སྐྱེས་སར་ཀླུ་སྒྲུབ།
 

༧གོང་ས་ཏཱ་ལའི་བླ་མ་ནི་བོད་མི་རིགས་ཀྱི་བླ་སྲོག་ཡིན་ལ། མི་རིགས་ཀྱི་བླ་སྲོག་ལ་རྒོལ་བ་ནི་མཐར་གཏུགས་ན་རང་ཉིད་ལ་རྒོལ་བ་ཞིག་ཡིན།

ཐོག་མའི་སྐད་ཆ།

བོད་ཀྱི་ཉེ་རབས་ལོ་རྒྱུས་ནང་༧གོང་ས་ཏཱ་ལའི་བླ་མ་ནི་བོད་མི་རིགས་ཀྱི་ཆོས་སྲིད་གཉིས་ཀྱི་དབུ་ཁྲིད་ཡིན་ལ། དབུ་ཁྲིད་ཅེས་པའི་ཐ་སྙད་དེའི་རྗེས་འབྲེལ་གྱི་འོས་འགན་ལྕི་མོ་ཁུར་མཁན་དེ་ཡིན། ཏཱ་ལའི་བླ་མ་སྐུ་ཕྲེང་བཅུ་བཞི་པ་ཁོང་གིས་དགུང་ལོ་ ༡༦ ཐོག་བོད་ཀྱི་ཆོས་སྲིད་ལུགས་གཉིས་ཀྱི་འགན་ཁུར་ཞིང་། ཁོང་གིས་འོས་འགན་དེ་ཕྲག་ཏུ་ལེན་སྐབས།

དེ་ལས་མང་བ་། “༧གོང་ས་ཏཱ་ལའི་བླ་མ་འདི་ལྟར་གླེང་ཆོག” »

རྨ་ཆུའི་དོན་ཁོ།
 
ཨེ་མ།
ཇི་འདྲའི་སྙན་འཇེབས་ལྡན་པའི་དབྱངས་རྟ་ཞིག
ཇི་འདྲའི་ཡིད་དུ་འོང་བའི་སྒྲ་དབྱངས་ཤིག
སེམས་ཀྱི་གཏིང་རིམ་ལ་འཐིམ་པའི་འགྱུར་ཁུགས་ཤིག
རྐང་གི་ཁོང་དུ་ཟུག་པའི་གསུང་སྐད་ཅིག
དེ་ནི། ཚངས་སྲས་རྒྱུད་མངས་དང་། ཁུ་བྱུག་གསུང་སྙན་སོགས་གང་ཡང་མིན་པར། དེ་ནི་སྐྱེས་བུའི་ཤེས་རྒྱུད་ཀྱིས་ཟིན་ཅིང་། ཟབ་མོ་དབུ་མའི་ལྟ་གྲུབ་དབྱངས་སུ་གྱེར་བའི་རྒྱལ་བའི་བཞད་སྒྲ་སྟེ། རྒྱལ་ཀུན་སྙིང་རྗེའི་རང་གཟུགས་འཕགས་མཆོག་ཕྱག་ན་པདྨོ་མིའི་རྣམ་པར་རོལ་བའི་བཞད་སྒྲ་རེད།
ཁྱེའུ་ལྷ་མོ་དོན་འགྲུབ།

དེ་ལས་མང་བ་། “༄༅།། རྒྱལ་བའི་བཞད་སྒྲ།” »

རྨ་ལྷོ། ངྷ་ན་ཀོ་ཤ།
 
ང་ནི་བུད་མེད་ཅིག་སྟེ་གནམ་གྱི་ཕྱེད་ཀ་ཡིན།
ང་ནི་བོད་མོ་ཞིག་སྟེ་གཡའ་དག་པའི་མཁའ་དབྱིངས་ཡིན།
ཡིན་ནའང་། ངས་བུད་མེད་ཅིག་གམ་བོད་མོ་ཞིག་གིས་བསྒྲུབ་འོས་པའི་འགན་ཁུར་ཡོངས་སུ་འགྲུབ་མེད་པ་འདྲ། དེ་ནི་ངས་བཞོ་ལོང་བཏགས་ཤིང་བཞོ་ཟེའུ་བསྐྱོར་ཏེ་འབྲི་དང་མཛོ་མོའི་ནུ་མགོར་འཇུས་མ་མྱོང་ལ། ངས་འོ་འཁོར་ཐོགས་ནས་སྟོང་བཤིགས་མར་ལོ་རིལ་བུར་ཡང་ཕབ་མ་མྱོང་། ངས་ད་དུང་དར་བ་བསྐོལ་ཏེ་ཆུར་བ་བཙགས་མ་མྱོང་ལ། ངས་དཀར་ཡོལ་ནང་འབྲུ་མར་མར་ལོ་འཕངས་ནས་སྦྲང་དཀར་རྩམ་པ་ཡང་བརྫི་མི་ཤེས་པའི་ཚོད་རེད། ཐ་ན་ངས་ལྕི་བ་བསྒྲུགས་ཏེ་ཨོང་བའི་འབར་རྫས་བརྩིག་མི་ཤེས་ལ། “རིལ་མར་མེ་བསྒོས་ཤིང་ཡུ་ཏོར་ཁྲབ་བསྐོན་ཏེ་ཧོར་དམག་བསྐྲད་པ་གླིང་འབྲུག་མོའི་ཐབས་རྩལ”ལྟ་ཞོག

དེ་ལས་མང་བ་། “ང་ནི་བུད་མེད་ཅིག་སྟེ་ང་ནི་བོད་མོ་ཞིག་ཡིན།” »

ཨ་མྱེས་སྲས་ཆུང་གིས།
 
འཛམ་གླིང་ཡར་ཐོན་ཅན་གྱི་རྒྱལ་ཁབ་དང་བསྡུར་ན་ང་ཚོ་རྗེས་ལུས་རེད། རྒྱལ་ཁབ་དེ་ཚོའི་གྲལ་དུ་ཚུད་ཐུབ་པའི་འབད་བརྩོན་བྱེད་ལོས་དགོས། ཡིན་ན་ཡང་ང་ཚོས་ཡོད་ཚད་ཁོ་ཚོར་ལད་མོ་བྱེད་ནས་གཅེར་རྒྱུགས་བྱེད་མི་ཉན། ང་ཚོའི་མི་རིགས་འདི་ཕ་མ་བུ་ཕྲུག་བར་ལ་ངོ་ཚ་ཤེས་མཁན་དང་། ཕུ་ནུ་གཅེན་གཅུང་བར་ལ་ཞེ་ཁྲེལ་ཤེས་མཁན། ཁྱོ་ག་སྐྱེས་དམན་བར་ལ་གུས་ཞབས་བཟོ་ཤེས་མཁན་གྱི་མི་རིགས་ཤིག་རེད། འདི་ང་ཚོའི་ཐུན་མོང་མ་ཡིན་པའི་གཤིས་ཀ་ཞིག་དང་ལུགས་སྲོལ་ཞིག་རེད། རང་ཚུགས་ཤོར་མི་ཉན། ངས་སྐད་ཆ་འདི་འདྲའི་ཞིག་བཤད་དགོས་པའི་རྒྱུ་མཚན་ནི། དེང་སང་ཕྱི་རྒྱལ་ཡུལ་གྲུ་ཁག་ལ་བཞུགས་མཁན་ཐད་གཏོང་ངམ།

《 Live》ཟེར་བའི་གཟུགས་མཐོང་བརྙན་འཕྲིན་ཐད་སྟོན་

དེ་ལས་མང་བ་། “ངོ་ཚ་བྲལ་བའི་བོད་མི་ཁག་ཅིག” »

རོང་བོ་ཐང་དཀར་གྱིས་འོས་སྦྱོར་བྱས།
 
༄༅།། ཞིང་ཆེན་སོ་སོའི་མཁས་དབང་ཚང་མ་ལྷན་དུ་འཛོམས་ཏེ། ང་ཚོའི་བོད་ཀྱི་མི་རིགས་སློབ་གསོའི་བྱ་བ་འདི་ལ་གྲོས་བསྡུར་གཏིང་ཟབ་མོ་བྱས་ནས་ལྷག་པར་དུ་དེང་སྐབས་ང་ཚོའི་བོད་ཀྱི་རིག་གནས་འདི་འཕེལ་རྒྱས་སུ་སོང་ཟེར་རྒྱུ་དཀའ་མོད། ཉམས་པ་སོར་ཆུད་དང་མི་ཉམས་གོང་སྤེལ་གཏོང་རྒྱུ། དེང་སྐབས་འཛམ་གླིང་ན་མཚན་སྙན་གྲགས་ཆེ་བའི་ང་ཚོའི་ལོ་རྒྱུས་ལ་ལོ་ངོ་སྟོང་ཕྲག་དུ་མའི་ལོ་རྒྱུས་དང་ལྡན། ང་ཚོའི་མི་རིགས་འདི་ད་སྐབས་ཉི་མ་ལྟ་བུ་ཞིག་ཡིན་ན་ནུབ་ལ་ཉེ་ཡོད་པའི་སྐབས་འདིར། ང་ཚོ་རང་གི་རིག་གནས་འདི་ཡུན་རིང་བོའི་བར་དུ་

དེ་ལས་མང་བ་། “མཁས་དབང་བསེ་ཚང་མཆོག་གི་གསུང་བཤད།” »

ཅོག་རོང་བས།
 
ཏོག་དབྱིབས་ནད་དུག་ཁྱབ་བརྡལ་དུ་འགྱུར་བཞིན་པ་དང་རྒྱ་གར་རྒྱ་ནག་བར་གྱི་ས་རྩོད་ཤིན་ཏུ་ཐུ་བར་གྱུར་དང་འགྱུར་བཞིན་པའི་རྐྱེན་གྱིས། བོད་མིའི་བདེ་སྡུག་གཙིགས་སུ་འཛིན་པ་དང་བཙན་བྱོལ་བོད་གཞུང་ལ་རྒྱུན་ལྡན་གྱི་འཁོར་བསྐྱོད་ཡོང་ཆེད་ངས་བལྟས་ན་༢༠༢༠་ལོའི་སྲིད་སྐྱོང་འོས་བསྡུའི་ལས་གཞི་ནར་འགྱང་གིས་ལོ་ལྔ་རྗེས་སུ་སྟེ་༢༠༢༥་ལོར་སྲིད་སྐྱོང་གདམ་བསྐོ་བྱས་ན་བཟང་བར་འདོད། རྩ་ཁྲིམས་ཀྱི་དོན་ཚན་ཉེར་གཅིག་ནང་དུ་སྲིད་སྐྱོང་གི་ཡུན་ཚད་ལ་ཚད་བཀག་ཡོད་ཀྱང་། གནས་སྟངས་ཤིན་ཏུ་ཚབས་ཆེན་དང་རྒྱུན་ལྡན་མིན་པའི་རྐྱེན་ངན་བར་ཆད་ཚབས་ཆེན་རིགས་བྱུང་ན་རྩ་ཁྲིམས་ཚད་བཀག་དེ་ལ་དམིགས་བསལ་ཡོད་ཆོག་པ་ཞིག་ཡིན། ཐོག་མར་ཏོག་དབྱིབས་ནད་དུག་གིས་མི་མང་པོ་ཞིག་གིས་འོས་ཤོག་འཕེན་པར་འགལ་རྐྱེན་དང་བར་ཆད་བཟོས་དང་བཟོ་ངེས་པའི་རྐྱེན་གྱིས་འོས་ཤོག་འཕེན་མི་ཐུབ་

དེ་ལས་མང་བ་། “སྲིད་སྐྱོང་བློ་བཟང་སེང་གེ་དང་ཁོང་གི་བཀའ་ཤག་ཡང་བསྐྱར་ལོ་ལྔར་བསྡད་ན་བཟང་།” »