རོང་བོ་དགེ་འདུན་ལྷུན་གྲུབ
རི་བོ་འདི་ལྕགས་ཀྱིས་གྲུབ་བཞག
ལྕགས་ཀྱི་རི་བོ
ཤ་དང་རུས་པའི་གསེབ་ན་མྱུག་གིན་བཞུར་བའི་གཙང་བོ
མི་རྟག་པའི་ཤ་པགས་ཀྱི་མཐིལ་དུ་འབུར་བའི་གཅན་གཟན་སྡིག་པ་ཅན
ལྕགས་ཀྱི་རི་བོ ཡོད་ཡོད་འདྲ་ལ ཆོ་འཕྲུལ་འདྲ་བ
བཟང་བཟང་འདྲ་ལ སྡང་སྡང་འདྲ་བ
མཉེན་ཞིང་བྱམས་པའི་ཉི་འོད་དེའི་ཕ་རོལ་ན
དབྱིབས་དང་ཁ་དོག་གང་ཞིག་གིས་འགུལ་བཞིན་ཡོད
སྤྲིན་པ་འདིའི་ཕྱི་ནང་ན
ཆེས་དགོད་ཤེས་པ་ནི་ཉི་མ་ཡིན་ནམ
བརླན་བརླན་དང་ལྗན་ལྗིན་གྱིས་བཤེར་བའི་ཤོག་ངོས་ཤིག་ཏུ
ངའི་འབྲལ་སྤངས་ཀྱི་གའུ་དེ་ཡོད་དམ
(བོད་ཀྱི་བང་ཆེན་ནས་བླངས།)
ཟླ་འདིའི་ཕྱི་ཚེས་༡༣ ཉིན་གྱི་ཕྱི་དྲོ་ཆུ་ཚོད་༣ པ་ཡོལ་ཙམ་གྱི་དུས་སུ་གཞིས་ཆགས་ཀྱི་ཞིང་ཆུ་གསོག་འཇོག་བྱས་པའི་ཆུ་མཛོད་དང་གཞིས་གྲོང་ཁག་ཅིག་ལ་གཟིགས་སྐོར་ཆེད་ཆིབས་བསྒྱུར་གནང་སོང་བ་དང། སྐབས་དེ་དུས་ང་ཨོ་རི་ས་གཞིས་གྲོང་བཞི་པའི་རི་དགོན་ཐུབ་བསྟན་སྨིན་གྲོལ་གླིང་དུ་ཡོད། ཅུང་ཙམ་ནས་༧གོང་ས་མཆོག་ཐད་འཕུར་གནམ་གྲུ་བརྒྱུད་ནས་ཨོ་རི་ས་མངའ་སྡེའི་གྲོང་ཁྱེར་ལྟེ་བ་བྷོམ་བྷ་ནི་ཤི་ཝར་དུ་ཆིབས་བསྒྱུར་གནང་སོང།
དེ་ལས་མང་བ་། “ཨོ་རི་ས་རུ་གློ་བུར་དུ་མི་ཞིག་༧གོང་ས་མཆོག་གི་ཆིབས་གྲུའི་ཐོག་མཆོངས་པ།” »
ཀླུ་སྨྱོན།
ལོ་གསར་གྱི་སྔ་ནུབ་ཏུ།
བྱིས་པ་ཚོར་གཉིད་ཀྱི་ཡོང་གི་མེད་ལ།
བྱིས་པ་ཚོས་ཀ་ར་བཟའ་འདོད་ནས་སྲོན་གི་མེད།
ལོ་གསར་གྱི་སྔ་ནུབ་ཏུ།
ལོ་ལོན་ཚོར་གཉིད་ཀྱི་ཡོང་གི་མེད་ལ།
ལོ་ལོན་ཚོས་མི་ཚེ་རྫོགས་སོང་བསམས་ནས་སྲོན་གི་མེད།
ལོ་གསར་གྱི་སྔ་ནུབ་ཏུ།
གསར་བུ་གསར་མོ་ཚོར་གཉིད་ཀྱི་ཡོང་གི་མེད་ལ།
གསར་བུ་གསར་མོ་ཚོས་གཉེན་སྒྲིག་བྱེད་དགོས་བསམས་ནས་སྲོན་གི་མེད།
དེ་ལས་མང་བ་། “སྙན་ངག་པས་རང་སྲོག་གཅོད་པའི་དུས་ཚོད་བསླེབས་སོང་།” »
སྨྱུག་རྒོད་གངས་བུ་དཔལ་གྱིས།
——————
དེ་རིང་གྱི་ཉིན་ཉི་ཟླ་ལྷན་དུ་རོལ་བས་གཞིས་བྱེས་མཉམ་འཛོམ་གྱི་ཉིན་མོ་དྲན་བྱུང་།
ཉི་འཛིན་དང་འབྲེལ་བའི་སྐོར་གླེང་བ།
ཉི་འཛིན་ནི་སྲོལ་རྒྱུན་བཤད་ལུགས་ལྟར་ན། ར་ཧུ་ལའམ་སྒྲ་བཅན་ཟེར་པའི་བདུད་མགོ་ལས་ལུས་པ་མེད་པ་ཞིག་ཡོད་པ་དེས་ཉི་མ་དང་ཟླ་བའི་དཀྱིལ་འཁོར་ཟ་བཞིན་ཡོད་པར་བཤད། དུས་རྒྱུན་ཆོས་སྐད་དུའང་སྒྲ་བཅན་གྱི་མགོ་དང་ཆི་གུའི་ལུས་ཞེས་གྲགས་པ་ལྟར་ཡིན། སྒྲ་བཅན་ནི་ཕྱི་རོལ་པའི་རིག་བྱེད་ཀྱི་གཏམ་རྒྱུད་དང་མཐུན་པར་གླེང་བ་ཞིག་ཡིན་འདུག།
ཀརྨ་དགེ་ལེགས།
སྔོན་ཚེ་སངས་རྒྱས་ཤཱཀྱ་ཐུབ་པ་ཡིས། །
ཡོད་མེད་གཉིས་སུ་ཐམས་ཅད་ཐག་བཅད་ནས། །
ནང་བའི་ལྟ་བ་གཏན་ལ་ཕབ་ཡོད་ན། །
ཐ་སྙད་ཚད་མས་གྲུབ་པ་ཅིའི་མི་འདོད། །
ཡོད་པ་མིན་པས་མེད་པ་ཡིན་པར་འགྲུབ། །
མེད་པ་མིན་ན་ཡོད་པ་ཡིན་དགོས་ཞེས། །
ཡོད་མེད་བར་ནས་ཆོས་ཞིག་གསུངས་མེད་ན། །
ཐ་སྙད་ཚད་མས་གྲུབ་པ་ཅིའི་མི་འདོད། །
འགྲོ་བ་ཀུན་ལ་ཡོད་པའི་འདུ་ཤེས་རྣམས། །
སངས་རྒྱས་ཟིན་ཡང་ད་དུང་ཇི་བཞིན་དུ། །
ཐམས་ཅད་གཏན་ནས་འགྱུར་པ་མེད་གྱུར་ན། །
ཐ་སྙད་ཚད་མས་གྲུབ་པ་ཅིའི་མི་འདོད། །
མིག་དང་སྣ་བ་རྣ་ཤེས་ཚད་མ་ཡིན། །
དབང་བོ་འདི་ལས་ལྷག་པའི་ཚད་མ་ཞིག །
འཕགས་པའི་ས་ནའང་ཡོད་པར་མ་གསུངས་ན། །
ཐ་སྙད་ཚད་མས་གྲུབ་པ་ཅིའི་མི་འདོད། །
རྒྱལ་བ་ཀུན་གྱི་ཐུགས་ཀྱི་ཡེ་ཤེས་ནི། །
དབང་བོ་དྲུག་གི་ནུས་པ་ལ་བརྟེན་ནས། །
ཐུན་མོངས་འགྲོ་བ་དག་གིས་གཞལ་ནུས་ན། །
ཐ་སྙད་ཚད་མས་གྲུབ་པ་ཅིའི་མི་འདོད། །
བསྟན་འཛིན་ལེགས་བཤད་ཀྱིས་བླངས་བའི་འདྲ་པར་་ཁག་ཅིག
དེ་ལས་མང་བ་། “བཙན་བྱོལ་ནང་གི་པར་བ་འགས་བླངས་བའི་འདྲ་པར་ཁག་ཅིག” »
གོང་གསལ་གློག་བརྙན་འདི་ཀླུ་སྨྱོན་ལགས་ཀྱིས་ངོ་སྤྲོད་བྱས་འདུག་པ་ལྟར་འདིར་བཀོད་པ་ཡིན།
http://sndz.tibetcul.com/58818.html
ནམ་གསལ་ལ་ཉེ་དུས།
རས་པ།
ནམ་གསལ་ལ་ཉེ་དུས བྱེའུ་སྐད་སྙན་གྱིས་ང་ལ་འབོད་པ་གཏོང་ཞིང
སིར་སིར་གྱི་རླུང་བུ་ཕྲ་མོ་རྒྱུ་བའི་སྒྲ་སྙན་གྱིས་བདག་གི་སྙན་དབང་གསོ
གྲགས་འགུལ་ཅི་ཡང་མེད་པའི་མཚན་གུང་གི་རྣམ་པ་འདི་ནི
ཁུ་སིམ་སིམ་གྱི་ངའི་གླེང་མོལ་དང་འདྲ་བ་ཞིག་ཡིན་ན
བྱ་ཕོས་འབོད་པ་དེ་ངས་ཀྱང་ཚངས་དབྱངས་རྒྱ་མཚོ་ལྟར་འགོག་ངེས་ཨང
ནམ་གསལ་ལ་ཉེ་དུས སྐར་ཚོགས་ཀྱི་ཁོང་འདུར་བདག་གིས་མ་ཚོར་ཞིང
རི་རབ་ཀྱི་གྲིབ་གཟུགས་ལ་འདོད་པ་མེད་པའི་སྣང་བ་བྱུང
སྐྱ་རེངས་ཀྱིས་ཀུ་ཅོ་འདོན་གྱིན་སླེབས་པའི་ངང་ཚུལ་ནི
བདག་ཉིད་འཆི་བ་ལ་གཏུགས་པའི་གདུང་རབས་ཤིག་ཏུ་བརྗེ་ཞིང
ཉི་འོད་ཀྱི་ཚིག་རོ་འགོས་པའི་ས་གཞི་ནི
རང་དབང་གི་མགོ་བོ་ཁུངས་དུ་སྦུད་པའི་གཤེད་མ་ཞིག་ཡིན་ནམ
ནམ་གསལ་ལ་ཉེ་དུས བདག་གིས་འཇིག་རྟེན་ལ་འདི་ལྟར་བལྟས་ཤིང
བདག་གིས་འཇིག་རྟེན་ནི་འདི་ལྟར་ཚོར་ཡོད་ཨང༌།
ཕྱི་ལོ་༢༠༠༩ཟླ་༡༢ཚེས༢༧ཞོགས་པར།
ཕྲན་བཤད། མཁན། རོང་བོ་དགེ་འདུན་ལྷུན་གྲུབ།
སྙན་ངག་འདིས་ཁ་ཁུ་སིམ་པའི་ངང་དུ་ལྷིང་འཇགས་ཀྱི་གནས་སུ་བསྐྱལ་ཅིང༌། ཀློག་པ་པོའི་ཡིད་ཀྱི་སེམས་ཀྱི་དམིགས་པ་དེ་ཏིང་ངེར་འཛིན་པའི་ལམ་དུ་འགྲིལ་འོང་གིན་འདུག མི་སུ་ཡིན་རུང་གཉུག་གཤིས་སུ་གྲུབ་པའི་འོག་འགྱུའི་སྣེ་མོ་དེ་ཞི་བར་གཞོལ་འདོད་ཀྱི་འབད་པ་ལྷུན་གྲུབ་ཏུ་མངའ་བའི་ཡིན་ལུགས་དང་ཐག་ཉེ་བོ་རེད།
དེ་ལས་མང་བ་། “སྙན་ངག་པ་ལྷམ་ཀོག་གིས་རས་པའི་སྙན་ངག་ལ་ཕྲན་དཔྱད་སྤེལ་བ།” »
ངའི་ཕ་ཡུལ་ནས་འཁྲབས་པའི་བརྩེ་དུང་གི་གློག་བརྙན་གསར་བ་དམ་བཅའ་ཞེས་པའི་སྟོད་ཆ་ལ་དྲ་ཐག་འདི་ནས་གཟིགས། http://www.tudou.com/programs/view/kDZDpXCwxt4/
ཟླ་བ་གཞོན་ནུ། འཇིག་རྟེན་ཕན་ཞུགས་སྲུང་བ་གཅིག་ཉིད་ཉག་གཅིག་དཔའ་བ་ཁྱེད་ཉིད་དེ།། གཉིས་པ་མེད་ཅིང་གཉིས་སུ་མི་གསུང་ཞི་གནས་ལྷག་མཐོང་གིས་བཞུགས་པ།། རིག་གསུམ་གསལ་ཞིང་བསླབ་གསུམ་ལེགས་བསླབས་དུལ་གནས་གསུམ་གྱི་གཞི་ལ་མཁས།། ཆུ་བོ་བཞི་བརྒལ་རྫུ་འཕྲུལ་རྐང་བཞིའི་གཞིར་གནས་བསྡུ་དངོས་བཞི་ལ་སྦྱངས།། ཡན་ལག་ལྔ་སྤངས་འགྲོ་ལྔ་ལས་འདས་ཕུང་ལྔ་བདག་མེད་ཉིད་སྟོན་ཞིང༌།། ཡན་ལག་དྲུག་ལྡན་ཕར་ཕྱིན་དྲུག་རྫོགས་དབང་པོ་དྲུག་གི་སྒོ་བསྡམས་པ།། བྱང་ཆུབ་ཡན་ལག་བདུན་གྱི་མེ་ཏོག་བསྣམས་ཤིང་འཕགས་པའི་ནོར་བདུན་སྟོན།། འཇིག་རྟེན་ཆོས་བརྒྱད་དྲི་ཙམ་མ་གོས་ལམ་གྱི་ཡན་ལག་བརྒྱད་སྟོན་མཁན།། སྙོམས་འཇུག་གསུམ་གསུམ་དགུ་ལ་མཁས་ཤིང་མནར་སེམས་དངོས་དགུ་ལ་བྱང་བ།། སྟོབས་བཅུ་མངའ་ཞེས་སྙན་པའི་གྲགས་པ་ཕྱོགས་བཅུར་རྒྱས་པ་དེ་ལ་འདུད།། ༠༩།༠༩།༡༥ལ་སྦྱར་རོ།།
ཉེ་བའི་ཉིན་ཤས་ནང་རྒྱ་ནག་གི་གསར་ལམ་ཁག་དུ་སྔ་ཕྱིར་རྒྱུ་མཚན་གསལ་བོ་མེད་པར་གནས་ཚུལ་གཉིས་ཐོན་ཡོད་ལ་འདིའི་ཐད་དོ་སྣང་དང་དབྱེ་ཞིབ་ཆེད་འདིར་བཀོད་ཡོད་་་་་་་་ 2010-01-07 ཉིན་གསར་འགྱུར་ནང་ཀྲུང་དབྱང་གིས་གཏན་འབེབས་གནང་དོན། བློ་མཐུན་པདྨ་འཕྲིན་ལས་ཀྱིས་བོད་རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པའི་འགན་བཞེས་རྒྱུ་དང་། བློ་མཐུན་ལེགས་མཆོག་གིས་བོད་རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་དང་། རྒྱུན་ཨུ། ཨུ་ཡོན་བཅས་ཀྱི་གོ་གནས་མུ་མཐུད་བཞེས་རྒྱུ་མིན་པ་འདི་ཙམ་འཁོད། ཡང་ཟླ་༡ཚེས་༡༢ཉིན་གྱི་སྔ་དྲོར། བོད་རང་སྐྱོང་ལྗོངས་ཀྱི་མི་དམངས་འཐུས་མིའི་ཚོགས་ཆེན་སྐབས་དགུ་བའི་ཚོགས་འདུ་ཐེངས་གསུམ་པའི་ཀྲུའུ་ཞི་ཚོགས་པའི་གྲོས་ཚོགས་ཐེངས་གསུམ་པ་ཚོགས་ཤིང་། ཚོགས་ཐོག་ཏུ་བོད་རང་སྐྱོང་ལྗོངས་མི་དམངས་འཐུས་མིའི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་ལེགས་མཆོག་དང་། བོད་རང་སྐྱོང་ལྗོངས་ཀྱི་ཀྲུའུ་ཞི་བྱམས་པ་ཕུན་ཚོགས་རྣམ་གཉིས་ཀྱིས་ལས་ཁུར་རྩ་དགོངས་ཞུ་བའི་སྙན་ཞུ་སྒྲོག་འདོན་གནང་ཞིང་། ལེགས་མཆོག་གིས་བོད་རང་སྐྱོང་ལྗོངས་མི་དམངས་འཐུས་མིའི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གྱི་ལས་ཁུར་རྩ་དགོངས་ཞུས་པ་དང་། བྱམས་པ་ཕུན་ཚོགས་ཀྱིས་རང་སྐྱོང་ལྗོངས་ཀྱི་ཀྲུའུ་ཞི་ཡི་ལས་ཁུར་རྩ་དགོངས་ཞུས་པར་གྲོས་འཆམ་བྱུང་བ་རེད་ཟེར།
མི་རྐང་གླིང་བུ།
ཉེ་བའི་ཆར་དེང་རབས་བོད་ཀྱི་རིགས་པ་སྨྲ་བ་འགའ་ཞིག་གིས་སྔོན་གྱི་དུས་སུ་ནུབ་ཕྱོགས་ཀྱི་བསམ་བློ་བ་དང་། རྟོག་དཔྱོད་ཅན་རྣམས་ཀྱིས་ས་ཡི་གོ་ལ་འདི་རིལ་རིལ་དང། ལེབ་ལེབ་ཇི་ལྟར་འདོད་པའི་གཏམ་ལས་འཕྲོས་ནས་འབེལ་གཏམ་དང་བགྲོ་གླེང་ལྷུགས་པོ། བར་བར་དུ་རྩོད་པ་ཚ་ངར་ཅན་ཡང་མང་དུ་གནང་བར་གུས་པས་རྗེས་སུ་ཡི་རང་ཞུ། དེ་རིང་གུས་པས་ང་ཚོ་སྒང་པ་བོད་ཀྱི་མེས་པོ་རྣམས་ཀྱིས་འཇིག་རྟེན་འདི་ཉིད་ཀྱི་དབྱིབས་དང་གྲུབ་ཚུལ་ཇི་ལྟར་ཡོད་པའི་སྐོར་ལའང་ཅུང་ཙམ་བསམ་བློ་གཏང་རིན་ཡོད་པར་བསམ། དེ་ལྟར་ཇི་ཡིན་གསལ་བའི་རང་རེའི་ལོ་རྒྱུས་ཁུངས་མ་དང་། བྱུང་རབས་དངོས་མ་དེ་དག་ནི་སྔ་དུས་སུ་བཙན་པོ་དཀྲོངས་པ་དང་། འབངས་གྱེན་ལོག ཉེ་དུས་སུ་རིག་གནས་གསར་བརྗེ་ཆེན་པོ་སོགས་ཀྱིས་གཏན་དུ་གྱེས་མཇལ་ཞུས་ཟིན།
བདེན་པ་ཡིན་ན་ཉེ་སྔོན་གུང་གཞུང་གིས་འཛིན་བཟུང་བྱས་པའི་གླུ་བ་བཀྲ་ཤིས་དོན་འགྲུབ་ལ་ལོ་གཅིག་དང་ཟླ་གཉིས་ལ་བཙོན་འཇུག་ཁྲིམས་ཐག་བཅད་སྐད། གལ་སྲིད་དེར་ངོས་ལེན་མེད་ན་ཉིན་ཉི་ཤུའི་ནང་ཡར་མཐོ་རིམ་ལ་ཞུ་གཏུག་བྱེད་ཆོག་གི་ཡོད་པ་འདྲ། སྐད་ཆ་ཁ་ཤས་ཤིག་བཤད་པར་དེ་འདྲ་ཁྲིམས་ཐག་གཅོད་པ་ནི་དྲང་པོ་མ་རེད་ཅེས་འདོད་པར་མ་བབ་པའི་རྣམ་འགྱུར་སྟོན་མཁན་འདུག བཀྲ་ཤིས དོན་འགྲུབ་ནི་ད་ལྟའི་རྨ་ལྷོ་བོད་རིགས་རང་སྐྱོང་ས་ཁུལ་ཁོངས་རྨ་ལྷོ་སོག་རིགས་རང་སྐྱོང་རྫོང་མདའ་ཚན་ཐུ་མེད་ནས་ཡིན་ཞིང་། ཕའི་མིང་ལ་འཇའ་ཚུར་དང་མའི་མིང་ལ་རྟ་པ་ཟེར། ན་ནིང་ཁོང་གིས་ གཅིག་སྟོང་དགུ་བརྒྱ་ལྔ་བཅུ་ང་དགུའི་ལོ་ཞེས་པའི་གླུ་དེ་བླངས་ནས་བཀག་ཉར་བྱས་པ་དང་། ད་ལོར་ཡང་སྐྱར་ བསད་དང་རུང་འགྱོད་པ་ང་མེད་གི་ སོགས་ཀྱི་གཞས་འཁོར་ཞིག་བཏོན་པས་འཛིན་བཟུང་དང་ཁྲིམས་ཐག་བཅད་པ་ཡིན་འདུག ཁོང་གི་གཞས་རྣམས་ལ་ཉན་ན་ཡིག་ཁྲོབ་ནང་བཀྲ་ཤིས་དོན་འགྲུབ་ཀྱི་མིང་ཐོག་ནས་ཚོལ་དང་ཁོང་གི་གཞས་སྔ་ཕྱི་ཉི་ཤུ་ལྷག་འདུག
གཡུ་དྲུག་དཀར། རྡ་ས།
རྒྱ་གར་ནི་ཤར་ཕྱོགས་རིག་གནས་ཀྱི་འབྱུང་ཁུངས་ཡིན་རབས་གོ་ཐོས་བྱུང་བར་གཞིགས་ན། ཡུལ་ཁམས་འདིར་སྔར་གྱི་ལྟ་བ་སྣ་མང་དང་ལོ་རྒྱུས་སྣ་མང་གི་ཤུལ་བཞག་ལྟ་བུའི་རིག་གནས་སྣང་ཚུལ་ཅི་རིགས་ཤིག་གམ། འཛམ་བུ་གླིང་འདིར་ཆེས་རྩ་ཆེན་འགངས་ཆེན་དུ་གྱུར་བའམ། ཁ་ཚ་དགོས་གཏུགས་ཀྱི་རིག་གནས་སྣང་ཚུལ་སྣ་ཚོགས་པ་ཞིག་མྱོང་གྲུབ་ཏུ་ཡོད་པ་གདོན་མི་ཟ་ཡང་། རང་ཉིད་ཡུལ་འདིར་སླེབས་ནས་མི་ལོ་ཧྲིལ་བོ་བཅུ་འདས་རིང་། རང་ངོས་ནས་ཡུལ་འདིའི་རིག་གནས་ཀྱི་མཐོ་ས་ལ་རྟོག་ཞིབ་དང་མྱོང་རྒྱུས་ཅི་ཡང་མ་ལོན་ཡང་། ནམ་རྒྱུན་འགྲོ་ས་འདུག་ས་ནས་རང་ཉིད་དང་ཕྱོགས་ཀུན་ནས་མི་འདྲ་བའི་ཡུལ་འདིའི་བྱ་སྤྱོད་རེ་འགའ་མཐོང་དུས། སེམས་ལ་རང་བཞིན་གྱིས་མཚར་སྣང་ཆེན་པོ་རེ་འབྱུང་བས། དེ་དག་རེ་རེ་ལ་ཞིབ་ཏུ་བསམ་བློ་རེ་གཏོང་ཁུལ་མི་བྱེད་ཐབས་མེད་རེད།
གྲོང་ཁྱེར་ཞིག་གི་འདྲ་པར་མཐོང་རྗེས་རང་གི་མྱོང་ཚོར་གླེང་བ།
ཀླུ་སྨྱོན།
ལོ་ཆུང་དུས།
ངས་ནམ་ཞིག་ང་རང་ཁང་བརྩེགས་མཐོན་པོ་མང་སའི་གྲོང་ཁྱེར་ཞིག་ཏུ་སྡོད་ཐུབ་བམ་སྙམ།
ད་ལྟ་བསམས་དུས།
ཁང་བརྩེགས་རེ་རེའི་ནང་དུ།
གདོང་ལ་ཤི་མདོག་ཤར་བའི་མི་སྐོར་ཞིག་འཚོགས་ནས་ཚེ་སྲོག་གི་ཤི་གསོན་ཆེད་དམར་འཛིང་བྱེད་བཞིན་འདུག་པས།
ང་ངོ་མ་གྲོང་ཁྱེར་དང་གྲོང་ཁྱེར་གྱི་ཁང་བརྩེགས་མཐོན་པོ་དག་ལ་ཞེད་ཀི་འདུག
ང་ངོ་མ་ཕ་མཐའ་ཡས་ཤིང་རྩྭ་ལྗང་གི་རྦ་རླབས་གཡོ་བའི་སྤང་ཐང་ཞིག་ཏུ་བསླེབ་ན་འདོད།
རིག་པའི་རལ་གྲི
———————-
བློ་ཡོན་དང་རྔ་བ་རྒྱལ་ཁམས་པ་གཉིས་བགྲོ་གླེང་ཡག་པོ་མཛད་ཀྱི་འདུག་ཡིད་རང་ཞུ་བཞིན་ཡིན། འོན་ཀྱང་མཁས་པ་དགེ་འདུན་ཆོས་འཕེལ་ལ་ཚད་ལས་བརྒལ་བའི་བསྟོད་སྨད་མཛད་པ་ནི་གནས་ལུགས་དང་མཐུན་པ་ཞིག་མ་མཐོང་། ཀུན་གྱིས་མཁྱེན་གསལ་ལྟར་ཁོང་རྒྱལ་རབ་དང་རིགས་གནས་ནང་ཆོས་སོགས་ལ་མཁས་པ་རེད། འོན་ཀྱང་བོད་དུ་བྱུང་མྱོང་མེད་པའི་མ་ཧ་པཎྜི་ཏ་དང་། སྔར་མེད་གསར་གཏོད་ཀྱིས་བོད་ཀྱི་རིག་གཞུང་དང་ཆོས་ལུགས་ལ་བྱས་རྗེས་བླ་ན་མེད་པ་མཛད་མཁན་ཞིག་རེད་ཟེར་བ་ནི་འཚམ་པོར་མཐོང་གི་མེད།
རྒྱུ་མཚན་ཡང་། དཔེར་ན་ཀླུ་སྒྲུབ་དགོངས་རྒྱན་ལས། རང་ཅག་གིས་ཡིན་མིན་ཐག་བཅད་པ་ཐམས་ཅད་ཀྱང་། རང་སེམས་ལ་ཇི་ལྟར་ཤར་བ་བཞིན་ཐག་བཅད་པ་ཙམ་ལས་རྩ་བ་གཞན་ཅི་ཡང་མེད། འདིའི་རྒྱུ་མཚན་ནི། འདི་ཡོད་དམ་མེད་ཅེས་དྲི་བ་ན། ཕ་རོལ་པོས་ཡོད་ཅེས་ལན་བཏབ་པ་ཡང་དོན་ལ་ཁྱོད་ཀྱི་སེམས་ལ་འདི་ཡོད་མེད་གང་དུ་ཤར་ཞེས་དྲི་བ་ཡིན་ལ། ལན་བཏབ་པ་ཡང་། ངའི་སེམས་ལ་ཡོད་པ་ཡིན་པ་ཤར་ཞེས་སྨོས་པ་ཙམ་ཡིན། དེ་བཞིན་དུ་ལེགས་ཉེས་བཟང་ངན་མཛེས་མི་མཛེས་སོགས་ཅི་དང་ཅི་དྲིས་པ་ཐམས་ཅད་ཀྱང་། དོན་ལ་ཕ་རོལ་པོའི་བསམ་ཚུལ་གོ་བའི་ཆེད་དུ་དྲིས་པ་ཤ་སྟག་ཡིན་ལ། ཕ་རོལ་པོས་དེ་ལ་ཐག་བཅད་ནས་ལན་བཏབ་པ་ཡང་། དོན་ལ་ཁོ་རང་གི་སེམས་ལ་འཆར་ཚུལ་ལྟར་ཐག་བཅད་པ་ཙམ་ཡིན་གྱི་རྒྱུ་མཚན་གཞན་ནི་ཅི་ཡང་མེད། ཅེས་བྲིས་པ་དང་།
དེ་ལས་མང་བ་། “༑མཁས་པ་དགེ་འདུན་ཆོས་འཕེལ་ལ། ཚད་བརྒལ་བསྟོད་སྨད་འཚམ་པོ་མེད།” »
རི་སྤྱང་ཁེར་འགྲོ
………………………….
ཀ།
མཁའ་དབྱིངས་ཀྱིས་བདག་ལ་སྒོ་ཆེན་ཕྱེས།
ས་ཆེན་གྱིས་བདག་ལ་ཞབས་སྟེགས་བསྩལ།
འཕུར་སྟངས་འདི་ཐང་དཀར་རྒོད་པོ་ཞིག་འདྲ་ལ།
འགྱིང་ཚུགས་འདི་གངས་སེང་ངར་མ་ཞིག་ལྟར།།
ཁ།
བྲང་ཁོག་ནང་ལྟེམས་ལྟེམས་བྱེད་པ།
ཞི་བདེ་རྒྱ་མཚོར་འགྲན་སློང་བ་རེད་དམ།
རྩ་ལམ་ན་ཤུར་ཤུར་ལྡང་བ།།
ཐུ་བྷོད་བྱང་ཐང་ལ་ཐོ་འཚམས་པ་ཡིན་ནམ།
ཀླུ་སྨྱོན།
ཐབ་ཚང་གི་ཕྱི་སྒོ་ཕྱེ་ཐེངས་རེ་རེར།
ཁ་གཏད་ཀྱི་ཁང་པ་དེར་བསྡད་ཡོད་པའི་བགྲེས་མོ་ཁེར་འདུག་དེར་གྲགས་འགུལ་ཅི་ཡང་མེད་པ་རྒྱུན་ལྡན་ཡིན།
འདི་ལོའི་སྟོན་མཇུག་ནས་བཟུང་།
ངས་མོ་རང་ཚར་གཅིག་ཀྱང་མཐོང་མ་སོང་།
མོ་གྲོངས་ཟིན་པ་ཡིན་ནམ།
ཡང་ན་རང་གི་བུ་ཕྲུག་དང་ཚ་བོ་ཚ་མོ་གང་རུང་ཞིག་གི་ཁྱིམ་དུ་ནང་མི་ལྷན་འཛོམ་གྱི་ཆེད་དུ་སོང་བ་ཡིན།
ཡང་ན། སྨན་ཁང་ཞིག་ཏུ་ཆེས་མཐའ་མཇུག་གི་མཁའ་དབུགས་དེ་རྔུབ་ཏུ་སོང་བ་ཡིན།
ངས་མི་ཤེས། ངས་ངོ་མ་མི་ཤེས།
བོད་ལྷ་ཀླུ་གཉན་གསུམ།
________________________
མི་ཟེར་བ་འདིས་ཇག་པ་ ཟེར་ནས་མིང་དེ་གོ་མ་ཐག དེ་ནི་མི་གསོད་ཁོ་ན་ལས་གང་ཡང་མི་ཤེས་མཁན་ཞིག་དུ་བརྩི་བཞིན་ཡོད་ལ། ཇག་པ་ཟེར་དུས་དེ་ཡི་རྒྱུད་དུ་སྙིང་རྗེ་ཟེར་བའི་ས་བོན་ཞིག་ཀྱང་མེད་པར་འདོད་ མཁན་གྱི་དུས་རབས་འདིའི་ནང་དུ། ཇག་པ་ཟེར་དུས་དེ་ནི་ཆུང་ས་ཁྱིམ་ཚང་དང་ཆེ་ས་རྒྱལ་ཁབ་ཀྱི་དབུ་ཁྲིད་བཅས་ནས་ངོ་ རྒོལ་བྱེད་ཡུལ་ཞིག་དུ་གྱུར་ཡོད་པ་རེད།
