང་གི་སྐད་དང་ཡི་གེ། སྲོལ་རྒྱུན་གྱི་ཀུན་སྤྱོད་མ་ལུས་བློས་བཏང་དང་གཏོང་བཞིན་པའི་སོ་ན་གནས་པའི་སྐབས་འདི་འདྲ་ཞིག་ལ་ངོ་མཚར་རྨད་བྱུང་གི་གཏམ་རྒྱུད་ཅིག་བྱུང་བ་ནི། བོད་གཞུང་མང་གཉིས་ཀྱིས་ཐ་སྙད་གཅིག་བློས་མ་བཏང་བ་དེ་རེད། ཐ་སྙད་རྩ་ཆེན་དེའི་མིང་ལ་”བཙན་བྱོལ་བོད་གཞུང་”ཞེས་འབོད་ཅིང་། དེ་ལ་བཀའ་ཟུར་ལྷན་ཚོགས་རང་འགུལ་གྱིས་འཛོམས་ནས་ཐ་སྙད་དེ་སྒུལ་མི་ཆོག་པའི་བསམ་འཆར་མཚན་རྟགས་དགུ་གནོན་གྱིས་ཕེབས་བྱུང་བ་མ་ཟད། ཕྱོགས་མཐའ་ཁག་གི་གཉུག་མར་གནས་པའི་མི་མང་གིས་ཀྱང་དེ་ལ་ཁབ་གཙག་ཙམ་ཡང་བྱས་མི་ཆོག་པའི་བསམ་ཚུལ་ཆར་རྗེས་ཀྱི་ཤ་མོ་བཞིན་བརྡོལ། ཐ་ན་ཕྱི་རྒྱལ་ན་ཡོད་པའི་བོད་པ་རྒྱུ་ཆེན་ཚོས་ཀྱང་ངར་ངར་འཇིགས་འཇིགས་ཀྱིས་དོན་དག་དེ་ཁྱེར་ནས་ཐོན་ཞིང་། དྲ་ཐོག་གི་བདག་མེད་མཁས་པ་ཚོས་ཀྱང་ཐ་སྙད་དེ་ནི་བོད་ཀྱི་བླ་ཡིན་རབས་དང་། བོད་མིའི་སྲོག་ཡིན་རབས་ཀྱི་གནས་ལུགས་འུར་གྱིས་གླེང་འགོ་ཚུགས། དེ་དག་གི་ཤུགས་རྐྱེན་ལས་བོད་གཞུང་མང་ཚོགས་ཆེན་ཐེངས་གཉིས་པའི་སྟེང་ཚོགས་ཆུང་རེ་རེའི་ནང་དུ་ཐ་སྙད་དེར་མང་མོས་ཀྱི་རྒྱལ་ཁ་ཐོབ་ཞིང་། ཐ་མའི་ཚོགས་ཆེན་གྱི་མཇུག་སྡོམ་ནང་དུ་ཐ་སྙད་དེར་སྤྱི་མོས་ཀྱི་དཔའ་དར་འཐེན་ཡོད། སྤྱིར་ན། ཕྱི་ནང་ཆབ་སྲིད་ཀྱི་གནོད་ཤུགས་དང་རྒྱ་ལ་ཁོར་ཡུག་བསྐྲུན་པ་སོགས་ཀྱི་སླད་དུ་བོད་ཀྱི་རང་སྐད་གཙང་མའི་ཐ་སྙད་ཁྲིམས་ཀྱིས་བཀག་པ་ནི། ད་ཐེངས་ཙམ་མིན་པར་རྒྱ་དམར་སོགས་ཐ་སྙད་མང་པོ་ཞིག་ལོ་ཤས་སྔོན་ནས་བཀའ་ཤག་གོང་མ་ཚང་གིས་ལྔ་ལམ་དུ་བཏང་ཡོད། ཡིན་ནའང་། དེ་དག་ལ་ཕངས་སེམས་ཀྱི་རྣམ་འགྱུར་ཙམ་ཡང་སྟོན་མཁན་མེད་པའི་ཚུལ་དུ་གྱུར་མོད། ད་ཐེངས་བོད་གཞུང་མང་གཉིས་ཀྱིས་”བཙན་བྱོལ་བོད་གཞུང་”ཞེས་པའི་ཐ་སྙད་དེ་གཏན་ནས་མ་བཏང་བའི་ངང་ཚུལ་དེ་ནི་དངོས་གནས་ཡ་མཚར་བ་ཞིག་རེད།

དེ་ལས་མང་བ་། ““གཞུང་”ཞེས་པ་ལས་ཀྱང་”བཙན་བྱོལ་”གལ་མི་ཆེའམ།” »

ཐེངས་འདིའི་སྤྱི་འཐུས་གྲོས་ཚོགས་ནས་གངས་ཅན་བོད་ཀྱི་ལོ་རྒྱུས་སྤྱི་དང་། ལྷག་དོན་ཆབ་སྲིད་ཀྱི་འཛིན་སྐྱོང་ལ་ཕུགས་གནོད་ཀྱི་ལས་དོན་ཐབས་སྐྱོ་པོ་ཞིག་བྱས་པར་བརྟེན་ང་ཚོ་གཞིས་བྱེས་གཉིས་སུ་གནས་པའི་བོད་མི་ཡོངས་ཀྱི་བློ་ཡིད་ཕམ་དགོས་པ་ཞིག་བྱུང་། སྤྱི་འཐུས་རྣམ་པ་ཚོ་ནི་གཞིས་བྱེས་བོད་མིའི་རེ་འདོད་མཚོན་མཁན་ཞིག་ཏུ་བརྩིས་ཏེ་མགྲིན་ཚབ་ལ་བདམས། འོན་ཀྱང་། སྐབས་འདིར་བོད་རྒྱལ་ཁབ་ཀྱི་ཤི་སོན་དང་མི་རིགས་ཀྱི་སྙིང་སྟོབས་འཕེལ་བའི་གནད་དོན་གལ་ཆེན་པོ་དེ་གཉིས་ཀྱི་ཐོག་ལ་མང་མོས་བྱུང་མེད།
མ་འོངས་པར་གནད་དོན་དེ་ལས་བྱུང་བའི་འགན་འཁྲིའམ་ཐ་ན་ཉེས་པ་སྐབས་བཅོ་ལྔ་པ་འདིའི་སྤྱི་འཐུས་མི་རེ་ངོ་རེ་ནས་འཁྱེར་དགོས་པ་རེད། ཁྱེད་རྣམ་པ་ཚོས་གསལ་པོ་ཤེས་དགོས་པ་ཞིག་ལ། “སྲིད་གཞུང་”ཞིག་མེད་པའི་རྒྱལ་ཁབ་ག་པར་འདུག་གམ།

དེ་ལས་མང་བ་། “སྐབས་བཅུ་བཅོ་ལྔ་པའི་བཙན་བྱོལ་བོད་མིའི་སྤྱི་འཐུས་ལྷན་ཚོགས་ཀྱི་སྙན་ལམ་དུ།” »

(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
ཁྲ་མིག་བསོད་ནམས་རྒྱལ།
ངས་ཅི་ཞིག་བཅའ་འདོད་ཀྱི་སེམས་པ་ཡིས་ངའི་ལུས་པོར་ངར་དང་ཚ་བས་བརྟས་ཏེ། ང་གཉིད་ལས་སད་པར་བྱས། ང་། གཉིད་ལས་སད་དུས། ནགས་ཚལ་སྟུག་པོ་རྫི་གསེང་ཞིག་ན་ཐུག་ཐུག་ལ་རག་རག་དང་མཐོང་མཐོང་ལ་རིག་རིག་བྱེད་ཀྱིན་བཀྲེས་་སྐོམ་གྱིས་མནར་བའི་སྤྱང་ཀི་ཞིག་དང་འདྲ་བར་ལྷག་འདུག། ནགས་ཚལ་དེ་ལ་ཚིང་ཚང་གི་ཁྱད་ཆོས་ཀྱིས་ཕྱུག་ན་ཡང་། ད་དུང་འཇམ་ཤ་དང་སོབ་སོབ་ཀྱི་ཆ་ཤིག་ཀྱང་ལྡན་པས། ངའི་རྐང་ལག་དང་ངོ་གདོང་། ཁ་མཆུ་སོགས་ཀྱི་འཕག་འཚག་དང་འགུལ་བསྐྱོད་ལ་དེ་འདྲའི་ཚགས་ཆེན་པོ་ཞིག་སྟོབ་མ་སོང་། ད་དུང་། དེ་ནི་སུ་ཞིག་གི་མགོ་བོ་ལྟ་བུའི་ནགས་རི་ཆེན་པོ་ཞིག་ཡིན་པ་ཡང་ངས་གཞི་ནས་ཤེས་སོང་།

དེ་ལས་མང་བ་། “འཚོལ་སྙེག” »

མཁན་སྤྲུལ་ཐུབ་བསྟན་མཁྱེན་བརྩེ་བློ་གྲོས།

ཡ་ཡ། རྟ་ནག་པ། མ་གཞི་དེ་རིང་ངས་ཁྱོད་ལ་ལན་མ་བྲིས་ཀྱང་ཆོག ངོ་མ་བཤད་ན་འབྲི་འདོད་ཀྱང་མི་འདུག ངས་འབྲི་འདོད་མི་འདུག་ཟེར་བ་དེ་ལ་ཕྱོགས་གསུམ་གྱི་རྒྱུ་མཚན་ཡོད།
རྒྱུ་མཚན་དང་པོ།
ང་ནི་ཁྱོད་དང་བསྡུར་ན་མི་ལོ་ཧྲིལ་པོ་བཅུ་བཞི་བཅོ་ལྔའི་རིང་གཞུང་ལུགས་རབ་འབྱམས་ལ་སྦྱངས་པ་མཐར་ཕྱིན་ནས། ཐོས་བསམ་པ་སྟོང་ཕྲག་དུ་མའི་ནང་ནས་འབུར་དུ་ཐོན་ཏེ་ལུགས་མཐུན་གྱི་གོ་མིང་ཐོབ་པ་ཞིག་ཡིན་པས། ཡོན་ཏན་ཆུང་ཆུང་ང་རྒྱལ་ཆེ།། སྙེ་མ་སྟོང་པ་མགོ་འཕང་མཐོ་ཟེར་བའི་དཔེ་ལྟར། ཁྱོད་ལྟ་བུ་ཡོན་ཏན་གྱི་རྨང་གཞི་ཅི་ཡང་མེད་ཀྱང་ཡིག་རྨོངས་སེལ་ཙམ་གྱིས་ང་རྒྱལ་གྱི་ལྟོ་བ་ལྒང་ཕུག་བཞིན་སྦོས་པ་ཞིག་དང་མཉམ་དུ་བགྲོ་གླེང་བྱེད་ཁུལ་བྱེད་པ་ནི། ཨ་སྒོར་ས་ཡ་དུ་མའི་མ་རྩ་ཅན་གྱི་ཕྱུག་བདག་ཅིག་དང་། ཧིན་སྒོར་ལྔ་བཅུའི་ཁ་མི་གང་བའི་སྤྲང་པོ་ཞིག་གཉིས་ཀྱིས་མ་རྩ་མཉམ་དུ་བཞག་སྟེ་ཚོང་རྒྱག་རྒྱུའི་གྲོས་མོལ་བྱེད་པ་དང་འདྲ་བས། ངས་ངོ་མ་ཁྱོད་དང་མཉམ་དུ་རྩོད་གླེང་བྱེད་རྒྱུ་དེ་ལ་ང་རང་ཡང་ངོ་ཚ་གི་འདུག དེར་མ་ཟད་མི་ལོ་བཅུ་བཞི་བཅོ་ལྔའི་རིང་། ལུང་དང་རིགས་པའི་བང་མཛོད་དུ་གྱུར་པའི་མཁས་པ་བརྒྱ་ཕྲག་དུ་མ་དང་མཉམ་དུ་འཆད་རྩོད་ཀྱི་ལམ་དུ་ཞུགས་ཤིང་། ཡོན་ཏན་གྱི་རྨང་གཞི་ཟབ་ཅིང་རྒྱ་ཆེ་བའི་མཁས་པ་རྣམས་དང་བགྲོ་གླེང་གི་ཞུན་ཐར་གཅོད་སྐབས། ཁོང་རྣམས་ཀྱི་ཐད་ཀར་ལངས་རྒྱུ་ཤིན་ཏུ་དཀའ་བའི་ཉམས་མྱོང་མཐར་ཕྱིན་ཡོད་པས། དེ་རིང་ཁྱོད་ཀྱིས་ང་ལ་བསྙད་པ་ཡིན་སྐད་ཀྱི་ལན། བྱིས་པའི་གཉིད་ལབ་བམ། རིག་ཚོ་མ་ཟིན་པའམ། ར་བཟི་བའི་དུས་ཀྱི་སྐད་ཆའམ། གཡེམ་མ་མུ་ཆོར་སྨྲ་བའི་གཏམ་དང་འདྲ་བོ་དེ་མཐོང་བས་ངོ་མ་སྙིང་རྗེ་ཕྲན་བུ་ཞིག་ཀྱང་སྐྱེས་སོང་། ལན་རྒྱག་རྒྱུ་མེད་ཀྱང་ད་དུང་ཨུ་ཚུགས་བྱས་ནས་ཅིག་འབྲི་ཁུལ་བྱེད་པ་དེ་ངོ་ཚ་ནས་ཁས་ལེན་མ་ཕོད་པ་ཙམ་དང་། ངོས་ལེན་བྱེད་རྒྱུའི་བློ་ཁོག་གིས་མ་འདང་བ་ཙམ་རེད།

དེ་ལས་མང་བ་། “རྟ་ལྤགས་བཤུ་བ།” »

མི་ནག་མདུང་ཐུང་།

ང་རང་༼ཁ་བརྡ༽་ཀློག་པ་པོ་དཀྱུས་མ་ཞིག་ཡིན། ཕལ་ཆེར་འདིའི་སྟེང་གི་རྩོམ་ཡིག་ཆ་ཚང་བཀླགས་ཡོད་ལབ་ན་འགྲིག་པ་ཞིག་ཡིན། འདི་ངས་ཚོད་བཤད་བྱས་པ་དེ་འདྲ་མིན། རྩོམ་ཡིག་མང་ཆེ་བ་ཞིབ་ནན་གྱིས་བཀླགས་ཡོད། རིགས་གཅིག་ནི་རབ་བེ་རིབ་རེ་ཞིག་ལས་བཀླགས་མེད། ཁ་བརྡའི་འཕེལ་རིམ་འདི་དང་ངའི་ཤེས་ཡོན་གོང་འཕེལ་གཉིས་མཉམ་དུ་འཚར་ལོངས་བྱུང་བ་ཞིག་ཡིན། ངས་དྲ་ཚིགས་འདི་བཀླགས་ནས་སློབ་སྦྱོང་ལེན་གྱི་ཡོད། སློབ་སྦྱོང་མང་པོ་རག་སོང་། མ་ཤེས་པ་མང་པོ་ཞིག་ཤེས་བཅུག་སོང་། ཁ་བརྡ་ནི་ངའི་དགེ་རྒན་ཞིག་ཡིན། དེ་ལྟར་ན། ཁ་བརྡའི་ནང་གི་མཁས་པ་རྒན་གཞོན་ཁྱེད་རྣམ་པ་ཚང་མ་ངའི་དགེ་རྒན་ཡིན། མཆན་འདེབས་མཁན་མང་པོ་ཞིག་ངའི་སློབ་གྲོགས་ལྟ་བུ་ཡིན།

དེ་ལས་མང་བ་། “དགེ་རྒན་ལྟ་བུའི་ཁ་བརྡ།” »