༼རྒྱལ་བ་ཀརྨ་པ་ཨོ་རྒྱན་འཕྲིན་ལས་རྡོ་རྗེའི་འཁྲུངས་སྐར་ལ་ཕུལ་བ།༽
བེ་རི་འཇིགས་མེད།
མཚན་དཔེའི་སྐུ་ཡི་མེ་ཏོག་ཚོམ་བུ་མདོ་ཁམས་ལྷ་ཐོག་སྒང་ནས་བཞད།།
སྐྱེས་སྦྱངས་མཁྱེན་རབ་སྦྲང་རྩིའི་ཕོན་པོ་དབུས་འགྱུར་འཕགས་པའི་ཞིང་དུ་སྨིན།།
ལེགས་གསུང་སྙན་པའི་དྲི་བསུང་མངར་མོ་ཕྱོགས་མེད་འཛམ་གླིང་ཁྱོན་ཀུན་བརྡལ།།
རྒྱལ་བའི་དབང་པོ་ཀརྨ་པ་ཞེས་གྲགས་པའི་མཚན་སྙན་དོན་དང་མཐུན།།
ལྕགས་སྒྲོག་ལས་ཤོར་བའི་རྒྱ་སྟག
ཨ་ཀྱཱ་ཧོ་ཐོག་ཐུ་བློ་བཟང་ཐུབ་བསྟན་འཇིགས་མེད་རྒྱ་མཚོ་རིན་པོ་ཆེ་མཆོག་ལ་ཕུལ་བ།
བེ་རི་འཇིགས་མེད།
རྒྱལ་བ་གཉིས་པའི་ལྟེ་བའི་མཚལ་གྱིས་ཤིས་པ་སྒྲུབ་པའི་དགེ་མཚན་ལས། །
ལྗོན་པའི་ཤིང་ལས་བདེ་གཤེགས་སྐུ་བརྙན་འབུམ་ཕྲག་བཀྱེ་བའི་དགོན་དེ་ཡི། །
ལུགས་ཟུང་གསེར་གྱི་འཁོར་ལོ་ཟླུམ་པོ་གང་གི་ཕྱག་མཚན་བསྣམས་མཛད་པ། །
བློ་བཟང་ཐུབ་བསྟན་སྙིང་པོའི་དཔལ་གྱུར་མཁས་བཙུན་བཟང་པོའི་མགོན་དེ་མཆོད།
མེ་ཁོ་ལེན་ལྗི་ལོ་དང་རི་མོའི་སྒྱུ་རྩལ།
མེ་ཁོ་ལན་ལྗི་ལོ།(Michelangelo)
མེ་ཁོ་ལེན་ལྗི་ལོ་དང་རི་མོའི་སྒྱུ་རྩལ།
རྔ་བ་རྒྱལ་ཁམས་པ།
——————————————–
གླེང་བརྗོད།
བཟོ་རིག་སྒྱུ་རྩལ་གྱི་དབང་ཕྱུག་ཆེན་པོ། སྐུ་ཞབས་མེ་ཁོ་ལན་ལྗི་ལོ་མཆོག་སྐུ་གཤེགས་ནས་ད་བར་དུས་རབས་བཞི་ལྷག་འདས་ཟིན་མོད། ཁོང་གིས་བཞེངས་སྐྲུན་མཛད་པའི་བྲིས་འབུར་གྱི་རི་མོའི་ཉམས་འགྱུར་དག་གིས། འཛམ་གླིང་འདིའི་སྒྱུ་རྩལ་ལོ་རྒྱུས་ཀྱི་བརྒྱུད་རིམ་ནང༌། གཟའ་སྐར་གྱི་དབུས་ན་ཉི་ཟླ་དང༌། རི་དྭགས་ཀྱི་ཁྲོད་ན་སེང་གེ་ལྟར། མཚར་སྡུག་འོད་སྟོང་གི་གཟི་བརྗིད་རབ་ཏུ་འབར་བའི་ཐུན་མིན་སྒྱུ་རྩལ་གྱི་ཞིང་ཁམས་ཤིག་བཞེངས་སྐྲུན་གནང་ཡོད། ཁོང་གི་གྱོང་ཞིང་རྩུབ་པའི་གཤིས་ཀ་ལས། མི་མང་བོ་ཞིག་ལ་ཁོང་ཁྲོ་བསླངས་ཡོད་མོད། མཛེས་ཤིང་ཡིད་གར་འོང་བའི་བརྩམས་ཆོས་དག་གིས། དགྲ་བོ་ཞིག་ཡིན་ཀྱང་རང་ཉིད་ལ་གུས་བཀུར་དང༌། ཡ་མཚན་གྱི་བསྔགས་བརྗོད་མ་བྱས་མཐུ་མེད་ལྟ་བུའི་གནས་སུ་ལྷུང་ཡོད། ཁོང་གིས་བརྐོས་རིས་དང་ཚོན་བྲིས་དེ་དག་གིས། སྒྱུ་རྩལ་བ་རང་ཉིད་ཀྱི་ནང་སེམས་ཀྱི་འཇིག་རྟེན་ལས་བྱུང་བའི་དགའ་སྐྱོ་ཆགས་སྡང་གི་རང་བཞིན་དང༌། ཕྱི་སྣོད་ཀྱི་འཇིག་རྟེན་གྱི་འགྱུར་འགྲོས་སྣ་ཚོགས་ཤིག་ཀུན་ནས་མཚོན་པར་བྱས་ཡོད་ལ། ཁོང་གི་སྒྱུ་རྩལ་གྱི་ཕྱི་འཇོག་མེད་ན། ཡུ་ཤི་གནམ་བདག་ཆོས་བརྒྱུད་ཀྱི་གདན་ས་དང༌། བླ་ཆེན་པོབ་ཀྱི་བླ་བྲང་ཡང་བརྗིད་ཆུང་ལ། ཁོང་གི་སྒྱུ་རྩལ་གྱི་ཤེས་རིག་མེད་ན། འཛམ་གླིང་འདིའི་བཟོ་རིག་སྒྱུ་རྩལ་གྱི་མཛེལ་ལྗོངས་ལ་བཀྲགས་མདངས་ཆེན་པོ་དེ་འདྲ་ཞིག་ཡོང་མི་ཐུབ་ཅེས་ཀྱང་སྨྲའོ།།
བཅོམ་ལྡན་འདས་ཀྱི་ཉིན་གཅིག
ཀླུ་སྨྱོན། གཏམ་རྒྱུད་གསེར་ཐང་ལས་བྱུང་བའི་སྟོན་པའི་ཉིན་གཅིག་གི་འགྲོ་བ་མི་ཞིག་གི་རྣམ་པའི་མཛད་པ་ནི་འདི་ལྟར། དེ་བཞིན་གཤེགས་པའི་ནར་མའི་ཀུན་ཏུ་སྤྱོད་པ་ནི། ནངས་སྔ་བར་བཞེངས་ཏེ་ཚེམས་ཤིང་གསོལ་ཅིང་ཁྲུས་མཛད། དེ་ནས་ཡུན་ཐུང་ངུ་ཞིག་ལ་ནང་དུ་ཡང་དག་པར་འཇོག་ལ་བཞུགས། དེ་ནས་གསོ་ཚགས་མཛད་དེ་བསོད་སྙོམས་སུ་གཤེགས་ཤིང་། ཁྱིམ་དེ་ཉིད་དུ་ཆོས་སྟོན། སླར་བྱོན་ཏེ་ཁྱམས་སུ་བཞུགས་ནས་དགེ་སློང་རེ་རེ་བཞིན་བསོད་སྙོམས་རྙེད་མ་རྙེད་སོགས་ལ་གཟིགས་རྟོག་མཛད། དེ་ནས་བཀད་སའི་ཁང་པར་བྱོན་ཏེ་བསླབ་པ་འཆའ་བ་སོགས་མཛད། དེ་ནས་ཚ་བ་སྟོབས་ཆེ་ན་ཡུན་ཐུང་ངུ་ཞིག་ལ་གློ་ས་ལ་ཕབ་སྟེ་གཟིམ། ཕྱི་དྲོ་མཇལ་དུ་འོངས་པ་རྣམས་ལ་བློ་དང་འཚམ་པའི་ཆོས་སྟོན། ཉི་མ་རྒས་པ་ན་སྐབས་སུ་སྐུ་ལུས་བསལ་ཅིང་། དེ་ནས་སློབ་མ་རྣམས་ལ་ཐེ་ཚོམ་བྱུང་བ་དག་གཅོད་ཅིང་། མཚན་གྱི་མེལ་ཚེ་དང་པོ་འདའ། དེ་ལས་བཞེངས་ཏེ་ཕྱི་རོལ་གྱི་འཆག་ས་ལ་བྱོན་ཏེ་འཆག་པར་མཛད།…
སེམས་ཀྱི་རང་མདངས་མཚོན་པའི་འཚམས་འཕྲིན།
ཆོས་ཀྱི་གྲོགས་པོ་དགེ་བཤེས་བསྟན་འཛིན་རྡོ་རྗེ་མཆོག་ལ་ཕུལ་བ།
བེ་རི་འཇིགས་མེད།
དཔལ་ལྡན་སྟོབས་བཅུ་མངའ་བའི་ལུང་རྟོགས་བསྟན།།
འཛིན་མཁས་ངེས་པ་དོན་གྱི་རྣལ་འབྱོར་པ།།
གསང་སྔགས་རྡོ་རྗེ་ཐེག་པའི་སྤུན་གྲོགས་ལགས།།
འཇིགས་མེད་སྙན་ངག་སྨྲ་བའི་འཕྲིན་འདི་གསོན།།
ཉེ་ཆར་གང་སྐུ་མཚན་དཔེའི་ཟླ་གཞོན་ལ།།
ཉམས་རྟོགས་དཀྱིལ་འཁོར་རྫོགས་པའི་འོད་སྣང་རིས།།
ཡིག་ངག་གང་གི་ལམ་ནས་མ་སོན་ཀྱང༌།།
བརྒྱུད་ནས་འཚམས་འདྲི་བྱས་པའི་གཏམ་ལས་ཐོས།།
དུས་བབ་དྲ་ངོས་མྱུལ་བའི་ཚོར་སྣང་ཡི་གེར་བསྡེབས་པ།
གཡུང་དྲུང་ཚེ་བརྟན།
ཀ་ངོ་ཡིག་ངོ་ཤེས་མཁན་ཚོ།།
ཁ་དེ་སུ་མཁས་འགྲན་ཞིང་གདའ།།
ག་ས་གང་གི་དྲ་ཐོག་ན།།
ང་དང་ང་འདྲ་ཚར་ལ་ཁད།།
ཅ་ཅོ་སྒྲོག་མཁན་མང་པོ་ཞིག།
ཆ་འཇོག་ཡོད་ས་རེ་གཉིས་ཤིག།
ཇ་ཁ་ཆང་ཁའི་གཏམ་གྱི་ཕྲེང༌།།
ཉ་ཉོག་གད་སྙིགས་ཉིན་རེར་འཕེལ།།
དེ་ལས་མང་བ་། “དུས་བབ་དྲ་ངོས་མྱུལ་བའི་ཚོར་སྣང་ཡི་གེར་བསྡེབས་པ།” »
རྩོམ་པ་པོ་གྲགས་ཅན་ཞིག་ལ་སློབ་སྟོན་ཞུ་རུ་བསྐྱོད་པའི་དྲན་འཆར།
ཀླུ་སྨྱོན།
ཟླ་ཚེས་གསལ་བོ་ཞིག་མི་དྲན་ཡང་དུས་ཚིགས་དེ་ནི་མཚོ་སྔོན་པོའི་ལྷོ་ཕྱོགས་ཀྱི་ཧ་ཅང་གྲང་བའི་དགུན་ཁ་ཞིག་ཡིན་ཞིང་། རི་ཀླུང་ཐང་གསུམ་གྱི་དབྱེ་བ་མེད་པར་གཡུགས་པའི་གྲང་རླུང་དེ་ཡིས་སྨན་བུ་མོའི་མྱོས་བུམ་དང་སྟག་ཤ་རའི་དཔུང་ཤ་ཡང་འཁུམ་དུ་བཅུག་ཡོད་པར་ཐེ་ཚོམ་མེད། དེ་དུས་ཀྱི་ང་རང་ལ་མཚོན་ན་ཉིན་རེའི་བྱ་བའི་ཁྲོད་དུ་གོ་གནས་གལ་ཆེན་ཞིག་བཟུང་ཡོད་པ་ནི་རྩོམ་ཡིག་འབྲི་རྒྱུ་དེ་ཡིན་ཞིང་། རྩོམ་ཡིག་གི་ཁྲོད་ནས་ཀྱང་བརྩམས་སྒྲུང་འབྲི་རྒྱུ་དང་བརྩམས་སྒྲུང་གི་རྩོམ་པ་པོ་ཚོར་གྲོགས་འབྲེལ་བསྒྲིག་རྒྱུ་དང་ཁོང་ཚོའི་ས་ནས་བསླབ་བྱ་དང་བཀའ་སློབ་ཞུ་རྒྱུ་དེ་དོན་དག་གཞན་གང་ཞིག་ལས་ཀྱང་གལ་ཆེན་དུ་གྱུར་ཡོད། དེ་དུས་ཀྱི་བོད་ཀྱི་རྩོམ་པ་པོའི་ཁྲོད་དུ་སྒྲུང་རྩོམ་པ་གྲགས་ཅན་ཚེ་རིང་དོན་གྲུབ་དང་སྟག་འབུམ་རྒྱལ་གཉིས་ནི་ངའི་སེམས་གཏིང་གི་ཉི་མ་དང་ཟླ་བ་ལྟ་བུར་གྱུར་པ་དང་། ཁོ་གཉིས་ལ་ཅིག་ཐུག་འདོད་པའི་ཚོར་བ་དྲག་པོ་ཞིག་གིས་ངའི་མགོ་ལུས་ཡོངས་སུ་ཁྱབ་བསྡད་ཡོད།
དེ་ལས་མང་བ་། “རྩོམ་པ་པོ་གྲགས་ཅན་ཞིག་ལ་སློབ་སྟོན་ཞུ་རུ་བསྐྱོད་པའི་དྲན་འཆར།” »
༄༅།།ཏུང་ཧོང་ཡིག་ཆའི་ནང་ཆེས་ཐོག་མར་སློབ་དཔོན་པད་མ་འབྱུང་གནས་ཀྱི་རྣམ་ཐར་ཡིག་ཆ་རྙེད་པ།
ནུབ་བྱང་མི་རིགས་སློབ་ཆེན་བོད་སྐད་ཡིག་རིག་གནས་སློབ་གླིང་གི་སློབ་དཔོན་ཆེན་མོ་ཁ་སྒང་བཀྲ་ཤིས་ཚེས་རིང་གིས་ཉེ་སྔོན་པེ་ཅིན་ནས་ཞིན་ཧྭ་གསར་འགྱུར་ཁང་གི་གསར་འགོད་པའི་བཅར་འདྲི་དང་ལེན་བྱེད་སྐབས་ཏུང་ཧོང་ཡིག་ཆའི་ཤོག་ངོས་བརྒྱད་བརྒྱ་དང་ཞེ་དགུའི་སྟེང་ནས་ཐོག་དང་པོར་སློབ་དཔོན་པད་མ་འབྱུང་གནས་ཀྱི་རྣམ་ཐར་ཡིག་ཆ་རྙེད་པ་དང་དེ་ལ་ཞིབ་འཇུག་གི་རིན་ཐང་ཡོད་པ་ཁྱབ་སྒྲོག་བྱས། བཀྲ་ཤིས་ཚེ་རིང་གིས་བཤད་རྒྱུར། སློབ་དཔོན་པད་མ་འབྱུང་གནས་ནི་བོད་རྒྱལ་ཁྲི་སྲོང་ལྡེ་བཙན་སྐབས་སུ་བོད་ཡུལ་དུ་གདན་དྲངས་པའི་རྒྱ་གར་གྱི་སངས་རྒྱས་ཆོས་ལུགས་པ་མིང་གྲགས་ཅན་ཞིག་ཡིན་པ་དང་། ཁོང་བོད་ཡུལ་དུ་ཡོང་ནས་སངས་རྒྱས་ཆོས་ལུགས་འཕེལ་རྒྱས་སུ་འགྲོ་བར་ནུས་པ་གལ་ཆེན་ཐོན་པ་དཔེར་ན། ཁོང་གིས་ཐེངས་དང་པོར་སངས་རྒྱས་ཆོས་ལུགས་ཀྱི་དགོན་པ་བསམ་ཡས་དགོན་པ་བཞེངས་པ་དང་། སད་མི་མི་བདུན་རབ་ཏུ་བྱུང་བར་མགོ་འཛིན་བྱས་པ་ལས་ཕྱིས་སུ་བོད་དུ་རབ་བྱུང་བ་བྱུང་། ད་རུང་སངས་རྒྱས་ཆོས་ལུགས་ཀྱི་ཡིག་ཆ་མང་པོ་བོད་སྐད་དུ་བསྒྱུར་ནས་བོད་ཡུལ་དུ་སངས་རྒྱས་ཆོས་ལུགས་རིག་གནས་འཕེལ་རྒྱས་འགྲོ་བར་བྱས་རྗེས་བླ་མེད་བཞག དེ་བས་བོད་ཀྱི་རྣམ་ཐར་དང་ལོ་རྒྱུས་དཔེ་ཆ་མང་པོ་ཁག་ཏུ་སློབ་དཔོན་པད་མ་འབྱུང་གནས་ཀྱི་ངོ་མཚར་བའི་གཏམ་རྒྱུད་ཡོད་ལ། བོད་ཀྱི་རིག་གནས་འཕེལ་རྒྱས་ཐད་ལ་བྱས་རྗེས་ཆེན་པོ་བཞག་པར་བསྟོད་བསྔགས་ཀྱང་བྱས་ཡོད། སྡོམ་རྩིས་རགས་ཙམ་བྱས་པ་ལྟར་ན། སློབ་དཔོན་པད་མ་འབྱུང་གནས་ཀྱི་རྣམ་ཐར་ལ་པར་གཞི་མི་འདྲ་བ་སྟོང་གཅིག་ལྷག་ཡོད་ཟེར། ཁོས་ད་རུང་ཏུང་ཧོང་ཡིག་ཆའི་ཁྲོད་ཆེས་ཐོག་མར་སློབ་དཔོན་པད་མ་འབྱུང་གནས་ཀྱི་རྣམ་ཐར་ཡིག་ཆ་རྙེད་པ་དེ་ནི་ཀྲུང་གོ་བོད་རིག་པའི་ལོ་རྒྱུས་སྟེང་དགའ་འོས་པའི་དོན་དག་ཅིག་རེད་ཟེར།
དེ་རིང་གི་སྙན་ངག
གཅན་བཟོད་རྒྱམ།
——————–
དེ་རིང་གི་སྙན་ངག
————-དུས་གསུམ་བརྗོད་པའི་མགྱོགས་བྲིས།
ཞོགས་པ།
རྡོ་ལ་རི་མགོ་གངས་ཀྱིས་གཡོགས་ཤིང་ཤོད་ཀྱི་རི་འདབས་སྨུག་སྤྲིན་མཚོ་མོ་ལྷོད་ཀྱིས་འཁྱིལ།།
ཆར་གྱིས་བཀྲུས་པའི་རི་སྐད་དག་ན་ལྗོན་ཤིང་སྟུག་ཅིང་བར་བར་གྲོང་ཁྱིམ་མཛེས་ཤིང་སྡུག།
མིང་འདོགས་མི་ཤེས་བྱ་བྱེའུ་སྐད་སྙན་ལྷང་ལྷང་སྒྲོག་གིན་རྒྱ་བོད་སྲང་ནས་གར་འགྲོ་མགྱོགས།།
ངས་ཀྱང་རྩིས་འཁོར་རྒྱབ་ཏུ་འཁུར་ཏེ་བག་ལེབ་ཟ་བཞིན་གོམ་པའི་རྟ་ཁ་གངས་སྐྱིད་བསྐོར།།
ཉི་མར་ལྡེ་བ།
ཀླུ་སྨྱོན། ལོ་ནའི་དབང་གིས། ཉི་མ་དྲོ་དུས་ང་རང་ཉི་མར་ལྡེ་བཞིན་ཡོད། ཨ་རིའི་བོད་པ་ཚོ་ཇི་འདྲའི་བྲེལ་བ་ཚ་ནའང་། ང་རང་ལྷོད་ལྷོད་ངང་ཉི་མར་ལྡེ་བཞིན་ཡོད། ཐག་ཉེ་རུ་བྱ་བྱེའུ་འགས་སྡོང་མགོ་རུ་ཅ་ཅོ་འབྱིན་པ་དང་། ཐག་རིང་ས་རུ་གནམ་གྲུ་ཆེན་པོ་ཞིག་ཞི་བདེའི་རྒྱ་མཚོའི་མཁའ་དབྱིངས་ནས་འདི་ཕྱོགས་སུ་འཕུར་ཡོང་ན་ཡང་། ང་རང་བྲེལ་བ་ཅི་ཡང་མེད་པར་ཉི་མར་ལྡེ་བཞིན་ཡོད། འདི་ནས་དཔག་ཚད་གཅིག་གི་ཕ་རོལ་ཏུ། མཚེའུ་ཞིག་ཡོད་ཅིང་། དེའི་མཐའ་སྐོར་ན་གཅེར་ཧྲེང་མང་པོ་ཞིག་བྲང་དང་རྐུབ་ཉི་མར་བསྟན་ནས་ཉི་མར་ལྡེ་བཞིན་ཡོད། ང་རང་སྐབས་རེར་དེ་ཚོའི་གསེབ་ཏུ་འཛུལ་ནས་ཉི་མར་ལྡེ་བར་དགའ་བར་ཧ་ཅང་དགའ། ཞི་མོ་ཚོའི་ནུ་མ་དང་ཞི་ལི་ཚོའི་དཔུང་ཤ་ཡིས་ཁོ་རང་ཚོར་སེམས་ཚོར་མི་འདྲ་བ་ཅི་ཙམ་ཞིག་སྤྲོད་ན་ཡང་། ང་རང་ནི་ཞི་གནས་གྲུབ་པའི་དྲང་སྲོང་ཞིག་དང་མཚུངས་པར། ལུས་སེམས་གཉིས་ཀ་ཉི་མར་ལྡེ་བ་ལས།…
རི་གྲོང་གི་ཚེ་སྲོག
ཀླུ་སྨྱོན།
ཨ་ཡེ་སྒྲོལ་མ་ཚེ་ལས་འདས་སོང་། ཁོ་མོ་འཇིག་རྟེན་འདི་དང་ཁ་གྱེས་པ་དེས་གྲོང་བརྡལ་ཆུང་ངུ་འདིའི་ཚེ་སྲོག་གི་གྲུབ་ཆ་གང་ཞིག་ཆག་གྲུམ་དུ་སོང་བ་དང་འདྲ་བར། བྱིས་པ་ཚོར་ཞག་མ་འགའ་ལ་གཉིད་ཀྱང་མ་ཡོང་། རེད་ཡ། ཨ་ཡེ་སྒྲོལ་མ་ཚེ་ལས་མ་འདས་སྔོན་གྱི་ཉིན་འགའི་རིང་ལ་ཡང་བྱིས་པ་ཚོར་གཏམ་རྒྱུད་བཤད་པ་མ་ཡིན་ནམ། ནམ་རྒྱུན་དབྱར་དགུན་སྟོན་དཔྱིད་གང་ཡིན་ཡང་ཉི་མ་དྲོ་སྐབས། གནའ་བོའི་གྲོང་བརྡལ་འདིའི་རྒན་རྒོན་ཚོས་ཕྲེང་བ་དང་མ་ཎི་འཁོར་ལོ་ཁྱེར་ནས་ལོ་ཟླའི་ཁ་ཆར་གྱིས་བརྡུངས་ཏེ་ཞིག་རལ་དུ་གྱུར་པའི་མ་ཎི་ཁང་གི་མཐའ་ལ་སྐོར་བ་རེ་བྱས་རྗེས། སྔ་གཞུག་ཏུ་ཉི་འོད་དྲོ་ས་ཞིག་ཏུ་འཚོགས་ནས་ཕ་མེས་ཡང་མེས་ནས་ཚ་བོ་ཡང་ཚའི་བར་གྱི་བརྗོད་མི་ཚར་བའི་ཉོག་གཏམ་གྱི་མཇུག་སྐྱོང་ཞིང་། ཨ་ཡེ་སྒྲོལ་མ་ལོ་ལོན་ཚོའི་ཁྲོད་དུ་ཡུད་ཙམ་བསྡད་རྗེས། དལ་བུར་ཡར་ལངས་ནས་ནམ་རྒྱུན་བྱིས་པ་ཚོ་རྩེད་མོར་རོལ་སའི་རྭ་སྐོར་ཆུང་ཆུང་ཞིག་ཡོད་སར་ཐོན་ཡོང་། ནམ་རྒྱུན་ཁོ་མོ་དེར་བསླེབས་མ་ཐག་བྱིས་པ་ཚོས་མོའི་མཐའ་བསྐོར་ནས་འཇམ་ཅག་གེར་ཁོ་མོས་བཤད་པའི་གནའ་གཏམ་ལ་ཉན་གྱིན་ཡོད།
“དེ་རིང་གནའ་གཏམ་གསར་བ་ཞིག་བཤད་ན་ཇི་འདྲ་རེད།”
“འགྲིགས་སོང་། འགྲིགས་སོང་།” བྱིས་པ་ཚོ་ཁྭ་སྐྱག་ཁྱུ་ཞིག་དང་འདྲ།
ཝི་སི་ཀོན་སིན་མངའ་སྡེའི་མལ་ཌི་སིན་གྲོང་ཁྱེར་དུ་བོད་ཀྱི་དུས་སྟོན།
བོད་ཀྱི་དུས་སྟོན།
ཕྱི་ལོ་ ༢༠༠༩ ཟླ་ ༩ ཚེས་ ༡༡ ནས་ ༡༣ །
ཝི་སོ་ཀོན་སིན་སློབ་གྲྭ་ཆེན་མོ (མལ་ཌི་སིན)
ཝི་སི་ཀོན་སིན་བོད་མིའི་སྤྱི་མཐུན་ཚོགས་པ་དང་ཝི་སི་ཀོན་སིན་སློབ་གྲྭ་ཆེན་མོའི་ཨེ་ཤི་ཡ་ལྷོ་མའི་སྡེ་ཚན་ཐུན་མོང་གིས་གོ་སྒྲིག་སྦྱིན་བདག་བྱས།
ཕྱི་ལོ་ ༢༠༠༩ ཟླ་ ༩ ཚེས་ ༡༡ ། རེས་གཟའ་པ་སངས།
དབུ་འབྱེད་མཛད་སྒོ་དང་དཀྱིལ་འཁོར་བཞེངས་སྐྲུན་འགྲེམས་སྟོན། མེ་མོ་རིལ་ དབྱི་ནུན་གྱི་བར་ཁྱམས་དང་སྦི་ཕི་ཨི་ཊིར་ཁང་མིག (Beefeaters Room, Memorial Union)
ཆུ་ཚོད་ ༡ ། ཝི་སི་ཀོན་སིན་བོད་མིའི་སྤྱི་མཐུན་ཚོགས་པའི་ཚོགས་གཙོ་མཆོག་ནས་དབུ་འབྱེད་གསུང་བཤད་གནང་རྒྱུ།
དེ་ལས་མང་བ་། “ཝི་སི་ཀོན་སིན་མངའ་སྡེའི་མལ་ཌི་སིན་གྲོང་ཁྱེར་དུ་བོད་ཀྱི་དུས་སྟོན།” »
བོད་ཀྱི་རྩམ་པ་ཚོང་ཁང་།
བོད་ ཀྱི་རྩམ་པ་དྲ་ལམ་ཚོང་ཁང་ནི་སྤྱི་ལོ་༢༠༠༩ལོར་ཟླ་༧ཚེས་༦སྒོ་ཕྱེ་བ་རེད། དུས་རབས་ཉེར་གཅིག་པའི་འགྱུར་འགྲོས་གྱི་གོམ་ཁ་དང་དོ་མཉམ་པའི་དྲ་ལམ་ཐོག་གི་ བོད་ཀྱི་མི་ཚང་ཞིག་གི་འབད་བརྩོན་ལས་བྱུང་བའི་ཚོང་ཁང་ཆུང་ཆུང་ཞིག་ཡིན། བོད་ཀྱི་རྩམ་པ་དྲ་ལམ་ཚོང་ཁང་ནི་བོད་ཡིག་གི་དྲ་ལམ་ཚོང་ཁང་ཆེས་ཐོག་མ་དེ་ཡིན། དོན་འགྲུབ་དང་རྡོར་མཚོ་གཉིས་ཀྱིས་རང་གི་འབད་བརྩོན་དུ་མ་ལ་བརྟེན་ནས་༢༠༠༩ ལོར་ལེགས་འགྲུབ་བྱུང་། ཚོང་ཁང་ཆུང་ཆུང་དེར་བཙོང་བཞིན་པའི་རྩམ་པ་དེའི་རྒྱུ་ཆ་འབྲུ་རིགས་དག་ནི་རང་ བྱུང་ཁོར་ཡུག་གི་ཉི་དྲོད་དང་ཆར་ཆུས་བརླན་གཤེར་ལ་བརྟེན་ནས་རང་བྱུང་དུ་སྐྱེས་ པ་ཁོ་ན་ལས། རྫས་འགྱུར་རིགས་ཀྱི་དྲི་མ་ཙམ་ཡང་མེད་པས་རྒྱུ་ཆ་ཕུན་སུམ་ཚོགས་པ་དང་། རང་རེའི་བོད་ཀྱི་ལག་ལེན་ལྟར། འབྲུ་རིགས་ཆུ་རིས་དང་། ཡས་བྱེ་རྔོས་བྱས་དེ། ཉར་ཚགས་གཙང་ཞིང་ཞིབ་པ་བྱས་མཐར་།…
གསོ་རིག་གསར་འཕྲིན། ༢༠༠༩ དབྱར་ཁའི་འདོན་ཐེངས།
sorig-newsletter-2009-summer-issue
ཅི་ཞིག་བོད་ཀྱི་རྩོམ་རིག་ཟེར། སུ་ཞིག་བོད་ཀྱི་རྩོམ་པ་པོ་རེད།
མེ་སྒྱོགས་རྒྱ་མཚོ། ——– ༼བོད་ ཀྱི་རྩོམ་རིག་སྒྱུ་རྩལ་༽གྱི་གོ་དོན་དང་ཁྱབ་ཁོངས་ལ་མི་མཐུན་པའི་བསམ་བློ་འབྱུང་བཞིན་འདུག དཔེར་ན། བོད་ཡིག་སྨྱུག་ཐོག་པ་མང་པོས་བོད་ཡིག་ལས་གཞན་པའི་སྐད་ཡིག་ཏུ་བརྗོད་གཞི་བོད་དང་བོད་ཀྱི་རིག་གཞུང་ཡིན་ཀྱང་འདྲ། རྩོམ་པ་པོ་བོད་མི་ཡིན་ནའང་ཁོང་གིས་བྲིས་པ་ནི་༼བོད་ཀྱི་རྩོམ་རིག་སྒྱུ་རྩལ་༽གྱི་ཁོངས་སུ་མི་གཏོགས་ཟེར། ཉེ་དུས་སུ་འཚོགས་པའི་བོད་ཀྱི་རྩོམ་པ་པོའི་མཐུན་ཚོགས་ཀྱིས་གོ་བསྒྲིགས་ལྟར་ཚོགས་ཆེན་དེའི་སྟེང་དབྱིན་ཡིག་གི་རྩོམ་པ་པོ་བསྟན་འཛིན་བརྩོན་འགྲུས་གཅིག་པོ་མ་གཏོགས་མི་འདུག་ཟེར་བ་ཞིག་དེ་རིང་ཕ་ཡུལ་དྲ་རྒྱའི་གསར་འགྱུར་ལ་བཀོད་འདུག དྲི་བ་འགའ་ཡོད་པ་ནི་མཐུན་ཚོགས་འདིས་༼བོད་ཀྱི་རྩོམ་རིག་སྒྱུ་རྩལ་༽གྱི་གོ་དོན་ཇི་འདྲ་ཞིག་འགྲེལ་གྱིན་ཡོད། གལ་སྲིད་མཐུན་ཚོགས་སུ་བོད་ཡིག་གི་རྩོམ་པ་པོ་མ་གཏོགས་ཚུད་ཀྱི་མེད་ན་གོང་གིི་མཐུན་ཚོགས་དེ་རྒྱལ་སྤྱིའི་པན་གྱི་ཡན་ལག་ཞིག་ཡིན་པས་༼པན་༽གྱི་སྒྲིག་འཛུགས་དང་མཐུན་གྱི་ཡོད་དམ་ཟེར་བ་ཡིན། བོད་མི་དབྱིན་ཡིག་སོགས་སྐད་ཡིག་གཞན་གྱི་རྩོམ་པ་པོ་དང་བརྩམས་ཆོས་རྣམས་ལ་༼བོད་ཀྱི་རྩོམ་རིག་སྒྱུ་རྩལ་༽གྱི་ཁྱབ་ཁོངས་ནང་དུ་བཅུག་ན་དགེ་སྐྱོན་གང་ཡོད་དམ། གལ་སྲིད་བོད་རྒྱལ་ཁབ་ཀྱི་མི་སེར་ཡིན་པའི་དབྱིན་ཡིག་དང་རྒྱ་ཡིག་སོགས་ཀྱི་རྩོམ་པ་པོ་རྣམ་པ་བོད་རྒྱལ་ཡོངས་རྩོམ་པ་པོའི་མཐུན་ཚོགས་སུ་མ་ཚུད་ན་ཨ་རི་དང་རྒྱ་ནག་སོགས་ཀྱི་རྒྱལ་ཡོངས་རྩོམ་པ་པོའི་མཐུན་ཚོགས་སུ་འཛུལ་དགོས་སམ། ཡང་ན་བོད་རྒྱལ་ཡོངས་དབྱིན་ཡིག་སོགས་རྩོམ་པ་པོའི་མཐུན་ཚོགས་ལྟ་བུའི་སྐད་ཡིག་རེ་ལ་མཐུན་ཚོགས་རེ་འཛུགས་དགོས་པ་ཞིག་རེད་དམ། འདིར་རང་ཉིད་མཐུན་ཚོགས་སུ་འཛུལ་འདོད་པ་དང་མཐུན་ཚོགས་གསར་པ་ཚུགས་འདོད་པ་རྩ་བ་ནས་མིན།
བོད་པས་རྒྱ་གར་མར་བཙན་གཡེམ་གྱི་ཐོག་མ།
བདུན་ཕྲག་འགའི་ཡར་སྔོན་ཝྭར་ཎའི་གཙུག་ལག་སློབ་གྲྭ་ཆེན་མོའི་སློབ་དཔོན་ཞིག་་ གིས་ཝྭར་ཎའི་ས་གནས་རྒྱ་གར་གྱི་བུ་མོ་ལོ་ན་བརྒྱད་སོན་པ་ཞིག་ལ་བཙན་གཡེམ་བྱས་ པར་བརྟེན་སློབ་དཔོན་དེ་ད་ལྟ་ཉེན་རྟོག་པས་འཇུ་བཟུང་བྱས་ཡོད་པ་དང་ཉུང་མཐའ་ལོ་ བཅོ་ལྔ་ནས་ཉི་ཤུའི་བར་བཙོན་འཇུག་བྱ་སྲིད་པ་རེད་ཅེས་ས་གནས་ཀྱི་རྒྱ་གར་ཚགས་ པར་ཐོག་ཐོན་ཡོད་པ་རེད་འདུག འདས་ པའི་མི་ལོ་ལྔ་བཅུའི་རིང་བོད་པ་བཙན་བྱོལ་བ་ཚོར་རྒྱ་གར་གྱི་ས་ཐོག་ནས་རང་དབང་ དང་དྲོད་ཁོལ་ཐོབ་པ་ཉུང་ཉུང་ཞིག་གཏན་ནས་མ་ཡིན་ནའང་།བསམ་ཤེས་མི་ཐོངས་པའི་ཡུལ་ མིའི་ཕོ་གསར་རེ་ཟུང་གིས་བོད་པའི་བུ་མོ་དང་ཨ་ནེ་མང་པོ་ཞིག་ལ་བཙན་གཡེམ་བྱས་ ཤིང་ཁོ་མོ་ཚོའི་ལུས་སེམས་ཀྱིས་མྱངས་པའི་སྡུག་བསྔལ་དེ་མི་སུས་ཀྱང་རྟོགས་དཀའ་ བ་ཞིག་ཡིན་མིན་ལ་མ་བལྟས་པར་ང་ཚོ་ བོད་པ་ལ་མཚོན་ན་རྒྱ་གར་ནི་ཧ་ཅང་བཀའ་དྲིན་ཆེན་པོ་ཡིན་སྟབས་ད་ལོ་ང་ཚོ་གཞུང་ དམངས་གཉི་གས་རྒྱ་གར་ལ་ཐུགས་རྗེ་ཆེ་ཞུ་བའི་ལས་རིམ་སྣ་ཚོགས་ཤིག་སྒྲིག་བཞིན་ པའི་སྐབས་འདིར་ཝྭར་ཎའི་གཙུག་ལག་སློབ་གྲྭ་ཆེན་མོའི་སློབ་ དཔོན་ཞིག་གིས་གནས་ཀྱི་རྒྱ་གར་བུ་མོ་ལོ་ན་བརྒྱད་ལ་སོན་པ་ཞིག་ལ་བཙན་གཡེམ་བྱས་…
ཁ་མཆུ་འཛུགས་གི་ཡིན།
བེ་རི་འཇིགས་མེད་ལགས། ཉེ་ཆར་ཁྱེད་རང་གིས་དྲ་ཐོག་བཀོད་པའི་རྩོམ་རིག་གི་འཕེལ་རིམ་དང་ཞན་ཆའི་སྐོར་གྱི་རྩོམ་དང་ཆུ་སྒང་གི་ལོ་རྒྱུས་འབྲི་སྟངས་ལ་ངས་མི་མཐུན་པའི་བསམ་ཚུལ་ཅི་ཡོད་དོན་ཚན་རིམ་པ་བྱས་ནས་རྒྱུ་མཚན་དང་བཅས་ཏེ་གསལ་བོར་བཀོད་ཡོད། དེ་ཡང་གང་ཟག་སྒེར་ལ་དགའ་མི་དགའི་ཐོག་ནས་བརྗོད་མེད། ངའི་རེ་བར་ཁྱེད་རང་གིས་ཀྱང་རང་གི་རྩོམ་ལ་འགན་ཞིག་ཁྱེར་ནས་དྲ་ཐོག་གི་མཁས་དླུན་ཚང་མའི་མཉམ་བགྲོ་གླེང་འཁྲུགས་པོ་ཞིག་བྱེད་གི་རེད་བསམས་སོང་ཡང་། ཁྱེད་ཀྱིས་ཁྱི་རྒན་ཚོས་ཁྱི་སྐྱག་བཏང་རྗེས་སྣོམས་ཙམ་བྱས་ནས་འགྲོ་བ་དེ་བཞིན་རང་རྩོམ་ཁྱི་སྐྱག་བཞིན་བདག་མེད་དུ་གཡུགས་སོང་། ངས་ཉིན་འགར་སྒུག་པ་ཡིན་ཏེ་ཁྱེད་རང་ཝ་མོ་ཁུང་དུ་འཛུལ་བ་བཞིན་ཕྱི་ལ་དོན་མ་སོང་། དེ་ཡིན་ན་ངས་ཀྱང་ཝ་མོ་དུད་པས་བདུག་ནས་ཕྱིར་འདོན་དགོས་མ་མཆིས། བར་སྐབས་རིང་དྲ་ཁང་དུ་འཛུལ་རྒྱུའི་གོ་སྐབས་རེག་མ་སོང་། ཧང་སངས་པ་ཞིག་ལ་ང་མེད་ཤུལ་དུ་ཁྱོད་ཡོང་ནས་ཚིག་གྲུབ་གསུམ་བཞི་ཞིག་བྲིས་ནས་མི་ལ་ཡ་ལ་དཀྲིས་ཏེ་མི་དཀར་དཀར་ལ་ཞྭགནག་པོ་གཡོགས་རྩིས་བྱས་འདུག་ག གཅིག ་་ མདའ་མཚན་པ་ལྟ་བུའི་ཨ་ མྱེས་རྨ་ཆེན་བོད་ཀྱི་རིག་གཞུང་གི་ལྟེ་གནས་གལ་ཆེ་དེ་ འདྲ་གཏོར་རྒྱུའི་བློ་ཁོག་ཡོད་མཁན་་ ཞེས་པ་དང་།…
༄༅། །སྔགས་པ་གོས་དཀར་ལྕང་ལོ་ཅན་གྱི་སྡེ་ལ་བསྔགས་པའི་གཏམ་སྤྲིན་གྱི་རོལ་མོ།
གསེར་ཆོས་ནས།
ཨོཾ་བདེ་ལེགས་སུ་གྱུར་ཅིག
༡༽ རྒྱལ་ཀུན་གསུང་གི་རྣམ་པར་སྤྲུལ་པ་འོད་མཐའ་ཡས་པའི་ཐུགས་ཀ་ནས། །
ཧྲཱི་ཡིག་དམར་པོ་དྭངས་མའི་མཚོ་ལ་འཕོས་པའི་མཚན་དཔེའི་ལང་ཚོ་ཅན། །
མཐུ་སྟོབས་ནུས་པས་འཇིགས་རྟེན་འདི་རུ་ཐུབ་པའི་བསྟན་པ་གསལ་བར་བྱས། །
ཁྱད་པར་གངས་ལྗོངས་འགྲོ་བའི་མགོན་གཅིག་མཚོ་སྐྱེས་རྡོ་རྗེས་རྟག་སྐྱོངས་ཤིག །
༢༽ དེ་རིང་ངས་ནི་ཕ་མེས་བཟང་པོའི་ཆོས་ལུགས་ཤིག་གི་འཕེལ་འགྲིབ་བསམ། །
དེ་རིང་འདི་ན་གངས་ཅན་བོད་པའི་མི་རིགས་ཤིག་གི་ལས་དབང་བསམ། །
དེ་རིང་འདི་ཕྱི་གཉིས་གར་ཕན་པའི་དམ་པའི་ལྷ་ཆོས་སྐྱོབ་ཐབས་བསམ། །
དེ་རིང་ཉེན་ཁ་ཤིན་ཏུ་ཆེ་བའི་བོད་ཀྱི་མི་རིགས་སྤེལ་ཐབས་བསམ། །
༣༽ དེ་ཕྱིར་སྔོན་བྱོན་དམ་པའི་གསུང་དང་འགལ་བ་མེད་པའི་ལམ་ལུགས་གཅིག །
གངས་ཅན་བོད་པའི་མི་རིགས་ཆེན་མོ་གྲངས་མེད་འཕེལ་བའི་ཐབས་ལམ་གཉིས། །
འཛམ་གླིང་ཤར་ནུབ་མི་ཡི་སེམས་ལ་ཤིན་ཏུ་འགྲིག་པའི་ཆོས་ལུགས་གསུམ། །
དུས་དང་མཐུན་པའི་ཆོས་ལུགས་འདི་ནི་གོས་དཀར་ལྕང་ལོ་ཅན་ལ་ཡོད། །
༤༽ སྟོན་པ་ཤཱཀྱའི་འཁོར་གྱི་ནང་ན་རབ་བྱུང་ལས་ཀྱང་ཁྱིམ་པ་མང་། །
སོ་སོར་ཐར་པའི་སྡོམ་པའི་རྟེན་ལ་གླིང་གསུམ་སྐྱེས་པ་བུད་མེད་དགོས། །
སྟོན་པའི་འཁོར་ན་ལྷ་དང་ལྷ་མིན་མི་མ་ཡིན་པ་ཤིན་ཏུ་མང་། །
སྤྱན་གཟིགས་ཕྱག་རྡོར་འཇམ་པའི་དབྱངས་སོགས་ལྕང་ལོ་རལ་བས་སྐུ་རྒྱབ་ཁེབ། །
༥༽ སྔོན་དུས་རྒྱ་གར་འཕགས་པའི་ཡུལ་ན་གྲུབ་ཆེན་བརྒྱད་ཅུ་ལ་སོགས་དང་། །
བོད་འདིར་རྙིང་མའི་རྗེང་འབངས་ཕལ་ཆེར་གཏེར་ཆེན་བརྒྱད་རྩའི་མང་ཆེ་བ། །
གཞང་ཡང་སོ་ཟུར་གནུགས་གསུམ་བརྒྱུད་འཛིན་སྔགས་རིག་འཛིན་པའི་གྲུབ་ཆེན་མང་། །
ད་ལྟའི་བར་དུ་སྲོལ་བཟང་འདི་ཉིད་ཕྱོགས་ཀྱི་ཐ་གྲུ་ཀུན་ཏུ་ཁྱབ། །
དེ་ལས་མང་བ་། “༄༅། །སྔགས་པ་གོས་དཀར་ལྕང་ལོ་ཅན་གྱི་སྡེ་ལ་བསྔགས་པའི་གཏམ་སྤྲིན་གྱི་རོལ་མོ།” »
༧གོང་ས་མཆོག་ཐའེ་ཝན་དུ་འབྱོར་བ།
༧གོང་ས་མཆོག་དེ་རིང་ཐའེ་ཝན་དུ་འབྱོར་འདུག་ལ། ཐའེ་ཝན་མང་གཙོ་ཚོགས་པས་ཐེངས་འདིར་༧གོང་ས་མཆོག་ཐའེ་ཝན་ནང་ཕེབས་པ་དེ་རྒྱ་གཞུང་ལ་བཀག་འགོག་བྱེད་པའི་དབང་ཆ་མེད། ཅེས་བརྗོད་འདུག བྷི་བྷི་གསར་ཁང་གིས་དེ་རིང་གནས་ཚུལ་སྤེལ་བ་ལྟར་ན། ཉེ་ཆར་ཐའེ་ཝན་དད་ལྡན་མང་ཚོགས་གཙོས། དམངས་གཙོ་ཚོགས་པ་དང་དྲག་རླུང་གནོད་འཚེ་ཐེབས་ཡུལ་མི་མང་གིས་རེ་སྐུལ་དང་གསོལ་འདེབས་ཞུས་ཡོད་པ་བཞིན། ༧གོང་ས་མཆོག་ལ་ཐའེ་ཝན་གཞུང་ངོས་ནས་ཆིབས་བསྒྱུར་གྱི་མཆོག་མཆན་གནང་ཡོད་པ་མ་ཟད། དེ་རིང་ཞོགས་པའི་ཆུ་ཚོད་ ༡༠ ཡས་མས་སུ་༧གོང་ས་མཆོག་ཐའེ་ཝན་ནང་ཞབས་སོར་བདེ་བར་འཁོད་ཡོད་པ་དང་། ཞབས་སོར་འཁོད་མ་ཐག་ཐའེ་ཝན་ལྷོ་ཕྱོགས་ཀྱི་གནོད་འཚེ་ཐེབས་ཡུལ་དུ་ཆིབས་བསྒྱུར་བསྐྱངས་ཏེ་དེར་ཡོད་ས་གནས་མི་མང་ལ་འཚམས་གཟིགས་གནང་ཡོད་པ་རེད། འཕྲོས་ བོད་ཀྱི་དུས་བབ་ཏུ་གཟིགས་རོགས།
༧གོང་ས་མཆོག་ཐེ་ཝན་ལ་ཆིབས་བསྒྱུར་གནང་རྒྱུ་རེད།
སི་ཨེན་ཨེན་དང་དུས་བབ་གསར་ཤོག་ཏུ་གནས་ཚུལ་སྤེལ་བ་ལྟར་ན། ༧གོང་ས་མཆོག་ཟླ་འདིའི་ཚེས་ ༣༠ རེས་གཟའ་ཉི་མ་ཉིན་ཐེ་ཝན་དུ་ཕེབས་འབྱོར་གནང་རྒྱུ་ཡིན་པ་དང་། དེར་ཆོས་ཕྱོགས་ཀྱི་མཛད་རིམ་བསྐྱངས་རྒྱུ་ཡིན་པ་རེད་འདུག གནས་ཚུལ་ཞིབ་གསལ་གཤམ་གྱི་འབྲེལ་ཐག་ན་འདུག http://edition.cnn.com/2009/WORLD/asiapcf/08/28/taiwan.dalai.lama/#cnnSTCVideo
