༄༅།། རྒྱ་ནག་དམར་པོའི་སྲིད་གཞུང་གིས་བོད་ཀྱི་བསྟན་སྲིད་མི་རིགས་དང་བཅས་པ་འཆར་གཞི་ལྡན་པའི་སྒོ་ནས་རྩ་མེད་དུ་གཏོང་བའི་སྲིད་བྱུས་མངོན་སུམ་འཛེམས་མེད་ཀྱིས་འཛམ་གླིང་ཡོངས་ལ་མིག་མཐོང་ལག་ཟིན་དུ་སྤེལ་བཞིན་པ་དང། ལྷག་པར་དུ་བར་ལམ་ནས་སྒྲིག་འཛུགས་དང་ལྡན་པའི་སྒོ་ནས་གདུག་རྩུབ་ཅན་གྱི་ལས་འགུལ་དམིགས་བསལ་ཤུགས་ཆེན་པོས་སྤེལ་བཞིན་པ། བོད་ཀྱི་ཆོས་ལུགས་ཀྲུང་གོ་ཅན་དུ་བསྒྱུར་བ་ཞེས་པའི་སྲིད་བྱུས་ཀྱི་འོག་ནས་བོད་ཀྱི་ནང་པའི་ཆོས་ལུགས་ཀྱི་སྲོལ་རྒྱུན་དང་ནང་ཆོས་ཀྱི་ཁྲིམས་ལུགས་བཅས་ལའང་སྒོ་སྣ་ཚོགས་ནས་བསྒྱུར་བཅོས་དང་ཚད་འཛིན་བྱས་ཏེ། ཆོས་མེད་དམར་པོའི་སྲིད་གཞུང་གིས་ཆོས་ལུགས་ཀྱི་རང་བཞིན་གསར་གཏོད་ལྟ་བུ་བྱེད་བཞིན་པ་ནི་བློ་འཚབ་བྱེད་དགོས་པའི་སྲིད་བྱུས་གདུག་རྩུབ་ཅན་ཞིག་ཡིན། ལྷག་པར་དུ་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་སྐྱེ་བ་ཕྱི་མ་གང་དུ་འཁྲུངས་མིན་གྱི་ཐག་གཅོད་ཀྱང། ༸གོང་ས་༸སྐྱབས་མགོན་ཆེན་པོ་མཆོག་ལ་གནང་རྒྱུའི་སྐུ་དབང་མེད་པར་ཆོས་མེད་རྒྱ་ནག་དམར་པོའི་སྲིད་གཞུང་ལ་ཐག་གཅོད་བྱ་རྒྱུའི་ཁྲིམས་མཐུན་གྱི་ཐོབ་ཐང་ཡོང་ཐབས་སུ་བོད་ཀྱི་ཆོས་ལུགས་ཀྱི་ལོ་རྒྱུས་དང། ཆོས་ལུགས་ཀྱི་སྲོལ་རྒྱུན་བཅས་ལ་བཙན་ཤེད་ཀྱིས་བསྒྱུར་བཅོས་ངོ་ཚ་ཁྲེལ་མེད་ཀྱིས་བྱེད་བཞིན་པ་ནི་ཡོངས་སུ་གྲགས་པའི་གནས་ཚུལ་ཡ་ང་བ་ཞིག་ཡིན། སྐབས་འདིར་ང་ཚོ་རང་དབང་ཅན་གྱི་ཡུལ་ལུང་ཁག་ཏུ་གནས་པའི་༸གོང་ས་༸སྐྱབས་མགོན་ཆེན་པོ་མཆོག་གི་ཞལ་སློབ་རྣམས་ནས་བོད་བརྒྱུད་ནང་བསྟན་གྱི་བསླབ་བྱའི་དགོངས་དོན་དང། བོད་བརྒྱུུད་ནང་ཆོས་ཀྱི་སྲོལ་རྒྱུན། ཆོས་དད་ཀྱི་རང་དབང་དང་བཅས་པ་ནི། རྒྱ་ནག་དམར་པོའི་སྲིད་གཞུང་གིས་ཆབ་སྲིད་ཀྱི་དགོས་མཁོར་བསྟུན་ནས་བཙན་བསྒྱུར་བྱེད་མི་ཆོག་པའི་སྐོར་འཛམ་གླིང་ཡོངས་ལ་བདེན་པ་ར་སྤྲོད་ཐུབ་ངེས་ཀྱི་རྩོམ་ཡིག་སྣ་ཚོགས་སྤེལ་དགོས་པ་ནི་ད་ལྟའི་ཆར་ཤིན་ཏུ་གལ་གནད་ཆེན་པོར་གྱུར་ཡོད་པ་མཐོང། ༸གོང་ས་༸སྐྱབས་མགོན་ཆེན་པོ་མཆོག་འཛམ་གླིང་སྐྱེ་འགྲོ་སྤྱི་དང། ཡང་སྒོས་ལས་སྨོན་གྱིས་འབྲེལ་བའི་བོད་ཁ་བ་གངས་ཅན་པའི་བསྟན་སྲིད་མི་རིགས་དང་བཅས་པའི་མགོན་སྐྱབས་དང་དཔུང་གཉེན་དམ་པར། དགུང་ལོ་བརྒྱ་དང་བཅུ་ཕྲག་དུ་མར་བཞུགས་རྒྱུའི་ཞལ་གསུང་བཀའ་ལུང་ལན་མང་ཕེབས་བཞིན་པ་ལྟར།…

དེ་ལས་མང་བ་། “མ་འོངས་པར་༸རྒྱལ་དབང་སྐུ་ཕྲེང་ན་རིམ་འབྱོན་དགོས་པ་ནི་བོད་ཀྱི་ཆོས་ལུགས་མི་ རིགས་རིག་གནས་དང་བཅས་པ་གསོན་གནས་དང་འཕེལ་རྒྱས་ཀྱི་གཞི་རྩ་ཡིན།” »

མགར་རྡོར། ༡ མཁྱེན་གསལ་ལྟར། གླང་དར་མ་ཁོང་སྤུར་རྒྱལ་བཙན་པོའི་རྒྱལ་རྒྱུད་བོད་སྤྱི་ལ་དབང་མཛད་མཁན་མཐའ་མ་དེ་རེད། གླང་དར་མའི་ཤི་རྐྱེན་ལ་བསྐྱར་བརྟག་ཅིག་བྱེད་བསམ་ནས་ཡུན་རིང་འགོར་ཡོད། རྒྱུ་མཚན་གླང་དར་མའི་ཤི་རྐྱེན་འདི་བོད་བཙན་པོའི་རྒྱལ་རབས་རྩ་འཐོར་དུ་སོང་བའི་རྐྱེན་རྩར་ཐུག་ཡོད་པར་མཐོང་བས་ཡིན། མཐར་དེད་ན་དུས་རབས་བརྒྱད་པའི་ནང་གི་སྔགས་ལོག་སྡེ་གཟར་ལ་བརྙད་ཅིག་བསྐོ་བསམ་ནི་ཡང་ཡིན། སྤྱིར་བཏང་ཡིན་ན། གླང་དར་མའི་སྐོར་གྱི་རྩོད་ཉོག་འདི་རྩོད་ཉོག་རྙིང་པ་ཞིག་རེད། བོད་མི་སྡེབ་པོའི་རྣ་རྩར་གཞག་གཞག་ལ་ཡོད་པ་ཞིག་རེད་མོད། འོན་ཀྱང་ཁོ་བོས་མཐོང་བའི་སྔར་བྲིས་ཀྱི་རྩོམ་ཡིག་ཐམས་ཅད། དཔལ་རྡོར་གྱིས་གླང་དར་བསད་པར་བསྟོད་སྨད་གཉིས་དང་། གླང་དར་གྱིས་ཆོས་བསྣུབ་པར་བསྟོད་སྨད་གཉིས་བྱུང་བའི་བརྗོད་བྱ་ཁོ་ན་ཙམ་ལས་འདའ་མི་འདུག་སྙམ། དེ་བས་ང་ལ་མཚོན་ན་གླང་དར་མའི་ཤི་རྐྱེན་གླེང་རྒྱུ་འདི་ད་རུང་ཧ་ཅང་གསར་བ་གསར་རྐྱང་ཞིག་གི་ངོ་བོར་གནས་ཡོད། དུས་རབས་བརྒྱད་པའི་ནང་གི་སྔགས་ལོག་སྡེ་གཟར་འདི་གླང་དར་མའི་ཤི་རྐྱེན་དང་བོད་བཙན་པོའི་རྒྱལ་རབས་ཉམས་པ་གཉིས་ཀྱི་ཕྱི་མོའི་ཉེར་ལེན་ལྟ་བུར་མཐོང་ནས་གླེང་གི་ཡིན།…

དེ་ལས་མང་བ་། “གླང་དར་མའི་ཤི་རྐྱེན་ལ་བསྐྱར་བརྟག་དང་རྩོད་སྤོང་།  དུས་རབས་བརྒྱད་པའི་ནང་གི་སྔགས་ལོག་སྡེ་གཟར།” »

གཞུང་པ་ཚེ་དབང་བསོད་ནམས། ད་ལམ་སྤྱི་འཐུས་སྐབས་བཅུ་བདུན་གྱི་གྲོས་ཚོགས་ཚོགས་དུས་བརྒྱད་པའི་ལས་རིམ་མཐོང་སྐབས་ད་ལྟའི་གྲོས་ཚོགས་ཀྱི་ལས་རིམ་ལ་འགྱུར་བ་གཏོང་མ་ཐུབ་ཚེ་བཙན་བྱོལ་བོད་མིའི་སྒྲིག་འཛུགས་ཀྱི་མ་དངུལ་ལ་ཉམས་ཆགས་འགྲོ་བའི་ཉེན་ཁ་ཞིག་མཐོང་སོང་། འཛིན་སྐྱོང་གི་ལས་བསྡོམས་དེ་སྤྱི་འཐུས་རྒྱུན་ལས་ལ་ཕུལ་ནས་རྒྱུན་ལས་ཀྱི་ཞིབ་འཇུག་གནང་བའི་སྙན་མཐོ་དང་འཛིན་སྐྱོང་གི་ལས་བསྡོམས་བཅས་མཉམ་དུ་སྤྱི་འཐུས་ཚོར་ཕུལ་ནས་སྤྱི་འཐུས་ཚོའི་འཛིན་སྐྱོང་ལ་འདྲི་བ་དང་དོགས་གཅོད་ཞུ་དགོས་པ་དང་། འཛིན་སྐྱོང་ནས་ལས་བསྡོམས་ཀློག་མ་དགོས་པ་རྒྱུན་ལས་ཀྱི་ཞིབ་འཇུག་གནང་བའི་སྐྱོན་གནད་ཐོག་འཛིན་སྐྱོང་ནས་ལན་འདེབས་གནང་རྒྱུའི་ལམ་ལུགས་བཟོ་ཐུབ་ན་དུས་ཚོད་དང་འགྲོ་སོང་གང་ཅིར་ཕན་ངེས་དང་། མང་གཙོའི་རྒྱལ་ཁབ་ཀྱི་གྲོས་ཚོགས་ལམ་ལུགས་ནང་ལོ་འཁོར་སྔོན་རྩིས་ཙམ་ལས་གཞན་ལས་བསྡོམས་ཁག་གྲོས་ཚོགས་ནང་འཛིན་སྐྱོང་ནས་ཀློག་པའི་ལུགས་སྲོལ་མེད་པ་དང་། འཛིན་སྐྱོང་གི་ལས་བསྡོམས་ཆ་ཚང་ཚོགས་དྲུང་ལས་ཁུངས་ལ་ཕུལ་ནས་འཐུས་མི་ཚོའི་ཚོགས་དྲུང་ལས་ཁུངས་ནས་ལེན་དགོས་པ་དང་། ལོ་འཁོར་སྔོན་རྩིས། ༼ Budget ༽དེ་དཔལ་འབྱོར་བཀའ་བློན་ནས་གྲོས་ཚོགས་ནང་ཡིག་ངག་གཉིས་ནས་འབྲེལ་བཤད་རྒྱབ་ནས་འཐུས་མི་ཚོའི་ཆ་ཤས་ལེན་དགོས་པ་དང་། ལས་བསྡོམས་དེ་འཛིན་སྐྱོང་ནས་ཀློག་མི་དགོས་པ་རྒྱུན་ལས་ནས་ཞིབ་འཇུགས་གནང་བའི་སྙན་མཐོའི་ཐོག་འཐུས་མི་ཚོའི་ཆ་ཤས་ལེན་དགོས་པ་ནི་དུས་ཚོད་དང་གཞུང་དངུལ་སྲི་ཚགས་སོགས་ལ་ཕན་ཐོག་ཡོང་རྒྱུ་དང་། དེ་མིན་ད་ལྟའི་ལམ་ལུགས་འདི་མུ་མཐུད་ནས་ལག་ལྟར་ཞུས་ཚེ་ཉིན་མ་གསུམ་བཞི་ནང་ཚར་རྒྱུའི་ལས་རིམ་དེ་བདུན་གཅིག་ལྷག་འགོར་སྲིད་པ་ནས་འགྲོ་སོང་འཕར་མ་ཙམ་ལས་གཞན་དགེ་ཚན་ཡོད་པ་མཐོང་མ་སོང་ལ་སྤྱི་འཐུས་རྒྱུན་ལས་ནས་འཛིན་སྐྱོང་གི་ལས་བསྡོམས་ཐོག་ཞིབ་འཇུག་གནང་བའི་སྙན་མཐོའི་འདྲི་ཤོག་ཐོག་འཛིན་སྐྱོང་ནས་གསལ་བཤད་གནང་དགོས་པ་དང་སྤྱི་འཐུས་ཚོའི་འཕྲོས་དོན་འདྲི་བ། ༼ Supplementary Question…

དེ་ལས་མང་བ་། “ སྤྱི་འཐུས་གྲོས་ཚོགས་ཀྱི་ལས་རིམ་ལ་ལེགས་བཅོས་གནང་ནས་དུས་ཚོད་དང་གཞུང་དངུལ་སྲི་ཚགས་གནང་དགོས།” »

གཞུང་པ་ཚེ་དབང་བསོད་ནམས། ལོ་གསུམ་སྙལ་བའི་ཆང་དེ་ཞིམ་པོ་མེད་ཀྱང་ད་ལོ་ཐུང་རྒྱུ་ཁེལ་སོང་ཟེར་བའི་དཔེ་ལྟར་སྤྱི་འཐུས་སྐབས་བཅུ་བདུན་གྱི་གྲོས་ཚོགས་ཚོགས་དུས་རིམ་པའི་ནང་འགྲོ་མ་ཐུབ་པའི་བཅའ་ཁྲིམས་བསྐྱར་བཅོས་ཀྱི་ཁྲིམས་འཆར་བཅའ་ཁྲིམས་དོན་ཚན་དྲུག་ཅུ་རེ་གསུམ་པའི་ནང་གསེས་གཉིས་པའི། ༼ ག ༽ པར་བསྐྱར་བཅོས་གནང་ནས་གནས་སྐབས་ལོ་བཅུ་གི་དཀའ་ངལ་སེལ་ཐུབ་པ་ཙམ་ལས་མཐར་ཐུག་གིས་དཀའ་ངལ་སེལ་ཐུབ་མི་འདུག བཅའ་ཁྲིམས་དོན་ཚན་དྲུག་ཅུ་རེ་གསུམ་པའི་ནང་གསེས་གཉིས་པའི། ༼ ག ༽ པའི་ནངགསལ་བའི་ཚིག་བརྗོད། ༼ ཁྲིམས་ཁང་ཞིག་ནང་ལོ་ལྔའི་རིང་མུ་མཐུད་ཁྲིམས་དཔོན་གྱི་ལས་འཁུར་བྱས་མྱོང་བ་འམ། ཡང་ན་ཉུང་མཐར་ལོ་བཅུའི་རིང་ཁྲིམས་རྩོད་མཁས་པའི་གྲས་སུ་ཚུད་པ་བཅས་ལ་མ་གཏོགས་འོས་བབ་ཡོད་མ་ཡིན། ཅེས་གསལ་བའི་ཆ་རྐྱེན་དེ་གཉིས་བཙན་བྱོལ་སྤྱི་ཚོགས་ནང་རག་རྒྱུ་མེད་པའི་རི་བོང་གི་ར་ལྟབུ་མ་རེད་དམ།…

དེ་ལས་མང་བ་། “སྤྱི་འཐུས་སྐབས་བཅུ་བདུན་གྱི་གྲོས་ཚོགས་ཚོགས་དུས་བརྒྱད་པའི་ཐོག་བཅའ་ཁྲིམས་བསྐྱར་བཅོས་སོང་བའི་སྐོར་ལ་དཔྱད་པའི་གཏམ།” »

                             …

དེ་ལས་མང་བ་། “ལོ་རྒྱུས་ནང་བོད་ལ་རྒྱ་ཡིག་གི་ཐ་སྙད་ཐོགས་ཚུལ་ལས་འཕྲོས་ཏེ་གཏམ་བཟང་ཞིག་གླེང་བ།>>” »

གཞུང་པ་ཚེ་དབང་བསོད་ནམས། བཙན་བྱོལ་བོད་མིའི་བཅའ་ཁྲིམས་ནི་བཙན་བྱོལ་སྤྱི་ཚོགས་ཀྱི་བླ་གནས་སའི་མཐར་ཐུག་གི་ཁྲིམས་ཡིག་བླ་ན་མེད་པ་དེ་ཡིན་པ་དང་། སྤྱི་འཐུས་སྐབས་བཅུ་གཅིག་གི་ཁྲིམས་བཟོའི་འགན་འཁུར་བླངས་ནས་བཙན་བྱོལ་བོད་མིའི་བཅའ་ཁྲིམས་དོན་ཚན་བརྒྱ་དང་བཅོ་ལྔ་ཡོད་པ་གཏན་འབེབས་གནང་བའི་བཅའ་ཁྲིམས་དེའི། ༼ དོན་ཚན་གསུམ་པ། ཆབ་སྲིད་ཀྱི་རང་བཞིན། མ་འོངས་བོད་ཀྱི་ཆབ་སྲིད་ནི་འཚེ་མེད་ཞི་བའི་ལྟ་བར་གཞི་བཅོལ་བའི་ཐོག་རང་དབང་དང་། སྤྱི་ཚོགས་བདེ་དོན། ཆོས་སྲིད་ཟུང་འབྲེལ། མང་གཙོ་མཉམ་འབྲེལ། ཡུལ་མིའི་རྒྱལ་ཁབ་ཞིག་བྱ་རྒྱུ་ཡིན་གཤིས། བཙན་བྱོལ་བོད་མིའི་ཆབ་སྲིད་ཀྱང་དེ་དང་ཕྱོགས་མཐུན་བྱ་རྒྱུ་དང་། གཤམ་འཁོད་ལེའུ་བཅུ་གཅིག་པའི་དོན་ཚན་ཁག་གཞིར་བཟུང་མ་གཏོགས་བཅའ་ཁྲིམས་འདི་ལ་བསྒྱུར་བཀོད་གཏོང་རྒྱུ་མིན། ༽ ཅེས་གསལ་བ་དང་།…

དེ་ལས་མང་བ་། “བཙན་བྱོལ་བོད་མིའི་བཅའ་ཁྲིམས་པར་སྐྲུན་སྐབས་སྤྱི་འཐུས་ཚོའི་ཐུགས་སྣང་ཆེ་ཙམ་གནང་དགོས་པ།” »

གཞུང་པ་ཚེ་དབང་བསོད་ནམས། ལོ་གསུམ་སྙལ་བའི་ཆང་དེ་ཞིམ་པོ་མེད་ཀྱང་ད་ལོ་ཐུང་རྒྱུ་ཁེལ་སོང་ཟེར་བའི་དཔེ་ལྟར་སྤྱི་འཐུས་སྐབས་བཅུ་བདུན་གྱི་གྲོས་ཚོགས་ཚོགས་དུས་རིམ་པའི་ནང་འགྲོ་མ་ཐུབ་པའི་བཅའ་ཁྲིམས་བསྐྱར་བཅོས་ཀྱི་ཁྲིམས་འཆར་བཅའ་ཁྲིམས་དོན་ཚན་དྲུག་ཅུ་རེ་གསུམ་པའི་ནང་གསེས་གཉིས་པའི། ༼ ག ༽ པར་བསྐྱར་བཅོས་གནང་ནས་གནས་སྐབས་ལོ་བཅུ་གི་དཀའ་ངལ་སེལ་ཐུབ་པ་ཙམ་ལས་མཐར་ཐུག་གིས་དཀའ་ངལ་སེལ་ཐུབ་མི་འདུག བཅའ་ཁྲིམས་དོན་ཚན་དྲུག་ཅུ་རེ་གསུམ་པའི་ནང་གསེས་གཉིས་པའི། ༼ ག ༽ པའི་ནངགསལ་བའི་ཚིག་བརྗོད། ༼ ཁྲིམས་ཁང་ཞིག་ནང་ལོ་ལྔའི་རིང་མུ་མཐུད་ཁྲིམས་དཔོན་གྱི་ལས་འཁུར་བྱས་མྱོང་བ་འམ། ཡང་ན་ཉུང་མཐར་ལོ་བཅུའི་རིང་ཁྲིམས་རྩོད་མཁས་པའི་གྲས་སུ་ཚུད་པ་བཅས་ལ་མ་གཏོགས་འོས་བབ་ཡོད་མ་ཡིན། ཅེས་གསལ་བའི་ཆ་རྐྱེན་དེ་གཉིས་བཙན་བྱོལ་སྤྱི་ཚོགས་ནང་རག་རྒྱུ་མེད་པའི་རི་བོང་གི་ར་ལྟབུ་མ་རེད་དམ།…

དེ་ལས་མང་བ་། “ སྤྱི་འཐུས་སྐབས་བཅུ་བདུན་གྱི་གྲོས་ཚོགས་ཚོགས་དུས་བརྒྱད་པའི་ཐོག་བཅའ་ཁྲིམས་བསྐྱར་བཅོས་སོང་བའི་སྐོར་ལ་དཔྱད་པའི་གཏམ།” »

གཞུང་པ་ཚེ་དབང་བསོད་ནམས། དུས་རབས་ཉི་ཤུ་རྩ་གཅིག་འདིའི་ནང་འཛམ་གླིང་འདི་ཆུང་ཆུང་ཆགས་ནས་འཛམ་གླིང་ཤར་ནུབ་ཀྱི་གནས་ཚུལ་ཚང་མ་ཆུ་ཚོད་སྐར་ཆ་གཅིག་གཉིས་ནང་ཤེས་ཐུབ་པའི་ནུས་པ་ཚན་རྩལ་རིག་པས་ང་ཚོར་སྦྱིན་ཡོད་ན་ཡང་དེ་དང་མཉམ་དུ་འཛམ་གླིང་འདི་མེད་པ་བཟོ་རྒྱུའི་གོ་མཚོན་བཟོས་ནས་དེང་སྐབས་སྟོབས་ཆེན་རྒྱལ་ཁབ་ཚོ་ནུས་ལྡན་གྱི་གོ་མཚོན་སྔས་ལ་བཅུག་ནས་རྒྱལ་སྤྱིའི་དངུལ་ཁང་རྒྱབ་ལ་ཁྱེར་ནས་རྒྱལ་ཁབ་ཕན་ཚུན་གཅིག་གི་གཅིག་ལ་སྡིག་ར་དང་ཉེན་བརྡ་བཏང་ནས་ཁ་དམག་ཆབ་སྲིད་ལ་འགན་འཁུར་ནས་དུས་ཚོད་སྐྱེལ་བཞིན་པའི་སྐབས་འདིར་ང་ཚོ་བོད་རྒྱ་གཉིས་རྒྱལ་སྤྱིའི་ཆབ་སྲིད་རྩོད་གླེང་གི་ཁ་དམག་འགན་འཁུར་ནང་ནམ་ཡང་མ་ཚུད་པ་བྱས་ནས་བོད་རྒྱ་ས་འབྲེལ་ཆབ་སྲིད་ལ་འགན་འཁུར་ནས་བོད་རྒྱའི་དཀའ་རྙོགས་སེལ་རྒྱུ་དེ་བོད་རྒྱ་མི་རིགས་གཉིས་ལ་བསམ་ན་ད་ལྟའི་དུས་ཚོད་འདི་ཧ་ཅང་གི་གལ་འགངས་ཆེ་བའི་གནད་འགག་ཅན་གྱི་དུས་ཚོད་ཞིག་ཆགས་ཡོད་པ་ནི་༧ གོང་ས་མཆོག་སྐུ་འཚོ་བཞུགས་སྐབས་བོད་རྒྱའི་དཀའ་རྙོགས་སེལ་དགོས་པ་དེ་བོད་རྒྱ་མི་རིགས་གཉིས་ལ་བསམ་ན་ཤིན་ཏུ་ནས་གལ་ཆེན་དོན་ཆེན་ཞིག་ཡིན་པ་དང་། སྤྱི་ལོ་ ༢༠༡༠ ནས་བཟུང་ད་ལྟ་བར་མི་ལོ་བཅུ་བཞི་ཙམ་རིང་བོད་རྒྱའི་འབྲེལ་ལམ་ཆད་པ་ནི་དུས་ཚོད་བཟང་པོ་ང་ཚོའི་ཆུད་ཟོས་སུ་བཏང་བར་ངོས་འཛིན་དང་བཅས་ད་ཆ་ང་ཚོའི་༧ གོང་ས་མཆོག་སྐུ་འཚོ་བཞུགས་ཀྱི་དུས་ཚོད་བཟང་པོ་འདིར་བོད་རྒྱའི་འབྲེལ་ལམ་སླར་གསོ་གནང་ནས་གཉིས་སྨན་དབུ་མའི་ལམ་བརྒྱུད་ནས་བོད་རྒྱ་གཉིས་མི་དང་མི་ཐུག་ནས་ས་འབྲེལ་ཆབ་སྲིད་ལ་འགན་འཁུར་ནས་མ་འོངས་བོད་རྒྱ་གཉིས་ཀྱི་མི་རབས་གསར་པ་ཚོའི་མི་ཚེའི་མདུན་ལམ་ལ་བདེ་སྐྱིད་ཀྱི་འཚོ་བ་སྦྱིན་ཐུབ་པའི་ཆབ་སྲིད་ཀྱི་ལམ་ཁ་བསྟན་དགོས་པ་ནི་ད་ལྟའི་བོད་རྒྱ་གཉིས་ཀྱི་མི་ཐོག་འདིའི་ལས་འགན་ཆེན་པོ་ཞིག་ཡིན་པའི་ངོས་འཛིན་དང་བཅས། ས་འབྲེལ་ཆབ་སྲིད་ལ་འགན་འཁུར་ནས་རྒྱལ་ཁབ་ཕན་ཚུན་གྲོགས་སུ་བཀུག་ནས་ཞི་བདེ་དང་ལྷིངས་འཇགས་སུ་གནས་དགོས་པ་ལས་རྒྱལ་སྤྱིའི་ནང་ཁ་དམག་ལ་འགན་འཁུར་ནས་དུས་ཚོད་བཟང་པོ་ནམ་ཡང་འཕྲོ་ལྷག་གཏོང་མི་ཉན་པ་དང་། བོད་རྒྱའི་དཀའ་རྙོགས་དེ་མི་དང་མི་ཐུག་ནས་ཕར་བཤད་ཚུར་ཉན་དང་ཚུར་བཤད་ཕར་ཉན་བརྒྱུད་ནས་གཉིས་ཕན་ཆབ་སྲིད་ལ་འགན་འཁུར་ནས་ཐབས་ལམ་ཚོལ་དགོས་པ་ལས་བོད་རྒྱ་གཉིས་རྒྱབ་ལོག་ནས་རྒྱལ་སྤྱིའི་ནང་ཁ་དམག་ལ་འགན་འཁུར་ནས་དུས་ཚོད་བཟང་པོ་འཕྲོ་ལྷག་ལ་ཕྱིན་ཚེ་མ་འོངས་ལོ་རྒྱུས་ནང་ང་ཚོ་ནི་སུབ་ནས་ཟུབ་རྒྱུ་མེད་པའི་ལོ་བརྒྱུས་ཀྱི་ནག་པོ་ཆགས་སྲིད་པ་མ་རེད་དམ། འཛམ་གླིང་འདི་ཞི་བདེ་དང་ལྷིངས་འཇགས་ནང་གནས་དགོས་ན་ས་འབྲེལ་ཆབ་སྲིད་ལས་གལ་ཆེ་བའི་ཆབ་སྲིད་ཀྱི་ཐབས་ལམ་དུས་ནམ་ཡང་རྙེད་རྒྱུ་མེད་པ་ནས་བོད་རྒྱ་གཉིས་འཇིག་རྟེན་གྱི་ས་གཞི་འདི་མ་འཇིག་བར་མི་རབས་ནས་མི་རབས་བརྒྱུད་ནས་ས་འབྲེལ་ཁྱིམ་མཚེས་ཀྱི་ངོ་བོར་གནས་དགོས་པ་ལས་མི་ཐོག་ནས་མི་ཐོག་བརྒྱུད་ནས་དགྲ་ཁ་གཏད་བྱས་ནས་བསྡད་ཚེ་ཕྱོགས་གཉིས་ཀའི་མི་རབས་གསར་པའི་མི་ཚེའི་མདུན་ལམ་དེ་ནག་ཁུང་ནང་ལྷག་ཚེ་བོད་རྒྱ་གཉིས་ཀྱི་ད་ལྟའི་ང་ཚོའི་མི་ཐོག་འདིའི་ཉེས་པ་དེ་ལོ་རྒྱུས་ཀྱི་ནམ་ཡང་ཁ་གསབ་མི་ཐུབ་པ་ནི་ལོང་བས་བལྟས་ཀྱང་ཁམས་གསུམ་དང་འོན་པས་ཉན་ཡང་རྒྱལ་ཁམས་ཀྱི་སྒྲ་ལྟར་མ་རེད་དམ།

གཞུང་པ་ཚེ་དབང་བསོད་ནམས། བོད་ས་ཤོར་མ་ཐག་གནས་ཡུལ་ལུང་པའི་ནང་༧ གོང་ས་མཆོག་ནས་ང་ཚོར་མང་གཙོའི་ལམ་ལུགས་གནང་ནས་སྤྱི་ལོ་ ༡༩༦༠ སྤྱི་ཟླ་ ༩ པའི་ཚེས་ ༢ ཉིན་བཙན་བྱོལ་སྤྱི་་ཚོགས་ནང་མང་གཙོ་དབུ་བརྙེས་ནས་ཆོལ་གསུམ་ཆོས་ལུགས་དང་བཅས་པའི་བོད་མི་མང་གི་སྐུ་ཚབ་སྤྱི་འཐུས་རྣམས་ནས་༧གོང་ས་མཆོག་དབུ་བཞུགས་ཐོག་མ་ཎི་བཀའ་འབུམ་མདུན་སྤྱི་འཐུས་ཀྱིས་ལས་འཁུར་དམ་འབུལ་ཞུས་ནས་ལྷན་ཁང་སོ་སོར་ལས་བགོས་ཀྱིས་ལས་འཁུར་བླངས་ནས་རིམ་པས་ཉམས་མྱོངས་བསགས་རིམ་བཞིན་སྤྱི་ལོ་ ༡༩༩༡ ལོར་སྤྱི་འཐུས་སྐབས་བཅུ་གཅིག་གི་ཁྲིམས་བཟོའི་འགན་འཁུར་བླངས་ནས་བཙན་བྱོལ་བོད་མིའི་བཅའ་ཁྲིམས་དོན་ཚན་བརྒྱ་དང་བཅོ་ལྔ་ཡོད་པ་དེ་དག་གཏན་འབེབས་གནང་ནས་༧ ་གོང་ས་མཆོག་གི་མཆོག་མཆན་མཚན་རྟགས་དེ་སྤྱི་ལོ་ ༡༩༩༡ སྤྱི་ཟླ་ ༦…

དེ་ལས་མང་བ་། “བཙན་བྱོལ་བོད་མིའི་མང་གཙོའི་དུས་ཆེན་ཐེངས་ ༦༤ པར་ཕུལ་བའི་མང་གཙོ་དང་དམངས་གཙོ་ལ་དཔྱད་པའི་གཏམ།” »

གཞུང་པ་ཚེ་དབང་བསོད་ནམས། བོད་ས་མ་ཤོར་སྐབས་༧ གོང་ས་མཆོག་ནས་བོད་ཀྱི་ཆབ་སྲིད་ལམ་ལུགས་ལ་བསྒྱུར་བཅོས་གཏོང་རྒྱུའི་རླབས་ཆེན་གྱིས་དགོངས་པ་བཞེས་ནས་སྤྱི་ལོ་ ༡༩༥༤ ལོར་མི་གྲངས་ལྔ་བཅུ་ང་གསུམ་ཡོད་པའི་ལེགས་བཅོས་སྤྱི་ཚོགས་ཚོགས་ཆུང་བཙུགས་པ་དེ་དག་ཕྱི་ནང་གི་འགོག་རྐྱེན་འོག་ནས་བོད་ནང་དུ་ལག་ལེན་མ་ཐུབ་པ་དང་། བཙན་བྱོལ་དུ་ཕེབས་མ་ཐག་སྤྱི་ལོ་ ༡༩༦༠ ཟླ་བ་ ༩ པའི་ཚེས་ ༢ ཉིན་ཆོལ་གསུམ་ཆོས་ལུགས་དང་བཅས་པའི་མི་མང་གི་སྐུ་ཚབ་སྤྱི་འཐུས་འོས་འདེམས་ཀྱི་བསྐོ་བཞག་ཐོག་བོད་ཀྱི་མང་གཙོ་དབུ་བརྙེས་ནས་མ་འོངས་བོད་ཀྱིས་ཆབ་སྲིད་ལམ་ལུགས་དེ་མང་གཙོ་ལ་ཁ་ཕྱོགས་ནས་སྤྱི་ལོ་ ༡༩༦༡ ལོར་མ་འོངས་བོད་ཀྱི་རྩ་ཁྲིམས་སྙིང་དོན་ཟིན་བྲིས་དང་། སྤྱི་ལོ་…

དེ་ལས་མང་བ་། “བཙན་བྱོལ་བོད་མིའི་བཅའ་ཁྲིམས་དང་མི་མང་གིས་འགན་འཁུར་སྐོར་ལ་དཔྱད་པའི་གཏམ།” »

གཞུང་པ་ཚེ་དབང་བསོད་ནམས། སྤྱི་འཐུས་སྐབས་བཅུ་དྲུག་པའི་གྲོས་ཚོགས་ཚོགས་དུས་དྲུག་པའི་ཐོག་མང་མོས་གྲོས་ཆོད་ཡིག་ཆ་ཨང་ ༣༩ བཞག་པའི་བརྒྱུད་རིམ་ནས་བཙན་བྱོལ་སྤྱི་ཚོགས་ནང་ལབ་གླེང་མང་པོ་བཟོས་པ་དང་། བཙན་བྱོལ་བོད་མིའི་མཐུན་འབྲེལ་ལ་ཉམས་ཆགས་བཟོས་པ་དང་། སྤྱི་འཐུསུ་སྐབས་བཅུ་བདུན་པ་དུས་ཐོོག་ལས་འཁུར་དམ་འབུལ་མ་ཐུབ་པ། ༧ གོང་ས་མཆོག་ལ་མཛད་དཀའ་བཟོས་པ། ཆེས་མཐོའི་ཁྲིམས་ཞིབ་ཁང་ནང་ཁྲིམས་ཞིབ་པ་གཅིག་ལས་མེད་པ། མི་མང་གི་བདེ་སྡུག་ཞུ་ས་མེད་པ། གྲོས་ཚོགས་ཀྱིས་ལས་རིམ་ཁག་ནང་གྲོས་ཆོད་ཡིག་ཆ་ཨང་ ༣༩ དེ་འཐུས་མི་ཚོའི་ཁ་དང་ལྕེ་ལ་བཟུང་ནས་འབྲོང་བསད་ནས་རྔ་མ་འཕྱར་ཟེར་བའི་དཔེ་ལྟར་ཁྲིམས་འགལ་གྱིས་གྲོས་ཆོད་ཡིག་ཆ་ཨང་ ༣༩ ལ་ཤི་ཐམ་རོ་ཐམ་བྱེད་བཞིན་པ་སོགས་ལ་བལྟ་སྐབས་གྲོས་ཆོད་ཡིག་ཆ་ཨང་…

དེ་ལས་མང་བ་། “སྤྱི་འཐུས་སྐབས་བཅུ་དྲུག་དང་བཀའ་ཤག་སྐབས་བཅོ་ལྔ་གི་ལས་དུས་སྐབས་བཞག་པའི་གྲོས་ཆོད་ཡིག་ཆ་ཨང་ ༣༩ ལ་བསྐྱར་ཞིབ་ཚོགས་ཆུང་འཛུགས་དགོས་པ།” »

གཞུང་པ་ཚེ་དབང་བསོད་ནམས། སྤྱི་ལོ་ ༡༩༥༩ ལོར་བོད་ལ་རྒྱ་མིའི་བཙན་འཛུལ་གྱིས་༧གོང་ས་མཆོག་གི་ཕེབས་རྗེས་སུ་ང་ཚོ་མི་ཡུལ་དུ་འབྱོར་ནས་གནས་སྐབས་འཚོ་རྟེན་ཆེད་གནས་ཡུལ་ལུང་པའི་ལམ་བཟོའི་སྒྲིག་འཛུགས་ནང་འཛུལ་ནས་རྒྱ་གར་བྱང་ཤར་ཀ་རྡོར་གང་གསུམ་ཁུལ་དང་ཧི་མ་ཅལ་ཀུ་ལུ་མ་ན་ལི་དང་ཅམ་པ་སོགས་ལ་ལམ་ལས་རྒྱུགས་ནས་ཉིན་ལྟོ་ཉིན་ཚོལ་གྱིས་དུས་སྐབས་སུ་༧གོང་ས་མཆོག་ནས་རྒྱ་གར་གྱི་སྲིད་བློན་དམ་པ་ནེ་རུ་དང་ལྷན་བཀའ་བསྡུར་གནང་ནས་བོད་མིའི་སོ་ནམ་གཞིས་ཆགས་དང་། བཟོ་གཞིས། སློབ་གྲ་དང་། ཆོས་སྒར། རྒན་གསོ་ཁང་སོགས་བོད་མི་བཙན་བྱོལ་བ་རྣམས་སོ་སོའི་ཕ་མེས་ནས་དར་བའི་ཆོས་དང་རིག་གཞུང་སྐད་ཡིག་སོགས་མི་ཉམས་རྒྱུན་འཛིན་ཐུབ་པའི་ཆེད་བོད་མི་ཁེ་གཙང་གི་སྒྲིག་འཛུགས་རྒྱ་གར་ལུང་པའི་ནང་བོད་རང་བཙན་མ་ཐོབ་བར་འཚོ་གནས་ཐུབ་པའི་ཆ་རྐྱེན་བཟང་པོ་བསྐྲུན་ནས་གཞིས་ཆགས་སྲ་བརྟན་དང་རྒྱུན་གནས་ཐུབ་པའི་ཆེད་ས་ཞིང་འདེབས་ལས་དང་བ་ཕྱུགས་གསོ་སྐྱོང་ཞོར་ལ་ཚོང་རྩག་རྩིག་སོགས་ལ་འཚོ་བ་གཉེར་ནས་བོད་མི་རིགས་ཀྱི་སྐད་ཡིག་དང་རིག་གཞུང་སོགས་ལ་མི་ཉམས་གོང་འཕེལ་དང་ཉམས་པ་སླར་གསོའི་བརྒྱུད་ནས་གཞིས་ཆགས་བསྲ་བརྟན་དང་རྒྱུན་གནས་ལ་འགན་འཁུར་བཞིན་པ་ནས་ལོ་རབས་དགུ་བཅུའི་ནང་བོད་མི་གཅིག་སྟོང་ཨ་རིར་གཞིས་སྤོས་ཀྱིས་བཙན་བྱོལ་སྒྲིག་འཛུགས་བསྲ་བརྟན་དང་རྒྱུན་གནས་ཐུབ་པའི་ཁ་ཕྱོགས་ལ་དོ་ཕོག་ཆེན་པོ་ཐེབས་ནས་རྒྱ་བལ་འབྲུག་གསུམ་ནང་ཡོད་པའི་བོད་མི་ན་གཞོན་མང་པོ་ལོ་ལྟར་ནུབ་ཕྱོགས་ལུང་པའི་ནང་འགྲོ་སོང་ཆེན་པོ་བཏང་ནས་འགྲོ་བཞིན་པ་ནས་གཞིས་ཆགས་ཁག་ནང་ལོ་རྒན་པ་ཚོ་ཞིང་ལས་དང་བ་ཕྱུགས་བདག་ཉར་ཐུབ་པའི་ནུས་པ་མེད་པ་ནས་དེང་སྐབས་ཞིང་ས་སྟོང་པ་བཞག་མཁན་ལོ་རེ་ནས་ལོ་རེ་བཞིན་མང་དུ་འགྲོ་བཞིན་པ་དང་། ས་ཞིང་འདེབས་ལས་བྱ་མཁན་ཚོ་ཡང་གཡས་གཡོན་ཞིང་རོགས་ཀྱིས་ཞིང་ས་སྟོང་པ་བཞག་ནས་རི་ཕག་དང་རི་གི་གླང་ཆེན་སྲུང་རྒྱུར་དཀའ་ངལ་ཆེན་པོ་འཕྲད་བཞིན་པ་དང་། ཞིང་ས་སྟོང་པར་བཞག་པ་འདིས་ཡུལ་མིའི་མིག་ལ་མི་མཛེས་པ་སོགས་གཞིས་ཆགས་བསྲ་བརྟན་དང་རྒྱུན་གནས་ཐུབ་པར་ཕན་གནོད་ག་འདྲ་ཡོང་གི་ཡོད་དབུས་བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་ལྷན་ཁང་ཁག་ས་གནས་གཞིས་འགོ་རྣམ་པ་དང་གཞིས་ཆགས་མི་མང་བཅས་ཚང་མས་དུས་ཐོག་ཐུགས་ཞིབ་ཆེ་ཙམ་གནང་མ་ཐུབ་ཚེ་རི་ལུག་པ་ཐག་པས་མི་བསྡོམས་ཟེར་བའི་དཔེ་ལྟར་ཆགས་མི་སྲིད་པ་མིན་པ་དང་། ལྷག་པར་དུ་ཁྲིམས་བཟོ་སྤྱི་འཐུས་གྲོས་ཚོགས་ནས་གཞིས་ཆགས་བསྲ་བརྟན་དང་རྒྱུན་གནས་ཐུབ་པའི་ཆེད་ཁྱིམ་ཚང་སོ་སོའི་ཞིང་ས་བདག་ཉར་བེད་སྤྱོད་ཐོག་མའི་དམིགས་ཡུལ་ལྟར་འགྲོ་ཐུབ་པའི་ཆེད་ས་ཁང་གི་སྒྲིག་གཞི་ལ་བསྐྱར་བཅོས་དུས་ཐོག་གནང་མ་ཐུབ་ཚེ་ཞིང་ས་སྟོང་པ་བཞག་ནས་གཞིས་ཆགས་བསྲ་བརྟན་དང་རྒྱུན་གནས་ཟེར་བའི་ཐ་སྙད་དེ་ཕྱི་མཛེས་ནང་རུལ་དུ་མི་ལྷག་པའི་ངེས་པ་མེད་ན་འགན་ཡོད་ཚང་མས་ཐུགས་སྣང་ཆེ་ཙམ་གནང་དགོས་པའི་དུས་ལ་བབས་མི་འདུག་གམ།

ཨོ་གླིང་ནས་ལུང་རྟོགས་ཀྱིས།   གླུ་བ་བསྟན་འཛིན་ཆོས་རྒྱལ་ལགས་ཀྱིས་རྒྱ་གར་རང་བཙན་ཉིན་མོར་སྤྱི་ཚོགས་དྲ་རྒྱ་བརྒྱུད་ཆེད་སྒྲིག་གླུ་གཞས་ནམ་མཁའི་སྔུར་སྒྲ་ཞེས་པ་ཡོངས་བསྒྲགས་བྱས་ཡོད། གླུ་གཞས་དེ་དག་ནི་ཁོང་གིས་སྒྱུ་རྩལ་བ་གཞན་ཁག་ཅིག་དང་མཉམ་ལས་བྱས་པ་དང་། ཁོང་གིས་ལོ་མང་རིང་འབད་རྩོལ་བྱས་པ་ལས་གྲུབ་པ་ཞིག་ཡིན་ཞིང་། བོད་ཀྱི་རྩམ་པར་ནུབ་ཕྱོགས་པའི་སྦྲང་རྩི་བརྒྱབ་པ་ལྟར་རོ་བཅུད་ཕུན་སུམ་ཚོགས་པ་དང་ལྡན་པ་ཞིག་རེད་ཅེས་བརྗོད་ཆོག   མི་ལོ་ཉི་ཤུའི་སྔོན་དུ་ང་རང་ཨོ་སི་ཊོ་ལི་ཡར་གནས་སྤོར་མ་བྱས་པའི་ཉིན་གཅིག་རྡ་རམ་ས་ལའི་སྲང་མདོར་བསྟན་འཛིན་ཆོས་རྒྱལ་ལགས་ལ་ཐེངས་དང་པོ་ཐུག་པ་ཡིན། སྐབས་དེར་ང་རང་ཨོ་སི་ཊོ་ལི་ཡར་གནས་སྤོར་འཆར་ཡོད་པ་ལྟར་ངའི་ལས་གྲོགས་ཕྱི་རྒྱལ་བ་དེས་བསྟན་འཛིན་ཆོས་རྒྱལ་ཨོ་སི་ཊོ་ལི་ཡར་གནས་སྡོད་བྱེད་མཁན་རེད་ཅེས་ངོ་སྤྲོད་གནང་སོང་། ང་རང་ཨོ་སི་ཊོ་ལི་ཡར་འབྱོར་ནས་ཅུང་མ་འགོར་བར་བསྟན་འཛིན་ཆོས་རྒྱལ་ལགས་ལྡིང་ཆའི་སྟེང་ནས་མཐོང་སོང་། སྤྱི་ནོར་ ༧གོང་ས་༧སྐྱབས་མགོན་ཆེན་པོ་མཆོག་ཨོ་སི་ཊོ་ལི་ཡའི་ཆིབས་བསྒྱུར་གནང་ཐེངས་རེར། འདུ་འཛོམས་ཆེན་མོ་ཁག་གི་སྔོན་འགྲོའི་མཛད་རིམ་ནང་ཁོང་གིས་གླུ་གཞས་གཏོང་གི་འདུག་ལ་མི་དམངས་ཀྱིས་དགའ་བསུ་ཆེན་པོ་ཐོབ་གནང་སོང་། འདས་པའི་མི་ལོ་ཉི་ཤུ་རིང་བསྟན་འཛིན་ཆོས་རྒྱལ་དང་ཁོང་གི་སྒྱུ་རྩལ་སྐོར་ཨོ་སི་ཊོ་ལི་ཡའི་གསར་འགོད་བརྒྱུད་ལམ་ཆེ་ཁག་དང་ཚགས་པར་སྐད་གྲགས་ཆེ་ཤོས་མང་ཆེ་བའི་ནང་ཐོན་པ་དང་དུས་མཚུངས་བོད་དོན་ཁྱབ་བསྒྲགས་ཐད་གྲུབ་འབྲས་ཆེན་པོ་ཞིག་ཐོན་ཡོད། དེང་སྐབས་ཁོང་ནི་འཛམ་གླིང་ཐོག་མིང་གྲགས་ཡོད་པའི་བོད་ཀྱི་གཞས་པའམ་སྒྱུ་རྩལ་བ་ཞིག་ཡིན་ན་ཡང་།…

དེ་ལས་མང་བ་། “བསྟན་འཛིན་ཆོས་རྒྱལ་དང་ནམ་མཁའི་སྔུར་སྒྲ།” »

–རྔ་བ་ཀུན་བཟང་།  དཔེ་དེབ་དང་སྨྱུག་ཁ་ནས་རྒས་སོང་བའི་རྩོམ་པ་པོ་དང་། རྒྱང་རིང་གི་སྤུན་ཟླ་རྣམ་པ། ཁྱེད་ཅག་བདེ་མོ་ཨེ་ཡིན། ང་ནི་མི་ལོ་ཉི་ཤུའི་གོང་ལ་རྩྭ་ཐང་ནས་འཚར་ལོངས་བྱུང་བའི་འབྲོག་མོ་དཀྱུས་མ་ཞིག་ཡིན་ལ། ད་ལྟ་རང་ཡུལ་བཞག་སྟེ་གཞན་ཡུལ་འགྲིམ་པའི་དཔེ་ཀློག་དང་རྩོམ་རིག་ལ་དགའ་བའི་བུད་མེད་སྣང་སྐྱིད་ཞིག་ཡིན་པའི་ཁུལ་ལགས་ན། རེད་ཡ། ཏག་ཏག་ཟླ་གཅིག་གོང་ལ་རྒན་ལགས་ཀྱིས་བལ་ཡུལ་ནས་སྐྱེས་སུ་བསྣམས་ཡོང་བའི་དཔེ་དེབ་<<གསོན་པོར་འཚོ་དུས།>>ཞེས་པ་རྒྱ་ནག་གི་རྩོམ་པ་པོ་ཡུས་ཧྭ་ཡི་དཔེ་ཆ་འདིའི་སྐོར་གྱི་དཔེ་ཀློག་གི་མྱོང་ཚོར་ཉུང་ཉུང་ཞིག་གླེང་འདོད། རང་ངོས་ཀྱི་བསམ་ཚོར་དང་མྱོང་བ་ཕྲན་ཙམ་བརྗོད་འདོད་པ་ལས། ང་ལ་རྒྱ་ནག་གི་རྩོམ་པ་པོ་དང་སྙན་ངག་གི་སྐོར་ལ་མཐོང་ཐོས་མྱོང་བ་སོགས་གང་ཡང་མ་མཆིས་མོད། འོན་ཀྱང་། མི་རེ་རེའི་མྱོང་ཚོར་དང་ལྟ་ཚུལ་མི་གཅིག་པས། གལ་ཏེ་ཀློག་པ་པོ་རེ་གཉིས་ལས་དེབ་འདི་ཀློག་འདོད་ཀྱི་བསམ་འདུན་ཞིག་བསྐྲུན་ཐུབ་ན།གུས་མོར་རེ་བ་དེ་ལས་གཞན་གང་ཡང་མེད།  རྩོམ་པ་པོ་ཡུས་ཧྭ་(༡༩༦༠)ནི་རྒྱ་ནག་གི་སྒྲུང་རིང་འབྲི་མཁན་གྲགས་ཅན་ཞིག་ཡིན་ལ། བརྩམས་སྒྲུང་འདི་ནི་ཕྱི་ལོ་༡༩༩༣ལོར་བྲིས་པའི་རྒྱ་ནག་ནང་གི་སྤྱི་ཚོགས་རིང་ལུགས་དང་སྐབས་དེའི་མི་མང་གི་འཚོ་བ་མཚོན་བྱེད་ཀྱི་དེང་གི་བརྩམས་ཆོས་ཤིག་ལ་ངོས་འཛིན་བྱས་པའི་ཁུལ་ཡིན།…

དེ་ལས་མང་བ་། “<> བཀླགས་པའི་མྱོང་ཚོར། ” »

གསལ་བཤད། (འདི་བྲིས་ནས་བདུན་ཕྲག་གཉིས་ལྷག་ཕྱིན་སོང་། ) མགོ་ལོག་དཔལ་ལྡན། རྒྱ་ནག་གཞུང་གིས་རྭ་རྒྱ་ཤེས་རིག་ནོར་གླིང་བཙན་གྱིས་སྒོ་བརྒྱབ་པའི་མཇུག་མཐའི་མཛད་སྒོའི་ཐོག་དགེ་སློབ་རྣམས་ཀྱིས་སྐྱོ་གདུང་གི་མིག་ཆུ་ཨུ་ཚུགས་ཀྱིས་བསྲན་ཡང་འཐོར་མཐར། དགེ་སློབ་རྣམས་ཀྱིས་ལྷན་གཅིག་ཏུ་མི་ལོ་སུམ་ཅུའི་རིང་བོད་ཀྱི་སྐད་ཡིག་གི་ལོ་འདབ་རྒྱས་པའི་སློབ་གླིང་གི་རྒྱལ་སྒོ་རུ་ཁ་བཏགས་འདོགས་པ། བསང་ཕུད་པ། དེ་བཞིན་རླུང་རྟ་སོགས་མཆོད་ནས་ཆེས་མཐའ་མཇུག་གི་བདེ་མོ་བཞག་རྗེས། རྭ་རྒྱ་ཤེས་རིག་ནོར་གླིང་གསར་འཛུགས་མཁན་རྒན་འཇིགས་མེད་རྒྱལ་མཚན་ལགས་ཀྱིས་བོད་རྒྱ་གཉིས་ཀྱི་ནང་གནས་ཚུལ་གསལ་བཤད་ཅིག་བྱས་པའི་ཁྲོད། རྭ་རྒྱ་ཤེས་རིག་ནོར་གླིང་ལས་མཚམས་བཞག་ཡོད་ཀྱང་། སློབ་གྲྭ་དེའི་མཐོ་འབྲིང་སློབ་མ་རྣམས་ཁུལ་གྱི་ལས་རིགས་སློབ་གྲྭ་ཞུགས་ཆོག་པ་དང་། མཐོ་འབྲིང་སློབ་མ་རྣམས་ཁུལ་གྱི་སློབ་གྲྭར་ཞུགས་ཆོག་པ། མཐོ་འབྲིང་ལ་མ་སླེབས་པའི་སློབ་མ་རྣམས་ཀྱང་ཁུལ་གྱི་ལས་རིགས་སློབ་གྲྭ་ཁག་ཏུ་གསར་ཞུགས་བྱེད་ཆོག་པའི་མིང་ཐོ་བཀོད་ཡོད། དེ་བཞིན་དགེ་རྣམས་ཀྱང་སློབ་གྲྭ་ལ་བཞག་པའི་གན་རྒྱ་ལྟར་ཁུལ་ལས་རིགས་ལས་རྩལ་སློབ་གྲྭའི་ནང་དུ་ལས་ཞུགས་བྱེད་ཆོག་པའི་ལས་གཞི་གྲོས་འཆམ་བྱུང་ཡོད། ཅེས་གསལ་འདུག…

དེ་ལས་མང་བ་། “རྭ་རྒྱ་ཤེས་རིག་ནོར་གླིང་སྒོ་བརྒྱབ་བཅུག་པའི་གནད་དོན་གཙོ་བོ་གང་དག་ཡིན་ནམ།” »