བོད་ཀྱི་སྐད་ལ་མི་ཤེས་པ། །
ཕལ་ཆེར་ཐོས་པ་ཆུང་བའི་སྐྱོན། །
འགའ་ཞིག་འགྱུར་གྱི་བྱེ་བྲག་དང༌། །
ཡུལ་སྐད་དག་གིས་བསྒྲིབས་པ་ཡོད། །
དགེ་རྒན་བླ་མ་སྐྱབས་ཀྱིས་འབྱོངས་པ་སྟེར་ར།
རེབ་གོང་རིག་འཛིན།
ངས་ངོ་དེབ་བེད་སྤྱོད་བྱས་ནས་རིང་པོ་འགོར་མེད། ཁ་སང་ངས་ངོ་དེབ་ནས་དགེ་རྒན་བླ་མ་སྐྱབས་ཀྱི་པར་ཞིག་མཐོང་སོང་། ད་ནི་ཁོང་རྒས་འདུག དེ་དུས་ཀྱི་ཁོང་ནི་སོང་ན་ཉམས་ཆེ་བ། བསྡད་ན་བརྗིད་ཆེ་བའི་གསར་རྒོད་ཅིག་རེད། ང་ཚོ་དེ་དུས་ན་གཞོན་རེད། ཡིད་སྨོན་འདྲ་ཞིག་འཆོར་གི་ཡོད། ཨོ། དེ་ནི་སྤྱི་ལོ་ 1983 ནས་ 1989 བར་རེད།དེ་དུས་ཀྱི་དགེ་རྒན་ཚོས་སློབ་མ་ཚོ་གཅུན་སྟངས་ནི་དེང་སང་དང་རྦད་དེ་ལོགས་ཀ་རེད། སློབ་སྦྱོང་མ་བྱས་ན་འབྱོངས་པ་སྟེར་གི་རེད། དེ་ནི་དགེ་རྒན་མང་ཆེ་བའི་རྒྱུན་ལྡན་གྱི་བྱེད་སྟངས་ཤིག་རེད། དེ་ནི་དགེ་རྒན་ཚོའི་ཤ་ཚ་ཞིག་ཀྱང་རེད་ཅེས་བརྗོད་ཆོག སྐབས་དེར་མཚོན་ན། ཕ་མ་ཚོས་ཀྱང་། འགྲོ་འདུག་སྤྱོད་གསུམ་དང་སློབ་སྦྱོང་དང་བཅས་པ་དགེ་རྒན་ལ་བཅོལ་ནས་འབྱོངས་པ་སྟེར་རོགས་ཞེས་དབང་ཆ་ཚང་མ་དགེ་རྒན་ལ་འབུལ། དགེ་རྒན་ཚོས་འབྱོངས་པ་སྟེར་བའི་རྒྱུ་མཚན་གཅིག་འདི་རེད། འབྱོངས་པ་སྟེར་སྟངས་རྣམ་པ་སྣ་ཚོགས་རེད། སློབ་སྦྱོང་མ་བྱས་ན་འབྱོངས་པ་སྟེར་བ་ནི་དགེ་རྒན་ཕལ་ཆེ་བའི་བྱེད་སྟངས་ཤིག་རེད།
རྒྱ་གར་གློག་བརྙན་(Shaheed) སྟེ་དཔའ་བོའམ། རྒྱལ་ཁབ་ཀྱི་ཆེད་དུ་རང་སྲོག་བློས་གཏོང་མཁན་ཞེས་པའི་གཞས་ཤིག
ཨཱ་ཨཱ་ཨ་ཨཱ།
ཝེ་ང་ཡི་ལུང་པའི་མི་མང་ཚོ།
འབོད་སྒྲ་སྐད་ཤུགས་ཆེ་ཙམ་སྒྲོགས།
འདི་ང་ཚོའི་ཤིས་པའི་ཉི་མ་རེད།
མདོག་གསུམ་ཅན་གྱི་རྒྱལ་དར་གནམ་ལ་འཆོར།
ལྷ་ལུང་དཔལ་རྡོར་གྱི་ལོ་རྒྱུས་འགའ་ཞིག་གླེང་བ།
གངས་འཚོ།
ནང་དོན་གནད་བསྡུས།རྩོམ་ཡིག་འདིའི་ནང་ལྷ་ལུང་དཔལ་རྡོར་གྱི་ཁྱིམ་རྒྱུད་དང་སྤུན་མཆེད་གསུམ་རབ་ཏུ་བྱུང་པའི་རྒྱུ་རྐྱེན། ཁོང་གིས་སྲིད་དོར་ནས་ཆོས་ཀྱི་མཛད་པ་བསྐྱངས་མཐར་རྒྱལ་པོ་དགྲོང་མཁན་གྱི་ལག་དམར་དུ་ཇི་ལྟར་གྱུར་ཚུལ་དང་། ཁྱད་པར་དུ་རྒྱལ་བོ་འུ་དུམ་བཙན་པོའི་མཐའ་མཇུག་གི་གནས་སྟངས་སོགས་ལ་དཔྱད་པ་བཏང་ཡོད།
གནད་ཚིག ལྷ་ལུང་། འཁྲུངས་ལོ། རབ་ཏུ་བྱུང་པ། འགལ་བ། མཐའ་མཇུག་གི་གནས་སྟངས།
དང་པོ། ལྷ་ལུང་དཔལ་རྡོར་གྱི་ཁྱིམ་རྒྱུད་དང་འཁྲུངས་ལོའི་སྐོར།
བོད་ཀྱི་ལོ་རྒྱུས་ཡིག་ཚང་ཁག་ནང་གཅིག་མཐུན་གྱིས་གསུངས་པ་ལྟར་ན། རྒྱལ་བོ་འུ་དུམ་བཙན་པོའི་ལས་སྐལ་རྫོགས་པར་བྱེད་མཁན་ནི་ལྷ་ལུང་དཔལ་གྱི་རྡོ་རྗེ་ཞེས་པའི་ཆོས་ཕྱོགས་ཀྱི་མི་སྣ་ཞིག་ཡིན་ལ། དོན་གྱིས་ཁོ་ནི་སྲིད་ཕྱོགས་ལའང་འབྲེལ་བ་ཆེན་པོ་ཞིག་ཡིན་འདུག །དེ་ནི་ཁོས་མཐར་རྒྱལ་པོ་འུ་དུམ་བཙན་པོ་ལྐོག་གསོད་བྱེད་པའི་ལམ་ཁ་དེ་འདེམ་པའི་རྒྱུ་རྐྱེན་གལ་ཆེན་ཞིག་ཏུ་གྱུར་ཡོད། ལོ་རྒྱུས་དོན་རྐྱེན་དེའི་མཐིལ་རྟོགས་པ་ལ་ཁོའི་ཁྱིམ་རྒྱུད་དང་འབྲེལ་ནས་གླེང་ན་གོ་བ་བདེ་བླག་ཏུ་རྙེད་ཐུབ། ལྷ་ལུང་དཔལ་རྡོར་ནི་ཁྱིམ་རྒྱུད་རྙིང་པ་དབང་ཐང་ཅན་ཞིག་ནས་སྐྱེས་པར་བརྟེན། ཁོང་སྐུ་ན་ཆུང་བའི་དུས་ནས་སྲིད་ཀྱི་ལས་ལ་ཞུགས་པར་མ་ཟད། སོ་མཚམས་སྲུང་བའི་དམག་དཔོན་གྱི་གོ་གནས་ཀྱང་ཁུར་མྱོང་ཡོད། ཁྱིམ་རྒྱུད་ཀྱི་མིང་ལ་ལྷ་ལུང་ཞེས་འབོད་ལ་དེ་ནི་རུས་རྒྱུད་རྙིང་པ་ལས་བྱུང་བའི་མིང་ཞིག་ཡིན་པས་ལོ་རྒྱུས་ཤིན་ཏུ་རིང་པོ་ཡོད་པ་ཞིག་ཡིན་པ་གོར་མ་ཆག །
དེ་ལས་མང་བ་། “ལྷ་ལུང་དཔལ་རྡོར་གྱི་ལོ་རྒྱུས་འགའ་ཞིག་གླེང་བ།” »
༼ཉི་མ་ལྷ་ས་དྲན་གི༽
ཐེ་བོ་སངས་རྒྱས།
ཉི་ཟླ་སྐར་གསུམ་ལྷ་རུ་བཀུར་ཅིང་།།
འཛམ་གླིང་སུམ་ཉིས་ས་ལ་སྤྱོད་པའི།།
བཙན་པོའི་བཀའ་ཆེམས་རྡོ་ལ་བརྐོས་ཤིང་།།
གཙུག་ལག་ཁང་བཟང་འཕྲུལ་གྱིས་བཞེངས་སོ།།
ཕོ་བྲང་དམར་པོར་ཉི་རྩེ་ཕོག་དུས།།
ལྷ་ཁང་ཕུག་གི་མར་མེའི་འོད་ཀྱིས།།
རྩིག་ངོས་ལྷ་སྒྲུང་རི་མོ་གསལ་བ།།
ཇོ་བོར་ཞུས་པའི་རྨོ་མོའི་འདོད་གསོལ།།
བདག་གི་རྒྱུས་མངའ་ཆེ་བའི་འཚིག་ཇ་ཁང་།
རྔ་བ་ཀུན་བཟང་།
གྲང་རྒྱུ་མེད་པའི་གནམ་གཤིས་ལེགས་པོ་ཞིག་ལ། ཆར་པ་སིམ་སིམ་ཞིག་ཆད་མེད་དུ་བབས་ཀྱང་། རབ་མཛེས་འཚིག་ཇ་ཁང་ཁྱེད།། མི་འགྱུར་སྔར་བཞི་བཞུགས་དུས།། ཀུན་བཟང་དེ་རིང་ཡོང་བ།། ནོར་བའི་སྣང་བ་མི་འདུག། ཞེས་པའི་ཚིག་འདི་དབང་མེད་ལ་ཤོར། ཞོར་ལ་ཚངས་དབྱངས་ཀྱི་མགུར་གླུ་“དབུས་ཀྱི་རི་རྒྱལ་ལྷུན་པོ། ། མི་འགྱུར་བརྟན་པོར་བཞུགས་དང་། ། ཉི་མ་ཟླ་བའི་འཁོར་ཕྱོགས། ། ནོར་ཡོང་བསམ་པ་མི་འདུག །” ཞེས་པའི་ཚིག་འདི་ཡང་ཚོར་སྣང་དེ་འདྲ་ཞིག་གི་དུས་ལ་ཤོར་ཡོད་ནི་རེད་མོད་ཡུམ།
ཀློག་པ་པོ་ལགས། གཤམ་ལ་ངའི་རྒྱུ་མངའ་ཆེ་བའི་འཚིག་ཇ་ཁང་དེ་ངོ་སྤྲོད་ཞིག་བྱེད་ན་ཆོག་གམ། འཚང་ཁ་ཤིག་ཤིག་གི་ཡོང་སའི་འཚིག་ཇ་ཁང་འདི་ཆུ་བོ་གངྒའི་འགྲམ་གྱི་ཧིན་རྡུ་གཙུག་ལག་སློབ་གཉེར་ཁང་གི་སྒོ་ཆེན་གྱི་གཡས་ཕྱོགས་ན་ཡོད་པའི་གྲགས་ཙན་རོ་མ་“Roma”ཞེས་པའི་ཟ་ཁང་གི་ཐོག་རྩེག་གཉིས་པ་ལ་ཡོད། འཚིག་ཇ་ཁང་གི་མིང་ངོ་མ་ལ་ཞེས་བྲིས་ཡོད་ཀྱང་། ངས་མིང་འདིའི་གོང་ལ་མཚན་མོ་ཞེས་ཚིག་གཅིག་གསར་དུ་སྣོད་ན་ཧ་ཅང་འཚམས་པར་མཐོང་། རྒྱུ་མཚན་རྗེས་ལ་བཤད། གང་ལྟར་མིང་འདི་འཚིག་ཇ་ཁང་གི་སྒོ་ཁ་ན་གློག་དམར་སྔོན་གཉིས་འབྲེལ་ཐོག་བྲིས་ཡོད། ཁྱེད་རང་གཟུགས་རིང་ན་ནང་ལ་འགྲོ་ཁ་གཟབ་གཟབ་གནང་དགོས།
“འགྱུར་བརྒྱ་རྩ་བརྒྱད་”ཀྱི་དཔེ་དེབ་གསར་པ་དབུ་འབྱེད་ཀྱི་མཛད་སྒོ་ལ་སྐུ་ཉིད་མཉམ་ཞུགས་གནང་རོགས།
ལམ་ལ། On the Road
ཇག་ ཁེ་རོ་ཨག་གིས་བརྩམས། By Jack Kerouac
དགེ་འདུན་རབ་གསལ་ལགས་ཀྱིས་བསྒྱུར། Translated by Gedun Rabsal
རེས་གཟའ་སྤེན་པ། སྤྱི་ཟླ་གཉིས་པའི་ཚེས་ ༥། ཨ་རིའི་ཤར་ཕྱོགས་ཀྱི་ཞོགས་པའི་ཆུ་ཚོད་ ༩:༣༠
(ཡུ་རོབ་དཀྱིལ་མའི་ཆུ་ཚོད་ ༡༥:༣༠ དང་། རྒྱ་གར་གྱི་ཆུ་ཚོད་ ༡༩:༠༠། ལྷ་སའི་ཆུ་ཚོད་ ༢༢:༣༠)
མཛད་སྒོ་འདི་ནི་དྲ་ཐོག་ནས་ Zoom བརྒྱུད་དེ་སྤེལ་རྒྱུ།
མཛད་སྒོ་འདི་ནི་བོད་སྐད་དུ་སྤེལ་གྱིན་ཡོད།
འབྲེལ་ཐག་འདི་བརྒྱུད་ནས་ཐོ་འགོད་གནང་རོགས།
ཡང་ན་གཏམ་བཤད་གནང་བའི་སྐབས་སུ་ཐད་ཀར་གཤམ་གྱི་སྦྲེལ་ཐག་བརྒྱུད་མཉམ་ཞུགས་གནང་རོགས།
འབྲེལ་ཐག https://tinyurl.com/2p8cjsfb Meeting ID: 841 6796 8398 / Passcode: 108
ཡེ་ཤེས་རང་སྣང་གི་གངས་རི་དཀར་པོ།
ཤེད་བུ།
ལྟ་གྲུབ་རིག་པ་སྟོང་ཕྲག་གི་བསྒྲུབ་བྱ་གཞན་ལ་བརྩེ་བ་དང་། །
གཞན་ལ་བརྩེ་བའི་རིགས་ལམ་གྱི་རྒྱལ་བོ་བརྟེན་ནས་འབྱུང་བ་གཉིས། །
རིགས་པའི་རྣམ་གྲངས་མཐའ་ཡས་པའི་སྒོ་ནས་སྟོན་པར་དབང་ཐོབ་པ། །
ཡེ་ཤེས་རང་སྣང་གི་གངས་རི་དཀར་པོ་ཞིག་ཡིད་ལ་འཁོར་སོང་། །
རི་མགོ་ཁ་བས་གཡོག་ཐེངས་རེར་དུང་མདོག་གི་སྨིན་མའི་འོག་ནས། །
གང་ཞིག་ལ་རྒྱང་གཟིགས་གནང་ཞིང་ཅི་ཞིག་ལ་ཐུགས་གཡེང་གནང་ཡོད། །
རང་ངོ་མི་ཟིན་པའི་ནོར་ནག་སྟོང་གི་རིགས་ཀྱི་བདག་པོ་ཀྱེ། །
བདེན་པ་འཚོ་བའི་སངས་རྒྱས་ཀྱི་ཚོ་བ་ཞིག་ཇག་པས་བཟུང་སོང་། །
རྒྱལ་སྤྱིའི་ཨོ་ལིམ་པིག་རྩེད་འགྲན་ལ་དཔྱད་པའི་གཏམ།
གཞུང་པ་ཚེ་དབང་བསོད་ནམས།
འཛམ་གླིང་གི་ས་གཞི་ཆེན་པོ་འདིའི་སྟེང་འཚོ་བའི་འགྲོ་བ་མི་ཡི་སྤྱི་ཚོགས་ག་འདྲ་ཞིག་ཡིན་ཡང་རྩེད་མོའི་བརྒྱུད་ནས་ཕན་ཚུན་ངོ་ཤེས་དང་མཐུན་འབྲེལ་བཟོ་རྒྱུ་དང་། རྒྱལ་ཁབ་ཕན་ཚུན་བར་ཆབ་སྲིད་དང་དཔལ་འབྱོར། ཤེས་རིག་དང་འཕྲོད་བསྟེན་སློབ་གསོ། བཟོ་ལས་འཛུགས་བསྐྲུན་དང་ཞིང་ལས་གསར་གཏོད། དམག་དོན་སྦྱོང་བརྡར་དང་ཚན་རྩལ་འཕྲུལ་ལས། ཆོས་ལུགས་མཐུན་འབྲེལ་དང་འཁོར་ཡུག་སྲུང་སྐྱོབ། གསོ་རིག་སྨན་སྦྱོར་སོགས་ཉམས་མྱོང་བརྗེ་ལེན་བརྒྱུད་ནས་མིའི་སྤྱི་ཚོགས་ཕན་ཚུན་གྱི་ལུས་ཁམས་བདེ་ཐང་ཡོང་བ་གཙོ་བོར་འཛིན་པའི་མཐུན་འབྲེལ་གྱི་བརྒྱུད་རིམ་ནས་རྩེད་རིགས་འདྲ་མིན་ལ་འགན་འཁུར་ནས་རྒྱལ་ཁབ་ཕན་ཚུན་མཐུན་འབྲེལ་བརྟན་པོ་ཡོང་བའི་ཆེད་ཨོ་ལིམ་པིག་རྩེད་འགྲན་དེ་བཞིན་སྤྱི་ལོ་ ༡༨༩༦ ལོར་གསར་དུ་བཙུགས་ནས་ཨོ་ལིམ་པིག་རྩེད་འགྲན་ཚོགས་ཆུང་གི་བཅའ་ཁྲིམས་སམ་སྒྲིག་གཞིའི་ལམ་སྟོན་འོག་རྒྱལ་ཁབ་ཆེ་བ་ཁག་ལ་མགྲོན་བདག་གི་སྒོ་སྐབས་སྤྲད་ནས་རྩེད་འགྲན་ནང་མཉམ་ཞུགས་གནང་མཁན་ཚོའི་སྡོད་ཁང་ལ་མཚོན་པའི་བདེ་འཇགས་སོགས་དགོས་མཁོའི་ཆ་རྐྱེན་ཚང་མ་སྣེ་ལེན་མགྲོན་བདག་རྒྱལ་ཁབ་ནས་གྲ་སྒྲིག་གནང་ནས་རྩེད་འགྲན་སྐབས་རྙོགས་གླེང་མི་ཡོང་བའི་འགན་མགྲོན་བདག་སྣེ་ལེན་རྒྱལ་ཁབ་ནས་གནང་དགོས་པ་ལྟར་འདི་ལོའི་ཨོ་ལིམ་པིག་རྩེད་འགྲན་གྱི་མགྲོན་བདག་རྒྱ་ནག་ནས་གྲ་
དེ་ལས་མང་བ་། “རྒྱལ་སྤྱིའི་ཨོ་ལིམ་པིག་རྩེད་འགྲན་ལ་དཔྱད་པའི་གཏམ།” »
རླབས་ཆེན་གྱི་དམ་པ་ཐིག་ནཏ་ཧཱན་དྲན་པ།
རྫ་ཚེ་རིང་བཀྲ་ཤིས།
ངས་ད་ནངས་ཞོགས་པ་ཡར་ལངས་དུས་སྐད་ཆ་མི་སྙན་པ་ཞིག་གོ་བྱུང་། སྐད་ཆ་དེ་ཕལ་ཆེར་དྲ་ལམ་ཧྲིལ་པོ་ཁྱབ་པ་ལྟར་འདུག གནས་ཚུལ་འདིར་དོ་སྣང་བྱེད་མཁན་ནི། བོད་སྐད་དང་། རྒྱ་སྐད། དབྱིན་སྐད་བཅས་ཀྱི་ཁོར་ཡུག་ཚང་མར་ཁྱབ་འདུག ལར་ནས། ཉེ་ཆར་རང་ལྷོ་ཨ་ཧྥི་རི་ཁའི་ཆོས་དཔོན་ཆེན་མོ་ཊུ་ཊུ་སྐུ་གཤེགས་ཤིང་། དེ་དང་འདྲ་བའི་རྒྱལ་སྤྱིའི་ནང་བསམ་བློའི་དབུ་ཁྲིད་སྙན་གྲགས་ཅན་དེ་ཚོ་ལོ་ན་མཐོན་པོར་ཕེབས་པ་དང་། སྐུ་གཤེགས་པའི་གནས་ཚུལ་དེ་རིགས་ཀྱིས་ང་ལ་སེམས་ཁྲལ་དམིགས་བསལ་ཞིག་སློང་གིན་འདུག དེའི་རྒྱུ་མཚན་ནི་བརྗོད་མི་དགོས་པ་ཞིག་རེད། ངས་དེ་མ་ཐག་གནས་བརྟན་ཆེན་པོ་ཐིག་ནཏ་ཧཱན་གྱི་གཞུང་ཕྱོགས་ཀྱི་ངོ་དེབ་ཉུལ་བ་ཡིན། ངོ་དེབ་ཀྱི་ཐོག་ཏུ་འདི་ལྟར་བྲིས་འདུག་སྟེ། “འདི་ག་རྒྱལ་སྤྱིའི་ནང་བསྟན་ཚོགས་སྡེའི་ངོས་ནས་གསར་བསྒྲགས་སྤེལ་དོན། ང་ཚོའི་ཆེས་དགའ་ཞིང་གུས་པའི་སློབ་དཔོན་བསམ་གཏན་མཁན་པོ་ཐིག་ནཏ་ཧཱན་མཆོག་ཕྱི་ལོ་ ༢༠༢༢ ཟླ་༡ ཚེས་ ༢༢ གྱི་མཚན་ཕྱེད་ཆུ་ཚོད་དང་པོའི་ཐོག་ཝེ་ཏི་ནམ་གྱི་ཐུ་ཧུའུ་དགོན་པར་དགུང་ལོ་༩༥ འི་ཐོག་ཞི་བའི་ངང་ནས་འཇིག་རྟེན་དང་ཞལ་གྱེས་སོང་།
དགུན་ཟླ།
ཐེ་བོ་སངས་རྒྱས། ཁྲུང་ཁྲུང་ལྷོ་རུ་འཕུར་རྗེས།།གཤོག་སྒྲོ་རྐང་གཅིག་ཟེགས་འདུག།གཤོག་སྒྲོའི་རི་མོའི་ནང་དུ།།འདས་པའི་གཏམ་རྒྱུད་གསལ་འདུག།མཚེའུ་དར་གྱིས་བསྡམས་པས།།སེམས་པ་འཁྱགས་ལ་འབྱར་སོང་།།འཇག་མའི་སྐྱོ་གླུར་ཉན་གྱིན།།དཔྱིད་ཀ་ཡོང་ངམ་སྙམ་ཡོོད།།
ནད་རིགས་བཞི་བརྒྱ་རྩ་བཞི་རླུང་མཁྲིས་བད་ཀན་ནང་མ་འདུས་པའི་ཀོ་ཝིད་ ༡༩ འམ་ཏོག་དབྱིབས་ནད་ཡམས་ལ་དཔྱད་པའི་གཏམ།
གཞུང་པ་ཚེ་དབང་བསོད་ནམས།
ང་ཚོ་མི་གི་ལུས་པོ་དེ་ཤ་དང་ཁྲག་རུས་པ་ལས་སྒྲུབ་པའི་འབྱུང་བ་བཞིའི་འོག་ཏུ་འཚོ་བའི་ཟག་བཅས་ཀྱི་ཕུང་པོ་ཞིག་ཡིན་པ་དང་། འབྱུང་བཞི་ཆ་མ་སྙོམས་ནས་ཡམས་ནད་དང་ཆམ་ནད་རིམས་ནད་སོགས་ནད་རིགས་འདྲ་མིན་ན་སྲིད་པ་ནི་འཇིག་རྟེན་མི་གི་ལས་དབང་དུ་སྐོས་པ་ནི་མི་ལ་སྐྱེ་རྒ་ན་འཆིའི་སྡུག་སྔལ་ཟེར་བ་ནས་དང་པོ་སྐྱེས་པའི་ཉིན་མོ་དེ་ནས་ཧ་གོ་དགོས་པ་དང་ངོ་འཕྲོད་དགོས་པ་དང་ཤེས་དགོས་པ་ནི་སྐྱེ་རྒ་ན་འཆི་ནི་འཇིག་རྟེན་འཁོར་བའི་ཆོས་ཉིད་ལ་སོང་འཇིགས་དགོས་པ་དང་ཞེད་དགོས་པ་གང་ཡང་མ་མཐོང་ཡང་ནད་རིགས་བཞི་བརྒྱ་རྩ་་བཞི་རླུང་མཁྲིས་བད་ཀན་ནང་མ་འདུས་པའི་འགྲོ་བ་མིའི་ཚེ་སྲོག་འཕྲོག་མཁན་གྱི་ནད་གསར་ཀོ་ཝིད་ ༡༩ འམ་ཏོག་དབྱིབས་ནད་ཡམས་ཟེར་བ་འདི་ནི་དེང་གི་ཚན་རྩལ་རིག་པ་དང་སྨན་པ་ཚོའི་ཤེས་བྱ་མཐའ་མེད་ནམ་མཁའ་སྟོང་པ་ལ་ལག་མྱུལ་རྒྱབ་ནས་ནད་རིགས་བཞི་བརྒྱ་རྩ་བཞི་རླུང་མཁྲིས་བད་ཀན་ནང་མ་འདུས་པའི་ནད་གསར་ལ་ངོས་འཛིན་གནང་གི་ཡོད་ན་ང་ཚོ་མི་གི་དུད་འགྲོ་སེམས་ཅན་ལ་ཁལ་འགེལ་གཡོག་སྐུལ། ཤ་བཟོས། འོ་ཞོ་ཐུང། པགས་པ་བེད་སྤྱད་པའི་རྣམ་སྨིན་ལས་འབྲས་ཟེར་བ་དེ་ང
མཇུག་མཐའི་སྐུ་པར།
སྒོ་ཤེས་རབ་རྒྱ་མཚོ། (སྐྱེས་སར་ཀླུ་སྒྲུབ་ཀྱིས་འོས་སྦྱོར་བྱས།)
གཅིག
འདི་ནི་དགེ་ཆོས་ཀྱིས་བསྐྱོན་པའི་སྐུ་པར་མཐའ་མ་ཡིན་ཚུལ་གོ་བ་ནས། པར་འདི་ལ་དུངས་པའང་དམིགས་བསལ་བ་ཞིག་ཆགས་བྱུང་། སྐབས་དང་སྐབས་སུ། ངས་སྐུ་པར་འདི་ལ་ཡང་ཡང་བལྟས་པ་ཡིན། སེམས་མ་སྐྱིད་དུས་ལྷག་ཏུ་ཉིན་རེར་ཐེངས་འགའ་རེར་བལྟས་པ་ཡིན། ལན་རེར། ལྟ་བཞིན་ལྟ་བཞིན་རང་ཉིད་ཀྱང་སྐུ་པར་སྟེང་གི་མལ་ཁྲིའི་གམ་དུ་འབྱོར་སོང་བ་ལྟ་བུའི་འཁྲུལ་སྣང་སྐྱེ་བར་མ་ཟད། འཁྲུལ་སྣང་གི་འཇིག་རྟེན་དེ་ནས། དགེ་ཆོས་མཆོག་གི་སྐྱོ་གདངས་འདྲེས་མའི་ཞལ་བརྡ་ཡང་རྣ་བར་ལྷུང་འོང་བ་འདྲ་བས། བྲང་ཁོག་འཁྱག་སོབ་སོབ་བྱེད། མགྲིན་པ་ཡང་ཡང་བརྣང་བར་འགྱུར།
རྣམ་ཤེས་ཀྱི་འོ་དོད།
གཡུ་སྒང་དགེ་འདུན།
དུག་ནད་སྒྱུ་མས་སྤྲུལ་འགྱུར་སྣ་ཚོགས་བསྟན།།
བཞི་བརྒྱ་རྩ་བཞིའི་ནད་ཀུན་བདག་ཏུ་བཟུང་།།
འཇིག་རྟེན་འདི་རུ་ནད་ཀྱི་རྒྱལ་པོ་ནི།།
ཡིན་པར་རློམ་སྟེ་ས་ཆེན་ཧམ་པས་མནན།།
གོས་སྔོན་སྲིན་པོས་བཟོས་པའི་དུག་ནད་ཀྱིས།།
ས་ཆེན་སྡུག་གི་མེ་མུར་བསྐྱིལ་བ་ན།།
རྣམ་ཤེས་གྲངས་མེད་ངུས་པའི་འོ་དོད་དེར།།
འཛམ་གླིང་ས་སྐྱོང་དག་ཀྱང་བཤོལ་ལ་ལྟོས།།
ས་མཐའི་“ལོ་ངོ་༢༣”རིང་ཨ་མར་མཇལ་སྐལ་གཅིག་ལས་མེད་སོང་།
ལ་མགོའི་ཉི་མ་འཇའ་(ནུབ) དུས། ལ་རྟིང་གྲིབ་མ་ཡལ་སོང་།
ཁྲོ་གཏུམ།
ཕྱི་ལོ་ ༡༩༥༩ ལོ་ནི། བཙན་པོའི་གདུང་རྒྱུད་ས་མཐར་ཆས་པའི་ལོ་རྒྱུས་ཀྱི་ཤོག་ལྷེ་དང་པོ། བོད་པ་འབོར་ཆེན་ཞིག་དང་བོད་གཞུང་རྒྱ་གར་ལ་བཙན་བྱོལ་དུ་འབྱོར་ལོ་ཡིན། བོད་ཀྱི་ལོ་རྒྱུས་ཁྲོད་བོད་པའི་མི་རྒྱུད་དག་འཛམ་གླིང་གི་རྒྱལ་ཁབ་གང་སར་མཆེད་པའི་མཚམས་ཤིག་སྟེ། སྟེས་དབང་གིས་བཤད་ན། རྐྱེན་ངན་གྲོགས་སུ་ཤར་བའི་གོ་སྐབས་ཤིག་ནན་གྱིས་དྭང་དུ་བླངས་པ་ཅིག དོན་གྱིས་རང་ས་དྲོན་མོར་རྒྱ་དམར་གྱིས་བཙན་འཛུལ་བྱས་ཏེ་བཙན་བྱོལ་བར་གྱུར་པའི་ལེའུ་ཞིག
རྒྱ་དམར་གྱིས་བོད་ཆེན་པོ་བཙན་བཟུང་བྱས་ཤིང་། དེ་ལྟར་ཉེ་འཁོར་གྱི་རྒྱལ་ཁབ་མང་པོ་ཞིག་གི་ཡུལ་སྲོལ་གོམས་གཤིས་རྨང་ནས་བཅོམ་མགོ་ཚུགས་པའི་ཡ་ང་བའི་ལོ་རྒྱུས་ཀྱི་ཆག་འཇིགབརྡ་འཕྲིན་དུས་རབས་ཀྱི་ངོ་གདོང་ན་མཚམས་རེར་གསལ་ལ་ལན་རེར་མི་གསལ་བའི་རག་ཟིག་རེ་ཤར།
དེ་ལས་མང་བ་། “ས་མཐའི་“ལོ་ངོ་༢༣”རིང་ཨ་མར་མཇལ་སྐལ་གཅིག་ལས་མེད་སོང་།” »
མི་ཡུལ་གྱི་འགྲོན་པོ།
རྔ་བ་ཀུན་བཟང་།
ང་མི་ཡུལ་ན་འགྲོན་པོ་ཐེངས་གཅིག་ཡོང་བའི་མགོ་སྟོང་ལྡོམ་པོ་དེ་ཡིན། རང་མགོ་རང་གི་གཡོག་བཞིན། རང་རྐང་གཞན་གྱི་བལ་ཐག་ན་འཆིང་བའི་འཁོར་བའི་ཚ་མོ་ཡིན། ཚ་མོ་མགོ་ཀྱལ་མ་ཡིན། དར་དཀར་པོ་འདྲ་བའི་སྟག་རྒོད་དང་། སྤང་མེ་ཏོག་འདྲ་བའི་མཛེས་མ། དབྱར་དྲུག་པ་འདྲ་བའི་ཁ་མདོག་རེ་མཐོང་དུས། གཏམ་སྙན་པོ་ཁ་ཡིས་མ་བཤད་ཀྱང་། ཚིག་སྟོང་ཕྲག་འགའ་ཡི་དབྱངས་ལམ་ནས། མཚོ་སྔོན་མོའི་བཞུར་སྒྲ་ལྷུང་ལྷུང་བཞིན་གང་ས་ལ་གཡོས་དུས། སྐྱོ་སེམས་རླུང་ལ་བསྐུར་ནས་སྣང་བ་གླུ་རུ་ལེན་བཞིན་ཁ་བ་ལྷབ་ལྷུབ་བབས་བའི་མཚན་མོ་མྱུལ།
ང་མི་ཡུལ་ན་འགྲོན་པོ་ཐེངས་གཅིག་ཡོང་བའི་ཆང་འཐུང་བཟི་བོ་དེ་ཡིན།བཟི་ཁྱོམ་ཁྱོམ་ངང་མཐོང་བའི་མི་ཡུལ་འདི་ངའི་བཅོ་ལྔའི་ཟླ་བ་ལ་དཔེ་བཞག་ན་འདོད་གི། སྐྱ་གསལ་ལེ་གནམ་མཁའ་ལངས་དུས། ཟླ་འོད་ཡོད་ཀྱང་འོད་མདངས་ཀྱི་ཁ་མདོག་མེད་ནོ་ཅི་རེད། མི་དེ་དག་རྫ་མགོ་ཁ་བ་ལ་དཔེ་བཞག་ན་འདོད་གི། དབྱར་དྲུག་པའི་་མེ་ཏོག་ཤར་དུས། གངས་དཀར་པོ་འདུག་ས་མེད་ནོ་ཅི་རེད། ང་བཟི་འཐོམ་
ཉིན་ཐོ་རྐང་ཆག་མ།
ཆང་སྐྱེས།
ཉི་མ་ལ་མོ་བརྒལ་ཏེ་རི་ལ་ནུབ།།
བྱ་ཁྱུའི་གཤོག་འགྱུར་བདེ་མོ་ཐང་ནས་ཡལ།།
མུན་པ་རྫ་ལ་འཐིབས་ཏེ་ས་ལ་ལྷུང་།།
ཟུར་གསུམ་སྙིང་གི་འཕར་ལྡིང་ལག་པས་སྐྱོར།།
མཚམས་སྤྲིན་དམར་པོའི་མཛེས་སྡུག་ཡུན་གྱིས་རྒུད།།
འཁོར་ཡུག་རི་བོ་ཕལ་ཆེར་གཉིད་དུ་ཡེར།།
ཟླ་བ་ཁེར་འགྲོ་མཚན་མོའི་མཁའ་ན་འདུར།།
ས་མཐའི་འཁྱམ་པོ་ཨ་རག་ཆང་གིས་བཟི།།
ཏོག་དབྱིབས་ནད་ཁང་གཙང་བཟོ།
གངས་དཀར་སེམས།
མིག་སྔར་ངས་ལས་ཀ་མི་འདྲ་བ་གཉིས་བྱེད་ཀྱི་ཡོད།
གཅིག་ནི་དབང་པོ་སྐྱོན་ཅན་ལ་རོགས་པ་བྱེད་རྒྱུ་དང་། གཞན་དེ་ནི་སྨན་ཁང་དུ་གཙང་སྦྲ་བཟོ་མཁན་ཡིན། ཡང་ཉེ་དུས་ཀྱི་ཉིན་ཤས་རིང་སྨན་ཁང་དུ་སྤྱི་བཏང་བའི་ནད་པའི་རིགས་རྟག་དཔྱད་བྱེད་སའི་ཁང་མིག་ནང་གིི་ནད་པ་རྣམས་ཡ་མར་འཐེན་འདྲུད་འཁོར་ལོ་དང་ཉལ་ཁྲིར་དབོར་འདྲེན་བྱེད་མཁན་ཡང་བྱས་དང་བྱེད་མུས་ཡིན།
གཞིས་ཆགས་བསྲ་བརྟན་དང་རྒྱུན་གནས་ཟེར་བའི་སྐོར་ལ་དཔྱད་པའི་གཏམ།
གཞུང་པ་ཚེ་དབང་བསོད་ནམས།
སྤྱི་ལོ་ ༡༩༥༩ ལོར་རྒྱ་མིའི་བོད་ལ་བཙན་འཛུལ་གྱིས་༸གོང་ས་མཆོག་གི་དབུ་འཁྲིད་འོག་ཁོང་གི་བཀའ་ཤག་ལྷན་རྒྱས་དང་། བོད་མི་ཁྲི་ཚོ་བརྒྱད་ལྷག་ཙམ་ཞིག་རྒྱ་གར་འཕགས་པའི་ཡུལ་དུ་༸གོང་ས་མཆོག་གི་ཕེབས་རྗེས་སུ་འབྱོར་ནས་མ་འོངས་བོད་གསར་པའི་འཛུགས་བསྐྲུན་གྱི་ལས་གཞི་དང་པོ་མ་འོངས་བོད་ཀྱི་ཆབ་སྲིད་ལམ་ལུགས་དེ་དེང་རབས་རྒྱལ་སྤྱིའི་ཆབ་སྲིད་ལམ་ལུགས་དང་མཐུན་པའི་མང་གཙོ་ཅན་དུ་བསྒྱུར་ནས་སྤྱི་ཚོགས་ཀྱི་བརྟན་ལྷིང་དང་། ཆོལ་གསུམ་བོད་མིའི་ཆིག་སྒྲིལ་ལ་འགན་འཁུར་ནས་ཆོལ་གསུམ་ཆོས་ལུགས་དང་བཅས་པའི་སྐུ་ཚབ་མི་སྣ་ལས་སྒྲུབ་པའི་བོད་མི་མང་གི་སྐུ་ཚབ་སྤྱི་འཐུས་བསྐོ་བཞག་དང་འབྲེལ་བོད་དོན་བདེན་མཐའ་སེལ་སླད་བཙན་བྱོལ་གཞུང་གསར་འཛུགས་ཀྱིས་བཙན་བྱོལ་བོད་མིའི་འཚོ་བའི་མདུན་ལམ་ཆེད་བཟོ་གཞིས་ཁག་གསར་འཛུགས་དང་འབྲེལ་སློབ་གྲ་དང་།
དེ་ལས་མང་བ་། “གཞིས་ཆགས་བསྲ་བརྟན་དང་རྒྱུན་གནས་ཟེར་བའི་སྐོར་ལ་དཔྱད་པའི་གཏམ།” »
མཚལ་ཕྱུ་མ།
རྔ་བ་ཀུན་བཟང་།
ཆང་མ་མཚལ་ཕྱུ་མའི་སྙོམས་གདུང་གདུང་གི་སེམས་པ་དང་། རྟ་ནག་འབྲོག་ར་ཡི་རིག་གསར་གཉིས་ཁ་ཐུག་དུས། ད་གཟོད། བརྩེ་དུང་ཟེར་བ་མེ་ལྕེ་བཞིན་འབར་ནས། ལུས་སེམས་གཉིས་ཀ་གཉིས་མེད་རོ་གཅིག་ལ་གྱུར་ལ། རྟོགས་འཆར་ཀྱི་ཞགས་ཐག་བར་ནས་གཡའ་ལྷང་ལྷང་དང་གྲང་ཤུར་ཤུར་གྱི་འཚོ་བ་ཡོད་ཚད་ལྗང་མདོག་ལྟ་བུའི་བྱིས་པའི་ལོ་ཟླ་ལ་ཁ་འཁོར་འགྲོ། སྐབས་དེ་དུས་ཁྱེད་བརྩེ་དུང་གི་ཞགས་ཐག་བར་ན་བསྐོན་ཟིན།
