གཞུང་པ་ཚེ་དབང་བསོད་ནམས།
ཀ་ཁའི་འོག་ཏུ་གསོ་སྐྱོང་བྱས་པའི་བོད་ཕྲུག་ཚོ།
ཁ་བ་གངས་ཅན་ཆོས་སྲིད་གཉིས་ལྡན་བོད་ཡུལ་དེ།
ག་འདྲ་བྱས་ནས་རྒྱ་མིའི་ལག་ཏུ་ཤོར་བ་རེད།
ང་ཚོར་སློབ་སྦྱོངས་མེད་ནས་རྗེས་ལུས་ཤོར་བ་རེད།
ཅ་ཅོ་མ་མང་བདེན་མཐའ་གསལ་ལ་སློབ་སྦྱོངས་དགོས།
ཆ་རྐྱེན་འཛོམས་པའི་དུས་སྐབས་འདི་ལ་རིག་པ་སྒྲིམ།
ཇ་ཆང་རྗེས་ལ་མགོ་བོ་འཁོར་ནས་མ་བསྡད་པར།
ཉིན་རེ་བཞིན་དུ་རང་གི་ལས་འགན་ཚུལ་བཞིན་སྒྲུབ།
དེ་ལས་མང་བ་། “བོད་དོན་བདེན་མཐའ་གསལ་བ་ལ་བོད་ཕྲུག་ཚོར་ཤེས་ཡོན་གལ་ཆེ་བའི་ཀ་བཤད།” »
གསར་འགྱུར་མཁོ་སྤྲོད་པ། ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པ།
དེ་ཡང་སྤྱི་ལོ་༢༠༢༢ ཟླ་བ ༡༡ པའི་ཚེས་༦ ཉིན། ཐའེ་སྡོད་བོད་རིགས་ཚོགས་པ་དང་། ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པ་ཐུན་མོང་གིས་གསོལ་བ་བཏབ་པ་བཞིན། སྒྲུབ་བརྒྱུད་བསྟན་པའི་མངའ་བདག་༧འབྲི་གུང་སྐྱབས་མགོན་འཕྲིན་ལས་ལྷུན་གྲུབ་མཆོག་གིས་ཐའེ་ཝན་གནས་བཞུགས་བོད་བརྒྱུད་ནང་བསྟན་གྱི་ཆོས་བརྒྱུད་རིས་མེད་ཀྱི་མཁན་སྤྲུལ་དགེ་བཤེས་བཙུན་མ་སོགས་དགེ་འདུན་པ་བདུན་ཅུར་ཉེ་བ་དང་། ས་གནས་བོད་རིགས། དེ་བཞིན་ཐའེ་ཝན་གྱི་རྒྱ་བརྒྱུད་ནང་པའི་དགེ་འདུན་པ་དང་དད་ལྡན་བཅས་སྐྱ་སེར་གཅིག་སྟོང་ལྷག་ལ་གཏེར་ཆེན་པདྨ་གླིང་པའི་ཟབ་གཏེར་གུ་རུ་ཞི་བའི་སྨིན་དབང་གནང་ཡོད།
དེ་ཡང་ཞིབ་འཇུག་ཚོགས་པའི་ཚོགས་གཙོ་མཁན་པོ་འཇིགས་མེད་རྣམ་རྒྱལ་མཆོག་གིས་ཐོག་མར་ཞིབ་འཇུག་ཚོགས་དང་། ས་གནས་བོད་རིགས་མཐུན་ཚོགས་ཐུན་མོང་གིས་མཛད་རིམ་འདི་བཞིན་གོ་སྒྲིག་དགོས་པའི་རྒྱུ་མཚན་དང་འབྲེལ་ཕུན་སུམ་ཚོགས་པ་ལྔའི་སྒོ་ནས་བཀའ་དབང་དང་འབྲེལ་བའི་གཏམ་བཤད་དང་། ༧སྐྱབས་མགོན་མཆོག་གིས་ཐུགས་བརྩེ་ཆེན་པོས་བཀའ་དབང་སྩོལ་གནང་མཛད་རྒྱུའི་ཞལ་བཞེས་ལ་དམིགས་བསལ་བཀའ་དྲིན་ཆེ་ཞུའི་འཚམས་འདྲི་གྲུབ་རྗེས། བཀའ་དབང་ལ་དངོས་སུ་ངོ་བཅར་ཞུས་ཡོད་པའི་ཞིབ་འཇུག་ཚོགས་པའི་འགན་འཛིན་ལྷན་ཚོགས་ཀྱི་ཚོགས་གཙོ་མཁན་པོ་འཇིགས་མེད་རྣམ་རྒྱལ། ལྷ་རམས་པ་ཧ་ཤེན་རིན་པོ་ཆེ། དབང་སྟོད་སྤྲུལ་སྐུ་ཐུབ་བསྟན་ནོར་བུ། བཀྲ་ཤིས་རིན་པོ་ཆེ། སྒྲུབ་དཔོན་བསོད་ནམས་ཉི་མ། དགེ་བཤེས་ཐུབ་བསྟན་ནོར་བུ། མཁན་པོ་ཚེ་དབང་རིག་འཛིན། བླ་མ་ཡོན་ཏན་རིན་པོ་ཆེ། སློབ་དཔོན་ཡེ་ཤེས་རབ་རྒྱས་བཅས་འགན་འཛིན་ཐུན་མོང་ནས་མཎྚལ་དང་སྐུ་གསུང་ཐུགས་རྟེན་འདེགས་འབུལ་ཞུས།
རེབ་ཐོག་མདའ།
འདི་ཕྱིའི་ཚེ་ཡི་འཁུར་བོ་རྫོགས་མེད་ཀྱི་འཚོ་བ། །
སྣང་བ་འཇའ་ཚོན་རི་མོ་ལས་ཉོན་གྱིས་བསྐུལ་ན། །
ཉི་ཟླའི་འཆར་ནུབ་མི་འཇིག་རྟག་བརྟན་དུ་གནས་ཀྱང་། །
སྒྱུ་མའི་འཇིག་རྟེན་འདི་ལ་ཡིད་རྟོན་རེ་མ་རྙེད། །
རྒས་གཉེར་སྟུག་པོ་སྐྱ་བོའི་ངོ་གདོང་ནས་མངོན་ཀྱང་། །
རང་རྒྱུད་དགེ་བར་འཇུག་པའི་ལམ་ཁ་ཞིག་མ་རྙེད། །
ན་རྒའི་སྡུག་བསྔལ་དབང་མེད་ལུས་སེམས་ནས་འགུལ་ཀྱང་། །
སྲིད་པའི་འཁོར་བ་ཞེན་པའི་ལན་ཆགས་ཞིག་འཁོར་སོང་། །
རས་པ།
འདི་ནས་ཡར་ལ་བལྟས་པའི་རི་བོ་དེས།
ག་ལེར་སྐྱ་ཡུག་ཡུག་གི་ལྭ་བ་མནབས་ཏེ།
སྐྱོ་གདུང་གི་རྡུལ་འཚུབ་གཏོར།
མཛེས་སྡུག་གི་རི་ལུང་བདེ་བར་བཞུད་ཅིག
སྐྱིད་སྡུག་ནི་སྔ་ཕྱི་ཙམ་ཡིན་པས་སང་ལོ་མཇལ་ཆོག
རི་ཞིག་ལ་འདང་རྒྱབ་ན།
ཁྱོད་ལ་རང་གི་མཛེས་སྡུག་གི་སྔོ་ལྗང་འཕྲོག་པའི་སྡུག་བསྔལ་ཡོད་དམ།
ངས་རང་གི་སྤང་ཐང་ཡངས་པོ་དྲན་ཐེངས་རེར།
སྡུག་བསྔལ་དང་ཁོང་ཁྲོ་ཡིས་རང་ཉིད་འཇོམས་པར་བྱེད།
ཡིན་ནའང་། དགུན་འཁྱག་གི་དུས་འགྱུར་འདི་ལ།
མགོ་བོ་བསྲིངས་ནས་རང་སྲོག་གཅོད་མི་སྲིད།
ཆབ་མདོ་ངག་ཕུན།
ངུར་སྨིག་གར་གྱི་འཛིན་པ། །ཆོས་སྲིད་གཉིས་ཀྱི་ཐོག་ལ།།
མཁྱེན་རྒྱ་ཤིན་ཏུ་ཆེ་བའི། །སྐྱབས་རྗེ་ཟམ་གདོང་བླ་མ།།
བོད་དོན་གཉན་འཕྲང་སྐབས་སུ། །ཡོད་ཚད་བློས་བཏང་མཛད་ནས།།
ལྷག་བསམ་ཞུམ་པ་མེད་པའི། །བོད་དོན་ཕྱག་ལས་མཛད་ཡོད།།
ཝ་ན་གཙུག་ལག་སློབ་གྲྭ། །གསར་དུ་བསྐྲུན་པར་མཛད་ནས།།
ཆོས་དང་རིག་གཞུང་མི་ཉམས། །གོང་འཕེལ་རླབས་ཆེན་མཛད་ཡོད།།
སྤྱི་འཐུས་གཙོ་ཚོགས་མཛད་ནས། །བཙན་བྱོལ་བོད་མིའི་སྒྲིག་འཛུགས།
དེང་རབས་མཐུན་པའི་མང་གཙོ། །རྨང་གཞི་སྲ་བརྟན་མཛད་ཡོད།།
པད་མ་ཚེ་དབང་ཤཱསྟྲི།
རྒྱ་གར་གྱི་གློག་བརྙན་(Daag) དྲི་ནོག་ཅེས་པའི་གླུ་ཞིག
Ab chaahe maa ruthe ya baaba yaara maine to ha kar li
Ab chaahe sar phute ya maatha maine teri baah pakad li
Ho maine tujhpe neeyat dhar li, maine hanskar haami bhar li
Yaari chhute na, tute na, ha kar li to kar li
Ab chaahe maa ruthe ya………….
ད་ཨ་མ་ཁྲོས་ཀྱང་རུང་ཨ་ཕ། ངས་ནི་ཁྱོད་ཁས་བླངས་ཟིན།
ད་མགོ་བོ་གས་ཀྱང་རུང་ཀླད་པ། ངས་ནི་ཁྱོད་ཀྱི་ལག་བཟུང་ཡོད།
ཧོ་ངས་ནི་ཁྱོད་ལ་སེམས་པ་གཏད་ཡོད། ང་ཡིས་འཛུམ་བཅས་ཁས་ལེན་བྱས་ཡོད།
གྲོགས་འདྲིས་མི་འཐོར་ཤོག མི་ཆག་ཤོག ཁས་ཆོད་ནི་ཁས་ཆོད་རེད།
ད་ཨ་མ་ཁྲོས་ཀྱང་རུང་ཨ་ཕ། ངས་ནི་ཁྱོད་་་་་་་་་་་་་་་་་་་་་་་་་་་
རས་པ།
ཁབ་གཙགས་རི་མོའི་ཆེས་ཐོག་མའི་དུས་རིམ་ནི་ཧ་ཅང་ཡ་མཚན་པ་ཞིག་ཡིན་པ་དང་། རི་མོ་འདི་ནོའུ་རྫི་ལན་དུ་གདོད་མའི་ཨིན་སྒྲའི་ཨན་མི་རིགས་ཀྱིས་མིའི་གཟུགས་པོའི་སྟེང་ས་ཁྲ་བསྐོས་པ་ལ་བརྟེན་ནས་མགོ་བཙུགས་ཡོད། གདོད་མའི་མི་རིགས་འདིའི་མི་ཚོ་ཕྱོགས་བསྐྱོད་སྐབས་མི་གཅིག་གི་རྒྱབ་དང་གཟུགས་པོའི་ཆ་ཤས་གང་རུང་དུ་གང་དུ་འགྲོ་དགོས་པ་ས་ཁྲར་བྲིས་ཏེ་ཕྱོགས་བསྐྱོད་བྱེད་ཀྱི་ཡོད། རིམ་པས་རི་མོའི་འདི་ལ་འགྱུར་བ་ཆེན་པོ་ཐེབས་ཡོད་པ་དང་། མི་ཚང་རེ་རེའི་མི་རྒྱུད་ཀྱི་རྟགས་མཚན་དང་། མི་རྒྱུད་ཅི་ཙམ་སོང་ཡོད་མེད་ལ་ངོས་འཛིན་བྱེད་པའི་མཚོན་རྟགས་སུ་གྱུར་ཡོད། མཚོན་རྟགས་འདི་ནི་ཁའི་འགྲམ་དང་དཔྲལ་བར་སྒོར་དབྱིབས་ཀྱི་རྨ་ཐིག་འཐེན་ཡོད་པ་ཞིག་ཡིན། མི་རབས་རིམ་པར་སོང་ཡང་སྒོར་དབྱིབས་རྨ་ཐིག་གི་གྲངས་ཀ་ལ་ལྟོས་ཚེ་མི་དེའི་མི་རྒྱུད་ལ་ངོས་འཛིན་ཐུབ་ཀྱི་ཡོད་འདུག སྒོར་དབྱིབས་རི་མོ་དེ་ནི་བཤད་ཚོད་ལ་ཉི་མ་དང་ཟླ་བའི་གཟུགས་སུ་བཞེད་ཀྱི་ཡོད་པ་དང་། འདི་ཉིད་དད་མོས་ཀྱི་གཞི་གང་ཡིན་པ་ལ་ཆ་འཇོག་བྱས་པ་ཞིག་ཀྱང་རེད།
འཆི་མེད།
ཁ་ཉིན་དྲ་ལམ་ཧྲིལ་བོར་བརྙན་ཐུང་ཞིག་གིས་ཁེངས་འདུག ཡང་གྲོགས་པོ་དང་བཟང་སའི་ངོ་བཟུང་ནས་ས་སྤུར་གནམ་སྤུར་བྱེད་པའི་གསར་འགྱུར་ལྟ་བུ་ཞིག་ལོས་ཡིན་བསམས་ཏེ་མ་བལྟས། རིམ་གྱིས་རིམ་གྱིས་ཆེ་དྲགས་དག་གིས་ཀྱང་སྤེལ་བྱུང་བས་དོན་དམ་ཅི་ཡིན་ནམ་སྙམ་པའི་བློ་ཡིས་བལྟས་པ་ན། དངོས་གནས་ས་ཐོབ་བྱང་ཆུབ་སེམས་དཔའ་ཟེར་བ་རིག་མཐོང་མེད་པ་དེ་ནི་མིའི་འཚོ་བའི་ཁྲོད་ཀྱི་མེ་ཏོག་སྐྱིད་དང་མེ་ཏོག་སྐྱིད་མང་པོར་ཟེར་བ་མ་ཡིན་ནམ་སྙམ་པ་བྱུང་།
རླངས་ཚང་བསོད་ནམས་རྡོ་རྗེ།
ཁར་ནུབ་ཀན་ལྷོ་རྒྱང་སྒྲོག་ཁང་གི་བོད་སྐད་འཕྲིན་ལམ་གྱིས་བཏང་བའི་རྨ་ཆུའི་གླུ་མ་མེ་ཏོག་སྐྱིད་ཀྱི་མི་ཚེའི་སྐྱིད་སྡུག་དང་འབྲེལ་བའི་བརྙན་ཐུང་ཞིག་ལ་བལྟས་མ་ཐག སེམས་ཀུན་ནས་གཡོ་བར་བྱས། ཡུལ་དེའི་སྨྱན་སྦྱོར་ལ་རེ་བ་གསར་བ་ཞིག་མཐོང་བ་མ་ཟད། མདོ་འཛིན་པ་དྭངས་གསལ་ལྷ་མོའི་གསལ་དག་སྙན་གསུམ་གྱི་སྐད་ངག་གིས་ཡིད་རབ་ཏུ་དྲངས། དེའི་རྒྱབ་ཀྱི་རྩོམ་འབྲི་བ་སོགས་ལས་ཀ་བྱེད་མཁན་དག་ལའང་བསྟོད་པའི་མཐེ་བོང་ཞིག་ངང་གིས་ཤོར་སོང་བ་མ་ཟད། དེང་འོ་སྐོལ་མི་རིགས་ལས་མང་ཤོས་ཀྱིས་བདེན་པ་དང་གནས་ལུགས་བརྡར་བའི་ཡི་གེ་དང་། སྒྲ་དང་བརྙན་ལ་སོགས་པར་དོ་སྣང་མི་བྱེད་ཅིང་། སྨྱོ་བཤད་གཟའ་བཤད་དང་ཆགས་བཤད་ཁྲམ་བཤད་བྱེད་མཁན། མགོ་གཡོག་རྫུན་ལས་བྱེད་མཁན་ལ་དོ་སྣང་བྱེད་ཀྱིན་པར་ང་ཚོ་རྒུད་པ་ནས་རྒུད་པར་འགྱུར་བཞིན་པ་འདི་སྐྱོ་བ་ལའང་སྙམ་པའི་སེམས་ཁུར་དེ་ཡང་སྐབས་ཙམ་རིང་ཡལ་བར་གྱུར།
དེ་ལས་མང་བ་། “གླུ་མ་མེ་ཏོག་སྐྱིད་དང་འབྲེལ་ནས་ཁྱིམ་ཚང་སློབ་གསོའི་སྐོར་ཟུར་ཙམ་གླེང་བ།” »
གཞུང་པ་ཚེ་དབང་བསོད་ནམས།
བོད་མི་མང་སྤྱི་འཐུས་ལྷན་ཚོགས་ནས་འགྲེམས་སྤེལ་བྱས། བོད་རྒྱལ་ལོ་ ༢༡༤༩ ཕྱི་ལོ་ ༢༠༢༢། ཟེར་བའི་དེབ་དེའི་ནང་དོན་ཆ་ཚང་ཀློག་སྐབས་ང་ལ་མཐོང་ཚུལ་དང་བསམ་ཚུལ་གོ་རྟོགས་སོགས་གང་བྱུང་བ་དེ་མང་གཙོ་དང་ཁྲིམས་ཀྱི་དབང་བསྒྱུར་ལ་འགན་འཁུར་ནས་བཅའ་ཁྲིམས་དོན་ཚན་བཅུ་གསུམ་ནང་གསལ་བའི་བོད་ཀྱི་ཡུལ་མིའི་ལས་འགན་སྒྲུབ་ནས་གང་ཟག་སྒེར་གྱི་བསམ་ཚུལ་འདིར་ཞུ་འདོད་བྱུང་།
༡༽གྲོས་ཆོད་ཡིག་ཆ་ཨང་༣༩པ་དེ་ཁྲིམས་མཐུན་ཡིན་དང་ཁྲིམས་འགལ་ཡིན་གཤམ་གསལ་བཅའ་ཁྲིམས་ཀྱིས་དོན་ཚན་ཁག་ནས་ངོ་སྤྲོད་ཐུབ་རྒྱུ།
བཅའ་ཁྲིམས་དོན་ཚན་༦༣པའི་ནང་གསེས་བཞི་པའི་འོག་ཁྲིམས་ཞིབ་པ་ཆ་ཚང་འཕོ་འགྱུར་བཏང་བ་དེ་ཁྲིམས་མཐུན་རེད་དམ། ཁྲིམས་འགལ་རེད་གཤམས་འོག་བཅའ་ཁྲིམས་ཀྱིས་དོན་ཚན་ཁག་ལ་གཟིགས་ན་མཁྱེན་ཐུབ།༼བཅའ་ཁྲིམས་དོན་ཚན་༦༣པའི་ནང་གསེས་བཞི་པ་འདི་ལྟར།
པད་མ་འབུམ་ནས།
གཟའ་མཇུག་ཅིག་ལ། ངེད་བཟའ་མི་གསུམ་གུང་གསེང་ཞིག་ལ་ཕྱིན་པ་ཡིན། འགྲོ་ས་ནི་ངའི་སྙིད་མོའི་ཞིང་ར་ཡིན། མོ་དང་མོའི་ཁྱོ་ག་གཉིས་ཀྱི་ཞིང་ར་ཡོད་ས་དེ་ཡུལ་ལྗོངས་ཧ་ཅང་ཡངས་ཤིང་ཡིད་དུ་འོང་། མཚམས་མཚམས་ན་སྒྱུ་རྩལ་གྱི་འབག་གཟུགས་(sculpture) སྣ་ཚོགས་བསླངས་ཡོད། དེ་ཚོ་ལས་ཁག་ཅིག་སྔོན་ཆད་ངས་སྐད་འཕྲིན་གྱི་ནང་དུ་ཡང་སྤེལ་མྱོང་།
ང་ཚོ་དེར་སླེབས་དུས། སྙིད་མོ་བཟའ་ཟླ་གཉིས་ཀྱིས་ང་ཚོ་སྡོད་ས་སྒྱུག་མོའི་ཁང་ཆུང་ནང་ལ་བཀོད་སྒྲིག་བྱས་འདུག དེ་ཤེས་པ་ན་ངའི་ཆུང་མ་དང་བུ་མོ་གཉིས་དགའ་ནས་སྐད་འབོད་བྱས་སོང་། དེ་ལ་ཁག་མེད། ཞིང་ར་དེ་ན་སྒྱུག་མོ་ལ་ཁང་ཆུང་ཧ་ཅང་སྙིང་རྗེ་བོ་ཞིག་ཡོད། ཁང་ཆུང་དེའི་ནང་ན་མི་དགོས་པའི་ཅ་ལག་གཅིག་ཀྱང་མེད་ལ། དགོས་པའི་ཅ་ལག་མ་ཚང་བ་ཡང་གཅིག་ཀྱང་མེད། ཅ་ལག་ཆེ་ཆུང་ཚང་མར་རང་རང་གི་འཇོག་ས་རེ་དང་
བདེ་སྐྱིད།
ཕྱི་ལོ་ ༢༠༢༢ ཟླ་ ༡༠ ཚེས་ ༢༦ ཉིན་བོད་ཕྲུག་ཁྱིམ་སྡེའི་སློབ་ཟུར་ཚོས་གངས་ཅན་བོད་ཀྱི་ཨ་མ་བཀའ་ཟུར་རྗེ་བཙུན་པདྨ་མཆོག་ལ་བཀའ་དྲིན་རྗེས་དྲན་ཆེད་ཨ་མ་ལགས་ཀྱི་ལམ་སྟོན་ལྟར་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུ་གཏན་འཁེལ་འདུག གལ་ཏེ་བཙན་བྱོལ་བོད་མིའི་སྤྱི་ཚོགས་ནང་ལ་བཀའ་དྲིན་ཞུ་དགོས་ས་ཡོད་ན་གཙོ་བོ་གཉིས་ནི་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་དང་། ཨ་མ་ལགས་རྣམ་གཉིས་རེད། ངས་བཀའ་དྲིན་ཆེ་ཞུ་ཡུལ་གཞན་མེད་པ་བརྗོད་ཀྱི་མེད། ཁོང་རྣམ་གཉིས་ཀྱི་སྐུ་ཚེ་དང་བོད་ཀྱི་ལས་དབང་ཟུང་དུ་སྦྲེལ་ཡོད་པས་ཁོང་རྣམ་གཉིས་སྐུ་ཚེ་ཡུན་དུ་བརྟན་པའི་བརྟན་བཞུགས་ལོས་འབུལ་དགོས། བཙན་བྱོལ་ནང་ལ་བོད་མི་ཆིག་འབུམ་ལྷག་ཡོད་ན་བོད་ཕྲུག་ཁྱིམ་སྡེ་ནས་ཐོན་པའི་སློབ་ཕྲུག་ཁྲི་ལྔ་ལྷག་ཡོད་པས་བཙན་བྱོལ་བོད་མིའི་མི་འབོར་བརྒྱ་ཆ་ ༥༠ ལྷག་བོད་ཕྲུག་ཁྱིམ་སྡེ་ནས་གསོ་སྐྱོང་གནང་ཡོད།
ཁྲོ་གཏུམ།
མེ་ཏོག་སྣ་བརྒྱའི་དྲི་ངད་ཀྱིས་ཁེངས་པའི་རྩྭ་ཐང་ནས་གཉིད་ལ་ཤོར
གཉིད་ཧ་ཅང་མཐུག་པོའི་ཁོང་གསེང་ལས་རྨི་ལམ་བཏང
ལྗང་མདོག་གི་ནེམ་ལོས་འཁྱུད་ཅིང
ཉི་འོད་ཀྱི་ཟེར་མས་བཀབ་དུས
ང་ནི་ཆེས་གཅེས་ལངས་སུ་སོང་བའི་ཨ་མའི་བང་གི་བུ་ཁོ་དེ་མིན་ནམ
དེ་ལས་མང་བ་། “རྩྭ་ཐང་ནས་བྱེ་ཐང་ལ་ལྷུང་བའི་མཐོ་སྒང་གི་རྣམ་ཤེས་འཁྱམས་པོ་ཞིག” »
རྩོམ་པ་པོ། རང་བཙན་འཐབ་རྩོད་པ་བསྟན་འཛིན་བརྩོན་འགྲུས།
ཡིག་བསྒྱུར་བ། གཟི་མིག
ང་ལ་ལག་དེབ་གསུམ་ཡོད། ངའི་མཛུབ་ཐེལ་དང་ཕྱེད་པར་ཡོད་པའི་སྐྱབས་བཅོལ་ལག་དེབ་ཏུ་ང་རང་རྒྱ་གར་དུ་སྐྱེས་ཤིང་རྒྱ་གར་དུ་འཚོ་སྡོད་བྱེད་ཀྱིན་ཡོད་པ་གསལ་ཡོད། རྒྱ་གར་དབུས་གཞུང་གིས་གནང་བའི་ལག་དེབ་གཉིས་པ་དེབ་སེར་པོ་( ཕྱིར་སྐྱོད་ལག་དེབ) ནི་ང་རང་ཕྱི་རྒྱལ་ཡུལ་གྲུ་ཁག་ཏུ་གཏམ་བཤད་སྤེལ་བར་སྐྱོད་པའི་འགྲུལ་སྐྱོད་ཡིག་ཆ་ཞིག་ཡིན། ལག་དེབ་གསུམ་པ་དེ་ནི་བཙན་བྱོལ་བོད་གཞུང་གིས་གནང་ཞིང་། དེ་ནི་བོད་ཀྱི་མ་འོངས་པའི་ཕྱིར་སྐྱོད་ལག་དེབ (passport) ཡིན་ཡང་། ལག་དེབ་དེ་དག་ལས་གཅིག་གིས་ཀྱང་ང་རང་མི་སེར་ཞིག་ཡིན་པ་སྒྲུབ་ཐུབ་ཀྱི་མེད་པས་ང་ནི་རྒྱལ་ཁབ་སུ་གང་གི་མི་སེར་ཆགས་མེད། ང་ཚོས་ང་ཚོར་སྐྱབས་བཅོལ་བ་ཞེས་འབོད་ཅིང་། རྒྱ་གར་གཞུང་གིས་བོད་མི་རྣམས་ལ་རྒྱ་གར་གྱི་སྐུ་མགྲོན་དུ་འབོད་ཀྱིན་ཡོད་ལ། ༧རྒྱལ་བ་རིན་པོ་ཆེ་མཆོག་ནི་དེའི་ཁོངས་ཀྱི་སྐྱབས་བཅོལ་བ་ཞིག་རེད།
དེ་ལས་མང་བ་། “ངེས་གཏན་མེད་པའི་མི་ཚེ། སྐྱབས་བཅོལ་བོད་མིའི་གཏམ་རྒྱུད་ཅིག” »
རྫ་ཚེ་རིང་བཀྲ་ཤིས།
གཅིག གཏམ་གྱིས་གླེང་བསླངས་པ།
ཁ་སང་ཕྱི་དྲོ་ངས་དྲ་ཐོག་ཏུ། ང་མི་ཚེ་འདིར་སྔ་ཙམ་ནས་རྫོང་སར་མཁྱེན་བརྩེ་རིན་པོ་ཆེ་དང་མཁན་ཆེན་ཚུལ་ཁྲིམས་བློ་གྲོས་གཉིས་ལ་གཞན་དང་མི་འདྲ་བའི་ཆ་གལ་ཆེན་ཞིག་ཡོད་པ་དེ་ངོས་ཟིན་མཁན་ཞིག་ཏུ་སྐྱེས་པ་ནི། དཔྲལ་པར་མིག་གཉིས་དོད་པ་དང་། ཁོག་པར་སེམས་ཤིག་ཡོད་པ་དེས་ལས་ཀ་ཞིག་བྱས་སོང་སྙམ་དུ་དགའ་བཞིན་ཡོད། ང་ལ་སྔ་མོ་ཞིག་ནས་ཁོང་རྣམ་པ་གཉིས་ཀྱི་སྐུ་ལུས་ཀྱི་ཐོག་ནས་འཛད་མཐའ་མེད་པའི་མ་འོངས་པ་ཞིག་མངོན་བཞིན་པ་ལྟ་བུའི་སྣང་བ་བྱུང་། ཞེས་པའི་གཏམ་ཐུང་ཞིག་དྲ་ལམ་དུ་སྤེལ་བ་ཡིན།
གངས་དཀར་སེམས།
སྔོན་གླེང་།
སྤྱིར་ན་ཕོ་མོ་སུ་རུང་སྒེར་གྱི་རང་གཤིས་དང་ཁྱད་ཆོས་མི་འདྲ་བ་བདེན། ང་ཚོའི་བོད་ཀྱི་གཏམ་དཔེ་ལ། མི་སུམ་བཅུར་སྣང་བ་སུམ་བཅུ། མཛོ་སུམ་བཅུར་ར་ཅོ་དྲུག་བཅུ། ཞེས་པ་ལྟར་ལོས་ཡིན། ཡིན་ཡང་ཕོ་མོ་སུ་རུང་ལ་སྐྱོན་ཡོན་གཉིས་ཀ་ལུས་ཡོད། ཐེ་ཚོམ་མི་དགོས་པའི་བདེན་པ་འདི་སུ་གང་གིས་ལག་པས་བཙན་འགེབས་མི་ཐུབ། དེས་ན་མིའི་ཁྱད་ཆོས་འགའ་རེར་གཞན་གྱིས་དོ་དམ་སྟངས་འཛིན་སྐྱོན་བརྗོད་ཀྱིས་གཞི་ནས་གསལ་པོ་ཡོང་ཐུབ་སྟབས་ངས་འདིར་སྣང་བར་འཆར་བ་འགའི་ཁྱད་ཆོས་ཉུང་ཙམ་རེ་བཤད་འདོད་བྱུང་།
༡། བསླབ་བྱ་སློབ་གསོ་རྒྱག་མཁན་རིགས།
པདྨ་འབུམ།
ན་ནིང་དབྱར་ཀའི་ཕྱི་དྲོ་ཞིག་ལ། ངའི་ར་སྐོར་གྱི་ནང་གི་རྩྭ་འབྲེག་རན་ནས་ཡུན་ཙམ་འགོར་ཡོད། ཡིན་ན་ཡང་རྩྭ་འབྲེག་འཕྲུལ་འཁོར་མེ་ཁ་སྦར་ཐུབ་ཀྱི་མི་འདུག དེ་ཞིག་གསོ་ཁང་ལ་བསྐྱལ་ན་ཉིན་ཤས་འགོར་འགྲོ་ལ། ར་སྐོར་ནང་གི་རྩྭ་མགོ་མཐོ་ནས་སྒུག་དཀའ་བར་འདུག
ངས་རུ་ཁ་ཁྱིམ་མཚེས་ཀྱི་འཕྲིན་ཚོམ་གྱི་ནང་དུ་འཕྲིན་ཐུང་ཞིག་བཏང་ནས། གླ་ཡོན་སྒོར་མོ་ཅུང་ཙམ་སྤྲད་ན་ངའི་ར་སྐོར་གྱི་རྩྭ་འབྲེག་མི་ཡོད་མེད་རྩད་གཅོད་བྱས་པ་ཡིན། དགུན་ཁ་ཁ་བ་བབས་སྐབས། རང་གིས་ཁ་བ་འཕྱག་མི་ཐུབ་ན། རུ་ཁ་ཁྱིམ་མཚེས་ཀྱི་འཕྲིན་ཚོམ་ལ་བརྡ་སྤྲོད་བྱས་ན། འབྲིང་རིམ་དང་མཐོ་འབྲིང་གི་སློབ་མ་འགའ་རེས་ཁ་བ་ཕྱགས་ནས་སྒོར་འགའ་རེ་བཙལ། ཡིན་ན་ཡང་རྩྭ་འབྲེག་མི་ཡོད་མེད་ངས་ད་བར་དུ་མ་ཤེས།
འཕྲིན་ཚོམ་གྱི་ནང་དུ་ལན་ཞིག་མགྱོགས་པོར་སླེབས་སོང་། “ངའི་བུ་མགྱོགས་པོར་ཡོང་ངེས་ཡིན།”ཞེས་ལན་ཐུང་ཞིག་བརྒྱབ་འདུག ལན་རྒྱག་མཁན་ངས་མི་ཤེས།
ཆུ་སྐྱེས་དགེ་འདུན་དཔལ་བཟང་།
གསུམ་པ། ཞར་བྱུང་མལ་གྲོ་གུང་དཀར་གྱི་སྒྲུབ་སྡེ་ཁག
གཅིག དགེ་བཤེས་འཆད་ཁ་བའི་དགོན་པ།
གཅིག འཆད་ཁ་དགོན་པ།
འཆད་ཁ་དགོན་པ་ནི། ད་ལྟའི་བོད་ལྗོངས་ལྷ་ས་གྲོང་ཁྱེར་མལ་གྲོ་གུང་དཀར་རྫོང་བཀྲ་ཤིས་སྒང་ཡུལ་ཚོ་སྐྱིད་དགུ་གྲོང་ཚོའི་རི་འདབས་སུ་ཆགས་ཡོད། སྤྱི་ལོ༡༡༥༣ལོར་འཆད་ཁ་བ་ཡེ་ཤེས་རྡོ་རྗེས་ཕྱག་འདེབས་མཛད། རྗེས་སུ་ཀླུ་གཉན་གྱིས་དགེ་འདུན་པ་རྣམས་ལ་གནོད་པར་བརྟེན། འཆད་ཁ་བ་ཁོང་གིས་ལུང་བསྟན་གནང་བ་ལྟར་ཁོང་གི་ཐུགས་སྲས་སེ་སྤྱིལ་བུ་བ་ཆོས་ཀྱི་རྒྱལ་བོས་སྤྱི་ལོ༡༡༦༥ལོར་འཆད་ཁ་དགོན་གསར་ཕྱག་འདེབས་གནང་། རིག་གསར་སྐབས་གཏོར་བཅོམ་ཐེབས། ད་ལྟ་འདུ་ཁང་དང་མགོན་ཁང་སོགས་བསྐྱར་བཞེངས་དང་། དགེ་འདུན་པ་བཅོ་ལྔ་མ་ལོངས་ཙམ་བཞུགས། །
དེ་ལས་མང་བ་། “འཕན་ཡུལ་བཀའ་གདམས་པའི་གནས་ཆེན་ཁག་ཏུ་བསྐྱོད་པའི་དྲན་ཐོ། ༼སྨད་ཆ།༽” »
བསོད་ནམས་དབང་མོ།
(དགེ་རྒན་དྲིན་གྱིས་ངས་འདི་ལྟར་བཤད་པ་ཡིན།)
ཨོཾ་སྭ་སྟི། སྙིང་རྗེའི་དབང་གིས་སྲིད་པར་བསམ་བཞིན་བྱོན། །
བསྟན་དང་འགྲོ་བའི་ལེགས་ཚོགས་ཀུན་སྤེལ་བྱེད། །
ཡང་དག་ལམ་མཁན་གོ་ཤྲི་རྒྱལ་ཚབ་པ། །
དྲིན་ཅན་རྩ་བའི་བླ་མ་གཙུག་ན་རྒྱལ། །
དེ་ཡང་ཆོས་དང་འཇིག་རྟེན་ལ་མཐོང་རྒྱ་ཡངས་ཤིང་བྱམས་བརྩེ་ཆེ་བའི་འགན་འཛིན་མཆོག་གིས་དབུས་བཙུན་དགོན་སྐྱེ་དགུ་བདག་མོའི་ཆོས་གླིང་གི་ལས་བྱེད་རྣམ་པ་དང་། ལྷག་བསམ་རྣམ་དག་གིས་གཞུང་རིག་གི་སློབ་ཁྲིད་ཉིན་མཚན་ལྷོད་མེད་གནང་བ་ལ་བརྟེན་ནས། བདག་ཅག་སློབ་ཕྲུག་རྣམས་ལ་འཁོར་འདས་ཀྱི་ཤེས་བྱ་སྣ་ཚོགས་མཐོང་བའི་བློས་གྲོས་ཀྱི་མིག་གནང་བའི་མཁན་དགེ་རྣམ་པ་དང་། ཤེས་བྱའི་བདུད་རྩི་མཉམ་དུ་འཐུང་ཞིང་། ཚངས་པ་མཚུངས་པར་སྤྱོད་པའི་མཆེད་གྲོགགས་རྣམ་པ་ཡོངས་ལ། ངས། ཐོག་མར་འཚམ་འདྲི་བཀྲ་ཤིས་བདེ་ལེགས་ཞུ་བགྱི་ཡིན།
