རྟ་ནག་སྐལ་བཟང་ལུང་རིགས།
______________མཁན་སྤྲུལ་ཐུབ་བསྟན་མཁྱེན་བརྩེ་བློ་གྲོས་སུ་འབོད་པ་དེར་ལན་དུ་གླན་པ།

ཉེ་སྔོན་སྤེལ་མ་ཐག་པ་ཙམ་དུ་ཟད་པའི་“ ཀླུ་སྨྱོན་རྩོམ་རིག་བྱ་དགའ་ལས་འཕྲོས་པའི་རྒོལ་གཏམ།”ནི་མེ་སྟག་དམར་ཚག་གེ་བ་ཞིག་ཡིན་པར་བཤད་ན་ཆུང་དྲགས་པའི་སྐྱོན་དང་། ཞུགས་ཆེན་དམར་ལམ་མེ་བ་ཞིག་ཡིན་པར་བསྙད་ན་དེ་ཡང་ཐལ་སོང་བའི་སྐྱོན་ཅི་རིགས་རེ་དབབ་ཏུ་སྲིད་མོད། གང་ལྟར་ཚིག་གྲུབ་ཁ་རྡུགས་མ་རེ་རྟབ་རྟབ་པོར་བསྒྲིགས་ནས“རྟ་ནག་གིས་ཕྲག་དོག་བྱས་སོང་” དང་། “རྟ་ནག་ལ་ངོ་ཚ་རྒྱུ་མི་འདུག”སོགས་བསྙད་མཁན་གྱི་དྲ་འབུ་ཟོག་ཞད་ཅན་དག་ལ་ནི་བདག་གི་དྲ་རྩོམ་དེས་འགྲམ་ལྕག་ཚ་བེར་བེར་བ་ཞིག་བཞུས་སོང་ནི་སུ་ལ་བསྙོན་ཨང་།

དེ་ལས་མང་བ་། “མཁན་སྤྲུལ་དང་མཁན་སྤྲུལ་དག་གི་སྙིང་རྩ་སྤར་མོས་བསྒགས་པ།” »

རང་དབང་ལྷ་མོ།
བཀའ་ཁྲི་བློ་བཟང་སེངྒེའི་ཕྱག་རོགས་བཀའ་བློན་རྣམ་པའི་ཕྱོགས་སུ། གུས་མོས་བསམ་ཚུལ་ཞིག་ཞུ་རྒྱུ་ཡིན། བདེ་སྲུང་བཀའ་བློན་ནི། འབྲོང་ཆུང་དངོས་གྲུབ་ལགས་ཡིན་པ། བཀའ་ཁྲི་བློ་བཟང་སེངྒེ་ལགས་ཀྱིས་ཡོངས་གྲགས་ཀྱིས་གསུངས་ཚར་བ་ཡིན་དུས། སུས་ཀྱང་འགྱུར་ལྡོག་གཏོང་ཐུབ་རྒྱུ་མ་རེད་དེ། སྤྱི་འཐུས་རྣམ་པའི་ཐུགས་ལ་འབབ་མིན་དཀའ་སེ་རེད་སྙམ།
ཕྱི་དྲིལ་བཀའ་བློན་ནི། སྤྱི་འཐུས་ཚོགས་གཞོན་ཟུར་པ་རྒྱ་རི་སྒྲོལ་མ་ལགས་ཡིན་ན། དགེ་མཚན་གསུམ་འདུག ༡ འབྲེལ་བ་བྱེད་སྤྱད་ཀྱི་ཆ་རྐྱེན་གཙོ་བོ་སྐད་ཡིག་རང་རྐྱ་འཕེར་བ་ཡོད་པ། ༢ འབྲེལ་བ་ལ་བྱེད་ཕྱོགས་ལ་ཉམས་མྱོང་ཆེན་པོ་ཡོད་པ་མ་ཟད། ཤུགས་རྐྱེན་ཡང་ཆེ་བ།

དེ་ལས་མང་བ་། “ཕྱག་རོགས་བཀའ་བློན་རྣམ་པ་སུ་སུ་ཡིན་ནམ།” »

མཁན་སྤྲུལ་ཐུབ་བསྟན་མཁྱེན་བརྩེ་བློ་གྲོས།
ཁར་སང་དེ་རིང་བཤད་གྲྭའི་ལས་དོན་གྱི་བྲེལ་བ་ཧ་ཅང་ཆེ་བས་རྟ་ནག་པ་ལ་གཤག་བཅོས་དགུ་སྐོར་བྱེད་པའི་ཆེད་རྩོམ་འདིར། གླེང་བརྗོད་དང་བྱུང་རིམ་སོགས་ཀྱི་སྤྲོས་པ་རྒྱས་པར་མི་དགོས་པར་བྱས་ཏེ་ཚིག་ཉུང་ཉུང་གང་ཐུབ་ཐུབ་ཀྱིས་དོན་དངོས་ལ་ཐད་ཀར་འཇུས་ན།
གཤག་བཅོས་དང་པོ། ཟླ་ཤས་ཀྱི་གོང་རྟ་ནག་པ་སྐལ་བཟང་ལུང་རིགས་ཀྱིས། “ཆུང་ངུ་ཞིག་ཆེན་པོར་འགྱུར་དགོས་ན་ཆེན་པོ་ཞིག་ལ་འགྲན་ཚུགས།” ཟེར་བའི་རྒྱ་མིའི་གཏམ་དཔེ་འདི་དྲངས་ནས་མི་གཞན་ལ་བསྡིགས་སོང་བ་བཞིན། ད་རེས་ཁོ་རང་གིས་ཁོ་རང་ཆུང་ངུ་ནས་ཆེན་པོར་འགྱུར་བའི་རེ་སྟོང་བཅངས་ཏེ། ཀླུ་སྨྱོན་དང་ཀླུ་སྨྱོན་གྱིས་བོད་པའི་ཤེས་ལྡན་མི་སྣར་ཞབས་ཞུ་སྒྲུབ་བཞིན་པའི་ཁ་གཏད་དུ་ལངས་ཁུལ་བྱས་འདུག

དེ་ལས་མང་བ་། “རྟ་ནག་པ་ལ་གཤག་བཅོས་དགུ་སྐོར།” »

བསྟན་འཛིན་ཤེས་རབ།

ཀ་ཡེ་གྲོགས་ཀླུ་སྨྱོན་ལགས། ང་ཚོས་རིན་ཐང་གི་ཆ་ནས་བཤད་ཡོང་དུས། ཉིད་ཀྱིས་ཕྲག་དོག་གི་སྐེ་ནས་དྲུད་ཡོང་གི་འདུག འུ་ཅག་སུ་དང་སུ་ཡིན་རུང་བོད་ཀྱི་སྐད་ཡིག་རིག་གནས་དང་རྩོམ་རིག་སྒྱུ་རྩལ་བསམ་གྱི་ཡོད་པ་རེད། ང་ཚོས་ཉིད་ཀྱིས་རྩོམ་རིག་བཟང་རྟགས་སྟེར་བའི་དོན་བཟང་དེ་འདྲ་ཞིག་སྒྲུབ་པ་འགྲིག་མི་འདུག་ཟེར་བ་མ་ཡིན་པར། རིན་ཐང་གི་ངོས་ནས་སྒྲུབ་སྟངས་དེ་འགྲིག་མི་འདུག་ཟེར་གྱི་ཡོད། ཉིད་ཀྱིས་རང་རེའི་རྩོམ་རིག་ལ་དོན་བཟང་ཞིག་སྒྲུབ་འདོད་ཡོད་ན།

དེ་ལས་མང་བ་། “གྲོགས་ཀླུ་སྨྱོན་ལ་ལན་དུ་ཕུལ་བ།” »

རྟ་ནག་སྐལ་བཟང་ལུང་རིགས།

“རང་ཉིད་ཀྱི་འཚོ་བའི་ཐད་ཀྱི་ཁ་རྗེ་དབང་ཐང་ལ་དམིགས་ཏེ་བྲིས་པའི་བརྩམས་ཆོས་དག་ལ་རྩོམ་རིག་གི་རིན་ཐང་དང་བསམ་གཞིག་གི་རིན་ཐང་ཟེར་བ་ཞིག་གང་ན་ཡོད་དེ་གཞར་ནས་མེད་དོ།།” _______རྒྱ་ནག་གི་ན་གཞོན་རྩོམ་པ་བོ་ཡེས་ཅེས་ནས།

བྱེས་ཡུལ་གྱི་བོད་ཡིག་དྲ་ཚིགས་ཁག་ལས་བདག་ཉིད་ཆེས་མོས་སའི་དྲ་བྱང་གཉིས་ཤིག་ཡོད་དེ། <དུས་བབ>དང་
<ཁ་བརྡ>གཉིས་ཡིན་ནོ།། རྒྱུ་མཚན་ནི་དུས་བབ་ཀྱིས་གསར་འགྱུར་ལས་གནད་དོན་འགངས་ཆེན་དུ་བཟུང་བས་ཡིན་ལ། ཁ་བརྡ་ཡིས་ཅི་དང་གང་ཡང་བསྙད་ཆོག་པའི་གླེང་སྟེགས་ཀྱི་ཤོག་ལྷེ་ཞིག་ཁ་ཕྱེ་ནས་ཡོད་པས་ཡིན། དེ་ལྟ་ནའང་། ཉིན་འགའི་སྔ་ནུབ་ཏུ<ཁ་བརྡ>ཚང་གི་བདག་པོ་ངོ་མ་ནི་ཀླུ་སྨྱོན་འབའ་ཞིག་ཏུ་གྱུར་ཅིང་། ཀླུ་སྨྱོན་ཁོ་ན་མངོན་བསྒྲགས་བྱ་ཡུལ་གྱི་ཤོག་ལྷེ་འབའ་ཞིག་ཏུ་གྲུབ་སོང་། <ཁ་བརྡ>ཚང་གི་དྲ་བྱང་རྡེག་ཐེངས་རེ་རེར “ཀླུ་སྨྱོན་རྩོམ་རིག་བྱ་དགའི་འགྲན་རྩོམ”ཞེས་པའི་ཡིག་རྡོག་འགས་ཁ་བརྡ་ཚང་ལེབ་ཀྱིས་མནན་འདུག་པ་མཐོང་ལ། འགྲན་རྩོམ་དུ་བསྙད་པའི“ཡི་གེའི་སྙིགས་རོ”དེ་དག་གིས་བཙན་བྱོལ་རྩོམ་རིག་གི་ཁོར་ཡུག་ཧྲིལ་གྱིས་བརྫད་འདུག་པ་མཐོང་ངོ་།།

དེ་ལས་མང་བ་། “ཀླུ་སྨྱོན་རྩོམ་རིག་བྱ་དགའ་ལས་འཕྲོས་པའི་རྒོལ་གཏམ།” »

རྡོ་རྗེ་བདུད་འཇོམས་ནས་བྲིས།།
༧གོང་ས་སྐྱབས་མགོན་ཆེན་པོས་ད་ཆ་ང་ཚོ་བོད་མི་གཅིག་འཕྲོ་བརླག་ཏུ་སོང་ཡང་ཕངས་སེམས་སྐྱེ་གཞི་རེད་ཅེས་གསུངས་པ་ལྟར།བོད་མི་རིགས་ཆགས་འཇིག་གཉན་འཕྲང་སྐབས་འདིར་སྤྱིར་བོད་མི་ཅིག་དང་ཡང་སྒོས་གཞོན་སྐྱེས་ཚོ་འཕྲོ་བརླག་ནུས་མེད་དུ་སོང་ན།ཆེ་ས་ནས་མི་རིགས་ཀྱི་འཐབ་རྩོད་ལ་ཕན་རོགས་མི་ཐུབ་པ་དང་ཆུང་ས་ནས་རང་གི་འཚོ་གོས་ཙམ་ཡང་དོན་གཉེར་མི་ཐུབ་མཁན་ཅིག་ཆགས་ན།མི་རིགས་ཀྱི་གྱོང་དང་སྤྱི་ཚོགས་ཀྱི་ཁུར་བོ་ཡང་ཡིན་པས་བོད་མི་སྤྱི་སྒེར་སུ་ཡིན་ན་གནད་འགག་འདིར་ཟབ་དགོས་སྙམ།

དེ་ལས་མང་བ་། “རྡ་རམ་ས་ལར་བོད་མི་གཞོན་སྐྱེས་མང་པོ་འཕྲོ་བརླག་ཏུ་འགྲོ་བཞིན་པ།” »

ཨ་རིག་དགེ་མཐོང་། ལེའུ་ཚན་གཉིས་པ།

གོང་དུ་སྒོར་མོ་དང་དགོན་པའི་གནད་དོན་རགས་བསྡུས་ཤིག་བཤད་ཟིན་མོད། ད་དུང་དེ་ཙམ་གྱིས་མཇུག་ག་ལ་རྫོགས། མུ་མཐུད་ནས་གནད་དོན་བྱེ་བྲག་པ་རེ་གླེང་དོན་བྱུང་། འདི་ལྟར་གླེང་ན་ཕྲན་ལ་ཐོབ་བྱ་མ་དགོས་མྱི་ཁའི་མདུང་རྩེ་ནས་ལངས་དགོས་ཀྱང་། ངས་རང་ཉིད་ཀྱི་བདེ་སྡུག་ཅིག་གི་སླད་དུ་ཁུ་སིམ་མེར་བསྡད་ན་གཞུང་སྒེར་ལ་འཐུས་ཤོར་ཆེ་བར་སྙམ་ནས་གླེང་བ་ཡིན། བོད་ཀྱི་དགོན་སྡེ་ཚོས་སྒོར་མོ་གསོག་སྟངས་དང་ཉར་སྟངས་དེ་ནི་རྩ་བ་ནས་འཐུས་ཤོར་འགྲོ་གྱིན་འདུག སྔོན་བོད་ནང་དུ་དཔེར་བླངས་ན་ཡང་།

དེ་ལས་མང་བ་། “སྒོར་མོ་དང་དགོན་པ།” »

ཁྱོད་ཀྱི་སྐྱེས་སྐར་ལ་ཕུལ།

འགར་ཚེ་རྒྱལ།

དེ་རིང་ནི་ཁྱོད་ཀྱི་མི་ཚེ་ལ་དབུ་ཁྱུད་བྲིས་པའི་ཉི་མ་དེ་རེད།
མཐའ་ཡས་པའི་ནམ་མཁའ། ཁོད་ཡངས་པའི་ས་གཞི།
དེ་རིང་གི་ཉི་མ་འདི་ཡོད་པས་ཁྱོད་ཀྱི་མངའ་ཐང་ཡིན།
ངས་ཀྱང་དེ་རིང་གི་ཉི་མ་འདི་མཛུབ་རྩེར་སྒྲོན་ནས།
རྒྱང་རིང་ནས་ཁྱོད་ལ་བཀྲ་ཤིས་པའི་ཁ་གཡང་སྒྲོགས།
ཁྱོད་ཀྱི་སྐྱེས་སྐར་ལ་བཀྲ་ཤིས་བདེ་ལེགས།

དེ་ལས་མང་བ་། “ཟླ་འོད། ད་དུང་སྐར་ཚོགས་ཀྱི་གསོལ་སྟོན།” »

སེར་ཤུལ་རིན་ཆེན་དོན་གྲུབ།

དེང་རིང་གི་ཉིན་མོ་འདི་ནི་ཤེས་རབ་ཀྱི་འོད་སྣང་སྤྲོ་བའི་ཉིན་མོ་ཞིག་སྟེ་དགེ་རྒན་གྱི་ཉིན་མོར་འབོད། ཉིན་མོ་འདི་དགེ་རྒན་གྱི་ཉིན་མོར་སུས་གཏན་ཁེལ་བྱས་པ་ཡིན་མི་ཤེས་མོད། ཡོངས་གྲགས་སུ་དགེ་རྒན་གྱི་ཉིན་མོ་ཞེས་སྲུང་བརྩི་བྱེད་པའི་དུས་ཆེན་གལ་འགངས་ཅན་ཞིག་ཡིན། ངས་ཀྱང་དེ་རིང་གི་དུས་ཆེན་འདི་སྲུང་བརྩི་བྱེད་པར་སྤྲོ། རྒྱུ་མཚན་ཡང་དགེ་རྒན་དང་སློབ་དཔོན་ནི་ཤེས་རབ་ཀྱི་སྒྲོན་མེ་དང་། མུན་སེལ་གྱི་ཟླ་བ། མ་རིག་གི་རྨོངས་སེལ། ཡང་དག་གི་ལམ་སྟོན། དོན་གཉིས་སྒྲུབ་པའི་གྲོགས་མཆོག་བླ་ན་མེད་པ་ཞིག་རེད། སྲུང་བརྩི་བྱེད་སྟངས་སྣ་ཚོགས་ཤིག་མཆིས་མོད་ངས་ནི་རང་གི་ཤེས་ཚོད་ཀྱི་ཆེ་བསྟོད་དང་མཛད་རྗེས་ཕྱིར་དྲན་གྱིས་སྲུང་བརྩི་འདི་ལྟར་བྱེད་འདོད་བྱུང་།

དེ་ལས་མང་བ་། “ཤེས་རབ་ཀྱི་མེ་ཕུང་སྒྲོན་མཁན།” »

(ཀླུ་སྨྱོན་རྩོམ་རིག་བྱ་དགའི་འགྲན་རྩོམ།)
བོན་ནག་ཚང་།

༡༽ གངས་རི་མཐོན་པོའི་ཉེ་འགྲམ། ཆུ་བོ་ཆེན་པོའི་མགོ་ཁུངས། རི་མཐོ་ཞིང་ས་གཙང་བ། བོན་ཤེས་རིག་ཀྱི་ཕ་ས། བསིལ་ལྡན་ཁ་བའི་ལྗོངས་དེ་ནའང་། འཛམ་གླིང་དམག་ཆེན་སྔ་ཕྱིའི་བར་མཚམས་དེར། གནམ་ས་བླ་འོག་བསྒྱུར་བའི་གཡུལ་འཁྲུག་བྱུང་། ལུས་ཟུངས་དང་དཔུང་པ་ཅན་རྣམས་གྲི་རུ་ཤི་ཞིང་། གོ་མཚོན་མེད་པའི་དཔའ་བོ་ཁྱུ་གཅིག་བཙོན་དུ་ཤི། ཕལ་མོ་ཆེ་ནི་ནས་འབྲུ་རེ་ལ་ཟླ་བ་རེ་ཟོས་ཤིང་། རུས་རྐང་རེ་ལ་ལོ་འཁོར་རེ་སྣོམ་ཤིང་མཐའ་མ་དེར་དུང་མདོག་གི་མགོ་རུས་ལ་རླུང་བུས་བཏབ་ན་སིང་སིང་གི་སྒྲ་གྲགས་སྐད། དེ་ལྟར་ཤེས་རབ་ཅན་དང་། ཚུལ་ཁྲིམས་ཅན། བརྩོན་འགྲུས་ཅན་རྣམས་ནི་འཆི་ལུགས་གནག་པོ་ཞིག་གིས་གཤིན་རྗེ་རྒྱལ་པོའི་སྒོ་དྲུང་དུ་དེད་སོང་ཟེར། ང་ཚོའི་མིག་གིས་འཇིག་རྟེན་འདི་མཐོང་བའི་དུས་སུ་རི་བོ་རྣམས་འོ་དོད་ལྷང་ལྷང་དང་། ཆུ་བོ་རྣམས་སྡུག་གཏམ་ཤུབ་ཤུབ་ཏུ་འདུག ལོ་རབས་འདི་དག་ཏུ་ཆེས་ཐབས་སྡུག་གི་དུས་ཚོད་ཉིན་མཚན་འཁྱོངས་དཀའ་བ་ཞིག་སྟེ་ཉི་མ་ལྷོ་རུ་བཞུད་ཅིང་ཟླ་བ་གཟའ་ཡིས་ཟིན་པའི་གནམ་སྟོང་གི་མུན་ནག་སྟེ། མདོར་ན་གངས་རི་ལ་མགོན་པོ་མེད་པའི་ནག་ཁུངས་ཀྱི་མཚན་མོ་དེ་རེད།

དེ་ལས་མང་བ་། “དྲང་སྲོང་གི་མེ་སྟག་ལས་མཆེད་པའི་ཆིག་སྒྲིལ་གྱི་མེ་ལྕེ་དམར་མོ།” »

(ལེའུ་ཚན་དང་པོ།)

ཨ་རིག་དགེ་མཐོང་།

དེང་སང་སྒོར་མོ་དང་དགོན་པ་གཉིས་རྟེན་འབྱུང་ལྟོས་གྲུབ་ལྟ་བུར་བྱས་ནས་འགྲོ་གིན་ཡོད་ལ་འགྲོ་བ་ཙམ་མ་ཟད་ཐལ་ཆེ་དྲགས་ཡོད །དགོན་སྡེ་ཚོ་སྒོར་མོ་ལ་དགའ་བའི་དབང་གིས་དགོན་པའི་བཟོ་ལྟ་ཤོར་མྱོང་ལ་སྒོར་མོའི་སླད་དུ་དགོན་པ་ན་གཏམ་རྒྱུད་དགོད་སྤྲོ་བ་མང་བོ་བཤད་རྒྱུ་ཡོད། སྤྱིར་བཏང་གདན་ས་ཁག་གཙོས་རིས་མེད་ཀྱི་ཆོས་སྡེ་ཚོས་ཉིན་རེའི་སློབ་གཉེར་དང་སྒྲིག་ཁྲིམས་སོགས་ལ་བཟང་ཆ་མང་ལ་སྐྱོན་ཆ་ཡང་རེ་ཟུང་ཡོད། ད་དུང་དགེ་འདུན་པ་བརྒྱ་ཆའི་དགུ་ཅུའི་སློབ་གཉེར་གནང་སྟངས་ནི་དངོས་གནས་རང་གིས་མངོན་སུམ་དུ་མཐོང་བ་མིན་ན་སྒྲོ་བཏགས་ནས་བཤད་ཀྱིན་ཡོད་པ་དྲན་སྲིད་མོད། འདིར་ཉིན་ཁ་ཤས་རིང་བསྡད་མཁན་གྱི་མི་སྐྱ་གང་མང་ཞིག་ཧ་ལས་ཤིང་ཧང་སངས་ཏེ། ཕྱིར་མང་ཚོགས་ཁྲོད་དུ་སླེབས་དུས་ཀྱང་དགེ་འདུན་པའི་སློབ་གཉེར་གནང་སྟངས་ཅི་བཞིན་འགྲེལ་བཤད་གནང་ཡང་།

དེ་ལས་མང་བ་། “སྒོར་མོ་དང་དགོན་པ།” »

༼འདི་ནི་བོད་ནས་ཕྱིར་བསྐྱོད་ལག་ཁྱེར་མེད་པར་གངས་རི་བརྒལ་ཏེ་རྒྱ་གར་དུ་ཡོང་མཁན་ཚོ་ལ་དྲན་རྟེན་དུ་ཕུལ་བ་ཡིན།༽

སློབ་དཔོན་འཇིགས་མེད་བློ་གྲོས་རྒྱལ་མཚན།

བྱང་ཆུབ་སེམས་དཔའི་སྡེ་སྣོད་རྣམས་ལས་བྱུང་བའི་བྱང་ཆུབ་སེམས་དཔའ་ནོར་བཟང་གིས་དགེ་བའི་བཤེས་གཉེན་བཙལ་བ་དང་། བྱང་ཆུབ་སེམས་དཔའ་རྟག་ཏུ་ངུས་དགེ་བའི་བཤེས་གཉེན་བཙལ་བའི་རྣམ་ཐར་ལྟ་བུ་ལ་བལྟས་ན། ཁོ་བོའི་ལོ་རྒྱུས་ལ་གླེང་རིན་གང་ཡང་མེད་མོད། འོན་ཀྱང་དེང་སང་གི་སྐྱེ་བོ་ཆོས་དང་བླ་མའི་ཕྱོགས་ལ་ལེ་ལོ་དང་གཡེལ་ཆུང་བྱེད་མཁན་ཚོར་བལྟས་ན། ཁོ་བོས་དགེ་བའི་བཤེས་གཉེན་བཙལ་བའི་ལོ་རྒྱུས་ཡང་གླེང་ཆོག་ཙམ་ཡོད་པས། འདིར་རང་གི་ལོ་རྒྱུས་ལས་བླ་མ་སྤྱན་རས་གཟིགས་དབང་མཇལ་དུ་ཕྱིན་པའི་ལོ་རྒྱུས་ཁོལ་དུ་ཕྱུངས་ཏེ། དོན་གཉེར་ཅན་རྣམས་ཀྱི་མིག་ལྟོས་སུ་དེབ་ཆུང་འདིའི་ཟུར་རྒྱན་དུ་བཀོད་པ་ཡིན།

དེ་ལས་མང་བ་། “བླ་མ་སྤྱན་རས་གཟིགས་དབང་མཇལ་དུ་ཕྱིན་པའི་ལོ་རྒྱུས་མདོ་ཙམ་བརྗོད་པ།” »

སློབ་དཔོན་འཇིགས་མེད་བློ་གྲོས་རྒྱལ་མཚན།

འདིར་ཉེ་སྔོན་ཁོ་བོས་སྔ་འགྱུར་བཀའ་མའི་དཀར་ཆག་གསར་དུ་བྲིས་པ་དང་འབྲེལ། ངོ་དེབ་དང་། ཁ་བརྡ་སོགས་ཀྱི་ཐོག་ཏུ་སྐབས་ཀྱི་དོན་དང་འབྲེལ་བའི་འདྲི་བ་འགའ་ཞིག་བྱུང་བ་རྣམས་ལ། རང་གིས་གོ་ཚོད་དང་ཤེས་ཚོད་ལྟར་གྱི་ལན་མདོ་ཙམ་དཀྱུས་གཅིག་ཏུ་ཞུ་ན།
༡༽ ཡར་འཕེལ་གྱིས། སྔ་འགྱུར་བཀའ་མའི་ནང་དུ་འདུལ་བ་དང་ཚད་མ་སོགས་ཀྱི་སྐོར་མེད་དོན་ཅི་རེད་ཅེས་པའི་ལན།

དེ་ལས་མང་བ་། “བཀའ་གཏེར་གྱི་དྲིས་ལན་རྟ་ཐོག་མ།” »

བོད། ལྷ་ཀླུ་གཉན་གསུམ།

དེང་སང་དགའ་འོས་པ་ཞིག་ནི། བོད་ཕྱི་ནང་གཉིས་ཀྱི་གཙོ་བའི་བོད་མི་འདུས་བསྡོད་ཀྱི་ཡུལ་གྲུ་ཆེས་མི་ཉུང་བ་ཞིག་ན། བོད་མི་དག་གིས་རང་ངོ་ཟིན་ནས། རང་སྐད་ལ་དུངས་པ་ཞིག་རིམ་གྱིས་བཞུར་ནས་འོང་གི་ཡོད། དེས་ན་ང་ཚོས་བོད་སྐད་གཙང་མ་ཞིག་བཤད་པ་ལ་དམ་བཅའ་འཇོག་པ་དང་འབོད་སྐུལ་ཞུ་བ། ཉེས་ཆད་གཅོད་པ། ཕན་ཚུན་ལ་ངོ་མཚངས་འདྲི་བ་སོགས་བྱེད་འོས་སམ་ཟེར་ནས་གླེང་དགོས་པར་སྙམ། ངས་བསམ་ན་དེང་དུས་ཀྱི་བོད་མི་འདུས་བསྡོད་དང་འཚོ་གནས་ཀྱི་ཡུལ་ཆེ་ཤོས་ནི་བོད་ནང་ཡིན་ལ།

དེ་ལས་མང་བ་། “ཕ་སྐད་མ་སྐྱུར། ཕ་གཞིས་སྐྱོངས་ཤིག” »

སློབ་དཔོན་འཇིགས་མེད་བློ་གྲོས་རྒྱལ་མཚན།

ཆོས་གྲོགས་རྣམས་པ། ཉེ་སྔོན་ཁོ་བོས་ཕྱི་ལོ་༢༠༡༡ཟླ་༨ཚེས་༡ནས་དབུ་བཙུགས་ཏེ། ཉིན་མཚན་ཁ་སྦྱོར་གྱི་བརྩོན་པ་ལྷོད་མེད་བྱས་ནས་ཟླ་དེའི་ཚེས་༢༥ལ་ཀཿཐོག་ནས་ཕྱོགས་བསྒྲིགས་ཞུས་པའི་སྔ་འགྱུར་བཀའ་མ་ཤིན་ཏུ་རྒྱས་པ་པོད་ཆེན་བརྒྱ་དང་ཉི་ཤུ་ཅན་དེ་ལ་དཀར་ཆག་ཤིན་ཏུ་རྒྱས་པ་ཞིག་བྲིས་ཟིན་ཅིང་། དེ་ཡང་སྤྱིར་དཀར་ཆག་འདི་དུས་ཡུན་ཟླ་གཅིག་ཙམ་གྱི་རིང་འབྲི་ཐུབ་པའི་རེ་བ་བྲལ་ཡང་། སྐྱབས་རྗེ་བདུད་འཇོམས་རིན་པོ་ཆེས་ཕྱོགས་བསྒྲིགས་ཞུས་པའི་བཀའ་མ་པོད་ཆེན་ལྔ་བཅུ་རྩ་བརྒྱད་ཅན་ལ་༢༠༠༧གྱི་ལོར་དཀར་ཆག་ཞིབ་མོར་བྲིས་ཟིན་པ་དང་། བཀའ་མ་ཤིན་ཏུ་རྒྱས་པ་འདི་ཉིད་བཀའ་མ་དེ་ལ་གཞི་བྱས་ནས་བསྒྲིགས་པ་ཡིན་སྟབས། དཀར་ཆག་ཀྱང་སྔར་གྱི་དཀར་ཆག་དེས་གཞི་བྱས་ནས་འབྲི་ཐུབ་པས་སྟབས་བདེ་བོ་ཞིག་བྱུང་།

དེ་ལས་མང་བ་། “ཆོས་ཀྱི་མཆོད་སྤྲིན།” »

བོད། ལྷ་ཀླུ་གཉན་གསུམ།

དངོས་ནས་བདག་གི་བུ་ཆུང་ཁྱོད
ཡོང་ལ་ཉེ་བ་ཡིན་ནམ
ཁྱོད་ཀྱི་ཨ་མས་བཤད་ན
ང་ལ་གྲྭ་སྒྲིག་བྱོས་ནས་བསྡོད་ཟེར
མོ་རང་རླངས་འཁོར་གྱི་ཁ་ལོ་བ་རེད
ད་དུང་ ཁྱེད་ཀྱི་ཨ་ཅེ་ཐར་མ་མཚོ་ཡང་ཡོད
དེ་བས་ག་ལ་ཚད ཁྱེད་ཀྱི་ཨ་མྱེ་ལ་རས་ཀྱང་ཡོད
ཁྱོད་ཀྱིས་རང་གི་དྲིན་ཆེན་མ་ལ་དཀའ་ལས་མ་བཟོ

དེ་ལས་མང་བ་། “ཁ་པར་ལ་སྒུག་ཡོད། བུ་ཆུང་ཁྱོད་བདེ་ལེགས་ངང་སྐྱེ་ཤོག” »

ཨ་རིག་དགེ་མཐོང་།

སྤྱིར་བཏང་ཁྱི་འཚོང་ཚང་ཞེས་པའི་ཁ་བྱང་འདི་ཏོག་ཙམ་བདེ་བོ་རང་མི་འདུག་མོད། བསམ་གཞིགས་ཅི་ཙམ་བཏང་ཡང་འདི་ལས་རན་པོ་ཞིག་མ་རྙེད་པའི་ཐ་སྙད་འདི་བེད་སྤྱད་པ་ལ་ཀློག་མཁན་ཚོ་ཐོག་མར་དགོངས་སེལ་ཞུ། ཁྱི་འཚོང་ཞེས་པའི་ཐ་སྙད་འདི་འདོགས་དགོས་པའི་རྒྱུ་མཚན་གཤམ་དུ་བཤད་རྒྱུ་ཡིན་པས་དོན་གཉེར་ཅན་དག་གིས་ཞིབ་གཟིགས་གནང་རོགས། སྔོན་མ་ཞེས་དུས་རབས་མང་བོ་གླེང་མི་དགོས་པར་དུས་རབས་བཅུ་དགུ་བ་དང་ཉི་ཤུ་བའི་མཇུག་ཏུ་བོད་པ་ཚང་ལ་མཚོན་ན་ཁྱི་ནི་རང་གི་སྒོ་ཟོག་སོགས་ལ་བདག་སྐྱོང་བྱེད་མཁན་ཞིག་དང་ཁྱིམ་མི་ལ་འདང་བརྩེ་ཡོད་པ་ཞིག་རེད་ལ། ད་དུང་ཁྱིམ་བདག་ཡ་རབས་ཅན་ཚོས་སྒོ་ཁྱི་དང་ནང་མི་ལ་ཟས་སྐལ་སོགས་ཐད་ནས་གཅིག་མཚུངས་བྱེད་མཁན་ཡོད་པ་ནི་ཁོ་བོས་ཀྱང་མཐོང་ཡོད།

དེ་ལས་མང་བ་། “ཁྱི་འཚོང་ཚང་།” »

ཆོས་ཉིད་འོད་ཟེར་གྱིས་

སློབ་གྲྭ་ནི་རང་གི་ནང་དང་དགེ་རྒན་ཕ་མ། སློབ་གྲོགས་ཚོ་སྤུན་མཆེད་ལྟ་བུའི་འདུ་ཤེས་འཛིན་དགོས་ཞེས་མི་རབས་རྒན་པ་ཚོས་དུས་རྒྱུན་སློབ་གསོ་གཏོང་གི་ཡོད་ལ། སྒོས་སུ་སྐྱབས་བཅོལ་བོད་ཕྲུག་ཚོར་སློབ་གྲྭ་ལས་ནང་དང་ཕ་མ་མེད་མཁན་ཤིན་ཏུ་མང་བས་སློབ་གྲྭ་དེ་མ་ཡུམ་རེད། བོད་ནང་ནས་རེ་བ་ཆེན་པོ་བྱས་ཏེ་ཕ་མ་ཚོས་ཕྲུ་གུ་རྒྱ་གར་དུ་བཏང་བ་དང་། བཙན་བྱོལ་བོད་མིའི་སློབ་གྲྭ་ཁག་ཏུ་སྐྱེལ་བཞིན་ཡོད་ལ། དེར་གནས་མལ་སློབ་སྦྱོང་གྲ་སྒྲིག་གང་འཚམས་ཡོད། ཡིན་ཡང་སློ་གྲྭ་རེ་ཟུང་ནང་འཛིན་སྐྱོང་གིས་ལྟ་སྐྱོང་གིས་མ་འདང་བ་དང་། ཡང་ན་སློབ་མ་སྤྱོད་པ་ངན་པ་སོགས་ཀྱིས་ཧང་སང་དགོས་པའི་དཀའ་ངལ་འཕྲད་མཁན་འབྱུང་གི་ཡོད་པ་རེད།

དེ་ལས་མང་བ་། “འདི་མ་ཡུམ་སློབ་གྲྭའི་བྱམས་བརྩེ་ཡིན་ནམ།” »

ནམ་མཁའ་བསྟན་འཛིན།
རྒྱ་གར་ནས་༧གོང་ས་མཆོག་ཡུལ་གྲུ་གང་དུ་ཕེབས་ཀྱང་གསུང་ཆོས་སྐབས་འཛམ་གླིང་ཤར་ ནུབ་ཀུན་ནས་ཕེབས་པའི་དད་ལྡན་པ་ཚང་མར་རིན་མེད་ཡིན་ཀྱང་། ཕྱི་རྒྱལ་ཡུལ་གྲུ་ཁག་ཏུ་གསུང་ཆོས་བཀོད་སྒྲིག་གནང་སྐབས་ཚོགས་ཁང་དང་ཁྱབ་ བསྒྲགས། བདེ་འཇགས་སྲུང་སྐྱོབ་སོགས་ལ་འགྲོ་སོང་ཆེན་པོ་ཡིན་སྟབས་གསུངས་ཆོས་ཞུ་སྐབས་ འཛིན་བྱང་ཉོ་དགོས་མོད། འདས་བའི་ལོ་འདི་དག་ལ་མིག་གི་མཐོང་ས་རང་ནས་ཆོས་ཚོགས་ཁ་ཤས་ཀྱི་སོ་སོའི་ཚོགས་ པའི་མིང་ཁྱབ་བསྒྲགས་ལ་འགྲོ་ཐབས་དང་ཚོགས་པས་དངུལ་བཟོ་བའི་ཆེད་༧གོང་ས་མཆོག་ གི་གསུངས་ཆོས་དེ་ཚོང་ལས་ཀྱི་ངོ་བོ་ལྟ་བུར་བསྒྱུར་ཏེ་འཛིན་བྱང་ཡང་ཧ་ཅང་གོང་ ཆེན་པོར་བཙོངས་བཞིན་འདུག། དེར་བརྟེན་ཡུལ་མི་སྐྱོ་བོ་དང་སློབ་ཕྲུག་སོགས་ལ་གསུངས་ ཆོས་ལ་བཅར་བའི་གོ་སྐབས་མེད་སྟབས་ཁེངས་ར་བྱེད་མཁན་མང་པོ་འདུག།

དེ་ལས་མང་བ་། “འཇར་མན་ན་མཇལ་ཁ་བཙོང་གིན་འདུག” »