འདུལ་བ་མ་ཤེས་འདུལ་བསྟན་ཅི་ལྟར་བསྲུང་། །
འདུལ་བ་མ་གླེང་འདུལ་བ་ཅི་ལྟར་ཤེས། །
འདུལ་བ་མ་བྲིས་འདུལ་བ་ཅི་ལྟར་སྤེལ། །
འདུལ་བ་མ་རྙོག་འདུལ་སྡོམ་ཅི་ལྟར་བཟོ། །
འདུལ་བ་གླེང་སློང་འདུལ་དཀྲུག་ཡིན་གྱུར་ན། །
འདུལ་བའི་གཞུང་ལ་སློབ་སྦྱོང་བྱེད་ཞོར་དུ། །
འདུལ་བའི་ཆོས་རྩོད་བྱེད་པའི་དགེ་སྦྱོང་དག །
འདུལ་བསྟན་དཀྲུག་པའི་དྭངས་མར་ཅིའི་མི་འགྱུར། །
འདུལ་བའི་སྲུང་མཚམས་ཞིབ་ཅིང་ཕྲ་བ་དེ། །
འདུལ་འཛིན་རྣམ་པར་སྐད་ཆ་དྲིས་པ་དང་། །
འདུལ་བ་སྲུང་དཀའི་གནས་ལུགས་བརྗོད་པ་དེ། །
འདུལ་བསྟན་དཀྲུག་པའི་སྐད་ཆ་ཡིན་དོགས་མེད། །
༄། །མདུན་བསྐྱོད་དགོས་ན་བློས་གཏོང་གྱིས།།
འཆམ་ར་དྲི་མེད་རྒྱལ་མཚན།
—————–
༄། །མདུན་བསྐྱོད་དགོས་ན་བློས་གཏོང་གྱིས།།
༈ གཡག་ཀོ་རྙིངཔའིི་ཡོལ་ལའི་རྒྱབ་ནས་རུལ་སུངས་ཀྱི་དྲི་ངད་འཐུལ་དུས་རྟོགས་སད་པ་གང་ན་ཡོད།
ཁ་བྱང་གི་འགྲེལ།
༡། ཡར་རྒྱས་ཀྱི་ཚེ་སྲོག་ནི་སྐྱོན་འཚང་ཐེར་འདོན་ཡིན་ལ། སྐྱོན་འདོན་གྱི་ཕོད་པ་ནི་ལྷག་བསམ་ཀྱི་སྟོབས་ཤུགས་ལ་རག་ལས་ཡོད།
དེ་ཡང་རྒྱ་ཁྱོན་གྱི་ངོ་གདོང་ལ་མ་ལྟོས་པའི་ཚོགས་པ་ཞིག་དང་སྒྲིག་འཛུགས་གཅིག་གི་རྩ་བའི་དམིགས་ཡུལ་གྱི་འདེལ་ཁ་ནི། མེད་པ་ནས་ཡོད་པ་དང་། མཐུས་ཚང་ནས་འཕེལ་རྒྱས། གསར་གཏོད་ནས་སྲ་བརྟན་ཏེ། མདོར་ན་ཡོད་ཚད་ཀྱི་དམིགས་འདུན་མཐའ་ཐུག་ནིི་ཁེ་ཕན་བསྒྲུབ་རྒྱུར་གཏད་ཡོད། དེ་འདྲའི་འཛུགས་བསྐྲུན་གྱི་ཐོག་མའི་ཆ་རྐྱེན་ནི་ལྟོས་གྲུབ་ཀྱི་ལས་གཉེར་བའི་མི་སྣ་རེ་རེའི་ངོས་ནས་ཚད་བཟུང་མེད་པའི་བྱ་སྤྱོད་ལ་གལ་ཆེན་རང་བཞིན་ལྡན་པའི་འགན་ཁུར་དགོས་པ་དེ་རེད། ལྡོག་ཕྱོགས་ནས་བཤད་ན་སྤྱི་ཚོགས་ཚང་མའི་ནང་ལ་ནང་སྙིང་ནས་གསོན་ཤུགས་ཀྱི་ཟུང་ཁྲག་འཇིབ་པའི་ལྐོག་གཡེང་པ་དང་། ཕྱི་ཤུན་འཐུག་པའི་རུལ་སུངས་ཅན་ཡོང་དང་ཡོང་བཞིན་པ་ལྟར། དེ་འདྲའིམི་མངོན་པའི་ཚུལ་གྱི་གཏོར་བཅོམ་རིངས་ལུགས་པ་དེ་ཚོ་ཕམ་ཉེས་བཏང་བ་ལ། གོ་རིམ་ལྡན་པའི་རྒོལ་རྡུང་ནི་སྤྱི་ཚོགས་དེ་མཐོར་འདེགས་ལ་ཕྱོགས་པའི་བྱ་བ་རླབས་ཆེན་ཞིག་ཡིན།
ཀ་ཁའི་སྒྲུང་།
གཡང་སྐྱབས་རྒྱལ། ——- ཀ་ན་རེ། “ད་ང་ཉོབ་གི་འདུག སྐྱིད་པོ་མི་འདུག” ཁ་ན་རེ། “སྐུ་ངོ་གང་གནང་སོང་།” ཀ་ན་རེ། “ང་ལུང་པ་འདི་ལ་སྐྱིད་པོ་མི་འདུག ཚ་བ་ཆེན་པོ་འདུག” ཁ་ན་རེ། “སྐུ་ངོ་རང་སྐུ་ངོ་རེད། དེ་དོན་དག་ཆུང་ཆུང་རེད། འགུལ་ཙམ་བྱས་ན་བསམ་དོན་ཚང་མ་འགྲུབ་གི་རེད།” ཀ་ལུང་པ་གཞན་ཞིག་ཏུ་འབྱོར།…
ཆར་ལིའི་སི་སྒྲར་བེན།(Charles Darwin) ༼འཕྲོས།༽
རྔ་བ་རྒྱལ་ཁམས་པ།
————-
ལེའུ་དང་བོ།
མྱུལ་ཞིབ་འཆར་གཞི།
སྐུ་ཞབས་སྒྲར་བེན་མཆོག་ནམ་རྒྱུན་ལེགས་སྤྱར་སོགས་ྐློག་སྦྱོང་གི་ཚོགས་གྲར་འཇུག་པ་ལས། བྱ་ཤང་ཤང་ཏེའུ་སོགས་སྲོག་ཆགས་རིགས་ལ་མེ་མདའ་འཕེན་རྩེད་གནང་བར་དགའ་མོས་ཆེ་བར་བཤད་ཅིང་། སྤྱི་ལོ༡༨༣༡ལོར་གོང་གསལ་སློབ་ཆེན་མཐར་ཕྱིན་ཏེ། གཙུག་ལག་སློབ་ཆེན་ཨང་རིམ་དང་བོ་ཆོད་མཁན་གྱི་ཕྱག་འཁྱེར་བཞེས། སྐབས་དེ་ཤེད་ནས་སྙན་གྲགས་ཅན་གྱི་སློབ་སྤྱི་ས་ཁམས་རིག་པའི་མཁས་པ་ཨ་སྒྲམ་དང་། རྩི་ཤིང་རིག་པའི་མཁས་པ་ལྗོན་རྣམ་གཉིས་དང་གྲོགས་འབྲེལ་བཟང་བོ་བསྒྲིགས་ཤིང་། རང་ཉིད་ཀྱི་ཐུགས་འདུན་ལྟར་མུ་མཐུད་བྲག་རྡོ་དང་། ས་གཏེར། སྲོག་ཆགས། རྩི་ཤིང་སོགས་ཀྱི་ཐད་སློབ་གཉེར་ཞིབ་འཇུག་བྱས། སྤྱིར་ན་སྐུ་ཞབས་སྒྲར་བེན་མཆོག་གི་སྔ་རོལ་དུ་འཇིག་རྟེན་རིམ་འབྱུང་རིག་པའི་སྐོར་ལ་བསམ་གཞིགས་གཏོང་མཁན་མང་བོ་ཞིག་བྱུང་བ་དང་། ལྷག་པར་ཁོང་གི་སྐུ་དུས་སུ་རང་ཉིད་ཀྱི་ཨ་མྱེ་ཨ་ར་སི་མ་སི་མཆོག་གིས་བརྩམས་པའི༼ཟོས་ནོ་མེ་པ༽ཞེས་པའི་དཔེ་ཆ་དང་། སྤ་རན་སིའི་རང་བྱུང་ཁམས་རིག་སྨྲ་བ་ལྗེན་བྷེབ་ཁྲེ་སི་གྲིའི་ལ་མར་ཁི་མཆོག་གིས་ཐོག་མར་ཚན་རིག་གི་བསམ་བློའི་ལྟ་བ་བརྗོད་བྱར་བྱས་པ༼རྫུ་འཕྲུལ༽དུ་འབོད་པའི་གཞུང་བརྩམས་པ། དུས་ཕྱིས་༼སྲོག་ཆགས་ཀྱི་མཚན་ཉིད་རིག་པ༽ཞེས་འབོད་པ་དེ་ཉིད་དང་། ས་ཁམས་རིག་པའི་མཁས་པ་སྐུ་ཞབས་རོ་བྷིར་གྲི་ཆམ་བྷིར་སི་མཆོག་གིས་བརྩམས་པའི༼རང་བྱུང་ལོ་རྒྱུས་བཞེངས་སྐྲུན་གྱི་རྐང་རྗེས༽ཞེས་པ་སོགས་དཔེ་ཆ་མང་བོའི་ནང་། འཇིག་རྟེན་རིམ་འབྱུང་གི་ཐད་བསམ་གཞིགས་བྱས་ཡོད་སྟབས། ཁོང་རིམ་འབྱུང་རིག་པའི་བསམ་བློ་བ་ཐོག་མ་དེ་མིན་པར་གསལ་མོད། ཁོང་གིས་གོང་གི་གཞུང་ལུགས་དེ་དག་ལ་བརྟེན་ནས་རིམ་འབྱུང་ཇི་ལྟར་བྱུང་བའི་སྐོར་གྱི་རིག་པའི་རྣམ་བཤད། གཞན་ལས་ཁྱད་འཕགས་དོན་དངོས་ཀྱི་བདེན་དཔང་ཡོད་པ་དེ་འདྲ་ཞིག་བཏོད་ཐུབ་བྱུང་ཡོད་ལ།
དེ་ལས་མང་བ་། “ཆར་ལིའི་སི་སྒྲར་བེན།(Charles Darwin) ༼འཕྲོས།༽” »
ཆུ་ངོགས་ཀྱི་མཛེས་མ།
རྔ་བ་རྒྱལ་ཁམས་པ། ——— སེར་ནག་་སྐྲ་ཡི་ཉག་མ་དག་ནི་རྒྱབ་ཤ་སྒྲིབ་བྱེད་ཡོལ་བ་འདྲ།། དྭངས་གསལ་སྤྱན་རས་གཡོ་བའི་རྣམ་འགྱུར་སྤོབས་པ་ཆེ་ཞིང་བློ་རིག་གྲུང་།། ཞལ་ཁྱིམ་གཙང་ཞིང་ཡིད་འོང་མཆུ་སྒྲོས་འདོད་པའི་གླུ་ཡི་བྲག་ཆ་སྙན།། གོས་ཆེན་དཀར་པོའི་ནུ་ཁེབ་འོག་ན་དུང་གི་ནུ་མ་ལྷུག་ལྷུག་འདར།། འཕོང་ཚོས་མཐོ་ཞིང་སྐེད་པ་ཕྲ་མོ་ལྟེ་བུག་གསེར་གྱི་གདུབ་གོར་ཅན།། གསེང་ཁེབ་འོག་ན་གབ་པའི་ཆུང་འདྲིས་ཞིམ་མདོག་ཧ་ཅང་ཆེ་བར་སྣང་།། ཡིད་འོང་བུ་མོའི་ལང་ཚོའི་འཇིག་རྟེན་འཚོ་བའི་ཁྲོད་ཀྱི་སྦྲང་རྩི་ཉིད།།
ཀ་རྩོམ་གླང་མཇེ་ས་གཤགས།
ཀླུ་སྨྱོན།
ཀ་བ་ལྟ་བུར་མཇེ་གོག་ལངས་པའི་དུས། །
ཁ་དང་བཤང་དང་སྟུ་ལ་བསྣུན་གྱུར་ན། །
ག་ལེར་རང་གི་སྡོམ་པ་ཤོར་སོང་བས། །
ང་ཡི་ཆོས་གྲོགས་དག་གིས་གཟབ་པར་མཛོད། །
ཅ་རིལ་ལྟ་བུའི་གླིག་རིལ་ངར་བའི་དུས། །
ཆ་རྒྱུས་ཡོད་མེད་ཞི་མོ་ཀུན་ལ་ཅེར། །
ཇ་ཤིང་ལྟ་བུའི་མཇེ་གོག་མིན་རྒྱུ་ན། །
ཉ་མ་ཚ་བོ་སྒོམ་བཞིན་ཤི་ལེ་མིན། །
སྡོམ་པའི་ལྕགས་སྒྲོག་ཆད་པའི་གླུ།
ཀླུ་སྨྱོན་ཧེ་རུ་ཀ
བཅོམ་ལྡན་འདས་ཀྱིས་སྡོམ་པ་བསྲུངས་ཞེས་འདུལ་བའི་གཏམ་རྒྱུད་ནང་དུ་གསུངས། །
ཉན་ཐོས་འདི་ཡི་སྡོམ་པ་ཤོར་ཞེས་དེ་ཡང་འདུལ་བའི་ནང་དུ་བྲིས། །
ཅུང་ཟད་རེར་ཡང་འདི་མི་ཆོག་དང་དེ་མི་ཆོག་ཅེས་སྡོམ་མཛད་པའི། །
སྡོམ་པའི་ལྕགས་ཐག་དགུ་སྒྲིལ་རྡུང་བའི་སྡོམ་བརྩོན་ཤྰཀྱ་ཐུབ་པར་འདུད། །
བུ་མོ་ཞིག་ལ་སེམས་པ་ཤོར་ན་སྡོམ་པ་ད་དུང་ཡོད་དམ་མེད། །
ཞི་ལི་ཞིག་ལ་ལག་པས་རེག་ན་སྡོམ་པ་ད་དུང་ཡོད་དམ་མེད། །
རྒྱུ་ནོར་ཞིག་ལ་ཧམ་སེམས་སྐྱེས་དུས་སྡོམ་པ་ད་དུང་ཡོད་དམ་མེད། །
མེད་ན་ས་སྟེང་འདི་ཀོ་སྡོམ་ཤོར་ལུང་པ་གང་གིས་གང་ནས་འདུག །
མོ་སྡོམ་ཡོད་ན་སྡོམ་པ་ཡོད་ཚེ་ང་ལ་སྡོམ་པ་ཡོད་པ་འདྲ། །
བྱང་སྡོམ་མེད་ན་སྡོམ་པ་མེད་ཚེ་ང་ལ་སྡོམ་པ་མེད་པ་འདྲ། །
སྔགས་སྡོམ་མེད་ན་སྡོམ་པ་མེད་ཚེ་ང་ལ་དེ་ཡང་མེད་པ་འདྲ། །
སྡོམ་གསུམ་མཉམ་དུ་རྒྱ་མར་བཀྱགས་ན་ང་ལ་སྡོམ་པ་མེད་པ་འདྲ། །
སྡོམ་པ་ཟེར་བའི་སྡོམ་སྤྱད་འདི་ཡིས་འཁོར་བའི་ནང་དུ་རྐང་ལག་བསྡམས། །
སྡོམ་པ་ཟེར་བའི་སྡོམ་སྤྱད་འདི་ལ་རུལ་རྒྱུ་ཡོད་ན་རུལ་སོང་ཟིག །
ལྕགས་ཐག་གསེར་ཐག་གང་གིས་བསྡམས་ཀྱང་རྐང་ལག་རྐྱོང་དབང་མེད་པ་ལ། །
གཅིག་པ་ཡིན་པས་དེ་རིང་ནས་བཟུང་སྡོམ་པའི་འོག་ནས་འབུད་ན་འདོད། །
བྱིས་པ་སྣབས་ལུག་སྡོམ་པས་བཅིངས་ནས་ཀ་ར་ཞིམ་པོ་རྐུ་ཐབས་བྲལ། །
གསར་བུ་རྫིག་པོ་སྡོམ་པས་བསྡམས་ནས་གསར་མོ་མཛེས་མར་རྒྱོ་ཐབས་ཟད། །
གསར་མོ་འདོད་ལྡན་སྡོམ་པར་འཇིགས་ནས་གསར་ཡག་སྔུན་ན་འདར་སིག་སིག །
སྡོམ་པ་འདི་ཡིས་ལུས་ཅན་གང་དག་རང་དབང་མེད་པར་བསྡམས་ནས་འདུག །
ཐང་སན་ལམ་ཡིག་ངོ་སྤྲོད།
སྐྱེས་སར་ཀླུ་སྒྲུབ།
དེབ་འདི་རྒྱའི་བཙུན་པ་ཐང་སན་ཙང་ཕྱི་ལོའི་དུས་རབས་བདུན་པར་རྒྱ་གར་དུ་གནས་མཇལ་དང། ཆོས་འཚོལ་བར་ཕེབས་སྐབས་ལམ་བར་གྱི་གཟིགས་ཚུལ་ཡིག་འགོད་མཛད་པའི་ལམ་ཡིག་ཅིག་ཡིན་ཞིང། མིང་ལ་ཆེན་པོ་ཐང་གི་སྐབས་ནུབ་ལྗོངས་སུ་བསྐྱོད་པའི་ཟིན་བྲིས་ཟེར་བ་ལྟ་བུ་ཞིག་ཡིན་མོད། འོན་ཀྱང་ད་ཕན་བོད་ཡིག་ཐོག་གི་ལོ་རྒྱུས་ནང་ཐང་སན་ལམ་ཡིག་ཅེས་འབོད་པ་དང། ལམ་ཡིག་འདི་བོད་བསྒྱུར་བྱེད་པོ་སོག་རིགས་ལོ་ཙཱ་བ་གུང་མགོན་པོ་སྐྱབས་ཀྱིས་ཆེན་པོ་ཐང་གུར་དུས་ཀྱི་རྒྱ་གར་ཞིང་གི་བཀོད་པའི་དཀར་ཆག་ཅེས་བསྒྱུར་ཡོད།
ཆར་ལིའི་སི་སྒྲར་བེན།(Charles Darwin)
རྔ་བ་རྒྱལ་ཁམས་པ།
_______________
སྒྲར་བེན་དང་རིམ་འབྱུང་།
མགོ་བརྗོད།
ངའི་བཞུད་ལམ་དུ། ______འཚོལ་ཞིབ་ཀྱི་ཉིན་དང་པོ།
ངའི་བཞུད་ལམ་དུ།______འཚོལ་ཞིབ་ཀྱི་ཉིན་དང་པོ།
གཅན་བཟོད་རྒྱམ།
———–
1༽ཐོག་མའི་འབྲེལ་ལམ།
ཕྱི་ཟླ་7པའི་ཚེས་11ཉིན་གྱི་ཞོགས་པའི་དུས་ཚོན་དྲུག་པ་ཙམ་ལ་སྤང་(Pang)་ངམ་རྐྱང་དཀྱིལ་ཐང་ནས་ལམ་དུ་ཆས། སྣུམ་ནག་གི་གཞུང་ལམ་གྱིས་རྐྱང་དཀྱིལ་ཐང་ཞེས་པའི་ཐང་གཞུང་ཆེན་པོ་དེ་དཀྱིལ་ནས་གཤགས་ཤིང་། གཞུང་ལམ་དང་ཐག་མི་རིང་བའི་གཡས་གཡོན་གྱི་རི་རྩ་དག་ན་དུད་སྨུག་གིས་དུམ་པའི་སྦྲ་ནག་དང་ནོར་ལུག་གི་ཁྱུ་ད་དུང་ལྷོད་གྱི་ལེར་ཉལ་འདུག་ལ། སྦྲ་སྒོ་ན་སྐྱེས་པ་དང་བུ་སྨན་གང་ཡིན་གྱིས་མགོ་བོ་སྒུར་སྒུར་གྱིས་ཅི་ཞིག་བྱེད་བཞིན་པ་མཐོང་ཐུབ། ཕྱི་གླིང་བ་དག་གི་པར་ལེན་བྱད་མཆུ་རིང་རེ་ཕྱི་ལ་བཏོན་ཏེ་སྒེའུ་ཁུང་ལས་ས་གནས་དེའི་ཡུལ་ལྗོངས་དང་འབྲོག་ཁྱིམ་ཚོ་པར་ལེན་ལ་བྲལ། ངས་ཀྱང་པར་ཆས་ཆུང་ཆུང་དེ་བླངས་ཏེ་འདྲ་པར་འགའ་བླངས་པ་ཡིན།
སྔ་དྲོའི་དུས་ཚོད་11་ཙམ་ལ་གནའ་བོའི་གྲོང་ཁྱེར་ལ་དྭགས་སླེའམ་གླེ་ཞེས་པར་འབྱོར། ཕྱི་ཚེས་12་ ཉིན་ཉམས་ཆགས་སུ་གྱུར་ཅིང་ལོ་རྒྱུས་ཡིག་ཆ་དག་ན་གོ་མེད་ཚོར་མེད་དུ་གྱུར་ཟིན་ པའི་ཉར་མ་གཙུག་ལག་ཁང་གི་ལོ་རྒྱུས་རྒྱུ་ཆ་ཅུང་ཙམ་རེ་ཨེ་རག་བསམ་ནས་གྲོགས་པོ་ དགེ་འདུན་དང་ལྷན་དུ་ལ་དྭགས་གླེ་གྲོང་ཁྱེར་གྱི་ཤར་ཕྱོགས་སུ་སྤྱི་ལེ་18ཙམ་གྱི་སར་ཡོད་པའི་ཁྲིག་རྩེའམ་ཁྲིག་སེ་དགོན་པ་དང་དེའི་ཉེ་འཁོར་ཀྱི་ས་གནས་དག་ཏུ་གནས་མཇལ་ལམ་འཚོལ་ཞིབ་བྱེད་དུ་སོང་། ད་ཐེངས་ནི་ང་ཁྲིག་རྩེ་དགོན་དུ་མཇལ་ཐེངས་དྲུག་པ་དེ་ཡིན་ལ།(ཁྲིག་རྩེ་དགོན་པའི་ཆགས་རབས་མདོར་བསྡུས་གཞན་དུ་འཆད།) ཁྲིག་རྩེ་དགོན་པ་མཇལ་ཚར་རྗེས་ལ་དྭགས་ཕྱོགས་སུ་ནང་པའི་གཙུག་ལག་ཁང་གི་ཐོག་མ། མི་ལོ་སྟོང་ཕྲག་སྔོན་དུ་ཕྱག་བཏབ་པའི་ཉར་མའི་གཙུག་ལག་ཁང་ཞེས་ཡོངས་སུ་གྲགས་པའི་གནས་ཆེན་དེའི་ཕྱོགས་སུ་སོང༌། གཙུག་ལག་ཁང་འདི་ནི་ཐོག་མར་རང་རེའི་བོད་ཁ་བ་གངས་ཅན་པ་རྣམས་ལ་བཀའ་དྲིན་བླ་མཐོ་བའི་ལོ་ཙཱ་བ་རིན་ཆེན་བཟང་པོས་(ཡོངས་གྲགས་)སྤྱི་ལོ་996་ལོར་གུ་གེ་རུ་མཐོ་ལྡིང་ལྷ་ཁང་དང་པུ་ཧྲངས་སུ་ཁྭ་ཆར་རམ་འཁོར་ཆགས། མར་ཡུལ་ལ་དྭགས་ སུ་ཉར་མའི་ལྷ་ཁང་གསུམ་དུས་གཅིག་ལ་རྨང་བཏངས་པ་ནས་དུས་གཅིག་ལ་གྲུབ་སྟེ་རབ་ གནས་གནང་སྐོར་རྒྱལ་རབས་ལོ་རྒྱུས་ཆོས་འབྱུང་སོགས་ན་གསལ་བའི་གནས་ཆེན་ཉེར་མའི་ གཙུག་ལག་ཁང་གི་གནའ་ཤུལ་དེར་མཇལ། འདི་ནི་ང་རང་ཉར་མའི་གནའ་ཤུལ་དེར་མཇལ་ཐེངས་གསུམ་པ་དེ་ཡིན་ལ།
དེ་ལས་མང་བ་། “ངའི་བཞུད་ལམ་དུ། ______འཚོལ་ཞིབ་ཀྱི་ཉིན་དང་པོ།” »
ངའི་བཞུད་ལམ་དུ།
ངའི་བཞུད་ལམ་དུ།_____རོ་ཐང་ལ་སོགས་བརྒྱུད་དེ་སླར་ཡང་རྐྱང་དཀྱིལ་ཐང་དུ་སླེབས་པ།
གཅན་བཟོད་རྒྱམ།
————–
རྐྱང་ དཀྱིལ་ཐང་ནི་གླིང་གེ་སར་གྱིས་བདུད་ཨ་ཆུང་བཏུལ་བའི་སྐབས་སུ་གླིང་གི་དམག་སྒར་ བརྒྱག་ས་ཡིན་པ་དང། གནས་དེར་རྐྱང་ཧ་ཅང་མང་པོ་ཡོད་པའི་སྐོར་སྔར་ནས་བཤད་ཟིན་མོད། དེ་རིང་ཡང་བསྐྱར་ལས་དོན་ཞིག་གི་སླད་དུ་ལ་དྭགས་སུ་འགྲོ་སྐབས་རྐྱང་དཀྱིལ་ཐང་ དུ་ཞགས་འདུག་བྱ་རྒྱུའི་གོ་སྐབས་བྱུང་བས། སླར་ཡང་རང་གི་སྔར་བཀོད་སྙན་རྩོམ་ཞིག་ལས། ༼ རླངས་འཁོར་རྒྱུགས་འགྲོས་སྐྱི་སེར་རླུང་དང་བསྡེབས། །སྐད་ཅིག་ཙམ་གྱིས་རྐྱང་དཀྱིལ་ཐང་(pang)དུ་སླེབས། །གེ་སར་རྟ་ཡི་རྨིག་རྗེས་འཐོར་བ་རྙེད། །དཔའ་རྟུལ་བརྒྱད་ཅུའི་སྟོབས་རྔམ་དངོས་སུ་མཐོང༌། །༽ཞེས་པ་དེར་བསྐྱར་དྲན་ཐེངས་ཤིག་བྱས།
རི་བོ་ཞིག་གི་མིང་ཡིག་དང་རིག་གཞུང་ཞིག་གི་ཆག་འཇིག
ཉི་ཆར་ཉི་ཧོང་དུ་སྡོད་པའི་བོད་མི་དང་བོད་དོན་རྒྱབ་སྐྱོར་བ་སྐོར་ཞིག་ཉི་ཧོང་གི་རི་བོ་གྲགས་ཅན་ཧྥུ་ཇིས་ཞེས་པའི་རི་རྩེ་རུ་འཛེགས་པའི་སྐོར་གྱི་གསར་འགྱུར་ཞིག་ཨེ་ཤི་ཡའི་རང་དབང་རླུང་འཕྲིན་གྱི་དྲ་ངོས་ལས་མཐོང་ཞིང་། རླུང་འཕྲིན་ལས་ཀ་བས་མའུ་ཊ་ཕུཇི་Mt. Fujiཞེས་པའི་དབྱིན་ཡིག་དེ་རང་འཇགས་བཞག་ཡོད་ཅིང་། འདིའི་སྐབས་ཀྱི་མའུཊ་ཞེས་པ་ནི་དབྱིན་ཡིག་གི་mountainཞེས་པའི་ཚིག་དེ་ཡིན་ཞིང་། བོད་ནང་དུ་ཡང་དེ་བཞིན་ལིང་ཧྲན་དང་ཐེ་ཧྲན་ཞེས་པའི་རྒྱ་ཡིག་གི་ཧྲན་དེ་རང་འཇགས་བཞག་ཡོད་པ་ཧ་ཅང་མང་། ཕྱི་བོད་གསར་འགྱུར་བརྒྱུད་ལམ་ཁག་ཏུ་ད་དུང་ཉིག་ཡོར་ཁྲཡིམསི་New York Timesདང་ཝ་ཤིང་ཁྲོན་ཕོ་སི་ཁྲུWhashington Post། ཁྲཡེམསི་Timesདུས་དེབ་ལྟ་བུའི་དབྱིན་ཡིག་གི་སྒྲ་གདངས་རང་འཇགས་བཞག་ཡོད་པ་མང་བས། གལ་སྲིད་འདི་ལྟར་མུ་མཐུད་དེ་སོང་ན་ནམ་ཞིག་རི་བོ་དང་གྲོང་ཁྱེར། ཚགས་པར་དང་དུས་དེབ་སོགས་ཀྱི་མིང་དབྱིན་སྐད་དང་རྒྱ་སྐད་ཀྱིས་བྲིས་ཏེ་བོད་སྐད་དུ་ཅི་ཟེར་ཤེས་མཁན་དང་དོ་སྣང་བྱེད་མཁན་དག་རིམ་གྱིས་མི་དམིགས་སྟོང་བའི་དབྱིངས་སུ་རྒྱས་འདེབ་པར་འགྱུར་བ་གདོན་མི་ཟའོ།། ཨེ་རླུང་གསར་འགྱུར་འདིར་ཡོད། http://www.rfa.org/tibetan/otherprograms/newsanalysis/tibetan-activists-make-peace-prlgrimage-up-japan-mt-fuji-08232009150809.html
བསིལ་པོ་བྱོས་ལ་བོད་པའང་བྱོས།
ཐེའུ་རང་བིང་གུ། པདྨ་ཚེ་དབང་ཤཱསྟྲིས་བསྒྱུར།
————————–
ངའི་མི་ཚེའི་ནང་དུ་ང་རང་ད་ལྟ་ལས་གཞོན་པ་ཞིག་ཡིན་ན་ཅི་མ་རུང་སྙམ་པའི་གོ་སྐབས་དཀོན་པོ་འགའ་ཞིག་བྱུང་། དེ་ཡང་རྒྱུན་དུ་བློ་འགྱོད་དང་། རང་ཁྱིམ་དྲན་པའི་ཡིད་གདུང་འདྲེས་མ་ཞིག་གིས་དེ་ལྟ་བུའི་སྙིང་པོ་མེད་པའི་སེམས་ཚོར་གྱི་རྗེས་སྙེགས་པ་ཡིན། ད་ལྟ་ཀོ་ཕི་ཚོང་ཁང་ཞིག་གི་ནང་དུ་བསྡད་དེ་གཡུ་འབྲུག་བོད་ཕྲུག་རོལ་དབྱངས་ཚན་པས་རྨི་ལམ་ཞེས་པའི་གླུ་གཞས་གཏོང་བ་མཐོང་སྐབས་ང་ཡང་སྐྱར་སེམས་ཚོར་དེ་དག་གིས་མནན་བྱུང་། ངས་ང་རང་གཞོན་ནུ་ཡིན་སྐབས་འདི་རིགས་མྱོང་ཚོར་བྱ་རྒྱུ་བྱུང་ཡོད་ན་ཅི་མ་རུང་བསམས། ང་རང་པེ་ཅིང་དུ་མཐོ་སློབ་སློབ་མ་གཞོན་ནུ་ཞིག་ཡིན་སྐབས་བསིལ་པོ་དང་། བོད་པ་ཞིག་དུས་མཉམ་དུ་བྱེད་པའི་གོ་སྐབས་ཤིག་ཐོབ་ཡོད་ན་ཅི་མ་རུང་སྙམ།
དེ་དུས་ང་རང་སུ་ཞིག་བྱེད་འདོད་པའི་འདུན་པ་ཕྱིར་མངོན་བྱེད་རྒྱུར་དཀའ་ལས་བྱུང་། ད་ལྟ་ཕྱིར་བལྟ་བྱེད་སྐབས། ངས་བསིལ་པོ་དང་བོད་མི་ཞིག་དུས་མཉམ་དུ་བྱེད་རྒྱུའི་ལམ་ཞིག་འཚོལ་གྱིན་ཡོད་པ་མཐོང་ཐུབ། སྐབས་དེ་དུས་བོད་རྒྱ་གཉིས་ཀའི་སྐད་ལ་ བསིལ་པོ་ ཞེས་པའི་ཐ་སྙད་དེ་མེད། ཐ་སྙད་ཀྱི་གོ་དོན་གང་ཡིན་ལ་མ་ལྟོས་པར། བསིལ་བ་ཉིད་ ཅེས་པ་དེ་བོད་མི་དང་འབྲེལ་བ་ཡོད་པའི་ཁྱད་ཆོས་ཞིག་ཡིན་པ་རྒྱ་རིགས་ཚོའི་རྟོག་འཆར་ལའང་མེད། རྒྱ་ནག་གི་ཤེས་ཡོན་ལམ་ལུགས་ནང་དུ་འཚར་ལོངས་བྱུང་བའི་བོད་རིགས་གཞོན་པ་ཞིག་ལ་མཚོན་ན། ང་ཚོས་རྒྱ་རིགས་ཀྱི་རྟོག་འཆར་གྱི་ཕྱི་ལ་ཇི་ལྟར་སྡོད་དགོས་པའང་མ་ཤེས།
དགའ་ལི་ལེའོ།(Galileo)
རྔ་བ་རྒྱལ་ཁམས་པ།
ལེའུ་དང་པོ།
ལོ་ན་ཕྲ་མོའི་དུས་ཚོད།
དྲ་ངོས་ཀྱི་ཡི་གེ་བ་ཚོར་ཞུ་ཡིག་འབུལ་བ།
གཡུང་དྲུང་ཚེ་བརྟན།
ཁྱེད་རང་ཁ་བརྡ་དང་དུས་བབ་དྲ་ངོས་ཀྱི་ཡི་གེ་བཀླགས་མྱོང་མཁན་ཞིག་ཡིན་ན། ཡང་ན། ཁྱེད་རང་ཁ་བརྡ་དང་དུས་བབ་དྲ་ངོས་ལ་བསམ་ཚུལ་ཡི་གེ་འབྲི་མཁན་ཞིག་ཡིན་ན། ད་དུང༌། ཁྱེད་རང་ཁ་བརྡ་དང་དུས་བབ་དྲ་ངོས་ཀྱི་ཟིན་བྲིས་པ་ཞིག་ཡིན་ན། གཤམ་གྱི་སྐད་ཆ་འདིས། ཁྱེད་ལ་ཕོག་ཐུག་ཅིག་གཏོང་ངེས་ཡིན། དེ་ནི། ཁྱེད་རང་ཚོར་དབྱེ་མཚམས་ཤིག་ཕྱེས་ཡོད་པས་ཡིན།
ང་ནི་ཀློག་མཁན་དཀྱུས་མ་ཞིག་ཡིན། ཁྱེད་ཚོས་གང་བྲིས་པ་ཕལ་ཆེ་བ་བཀླགས་མྱོང་མཁན་ཞིག་ཡིན། ད་ནི་བསམ་ཚུལ་ཞིག་སྤེལ་འདོད་བྱུང༌། གང་ཡིན་ལབ་ན། ཁྱེད་རང་ཚོ་རྩོམ་ཡིག་འབྲི་མཁན་རེད། ང་ནི་ཀློག་མཁན་དཀྱུས་མ་ཞིག་རེད། ཡིན་ནའང༌། ཁྱེད་ཚོས་སྤེལ་བའི་རྩོམ་ཡིག་མང་པོ་ཞིག་གིས་ཀློག་པའི་ཡི་ག་འདི་ཇེ་ཆུང་ལ་གཏོང་གི་འདུག དཔེར་ན། ད་ལྟའི་ཀློག་མཁན་ཚོའི་ཁྲོད་ན་དུས་རྒྱུན་གླེང་བཞིན་པའི་གནད་དོན་གསུམ་འདུག
དང་པོ་ནི། ཁ་བརྡ་དྲ་ཐོག་གི་ཡི་གེ་བ་ཚོར་སྐད་ཡིག་གི་རྨང་གཞི་མཐུག་པོ་ཡོད་པ་དང་དུས་བབ་དྲ་ཐོག་གི་ཡི་གེ་བའི་ནང་ན་དགེ་འདུན་རབ་གསལ་དང༌། ཁ་བ་དཀར་པོ། ལུང་རིགས། བོན་བརྒྱ་བསྟན་འཛིན་རབ་རྒྱས་བཞི་པོ་མེད་པའི་དབང་དུ་བཏང་ན། བྱིས་པ་ལོ་ཆུང་གི་རྩེད་ར་ཞིག་གི་རྣམ་པ་ཙམ་ལས་གཞན་ཅི་ཡང་མི་འདུག་ཟེར་བ་འདི་རེད།
གཉིས་པ་ནི། ཁ་བརྡ་དྲ་ཐོག་གི་ཡི་གེ་བ་མང་ཆེ་བ་བལྟ་རྒྱ་དང་ཐོས་རྒྱའི་ཀློང་ན་འགྱིང་བཞིན་པ་སྐོར་ཞིག་རེད། དུས་བབ་དྲ་ཐོག་གི་ཡི་གེ་བ་ཚོ་ནི། ཐ་སྙད་ཀྱི་མུ་གེའི་ཀློང་ན་འཁྱམ་ནས་ཡོད་མཁན་དང་སེམས་ཚོར་ཙམ་སྤེལ་སྡོད་མཁན་སྐོར་ཞིག་རེད་ཟེར་བ་འདི་རེད།
གསུམ་པ་ནི། ཁ་བརྡ་དྲ་ཐོག་གི་ཡི་གེ་བ་ཚོས་གནད་དོན་ཅིག་གླེང་སློང་བྱེད་ཀྱི་འདུག དུས་བབ་དྲ་ཐོག་གི་ཡི་གེ་བ་ཚོས་སེམས་ཚོར་ཞིག་སྤེལ་ནས་བསྡད་འདུག་ཟེར་བ་འདི་གསུམ་རེད།
ལྡུམ་ར་བ།
ཋེ་ཀོར། དབྱིན་ཡིག
ཟླ་བ་གཞོན་ནུས་བསྒྱུར།
གཡོག་པོ། ཀྱེ་རྒྱལ་མོ་ལགས། ཁྱེད་ཀྱི་གཡོག་པོར་སྙིང་རྗེ་ཡོད་དམ།
རྒྱལ་མོ། ཚོགས་འདུ་གྲོལ་སོང་ལ། ངའི་གཡོག་པོ་ཚང་མ་ཆས་ཟིན། ཁྱོད་རང་ཅིའི་ཕྱིརའདི་འདྲའི་འཕྱི་བོར་ཡོང་བ་ཡིན།
གཡོག་པོ། ནམ་ཁྱེད་ཀྱིས་གཞན་དང་མཉམ་དུ་བསྒྲུབ་རྒྱུ་ཚར་ན། དེ་ནི་ངའི་དུས་སྐབས་ཡིན།
ང་རང་ཁྱེད་ཀྱི་ཆེས་མཐའ་མའི་གཡོག་པོར་ལས་རྒྱུ་ཅི་ཞིག་ལྷགས་ཡོད་མེད་འདྲི་རུ་ཡོང་བ་ཡིན།
ཀ་རྩོམ་བཤན་པའི་སྤུ་གྲི།
བེ་་རི་འཇིགས་མེད།
མ་སྨད་ཐེག་པ་མཆོག་གི་བསྟན་པ་འཛིན།།
གསང་ཆེན་རྡོ་རྗེ་ཐེག་པའི་མཛོད་ལ་དབང༌།།
རབ་འབྱམས་སྨྲ་བའི་ཆོས་གྲོགས་དགེ་བཤེས་ལགས།།
འཇིགས་མེད་ཀླ་ཀློའི་བུ་ངའི་འཕྲིན་འདིར་གསོན།།
ཀ་ཁ་ག་ངའི་མགོ་རྔ་མ་ཤེས་གོང༌།།
ཁ་དོག་དཀར་དམར་རྩོད་པའི་རིགས་ལམ་དེ།།
ག་འདྲ་ཡིན་ནམ་སྙམ་པའི་དོགས་པ་ཞིག།
ང་ཡི་སེམས་ལ་མི་ཤར་ཀ་མེད་བྱུང༌།།
ཨ་མེ་རི་ཀ རྒྱལ་བོ་མེད་པའི་འཛམ་གླིང་གི་རྒྱལ་བོ།
རྔ་བ་རྒྱལ་ཁམས་པ།
———–
གྲོང་ཁྱེར་གྱི་གྲུ་ཚུགས་ཤིག་ན།
གཉའ་གནོན་གྱི་སྡུག་ཡས་མ་ཐེག་པའི་བྲན་གཡོག་གི་འདུ་ལོང་ཁྲོད།
སྙིང་སྟོབས་ཀྱི་མེ་རི་འབར་བའི་དཔའ་བོ་ཞིག
རླུང་ནག་ཚུབ་མ་ལྟར་མྱུར་བའི་རྟ་མཆོག་གི་གོང་དུ་བུད།
སྦོམ་ཞིང་འཚེར་བའི་འདར་སྐད་མཐོ་པོས།
དགྲ་བོ་དབྱིན་ཇི་ལ་ཕ་་རྒོལ་གྱི་བསྒྲགས་གཏམ་སྤེལ།
དེ་ནི་ཁ་འཐོར་གྱི་རྒྱལ་ཕྲན་དང་། དཔའ་མཛངས་ཀྱི་མི་རིགས་ཤིག
བྲན་གཡོག་ནས་འཛམ་གླིང་གི་བདག་པོ་དང་།
མུན་ནག་ནས་འོད་གསལ་གྱི་ལམ་ཆེན་དུ་བསྐྱོད་པའི་གོམ་པ་ཐོག་མ་རེད།
དེ་ལས་མང་བ་། “ཨ་མེ་རི་ཀ རྒྱལ་བོ་མེད་པའི་འཛམ་གླིང་གི་རྒྱལ་བོ།” »
དགའ་ལི་ལེའོ་དང་འཇིག་རྟེན།
རྔ་བ་རྒྱལ་ཁམས་པ།
—————
ཆེད་བརྗོད།
ཚན་འཕྲུལ་གྱི་བྱ་དངོས་ཡར་རྒྱས་ཕྱིན་པ་ལ་བརྟེན་ནས། ང་ཚོའི་འགྲོ་འདུག་སྤྱོད་གསུམ་གྱི་འཚོ་བའི་ཆ་ཤས་མང་བོ་ཞིག་གི་ཐད། སྟབས་བདེའི་མཐུན་རྐྱེན་གང་ལེགས་འཛུགས་སྐྲུན་བྱེད་ཐུབ་པ་བྱུང་ཡོད། ལྷག་པར་རྡོ་སྣུམ་བཀོལ་སྤྱོད་བྱེད་པའི་འཕྲུལ་ཆས་རིགས་དང་། ྐློག་ྐླད། རྡུལ་ཕྲན་གྱི་ནུས་པ་སོགས་གསར་གཏོད་བྱས་པ་ལས། སའི་གོ་ལའི་ཁྱོན་འདི་ཙམ་དུ་མ་ཟད། ཟླ་བ་སོགས་གཟའ་སྐར་གཞན་གྱི་ཐོག་འགྲོ་བསྐྱོད་ཐུབ་པའི་འགྲིམ་འགྲུལ་གྱི་ནུས་པ་གོང་ནས་གོང་དུ་སྤེལ་བཞིན་ཡོད། གཅིག་བྱས་ན། འབྱུང་འགྱུར་གྱི་དུས་རབས་ངེས་ཅན་ཞིག་གི་མཚམས་ནས། རང་ཅག་གི་མཁའ་དབྱིངས་དགུ་ཚུགས་ཀྱི་ངོགས་ན། ཁྱུ་ཚོགས་བྱས་པའི་གཟའ་སྐར་གྱི་གོ་ལའི་འཇིག་རྟེན་དུང་ཕྱུར་མང་བོ་ཡོད་པ་དེ་དག་ཀྱང་། ད་ལྟ་རང་རེས་སའི་གོ་ལའི་ཤར་ལྷོ་ནུབ་བྱང་གི་བར་འགྲིམ་འགྲུལ་བྱེད་བཞིན་པ་ནང་བཞིན། ཕན་ཚུན་ཐུག་ཕྲད་བཟང་ངན་གང་རུང་གི་འབྲེལ་ལམ་འཛུགས་སྲིད་པའི་དུས་ཤིག་ཤར་ལས་ཆེ། དེང་སང་ཚན་རིག་པ་དག་གིས་བྱ་དངོས་གང་རུང་ཞིག་གི་ཐོག་བརྟག་ཞིབ་བྱས་ཏེ། བདུན་ཕྲག་རེའི་ནང་དུའང་དངོས་རིགས་རྙེད་སོན་བྱུང་བའི་གསར་འགྱུར་ངོ་མཚར་ཅན་མང་བོ་ཞིག་མཐོང་རྒྱུ་ཡོད།
གངས་རིའི་མགོན།
རྔ་བ་རྒྱལ་ཁམས་པ།
རྨད་བྱུང་མཁྱེན་པའི་ཆ་ཤས་རེ་ལ་མཐའ་ཡས་ཤེས་བྱའི་དཀྱིལ་འཁོར་བཟླུམས།།
བརྩེ་ཆེན་ཐུགས་རྗེའི་འཛུམ་ཞལ་རེས་ཀྱང་སྐྱེ་དགུའི་ཡིད་ཀྱི་བརྟན་པ་ཕྲོག།
ཞབས་མཐིལ་འཁོར་ལོའི་ཕྱི་རྗེས་རེ་རེར་དགེ་ལེགས་འོད་ཀྱི་སྣང་བ་འཁྱིལ།།
རྒྱུ་དང་མི་རྒྱུའི་སྲོག་གི་ཀ་བ་དུས་མཐའི་ས་མཁན་གངས་རིའི་མགོན།།
གང་གི་རྣམ་ཐར་བུར་ཆང་ཉར་མས་ཡོངས་སྨིན་བདག་བློ་བ་ཀུ་ལ།།
མི་ཕྱེད་དད་པའི་དྲི་བཞོན་གྱིས་བསྐྱོད་སྒོ་གསུམ་འཁྲི་ཤིང་གཡོ་བའི་གར།།
རྩེན་པའི་སྙིམ་པ་འདབ་མའི་ཕོན་པོ་གནས་གསུམ་དག་ཏུ་རིམ་བཀོད་ནས།།
དུད་པའི་ཕྱག་བཅས་ཞུ་འཕྲིན་ཡིག་ཕྲེང་ཟོལ་མེད་སྦྲང་རྩིའི་དོག་པ་འགྲེམས།།
