ཁ་ སང་སློབ་གྲྭའི་ལས་ཀ་ཚར་མ་ཐག་ དུས་བཅད་བྱས་པ་ལྟར་ཅ་ལག་ཅིག་ཉོ་རུ་ཕྱིན། ཅ་ལག་དེ་ནི་ དྲ་རྒྱ་བརྒྱུད་ནས་གོང་ཁེ་པོ་ཞིག་བཅས་རྙེད་བྱུང་། ཡིན་ན་ཡང་། ཅ་ལག་ཡོད་ས་དེ་ཆུ་ཚོད་གཅིག་ཙམ་གྱི་ས་ན་འདུག ངས་གྲོགས་པོ་ཞིག་འཁྲིད་ནས་སོང་། ཆར་པ་ནི་གནམ་གྱི་ཞབས་རྡོལ་བ་དང་མཚུངས། རླངས་འཁོར་སྔོན་མ་དག་གིས་ཆུ་གཤགས་ནས་ཕྱིན་པ་དེ་ཉ་ཆེན་ཞིག་རྒྱ་མཚོ་ནས་མཆོངས་ ཏེ་སླར་འཛུལ་བཞིན་པ་ལྟར་ཕྱོགས་གཉིས་ཀར་གཏོར་བཞིན་འདུག
ང་ཚོ་ཅ་ལག་ཉོ་ས་དེར་ སླེབས་སྐབས། བཙོང་མཁན་དེ་ད་དུང་སླེབས་མི་འདུག ང་ཚོས་ཁོང་སླེབས་རྒྱུར་སྒུག་པ་ཡིན། ཚོང་ཁང་གཡོན་ཕྱོགས་ན་རྒྱ་གར་གྱི་མངར་ཟས་ལྟ་བུའི་ཟས་རིགས་བཙོང་ས་ཞིག་འདུག ཅུང་མ་འགོར་བར་དེ་ནས་ཁ་ཆེའི་བུད་མེད་མགོ་རས་གོན་པ་ཞིག་སླེབས། མོས་ང་ཚོ་ལ་ལྟ་ཙམ་བྱས་ཏེ་མགོ་སྒུར་ནས་རླངས་འཁོར་དུ་འཛུལ། རླངས་འཁོར་མདུན་གྱི་འགྲུལ་པའི་འདུག་སྟེགས་དེར་བསྡད། རླངས་འཁོར་གྱི་མེ་སྦར། དེ་ནས་མོའི་ཁྱོ་ག་ཡིན་པ་འདྲ་བའི་མི་ཞིག་སླེབས། ཁ་ལོ་བའི་འདུག་སྟེགས་སྟེང་བསྡད་ནས་རླངས་འཁོར་བསྐོར་ཏེ་ཐོན་ སོང་།
མཚམས་དེར་ངེད་ཀྱིས་ཚོང་ ཁང་གི་སྒོ་བྱང་ལ་བལྟས་པ་ཡིན། ཨེ་རག་གི་ཚོང་ཁང་དང་ཟ་ཁང་ཞེས་བྲིས་འདུག ས་འདི་ན་ཡང་ཨེ་རག་གི་ཚོང་ཁང་ཞིག་ཡོད་པ་འདྲ་བསམས། མཚམས་དེ་ལ་ལོ་ན་རྒན་པའི་མི་ཞིག་ཕྱིར་ཐོན་ནས་སིག་གྷར་ཞེས་པའི་ཐ་མག་དེ་འཐེན། ཕར་བལྟས་ན་རྡ་རམ་ས་ལ་ཁུལ་གྱི་རྒྱ་གར་བའི་མི་དང་གདོང་དབྱིབས་ཤིན་ཏུ་མཚུངས།
“ཁྱོད་ཨེ་རག་ནས་ཡིན་ནམ།”
“ཡིན། ང་ཨེ་རག་ནས་ཡིན།”
མའོ་ཙེ་ཏུང་གི་ཚ་བོ་དམག་སྤྱིར་བསླེབས་པ།
༼བོད་ཀྱི་དུས་བབ་ནས་དྲངས།༽
ད་སྐབས་རྒྱ་ནག་གི་གསར་འགྱུར་བརྒྱུད་ལམ་ཁག་ན་གནས་ཚུལ་ཚ་པོ་ཞིག་འགྲོ་བཞིན་པ་ནི་མའོ་ཙེ་ཏུང་གི་ཚ་བོ་མའོ་ཞིན་ཡུ་ཟེར་བ་དེ་རྒྱ་ནག་གི་དམག་སྤྱིར་བསྐོ་རྒྱུ་ཡིན་ལུགས་དེ་རེད།
མའོ་ཞིན་ཡུ་ནི་རྒྱ་ནག་དམར་ཤོག་ཚོགས་པའི་ཡབ་ཆེན་མའོ་ཙེ་ཏུང་གི་ཁྱིམ་བརྒྱུད་ན་ལྷག་ཡོད་པའི་ཕོ་ཤུལ་གཅིག་པུ་དེ་ཡིན་པར་བཤད་ལ། ད་ལོ་རང་ལོ་རང་ལོ་ ༣༩ ཡིན་འདུག
རྒྱ་ནག་གི་དམག་ཁུལ་ནས་ད་ཆར་གཞུང་འབྲེལ་གྱི་གསལ་བསྒྲགས་བྱས་མེད་ནའང་གཞུང་འབྲེལ་གསར་ལམ་ཁག་དང་དྲ་ཚིགས་སོགས་སུ་གནས་ཚུལ་བསླེབས་པ་ལྟར་ན། མའོ་ཞིན་ཡུ་ནི་རྒྱ་ནག་གི་བཅིངས་འགྲོལ་དམག་མིའི་དམག་སྤྱི་ལོ་ན་གཞོན་ཤོས་དེ་ཆགས་རྒྱུ་ཡིན་ཚུལ་འདུག
གནས་ཚུལ་འདི་ཐོག་མར་སྤེལ་མཁན་ནི་ཕྱི་ཚེས་ ༢༤ ཉིན་གྱི་ཁྲང་ཆེན་ཉིན་རེའི་གསར་ཤོག་ཡིན་ལ། གསར་ཤོག་འདི་ནི་གཞུང་འབྲེལ་གསར་ཤོག་ཡིན།
རྒྱ་ནག་གིས་མའོ་ཙེ་ཏུང་དང་དམར་ཤོག་ཚོགས་པ་རྒྱལ་ཁབ་ཀྱི་དབང་སྒྱུར་སྟོབས་ཤུགས་ཆེ་ཤོས་སུ་གྱུར་ནས་ད་བར་མི་ལོ་ ༦༠ འཁོར་བའི་དུས་དྲན་ལ་གྲ་སྒྲིག་བྱེད་ཀྱིན་ཡོད་ལ། དུས་དྲན་འདི་མ་བསླེབས་པའི་བདུན་ཕྲག་གཅིག་ཏག་ཏག་གི་སྔོན་དེར་མའོ་ཡི་ཚ་བོ་མའོ་ཞིན་ཡུ་དམག་སྤྱི་ལ་བསྐོ་བཞིན་པའི་གནས་ཚུལ་དེ་ཕྱིར་བསྒྲགས་ཡོད་པ་རེད།
བྷིལ་ཁིལ་ཊིན་གྱིས་༸གོང་ས་མཆོག་གི་ཚན་རིག་གི་ཕྱག་དེབ་ལ་བསྔགས་བརྗོད།
སྒོམ་སྡེ་ལྷ་རམས་པ། ཨ་རིའི་སྲིད་འཛིན་ཟུར་པ་“བྷིལ་ཁིལ་ཊིན”མཆོག་ནས་༸གོང་ས་མཆོག་གི་ཚན་རིག་གི་དཔེ་དེབ་“རྡུལ་ཕྲན་གཅིག་ཁོ་ནའི་སྟེང་གི་འཇིག་རྟེན”ཞེས་པར་བསྔགས་བརྗོད་གནང་སྟེ། དེབ་འདི་ངོ་མཚར་ཅན་ཞིག་འདུག་གསུངས་སྐོར། བྷིལ་ཁིལ་ཊིན་གྱིས། “ང་༸གོང་ས་ཏཱུ་ལའི་བླ་མའི་ཕྱག་དེབ་ཐོན་གསར་ཤོས་ཚན་རིག་འབྲེལ་བའི་ངོ་མཚར་ཅན་གྱི་དེབ་ཅིག་ཀློག་གིན་ཡོད” “I’m reading a fascinating book, the Dalai Lama’s most recent…
དེ་ལས་མང་བ་། “བྷིལ་ཁིལ་ཊིན་གྱིས་༸གོང་ས་མཆོག་གི་ཚན་རིག་གི་ཕྱག་དེབ་ལ་བསྔགས་བརྗོད།” »
བོད་རིགས་སྤུན་ཟླ་ལགས། ཐུགས་རྗེས་གཟིགས་མོ་ཞིག་འདེབས་རོགས།
བོད་རིགས་སྤུན་ཟླ་ལགས། ཐུགས་རྗེས་གཟིགས་མོ་ཞིག་འདེབས་རོགས། ང་ལ་དོན་ཆེན་ཞིག་ཡོད་པས་ཁྱེད་ཀྱི་ཐུགས་དམ་དགོས་ཀྱི་འདུག ང་རང་ཡོན་ཏན་ཡག་པོ་མེད་སྟབས། ཐག་གཅོད་ཐུབ་ཀྱི་མིན་འདུག ངའི་འདྲི་བ་ནི་འདི་ལྟར། ༡༽ ང་ཚོ་ད་དུང་མུ་མཐུད་ཆོལ་ཁའི་ལམ་ལུགས་འདི་ལ་བརྟེན་ནས་ཆབ་སྲིད་སྐྱོང་ན་དགེ་མཚན་ཡོད་དམ། ཡང་ན་ཐབས་ཤེས་གཞན་འདྲ་ཡོད་དམ། ཐུགས་རྗེས་གཟིགས་ཞོར་ལ་ལམ་སྟོན་འདྲ་ཡོད་ན་གསུངས་རོགས། ༢༽ ངའི་སེམས་ལ་ཆབ་སྲིད་ཀྱི་ཚོགས་པ་འཛུགས་ནས་སྤྱི་འཐུས་དེ་སྐྱོང་ཐུབ་ན་ལེགས་པོ་མེད་འགྲོ་བསམ་ཡང་། བསམ་བློ་དེ་འགྲིག་མིན་ཐག་ཆོད་ཀྱི་མིན་འདུག ཐུགས་རྗེས་གཟིགས་མོ་ཞིག་འདེབས་རོགས། ༣༽…
དེ་ལས་མང་བ་། “བོད་རིགས་སྤུན་ཟླ་ལགས། ཐུགས་རྗེས་གཟིགས་མོ་ཞིག་འདེབས་རོགས།” »
བསམ་བཙུགས་ནས་གྲོས་ཚོགས་ལ་གཏོར་བརླག་བྱས་པ་འདྲ་བོ་འདུག
ནོར་འཁྲུལ་ཚབས་ཆེན་གཉིས།
ད་རེས་བོད་མི་མང་སྤྱི་འཐུས་ལྷན་ཚོགས་བདེ་བླག་གིས་མཇུག་སྒྲིལ་མ་ཐུབ་པ་དང་། ལས་གཞི་འགའ་རེ་ཅམ་འཇོག་བྱེད་དགོས་བྱུང་བ། འབྱུར་འགྱུར་ངེས་པར་དགོས་པའི་སྒྲིག་གཞི་དང་སྒྲིག་གཞིར་གསལ་ཁ་བཏོད་དགོས་པ་དེ་འདྲའི་ཐོག་གྲོས་ཆོད་འཇོག་མ་ཐུབ་པའི་གནས་ཚུལ་འདི་དག་སེམས་ལ་ཤར་ཐེངས་རེར་མར་ཉལ་ན་གཉིད་མི་ཁུག་ཅིང་ཡར་ལངས་ན་སེམས་མི་སྐྱིད་པ་ཞིག་རེད། དེ་བས་འདིར་བར་སེང་གི་གོ་སྐབས་ཕྲན་བུ་བཟུང་ནས་བྱས་ཉེས་ཀྱི་ཕུང་རྒན་སུ་ལ་ཐུག་མིན་སྐོར་ཅུང་ཟད་གླེང་བར་བྱ་བ་ནི་རང་སེམས་རང་གིས་གསོ་ཐབས་ཙམ་ཡིན།
རང་ཉིད་ལ་དུས་ཚོད་ཡོད་མེད་ལ་མ་ལྟོས་པར་གྲོས་ཚོགས་ཀྱི་གནས་ཚུལ་གང་ཐུབ་ཀྱིས་རྒྱུས་ལོན་བྱས་པ་ལྟར་ན། གྲོས་ཚོགས་ནང་སྔ་ཕྱིར་ནོར་འཁྲུལ་ཚབས་ཆེན་གཉིས་བྱས་ཡོད་པ་ངོ་འཕྲོད་ཀྱི་འདུག
གཅིག སྤྱི་འཐུས་རྒྱུན་ལས་ཀྱི་ནོར་འཁྲུལ་ཏེ། ལམ་ལུགས་སྲོལ་དང་སྒྲིག་གཞི་སྣང་མེད་ལ་བཞག་ནས་ཕྱི་རྒྱལ་དུ་སྡོད་པའི་སྤྱི་འཐུས་སྒེར་བ་ཞིག་གི་ལམ་གྲོན་སྤྱི་འཐུས་རྒྱུན་ལས་ནས་བཏང་བ་དེ་རེད།
གཉིས། ཁྲིམས་བཟོ་ལྷན་ཚོགས་ཀྱི་ལས་འགན་ནི་ཁྲིམས་སྒྲིགས་གསར་བཟོ་དང་ཁྲིམས་སྒྲིགས་ལ་བཟོ་བཅོས། ཁྲིམས་སྒྲིགས་གསལ་ཁ་མེད་ན་དེར་གསལ་ཁ་བཏོད་དགོས་པ་དེ་ཡིན་ཡང་སྤྱི་འཐུས་འགའ་ཤས་ཤིག་དེ་ལས་ལྡོག་ཏེ་ཚོགས་ཁང་ནས་ཕྱི་ལ་ཐོན་ཏེ་དགོས་ཕན་ལྡན་པའི་གྲོད་ཆོད་འཇོག་པར་བར་ཆད་བཟོས་པ་དེ་རེད།
དེ་ལས་མང་བ་། “བསམ་བཙུགས་ནས་གྲོས་ཚོགས་ལ་གཏོར་བརླག་བྱས་པ་འདྲ་བོ་འདུག” »
བོད་མི་མང་གི་སྤྱི་བའི་འཐུས་མིའི་སྐོར་ནས་རྨོངས་འཆར་འགའ་གླེང་བ།
རིག་འབྱུང་དོན་གྲུབ་བཀྲ་ཤིས། ཨ་རི།
ངེད་རང་རྡ་ལམ་ས་ལར་མེད་རུང༌། རང་གི་གཞུང་དང་དེའི་འཛིན་སྐྱོང་གི་བྱེད་ལས་ཁག་ལ་དུས་ནས་དུས་སུ་གཟབ་ནན་སྒོས་རྣ་བ་གླེགས་ཀྱིན་ཡོད་ལ། ཁུ་སིམ་སིམ་ངང་མིག་ལྟ་དང་བསམ་གཞིགས་ཀྱང་བྱེད་བཞིན་ཡོད། ངེད་ཀྱིས་འདི་རུ། ཐེངས་འདིའི་སྤྱི་འཐུས་གྲོས་ཚོགས་ཚོགས་དུས་བརྒྱད་པ་མཇུག་འཁྱོངས་ཡོང་མེད་པའི་གནད་དོན་དང་གནད་དོན་དེའི་བྱུང་རིམ། གནད་དོན་དེའི་འཐུས་ཤོར་གྱི་ངོས། འཐུས་ཤོར་ཀྱི་འགོ་ཁུངས་འཚོལ་སྟངས། འཐུས་ཤོར་ལ་ཕྱོགས་ངོས་མང་པོ་ནས་བལྟ་སྟངས།མ་འོངས་བར་འཐུས་ཤོར་འདི་འདྲའི་རིགས་མ་ཡོང་བའི་སླད་དུ་བོད་རིགས་མི་མང་གི་འཁུར་དུ་བབས་པའི་འོས་འགན་སོགས་ཀྱི་སྐོར་ནས་སྒེར་གྱི་རྨོངས་འཆར་འགའ་བོད་རིགས་ཀློག་པ་པོ་ཚོའི་མདུན་ལ་འཇོག་གི་ཡིན།
དེ་ལས་མང་བ་། “བོད་མི་མང་གི་སྤྱི་བའི་འཐུས་མིའི་སྐོར་ནས་རྨོངས་འཆར་འགའ་གླེང་བ།” »
གནའ་བོའི་མེ་ཏོག
ཆུ་ཐིགས་སྔོན་མོ།
སྙན་ངག་སྤྲིན་གྱི་ཕོ་ཉ་བཀླགས་རྗེས་ཀྱི་འཆར་སྣང་དྲན་ཐོར་བཀོད་པ།
གནོད་སྦྱིན་བཀའ་ཡི་འཐོར་རླུང་དྲག་པོས་ ལང་ ཚོའི་ འདབ་ མ་ ལྷོ་ རུ་ དེད།།
འདོད་ ལྷའི་ ཉག་ ཕྲན་ ལུས་ ལ་ ཕོག་ པས་ ཟུག་ རྔུའི་ གདུང་ བ་ སྙིང་ ལ་ འཕོས།།
རཱ་ མའི་ རི་ བོར་ རྒྱུ་ བའི་ སྤྲིན་ ཕུང་ དགའ་ མའི་ ལང་ ཚོར་ རབ་ འཁྲུལ་ ནས།།
བསིལ་ འཇམ་ ཆབ་ ཀྱི་ ཟེགས་ མ་ རེ་ ཡང་ བདེ་ བ་ སྟེར་ བའི་ བྱེད་ པོར་ བསྟེན།།
ལྷོ་ རོང་ དབེན་ བའི་ རི་ སུལ་ བསྙེགས་ ནས་ དྲི་ བཞོན་ བུ་ མོ་ གྲོགས་ སུ་ བསྟེན།།
གྱེས་ བྲལ་ གདུང་ བའི་ སྨྲེ་ སྔགས་ ཕྲེང་ ཚོགས་ སྤྲིན་ ཕུང་ སྐྱོད་ པའི་ ཀླུང་ དུ་ གཏོར།།
མཁའ་ ཡི་ རྡུལ་ ཚོགས་ འབར་ བའི་ ལང་ ཚོ་ མཐོ་ རིས་ ཐེམ་ སྐས་ ལ་ འཛེགས་ ཀྱང་ །།
ཆུ་ ཁུར་ བུ་ མོ་ དུབ་ པའི་ ཉམས་ ཀྱིས་ ཟུར་ མིག་ གློག་ ཐག་ ས་ ལ་ ལྷུང་ །།
རླུང་རྟའི་འགྲེལ་བཤད།
སྒོམ་སྡེ་ལྷ་རམས་པ།
————————-
ཡོངས་གྲགས་སུ་རླུང་རྟ་ཞེས་པ་སྲོག་ཆགས་རྣམ་ལྔའི་གཟུགས་བརྙན་ལྡན་པའི་དར་ལྕོག་ལ་རླུང་རྟ་ཟེར།
རླུང་རྟ་དངོས་ནི། བསོད་ནམས་དང་བདེ་སྐྱིད་ལམ་འགྲོ་སོགས་ལ་གོ་དགོས་པ་ཡིན། རླུང་རྟ་ནི་སྐྱེ་བོ་གང་ཞིག་གི་འབྱུང་བའི་ཁམས་སྙོམས་པ་དང་།
ནང་བཀྲ་མ་ཤིས་ན། ཕྱི་དོན་མི་འགྲུབ།
ཆུ་སྐྱེས་སྒྲོལ་མ།
ཟིན་བྲིས་པ་དག་དང་མཆན་འགོད་པ་ཚོས་ཉེ་ཆར་ཚ་ཚ་འུར་འུར་གྱིས་སྤེལ་བཞིན་པའི་གནས་ཚུལ་དང་དོ་སྣང་སྤྲོད་གཞི་ནི། གྲོས་ཚོགས་ཀྱི་རྙོག་ཟིང་དེ་རེད། ངས་ཀྱང་ཁོམ་ལ་མི་ཁོམ་གྱིས་བོད་ཀྱི་དུས་བབ་དང་བོད་ཀྱི་བང་ཆེན་གཉིས་ཀྱི་ཟིན་བྲིས་དང་མཆན་དེ་ཚོ་བཀླགས་པ་ཡིན།
ཡིད་ཕངས་པ་ཞིག་ལ་ང་ཚོས་གོང་དུ་བཀུར་ས་དང་གུས་བཀུར་ཞུ་སའི་སྤྱི་འཐུས་རྣམ་པའི་གནང་སྟངས་དེ་ཕྱོགས་རིས་དང་ཞེན་ཁོག་གི་དྲི་མས་འབགས་པ་ཞིག་ཡིན་འདུག་པ་འདི་འདྲ་ག་རེས་མ་འགྲིག་པ་ཡིན་ནམ།
རྡོར་དྲིལ་གྱི་འགྲེལ་བཤད་དང་མཚོན་དོན།
སྒོམ་སྡེ་ལྷ་རམས་པ།
རྡོ་རྗེས་ཐབས་བདེ་བ་ཆེན་པོའི་ཡེ་ཤེས། དྲིལ་བུས་སྟོང་ཉིད་རྟོགས་པའི་ཤེས་རབ་མཚོན། རྒྱས་པར་བཤད་ན། རྡོར་དྲིལ་གྱིས་བསྐྱེད་རྫོགས་ཀྱི་ལམ་ཡོངས་རྫོགས་མཚོན་པ་ཡིན་ཏེ། (དང་པོ་བསྐྱེད་རིམ་གྱི་ལྷ་ཡི་དཀྱིལ་འཁོར་མཚོན་ཚུལ་ལ) ༼ཐོག་མར་རྡོ་རྗེའི་མཚོན་དོན་ནི༽ རྡོ་རྗེས་རྡོ་རྗེ་སེམས་དཔའ་དང་། དྲིལ་བུས་རྡོ་རྗེ་དབྱིངས་ཀྱི་དབང་ཕྱུག་མ་མཚོན། ཞིབ་ཏུ་བཤད་ན། རྡོ་རྗེ་ལྟེ་བས་རྡོ་རྗེ་སེམས་དཔའ། སྟེང་རྭ་ལྔས་རྣམ་སྣང་སོགས་ལྔ་སྟེ། དབུས་རྭས་རྣམ་སྣང་། ཤར་རྭས་མི་བསྐྱོད་པ། ལྷོ་རྭས་རིན་འབྱུང་། ནུབ་རྭས་འོད་དཔག་མེད། བྱང་རྭས་དོན་གྲུབ་བཅས་མཚོན་ནོ། །
(གཉིས་པ་རྫོགས་རིམ་གྱི་ལམ་མཚོན་ཚུལ་ལ) རྡོ་རྗེའི་རྩེ་མོ་ལྔས་ཡེ་ཤེས་ལྔ་ཡང་མཚོན་པར་གསུངས་ཏེ། རྗེའི་འགྲེལ་པ་བཞི་སྦྲགས་ལས། ཡེ་ཤེས་ལྔ་མཚོན་པའི་རྡོ་རྗེ་རྩེ་ལྔ་པ་ཞེས་གསུངས་པ་ལྟར་རོ། །སྟེང་གི་པད་འདབ་བརྒྱད་ཀྱིས་འཕགས་ལམ་ཡན་ལག་བརྒྱད་ཀྱི་རང་བཞིན་བྱམས་པ་སོགས་སེམས་དཔའ་བརྒྱད། འོག་རྭ་ལྔས་མཁའ་འགྲོ་སྡེ། འོག་གི་པད་འདབ་བརྒྱད་ཀྱིས་སྒོ་མ་བཞི་དང་། སྐུལ་བྱེད་མ་སོགས་བཞི་སྟེ་ལྷ་མོ་བརྒྱད་མཚོན་ནོ། །རྡོ་རྗེ་ལ་དབྱེ་ན། རྡོ་རྗེ་རྩེ་གཅིག་པ་དང་། རྩེ་གཉིས་པ། རྩེ་གསུམ་པ། རྩེ་ལྔ་པ། རྩེ་དགུ་པ། སྣ་ཚོགས་རྡོ་རྗེ། རྒྱན་གྱི་རྡོ་རྗེ་རྣམས་སུ་ཡོད། (རྒྱན་གྱི་རྡོ་རྗེ་ནི། རྒྱན་གྱིས་ཅི་མཛེས་སུ་བྱས་པའི་རྡོ་རྗེ་ལ་ཟེར། འདི་རྒྱན་ཆས་བརྒྱན་པའི་རྡོ་རྗེ་ལ་ཟེར་བ་ཡིན་འདུག་སྙམ) ཡང་རྡོ་རྗེ་ལ་དབྱེ་ན། ཁྲོ་བོའི་རྡོ་རྗེ་དང་། (ཁྲོ་བོའི་རྡོ་རྗེ་ནི། རྡོ་རྗེ་ནག་པོ་རྭ་རྩེ་རྣམས་སོ་སོར་གདེངས་པའི་རྡོ་རྗེ་ལ་ཟེར) ཞི་བའི་རྡོ་རྗེ་གཉིས་སུ་ཡོད། (ཞི་བའི་རྡོ་རྗེ་ནི། ནམ་རྒྱུན་ཡོངས་གྲགས་ཀྱི་རྡོ་རྗེ་ལ་ཟེར)
རྒྱ་གཞུང་གིས་བོད་ས་ཁུལ་དུམ་བུར་དབྱེ་བ་དང་དེའི་ངན་འ྄བྲས།
སྐལ་བཟང་བློ་གྲོས།
རྒྱ་གཞུང་གིས་བོད་ཀྱི་ས་ཁུལ་འཛིན་སྐྱོང་ཆེད་དུམ་བུར་དབྱེ་བ་དེས་བོད་མིར་ཤུགས་རྐྱེན་ཇི་འདྲ་ཞིག་ཡོང་གི་ཡོད་པར་སོ་སོའི་ལྟ་ཚུལ་མདོར་ཙམ་བརྗོད་ན། ཐོག་མར་རྟོགས་དགོས་པའི་དོན་གནད་འགའ་མཐོང༌།
དང་པོ།
སྤྱི་ཆབ་སྲིད་སྟེགས་བུའི་སྟེང་དུ་བཞེངས་པའི་སྤྱི་སྒེར་གང་ངོས་ནས་ཡིན་ཡང༌། བསྒྲིགས་འཛུགས་དང་དམིགས་ཡུལ་ཁྲིམས་བཅས་ཡོད། དེ་དག་ཆ་ཚང་མིན་དང་ཡང་དག་ཡིན་མིན་མི་སྒེར་གྱི་དགའ་ཁྲོ་དང་རྟ་མིག་སྐྱོན་ཅན་གྱིས་རྩ་ཟས་པ་ལྟ་བུ་མ་ཡིན་པར། བདེན་པ་བདེན་ཐོག་དང་དངོས་དོན་བདེན་འཚོལ། གནས་ལུགས་དངོས་གནས་ལ་བློ་གཟུ་བོའི་སྒོ་ནས་བསམ་དགོས་པ་ནི་གལ་ཆེན་ལས་ཀྱང་ཆེས་གལ་ཆེན་དུ་མཐོང༌། དེའི་དམིགས་ཡུལ་དང་བསྒྲིགས་ཁྲིམས་དེ་མིའི་བཟོས་པ་ཡིན་པས། དེ་ནི་བརྒྱ་ཆའི་བརྒྱ་བདེན་པ་དང་སྐྱོན་མེད་ཡིན། ཚོགས་པ་དང་ཡང་ན་རྒྱལ་ཁབ་ལ་དགའ་ཞེན་དང་ལྷག་བསམ་མཚོན་ཆེད། སུ་ཡིན་ཡང་ཁས་ལེན་དགོས་ཟེར་ན་ནོར་འཁྲུལ་ཆེན་པོ་རེད་སྙམ། ཐོག་མར་དེའི་ངོ་བོར་ངོས་འཛིའན་གསལ་བོ་འི་ངང་ཤེས་རྟོག་ཐུབ་དགོས། དེ་ཕྱིར་དང་པོ་ཆབ་སྲིད་འཐབ་རྩོད་བྱ་ཡུལ་གྱི་གཞི་གང་ཡིན་ངོས་འཛིན་གསལ་བོ་དགོས་ལ། དེ་ནས་དེའི་ཆབ་སྲིད་ཀྱི་ངོ་བོ་དང་ལྟ་བ། ལངས་ཕྱོགས། མཐར་ཐུག་གི་དམིགས་ཡུལ་དང་ད་ལྟའི་ལག་ལེན་བྱེད་སྟངས་བཅས་ལ་བསམ་ཞིབ་བྱ་དགོས། དེ་ནི་བོད་ཀྱི་ཆོས་སྲིད་ཤེས་དཔལ་གང་ལ་བལྟས་ནའང་ཉག་ཕྲ་བའི་སྐབས་འདི་བོད་ཀྱི་ཆབ་སྲིད་པ་དང་ཤེས་ཡོན་ཅན་དག་གིས་གཟབ་ནན་ཞིབ་གསལ་ངང་ངོས་དགོས་པའི་དོན་ཆེན་ཞིག་ཏུ་བསམ། སྤྱི་རྒྱལ་ཁབ་དང་སྤྱི་ཚོགས་གང་ཡིན་ཡང་དེའི་ཁྲིམས་ལུགས་དང་གྲོས་ཆོད། མཐའ་ན་ལོ་རྒྱུས་ཀྱི་གནས་སྟངས་སོགས་སྤྱི་ཚོགས་དང་ཁོར་ཡུག་ལ་བསྟེན་ནས་འགྱུར་སྲིད་པ་རེད་ལ། འགྱུར་ཆོག་པ་ཞིག་ཀྱང་རེད།
དེ་ལས་མང་བ་། “རྒྱ་གཞུང་གིས་བོད་ས་ཁུལ་དུམ་བུར་དབྱེ་བ་དང་དེའི་ངན་འ྄བྲས།” »
ཅི་ཞིག་ལ་བརྩེ་དུང་ཟེར།
ཉི་མ་འཚོ། ནོར་གླིང༌།
(གྲོགས་པོ་ཞིག་བཟའ་ཚང་དང་འཐོར་སྐབས་ཁོང་གི་ཚབ་ཏུ་བྲིས།)
༡
ལོ་ངོ་གསུམ་གྱི་ཡར་སྔོན་དུ། འཛུམ་མདངས་ཀྱིས་ངེད་གཉིས་སྦྲེལ་ཐག་གཅིག་ཏུ་བསྡམས་དུས། ང་ལ་ཅི་ཞིག་ཐོབ་སོང་སྙམ་པའི་དགའ་སྣང་དམིགས་བསལ་མ་བྱུང་ཡང༌། དེ་རིང༌། ཁོང་ཁྲོ་དང་ཞེ་སྡང་གིས། ངེད་གཉིས་རང་རང་སར་འགྲོ་དུས། ང་ལ་ཅི་ཞིག་བོར་སོང་སྙམ་པའི་སྐྱོ་སྣང་གི་སེམས་ཚོར་ཤིན་ཏུ་ལྕི། འདི་བརྩེ་དུང་རེད་དམ།
གསར་འགྱུར་སྐྱིད་པོ་ཞིག
དེང་སྐབས་ཀྲུང་གོའི་བོད་ལྗོངས་ཞེས་པའི་དྲ་རྒྱ་འདིའི་གསར་འགྱུར་དག་ཏུ་གོང་ས་མཆོག་ལ་ཞེ་ས་སྦྱོར་བ་ཧ་ཅང་མང་བ་འདི་ག་རེ་ཡིན་ནམ། གཅིག་བྱས་ན་འདི་ཨེ་རླུང་ཚང་གིས་རྒྱ་དཔོན་ཚོའི་སྐོར་འགོད་དུས་ཕེབས་དང་གསུང་ཞེས་པའི་ཞེ་ས་འདི་ག་དུས་ཡིན་ན་ཡང་སྦྱོར་གིན་ཡོད་པ་དེར་ཁ་གཏག་བཅག་པ་ཞིག་མིན་འགྲོ
གསར་འགྱུར་ཆ་ཚང་གཤམ་དུ་དྲངས་ཡོད།
༢༠༠༥ ལོར། ཏཱ་ལའི་བླ་མ་ཨ་རིར་མཚམས་འདྲི་གནང་བར་ཕེབས་སྐབས།དབྱི་ལི་ནུ་དབྱི་ཁུལ་གྱི་ སྤྱི་གྲོས་པ་ཨོ་པ་མ་དང་མཇལ་འཛོམས་ཐེངས་གཅིག་གནང་མྱོང་བ་རེད།
རྒྱལ་པོའི་ན་བཟའ་གསར་པ།
སྒྱུར་རྩོམ། སྒོམ་སྡེ་ལྷ་རམས་པ།
གནའ་སྔ་མོ་སྔ་མོ་ཞིག་ལ། དུག་སློག་ལ་“དང་འདོད”ཧ་ཅང་ཆེན་པོ་བྱེད་མཁན་གྱི་རྒྱལ་པོ་ཞིག་ཡོད། ཁོང་ནི་དུས་ཚོད་དང་དངུལ་ཚང་མ་དུག་སློག་ཐོག་གཏོང་ཞིང་། དུས་ཚོད་ཕལ་ཆེ་བ་གྱོན་ཆས་ཁང་དུ་བསྐྱེལ་གྱི་ཡོད། ཁོང་ལ་གྱོན་ཆས་གསར་པ་ཞིག་བྱུང་རེས་བཞིན་ལམ་སང་ཀྲོག་ཀྲོག་བྱས་ནས་གཞན་ལ་ངོམ་སོ་རྒྱག་རྒྱུའི་ཆེད་དུ་ཕོ་བྲང་གི་ཕྱི་ནང་དང་གྲོང་ཁྱེར་སོགས་སུ་ཡང་ཡང་སྤྲོ་འཆམ་ལ་འགྲོ་རྒྱུ་དགའ་པོ་ཡོད། ཁོང་ནི་གྱོན་ཆས་མ་གཏོགས་འབངས་མི་སེར་ལ་བྱམས་བརྩེའི་ཚོར་བ་དང་གཞུང་སེམས་ཡང་དེ་ཙམ་མེད་མཁན་ཞིག་རེད།
ཡུལ་གྱར་བ། སོགས།
ཡུལ་གྱར་བ།
བསེ་རུས།
—–
ཆེས་ཐོག་མའི་སྐད་སྒྲ་དེ་ངུ་སྐད་རེད།
ཆེས་མཐའ་མའི་སྐད་སྒྲ་དེ་ཡང་ངུ་སྐད་རེད།
ཨོ། མི་འདི་དག་འཇིག་རྟེན་འདིར་ངུ་སྐད་དང་ལྷན་དུ་ཡོང༌།
འཇིག་རྟེན་འདི་ནས་ངུ་སྐད་དང་ལྷན་དུ་བྲལ།
ཀྱེ་མ་ཀྱེ་ཧུད།
མི་རིགས་འདི་ཡང་ད་གཟོད་ངུ་སྐད་དང་ལྷན་དུ།
བཟོད་དཀའ་བའི་སྐྱོ་གར་སྣ་ཚོགས་འཁྲབ་བཞིན།
བོད་ཀྱི་སྤྱི་འཐུས་ལ་འབུལ་བ།
སྨད་འོས་བཙན་བྱོལ་བོད་ཀྱི་སྤྱི་འཐུས་ཀླད་མེད་འགའ་ཤས་ཀྱི་དྲུང་དུ། ད་རེས་ཤེས་རྟོགས་བྱུང་བར། ཁམས་པའི་སྤྱི་འཐུས་ཞིག་གི་གནམ་གྲུའི་སྤ་སེ་འགྲོ་སོང་འདི། ཁམས་པའི་སྤྱི་འཐུས་རྒྱུན་ལས་ཚོས་དམིགས་བསལ་རེད་ཟེར་ནས་གཞུང་གི་འགྲོ་སོང་ཐོག་ནས་སྤྲད། དེ་ལ་ཨ་མདོའི་སྤྱི་འཐུས་དང་དབུས་གཙང་གི་སྤྱི་འཐུས་འགའ་ཤས་ཀྱི་བློ་ལ་མ་འབབ་པར། མཐར་སྤྱི་འཐུས་ཀྱི་ཚོགས་ཆེན་དེ་གྲོས་གཞི་གཏན་འཁེལ་མེད་པའི་ཐོག་མཚམས་འཇོག་བྱས་འདུག གྱོང་ཁ་དེ་བོད་ནང་ལ་ཡོད་པའི་བོད་མི་རྣམས་དང་། རྒྱལ་བ་རིན་པོ་ཆེར་བློ་ཕམ། དགྲ་ནག་པོ་གུང་ཁྲན་ལ་དགྱེས་སྟོན་ཞིག་སྤྲད་སོང་། ཁ་སྔོན་རྒྱལ་བ་རིན་པོ་ཆེས་བོད་པ་སྤྱི་ལ། “ད་ལྟ་ཛ་དྲག་གི་དུས་ཚོད་འདི་ལ། བོད་པ་ཚང་མས་ཆིག་སྒྲིལ་དང་། གོ་སྐབས་མ་ཤོར་བ་བྱས་ནས་རང་རེའི་འདོད་དོན་སྒྲུབས་དགོས།”གསུངས་པ་འདིར། སྤྱི་འཐུས་རྣམས་ཀྱི་ཡར། “ལགས་སོ།…
བོད་ཀྱིས་ཏུན་ཧོང་ལ་དབང་སྒྱུར་བའི་ལོ་ཚིགས།
བོད་ཀྱིས་ཏུན་ཧོང་ལ་དབང་དབང་སྒྱུར་བྱས་པའི་ལོ་ཚིགས་ལ་བོད་ཀྱི་མཁས་པ་ལ་བཞེད་ལུགས་ཅི་ཡོད་མ་ཤེས། རྒྱའི་མཁས་པ་ལ་བཤད་ཚུལ་མི་འདྲ་བ་འགའ་རེ་ཡོད་སྐད་ཀྱང་དེ་དག་ཀྱང་ངས་རྩད་གཅོད་བྱས་མེད། ངས་ཏུན་ཧོང་གི་ཆེད་མཁས་རྒྱ་མི་མ་ཏེ་ཟེར་བ་ཞིག་གིས་བརྩམས་པའི་”ཏུན་ཧོང་མོ་ཀོ་ཕུག་པའི་ལོ་རྒྱུས་ཞིབ་འཇུག”ཟེར་བའི་དཔེ་དེབ་ཅིག་ལ་བལྟས་པ་ཡིན། ཞིབ་འཇུག་པ་འདིས་བོད་ཀྱིས་ཏུན་ཧོང་ལ་དབང་སྒྱུར་བྱས་པའི་ལོ་ཚིགས་སྐོར་ལ་དམིགས་བསལ་གྱིས་རྩོམ་ཞིག་བྲིས་འདུག ཞིབ་འཇུག་པ་འདི་ལྟར་ན་བོད་ཀྱིས་ཏུན་ཧོང་ལ་དབང་སྒྱུར་བྱས་པའི་དུས་སྐབས་ནི་སྤྱི་ལོ་་༧༧༧ ལོ་ནས་ ༨༤༨ བར་ཡིན་པར་འདོད། སྤྱི་ལོ་༧༦༣ ལོར་ཁྲི་སྲོང་ལྡེ་བཙན་གྱི་བློན་པོ་སྟག་སྒྲ་ཀླུ་གོང་གིས་བོད་དམག་ཁྲིད་ནས་སྐབས་དེའི་རྒྱ་ནག་ཐང་རྒྱལ་རབས་ཀྱི་རྒྱལ་ས་ཁྲང་ཨན་ལ་དཔུང་འཇུག་བྱས་ནས་ཁྲང་ཨན་ཕབ་ནས་ཉིན་བཅོ་ལྔར་བདག་བཟུང་བྱས་རྗེས་ཕྱིར་འཐེན་བྱས་ཡོད། སྟག་སྒྲ་ཀླུ་གོང་བྱས་རྗེས་དེ་གཟེངས་བསྟོད་བྱེད་ཆེད་པོ་ཏ་ལའི་ཞོལ་ན་དེང་སང་ཡང་ཡོད་པའི་རྡོ་རིང་སྟེ། ངག་རྒྱུན་དུ་ཞོལ་རྡོ་རིང་ཞེར་བ་དེ་བཙུགས་ནས་སྟག་སྒྲ་ཀླུ་གོང་གི་བྱས་རྗེས་དང་དེ་ལ་བརྟེན་ནས་སྟག་སྒྲའི་མི་རྒྱུད་ལ་དམིགས་བསལ་གྱི་ཐོབ་ཐང་ཅི་གནང་སོགས་བཀོད་ཡོད། མ་ཏེས་བཤད་པ་ལྟར་ན། བོད་དམག་གིས་རྒྱ་ནག་གི་རྒྱལ་ས་ཁྲང་ཨན་བླངས་ནས་བཏང་སྟེ་ཕྱིར་ལོག་པའི་ལམ་དུ་རྒྱའི་ཡུལ་གྲུ་མང་པོ་ཕབ་ནས་བོད་འོག་ཏུ་བཅུག ཏུན་ཧོང་ཡང་དེའི་གྲས་ཀྱི་གཅིག་ཡིན་ལ།…
ང་དང་ང་།
རྩོམ་པ་པོ། བསེ་རུ་
———–
གངས་དཀར་མ་ཡུམ་མངལ་ལས་སྦྲུམ་པའི་ང༌།།ཤ་དང་རྩམ་པའི་རོ་བཅུད་མྱོང་མཁན་ང༌།།
མ་བསླབས་ཡིག་དྲུག་བཟློ་བའི་ནེ་ཙོ་ང༌།།དམ་ཆོས་སྙིང་པོའི་རང་ངོ་མ་འཕྲོད་ང༌།།
མི་རིགས་ལ་རྒྱའི་ཟུངས་ཁྲག་མི་རྒྱུ་ང༌།།མགོ་བདེ་དྲན་འཕྲུལ་ངན་ཁྲག་རྒྱུ་བའི་ང༌།།
མཐོན་པོའི་ཁྲི་ལ་འགྱིངས་པའི་རྗེ་བོ་ང༌།།ཉམ་ཆུང་འབངས་ལ་སྡང་བའི་གཤེད་མ་ང༌།།
གཞིས་བྱེས་བོད་མིའི་རྩ་དོན་སྒྲུབ་མི་ང༌།།ལྷག་བསམ་སྙིང་སྟོབས་གོ་ཆ་མི་བཙན་ང༌།།
ཁ་ནས་ས་དྲུག་བདེན་དོན་སྒྲོག་མཁས་ང༌།།ཁོག་ན་རང་དོན་ས་བཀྲ་འབྲི་མཁན་ང༌།།
གློག་མེའི་གསང་བ།
བསེ་རུས།
——
དེ་རིང་རེས་གཟའ་སྤེན་པ་ཡིན་སྟབས། རང་གི་མལ་ཁང་ནང་དུ་གཙང་སྦྲ་བྱས་པ་དང་། དཔེ་དེབ་ཀློག་འཕྲོ་ཡོད་པའི་རིགས་ཁག་ལ་མིག་མྱུལ་བྱེད་པའི་སྐབས། ཕྱི་ལོགས་ནས་སྒོ་བརྡུངས་པའི་སྒྲ་ཞིག་ཐོས་བྱུང་། མྱུར་མོར་ཕྱིར་ལྟ་སྐབས་ངོ་མི་ཤེས་པའི་བོད་པ་ཞིག་དང་། དབྱིན་ཇི་བ་ཞིག་ད་དུང་རྒྱབ་ཏུ་ལྟོ་ཕད་ཆེན་པོ་ཞིག་འཁུར་བའི་རྒྱ་གར་བ་ཞིག་བཅས་མཐོང་བྱུང་། ང་ག་བྱེད་འདི་བྱེད་མེད་པར་ལུས་པ་ལྟ་བུར་གྱུར་པའི་ཚེ། བོད་པ་དེས་ཁྱེད་ཀྱི་མིང་ལ་བསེ་རུ་ཟེར་གྱི་ཡོད་དམ་ཞེས་སྐད་ཆ་དྲིས་བྱུང་། ངས་ལགས་ཡིན། ངའི་མིང་ལ་བསེ་རུ་ཟེར་གྱི་ཡོད་ཅེས་བཤད་པ་ཡིན། ཁོང་གིས་ང་འཚོལ་བར་ཡོང་རྐྱེན་དང་ལས་ཁུངས་ག་གེ་མོ་ཞིག་གི་ངོ་སྤྲོད་འོག་ཁྱེད་ཐུག་པར་འདིར་ཡོང་བའི་སྐོར་བཤད་ནས་དབྱིན་ཇི་བ་དེ་ངོ་སྤྲོད་བྱས་བྱུང་། དེ་ནས་ངས་ཡར་ནང་དུ་ཕེབས་དང་། ཞེས་ཤོད་ཞོར་རང་གི་མལ་ཁང་ནང་དུ་ཁྲིད་པ་ཡིན། དེ་ནས་སྐད་སྒྱུར་བ་དེས་དབྱིན་ཇི་བ་དེ་བོད་དང་ཤིན་ཅང་སོགས་གྲངས་ཉུང་མི་རིགས་ཀྱི་ཐོག་ལ་རྒྱ་ནག་གཞུང་གིས་ཁྲིམས་ལུགས་དང་མཐུན་མི་མཐུན་གྱི་བྱ་སྤྱོད་ཇི་ལྟར་སྤེལ་གྱི་ཡོད་མེད་ཞིབ་འཇུག་བྱེད་མཁན་ཞིག་ཡིན་པ་དང་། ད་ལྟ་བོད་པ་སྐྱབས་བཅོལ་བའི་ཁྲོད་ཆབ་སྲིད་བཙོན་ཟུར་སོགས་ལ་དྲི་བརྩད་ཞིབ་འཇུག་ཏུ་སླེབས་པ་རེད་ཟེར། ངས་ཐོག་མར་ཁོང་ལ་འཚམས་འདྲི་ཞུས་པ་ཡིན་ལ། ཤོད་འདོད་པའི་སྐད་ཆ་ཚིག་ཁ་ཤས་བཤད་པ་ནི་འདི་ལྟར།
ཐོག་མར་ང་རང་བོད་པ་ཞིག་ཡིན་པའི་ངོས་ནས་སྐུ་ཉིད་ཀྱིས་བོད་ཀྱི་གནད་དོན་ཐོག་དོ་ཁུར་ཆེ་བཞེས་ཐོག་རང་ཉིད་ཀྱི་དཀའ་ངལ་དུ་མ་ཁྱད་དུ་བསད་ནས་བོད་མི་མང་པོ་ཞིག་ལ་དྲི་བརྩད་གནང་གིན་ཡོད་པར་ཐུགས་རྗེ་ཆེ་ཞེས་ཞུ་འདོད་བྱུང་ཞེས་དང་། ལྷག་པར་འཛམ་གླིང་འདིར་བདེན་པ་ནི་ནམ་ཡང་བདེན་པ་ཡིན་པས་ཉིད་ཀྱིས་བདེན་དོན་གྱི་གནས་ཚུལ་རྣམས་འཛམ་གླིང་མི་མང་གི་མདུན་དུ་བཤམས་རྒྱུར་འབད་བརྩོན་གནང་གིན་ཡོད་པ་ནི། ཆེས་བསྔགས་འོས་པ་ཞིག་དང་། གནས་སྐབས་བདེན་དོན་གྱི་ལས་དོན་ཐོག་སྤྱི་ཚོགས་དང་ཁོར་ཡུག་གི་འགལ་རྐྱེན་སྣ་ཚོགས་ཤིག་འཕྲད་སྲིད་ཀྱང་བདེན་པ་ནི་ནམ་ཡང་བདེན་པ་ཡིན་སྟབས། ཁྱེད་ཀྱི་བདེན་པ་བདེན་སར་འཁྱོལ་བ་ཞིག་གནང་རོགས་ཞེས་ཞུས་པ་ཡིན། དེ་ནི་ངའི་ཐོག་མའི་རེ་བ་དང་སེམས་གཏིང་གི་སྐད་ཆ་ཞིག་ཀྱང་རེད།
མི་རབས་གསར་བས་བོད་ནང་གི་རྩོམ་པ་པོ་ལྷམ་ཀོག་ལགས་ལ་བཅར་འདྲི་བྱས་པ།
རྩོམ་པ་པོ་སྐུ་ཞབས་ལྷམ་ཀོག་ལགས་ལ་བཅར་འདྲི་བྱས་པ།
མིང་ལ་རོང་བོ་དགེ་འདུན་ལྷུན་གྲུབ། པིར་མིང་དང་དྲ་མིང་ལ་གཟའ་དང་དགེ་སྨྱོན་ལྷམ་ཀོག་སོགས་བཀོལ་མྱོང་།
འཚོ་བའི་ཁ་ཕྱོགས་གཏན་དུ་འཁེལ་བ་ཞིག་མེད། སློབ་སྦྱོང་བྱས་སའི་ཡུལ། རོང་བོ་དགོན་ཆེན་གཙོས་བླ་བྲང་བཀྲ་ཤིས་འཁྱིལ། གསེར་རྟ་ལྔ་རིག་ནང་བསྟན་སློབ་གྲྭ་སོགས་ཡིན། སྙན་ངག་གི་དེབ་ཀྱི་གཟོ་ལྟ་གཉིས་ཙམ་ཕུད་མྱོང་། དེ་མིན་དེབ་གཞན་དུ་བཀོད་པ་དག་ཀློག་པ་པོའི་སྤྱན་ལམ་ལ་འོང་ཡོད་ངེས། ལུས་པོ་མ་འཇིག་གི་བར་དུ་ཉམས་ལེན་ཞེས་པ་དེའི་ཐ་སྙད་བཏགས་མི་ཆོག་རུང་དཔེ་ཆར་ ལྟ་བ་དང་རྩོམ་ཡིག་འབྲི་བར་ཤུགས་ཕུད་རྒྱུའི་དམ་བཅའ་ཡོད། གང་ལ་སྦྱང་ས་ནི་ནང་བསྟན་རིག་གནས་དང་བོད་ཀྱི་སྲོལ་རྒྱུན་རིག་གནས་ཀྱི་སྐོར་ འགའ་ཡིན། བརྡར་ཤ་ཚིག་འགྲོས་ནས་བཅད་དེ་རྒོལ་བ་ཐལ་བར་གཏོང་བའི་ནུས་པ་ཡོད་མྱོང་མེད། ནམ་ཡང་ངའི་བསམ་བློ་ནི་རིག་གནས་སྦྱོང་བ་དང་ཟ་མ་ཟ་བ་གཉིས་ལ་ཁྱད་པར་མེད་འདོད་ པས། དེ་ནི་ཆེན་པོ་ཡིན་མདོག་དང་རིན་ཐང་ཡོད་མདོག་སྟོན་དགོས་པ་ཞིག་ལར་ནས་མ་རེད་ཅེས་ཤོད་གིན་ཡོད།
དེ་ལས་མང་བ་། “མི་རབས་གསར་བས་བོད་ནང་གི་རྩོམ་པ་པོ་ལྷམ་ཀོག་ལགས་ལ་བཅར་འདྲི་བྱས་པ།” »
