གཡུ་དྲུག་དཀར། རྡ་ས།
སྐྱེས་སྐར་ནི་ཨ་མའི་འཛུམ་ཞལ་ཆེས་ཐོག་མར་མཐོང་བའི་ཉིན་མོ་དེ་ཡིན་ན། དེའི་འཕྲོ་མཐུད་ཀྱི་ལོ་ཟླ་ནི་སྐྱེས་སྟོབས་ཀྱི་མཐུ་ཡོངས་སུ་རྫོགས་པའི་དུས་ཚིགས་ཤིག་འགོ་རྩོམ་པ་ཡིན་ལ། དེ་ཡི་མིང་ལ་ལང་ཚོ་ཡི་དུས་ཟེར་ཞིང་། དེ་ནི་མི་ཚེའི་དཔྱིད་ཀའོ།།
གཞུང་ལུགས་ཀྱིས་སྤྱི་བསྡོམས་བྱས་པ་ལྟར་ན། བྱིས་པ་ཞིག་རང་ལོ་བཅུ་གཉིས་ནས་བཟུང་ལང་ཚོའི་དུས་སུ་སླེབས་འགོ་རྩོམ་ཞིང་། རང་ལོ་བཅུ་བཞི་ནས་ཉི་ཤུ་བར་ལང་ཚོའི་དུས་རིམ་ངོ་མ་དང་། དེ་ནི་མི་ཞིག་གི་གཤིས་རྒྱུད་ཡོངས་སུ་འགྱུར་དུ་འཇུག་པའི་ཉེན་ཚབས་ཅན་གྱི་དུས་སྐབས་ཤིག་ཏུ་ངོས་བཟུང་ཡོད་ལ། བྱིས་པ་ཕལ་མོ་ཆེ་ལ་མཚོན་ན། ལང་ཚོའི་དུས་ཀྱི་ཆེས་གལ་ཆེ་བའི་དོན་ཞིག་ནི། ཁོས་ངེས་བར་དུ་རང་ཉིད་བྱིས་པ་ཞིག་མ་ཡིན་པར་ར་སྤྲོད་ཐུབ་པ་ཡོང་བ་དེ་རེད་ཅེས་ལང་ཚོའི་དུས་ནི་རི་རབ་ལས་དཔང་མཐོ་ཞིང་རྒྱ་མཚོ་ལས་གཏིང་ཟབ་པའི་སྤྱི་ཁོག་ཅིག་མངལ་དུ་སྦྲུམ་པའི་དུས་ཚིགས་ཤིག་ཏུ་བཞེངས་གདའ་ཡང་།

དེ་ལས་མང་བ་། “ང་ཡི་ལང་ཚོ་ཡི་དུས།” »

བོད། ལྷ་ཀླུ་གཉན་གསུམ།
ང་སྐྱེ་མ་ཐག བོད་སྐད་མི་ཤེས། བོད་པ་ཡང་མིན། ཕྱིས་སུ་ང་རང་བོད་པ་ཡིན་པར་ཤ་ཁྲག་ནས་བརྩིས་དེ། ངའི་དྲིན་ཆེན་གྱི་ཕ་མ་ནས་བསླབས་པའི་སྐད་དང་འགྲོགས། ངའི་མིང་ལ་བོད་པ་དང་ངས་བཤད་པའི་སྐད་ཆ་ནི་བོད་སྐད་དུ་གྱུར་བ་ཡིན། དོན་དངོས་སུ་མི་རིགས་ཤིག་དེ་ལྟར་ངེས་བཟུང་བ་འདྲ། དེ་ནས་བཟུང་། ངས་ཀྱང་རང་ཉིད་བོད་ཡིན་པ་ཤེས་ཀྱི་ཡོད། བོད་སྐད་ཡང་བཤད་ཤེས་ཀྱི་ཡོད། རིམ་གྱིས་བོད་ཀྱི་ཡི་གེ་ཡི་འབྲི་ཀློག་ལ་ཡང་གོམ་པ་བསྟེན་རྒྱུའི་སྐལ་བ་བཟང་བོ་དེ་ནི་དྲིན་ཆེན་ཕ་མ་ཉེ་དུ་དག་གིས་བསྐྲུན་པ་ལྟར། རང་ཉིད་ཀྱང་བོད་ཡིག་གི་རྫི་བོ་ཆུང་ཆུང་ཞིག་དུ་གྱུར།

དེ་ལས་མང་བ་། “ང་སྐྱེ་མ་ཐག བོད་སྐད་དང་བོད་ཡིག་མི་ཤེས།” »

འདྲེ་མགོ་མདོ།

སྲིད་སྐྱོང་པ་སྐུ་ཞབས་བློ་སེང་གིས་ཁས་ལེན་དམ་བཅའ། སྲིད་བྱུས། ཡང་ན་ལས་འཆར། དེ་བཞིན་འཆར་སྣང་བཅས་སུ་བོས་ཆོག་པའི་སྒྲུབ་བྱའི་དོན་ཚན་འདི་བདུན་༧ པོ་འདི་དག་ཐབས་ལམ་གང་འདྲ་ཞིག་བརྒྱུད་དེ་ལེགས་སྒྲུབ་བྱས་ན་དགའ་འམ། དེ་ལ་ཤེས་ཡོན་པའི་སྡེ་དང་མི་མང་གི་ངོས་ནས་རྒྱབ་སྐྱོར་ཆིག་སྒྲིལ་གང་འདྲ་ཞིག་བྱེད་དགོས་སམ། ཁོང་གི་དོན་ཚན་བདུན་༧ གཤམ་ལ་བཀོད་ཡོད།

དེ་ལས་མང་བ་། “སྲིད་སྐྱོང་བློ་སེང་གི་དོན་ཚན་བདུན།” »

སློབ་དཔོན་རྒྱ་མཚོའི་སྤྲིན་གྱི་ལང་ཚོ།

ཉིན་ཤས་སྔོན་ཁོ་བོས་མཁྱེན་ལྡན་མ་ཚེ་རིང་སྐྱིད་ཀྱི་ཤེས་རབ་ཀྱིས་ཡིད་འཕྲོག་དྲགས་ཏེ། ཁོ་མོའི་ངང་ཚུལ་བརྗོད་པའི་ཀ་རྩོམ་སྙན་ངག་ཅིག་འཕྲལ་དུ་བྲིས་ནས་དྲ་ཐོག་ཏུ་བཏང་བ་ལ། སྐུ་ཉིད་ཀྱིས་ཡིག་སྐྱོན་ཐེར་འདོན་སོགས་གནང་བར་སྙིང་ནས་ཐུགས་རྗེ་ཆེ་ཞུ་བཞིན་ཡོད། ཁ་བརྡ་དྲ་ཐོག་ཏུ་གཏོང་ཚར་བ་ལ་ཡིག་སྐྱོན་བཅོས་ཐབས་མེད་ཀྱང་། ཕྲན་སྒེར་གྱི་དྲ་ཐོག་ནས་ཡིག་སྐྱོན་རྣམས་བཅོས་ཡོད་པས་དེར་གཟིགས་རོགས་ཞུ།
དྲ་ཐག་འདི་ཡིན་ལགས། http://lightof-wisdom.blogspot.com/2011/08/blog-post.html ལར་ཕྲན་ལ་གོམས་གཤིས་དམིགས་བསལ་ཞིག་ཡོད་པ་ནི།

དེ་ལས་མང་བ་། “ལ་དྭགས་བློ་བཟང་འཇམ་དཔལ་གྱི་གསུང་ལན།” »

ཨ་ར་དཀར་པོ་ནས།

དེ་རིང་རྒད་པོས་གནས་ཚང་རྒྱ་གར་ཚང་གི་ད་ལྟའི་གནས་ཚུལ་སྐོར་ཞིག་དྲ་ཐོག་གི་གྲོགས་པོ་ཚོར་ཁ་བརྡ་ཞིག་བྱེད་ན་འདོད། འདི་ནི་ཁ་བརྡ་རང་ཡིན་པས་ཉན་འདོད་མེད་མཁན་ཚོ་དང་པོ་ནས་གཡོལ་རོགས། ཚང་མས་ཤེས་གསལ་ལྟར་ད་ལྟའི་ཆར་རྒྱ་གར་གྱི་རྒད་པོ་ཨ་ན་ཨ་ཛ་རེ་ཡི་ངོ་རྒོལ་ལ་རྒྱལ་ཁ་ཐོབ་གྲབས་འདུག ཁོང་ལ་རྒྱབ་སྐྱོར་བྱེད་མཁན་ཡང་ཉིན་རེ་བཞིན་ཇེ་མང་ནས་ཇེ་མང་རེད། ལྟོས་དང་། གཞུང་གི་ལས་བྱེད་པ་དང་ཁྲིམས་རྩོད་པ། གློག་བརྙན་འཁྲབ་སྟོན་པ། སློབ་མ། ལས་བཟོ་བ། གྲོང་གསེབ་པ་སོགས་ཡོད་ཚད་ལང་ཡོང་གིན་འདུག དེའི་མ་ཚད་གྲོང་ཁྱེར་མུམ་བྷེ་རུ་ཌལ་པེ་བ་ལ་༼ཕྱི་ལོགས་ནས་ཡོང་བའི་གཞུང་གི་ལས་ཁུངས་ཆེ་ཁག་གི་ལས་བྱེད་ཚོར་ཉིན་གུང་ཁ་ལག་བཙོང་ནས་འཚོ་བ་སྐྱེལ་མཁན་རིགས་ལ་ཟེར་བ་འདྲ༽ལོ་བརྒྱ་དང་ཉི་ཤུ་ལྷག་རིང་སྐད་འབོད་བྱས་མ་མྱོང་མཁན་རེད་ཟེར་བ་དེ་ཚོ་ཡང་ད་རེས་ལངས་ཡོང་གིན་འདུག

དེ་ལས་མང་བ་། “གནས་ཚང་གི་གནས་སྟངས་སྐོར་གྱི་ཁ་བརྡ།” »

འདྲེ་མགོ་རྡོ།

དེ་རིང་གསར་འགྱུར་ལ་ལྟ་དུས་སྦར་སིལ་དོན་གཅོད་གསར་བ་གཏན་འཁེལ་ཟིན་པ་མཐོང་། སྤྱིར་བཏང་སྦར་སིལ་དོན་གཅོད་འདིའི་སྐོར་ལ་ཉེ་སྔོན་སྐད་ཆ་མང་དག་ཅིག་བྱུང་ནས། སྤྱི་ཚོགས་ནང་དུའང་དོགས་པ་ཐེ་ཚོམ་སྣ་ཚོགས་ཤིག་བྱུང་ཡོད། དེས་རྐྱེན་ང་འདྲེ་མགོ་རྡོས་ཀྱང་། སྦར་སིལ་དོན་གཅོད་ཐུབ་བསྟན་རྒྱ་མཚོ་ཕྱིར་བསྡུ་བྱས་པ་དང་འབྲེལ་ཏེ་དོགས་གཞི་བྱུང་བ་ཁག་ཅིག་རིགས་པའི་ལམ་ནས་བགྲོ་གླེང་བྱེད་འདོད་བྱུང་། གནད་དོན་འདི་དག་གཙང་ངང་མཇུག་སྐྱེལ་ཟིན་པར་བོད་གཞུང་གི་ངོས་ན་སྨྲ་ན་ཡང་། མཇུག་བསྡུ་རྒྱུའི་རྒྱུ་མཚན་གྱིས་སྤྱི་ཚོགས་ནང་བྱུང་བའི་དོགས་གཞི་ཐམས་ཅད་གཙང་སེལ་བྱུང་མེད། སྤྱིར་འཁོར་ལོས་བསྒྱུར་བ་དག་གིས་གནད་དོན་ཡོད་ཚད་སྐྱོང་ཡུལ་མི་མང་ལ་ཕྱི་གསལ་ནང་གསལ་གནང་གི་མ་རེད་ལ། གནང་ཀྱང་དམངས་ཀྱི་མིག་གིས་མཐོང་རྒྱུའང་ཁག་པོ་ཡིན་མོད།

དེ་ལས་མང་བ་། “སྦར་སིལ་དོན་གཅོད་ཐུབ་བསྟན་རྒྱ་མཚོ།” »

རུ་ཤུལ་ཆོས་གྲུབ་ཀྱིས

གོ་ལར་ཟླུམ་པོ་འདིའི་ཐོག་རྩེད་མོའི་རྣམ་གྲངས་གྲངས་ལས་འདས་པ་ཞིག་ཡོད་ལ་རྩེད་མོ་དེ་དང་དེའི་འབྱུང་ཁུང་དང་རྩེད་སྟངས་སོགས་མི་རིགས་རང་གི་འཚོ་བ་དང་འབྲེལ་བྱུང་རིམ་གྱི་ལོ་རྒྱས་རེ་བཤད་རྒྱུ་ཡོད་པ་སྨྲ་མ་དགོས། འུ་ཅག་བོད་པ་ཚང་ཡང་དེ་མཚུངས་ཀྱི་རྩེད་རིགས་སྣ་ཚོགས་ཞིག་ཡོད་མོད་ལོ་རྒྱས་དང་དུས་ཀྱི་དབང་གིས་མང་པོ་ཞིག་ཉམ་རྒུད་དུ་སོང་ཡོད་ཀྱང་ད་དུང་ཡང་མ་ཉམ་པའི་རྩེས་མོའི་རིགས་མདའ་རྩལ་འགྲན་པ། འགྱོག་རྡོ། ཐག་འཐེན། རྐང་རྒྱུགས། རྟ་རྒྱུགས། གཡག་རྒྱུགས། ཆུ་གཤིབ་སོགས་རྩེད་དང་རྩེད་བཞིན་ཡོད། ད་དུང་དེ་ལས་ཀྱང་དགའ་སྤོབས་སྐྱེ་དགོས་པ་ཞིག་ལ་ཉེ་སྔོན་རྨ་ཆུའི་རྟ་རྒྱུགས་འགྲན་ཚོགས་ཆེན་མོའི་ཉིན་གསུམ་གྱི་ཡར་སྔོན་ལ་རྟ་ཐོག་སྤོ་ལོའི་རྩེད་འགྲན་ཞིག་ཕྱི་ཟླ་༨པའི་ཚེས༡༠ཉིན་དངོས་སུ་སྤེལ་ཅིང་ཚེས་༡༡ཉིན་མཇུག་བསྡུས་ཏེ་ཉིན་གཉིས་རིང་རྩེས་ཡོད་འདུག

དེ་ལས་མང་བ་། “རྟ་ཐོག་སྤོ་ལོ།” »

ལྷོ་ཕྱོགས་ཉི་ཟླ་ནས།

སྤྱིར་རྩོམ་པ་པོ་ཞིག་ཡིན་ན་གུ་ཡངས་ཀྱི་བསམ་བློ་དང་རྣམ་དཔྱོད་ཀྱི་གཤོག་རྩལ་རབ་ཏུ་རྒྱས་པའི་སྟེང་ནས་དགག་སྒྲུབ་ཀྱི་དབྱེ་འབྱེད་དག་ཕྱོགས་སུ་མ་ལྷུང་བའི་སྒོ་ནས་དྲང་བདེན་གྱི་སྤོབས་པ་དང་རང་ཉིད་ལ་གདེངས་འཇོག་ཚད་ལྡན་ཞིག་གི་སྒོ་ནས་མི་རིགས་ཀྱི་སྐྱོན་ཡོན་གླེང་དགོས་པ་དང་བརྗོད་དགོས་པ་འདི་ཆེས་འོས་འགན་བླ་ན་མེད་པ་ཞིག་ཏུ་མཐོང་། ཡིན་ཡང་ཁ་སང་དྲ་གྲོགས་རིན་ཆེན་དོན་འགྲུབ་ལགས་ཀྱིས་སྤྲུལ་སྐུ་དང་གྲྭ་ལོག་གི་སྤྱོད་འཚར་ཞིག་བརྗོད་འདུག

དེ་ལས་མང་བ་། “རིན་ཆེན་དོན་འགྲུབ་ཀྱི་དྲ་རྩོམ་ཞིག་ལ་དཔྱད་པའི་གཏམ།” »

ཁམས་རྟའུའི་དཔའ་བོ་ཚེ་དབངནོར་བུ་མཆོག་སྐྱོ་བས་རྗེས་དྲན་བྱས།
འབའ་པ་སྐལ་བཟང་འཕྲིན་ལས།
·
གཏམ་རྒྱུད་ཅིག་ལ་མིག་ཉུལ་བྱེད་པའི་སྐབས།།
སེམས་དང་བསམ་པ་འོ་མའི་རྒྱུན་གྱིས་བཞེངས།།
འོ་མའི་འཕྱུར་ཁ་ཁོག་ན་སྐྱོམས་པ་ན།།
སླར་ཡང་གསེར་འབྲུར་འབུར་བའི་ངག་སྐད་འབྱིན།།
·
ཁོར་ཡུག་ཚེར་མས་ཁེངས་པའི་ངང་ཚུལ་ལ།།
སྙི་མོ་སེམས་ཀྱིས་བཟོད་པ་མ་ཐེག་ཏེ།།
བཙན་པོའི་སྙིང་སྟོབས་མཁྲེགས་པོའི་ཁུག་སོ་ནས།།
དོན་དངོས་གནས་ལུགས་སླད་དུ་མདུན་མཆོང་བྱས།།

དེ་ལས་མང་བ་། “རླབས་ཆེན་ཚེ་སྲོག་མེ་རུ་བསྒྲོན་པ།” »

རྔ་བ་རིག་རྒྱམ།

བོད་མི་སྤྱིའི་མགོ་ཐོག་ཏུ་བྱུང་བའི་སྡུག་བསྔལ་གྱི་ཕུང་བོ་བཟོད་བརླག་མེད་པ་དེར་ཕྱིར་དྲན་ཞིག་བྱས་ན་བོད་ས་རྒྱ་ལག་ཏུ་ཤོར་བ་ནས་བཟུང་གྱང་ངོས་སུ་སྲན་མ་གཏོར་བ་ཇི་བཞིན་རྒྱ་བལ་འབྲུག་གསུམ་གྱིས་གཙོས་རྒྱལ་ཁབ་འདྲ་མིན་དུ་འདོད་མོས་མེད་བཞིན་དུ་བོད་མི་མང་པོ་ཞིག་བཙན་བྱོལ་དུ་ཡོང་དགོས་བྱུང་། རྒྱལ་ཁབ་དེ་དག་ལས་རིམ་པས་ཨ་རི་དང་ཡོ་རོབ་སོགས་ལའང་གང་མཚམས་ཤིག་སླེབས་པ་རེད།

དེ་ལས་མང་བ་། “ཨ་རི། བོད་མི། སྐྱིད་སྡུག་ཚོགས་པའི་འགན་འཁྲི།” »

བོད། ལྷ་ཀླུ་གཉན་གསུམ།

བསྡུས་གཟུགས་ཀྱི་གཤེར་བའི་ཁུ་ཁྲག་གི་སྨྱོས་པའི་མི་རུ་འབོད་པའི་ང་ནི། དྲ་ཐོག་གི་ཟིན་བྲིས་པ་ཞིག་དུ་འཚང་ཁུལ་གྱིས་དུས་ཚོད་གང་ཡོད་ལ། བོད་རིགས་སྤུན་ཟླ་གང་ན་སུ་ཡོད་པ་དག་ལ་རང་གི་བསམ་ཚུལ་ལྷུག་པོར་སྨྲ་ཐུབ་མཁན་གྱི་མི་ཞིག་དུ་རང་ཉིད་ནས་འདོད་པ་དང་། དྲ་ཐོག་གི་སྤུན་ཟླ་ཆེས་མི་ཉུང་བ་ཞིག་གིས་ཀྱང་དེ་ལྟར་བསམ་གྱི་ཡོད་ཀྱང་། དོན་དངོས་ཐོག རང་ཉིད་ནི་དེ་འདྲ་ཞིག་མ་ཡིན་པར་མངོན་ལྐོག་གཉིས་ལ་གོམ་ཞིང་།

དེ་ལས་མང་བ་། “སྐྱི་མོ་འདིའི་འོག་ནས་བལྟས་ན། ང་བོད་པ་མ་རེད།” »

སེར་ཤུལ་རིན་ཆེན་དོན་གྲུབ།

སྤྲུལ་སྐུ་ནི་བསམ་བཞིན་དུ་བསྟན་པ་དང་སེམས་ཅན་གྱི་ཆེད་དུ་སྐུ་སྐྱེ་བཞེས་པའི་ཁྱད་དུ་འཕགས་པའི་སྐྱེས་བུ་ཞིག་ལ་གོ་དགོས། དེ་ནི་ནང་བསྟན་ཆོས་གཞུང་གིས་སྤྲུལ་སྐུ་འགྲེལ་སྟངས་རེད། སྤྲུལ་སྐུའི་ལམ་ལུགས་ཀྱི་སྲོལ་རྒྱུན་འདུ་ཤེས་དེ་ང་ཚོ་དང་ང་ཚོའི་སྤྱི་ཚོགས་སུ་ཧ་ཅང་ཟབ་ཅིང་དེས་རྐྱེན་པས་སྤྲུལ་སྐུ་ངོ་མ་མ་ཡིན་པའི་སྤྲུལ་སྐུ་ཚོར་ཡང་སྤྲུལ་སྐུའི་མིང་ཐོག་ནས་སྤྲུལ་སྐུ་གཞན་ཞིག་གི་གོ་ཐོབ་རྙེད་དེ་སྤྲུལ་སྐུ་དངོས་མ་དང་ཁྱད་འཕགས་ཀྱི་སྐྱེས་བུ་ཚོའི་མཚན་སྙན་ལ་དམའ་འབེབ་བཞིན་ཡོད།

དེ་ལས་མང་བ་། “སྤྲུལ་སྐུའི་མཛད་པ། གྲྭ་ལོག་གི་སྤྱོད་པ། ནུབ་ཕྱོགས་ཀྱི་ཆགས་སྤྱོད།” »

ཨ་ར་དཀར་པོ་ནས།

སྲུ་མོ་ཞེས་མདོ་སྨད་ཨ་མདོའི་ཡུལ་ཕྱོགས་ཕལ་མོ་ཆེ་ནས་རང་གི་ཕུ་བོའི་ཆུང་མར་འབོད་ཅིང་ས་ཕྱོགས་ལ་ལར་ད་དུང་མ་སྲུ་མོ་སྲིད་པའི་འཁོར་ལོ་ཡིན། འགྲོགས་མ་ཐུབ་རང་གི་ངན་ཁས་ཡིན་ཞེས་ཕུ་བོའི་ཆུང་མ་ནུ་བོས་བརྩི་མི་དགོས་པར་བཤད་ལ། དེའི་རྐྱེན་གྱིས་བུ་སྤུན་ཆུང་བ་ཚོ་རང་ལ་ཐོབ་ཐང་ཡོད་པས་མིན་ཡང་རང་གི་ཕ་ཚན་མ་ཚན་གང་རུང་གི་བུ་སྤུན་རྒན་པ་ཚོའི་ཆུང་མའི་སར་ལྐོག་ཏུ་འགྲོ་མཁན་ཡང་ཡོད་པ་མ་ཟད་ད་དུང་དེ་ཁེ་བཟང་ཞིག་ལས་སྡུག་པོར་དེ་ཙམ་བརྩི་མཁན་མེད་མོད། ཕུ་བོས་དེ་ལས་ལྡོག་སྟེ་ རང་གི་ནུ་བོའི་ཆུང་མ་ལ་མནའ་མ་ཞེས་འབོད་ཅིང་རང་གི་སྲིང་མོ་ངོ་མ་ལྟར་བརྩི་དགོས་པའི་ལུགས་སྲོལ་ཆགས་ཡོད།

དེ་ལས་མང་བ་། “སྲུ་མོ་ཞེས་པའི་མིང་ལས་འཕྲོས་པའི་བསམ་ཚུལ་གླེང་བ།” »

བོད། ལྷ་ཀླུ་གཉན་གསུམ།

ང་ཚོས་རང་ཉིད་ནས་འགོ་བརྩམས་པར་བཤད་ལ་དགའ་བའི་མི་བུར་རློམ་ནས་ལོ་མང་སོང་བའི་མི་རིགས་ཤིག་འགན་འཁྲུ་ཡོད་མཁན་གྱི་སྐྱེ་བོ། གནམ་འོག་འདིར་འཚོ་ཞིང་གནས་པའི་བོད། ཁ་བ་གངས་ཅན་པ་ཡོངས་ཀྱི་སྐྱེ་བོ། ལྷག་དོན་དུ་དྲ་ཚིགས་སོ་སོ་ན་དུས་ཚོད་ཀྱི་ཁ་ཟས་བོད་ཡིག་གི་ལམ་ཕྲན་དུ་བསྐྱལ་ནས། སེམས་ཁོང་གི་བསམ་ཚུལ་ལྷུག་པོར་སྨྲ་བའི་བདག་དང་བདག་གི་རིགས། བོད་གངས་ཅན་མི་ཡི་སྐྱིད་སྡུག་གླེང་བར་དགའ་བའི་ཤེས་རིག་གི་ལམ་ཁ་ན་ཡོད་པའི་ཁ་བ་གངས་ཅན་པའི་སྤུན་ཟླ་ཚོ།

ཉིན་གཉིས་ཀྱི་སྔོན་ཏག་ཏག་དེར། ཁ་བ་གངས་ཅན་པའི་ལྗོངས་སུ། བོད་ཀྱི་སྐྱེ་བོ། བོད་ཀྱི་འབངས་མི། བོད་ཀྱི་དགེ་འདུན་པ། རྟའུ་ཚེ་དབང་ནོར་བུ་ལགས་ཀྱི་སྐུ་ལུས་མེ་སྤུངས་ཤིག་གི་ཁ་ཟས་སུ་དྲངས་རྗེས་སུ། ང་ཚོས་བོད་མི་ཆེས་མི་ཉུང་བ་ཞིག་གིས། དེ་ནི་ཁོང་གི་ཐག་གཅོད་དང་། ཁོང་གི་སྙིང་སྟོབས། ཁོང་གི་ལར་ཞེན། ཁོང་གི་རྒྱལ་གཅེས་ཀྱི་སེམས། ཁོང་གི་རླབས་ཆེ་བའི་བཞུད་སྟངས། ཁོང་གི་ཆེས་ཁྱད་དུ་འཕགས་པའི་གཞན་གཅེས་ཀྱི་ཀུན་སློང་།

དེ་ལས་མང་བ་། “ཚེ་སྲོག་ཞིག མེ་སྤུངས་དམར་པོ་ཞིག་གིས་ཟོས་རྗེས་སུ།” »

རྟ་ནག་སྐལ་བཟང་ལུང་རིགས།

“བརྩེ་དུང་”ཞེས་པའི་ཐ་སྙད་ཀྱི་གོ་དོན་འཇོག་བྱེད་ཐད་ལ་སུས་ཀྱང་ལན་གསལ་བོ་ཞིག་ལྡོན་རྒྱུ་མ་རྙེད་སྐད། གཉུག་མའི་སེམས་གཤིས་སུ་ཏིལ་ལ་མར་བཞག་གིས་འདྲེས་ཤིང་སིམ་ནས་ཡོད་སྐད་ཀྱི་བརྩེ་དུང་ལ་རྩ་འབྲེལ་ཡང་འབྲེལ་ཞིག་འབྲི་བར་ཆ་བཞག་ན། བོ་དོང་པཎ་ཆེན་གྱི་བརྩམས་ཆོས་ཀུན་པོ་ལས་ཀྱང་རྒྱས་ཤིང་རྒྱས་པ་ཤིག་བྲི་རྒྱུ་ཨེ་ཡོད་སྙམ་པ་ཞིག་གདའ། བརྒྱ་ལ་དེ་ལྟར་བྱུང་དུ་མ་ཡོད་ནའང་། དག་ཡིག་གསར་བསྒྲིགས་ཀྱི་ཞེང་ལས་ཆེ་ཞིང་། བོད་རྒྱ་ཚིག་མཛོད་ཀྱི་རྔམས་ལས་དམའ་བ་ཞིག་ཅིས་ཀྱང་བརྩམ་ཆོག་ཆོག་ཡིན་པ་རེད།

དེ་ལས་མང་བ་། “མི་སེམས་ཚལ་བར་བཏང་སྐད་ཀྱི་སྒྲོལ་མའི་སྙན་ངག་གི་འཕྲོས་བཤད།” »

འབྲོང་བུ་ཟླ་བ་ཚེ་རིང་།
ཕྱི་ལོ་༢༠༠༩ ལོའི་ཟླ་བ་དྲུག་པའི་ཟླ་མཇུག་ནས་སྦེང་ལོར་གྱི་མཐོ་སློབ་གཅིག་ཏུ་བསྐྱོད་ནས་ལོ་གཅིག་ཙམ་གྱི་རིང་ལ་སློབ་སྦྱོང་བྱས་པ་ཡིན། དེ་ཡང་ངའི་ཆེད་སྦྱོང་ཁག་ནི་དངོས་ལུགས་དང་ཨང་རྩིས། གློག་ཀླད་བཅས་ཡིན། འདི་དག་གི་སྟེང་དུ་དབྱིན་ཡིག་དང། དེའི་སྟེང་དུ་སྐད་ཡིག་གཉིས་པ་ཞིག་ལེན་དགོས་པས་ཡང་བསྐྱར་དབྱིན་ཡིག་ཅིག་བླངས་བ་ཡིན། འོན་ཀྱང་ལོ་ངོ་གཅིག་གི་རིང་ལ་ཅི་བྱས་རང་བློ་ན་རབ་རིབ་ཙམ་ལས་མི་འདུག འདི་ནི་ཕལ་ཆེར་རང་བློ་ན་ཕྱི་རྒྱལ་ཞིག་ལ་སློབ་སྦྱོང་བྱེད་དུ་འགྲོ་ཐུབ་ན་སྙམ་པའི་འདུན་པ་དྲག་པོ་ཞིག་ཡོད་པ་དེའི་རྐྱེན་གྱིས་ཡིན་པ་འདྲ། རང་ཉིད་དང་མི་རིགས་མི་གཅིག་པའི་སློབ་གྲོགས་དེ་ཚོ་དང། རང་ཉིད་དང་འདྲ་བའི་གྲངས་ཉུང་མི་རིགས་དེ་ཚོ།

དེ་ལས་མང་བ་། “༼ཁྱོད་ཚོས་སློབ་སྦྱོང་ཡག་པོ་མ་བྱས་ན་ངས་༧གོང་ས་མཆོག་ལ་ཞལ་པར་ཕུལ་ནས་སྙན་སེང་ཞུ་རྒྱུ་ཡིན།༽” »

བོད། ལྷ་ཀླུ་་གཉན་གསུམ།

ལོ་ངོ་འདི་དག་གི་རིང་དུ་ང་ཚོས་དབའ་བོ་ཐུབ་བསྟན་དངོས་གྲུབ་དུ་འབོད་པ་ནས་བརྩིས་པའི་བོད་ཀྱི་རང་དབང་སླར་གསོའི་ཆེད་དུ། རང་ལུས་མེ་རུ་སྒྲོན་ནས་བོད་མི་རིགས་ཀྱི་སྡུག་བསྔལ་བདེན་པ་ར་སྤྲོད་བྱེད་པའི་ཐབས་ལམ། རང་གི་གཅེས་པའི་ཚེ་སྲོག་མེ་རུ་སྒྲོན་ནས། འཛམ་གླིང་མི་མང་ལ་བོད་མི་རྣམས་རྒྱའི་བཙན་གནོན་འོག་བསྡོད་ཐབས་མེད་པ་དང་འདི་ཕྱིའི་གཉིས་ཀྱི་སྐྱབས་གནས་༧གོང་ས་མཆོག་སྐུ་ཚེ་བརྟན་པ་དང་བོད་ནང་དུ་ཆིབས་སྒྱུར་གནང་བར་འབོད་ཚིག་སྒྲོག་པ་རེད།

དེ་ལས་མང་བ་། “གསན་རོགས། ངས་སྐད་ཆ་དྲང་མོ་བཤད་ཀྱི་ཡོད།” »

(བཀའ་བློན་ཁྲི་ཟུར་སློབ་དཔོན་ཆེན་པོ་མཁས་དབང་ཟམ་གདོང་རིན་པོ་ཆེ་མཆོག་གི་བཀའ་ཁྲིའི་ལས་ཁུར་མཐར་ཕྱིན་པ་དང་བོད་མི་རིགས་དང་རིག་གཞུང་གི་ཆེད་དུ་བླ་མེད་ཀྱི་མཛད་རྗེས་བསྐྲུན་པར་རྗེས་དྲན་དང་འཚམས་འདྲིར་དང་པ་ཆེན་པོས་ཕུལ།)

སེར་ཤུལ་རིན་ཆེན་དོན་གྲུབ།

མཛེས་སྡུག་གོ་ལའི་ཁྱོན་གྱི་རྣམ་པར་དཔྱོད་པའི་གོ་ཆ་ཡོད་ཚད་ཀྱི་སྙིང་བཅུད་དེ།
ཁྱེད་ཀྱི་འགུལ་རྒྱན་དུ་བབས་པ་ཡིན་ནམ།
འཛམ་གླིང་ས་ཡི་གོ་ལའི་ཁྱོན་གྱི་ཤེས་སྤོབས་བློ་གྲོས་ཀྱི་དྭངས་མ་ཡོད་ཚད།
ཁྱེད་ཀྱི་མཛེས་རྒྱན་དུ་གྲུབ་ཡིན་ནམ།
ཁྱེད་རང་འོད་ལམ་ལམ་གྱིས་འཚེར་བའི་སྔ་གཞུག་ཏུ།
ཁྱེད་དང་ཁྱེད་ཀྱི་མཛེས་སྡུག་ལ་དད་མོས་ཀྱི་མར་མེ་འདེགས་མཁན་ཚོ།
དགོད་བཞིན། དགྱེས་བཞིན། ཁྱེད་ཀྱི་ཡང་དག་པའི་མཛད་སྤྱོད་ཀྱི་དགེ་མཚན་རེ་རེར་ངང་སྒུག་བྱས།

དེ་ལས་མང་བ་། “བློ་གྲོས་ཀྱི་གཏེར་མཛོད་ཆེན་པོ། སློབ་དཔོན་ཟམ་གདོང་རིན་པོ་ཆེ།” »

ལྷོ་ཕྱོགས་ཉི་ཟླ་ནས།

སྤྱིར་དགོན་སྡེ་གྲྭ་ཚང་གང་ཡིན་ཡང་སྒྲིག་འཛུགས་ཡག་པོ་ཞིག་གི་འོག་ནས་གྲྭ་ བའི་སྡེ་དག་གཙོ་བོ་སློབ་སྦྱོང་མཐར་ཕྱིན་པ་ཞིག་བྱེད་ཐུབ་པའི་ཆ་རྐྱེན་བསྐྲུན་ རྒྱུ་འདི་ཧ་ཅང་གི་གནད་འགག་ཆེན་པོ་རེད། དེ་རིང་ཁ་སང་དགོན་སྡེ་དག་ཕལ་ཆེ་བའི་ཆོས་ཁྲིམས་དང་འགལ་ན་དངུལ་གྱི་ཉེས་ཆད་ ཆེན་པོ་བཏང་ནས་རྒྱུ་ཆེན་ངོ་ཆེན་དེ་ཚོ་དགོན་པའི་སྒྲིག་དང་འགལ་ན་ཡང་སྐྱོན་ མེད་ཀྱི་དུས་ཞིག་སྔ་ནས་འཆར་ཡོང་གིན་འདུག ཆོས་ཁྲིམས་དང་འགན་ན་འདུལ་བ་དང་མཐུན་པའི་ཉེས་ཆད་བཅད་ན་ཧ་ཅང་གི་མཐུན་པོ་དང་རན་པོ་ཞིག་རེད། དེ་མིན་སྒོར་རྐྱང་རྐྱང་གི་ཆད་པ་བཅད་ན་འགག་བྱ་ཡང་མང་པོ་ཞིག་འདུག་པས་ཕྱོགས་ཡོང་ལ་བསམ་གཞིགས་རེ་བྱེད་ཐུབ་ན་དགེ་མཚན་ཆེ་བར་སྙམ།

དེ་ལས་མང་བ་། “དེང་སང་གདན་ས་ཁག་སྒོར་གྱིས་བཟི་འདུག” »

ཀརྨ་རིན་ཆེན།

ཆེས་སྔ་མོ་ནས་གངས་ཅན་བོད་ཀྱི་ལྗོངས་སུ་བོད་རིགས་འདི་དང་འབྲེལ་བའི་ཆོས་ལུགས་ཤིག་ཡོད་པ་དེ་ནི་བོན་ཆོས་དེ་ཡིན་མོད། དེའི་བརྒྱུད་འཛིན་རྣམས་ལ་བོད་མི་མང་པོ་ཞིག་གིས་ངན་པ་ལྟ་བུར་བརྩིས་ཏེ་བོན་ཆོས་ཀྱི་ཟབ་ཅིང་རྒྱ་ཆེ་བའི་བསྐོར་ལ་གོ་རྟོགས་མི་བྱེད་ཅིང་དེའི་གྲས་ནས་ཅིག་ངའི་ཕ་མ་གཉིས་ཀྱང་རེད། དེས་བོན་པོ་ལ་མི་དད་པའི་བགས་ཆགས་ཤིག་ང་ལ་བཞག་ཡོད་པ་མ་ཟད་བོན་ཆོས་ནི་ལྷ་ཀླུ་གཉན་གསུམ་གསོལ་མཆོད་ཙམ་ཞིག་ལ་བརྟེན་ནས་བྱུང་བ་ས་དགེ་བཀའ་རྙིང་རྒྱུན་འཛིན་པ་ཁ་ཤས་དང་རྒན་རབས་རྣམས་ཀྱི་ཁ་སྒྲུང་རིང་པོ་དེ་ཚོའི་རྗེས་སུ་འབྲངས་ནས་ངས་བོན་གྱི་གསུང་རབ་བཀླགས་མ་མྱོང་ལ། དེ་བཞིན་བོན་གྱི་དགོན་ཁག་ནང་དུ་མཆོད་མཇལ་ག་ལ་འགྲོ་མྱོང་།

དེ་ལས་མང་བ་། “བོན་ཆོས་ལས་རྙེད་པའི་ངའི་མྱོང་བ།” »