ཉག་རོང་དོན་གྲུབ།    ལྐོག་གཡོའི་མགོ་སྐོར་ཐེབས་པ། ཁ་སང་བོད་ཟླ་ ༠༢ པའི་ཚེས་ ༢༡ དང་ཕྱི་ཟླ་ ༠༣ པའི་ཚེས་ ༣༠ ཉིན་གྱི་ཕྱི་དྲོ་ཆུ་ཚོད་ ༠༤ པའི་ཐོག…

དེ་ལས་མང་བ་། “ཆིངས་ཡིག་དོན་ཚན་ ༡༧ གྱི་རྒྱབ་ལྗོངས་གསར་པ།” »

ཉག་རོང་དོན་གྲུབ། ནེའུ་ཡོག་མཐོ་སྒང་ཨེ་ཤ་ཡའི་དཔེ་མཛོད་ཁང་དུ་བོད་ཟླ་ ༠༡ པོའི་ ༢༨ ཉིན་གྱི་ཕྱི་དྲོ་ཆུ་ཚོད་ ༦:༣༠ ཐོག །ཆབ་སྲིད་བཙོན་ཟུར་བསྟན་པ་དར་རྒྱས་ལགས་ནས། བོད་རང་བཙན་གྱི་ལས་འགུལ་སྤེལ་མཁན་ཆབ་སྲིད་བཙོན་པ་ཆོས་དབྱིངས་མཁས་གྲུབ་སྐོར་ལ་མྱོང་ཚོར་ཅན་གྱི་གཏམ་བཤད་ཅིག་གནང་སོང་། སྐབས་དེར་ཁོང་གིས་ཆོས་དབྱིངས་མཁས་གྲུབ་ངོ་ཤེས་སྟངས་དང་། བཙོན་ཁང་ནང་གི་དཀའ་སྡུག་གི་གནས་སྟངས་སོགས་ཕལ་ཆེར་ང་ཚོས་ཡང་མིག་ལམ་ལ་མཐོང་ཐུབ་པ་འདྲ་པོ་ཞིག་བཤད་སོང་། དེ་བཞིན་རྒྱ་མིས་བོད་མི་ཆབ་སྲིད་བཙོན་པ་ཚོ་ལ་མཐོང་ཆུང་དང་བསྙས་བཅོས་བྱས་ནས། “ཨེ་ཡོང་མགོ་དཀར་”ཞེས་ཞེ་ཁྲེལ་ཀྱི་ཚིག་མཚོན་ཞིག་འདེབས་ཀྱི་རེད་ཟེར། རྒྱ་མི་ཚོས་”ཁྱོད་རང་ཚོས་དཀའ་སྡུག་མྱོང་བ་རང་སྡུག་རེད།…

དེ་ལས་མང་བ་། “བཙན་བྱོལ་བའི་སེམས་ནང་ནས་གཏིང་བརྗེད་དུ་འགྲོ་བཞིན་པའི་བོད་ཀྱི་ཆབ་སྲིད་བཙོན་པ།” »

བེ་རི་རིག་པའི་རྡོ་རྗེ། འགྲོ་བ་མིའི་ཐོབ་ཐང་ཟེར་བ་ནི། ཁྲིམས་ཀྱིས་བསྐུར་བའི་གནས་སྟངས་ཙམ་མ་ཡིན་པར་འགྲོ་བ་མིར་ལྷན་སྐྱེས་སུ་ཡོད་པའི་ཐུན་མོང་གི་གཞི་རྩའི་ཐོབ་ཐང་ཞིག་ཡིན། དེར་བརྟེན་འཛམ་གླིང་མཉམ་འབྲེལ་རྒྱལ་ཚོགས་དང་། དམངས་གཙོའི་རྒྱལ་ཁབ་ཁག་གིས་རྩ་ཁྲིམས་ཡང་འདི་ཉིད་གཞི་རྩར་བཞག་ནས་གཏན་ལ་ཕབ་ཏེ། ཁྲིམས་ཐོག་ནས་འགྲོ་བ་མི་ཡོངས་ལ་ཐོབ་ཐང་འདྲ་མཉམ་སྤྲད་ནས་ཁྲིམས་ཀྱི་མདུན་སར་འདྲ་མཚུངས་བྱས་ཡོད། དེ་ལྟ་ན་ཡང་ཡིད་སྐྱོ་བ་ཞིག་ལ། བཙན་བྱོལ་བོད་མིའི་བཅའ་ཁྲིམས་ནང་དུ་ཆོས་བརྒྱུད་བར་ལ་དབྱེ་འབྱེད་བྱས་ཡོད། འདི་ནི་ཁྲིམས་ཐོག་གི་དབྱེ་འབྱེད་ཡིན་པས་དབྱེ་འབྱེད་གཞན་དང་བསྡུར་ཐབས་མེད་པའི་དབྱེ་འབྱེད་ཚབ་ཆེན་ཞིག་ཡིན། གལ་ཏེ་གནད་དོན་འདི་འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་འཚོགས་སོགས་འབྲེལ་ཡོད་སྡེ་ཚན་གྱིས་གཙོས་དམངས་གཙོའི་རྒྱལ་ཁབ་ཁག་ལ་ཤེས་སུ་བཅུག་པ་ཡིན་ན། དེའི་མཇུག་འབྲས་ཇི་འདྲ་ཡོང་མིན་བཤད་མི་དགོས། བཙན་བྱོལ་བོད་མིའི་བཅའ་ཁྲིམས་ནང་དུ་ཆོས་བརྒྱུད་བར་ལ་དབྱེ་འབྱེད་བྱས་ནས། བཙན་བྱོལ་ཁྲོད་ཀྱི་ཇོ་ནང་པ་རྣམས་ལ་ཐོབ་ཐང་འདྲ་མཉམ་མེད་པ་བྱས་ཡོད། གནད་དོན་འདི་འདྲ་ཨ་རི་དང་། རྒྱ་གར་སོགས་དམངས་གཙོ་ཚད་ལྡན་གྱི་རྒྱལ་ཁབ་ཞིག་ཏུ་འབྱུང་མི་སྲིད་པ་ལྟ་བུ་ཞིག་ཡིན།…

དེ་ལས་མང་བ་། “བཙན་བྱོལ་བོད་མིའི་གྲོས་ཚོགས་ནས་ཇོ་ནང་བའི་འགྲོ་བ་མིའི་ཐོབ་ཐང་ལ་བརྩི་འཇོག་ངེས་པར་དུ་བྱེད་དགོས།” »

–རྔ་བ་ཀུན་བཟང་། ངའི་མིང་ལ་བསྟན་འཛིན་པད་མ་ཟེར་ཞིང་། ད་ལྟ་ལོ་གསུམ་ཡིན། ངའི་ཕ་མ་གཉིས་ཀ་ཡུལ་འཁྱམ་པ་ཡིན་ལ། ང་ཡང་ཕ་ཡུལ་མེད་པའི་བྱིས་པ་ཞིག་ཡིན། ཁ་སང་དགུང་མོ་ནས་བཟུང་ཕ་མ་གཉིས་ཀའི་བོད་ཀྱི་རྒྱལ་དར་དང་རྒྱལ་གླུ་སོགས་གྲ་སྒྲིག་བྱས་ནས་ང་ལ་ཞོགས་པ་སྔ་མོ་ནས་ཡར་ལངས་དགོས་པ་བཤད་སོང་།། འོན་ཀྱང་རྒྱུ་མཚན་ཅི་ཡིན་མིན་དང་གང་ལ་འགྲོ་དགོས་བ་བཤད་མ་སོང་། གང་ལྟར་དེ་རིང་ང་མི་མང་བརྒྱ་ཕྲག་འགའ་འཛོམས་ས་ཞིག་ལ་སླེབས་འདུག། མི་དེ་དག་གི་ནང་དུ་སློབ་མ་དང་། གྲྭ་བ། ན་གཞོན་ཕོ་མོ། རྒན་རབས་པ། ད་དུང་བོད་པ་མ་ཡིན་པའི་མགོ་སེར་དང་རྒྱ་གར་བ་ཡང་རེ་འགའ་ཞིག་མཐོང་སོང་།། ལྷག་པར་ཏུ་བོད་རིགས་རེ་རེའི་ལག་ལ་བོད་རྒྱལ་དར་རེ་བཟུང་འདུག་ལ། “གདོང་ལ་བོད་རང་དབང་བཙན།”…

དེ་ལས་མང་བ་། “བུ་མོ་ལོ་གསུམ་ཅན་ཞིག་དང་འཕྲད།” »

གཞུང་པ་ཚེ་དབང་བསོད་ནམས།   སྤྱི་ཚོགས་འཕེལ་རིམ་གྱིས་བརྒྱུད་ནས་སྤྱི་ཚོགས་ཡར་རྒྱས་འགྲོ་དགོས་པ་དང་སྤྱི་ཚོགས་ཡར་རྒྱས་བརྒྱུད་ནས་ཡ་རབས་དང་བཟང་སྤྱོད་ལ་འགན་འཁུར་ནས་སྤྱི་ཚོགས་ཀྱིས་འཚོ་བ་དང་སྒྲིག་འཛུགས་ལ་འགན་འཁུར་དགོས་པ་ནི་དུས་རབས་ཀྱི་ཁ་ཕྱོགས་དང་མ་ནོར་བ་ཞིག་དགོས་པ་ནས་དུས་རབས་ཉི་ཤུ་རྩ་གཅིག་འདི་འཆམ་མཐུན་དང་ཞི་བདེ་མཉམ་གནས་ཀྱིས་འཛམ་གླིང་ཞིག་བཟོ་དགོས་པའི་འགན་དེ་འཛམ་གླིང་འདིའི་སྟེང་འཚོ་བཞིན་པའི་ང་ཚོ་མི་ཚང་མ་ལ་ལས་འགན་ཡོད་པ་ནས་རང་རེ་བཙན་བྱོལ་བོད་མི་ཚོ་སྤྱི་ཚོགས་དྲ་རྒྱ་ལ་འགན་འཁུར་ནས་ཕྱོགས་གཏོགས་ཆབ་སྲིད་ལ་དུས་ནམ་ཡང་ཁ་ཕྱོགས་མི་ཉན་པ་དང་། དྲ་རྒྱའི་དུས་རབས་ནང་མི་ཚང་མས་དྲ་རྒྱ་བཀོལ་སྤྱོད་བྱེད་ཆོག་པའི་གཞི་རིམ་གྱི་ཐོབ་ཐང་ཡོད་པ་ནས་ཡ་རབས་བཟང་སྤྱོད་དང་ཁ་མ་བྲལ་བའི་ཐོག་ནས་དྲ་རྒྱ་བེད་སྤྱོད་གཏོང་དགོས་པ་ལས་དྲ་རྒྱའི་སྟེང་ཕྱོགས་གཏོགས་ཆབ་སྲིད་ལ་འགན་འཁུར་ནས་བཙན་བྱོལ་བོད་མིའི་ཆིག་སྒྲིལ་ལ་གནོད་གཞིའི་ཟུར་ཟའི་ཚིག་དུས་ནམ་ཡང་བཀོད་མི་ཉན་པ་ནི་ཉེ་ལམ་འདི་ག་ཀོ་ལི་གྷལ་དོན་ལྡན་གླིང་གཞིས་ཆགས་དབུ་བརྙེས་ནས་ལོ་ལྔ་བཅུ་འཁོར་བའི་དུས་དྲན་སྲུང་བརྩིའི་ཐོག་༧ གོང་ས་༧ སྐྱབས་མགོན་ཆེན་པོས་གསུང་འཕྲིན་ཕེབས་པའི་ནང་འདི་ལྟར། ༼ ༄༄ ཀོ་ལི་གྷལ་དོན་ལྡན་གླིང་གཞིས་ཆགས་ཚུགས་ནས་མི་ལོ་ལྔ་བཅུ་འཁོར་བའི་དུས་དྲན་བསྲུང་བརྩི་བྱེད་བཞིན་ཡོད་པར་གཞིས་མི་ཡོངས་དང་ཕྱི་ནང་གི་སྐུ་མགྲོན་བཅས་པར་མཛའ་བརྩེའི་འཚམས་འདྲི་ཡོད། རང་ཅག་བཙན་བྱོལ་དུ་འབྱོར་རྗེས་གཞིས་ཆགས་ཟུར་འཛུགས་དགོས་པའི་དམིགས་དོན་ནི། མི་འབོར་ཆེ་ཞིང་ས་རྒྱ་ཆེ་བའི་རྒྱ་གར་གྱི་ཡུལ་གྲུ་ཁག་ནང་རིམ་གྱིས་སིམ་སྟེ་ཁ་འཐོར་དུ་མི་འགྲོ་བ་དང་། བོད་ཀྱི་ཆོས་དང་རིག་གཞུང་། སྐད་ཡིག ཡུལ་གོམས་གཤིས་ལུགས་བཅས་པ་མི་ཉམས་རྒྱུན་འཛིན། ངེས་བརྟན་མེད་པའི་འཚོ་བའི་དཀའ་ངལ་སེལ་ཐབས་བཅས་ཀྱི་ཆེད་དུ་ཡིན་པ་ལྟར་ཕྱོགས་ཚང་མ་ནས་ངལ་ཁུར་དང་ལེན་ཕྱར་གྲུ་མཉམ་འདེགས་བྱས་པའི་འབྲས་བུ་རང་རེའི་མིག་གི་སྤྱོད་ཡུལ་དུ་གྱུར་པ་འདི་ཡིན།…

དེ་ལས་མང་བ་། “སྤྱི་ཚོགས་དྲ་རྒྱ་དེ་ཕྱོགས་གཏོགས་ཆབ་སྲིད་ལ་དུས་ནམ་ཡང་ཁ་ཕྱོགས་མི་ཉན་ནོ།” »

འོད་དཀར་ཅན། བོད་མི་མང་སྤྱི་འཐུས་གྲོས་ཚོགས་ཀྱི་འཐུས་མི་ཁག་གཅིག་གིས་བཙན་པོ་རིམ་བྱུང་ནས། ས་ཕག ། བཀའ་རྒྱུད། གཙང་པ་བར་དང་། དགའ་ལྡན་ཕོ་བྲང་ནས་མང་གཙོ་ཡང་དག་པའི་སྒྲིག་འཛུགས་བར་གྱི་ཁྲིམས་ལུགས་ཁྱབ་སྒྱུར་གྱི་དབང་རྒྱུན་དེ་རྩ་མེད་དུ་གཏོང་རྒྱུའི་དམིགས་འབེན་བཟུང་ནས་ཆབ་སྲིད་ཀྱི་རླུབ་འཚུབས་ཤིག་འཕྱུར་བཞིན་ཡོད། དེ་ཡང་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པའི་ལས་ཚབ་གཅིག་རང་ལྷག་ཡོད་པ་དེ་ཉིད་བཅའ་ཁྲིམས་དོན་ཚན་ ༦༣ པའི་ནང་གསལ་ ༣ པ་བཞིན་ངོས་འཛིན་མེད་པར་བསྒྱུར་རྒྱུའི་མངོན་འདོད་དེ་བཞིན་དོན་དངོས་སུ་གྱུར་བ་ཡིན་ན། དུས་དེ་ནས་གཟུང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་མདུན་ནས་ཁྲིམས་ཞིབ་པ་ཐོག་མ་ཞེ་བོ་བློ་དར་གྱིས་ཁས་བླངས་བའི་ཁྲིམས་ལུགས་ཁྱབ་བསྒྱུར་གྱི་དབང་རྒྱུན་དེ་ཡང་ཡོངས་སུ་ཆད་པ་ཡིན། ཁག་གཅིག་གིས་མང་གཙོ་དང་། རང་དབང་ལ་ཁ་གཡར་ནས་ད་ལྟའི་དམ་འབུལ་གྱི་ལམ་ལུགས་དེ་མེད་པར་བཏང་སྟེ་ཡི་ཤུའི་གསུང་རབ་ལྟ་བུ་ཞིག་གི་སྟེང་དུ་ལག་པ་འཇོག་འདོད་ནས་བསྒུག་ཡོད་ཀྱང་།…

དེ་ལས་མང་བ་། “གྲོས་ཚོགས་གསར་བརྗེའི་ཐབས་ལ་བརྟེན་ནས་མང་གཙོའི་ཀ་བ་གསུམ་རྒྱུན་གནས་ཐུབ་པ་བྱ་དགོས།” »

གཞུང་པ་ཚེ་དབང་བསོད་ནམས། འཛམ་གླིང་གི་ས་ཆེན་པོ་འདི་ཆགས་པ་ནས་མི་གི་འགྲོ་བ་འཕེལ་བའི་བརྒྱུད་རིམ་ལ་ཕྱི་མིག་བལྟ་སྐབས་ང་ཚོར་ངོ་འཕྲོད་པ་དེ་མི་རིགས་ཞིག་ཟུར་དུ་འཚོ་དགོས་ན་མི་རིགས་དེའི་སྐད་ཡིག་དང་རིག་གཞུང་གསོན་པོར་གནས་དགོས་པ་དེ་གལ་ཆེའི་ནང་གི་གལ་ཆེན་ངོ་མ་དེ་ཡིན་པ་ནས་ང་ཚོ་བོད་མི་རིགས་འདི་ཡང་སྤྱི་ལོ་༡༩༥༩ བར་བོད་མི་རིགས་འདི་འཛམ་གླིང་གི་ལུང་པ་གཞན་གྱིས་སྐད་ཡིག་དང་རིག་གཞུང་སོགས་འདྲེས་ལྷད་མེད་པ་ནས་བོད་ཀྱི་སྐད་ཡིག་དང་རིག་གཞུང་བོད་མི་རིགས་དང་བཅས་པ་འཛམ་གླིང་འདིའི་སྟེང་འཚོ་བཞིན་པ་ནས་སྤྱི་ལོ་ ༡༩༥༩ ལོར་རྒྱ་མིས་བོད་བཙན་བཟུང་གིས་བོད་མི་གཞིས་བྱེས་གཉིས་སུ་ཁ་གྱེས་ནས་བོད་ནང་ཡོད་པའི་བོད་མི་ཚོ་རྒྱ་མིའི་བཙན་གནོན་འོག་སྒོ་གསུམ་རང་དབང་དང་བཅས་པ་ཤོར་ནས་མི་ལོ་བཅུ་ཕྲག་དྲུག་འགྲོ་བཞིན་པ་དང་ང་ཚོ་བཙན་བྱོལ་དུ་ཡོད་པའི་བོད་མི་རྣམས་འཛམ་གླིང་གི་ལུང་པ་མང་པོའི་ནང་བོད་མི་ཁྱིམ་ཚང་རེ་ཙམ་གཉིས་ཙམ་བྱས་ནས་སྒེར་གྱི་འཚོ་བ་ལ་འགན་སྲུང་འོག་འཚོ་བཞིན་པ་ནས་ཕ་མེས་ནས་བརྒྱུད་པའི་བོད་མིའི་སྐད་ཡིག་དང་རིག་གཞུང་ལ་བདག་ཉར་བྱ་སའི་འཁོར་ཡུག་མེད་པ་ནས་འདས་པའི་ལོ་ངོ་བཅུ་ཕྲག་དྲུག་ལྷག་ཙམ་ནང་བོད་མི་རིགས་ཀྱི་སྐད་ཡིག་དང་རིག་གཞུང་ལ་ཉམས་ཆགས་ཆེན་པོ་ཐེབ་ཡོད་པ་ནས་ད་དུང་ལོ་དྲུག་བཅུ་ལྷག་ཙམ་བོད་མི་གཞིས་བྱེས་གཉིས་ད་ལྟའི་གནས་སྟངས་འདི་མུར་ལྷག་ཚེ་བོད་མིའི་སྐད་ཡིག་དང་རིག་གཞུང་ཕར་བཞག་བོད་མི་རིགས་འདི་ཆགས་འཇིག་གི་མཚམས་སུ་མི་སླེབ་པའི་ངེས་པ་མེད་པ་ནས་གལ་ཆེ་ཤོས་དེ་སྐད་ཡིག་དང་རིག་གཞུང་ལ་བདག་པོ་རྒྱབ་མཁན་གྱི་མི་རིགས་དེ་མི་རིགས་གཞན་དང་མ་འདྲེས་པ་ཟུར་དུ་འཚོ་དགོས་པ་ནས་མི་རིགས་སྲུང་སྐྱོབས་ཀྱི་ལས་འཆར་དེ་སྐད་ཡིག་དང་རིག་གཞུང་སྲུང་སྐྱོབས་ཀྱི་སྔོན་དུ་འགྲོ་དགོས་པ་དེ་གལ་ཆེན་ཞིག་ཡིན་པའི་ངོས་འཛིན་ཞུ་གི་ཡོད། བོད་ཀྱི་སྐད་ཡིག་དང་རིག་གཞུང་ནི་འགྲོ་བ་མིའི་ཚེ་སྲོག་སྐྱོབས་ཐུབ་པའི་སངས་རྒྱས་ཀྱི་གསུང་བཀའ་བསྟན་ཡོངས་རྫོགས་ལ་བདག་ཉར་ཐུབ་པའི་སྐད་ཡིག་ཞིག་ཡིན་པ་མ་ཟད་ཚེ་འདི་ཕྱི་གཉིས་ལ་ལམ་སྟོན་ཐུབ་མཁན་གྱི་སྐད་ཡིག་ཞིག་ཡིན་པ་ནས་བོད་ཀྱི་སྐད་ཡིག་དང་བོད་མིའི་རིག་གཞུང་ལ་བདག་ཉར་བྱ་རྒྱུའི་འགན་དེ་བོད་མི་རང་ཉིད་ལ་ཡོད་པ་ལས་གཞན་མི་རིགས་སུ་གཅིག་ལའང་མེད་པ་དེ་ཤེས་པའི་ཐོག་ནས་སོ་སོའི་སྐད་ཡིག་ལ་བདག་ཉར་བྱ་རྒྱུ་དང་རྒྱུན་དུ་ཉིན་རེ་ཉིན་རེའི་ཁྱིམ་ཚང་སོ་སོའི་འཚོ་བའི་ནང་བེད་སྤྱོད་གཅོད་གནང་དགོས་པ་ལས་ཚེས་བཟང་དང་དུས་བཟང་ལ་བོད་ཟས་ཟ་རྒྱུ་དང་། བོད་སྐད་བཤོད་རྒྱུ། བོད་ཡིག་འབྲི་རྒྱུ། བོད་གོས་གྱོན་རྒྱུ་དང་བོད་པའི་གླུ་གཞས་ཁྲབ་རྒྱུ་སོགས་དེ་ཙམ་གྱིས་བོད་པའི་སྐད་ཡིག་དང་རིག་གཞུང་ལ་དུས་ནམ་ཡང་སྲུང་སྐྱོབས་མི་ཐུབ་པ་ནས་ཉིན་རེ་ཉིན་རེའི་འཚོ་བའི་ནང་རྒྱུན་དུ་བོད་ཟས་ཟ་རྒྱུ་དང་། བོད་སྐད་བཤོད་རྒྱུ། བོད་ཡིག་འབྲི་རྒྱུ། བོད་ཆས་གྱོན་རྒྱུ་སོགས་བརྒྱུད་ནས་བོད་མི་རིགས་གསོན་གནས་དགོས་པ་དེ་ཡང་སྐད་ཡིག་དང་རིག་གཞུང་སྲུང་སྐྱོབས་བྱ་རྒྱུའི་སྔོན་དུ་བོད་མི་རིགས་ལ་སྲུང་སྐྱོབས་བྱ་རྒྱུའི་ལས་འཆར་དེ་སྔོན་འཐོན་བྱས་ནས་འགྲོ་དགོས་པ་དེ་གལ་ཆེན་དོན་ཆེན་ཞིག་ཡིན་པའི་ངོས་འཛིན་ཞུ་གི་ཡོད། ད་ལྟའི་བོད་ཕྱི་ནང་གཉིས་སུ་ཡོད་པའི་བོད་མི་ཚོའི་གནས་སྟངས་དེ་ཛ་དྲག་ངང་ཡོད་པ་དེ་བོད་མི་ཚང་མས་མཁྱེན་པ་གནང་ནས་བོད་མིའི་ངོ་བོ་མ་རླགས་པའི་ཆེད་བོད་མི་རང་ཉིད་ཀྱི་ཕ་མེས་ནས་བརྒྱུད་པའི་སྐད་ཡིག་དང་རིག་གཞུང་གསོན་གནས་བརྒྱུད་ནས་བོད་མི་རིགས་འདི་འཇིག་རྟེན་འདིའི་སྟེང་འཚོ་ཐུབ་པའི་འགན་དེ་བོད་མི་མི་རེ་ངོ་རེར་ཡོད་པ་དེ་དུས་ནམ་ཡང་བརྗེད་མི་ཉན་ནོ།

གཞུང་པ་ཚེ་དབང་བསོད་ནམས། ད་ལམ་བོད་ཟླ་བཅུ་གཉིས་ཀྱི་ཚེས་ཉི་ཤུ་དགུ་ཆད་པ་ནས་བོད་ཕྱི་ནང་གཉིས་སུ་ཡོད་པའི་བོད་མི་ཚོའི་སྤྱི་ཚོགས་དྲ་ལམ་ནང་དགུ་ཐུག་དེ་ཚེས་ཉེར་བརྒྱད་ལ་ཐུང་དགོས་ཟེར་མཁན་ཁག་གཅིག་དང་ཡང་ཚེས་སུམ་བཅུ་གནམ་གང་ཉིན་ཐུང་དགོས་ཟེར་མཁན་ཁག་གཅིག་བཅས་བོད་ཕྱི་ནང་གཉིས་ཀྱིས་མང་ཚོགས་འཕྲོད་བསམ་ཚུལ་འདྲ་མིན་གྱི་གླེང་སློང་མང་པོ་དྲ་ཐོག་འགྲོ་བཞིན་པ་ནས་དགུ་ཐུག་གི་དོན་ངོ་མ་ཧ་མ་གོ་ནས་སྤྱི་ཚོགས་དྲ་ནང་འཛུལ་ནས་མཐོ་ཙམ་དམའ་ཙམ་བྱས་ནས་བཤོད་མཁན་ཚོས་མི་མང་མགོ་བོ་འཐོམ་དུ་འཇུག་གི་འདུག་ན་འདིར་རང་གི་བསམ་ཚུལ་དང་ངོས་འཛིན་དེ་གང་འདྲ་ཡིན་གསལ་བཤད་བྱ་འདོད་བྱུང་། ལོ་འཁོར་གཅིག་ལ་ཟླ་བ་བཅུ་གཉིས་དང་། ཉི་མ་གསུམ་བརྒྱ་དྲུག་བཅུ་རེ་ལྔ་དང་། བདུན་ཕྲག་བཞི་བཅུ་ཞེ་བརྒྱད། ལག་འཁོར་ཆུ་ཚོད་བཞི་སྟོང་སུམ་བརྒྱ་བརྒྱད་བཅུ་བཅས་ཡོད་པ་ནས་བོད་ཟླ་བཅུ་གཉིས་ཀྱི་ཚེས་ཉི་ཤུ་དགུ་དེ་ལོ་གཅིག་ཟླ་བ་བཅུ་གཉིས་ཉི་མ་གསུམ་བརྒྱ་དྲུག་ཅུ་རེ་ལྔ་གི་མཐའ་མ་དེ་ཡིན་པ་ནས་ཉི་ཤུ་དགུ་ལ་དགོན་པ་གྲ་ཚང་ནས་དགུ་གཏོར་རྒྱག་རྒྱུ་དང་། ཁྱིམ་ཚང་སོ་སོ་ནས་དགུ་གླུད་དབྱུགས་རྒྱུའི་བྱ་བ་སྤེལ་བཞིན་པ་ལས་ཐུག་པ་ཐུང་རྒྱུ་དེ་ཡིན་ཅིག་མིན་ཅིག་ཉི་ཤུ་དགུ་ལ་ཐུང་དགོས་པའི་གནད་དོན་མིན་པ་དགུ་ཐུག་ཟེར་བའི་དོན་ངོ་མ་དེ་ཟས་རིགས་མི་འདྲ་བ་སྣེ་དགུ་མཉམ་དུ་སྲེས་ནས་ཐུག་པ་སྐོལ་བ་ལ་དགུ་ཐུག་ཟེར་བ་དང་། དེ་འདྲའི་ཐུག་པ་དེ་ག་དུས་ཐུང་ན་ཡང་ཚེས་ཆ་ལ་ཁྱད་པར་དང་གཏན་འབེབས་སོགས་གང་ཡང་མེད་པ་དང་། གལ་ཆེ་ཤོས་དེ་ཉི་ཤུ་དགུ་གི་དགུ་གླུད་དེ་ཡིན་པ་ནས་ལོ་གཅིག་ཟླ་བ་བཅུ་གཉིས་ཀྱིས་ཉི་ཤུ་དགུ་མཐའ་མ་དེ་བོད་ཟླ་བཅུ་གཉིས་ཀྱི་ཉི་ཤུ་དགུ་དེ་ཡིན་པ་ནས་དགུ་གཏོར་རྒྱག་རྒྱུ་དང་དགུ་གླུད་དབྱུགས་རྒྱུ་དེ་ཉི་ཤུ་དགུ་ཆད་ནས་དགུ་གླུད་དེ་གནམ་གང་ཉིན་གཏོང་མི་ཉན་པ་ནི་གནམ་གང་ནི་ཆོས་ཕྱོགས་ཀྱི་བྱ་བ་སྤེལ་རྒྱུའི་ཚེས་ཆ་ལེགས་པ་ཞིག་ཡིན་པ་ལས་གླུད་གཏོང་རྒྱུའི་ཚེས་ཆ་ཞིག་རྩ་བ་ཉིད་ནས་མིན་པ་དང་། མ་གཞི་ནས་ཟླ་ཚེས་ལ་ཆད་དང་ལྷག་ཟེར་བ་ནི་ཤར་ཕྱོགས་ལུང་པ་བོད་དང་རྒྱ་ནག་གཙོ་བོར་རྒྱུར་བའི་ལུང་པ་ཁག་ལས་གཞན་ནུབ་ཕྱོགས་ལུང་པའི་ནང་ཟླ་ཚེས་ལ་ཆད་ལྷག་ཟེར་བ་དེ་འདྲ་གོ་མ་མྱོང་ལ་མཐོང་ཡང་མ་མྱོང་ལ་མ་གཞི་ནས་རྩིས་ཟེར་བ་དེ་མཐའ་ཅིག་ཏུ་གཏན་འཁེལ་ནས་ཡིད་ཆེས་བྱ་རྒྱུ་དེ་ཡང་ག་འདྲ་ཡིན་དོ་སྣང་གནང་དགོས་པ་ནི་སྤྱི་ལོ་ ༡༩༥༩ ལོར་བོད་ཀྱི་ཆབ་སྲིད་ལ་རྐྱེན་ངན་གོད་ཆགས་མི་གི་བློ་ཡུལ་དུ་མི་ཚུད་པ་དེ་འདྲ་འཕྲད་སྐབས་བོད་ཀྱིས་སྐར་རྩིས་སྡེ་ཚན་གཞུང་སྒེར་སུ་གཅིག་ནས་རྩིས་ནང་འདོན་མ་ཐུབ་པ་ནས་རྩིས་འབྲས་ལ་མཐའ་ཅིག་ཏུ་ཡིད་ཆེས་བྱ་རྒྱུ་དེ་ཡང་ཐེ་ཚོམ་ནང་ལྷག་མི་འདུག་གམ། བོད་ནི་འཛམ་གླིང་ས་ཡིས་ཡང་ཐོག་ཏུ་གནས་པའི་མི་གི་སྤྱི་ཚོགས་ཞིག་ཡིན་པ་དང་ཧི་མ་ལ་ཡིས་ཁྱག་རོམ་ནང་གྲང་ངར་ཆེ་བས་བོད་མི་ཚོའི་ཁ་ཟས་ཡང་བརྒྱ་ཆ་བདུན་བཅུ་དོན་ལྔ་ཐུག་པ་ཡིན་པ་ནས་ཐུག་པ་ནི་བོད་མིའི་སྲོལ་རྒྱུན་གྱིས་ཁ་ཟས་དངས་མ་དེ་ཡིན་པ་དང་། ཉི་ཤུ་དགུ་གི་དགུ་ཐུག་ནང་ཟས་རིགས་མི་འདྲ་བ་སྣེ་དགུ་འཛོམས་དགོས་པ་དེ་ཡང་ཞིབ་ཏུ་དཔྱད་ན་མི་གི་སྲུང་སྐར་གཟའ་དགུའི་མཚོན་དོན་མིན་ནམ་བསམ་པ་བཅས་ཟུར་གནས་བློ་ལྡན་མཁས་པ་རྣམས་ནས་འདིར་དཔྱད་ཞིབ་ཟབ་ནན་ཡོང་བ་མཁྱེན། དགུ་ཐུག་དང་འབྲེལ་བའི་རང་གི་བསམ་ཚུལ་གླེང་པ་འདིས་ཀྱང་བོད་ཀྱི་རིག་གཞུང་ངོ་སྤྲོད་ལ་ཆུ་ཐིག་ཙམ་གྱིས་ཞལ་འདེབས་སྒྲུབ་པའི་ཡིད་ཆེས་དང་བཅས།

  གཞུང་པ། ཀོ་ལི་གྷལ་གྱི་ཡུལ་ལྗོངས་འདི། ཁ་རླུང་གཙང་ལ་བོད་ཡུལ་འདྲ། ག་བུར་ཙནྡ་དྲི་ཞིམ་མང་། ང་ཚོ་གཞིས་མི་ལུས་སེམས་བདེ།   ཅ་ཅོ་འར་འུར་ཉུང་བ་དང་། ཆ་རྐྱེན་འཛོམས་པའི་གཞིས་ཆགས་འདིར། ཇ་ཆང་ལོངས་སྤྱོད་ཕུན་སུམ་ཚོགས། ཉོན་མོངས་གཏམ་གྱིས་རྩོད་གླེང་དཀོན།   ཏ་ལའི་བླ་མའི་ཐུགས་སྨོན་འོག ཐམས་ཅད་བདེ་སྐྱིད་འཚོ་བས་སྦྱིན། ད་ལོ་ལྔ་བཅུའི་དུས་སྟོན་སྐབས།…

དེ་ལས་མང་བ་། “ལྔ་བཅུའི་དུས་སྟོན་ལ་ཕུལ་བའི་ཀ་བཤད།” »

དེ་རིང་ངས་བཤད་འདོད་པ་ནི་བོད་ཀྱི་ལོ་སར་སླེབས་ཉེར་སོང་། མི་ལོ་སོ་ལྔའི་རིང་མི་ཡུལ་དུ་ལོ་སར་བཏང་བའི་མྱོང་འཚོ་དང་འབྲེལ་བའི་ཐོག་ནས་བརྗོད་འདོད་བྱུང་ཞིང་། དེ་ཡང་ང་རང་འཚར་ལོངས་བྱུང་ས་ནི་བོད་ཤར་ཕྱོགས་ཁམས་ཆབ་མདོ་ཞེས་པའི་གནས་མཆོག་དེ་ནས་ཡིན་ཞིང་། ཆབ་མདོ་དགོན་ནས་ངོམས་ཆུ་བརྒྱུད་ནས་ཡར་ཕྱིན་པ་ཡིན་རླངས་འཁོར་དུ་ཆུ་ཚོད་གཉིས་ཙམ་ལས་མི་འགོར། ང་ཆུང་དུས་སྐྱེས་སའི་ལུང་པའི་ལོ་སར་བཏང་སྟངས་སྐོར་ལ་གང་དྲན་པ་ཞིག་ཕྱི་དྲན་བྱེད་འདོད་བྱུང་ཞིང་། ང་སྡོད་སའི་ལུང་པ་ནི་ས་མ་འབྲོག་ཡིན་ནའང་ཞིང་ལས་ཤུགས་ཆེ་ཙམ་ཡོད། ལོ་སར་མ་ཚེས་གོང་གི་ཟླ་བ་གཅིག་གི་གོང་དུ་ཁྱིམ་ཚང་སོ་སོའི་ལོ་སར་ལ་གྲ་སྒྲིག་བྱ་སྲོལ་ཡོད། ང་ཚོའི་ནང་ལ་ཆ་མཚོན་ན། ཨ་ཕས་འབྲུ་ཟོ་བ་བདུན་ནམ་བརྒྱད་ཙམ་དང་། ཤ་དང་མར་སོགས་སྒྲོ་བ་ནང་བླུགས་ནས་ཆབ་མདོ་ལ་བཙོང་རྒྱུ་འཁྱེར་ནས་བཙོང་གི་རེད་ལ། དེས་སྒོར་མོ་གང་རག་པ་ནང་མི་རྣམས་ལ་ལོ་སར་གྱི་ཟ་ཆས་དང་། གྱོན་ཆས་བཟོ་ཆེད་རས་ཆ་ཉོས་གནང་ནས་ཡོང་གི་རེད། དེ་ནས་འཚེམ་བཟོ་སྐད་བཏང་ནས་ནང་མི་ཚང་མར་འོག་འཇུག་དང་། ཕྱུ་པ། གོས་ཐུང་སོགས་གསར་འཚེམ་གནང་གི་རེད།…

དེ་ལས་མང་བ་། “ཕ་ཡུལ་གྱི་ལོ་སར་ལས་འཕྲོས་པའི་གཏམ་གླེང་།” »

གཞུང་པ་ཚེ་དབང་བསོད་ནམས། བོད་རྒྱལ་ཁབ་དང་བོད་མི་རིགས་ཀྱི་བླ་ན་མེད་པའི་དབུ་ཁྲིད ༧ སྤྱི་ནོར་༧ གོང་ས་༧ སྐྱབས་མགོན་རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་གིས་ཐུགས་སྐྱེད་སྨོན་ལམ་དང་རླབས་ཆེན་གྱིས་མཛད་འཕྲིན་འོག་རྒྱ་གར་དབུས་གཞུང་ནང་སྲིད་ལས་ཁུངས་དང་དབུས་བོད་མིའི་སྒྲིག་འཛུགས་སྤྱི་ཁྱབ་ནང་སྲིད་ལྷན་ཁང་གཉིས་ཀྱིས་ལམ་སྟོན་འོག་སྤྱི་ལོ་ ༡༩༧༥ སྤྱི་ཟླ་གསུམ་པའི་ནང་ཀུ་ལུ་མ་ན་ལི་ལམ་བཟོའི་སྒྲིག་འཛུགས་ནས་མི་གྲངས་གཅིག་སྟོང་ཀོ་ལི་གྷལ་གཞིས་ཆགས་སུ་གཏོང་རྒྱུའི་མཐོ་གཞུང་ནང་སྐབས་དེའི་ང་པ་བརྒྱ་ཤོག་གམ་གཞུང་པ་བརྒྱ་ཤོག་ཚུད་ནས་ཕྲན་ང་པ་བརྒྱ་ཤོག་གི་བརྒྱ་དཔོན་གཞུང་པ་ཚེ་དབང་བསོད་ནམས་ཀྱིས་འགོ་ཁྲིད་འོག་མི་གྲངས་ ༡༦༦ བཅས་གཞིས་ཆགས་འདིར་འབྱོར་བ་ཡིན། ང་ཚོའི་སྔོན་ལ་འབྲས་ལྗོངས་སྒང་ཏོག་ཁུལ་ནས་མི་གྲངས་ལྔ་བརྒྱ་ ༡༩༧༤ ལོར་འབྱོར་འདུག ང་ཚོ་གཞིས་ཆགས་སུ་འབྱོར་སྐབས་མཚན་ལ་འབྱོར་བ་དང་སང་སྔ་དྲོ་ཡར་ལངས་ནས་ས་ཆའི་གནས་བབ་ག་འདྲ་ཡོད་བལྟ་སྐབས་གཞིས་ཆགས་ཀྱི་ཉེ་འཁོར་ནགས་རི་དང་སྤང་རི་སོགས་ཀྱིས་སྐོར་བ། ས་ཆ་བསིལ་གྲང་སྙོམས་པོ་བོད་ས་མཐོ་ས་ནས་ཡོང་བའི་བོད་མི་སྡོད་ས་རང་རེད་འདུག།…

དེ་ལས་མང་བ་། “ཀོ་ལི་གྷལ་དོན་ལྡན་གླིང་གཞིས་ཆགས་བཙུགས་ནས་ལོ་ལྔ་བཅུ་འཁོར་བའི་དུས་དྲན་སྲུང་བརྩི་འདི་ལོ་ ༢༠༢༤/༠༢/༡༧ ནས་ཚེས་༢༠ བར་ཉིན་བཞི་རིང་སྲུང་བརྩི་དང་འབྲེལ་བའི་མི་ལོ་ལྔ་བཅུའི་བཞུད་ལམ་ལ་ཕྱི་མིག་བལྟ་བ།” »

གཞུང་པ་ཚེ་དབང་བསོད་ནམས། འཇིག་རྟེན་གྱི་ས་གཞི་འདི་ཆགས་པ་ནས་མི་གི་འགྲོ་བ་འཕེལ་བའི་བརྒྱུད་རིམ་ལ་ཕྱི་མིག་བལྟ་སྐབས་བོད་ས་མཐོ་གངས་རིའི་ཁྱག་རོམ་ཁྲོད་དུ་མི་གི་འགྲོ་བ་འཕེལ་བའི་ལོ་རྒྱུས་ནས་གདོན་མའི་སྤྱི་ཚོགས་ནས་ཡར་རྒྱས་ལ་ཁ་ཕྱོགས་ནས་མི་རིགས་མཉམ་འདུས་ཀྱིས་ལམ་ལུགས་དར་ནས་མི་མང་གི་ནང་ནས་མི་རིག་པ་གསལ་བ་དང་། སྤྱང་གྲུང་འཛོམས་པ། ཡོན་ཏན་ཆེ་བ། མི་མང་གི་འགོ་ཁྲིད་ལ་བསྐོས་པའི་ལམ་ལུགས་ནས་བོད་ཀྱི་རྒྱལ་པོ་གཉའ་ཁྲི་བཙན་པོ་ནས་བཟུང་རྒྱལ་པོ་གླང་དར་མ་འམ་འུ་དུམ་བཙན་པོ་བར་བོད་ཀྱི་མངའ་དབང་དེ་འཛམ་གླིང་གསུམ་ཆ་གཉིས་ལ་གྲགས་པའི་ལོ་རྒྱུས་ཡོད་ན་ཡང་རྒྱལ་པོ་གླང་དར་ནས་བོད་སྤྱི་ལ་དབང་བའི་རྒྱལ་པོའི་རིང་ལུགས་ཆད་པ་ནས་ལུང་ཆུང་རེ་ལ་དཔོན་ཆུང་རེ་བྱས་ནས་མི་ལོ་བཞི་བརྒྱ་ཙམ་བོད་སིལ་བུའི་དུས་རབས་ནས་ཆོས་ལུགས་མི་སྣས་ཆོས་ཡོན་གྱི་སྒོ་སྐབས་བརྒྱུད་ནས་ཆབ་སྲིད་ལ་ལག་པ་འཆང་ནས་བོད་སིལ་བུའི་དུས་རབས་རྫོགས་ནས་བོད་ཀྱི་ཆོས་སྲིད་ཟུང་འབྲེལ་ཟེར་བའི་ཐ་སྙད་དེ་དར་ནས་ཆོས་ལུགས་མི་སྣས་རིམ་གྱིས་བོད་ཀྱིས་སྲིད་དབང་ལ་ཁ་ལོ་བསྒྱུར་ནས་ཆོས་སྲིད་ཟུང་འབྲེལ་གྱིས་ལམ་ལུགས་དེ་སྤྱི་ལོ་ ༡༢༥༣ ནས་འགོ་བཙུགས་ནས་སྤྱི་ལོ་ ༡༩༦༠ བར་ཆོས་དང་སྲིད་ཟུང་དུ་འབྲེལ་ནས་བོད་ཀྱིས་ཆབ་སྲིད་ལ་འཕོ་འགྱུར་ཡོ་ལངས་མང་པོ་བྱུང་ཡོད་ལ་བོད་སིལ་བུའི་དུས་རབས་རྫོགས་ནས་བོད་ཀྱིས་ཆོས་ལུགས་མི་སྣས་ཕྱི་མིའི་དཔུང་རོགས་ལ་སྐྱབས་བཅོལ་ནས་བླ་སློབ་བམ་ཆོས་ཡོན་སྦྱིན་བདག་ལ་འགོ་འདྲེན་ཞུས་ནས་བོད་ཀྱི་ཆོས་སྲིད་ཟུང་འབྲེལ་གྱིས་ལམ་ལུགས་གསར་གཏོད་གནང་ནས་སྤྱི་ལོ་ ༡༢༥༣ ནས་ ༡༣༥༨ བར་ལོ་ ༡༠༥ ས་སྐྱས་སྲིད་བསྐྱངས་པ་དང་།…

དེ་ལས་མང་བ་། “བོད་ཀྱི་ཆོས་སྲིད་ཟུང་འབྲེལ་ཟེར་བའི་ཐ་སྙད་ལ་དཔྱད་པའི་གཏམ།” »

ཆབ་མདོ་ངག་ཕུན། དེ་རིང་ངས་གླེང་འདོད་པ་ནི་བོད་ཀྱི་ཉེ་རབས་གཞས་མ་གྲགས་ཅན་ཟླ་སྒྲོན་ལགས་ཡན་ཞིང་། ང་བཙན་བྱོལ་དུ་སླེབས་པ་དང་། སྐབས་དེ་དུས་ད་ལྟ་ནང་བཞིན་ཁ་པར་དར་མེད་པ་དང་། གཞས་རྣམས་སྒྲ་སྡུད་ཕབ་འཕྲུལ་བརྒྱུད་ནས་ཉན་དགོས་པ་ཞིག་རེད། སྐབས་དེར་ང་ལ་ལས་གླ་དེ་ཙམ་མེད་ནའང་ཨུ་ཚུགས་བརྒྱབ་ནས་དངུལ་བསགས་ནས་སྒྲ་སྡུད་ཕབ་འཕྲུལ་ཞིག་གསར་དུ་ཉོ་ཐུབ་པ་བྱུང་། དེ་ནས་ཟླ་སྒྲོན་ལགས་ཀྱི་བཏང་གནང་བའི་སྒྲ་ཐག་གཉིས་མེག་གྷན་ཁྲོམ་གཞུང་དུ་ཚོང་རྒྱུ་འདུག་པ་དང་། སྒྲ་ཐག་རེ་རེར་སྒོར་ལྔ་བཅུ་ཡིན་ནམ་ད་ལྟ་ཡག་པོ་ཟིག་དྲན་གྱི་མི་འདུག་ཅིང་། གང་ལྟར་སྒྲག་ཐག་ཉོས་ནས་དུས་ཚོད་ག་དུས་ཁོམ་ན་བོད་གཞས་དེ་དག་ཉན་བཞིན་ཡོད་པས། སེམས་ནང་སྤྲོ་སྣང་རེ་སྟེར་གྱི་ཡོད། ཉིན་གཅིག་ཟླ་སྒྲོན་ལགས་དྷ་ས་འབྱོར་ཡོད་པ་གོ་བ་དང་། འགའ་ཤས་ཀྱིས་བརྗོད་ན་སྐབས་དེ་དུས་བོད་གཞུང་གི་ལས་བྱེད་དབྱར་སྐྱིད་ཡིན་ནམ་གང་ལྟར་བཀའ་ཤག་ཚོགས་ཁང་དུ་ཟླ་སྒྲོན་ལགས་ཀྱིས་བོད་གཞས་བཏང་བ་རེད་ཟེར་ནས་རྗེས་སུ་གོ་ཐོས་བྱུང་། དུས་དེ་ནས་བཟུང་སྟེ་ཟླ་སྒྲོན་ལགས་གོ་རྒྱུ་འཚོ་རྒྱུ་གང་ཡང་མི་འདུག་ཅིང་། ཟླ་སྒྲོན་ནི་གཞིས་ལུས་བོད་མི་རྣམས་ཀྱི་སྙིང་སྟོབས་མཚོན་པའི་གཞས་མ་གྲངས་ཅན་ཞིག་ཡིན་ལ། གཞིས་ལུས་བོད་པའི་སྤྱི་ཚོགས་ནང་དུ་སྙན་གྲགས་ཆེ་ཞིང་།…

དེ་ལས་མང་བ་། “གཞས་མ་གྲགས་ཅན་ཞིག་ལས་འཕྲོས་པའི་གཏམ།” »

རྨི་ལམ་དང་པོ། དེ་རིང་བོད་ཟླ་བཅུ་གཉིས་པའི་ཚེས་བརྒྱད་ཉིན་གྱི་ཆུ་ཚོད་གསུམ་ཡས་མས་ཞིག་ལ་ང་ལ་རྨི་ལམ་འདི་འདྲ་ཞིག་རྨིས་སྐྱབས་རྗེ་བླ་མ་བཟོད་པ་རིན་པོ་ཆེ། ངེད་ཀྱི་ཨ་ཞང་ཚང་གི་བུ་བཀྲ་ཤིས་ཚང་ལ་ཕེབས་ནས། དེར་བཞུགས་འདུག་པ་དང་། བླ་མ་བཟོད་པ་རིན་པོ་ཆེས་ང་ཚོ་ལ་འདི་ལྟར་གསུང། ང་འཆི་དགོས་པ་རེད་ལ།་དེ་ལ་ཅི་ཡང་མི་སྐྱོན་མོད།ཡིན་ན་ཡང་ང་ལ་དད་པ་ཡོད་པའི་སེམས་ཅན་ཐམས་ཅད་སྙིང་རེ་རྗེ་གསུང་ནས་སེམས་ཅན་ཐམས་ཅད་ལ་ཐུགས་སྙིང་རྗེ་ཆེན་པོ་ཚད་མེད་གནང་། དེའི་སྐབས་སུ་ང་ལ་སྐྱབས་རྗེ་བླ་མ་བཟོད་པ་རིན་པོ་ཆེ་མི་ཕྱེད་པའི་དད་པ་ཐོབ་ནས་ཡར་ལངས་ནས་ཕྱག་གསུམ་འཚལ་བ་དང་དད་པའི་སྟོབས་ཀྱི་མིག་ཆུ་རང་དབང་མེད་པར་ཤོར་ཀྱི་འདུག། དེའི་སྐབས་སུ་ངའི་ཕ་མ་གཉིས་དང་ནུ་བོ་སྐྱབས་རྗེ་དམ་པ་བླ་མ་བཟོད་པོ་རིན་པོ་ཆེ་ང་ཚོའི་མཉམ་ཏུ་སྒྲ་ལེན་འཕྲུལ་འཁོར་ཞིག་ལས་གསུང་ཆོས་ཞིག་ལ་ཉན་བཞིན་འདུག། ངའི་སེམས་ལ་ངའི་ནང་མི་རྣམས་དང་སྐྱབས་རྗེ་བླ་མ་བཟོད་པ་རིན་པོ་ཆེ་ལྷན་སྐུ་དཔར་ཞིག་སྒྲོན་ཐུབ་ན་སྐལ་བ་བཟང་པ་བསམ་ནས་ཐེངས་གཉིས་ཙམ་ལ་ཁ་པར་ལས་སྐུ་དཔར་ལེན་པའི་ཐབས་ཤེས་བྱས་ན་ཡང་ལེན་ཐུབ་མ་སོང་། དེ་ནས་ང་གཉིད་སད། རྨི་ལམ་གཉིས་པ། རས་གུར་ཞིག་གམ་གནས་ཚང་ཆུང་ཆུང་ཞིག་ནང་སྐྱབས་རྗེ་བླ་མ་བཟོད་པ་རིན་པོ་ཆེ་བཞུགས་འདུག་ལ། དེ་ནས་ཁོང་གིས་ང་ལ་གསུང་རྒྱུར་མགོན་པོ་སྐྱབས་ཁྱེད་ཀྱི་མ་འོངས་པར་ཆོས་ཁྲིད་བྱོས་གསུང་བྱུང་། དེ་ནས་ངས་སྐྱབས་རྗེ་མཆོག་ལ་ཡར་ཞུ་རྒྱུར། ངའི་ཆོས་ཁྲིད་ཅི་ཡང་ཤེས་ན་མ་རེད་ལགས།མྱི་ནག་མི་སྐྱ་ནང་ཆོས་ལ་ཐོས་བསམ་སྒོམ་དང་སློབ་སྦྱོང་གང་ཡང་བྱས་མེད་པས་ཅི་ཡང་ཤེས་ནི་མ་རེད་ཞེས་ནན་ཞུ་བྱས་པ་དང་།…

དེ་ལས་མང་བ་། “རྨི་ལམ་ནང་གི་བླ་མ་སྐྱབས་རྗེ་བླ་མ་བཟོད་པ་རིན་པོ།” »

དོ་སྤྲུལ་ཆོས་དབྱིངས་ཡེ་ཤེས་སམ་ཀླུ་སྨྱོན་ཧེ་རུ་ཀ -བོད་ནང་གི་སྐད་འཕྲིན་ཚོགས་པ་ཞིག་ལ་བཤད་པའི་གཏམ་བརྗོད། ཚོགས་མི་ལྔ་བརྒྱ་ཡོད་པའི་ཚོགས་གཙོ་འདིའི་ཚོགས་མི་ཚང་མར་འཚམས་འདྲི་ཞུ་གི་ཡོད། ཡུན་རིང་པོ་ཞིག་ལ་ཚོགས་པ་འདིའི་ནང་ངས་ཁ་གྲག་རྒྱུ་མ་བྱུང་། སྤྱིར་བཏང་མ་ཁོམ་ནི་རེད། དེ་ནས་དམིགས་གསལ་བཤད་རྒྱུ་ཆེན་པོ་ཞིག་མེད་སོང་བ་རེད། ངས་ཉི་མ་གཉིས་ཀྱི་སྔོན་ལ་གློག་བརྙན་ཞིག་ལ་བལྟས་པ་ཡིན། གློག་བརྙན་དེའི་འཁྲབ་ཁྲིད་པ་དང་མི་སྣ་དེ་ཚོ་སུ་ཡིན་མི་དྲན་ཡང་གློག་བརྙན་དེའི་མིང་ལ་རླུང་ཟེར་གི གློག་བརྙན་དེ་འཁྲབ་ས་ཕར་བལྟས་ན་རྔ་བ་ཡི་ཕྱོགས་རེད། ད་རྔ་བ་ཡི་ཟུང་ཆུ་ཡིན་ནམ་འབྲུག་ཆུ་མི་ཤེས། གཟི་ཚ་སྡེ་དགུ་ཡི་ཡུལ་ལྗོངས་ཤར་གི་ཡོད་གི དེའི་རྐྱེན་གྱིས་སི་ཁྲོན་རྔ་བ་ས་ཟིག་ཕལ་ཆེར་རེད་བསམ་གི དེར་འཁྲབ་སྟོན་པ་ཁག་ཅིག་ཡོད་གི དེའི་ནང་ནས་ནམ་རྒྱུན་ཡོངས་གྲགས་ཀྱི་འཁྲབ་སྟོན་པ་ཞིག་ཡོད་པ། བོད་ཀྱི་གཞས་མ་དབང་སྒྲོན་མཚོ་ཟེར་གོ་ནོ་དེ་ཡོད་གི…

དེ་ལས་མང་བ་། “རྨོངས་དད་དང་བུད་མེད་ཀྱི་ཐོབ་ཐང་ལས་འཕྲོས་པའི་གཏམ་བཤད་ཅིག” »

ཚེ་བརྟན་འགྱུར་མེད། ༈ དེང་སང་སྤྱི་ཚོགས་དྲ་ལམ་གྱི་བརྒྱུད་རིམ་ལས་སྤྱི་སྒེར་གནས་ཚུལ་མང་དག་ཅིག་ཁྱབ་སྤེལ་སླ་པའི་ངང་གནང་ཐབས་ཡོད། དྲ་ལམ་དག་སྤྱི་སྨན་བསམ་བཟང་ངང་བདེ་ལེགས་སུ་སྤྱོད་པའང་དེ་མིན་དགོས་གལ་ཆེ་མིན་སྤྱི་ཚོགས་དཀྲུག་ཆེད་གཡོ་རྒྱུ་ཕྲ་མའི་རྒྱུར་ཡང་སྤྱོད་མཁན་ཡོད། དེ་བཞིན་དགོས་པ་ཆེ་ནའང་དགག་བྱ་གཙོ་བའི་གནས་གཉིས་སུ་མ་ཞིབ་པའམ་ཡང་ན་གནས་དོན་གྱིས་ཕན་ནུས་དགོས་དོན་ལས་སྤྱི་ཚོགས་སུ་ཞབས་འདེགས་ཕུལ་བ་ལས་མ་ཕུལ་ན་དགེ་གནས་སུ་དམ་དོན་དགོངས་བཞེས་མེད་པའི་གནས་ཀྱང་ཡོང་སྲིད། དེར་སོང་མི་མང་པོ་ཞིག་ནས་སྤྱི་ཚོགས་དྲ་ལམ་ལས་ཕན་ལས་གནོད་ཆེ་སྤེལ་པའི་བསམ་ཚུལ་གྱིས་དྲ་ལམ་དག་གཡོ་མཁན་ཡང་མི་ཉུང་བ་ཡོད་པ་མཁྱེན་གསལ་ཆེ། ང་རང་དྲ་ལམ་འགའ་རེར་བལྟ་ཉན་ཞུ་ཡི་ཡོད་པ་ནས་གནས་འདིར་དགོས་པ་ཆེ་ནའང་དགག་བྱ་གཙོ་བའི་བསམ་འཚོར་བྱུང་སོང་སྟབས་གསན་འདེབས་ཞིག་ཞུ་འདོད་བྱུང་། གཅིག་བྱས་ན་ང་ནོར་སྲིད་། དགོས་པ་ལས་དགག་བྱ་གཙོ་བའི་གནས་ངའི་བསམ་འཚོར་བྱུང་བ་ནི། བླ་མའམ་དགེ་བཤེས་ལགས་གང་ཡིན་ཧ་མ་གོ་ཡང་སངས་རྒྱས་ཀྱི་ན་བཟའམ། བོད་བརྒྱུད་ནང་པའི་ན་བཟའ་མཆོད་མཁན་གྱི་དགེ་འདུན་པ་ཞིག་ཡིན་འདུག་པ་ནས་རྒྱ་གར་ཨོ་ཌིཤ་ཁུལ་ནང་པའི་བསྟན་པ་དར་ཚུལ་གྱིས་གནས་བཤད་གནང་མཁན་ཞིག་དྲ་ལམ་དུ་མཇལ་རྒྱུ་འདུག ཁོང་གི་དགོས་གནད་དེ་ནང་པའི་གནས་གལ་ཆེ་ཞིག་ནང་པ་མང་པོས་མ་ཤེས་པར་ལུས་པ་ཤེས་མཇལ་ཆེད་ཡིན་ངེས་སྲིད་པ་དགའ་སྒོམ་ཞུ་འོས་ཀྱང་།  དེའི་ཞོར་དུ་དགོས་གནད་ཆེར་མེད་པའི་ནང་བསྟན་སྣུབ་པའི་ཧིན་དྷུ་སྤྱིར་སྨད་སྨོས་འདི་འདྲ་རང་མ་གསུང་ན་བསམ་པའི་ཚིག་དམར་འདིར་འགོད་འདོད་མེད་པ་འགའ་བེད་སྤྱོད་ཞུས་པ་དེ་དགག་བྱ་གཙོ་བའི་གནས་དེ་ཡིན། འདས་པའོ་ལོ་རྒྱུས་ལ་གསོམ་ནས་ཕྱི་བྱུང་དེ་ལྟར་མ་ཡོང་བ་རང་གཞན་གཉིས་ཀྱི་ལག་ལེན་འཁེལ་ཐབས་ཞུ་རྒྱུ་དེ་ལོ་རྒྱུས་ཀྱི་ཕན་ཡོན་རེད། གཉིས་སུ་ཧིན་དྷུས་ཐན་དེ་ང་ཚོའི་གནས་ཚང་རེད།…

དེ་ལས་མང་བ་། “དགོས་པ་ཆེ་ཡང་དགག་བྱ་གཙོ་བའི་གསན་འདེབས།” »