སྐྱོ་བྲག་དགའ་དབང།
འབྱུང་འགྱུར་བོད་མི་རིགས་དང་རྒྱལ་ཁབ་ཟེར་བ་ཞིག་ས་གོང་རྡོག་རྡོག་འདིའི་ཐོག་གནས་ཐུབ་མིན་གྱི་འགག་རྩ་ནི། བོད་མི་རིགས་འདི་མཐུན་འབྲེལ་གོང་བུ་གཅིག་གྱུར་ཡོད་མེད་ལ་རག་ལུས་ཤིང་། དུས་འགྱུར་བྱུང་བ་ནས་བཟུང་གཅིག་གྱུར་བྱེད་པའི་སྟོབས་ནུས་གཞན་མེད་ནའང་། གོང་ས་སྐྱབས་མགོན་ཆེན་པོའི་མཛད་ཕྲིན་ཁོ་ནས་བསྐྱངས་ཡོད། ད་ནི་བོད་པ་མི་རེ་ངོ་རེའི་མགོ་ཐོག་ཏུ་བབས་ཡོད་ཕྱིར། བདག་ནས་བོད་ཀྱི་སྲིད་སྐྱོང་བ་མཁས་དབང་བློ་བཟང་སེང་གེ་ལ་དམ་བཅའ་འདི་ལྟར་འབུལ་སྙིང་འདོད།

དེ་ལས་མང་བ་། “ངས་བློ་སེང་ལ་དམ་བཅའ་འདི་ལྟར་འབུལ།” »

ཨ་རིག་འགྱུར་མེད།

ངོ་དེབ་ (facebook) ནམ་བྱུང་མིན་ངས་གསལ་བོར་མི་ཤེས། ངས་ཤེས་པ་ནི་ངོ་དེབ་དྲ་བ་ཐོག་མར་གསར་བཟོ་བྱེད་མཁན་དེ་དྲ་རྒྱ་ཆེད་སྦྱོང་གི་མཐོ་སློབ་ཀྱི་སློབ་མ་ཞིག་ཡིན་པ་དང་། ནམ་ཞིག་དགེ་རྒན་གྱིས་སློབ་བུ་ཚོར་ཁྱེད་ཚོས་མི་རང་རང་གི་རྣམ་དཔྱོད་བེད་སྤྱོད་ཀྱིས་དྲ་རྒྱ་གསར་བ་རེ་བཟོས་ཤོག་ཅེས་བསྐུལ་བར། ངོ་དེབ་དྲ་བ་བཟོ་མཁན་གྱིས་ངོ་དེབ་འདི་ཐོག་མར་མཐོ་སློབ་དེའི་ལས་གཞི་ (project) རུ་གསར་བཟོ་བྱས་ཤིང་དགེ་རྒན་ལ་བསྟན། དྲ་བ་འདི་བཟོས་པ་ཅུང་ལེགས་པས་དགེ་རྒན་གྱིས་བསྔགས་བརྗོད་ཐོབ་པར་མ་ཟད། སློབ་གྲྭ་དེའི་ཁོ་ར་ཁོར་ཡུག་གི་སློབ་མ་ནང་ཁུལ་དུའང་བེད་སྤྱོད་གཏོང་འགོ་བརྩམས། དེ་ནས་ཅུང་མ་འགོར་བར་མཐོ་སློབ་ཀྱི་སྒོ་དང་སྒེའུ་ཁུང་ནས་མཆོང་སྟེ་སྤྱི་ཚོགས་ཁྲོད་བསླེབས་ཤིང་།

དེ་ལས་མང་བ་། “ངོ་དེབ་དང་ངོ་གདོང་། ད་དུང་འགྱུར་བཞིན་པའི་སྣང་ཚུལ་གཞན་དག” »

མེ་ཏོག་ལྷ་མཛེས།

ཉེ་ཆར་བསྟན་འཛིན་སྒང་བོད་མིའི་གཞིས་ཆགས་ནས་མི་སྐོར་ཞིག་གིས་བུ་མོ་རིག་འཛིན་གྱི་སྐྲ་བྲེགས་ཤིང་སྣ་བཅད་དེ། མི་ཚོགས་འཛོམས་སའི་ཁྲོམ་གཞུང་དུ་དམར་ཧྲེང་མར་ཁྲིད་པའི་སྐོར་ནི། སྤྱི་སྒེར་གང་ནས་བསམས་ཀྱང་རང་དགར་བཞག་ན་འགྲིག་འགྲོ་བའི་གནད་དོན་ཞིག་ཡིན་མིན་རྒྱ་ཆེའི་གཟིགས་མོ་བ་ཚོས་ལྟོས་ཨ། གནས་བབས། ད་ལྟ་རང་ལོ་ ༣༠ ཟིན་ཅིང་ནང་མི་རྨོ་མོ་རྒན་འཁོགས་ཤིག་ལས་གཞན་མེད་པའི་བུད་མེད། གནས་བབས་འདི་ལས་མངོན་ཡོང་བ་ནི། རྗེས་རྒྱབ་རྩ། རྒྱུ་འབྱོར་བ། ཤེས་པ་ཡོན་ཏན། ཡར་གོ་མར་རིག་སོགས་གང་ཡང་མེད་པའི་གཉོམ་ཆུང་བ་ལྟ་བུ་ཞིག་ཡོད་པ་དེ་ཡིན། གནས་སྟངས་འདི་ལ་བརྟེན་ནས་ཁོ་ཚོས་ཛ་དྲག་པའི་བྱ་སྤྱོད་དེ་སྤེལ་ཡོད་ལ། ད་ལྟ་གནོད་འཚེ་ཕོག་མཁན་དོ་བདག་གི་ངོས་ནས་ཁྲིམས་གཏུགས་བྱ་རྒྱུར་མོས་མཐུན་ཁྱོན་ནས་མི་འདུག ” ཅེས་པའི་སྐྱོ་གནས་དེ་བྱུང་ཡོད།

དེ་ལས་མང་བ་། “བུ་མོ་དམར་ཧྲེང་མར་ཁྲིད་པ།” »

འདྲེ་མགོ་རྡོ།

ལེའུ་གསུམ་པ།

ལངས་ཕྱོགས་འཐབ་རྩོད་ཀྱི་ལས་གཉེར་ཉི་འཚེ་བའི་རྒྱབ་ཀྱི་བྱ་སྤྱོད་ཐབས་ཆག

དེ་ཡང་། ལངས་ཕྱོགས་འཐབ་རྩོད་ཀྱི་ལས་གཉེར་ཉི་འཚེ་བས་གང་ཟག་གི་གཉའ་ཅི་ལྟར་གཅོག་གི་ཡོད་མེད་བྲིས་ནས་ཅང་མ་ལོན་པར། རང་བཙན་པ་ལ་ཤས་ལྐོག་ལྐོག་སུལ་སུལ་ངང་འདུས་ཏེ། འདྲེ་མགོ་རྡོས་གང་མིན་ཚད་བྱས་རབ་དང་། འདི་ནི་ཆེན་པོ་ལ་ཤས་ཀྱི་ཐབས་དང་ཇུས་ཀྱིས་བསྡུས་བ་ཞིག་ནི་མིན་འགྲོ་བསམ་པའི་དོགས་གཞི་སྣ་ཚོགས་བྱུང་སྟེ། ཐ་ན་དྲ་འབུའི་སྡེ་དང་མི་མང་དོ་སྣང་ཅན་གྱི་ཁ་རྣར་རང་བཙན་པ་དག་རིམ་བཞིན་ཕྱི་པགས་གཤག་ངེས་ཀྱི་གཡམ་སྒྲོག་བྱེད་པ་ཐོས་པས། དང་པོའི་ཚོད་དཔག་ལས་མ་བརྒལ་བ་ཞིག་ཡིན་ཡང་ཡིད་སེམས་མུག་པོ་ཅུང་སྟབས་སྟབས་པོ་ནི་གྱུར་སོང་། ཡིན་ཡང་རང་གིས་གང་བཤད། བྲིས་པའི་ཡི་གེར་གསལ་སྟབས་ཉ་ཉོག་མེད་པར་དཀྱུས་སུ་སོང་ནས་རིམ་བཞིན་སྨྲས་ན།

དེ་ལས་མང་བ་། “ལངས་ཕྱོགས་ཀྱི་ན་ཚས་མིའི་གཉའ་གཅོག་སྟངས།” »

བོད། ལྷ་ཀླུ་གཉན་གསུམ།
རེ་བཞི།

གཞན་ཡུལ་ནས་ལོ་ཟླ་ནི་འདོད་མིན་ལ་མ་བལྟས་པར། ལས་ཀའི་བྲེལ་བ་དང་དུས་ཚོད་ཀྱི་འདེད་ཤུགས་བཅས་ཀྱི་ཁྲོད་ནས་ཉི་མ་ཤར་ནུབ་ཀྱི་གྲངས་ཀ་བརྩིས་དེ་འགྲོ་བཞིན་ཡོད་པའི་ང་དང་རིགས་མཐུན་གྱི་སྤུན་ཟླ་སུ་ཡིན་ཡང་། ང་དང་འདྲ་བར་རང་གི་ཕ་ཡུལ་དང་ཕ་སྐད། ཕུ་ནུ་མིང་སྲིང་དག་དུས་རྒྱུན་དྲན་ཞོར་དུ། ཕྱི་རོལ་མི་ཡུལ་གྲོང་ན་འདུར་བཞིན་ཡོད་ངེས་རེད། ངས་ཀྱང་འདུར་སྟངས་ཤིག་གི་སྔ་གཞུག་འདི་ནས་ད་ནི་ལས་ཀ་ཡང་མགྲོན་ཁང་ཆེན་པོ་འདིའི་ནང་ནས་གཏན་འཇག་བཟོས་པའི་ས་རྟགས་བརྒྱབས་དེ་ཉིན་མ་མང་བོ་ཞིག་སོང་ཟིན་པ་མ་ཟད། ང་རང་ནི་ཐབ་ཚང་ནང་གི་མ་བྱན་ཆེན་མོ་ཆགས་ཡོད། གླ་ཆ་ཡང་ཤིས་ཀར་བདུན་སྟོང་ཙམ་ཐོབ་ཀྱི་ཡོད།

དེ་ལས་མང་བ་། “གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།” »

འདྲེ་མགོ་རྡོ།
ལེའུ་གཉིས་པ།

བསམ་ཚུལ་མང་པོ་ཞིག་ད་བར་སྤྱི་ཚོགས་ཁྲོད་རླུང་གཡུག་པ་ལྟར་གྱུར་ཏེ། རྩ་དོན་མདུན་བསྐྱོད་ལ་གནོད་གཞིའི་ངོ་བོར་འགྲོ་བཞིན་པའི་ནང་ནས། གཅིག་ནི་” དབུ་མ་དང་རང་བཙན་ ” ཞེས་པའི་སྐད་ཆ་འདི་རེད། རང་བཙན་པར་བཏགས་པ་དག་གིས་སྔོན་དུ་གླེང་བ་བཞིན། སྤྱི་ཚོགས་འདི་མེ་ཞིག་ཡིན་དབང་དུ་བཏང་ན། དེར་སྣུམ་སྣོན་རྒྱུ་ལ་ཅི་མི་སྙམ་པའི་ལས་བྱེད་ཀྱི་ཡོད་ལ། དེ་དག་གི་ཁྲོད་ཀྱི་མི་རྣམས་ཀྱི་ཁ་དང་རྣ་རུ་ལྷང་ལྷང་གྲགས་བཞིན་པ་ནི་ཀླུ་མཁར་བྱམས་ལགས་རེད། རང་བཙན་རྩོད་མཁན་མེད་པ་མིན་ཏེ། སྐུའི་གཅེན་པོ་སྟག་འཚེར་རིན་པོ་ཆེ་ནས་ཁོང་གི་བུ་རབས་ཚ་བརྒྱུད་དང་། དེ་བཞིན་སྟག་རྣ་འཇིགས་བཟང་དང་ཕུན་ཚོགས་ཉི་སྒྲོལ་སོགས་དེང་རྒྱལ་སྤྱིར་གྲགས་པའི་ཆབ་སྲིད་བཙོན་པ་རྣམས་ཀྱང་ཡོད་ལ། དཔའ་བོ་ཐུབ་བསྟན་དངོས་གྲུབ་གཙོས་ཞིང་གཤེགས་དཔའ་བོའང་བགྲང་གིས་མི་ལོང་བ་ཞིག་ཡོད།

དེ་ལས་མང་བ་། “རང་བཙན་པས་དབུ་མར་འཇིགས་སྐུལ་བྱེད་སྟངས།” »

ཪུ་ཤུལ‚ཆོས་གྲུབ་ཀྱིས།

འཇམ་དབྱངས་སྐྱིད་ཀྱི་རྩོམ་ཡིག་༼སྐྱེས་མ་ རིག་འཛིན་གྱི་ཐོབ་ཐང་རྡོག་རོལ་བཏང་བ་ལ་ཁ་རྡུང་དང་དེ་ལས་འཕྲོས་པའི་གཏམ་ཐོར་ བུ།༽ཟེར་བ་མཐོང་རྗེས་ཀྱི་ཚིག་འགའ།

འཛམ་གླིང་གི་ས་ཆ་གང་ཞིག་ཡིན་ཀྱང་རྙོག་དྲ་མེད་པའི་སྤྱི་ཚོགས་ཤིག་ཡོད་མི་ སྲིད་ལ་རྙོག་དྲ་དེ་ཡང་ཕྱོགས་གཉིས་ལ་རག་ལས་པ་ཞིག་ལས་ཕྱོགས་གཅིག་ཁོ་ན་ལ་འགེལ་ མི་རུང་བ་ཚང་མས་མཁྱེན་གཤལ་རེད། སྤྱི་ཚོགས་ཀྱི་རྙོག་དྲ་དང་བུད་མེད་ཀྱི་ཐོབ་ཐང་སྐོར་གང་ཡིན་ཀྱང་ཕྱོགས་ལྷུང་ མེད་པར་ཞིབ་མོའི་བློ་ཡིས་རྟགས་ནས་ཐག་གཅོད་བྱེད་པ་ལས་རང་གི་ཞེ་འཁོན་གཙོ་བོ་ བཟུང་ནས་བཤད་ན་བསམ་པའི་དོན་ཐོག་ཏུ་འགྲོ་རྒྱུ་ཕར་ཞོག་འགལ་འདུའི་ངོ་བོ་ཇེ་ སྡུག་ཏུ་ཡང་མི་འགྲོ་བའི་ངེས་པ་མེད། ཉེ་ཆར་བསྟན་འཛིན་སྒང་བོད་མིའི་གཞིས་ཆགས་ནང་བཟའ་ཚང་བར་གྱི་རྙོག་དྲ་ཞིག་བྱུང་ སྟེ། མི་སྐོར་ཞིག་གིས་བུ་མོ་རིག་འཛིན་ཟེར་བ་ཞིག་གི་སྐྲ་བྲེགས་ཤིང་སྣ་བཅད་དེ། མི་ཚོགས་འདུ་འཛོམས་བྱེད་སའི་ཁྲོམ་གཞུང་ལ་སྐོར་སྐྱོད་བྱས་ཡོད་འདུག་པ་ངོ་མ་ བློ་ཕམ་སྐྱེ་དགོས་པ་ཞིག་རེད།

དེ་ལས་མང་བ་། “བཤད་འདོད་པའི་སྐད་ཆ་ཞིག” »

ལྷག་བསམ།

ཁ་ནས་བཤད་པའི་གནས་དོན་ཞིག་དང་ལག་ལེན་འགལ་བའི་བུ་མོ་ལགས།།
སྐབས་རེ་ངུ་ངག་འདྲེས་མའི་ཚིག་གིས་དམག་མི་ལྷན་དུ་དཀའ་རབས་བཤད།།
སྐབས་རེ་འདས་དོན་མང་པོ་གླེང་ཞིང་འགྱོད་སེམས་མཚོན་པའི་མིག་ཆུ་བཏང།།
ཁ་ཞེ་མི་མཚུངས་བུ་མོ་ཁྱེད་ཀྱི་རྟེན་འབྲེལ་ཉིན་མོར་དགའ་བསུ་ཞུ།།

དེ་རིང་ནི་ངའི་གྲོགས་མོ་ཞིག་གི་འཇིག་རྟེན་མཐུན་འཇུག་རྟེན་འབྲེལ་གྱི་ཉིན་མོ་ཡིན་པས་ངས་ཁོ་མོར་རྟེན་རྟེན་འབྲེལ་ཞུ་རྒྱུ་མིན།

དེ་ལས་མང་བ་། “དེ་རིང་ངའི་གྲོགས་མོའི་ཆང་ས་རེད།” »

འབྲོག་རུ་ཆོས་གྲགས། དྷ་ས།

ལོ་དྲུག་གི་ཡར་སྔོན་སྟེ་ ༢༠༠༥ ལོའི་ཟླ་ ༦ པའི་ནང་ང་ཚོ་ཤར་གངས་པོ་བརྒྱུད་དེ་ལྟོགས་སྐོམ་དང་ཚ་སྡུག དངངས་འཚབ། སྐྱོ་སྡུག་སོགས་ཀྱིས་མནར་ནས་བལ་ཡུལ་སྣེ་ལེན་ཁང་དུ་འབྱོར། གནས་དེ་ནས་ཟླ་གཅིག་ལྷག་ཕྱིན་རྗེས་ང་ཚོ་ཆོལ་གསུམ་བོད་མི་བཅོ་ལྔ་ལྷག་གིས་དཔུང་བ་མཉམ་གཤིབ་དང་ནུས་པ་མཉམ་སྤུངས་ཀྱིས་<བོད་ཀྱི་སྐད་ཡིག་རྒྱུན་འཛིན་ཚོགས་པ་>གསར་འཛུགས་བྱས་ཤིང་སྐབས་དེར་ང་ཚོར་ལས་ཁུངས་དང་དྲ་ཚིགས། དཔལ་འབྱོར་དང་མཐུན་རྐྱེན་སོགས་ཅི་ཡང་མེད་ཀྱང་ང་ཚོ་རང་མོས་ཀྱིས་ཡང་ཡང་འཛོམས་ཤིང་སྐད་ཡིག་སྲུང་སྐྱོབ་དང་དེའི་ཐབས་ལམ་སྐོར་ལ་ཡང་ཡང་བགྲོས།

དེ་ལས་མང་བ་། “འགན་འཁྲིས་བཟོས་པའི་ལམ།” »

པ་སངས་ཚེ་རིང་།
ཉིན་དེབ་འབྲི་བ་ནི་སློབ་ཕྲུག་གི་འབྲི་རྩལ་ཡར་རྒྱས་གཏོང་ཆེད་གཅིག་པུ་མིིན་པར་རང་གི་ཉིན་རེའི་དགའ་སྐྱོའི་སྣང་བ་བཅོལ་སའི་གསང་བའི་པོད་ཁུག་ཅིག་ཀྱང་ཡིན། སེམས་ཁམས་རིག་པ་དང་། གསོ་དཔྱད་པ་གྲགས་ཅན་དང་། ཤེས་ལྡན་མི་སྣས་ཉིན་ཐོ་བྲིས་པ་ནི་བརྗེད་ཐོ་ཙམ་མིན་པར། རང་གི་ཉིན་རེའི་འཚོ་བའི་ནང་དུ་ཕན་ཚུན་འཁོན་འཛིན་སོགས་ཀྱི་སེམས་ངལ་རྣམས་ཡང་དུ་གཏོང་པའི་སྨན་མཆོག་ཅིག་ལའང་བརྩིས་དང་རྩི་བཞིན་ཡིན།

དེ་ལས་མང་བ་། “ཉིན་དེབ་ཇི་ལྟར་འབྲི་བའི་རིམ་པ།” »

འདྲེ་མགོ་རྡོ།

༡ ལངས་ཕྱོགས་ཀྱི་ལས་གཉེར་ཉི་འཚེ་བ་དག་གིས་རྩ་དོན་བརྗེད་ནས་ནང་འཁྲུག་རྒྱག་སྟངས།

བཙན་བྱོལ་སྤྱི་ཚོགས་ནས་མཆེད་པའི་སྐད་ཆ་ཞིག དེང་སང་བོད་རིགས་འདུས་སྡོད་ཀུན་དུ་ཁྱབ་འགོ་ཚུགས་ཡོད། དེ་ནི་རེ་ཤོས་ཀྱིས་བཙན་བྱོལ་བོད་ཀྱི་གྲོས་ཚོགས་ནས་བྱུང་བར་བཤད་པ་དང་། རེ་ཤོས་ཀྱིས་ལངས་ཕྱོགས་འཐབ་རྩོད་རུ་དཔུང་གིས་མི་ཁ་ཤས་བེད་སྤྱོད་ཀྱིས། སྤྱི་ཚོགས་ནང་སྐད་ཆ་དེ་འདྲ་ཁྱབ་བསྒྲགས་བྱས་ཟིན་པར་ངོས་འཛིན་བྱེད་ཀྱི་ཡོད། བེད་སྤྱོད་ཀྱི་ཁྱབ་ཁོངས་ནས་ཐོན་པའི་སྐད་ཆའི་རིགས་ཁག་ཅིག་ཡོད་པ་ནི། ༧གོང་ས་མཆོག་བེད་སྤྱོད་བཏང་ནས་མི་མང་ལོག་འདེད་བྱས་ཚུལ་དང་།

དེ་ལས་མང་བ་། “རང་བཙན་པས་དབུ་མ་པར་རྒོལ་སྟངས།” »

སེར་ཤུལ་རིན་ཆེན་དོན་གྲུབ།

ཆེས་མཆོག་ཏུ་བཀུར་བར་འོས་པའི་སྲིད་སྐྱོང་འབུམ་རིམ་པ་བློ་བཟང་སེང་གེ་ལགས།
སྐུ་ཉིད་ཀྱིས་སྐབས་གསུམ་པའི་བཀའ་བློན་ཁྲི་བའི་ལས་ཁུར་དམ་འབུལ་གྱི་གཟི་བརྗིད་ལྡན་པའི་ཉིན་མོ་འདིར་གུས་པ་ཆབ་འབངས་དཀྱུས་མ་ཞིག་གི་ངོས་ནས་འཚམས་འདྲི་དང་བཀྲ་ཤིས་བདེ་ལེགས་གྲངས་མེད་ཞུ་རྒྱུ་ཡིན། ང་ནི་ཁྱེད་དང་ཁྱེད་ཀྱི་ལངས་ཕྱོགས་ལ་རྒྱབ་སྐྱོར་བྱེད་མཁན་གྱི་བོད་འབངས་དཀྱུས་མ་ཞིག་ཡིན་པར་མ་ཟད་མང་གཙོའི་རིང་ལུགས་དང་ཞི་བདེའི་རྒྱལ་ཁམས་ལ་དུང་བའི་སྐྱེ་བོ་བྱེ་བྲག་པ་ཞིག་ཀྱང་ཡིན། ཁྱེད་ཀྱི་བཀའ་ཁྲིའི་འོས་འགྲན་གྱི་ལས་རིམ་ཁྲོད་དུ་གུས་པ་དང་གུས་པའི་ལངས་ཕྱོགས་གཅིག་པའི་གྲོགས་པ་སྐོར་ཞིག་གིས་ཁྱེད་ཀྱི་འདྲ་པར་དང་བྱས་རྗེས་བཀོད་པའི་ཤོག་བྱང་སྦྱར་འགྲེམས་ཀྱི་ལས་གཞི་བརྩམས་ཏེ་འོས་འགྲན་གྱི་ལས་རིམ་ཁྲོད་ནས་ཁྱེད་ལ་རྒྱལ་ཁ་ཐོབ་པའི་རེ་སྒུག་བྱས་པ་ཡིན།

དེ་ལས་མང་བ་། “སྲིད་སྐྱོང་འབུམ་རིམ་པ་བློ་བཟང་སེང་གེ་མཆོག” »

བོད། ལྷ་ཀླུ་གཉན་གསུམ།
རེ་གསུམ།

ཁ་སང་གངས་མཚོ་ཉིན་གོང་རྒྱབ་ཀྱི་རླངས་འཁོར་དུ་བསྡད་ནས་ཕྱིར་རྗོ་སུ་ལམ་དུ་འབུད་སོང་། མོ་རང་མ་སོང་གོང་དུ་ངེད་གཉིས་ཀྱིས་ལས་ཀ་བྱེད་སའི་ལས་ཁུངས་དུ་ཁ་པར་བཏང་ནས་འབྲེལ་བ་བྱས་མཐར་ང་རང་ལས་ཀ་བྱེད་དུ་ཆུ་ཚོད་གཉིས་པའི་སྟེང་དུ་ཡོང་དགོས་ཟེར་བ་ལྟར་ང་རང་ལས་ཀ་བྱེད་དུ་ཆུ་ཚོད་གཉིས་པའི་སྟེང་དུ་སོང་དུས། ཐབ་ཚང་ནང་དུ་མེ་ཤོར་རྐྱེན་གློག་གི་བེད་སྤྱོད་བྱེད་པའི་སྣུམ་སྣོད་དེ་ལ་བརྟེན་ནས་བྱུང་བ་ཡིན་སྟབས། ཐབ་ཚང་ནང་གི་གློག་ཚང་མ་བརྗེ་བོ་བརྒྱབ་ནས་ཚར་གྲབས་ཡོད་པའི་སྒང་རེད། མ་བྱན་ཆེན་མོ་ངེད་གཉིས་ཀྱིས་ཕྱི་དྲོ་སྒོ་ཕྱེ་རྒྱུ་ཡིན་ཟེར་བ་ལྟར་ཟ་མ་ཡང་མ་ཟོས་པར་གསར་དུ་སྔོ་ཚལ་དང་ཤ་རིགས་ཡོད་ཚད་གྲ་སྒྲིག་བྱས་ཚར་དུས་སུ། དུས་ཚོད་བདུན་པ་ཡོལ་འདུག་པ་དང་ཟ་ཁང་གི་སྒོ་ཡང་ཕྱེ་བའི་དུས་ཚོད་ཏག་ཏག་དང་འཁེལ་འདུག

དེ་ལས་མང་བ་། “གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།” »

གཡུ་དྲུག་དཀར། རྡ་ས།

ཉི་མ་ཉིན་གང་བོར་མཚམས་རེར་ཐོག་ཁ་ཞིག་ནས་རྐང་པ་ས་ལའང་མ་ཐུག་པར་ཇ་རེ་འཐུང་ཞོར། ཡར་ལྟ་མར་ལྟ་བྱས། སྐབས་རེར་དོར་མ་སྲང་ནས་ཡར་འཁྱམ་མར་འཁྱམ་བྱེད་ཞོར་ཕར་ལྟ་ཚུར་ལྟ་བྱས། མདོར་ན་ཉི་མ་ཉིན་གང་བོར་དལ་དལ་ལྷོད་ལྷོད་ཀྱིས་རི་སྒང་གི་སྲང་ལམ་དོག་མོ་འདི་ནས་ས་འཛམ་བུ་གླིང་གི་དྲུག་གསུམ་བཅོ་བརྒྱད་དེ།མི་དཀར་ནག་སེར་གསུམ་ཡར་བཞུར་མར་བཞུར་བྱེད་ཀྱིན་པ་དག་གི་ངོ་ལ་ཅེར་རེར་ལྟ་བཞིན།རང་ཉིད་འབོར་གྱིན་པའི་ངང་ཚུལ་ཞིབ་ཏུ་བཀླགས་སམ།ཡང་ན་རྐང་རྗེས་ཀྱི་ཆེ་ཆུང་དང་།ཁ་དོག་་་དབྱིབས་སོགས་དྲུག་གསུམ་བཅོ་བརྒྱད་ཅན་གྱི་མི་ཚོགས་སྣ་ཚོགས་སྣ་ཚོགས་ཤིག་གདོང་གིས་བསུ་བཞིན། རང་གི་ཚུགས་ཀ་ད་དུང་འགྱུར་མེད་པའི་གཏན་ཚིགས་ལ་ཚ་འདྲི་བྱས་སམ།

དེ་ལས་མང་བ་། “དྲུག་གསུམ་བཅོ་བརྒྱད་ལ་བལྟས་པ།” »

བོད། ལྷ་ཀླུ་གཉན་གསུམ།

རེ་གཉིས།

ཞོགས་པ་ཆུ་ཚོད་བཅུ་བའི་རླངས་འཁོར་རྗོ་སུ་ལམ་ནས་ཨེས་ལ་གྲི་ལ་ཡོང་བས་རླངས་འཁོར་གྱི་འཛིན་བྱང་བསྔགས་ཉོ་བྱས་ཡོད་པ་ལྟར་གངས་མཚོ་ངེད་གཉིས་ཕྱིར་ཨེས་ལ་གྲི་ལ་མ་ལོག་སྔོན་དུ་མོ་རང་གི་གཟུགས་གཞི་ཅུང་ཙམ་མི་བདེ་བར་བཤད། ངས་ཁྱེད་རང་གི་གཟུགས་གཞི་མི་བདེ་ན་ཁྱེད་རང་འདི་ནས་བསྡད་ན་ཡག་པོ་རེད་ང་གཅིག་བུ་སོང་ན་འགྲིག་ཞེས་བཤད་དུས། མོ་རང་གི་སྐྱོན་ནི་མ་རེད། ང་དེ་རིང་མ་སོང་བ་ཡིན་ན་ངེད་གཉིས་བདུན་ཕྲག་གཅིག་གི་རིང་དུ་ཁ་ཁར་ནས་འདུག་དགོས་དུས་ཁྱེད་རང་གཅིག་བུ་ཨེས་ལ་གྲི་ནས་སུན་སྣང་སྐྱེ་ངེས་རེད་ཟེར་ནས་ང་རང་ལ་བསམ་བློ་བཏང་ནས་མོ་རང་གི་གཟུགས་གཞི་ཅུང་ཙམ་བདེ་བོ་མེད་ན་ཡང་རླངས་འཁོར་ནང་དུ་ལམ་ལ་འབུད།

དེ་ལས་མང་བ་། “གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།” »

འབའ་པ་སྐལ་བཟང་འཕྲིན་ལས།
འཛམ་གླིང་སྟེང་གི་ཆབ་སྲིད་པ་ཚོས་གོན་པ་གྱོན་སྟངས་མཇལ་འཕྲད་བཟོ་སྟངས།མཇལ་འཕྲད་སྐབས་ལག་འཇུ་བཟོ་སྟངས་ཐ་ན་འགུལ་བསྐྱོད་ཚུན་ལ་ཡང་རྒྱབ་ལྗོངས་མཚོན་དོན་ཆབ་སྲིད་ཀྱི་གནད་འགག་ཆེན་པོ་རེ་ཡོད་པ་རེད། མཁས་དབང་བློ་བཟང་སེང་གེས་ཀྱང་ཆབ་སྲིད་ཀྱི་གནད་དོན་ཆེན་པོ་ཞིག་གི་དབང་ལས་་(བརྒྱད་བརྒྱད་དགུ་དགུ་)པ་པ་ཇོའོ་ཇོའོ་དེ་རང་ཉིད་བཀའ་ཁྲིའི་མཛད་སྒོ་ཡི་དུས་ཚོད་དུ་གཏན་འབེབ་གནང་པ་རེད།

དེ་ལས་མང་བ་། “རྒྱ་གཞུང་ལ་བརྡ་ལན་མཚོན་པའི་༨༨༩༩༩ཡི་བཀའ་ཁྲི་དམ་འབུལ” »

འདྲེ་མགོ་རྡོ།
སྐུ་ཞབས་བློ་བཟང་སེང་གེ་ལགས། སང་ཉི་མ་རྩེ་ཤར་ནས་ཁྱེད་རང་ངའི་བཀའ་བློན་ཁྲི་པ་ཡིན། ངའི་བཀའ་ཁྲི་ཁྱེད། དཀྱོགས་མཚམས་འདིར། ན་གཞོན་པའི་མདངས་དང་བཅས་སླེབས་བྱུང་བས། ང་དགའ་བྱུང་། ང་ཚོ་མི་རེར་བསམ་ཚུལ་རེ་ཡོད་ཀྱང་། ལྟ་ཚུལ་རེ་ཡོད་ཀྱང་། མང་གཙོ་འདི་དང་ལོ་རྒྱུས་འདིས། ངས་ལག་ཟུང་ཐལ་མོ་རྡེབ་ནས་ཁྱེད་རང་བོད་ཀྱི་སྲིད་ཁྲི་ལ་བསུ་བཞིན་ཡོད། འདི་ནི་ལུང་ཚན་ཞིག་དང་གང་ཟག་ཅིག་གི་བར་གྱི་གནས་ཚུལ་མིན་པར། བོད་རྒྱལ་ཁབ་འདིའི་ཁ་སྟབས་གང་དུ་ཁྲིད་མིན་གྱི་སྲིད་ཁྲི་ཡིན་པས། ངས་ལག་པ་གཉིས་ཀ་གནམ་དུ་འཕྱར་ནས་ཁྱེད་ལ་ཐལ་མོ་རྡེབ།

དེ་ལས་མང་བ་། “སྐུ་ཞབས་བློ་བཟང་སེང་གེ” »

བོད། ལྷ་ཀླུ་གཉན་གསུམ།

རེ་གཅིག

ང་རང་རྗོ་སུ་ལམ་དུ་འབྱོར་དུས་སུ་མོ་རང་ང་བསུ་བར་ཨ་མའི་རླངས་འཁོར་བཏང་ནས་འབྱོར་བ་མ་ཟད། ང་རང་ལ་ཟ་མ་ཕྱི་རྒྱལ་བའི་བག་ལེབ་སྟེང་དུ་ཕྱུ་ར་དང་སྔོ་ཚལ་ཡོད་པ་ཞིག་འཁུར་འདུག་པ་དེ་ང་རང་ལ་ཁོ་མོའི་ལག་གཉིས་ཀྱིས་སྐྱོར་ནས་སྤྲད་སོང་། ངེད་གཉིས་དེ་ནས་ཁོ་མོའི་ཕ་མ་གཉིས་གློག་བརྙན་བལྟ་རུ་བྱིན་འདུག་པ་དེ་བསུ་རུ་སོང་དེ་འཆིག་ཇ་འཐུང་ས་ནས་ང་རང་གི་དྲ་རྒྱ་བསྔོགས་ཞོར་དུ་བསྒུག་ནས་བསྡད་པ་ཡིན། གློག་བརྙན་ཚར་ནས་གངས་མཚོའི་ཕ་མ་གཉིས་དང་ང་ཚོ་བཞིའི་འཚིག་ཇ་འཐུང་ས་ནས་ཅུང་ཙམ་རིང་དུ་ཁ་བརྡ་བྱས། ཡུན་རིང་བོར་བཤད་མ་ཐུབ་པའི་མོ་རང་ལ་ཕྲུ་གུ་ཆགས་ཡོད་པའི་སྐོར་དེ་མོ་རང་གི་ཕ་རྒན་ལ་རེས་ལ་བཤད་དུས།

དེ་ལས་མང་བ་། “གཞན་ཡུལ་ན་ལས་ཀ་དང་འཚོ་བ་འདི་འདྲ་རེད།” »