དོན་གྲུབ།
སྤྱིར་མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་གི་གློག་བརྙན་རིགས་བལྟ་བདེ་བོ་ཡིན་མོད། Chrome ནང་flash ཟེར་བའི་བརྙན་སྟོན་ཆས་ཀྱི་སྒྲིག་འགོད་ཏག་ཏག་མ་བསྒྲིག་ན་མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་གི་གློག་བརྙན་རིགས་ལ་བལྟ་མི་ཐུབ་པ་ཡིན། སྤྱིར་ང་རང་ཁོམ་སྐབས་ཨམ་སྐད་གློག་བརྙན་རིགས་ལ་ལྟ་བར་ཧ་ཅང་དགའ་མོད། བར་ལམ་ཞིག་ནས་Chrome ནང་Flash ཟེར་བའི་བརྙན་སྟོན་ཆས་དེ་བསྒྲིག་མ་ཤེས་སྟབས། དུས་ཡུན་གང་མཚམས་ལྷག དེའི་ཕྱིར་མི་གཞན་ལའང་དཀའ་ངལ་འདིའི་རིགས་ཕྲད་ཡོད་སྲིད་ན། འདི་ནས་Chrome དྲ་སྟེགས་ནང་flash སྒྲིག་འགོད་བྱེད་སྟངས་ཀྱི་ལམ་སྟོན་མདོར་བསྡུས་ཤིག་བྱེད་རྒྱུ་ཡིན། དང་པོ། Chrome གྱི་དྲ་སྟེགས་དེ་འཆར་བཅུགས་རྗེས་འཆར་ངོས་ཀྱི་གོང་གི་གཡས་ཟུར་ནས་Chrome setting སྒོ་འབྱེད་དགོས།
Setting སྟེ་སྒྲིག་འགོད་སྟེང་སྣུན་དང་། འོག་གི་པར་ངོས་སུ་གསལ་བ་ལྟར་འབྲི་སྟེགས་ཤིག་འཆར་ཡོང་། འདིའི་ནང་གི་དམར་རྟགས་བཀོད་ཡོད་ས་དེར་ཨིན་ཡིག་ནང་content དང་ཡང་ན་content setting བྲིས་ཏེ་འཚོལ་དང་། 
འོག་གི་པར་ངོས་སུ་དམར་རྟགས་ནང་གསལ་བ་ལྟར་Content setting ཟེར་བ་དེ་འཆར་ཡོང་།
འདིའི་སྟེང་ནོན་དང་ཁྱེད་ལ་འདེམས་གསེས་བྱེད་སའི་དཀར་ཆག་སྟེགས་བུ་ཞིག་སྟོན་ཡོང་། དེ་ནས་འོག་གི་པར་ངོས་སུ་དམར་རྟགས་བཀོད་ཡོད་སའི་flash ཟེར་བའི་སྟེང་གནོན་དགོས།
བསྣུན་རྗེས་Chrome དྲ་སྟེགས་ཀྱི་སྒྲིག་འགོད་ནང་Flash བརྙན་སྟོན་ཆས་ནང་འཇུག་བྱེད་ས་ཞིག་སྟོན་ཡོང་། གཤམ་གྱི་པར་ངོས་སུ་གསལ་ལྟར་དམར་རྟགས་བཀོད་ཡོད་སའི་ADD ཟེར་བའི་སྟེང་སྣུན།
བསྣུན་རྗེས་ཡང་བསྐྱར་ཁྱེད་ཀྱིས་བལྟ་རྒྱུའི་མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་གི་དྲ་བྱང་ http://www.qhtb.cn ངོ་བཤུས་བྱས་ཏེ་དམར་རྟགས་དང་པོའི་ནང་ཕབ་དགོས། འོག་གི་པར་རིས་ལ་གཟིགས།
དེ་ནས་གཤམ་ཟུར་གྱི་དམར་རྟགས་ནང་གི་ADD ཟེར་བའི་སྟེང་གནོན་དགོས། དེ་ནས་ཁྱེད་ཀྱི་Chrome དྲ་སྟེགས་ནང་མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་གི་ཨམ་སྐད་གློག་བརྙན་རིགས་ལ་བདེ་ལེགས་ངང་བལྟ་ཐུབ་པ་ཡིན། འདི་ནི་མཚོ་སྔོན་བོད་སྐད་དྲ་ལམ་རྒྱང་སྒྲོག་བརྙན་འཕྲིན་ཁང་གི་གློག་བརྙན་རིགས་ལ་བལྟ་ཐབས་དམིགས་ཀྱིས་བཟུང་སྟེ་ངོ་སྤྲོད་བྱས་པ་ཡིན། དེ་འབྲེལ་གྱི་དྲ་ཚིགས་གཞན་གྱི་ནང་ལའང་flash ཡི་དཀའ་ངལ་འཕྲད་སའི་རིགས་ལ་རིགས་བསྒྲེས་ཏེ་སྒྲིག་འགོད་བྱེད་ཤེས་པར་བྱའོ།།
14/02/2018.
རྒྱང་སྒྲོག་བརྙན་འཕྲིན། དོན་གྲུབ་ཁྱེད་རྐྱང་རྐྱང་མ་རེད། དིང་དུས་ཀྱི་བོད་པ་མང་ཆེ་བས། སྒྲོག ཅེས་འབྲི་བ་དེ། སྔར་བྲིས་དཔེ་ཆ་དག་དང་འགལ་བ་མི་འདུག་གམ།