ན་ནིང་ཞི་རྒོལ་བྱེད་མཁན་བོད་མི་གཉིས་བཙན་བྱོལ་དུ་འབྱོར་བ།
དེ་ཡང་ཕྱི་ལོ་ཉིས་སྟོང་བརྒྱད་ཟླ་བ་གསུམ་པའི་ཚེས་བཅོ་བརྒྱད་ཉིན་དཀར་མཛེས་དུ་ཆུ་ཁ་ཚང་གསེར་དགའ་གཙོས་པའི་སེར་སྐྱ་བོད་མི་སྟོང་ཕྲག་ལྷག་གིས་ངོ་རྒོལ་བྱས་པའི་སྐབས་ཞི་རྒོལ་དེའི་སྣེ་ཁྲིད་བྱེད་མཁན་རང་ལོ་བཞི་ཅུ་ཞེ་གཅིག་ཡིན་པ་མ་འདས་མགོན་པོ་དང་ལས་འགུལ་དེའི་ནང་མཉམ་ཞུགས་བྱེད་མཁན་རང་ལོ་ཉི་ཤུ་རྩ་བཞི་ཡིན་པ་བརྩི་སྲུང་དགོན་པའི་གྲྭ་ཚེ་རིང་འཇིགས་མེད་གཉིས་ད་ཆ་རྒྱ་གར་དུ་བྲོས་ཐར་ཡོད་འདུག
དེ་ལས་མང་བ་། “ན་ནིང་ཞི་རྒོལ་བྱེད་མཁན་བོད་མི་གཉིས་བཙན་བྱོལ་དུ་འབྱོར་བ།” »
ཨ་སྒོར་ཁྲི་བཞི་འདུག བོད་ལ་ཕན་པའི་བྱ་བ་གང་ཞིག་ལ་བེད་སྤྱོད་གཏོང་དགོས་མིན་བསམ་འཆར་ཤོད་རོགས
དྲ་གྲོགས་ཚོ། ངའི་ངོ་ཤེས་པ་ཨ་རིའི་རྒན་མོ་ཞིག་གིས་ཁོང་ལ་སྒོར་ཁྲི་བཞི་ཙམ་ཞིག་བོད་ཀྱི་ལས་དོན་ཡག་པོ་ཞིག་ལ་ཞལ་འདེབས་རྒྱག་རྒྱུ་ཡོད། བོད་ཕྱི་ནང་གང་ལ་ཡིན་ན་ཡང་ཆོག བསམ་འཆར་ཞིག་འདོན་རོགས་ཟེར། ཁྱེད་ཚོས་བྱས་ན། སྒོར་འདི་བྱ་བ་གང་གི་ཆེད་དུ་བེད་སྤྱོད་བཏང་ན་ལེགས་པ་འདུག་གམ
གནའ་ཤུལ་སྔོགས་འདོན་དཔྱད་ཞིབ་ཀྱིས། །གནའ་བོའི་བོད་ཀྱི་རང་ཞལ་ལྟ། །
སྤོབས་པ་མཐའ་ཡས།
—————
རང་རེའི་གནའ་བོའི་དུས་ཀྱི་ཞང་ཞུང་གི་རྒྱལ་རབས་དང་བོན་གྱི་ལོ་རྒྱུས་ཡིན་ཟེར་བ་དེ་ཚོ་གནའ་བོའི་ལོ་རྒྱུས་ཀྱི་གྲས་སུ་འཇོག་པའི་དཔང་རྟགས་ཁུངས་སྐྱེལ་འདངས་བ་ཞིག་མེད། ད་ཡོད་ང་ཚོའི་ཡིག་ཐོག་གི་ལོ་རྒྱུས་དེ་ཚོ་ཞང་ཞུང་གི་རྒྱལ་རབས་དང་བོན་གྱི་ལོ་རྒྱུས་རྒྱས་པ་ཡིག་ཆར་འཁོད་པའི་གྲས་རྣམས་དུས་རབས་བཅུ་པའི་གོང་དུ་ཡོད་པའི་དཔང་རྟགས་ཤིག་ཀྱང་རྙེད་མེད། བོན་གྱི་བཀའ་བསྟན་ཡིན་ནམ་བཀར་བརྟེན་ཟེར་བའི་གླེགས་བམ་དེ་ཚོ་ཡང་ལོ་རྒྱུས་ཀྱི་བྱུང་རིམས་དང་ནང་དོན་ཁྱད་ཆོས་གང་ཐད་ནས་དུས་རབས་བཅུ་པའི་གོང་ནས་ཡོད་པའི་ཁུངས་སྐྱེལ་མེད་སྟབས་ང་ཚོའི་བོན་ཀྱི་ལོ་རྒྱུས་དང་ཞང་ཞུང་གི་རྒྱལ་རབས་ཞིབ་འཇུག་པ་ཚོས་བོད་ཀྱི་ལོ་རྒྱུས་དང་རིག་གཞུང་གི་ཁུངས་འདེད་ཚུལ་དེ་ཡང་ལྟག་ཆུ་ཆད་པའི་རྫིངས་བུ་བཞིན་དུ་གྱུར་ཡོད། རང་རེའི་ལོ་རྒྱུས་སྨྲ་བ་ཚོས་ཡིག་ཐོག་གི་སྒྲུང་གཏམ་ལྟ་བུ་རེ་བྐླགས་ནས་ངས་འདི་དང་འདི་བྐླགས་པ་ཡིན་ཞེས་ལུང་འདྲེན་དང་ཁ་ཕོ་ག་ཚོད་བསྒྲགས་ཀྱང་སྒྲུང་གཏམ་ལ་སྒྲུང་གཏམ་གྱི་རིན་ཐང་ཞིག་དང་སྒྲུང་ྐློག་པ་པོ་ལ་སྒྲུང་ྐློག་མཁན་གྱི་རིན་ཐང་ཙམ་ལས་ཡར་འཕར་ཐུབ་ཀྱིན་མེད་པ་རེད།
འོ་ན་ཡིག་ཐོག་གི་ལོ་རྒྱུས་ལས་དེ་ཙམ་མ་གཏོགས་ཡིད་རྟོན་རུང་བ་ཞིག་མེད་ན་ད་ནི་ཡི་ཆད་ནས་སྡོད་དགོས་སམ་ཞེ་ན་རྩ་བ་ནས་མིན། དབྱིན་སྐད་དུ་ཨ་ཁེའོ་ལོ་རྗེ (Archaeology ་ཟེར་བའི་གནའ་རྫས་དཔྱད་པའི་རིག་པ་འདི་ནི་སྔོགས་འདོན་གྱི་ལམ་ནས་རྙེད་པའི་དངོས་རྫས་ལ་དཔྱད་ཞིབ་ཀྱིས་དུས་སྐབས་གང་ནས་བྱུང་བ་ངོས་འཛིན་པའི་ཐབས་ཀྱིས་དེ་དང་འབྲེལ་བའི་གནའ་བོའི་མིའི་མི་ཚེ་སྐྱེལ་སྟངས་སོགས་གསལ་པོར་ཤེས་ཐུབ་པའི་རིག་ཚན་ཞིག་ཡིན། ཐབས་ཚུལ་དེ་ལ་བརྟེན་ནས་རང་རེའི་ཕ་མེས་ཚོས་རྨི་ལམ་ཙམ་དུ་ཡང་རྨིས་མ་ཐུབ་པའི་ལོ་རྒྱུས་པའི་གསང་བ་མང་པོ་ཞིག་རྟོགས་ཐུབ་པ་བྱུང་ཡོད། འདས་པའི་མི་ལོ་བརྒྱ་དང་བརྒྱད་ཅུ་ཡས་མས་ཙམ་གྱི་ནང་དུ་གནའ་རྫས་སྔོགས་འདོན་གྱི་རིག་པ་ལ་བརྟེན་པའི་ཤེས་རྟོགས་རེ་རེས་འཛམ་གླིང་གི་མི་ཚང་མ་ངོ་མཚར་བའི་ཚོར་བས་མྱོས་པར་བྱས་པ་ཡང་ཐེངས་མང་དུ་བྱུང་། ད་ནི་འཛམ་བུ་གླིང་འདིར་ཨ་ཁེའོ་ལོ་རྗེ(Archaeology ་ཟེར་བའི་རིག་པ་འདི་དར་ནས་ལོ་རྒྱུས་ཀྱི་ལྟ་སྟངས་ཁ་ཕྱོགས་ཡོངས་སུ་བསྒྱུར་བའི་དཔེ་མཚོན་ཙམ་དུ་འོག་གི་ལོ་རྒྱུས་དུམ་བུ་ཁ་ཤས་ཤིག་འགོད་འདོད་བྱུང་།
དེ་ལས་མང་བ་། “གནའ་ཤུལ་སྔོགས་འདོན་དཔྱད་ཞིབ་ཀྱིས། །གནའ་བོའི་བོད་ཀྱི་རང་ཞལ་ལྟ། །” »
ང་ན་ནིང་ལས་ད་ལོར་སྐྲག
བོད་ནས་ལྷམ་ཀོག་གིས་་་་་་་་་་་་་་་་་་་་་་་་་་་་
ན་ནིང་ཧོར་ཟླ་དང་པོའི་ཚེས་བཅོ་ལྔའི་དགུང་མོར་གྲོགས་པོ་ཞིག་གིས་མགྲོན་འབོད་བཏང་བ་ལྟར་ང་དེ་གར་སོང་བ་ཡིན། ངེད་ ཅག་གྲོགས་པོ་འགའ་མཉམ་དུ་འཛོམས་ནས་དུས་རྒྱུན་ལྟར་གླེང་མོལ་སྣ་ཚོགས་བྱས་ནས་ སྡོད་པའི་སྐབས་སུ་མི་ཞིག་གིས་ཁ་པར་འོང་ནས་སྲང་བར་ན་འཁྲུག་རྩོད་རྒྱག་གིན་ འདུག་པའི་སྐད་ཆ་འགའ་ཐོས་མོད་ངེད་ཅག་གིས་སྣང་མེད་དུ་བསྐྱུར་ནས་མུ་མཐུད་དུ་ གླེང་མོལ་སྣ་ཚོགས་བྱས་ཏེ་བསྡད་པ་ཡིན་མོད། མཇུག་མཐར་ཕྱི་ལོག་ནས་དབུགས་ཧད་ཧད་ཀྱིས་མི་ཞིག་འོང་ནས་འཁྲུག་རྩོད་ཉོག་འཛིངས་ཡིན་པའི་རྒྱུ་མཚན་འགའ་བཤད་ན་ཡང༌། ང་ཚོ་ཅུང་མི་རློམ་པའི་ཚུལ་དུ་རང་རང་གི་གྲོགས་པོ་དག་ལ་ཁ་པར་བཏང་ནས་དྲིས་པ་ན་དོན་དེ་ངོ་མ་ཡིན་པའི་ཚུལ་མང་དུ་ལབ་བྱུང༌། དེ་ ནས་ཆུ་ཚོད་ཀྱང་བཅུ་གཅིག་ལ་སླེབས་གྲབས་བྱེད་ཀྱིན་འདུག་པས་ང་གྲོགས་པོ་གཞན་ ཞིག་དང་ལྷན་དུ་སྲང་ལམ་བརྒྱུད་ནས་འོང་སྐབས་ལམ་གྱི་གཡས་གཡོན་ཡོད་ཚད་དམག་མི་ དང་སྤྱི་བདེ་དཔོན་དམག་གིས་ཁེངས་འདུག་པས། རང་སེམས་ན་གནོང་ཅི་ཡང་མེད་མོད་མཚམས་རེར་འཇིགས་དངངས་སྐྱེས་པ་བྱུང་སོང༌། དེ་ནས་རང་གི་ཤག་ལ་འོང་ནས་མི་གཞན་ཞིག་ལ་འཁྲུག་རྩོད་དེའི་རྒྱུད་རིམ་དྲིས་པ་ཡིན། ཁོས་ བཤད་རྒྱུར་དང་པོ་ཧེ་རིགས་ཀྱི་དབུགས་ལྒང་འཚོང་མཁན་གྱི་མི་ཞིག་དང་བོད་ཀྱི་ བྱིས་པ་ཞིག་གི་རྩོད་གཞི་བྱུང་བར་རྐྱེན་བྱས་ནས་དེ་ལྟར་འཁྲུག་པ་རེད་ཟེར། མཐར་ ཉིན་རེ་ནས་ཉིན་རེར་དོན་དག་ཆུང་རིམ་ནས་ཆེ་རིམ་ལ་འཕར་ནས་ཟིང་ཆ་ཆེན་པོ་ལངས་པར་ བསྟུན་ང་ཚོར་དུས་མི་བདེ་བ་བྱུང་དོན་དངོས་དེ་ཕྱི་ནང་ཀུན་ལ་གསལ་བ་རེད།
༡༩༦༡ གསུམ་བཅུའི་དུས་དྲན་གྱི་གསུང་འཕྲིན་སོགས།
༼གོང་ས་མཆོག་གི་གསུམ་བཅུའི་དུས་དྲན་གྱི་གསུང་འཕྲིན་རྣམས་བོད་ཀྱི་དུས་བབ་གསར་ཤོག་ཏུ་ཀློག་རྒྱུ་འདུག་ལ། དེའི་གྲས་ནས་ ༡༩༦༡ ལོའི་གསུང་འཕྲིན་འདིར་བཤུ་འགོད་བྱས་ཡོད། རྒྱས་པ་རྣམས་དུས་བབ་གསར་ཤོག་གི་དྲ་རྒྱའི་འབྲེལ་ཐག་ན་ཡོད་པས་དེར་གཟིགས་འཚལ། http://tibettimes.tibethosting.com/news.php?cat=40 ༽
ཕྱི་ལོ་ ༡༩༦༡ ཟླ་ ༣ ཚེས་ ༡༠ ཉིན་མོ་འདི་ནི་རང་རེ་གངས་ཅན་བོད་ཀྱི་རྒྱལ་རབས་ནང་རྨད་བྱུང་རླབས་ཆེའི་སྙིང་པོ་ཅན་གྱི་དུས་ཚེས་ཤིག་ཡིན་ཅིང༌། དེ་ཡང་ཇི་ལྟར་ནུས་ལྡན་འབར་རྫས་ཀྱི་དངོས་པོར་མེ་ལྕེའི་བྱེད་རྐྱེན་དང་འཕྲད་པ་བཞིན། ལོ་ངོ་དགུ་ཙམ་གྱི་རིང་རྒྱ་དམར་གུང་བྲན་ཏང་གི་བཙན་དབང་གཉའ་གནོན་བཟོད་པར་དཀའ་བ་མྱོང་བཞིན་པའི་བོད་མི་མང་གི་སེམས་ཀྱི་ཚ་དྲོད་རྣམས་གུང་བྲན་བསམ་སྦྱོར་མ་རུང་པའི་བྱེད་རྐྱེན་ངན་པའི་རླུང་གིས་བསྐུལ་ནས་བོད་མིའི་སྙིང་སྟོབས་ཀྱི་མེ་ཆེན་ཀུན་ཏུ་འབར་ཏེ་ད་ནས་མི་ལོ་གཉིས་ཀྱི་གོང་ཕྱི་ལོ་ ༡༩༥༩ ཟླ་ ༣ ཚེས་ ༡༠ ཉིན་བོད་ཀྱི་རྒྱལ་ས་ལྷ་སའི་མི་མང་ནས་གུང་བྲན་ཏང་གི་བཙན་དབང་ལ་ངོ་རྒོལ་ཁྲོམ་བསྐོར་དང་འབྲེལ་རྒྱ་མི་གུང་བྲན་བོད་ནས་ཕྱིར་ལོག་ཅིག་ཅེས་པ་དང༌། བོད་ནི་རང་དབང་རང་བཙན་ཡིན་ཞེས་པའི་སྐད་སྒྲ་ཞིག་ཐོལ་བྱུང་འགོག་མེད་དུ་བསྒྲགས་ཤིང༌། དེ་འདྲའི་དྲང་བདེན་སྙིང་པོ་ཅན་གྱི་སྐད་སྒྲ་དེ་དག་འཛམ་གླིང་འདིའི་ཁྱོན་ལ་གནས་པའི་མི་ཚོགས་དུང་ཕྱུར་སུམ་ཅུར་ཉེ་བ་ཞིག་གི་རྣ་ལམ་དུ་གསལ་བར་ཐོས་པ་མ་ཟད། མི་ཚོགས་དེ་རྣམས་ཀྱི་སེམས་ལ་བོད་ཅེས་བྱ་བའི་ཡུལ་དེ་གཟུགས་ཅན་བཞིན་མངོན་དུ་གྱུར་ཏེ་ཡུལ་དེའི་གནས་ཚུལ་ལ་བརྩེ་བའི་སེམས་ཀྱིས་ལྟ་བཞིན་ཡོད་པ་རེད།
དེ་ལས་མང་བ་། “༡༩༦༡ གསུམ་བཅུའི་དུས་དྲན་གྱི་གསུང་འཕྲིན་སོགས།” »
དེ་རིང་གི་ང་།
བོད། ཤ་ཁྲག་རུས་གསུམ།
རང་ཉིད་བཅོས་མའི་བྲན་དུ་འཚུད་ཉིན་ནས།།
བཅོས་མའི་བྱེད་ལུགས་མ་གཏོགས་མི་བྱེད་པའི།།
བཅོས་མའི་རང་ལ་བལྟས་པའི་སྔ་དགོང་དུ།།
བཅོས་བསྒྱུར་བྱེད་འདོད་ཡོད་ཀྱང་དཀའ་རབས་འདུག།
དྲང་མོ་མ་གསང་ཁོག་པའི་སྙིང་གཏམ་དག།
དཀར་གཙང་ཤོག་ངོས་འབྲི་འདོད་ཆེ་ན་ཡང་།།
མི་ཡུལ་འདི་ན་རྫུ་འབག་ཤུགས་ཆེ་སྟབས།།
རྫུ་འབག་དེ་ལས་འགལ་ན་ཁེར་རྐྱང་ཡིན།།
རྒྱ་ནག་གི་ཤེས་ཡོན་སྲིད་ཇུས།
མེ་སྒྱོགས་རྒྱ་མཚོས། ————– http://www.pbs.org/wnet/wideangle/episodes/china-prep/video-full-episode/2722/ ལྟད་མོ་འདི་ལ་གཟིགས་རྗེས་ཁྱེད་རྣམ་པས་འོག་གི་དྲི་བ་དག་ལ་བསམ་བཞིགས་བྱས་ནས་བསམ་ཚུལ་ལྷུག་པོར་འདིར་གསུང་རོགས། 1. ང་ཚོ་བོད་ཕྱི་ནང་གི་བོད་མི་ཚོས་འདི་འདྲ་ཞིག་བྱ་དགོས་རྒྱུ་རེད་པས? 2. བྱ་ཐུབ་ཀྱིན་རེད་པས? 3. བྱ་འདོད་ཀྱང་མཐུན་རྐྱེན་མེད་པ་རེད་པས? ངས་ཤེས་གསལ་ལ། བཙན་བྱོལ་བོད་མིའི་ཤེས་རིག་སྲིད་ཇུས་ནི་མ་འཆི་གསན་ཐབས་ (survival strategy) ལྟ་བུ་ཞིག་དང་།…
བོད་ཆོས་ལྡན་གྱི་ཞིང་ཁམས་ཟེར་བ་སྐྱག་རྫུན་རེད།
བདེ་ཆེན་སྒྲོལ་མ།
བསམ་བློ་ཞིབ་མོ་རེ་བཏང་ན། ང་ཚོའི་མི་དམངས་ཀྱི་བརྒྱ་ཆའི་ངེས་ཅན་ཡིག་རྨོངས་བ་རེད། ཀ་ཁའི་མགོ་མཇུག་ཀྱང་མི་ཤེས་མཁན་ཞིག་གིས་སངས་རྒྱས་བཅོམ་ལྡན་འདས་ཀྱིས་གསུངས་བའི་ཆོས་ཀྱི་གོ་བ་ཞིག་ཅི་ལྟར་ལོན། ཡིན་ནའང། ང་ཚོས་ད་དུང་མཁས་བླུན་ཡོངས་སུ་ཁ་མཐུན་ནས། ཨུ་ཚུགས་ཆེན་པོས་བོད་ཆོས་ལྡན་གྱི་ཞིང་ཁམས་ཡིན་ཟེར། ངས་འདི་ལྟར་བཤད་པ་སྐྱག་རྫུན་རེད་ཟེར་གྱི་ཡོད།
དེ་ལས་མང་བ་། “བོད་ཆོས་ལྡན་གྱི་ཞིང་ཁམས་ཟེར་བ་སྐྱག་རྫུན་རེད།” »
ན་ཟུག་གི་འཁུན་སྒྲ།
དབུས་ཕྲུག་ཚེ་རིང༌།
ང་ཚོར་ལོ་ངོ་ཁྲི་སྟོང་མང་ པོའི་ལོ་རྒྱུས་ལྡན་ཡོད་ལ། ང་ཚོའི་མེས་པོ་ཚོས་འཛམ་གླིང་ནང་ཆབ་དཔལ་རིག་གསུམ་གྱི་རྩེ་མོར་བསྙེགས་ཏེ་རྒྱ་ དཀར་ནག་སོགས་རྒྱལ་ཁབ་མང་པོའི་གཉའ་བར་ཡང་ལན་མང་འཛེགས་མྱོང་ཡོད། འོན་ཀྱང་འབྱོར་བའི་མཐའ་མ་རྒུད་དུ་འགྱུར་ཞེས་པའི་རྟེན་འབྲེལ་གྱི་ཆོས་ཉིད་ འདིས། ད་ཆ་ང་ཚོ་རྒུད་པའི་མཐའ་མར་ལྷུང་སྟེ་མི་ལོ་ལྔ་བཅུར་ཁ་ཕྱོགས་ལ་ཉེ་བའི་སྐྱབས་ བཅོལ་བའི་ཁྱུ་ཚོགས་ཤིག་དང༌། མི་ཡུལ་ན་ཞི་བདེ་དང་དྲང་བདེན་གྱི་སློང་མོར་གྱུར་པའི་རླབས་ཆེན་གྱི་མི་རིགས་ ཤིག་ཡིན། ངས་ཀྱང་རང་ཉིད་བསམ་ཤེས་པ་ནས་བཟུང་བོར་མ་མྱོང་བ་ནི་སུ་ལ་ཡང་དབང་བའི་རང་དབང་ གི་ཁྱད་ནོར་ཞིག་དང༌། ལྗང་མདོག་གི་རྨི་ལམ་ལྷིང་པོ་ཞིག་གི་ཁྲོད་དྲོ་སྐྱིད་ཀྱི་ཁྱིམ་གཞི་དྲོན་མོ་ ཞིག་རྨི་བཞིན་ཡོད། འོན་ཀྱང༌། སྲིད་དབང་གཅིག་བསྡུས་རིང་ལུགས་དང༌། རང་དབང་དང་ཚེ་སྲོག་གི་གཤེད་མ་རྒྱ་ནག་དམར་པོའི་གཞུང་གིས་ལྐོག་གཡོ་ངན་ཇུས་ ཀྱི་བསམ་སྦྱོར་རེ་རེས། རང་ཅག་ཁ་བ་རི་པ་རྣམས་ཀྱི་སྙིང་ལ་བརྣགས་ཤིང༌། ལྷས་མེད་དྲི་ཡིས་དག་པའི་བོད་གངས་ལྗོངས་ཀྱི་སྣོད་བཅུད་གཉིས་ཀར་ཤོག་བུ་སྣུམ་ བཟོས་ཀྱི་དཔེ་བཞིན་ལོ་དང་ཟླ་བ། ཉིན་རེ་དང་ཚུ་ཚོད་རེ་རེར། ཆེས་གདུག་རྩུབ་ཆེ་བའི་དམར་པོའི་གྲིབ་གཟུགས་མཐུག་པོས་ཡོངས་སུ་བཏུམས་ཏེ་མོག་ མོག་པོར་གྱུར།
འདི་ལ་འགྲེལ་རྒྱག་ཐུབ་མཁན་ཡོད་དམ།
སྐར་ཆེན། རིག་པ་ནང་པར་འཆི་ཡང་བསླབ།། ཚེ་འདིར་མཁས་པར་མ་གྱུར་ཡང་།། སྐྱེ་བ་ཕྱི་མར་བཅོལ་བ་ཡི།། ནོར་ལ་རང་ཉིད་ལེན་པ་འདྲ།། ངེད་རང་སྒེར་གྱི་ངོས་ནས་ཚིགས་བཅད་འདིའི་འགྲེལ་བ་ཁ་ཤས་ཤིག་སྔ་མོ་ནས་བྐླགས་མྱོང་། ཚང་མས་འགྲེལ་རྒྱག་སྟངས་གཅིག་མཚུངས་ལྟ་བུ་ཞིག་འདུག ད་ལོར་ཡང་རྒྱལ་སྤྱིའི་རྩོམ་རིག་ཟེར་བ་དེའི་ཡིག་རྒྱུགས་མ་སླེབས་སྔོན་ལ་ཚིགས་བཅད་འདིའི་འགྲེལ་བ་དག་བསྐྱར་ྐློག་བྱས་བ་ཡིན། ད་ལོར་ངེད་ཀྱིས་བྐླགས་པ་ཙམ་མ་ཡིན་པར་ ཚིགས་བཅད་འདིའི་སྒང་ལ་སོ་སོ་སྒེར་ངོས་ནས་བསམ་བློ་བཏང་བ་ཡིན། འགྲེལ་བ་སྔ་མ་དག་གིས་ངེད་ལ་གནས་ལུགས་ཤིག་ངོ་སྤྲོད་ཐུབ་ཀྱི་མེད་པའི་རྨོངས་འཆར་བྱུང་། འོན་ཀྱང་། ཡིག་ཚད་ལ་ཚིགས་བཅད་འདི་སླེབས་འདུག་པ་མ་ཟད་ངེད་ཀྱིས་ཀྱང་མཁས་བ་དག་གིས་གང་འགྲེལ་བ་དེ་ཇི་མ་ཇི་བཞིན་བྲིས་བ་ཡིན། རྒྱུ་མཚན། ཡིག་རྒྱུགས་བལྟ་མཁན་རྣམས་ལ་ངེད་ཀྱི་རྨོངས་འཆར་ལས་གཞུང་གི་འགྲེལ་བ་རྩིས་ཆེ།…
དབྱིན་ཇིའི་གཏམ་དཔེ་འགའ།
1. དགོས་དུས་ཀྱི་གྲོགས་པོ་དེ་གྲོགས་པོ་ངོ་མ་ཡིན། ( A friend in need is a friend indeed)
དཀའ་ངལ་ཡོད་སྐབས་ཀྱི་གྲོགས་པོ་དེ་ལ་རོགས་བྱེད་མཁན་ནི་གྲོགས་ཀྱི་ཕུལ་ཡིན་ཞེས་སྟོན།
2. གང་ན་འདུན་པ་ཡོད་ན།། དེ་ན་ལམ་བུ་ཡོད།། (Where there’s a will there’s a way)
མི་གཅིག་གིས་དོན་ཞིག་དངོས་གནས་སྒྲུབ་འདོད་པ་ཡིན་ན། ཁོང་གིས་དེ་འགྲུབ་པའི་ལམ་ཞིག་རྙེད་ཐུབ་པ་དེ་སྟོན།
3. ལྟོགས་པའི་མི་དེ་ནི་ཁྲོས་པའི་མི་ཞིག་རེད། (A hungry man is an angry man)
འདོད་པ་མ་ཁེངས་པའི་མི་ཞིག་ཡིན་ན་དེ་ནི་ལས་སླ་བོར་ཁྲོ་གི་རེད་ཅེས་པའི་དོན་རེད།
4. བུམ་པ་སྟོང་པས་ལྡིར་སྒྲ་སྒྲོག། (Empty vessels make the most noise)
ཡོན་ཏན་ཆུང་ངུ་ཞིག་ལས་མེད་པའི་མི་དེ་ཚོས་རྒྱུན་དུ་ནས་སྐད་ཆ་མང་ཤོས་དེ་བཤད་ཀྱི་རེད་ཅེས་སྟོན།
༄༅། །རྒྱལ་གཅེས་དཔའ་བོ་རྣམ་ལྔའི་བསྟོད་པ་ལམ་སྟོན་མ།
གཅན་བཟོད་རྒྱམ།
———–
ཡ…..
ད་བསྟོད་ཨེ་མ་ཧོ། བསྟོད་ཨེ་མ་ཧོ།
བསྟོད་བསྟོད་བསྟོད་ལ་དཔའ་བོ་རྣམ་ལྔ་བསྟོད།
དཔའ་བོ་རྣམ་ལྔ་འདི་ཚོ་ཅིག་མ་བསྟད་མ་མཆོད་ན།
ཡ་ད་བོད་དཔའ་བོ་འདི་ཚོས་བོད་ཁ་བ་གངས་ཅན་གྱི་ལས་སྐལ་ལ་དམ་དུ་འཐམ། སྤོབས་པ་གདངས་སུ་གྱེར།
རང་སྲོག་བློས་བཏང་གིས་ཁ་ནས་བདེན་པའི་གཏམ་བཤད། ལག་གིས་རེ་བའི་དར་འཕྱར་ཏེ།
དཔའ་རྟགས་སྒང་ལ་བཞག བདེན་གཏམ་གླིང་ལ་བསྒྲགས
མཐར་རང་གི་ལུས་སྲོག་གི་རྒྱུན་བསྲིངས་སླད་ས་མཐར་འཁྱམས་འཁྱམས་ཏེ།
དཀའ་སྤྱད་མཐའ་མེད་པ་ཁྱད་དུ་བསད་ནས་རེ་བ་ཆེན་ཞིག་ཐོད་ལ་བཅིངས་ནས།
འདི་ག་རང་གི་བློ་འཁེལ་བའི་བླ་མ་དང་སྲིད་གཞུང་ཡོད་ས།
གནམ་ལ་ཉི་ཟླ་སྐར་གསུམ་གསལ་ས། ས་ལ་དུས་ཀྱི་དྲོད་གྲང་མཉམ་ས།
གོང་ན་༸རྗེ་རྒྱལ་བ་བཞུགས་པས་སེམས་སྐྱིད་ས། བར་ན་རང་གི་སྲིད་གཞུང་བརྟན་པས་ཡིད་བདེ་ས། དེའི་འོག་གི་སྣེ་ལེན་ཞབས་ཞུ་སྒྲུབ་པས་ལུས་བདེ་ས་འདི་ལ།
ཁ་ངོ་མ་ཕྱིད། རྐང་ལག་མ་ཆད་པར་འབྱོར་བ་འདི་ནི་ཨེ་མ་ཁྱོད་ཚོ་སྐལ་བ་རེ་བཟང་ཟེར་རྒྱུ།
ལགས་སོ་ལགས་སོ་ོ་ོ..།
དེ་ལས་མང་བ་། “༄༅། །རྒྱལ་གཅེས་དཔའ་བོ་རྣམ་ལྔའི་བསྟོད་པ་ལམ་སྟོན་མ།” »
དྲ་ལམ་གྱི་རྩོམ་ཡིག་དང་འགན་ཁུར་གྱི་ངོས་བཙལ་བ།
དེང་རབས་འཕྲུལ་རིག་ནི་ཉིན་རེ་བཞིན་འཕེལ་རྒྱས་འགྲོ་བཞིན་པ་དང༌། བོད་ཀྱི་སྐད་ཡིག་ལ་མཚོན་ནའང༌། འཕེལ་རྒྱས་དེ་དང་བསྡོངས་ནས་དེང་རབས་ཀྱི་བརྡ་འཕྲིན་བརྒྱུད་ལམ་ན་མངོན་པར་འཕགས་ཀྱིན་ཡོད། ལོ་ངོ་ཁ་ཤས་ནང་བོད་ཕྱི་ནང་གང་སར་བོད་ཡིག་གི་དྲ་རྒྱ་མང་པོ་གཅིག་ལས་གཉིས་ལྷག་གིས་འཕེལ་རྒྱས་སོང་ཞིང༌། འཕེལ་རྒྱས་དང་འབྲེལ་བའི་རྩོམ་ཡིག་སྤེལ་མཁན་དང༌། དེར་བསམ་ཚུལ་དང་མཆན་བུ་འགོད་མཁན་ཡང་བརྒྱ་ཕྲག་ནས་སྟོང་ཕྲག་འཚང་ཁ་ཤིག་ཤིག་གིས་འཇུག་མུས་ང་ཚོ་བརྡ་འཕྲིན་དུ་ཞུགས་པའི་གོམ་སྟབས་ཀྱི་ངོས་རེད།
བརྡ་འཕྲིན་གྱི་ཞིང་དེ་ན། བོད་དང་བོད་ཀྱི་ཆོས་དང་རིག་གཞུང༌། ཡུལ་གོམས་གཤིས་ལུགས་སོགས་ཕྱོགས་སྣ་སྒོར་མོ་ནས་གླེང་བཞིན་ཡོད་པ་དང༌། དེར་དག་བཞག་གི་བསམ་ཚུལ་སྤེལ་མཁན་ཚོས་ཀྱང་ཐུག་མེད་དུ་གླེང་གི་ཡོད་ནའང༌། དེ་དག་གི་མང་ཆེ་བས་ནི་སྨྱུག་མིང་བེད་སྤྱོད་བྱེད་པ་ལས། རང་མིང་དངོས་སུ་སྨྲས་ནས་རྩོམ་ཡིག་དང་བསམ་ཚུལ་སྤེལ་མཁན་གྱི་གྲངས་ཚད་ནི་ཧ་ཅང་ཉུང་ངུའི་ཚུལ་དུ་ཡོད། ཅིའི་ཕྱིར་སྨྱུག་མིང་སྤྱོད་ཀྱི་ཡོད་པ་ཡིན་ནམ། ཅིའི་ཕྱིར་རང་མིང་སྦས་དགོས་བྱུང་བ་ཡིན་ནམ། དྲི་བ་གཅིག་འཕྲོར་གཅིག་སླེབས་ཐེངས་རེར། དེར་ལན་གྱི་དགོས་པ་ཡོད་མེད་སྣ་ཚོགས་པ་རེད་དེ། འགྲེལ་བཤད་ཅིག་ནི་ངེས་པར་དགོས་པ་ལྟ་བུར་ཡོད།
དེ་ལས་མང་བ་། “དྲ་ལམ་གྱི་རྩོམ་ཡིག་དང་འགན་ཁུར་གྱི་ངོས་བཙལ་བ།” »
ལྷམ་བཅུ་དགུ་བ་དང་གོམས་གཤིས།
གཡང་སྐྱབས་རྒྱལ།
———-
ང་རྒྱ་གར་ལ་མ་ཕྱིན་པར་ལོ་བཅུ་ཏག་ཏག་འགྲོ་གི་འདུག ལོ་ངོ་བཅུའི་དུས་ཡུན་དེ་ཇི་ལྟར་ཕྱིན་པ་ཡང་མི་ཤེས། ཁ་སང་གི་བྱུང་བ་ཞིག་ལས་ཅི་ཡང་དྲན་རྒྱུ་མི་འདུག ཐོག་མར་ལས་ཀ་མ་རག་པའི་དཀའ་ངལ། དེ་ནས་ཡིག་ཆ་མ་འགྲིག་པའི་དཀའ་ངལ། དེ་ནས་ཁྲིམས་མཐུན་གྱི་ལས་ཀ་ཞིག་མ་རག་པའི་དཀའ་ངལ། དེ་ནས་སླར་ཡང་ཕ་ཡུལ་ཕྱོགས་སུ་འགྲོ་རྒྱུའི་ཡིག་ཆ་བཟོ་མི་ཐུབ་པའི་དཀའ་ངལ། དཀའ་ངལ་དེ་དག་གིས་ང་རྒས་བཅུག་སོང་། ད་ནི་གུང་གསེང་ཞིག་ལ་འགྲོ་རྒྱུ་དང་། དེ་ནས་སྐབས་འགྲིག་ཚེ་ངེད་ཀྱི་གྲོགས་པོ་ཞིག་གིས་ང་ལ་བཙལ་བའི་བུ་མོ་དེ་ལ་ལྟ་ཙམ་བྱེད་རྒྱུ་བཅས་ཀྱི་ཆེད་དུ་རྒྱ་གར་ལ་འགྲོ་རྒྱུའི་ཐག་གཅོད་བྱས་པ་ཡིན། ལས་ཀ་ནས་ཟླ་བ་གཅིག་ཙམ་གྱི་གུང་གསེང་བླངས་པ་ཡིན་ལ། ངའི་སྒང་གི་ལྟ་རྟོག་པས་ཀྱང་ངས་ད་བར་དུ་ལས་ཀ་ལ་ཧུར་ཐག་བྱས་པའི་ཉེར་ལེན་གྱིས་ད་ཐེངས་གུང་གསེང་སྤྲོད་རྒྱུར་དེ་ཙམ་དགག་པ་བྱས་མ་བྱུང་། ངས་དེ་ལྟར་གྲ་སྒྲིག་བྱས་ཟིན་ནས་ཅ་ལག་རྣམས་ཀྱང་དོ་ཁུག་ཆེན་པོ་གཉིས་དང་ཆུང་བ་གཉིས་བཅས་གྲ་སྒྲིག་བྱས་ཟིན་པ་ཡིན།
“ཡིད་བཞིན་ནོར་བུ། འདི་ག་རེ་རེད།” ངའི་གྲོགས་པོ་བློ་བཟང་གིས་ངའི་མདུན་གྱི་དོ་པོ་ལ་བལྟས་ནས་ཧང་སངས་སོང་། “ཁྱོད་ཚོང་ལ་འགྲོ་གི་ཡོད་དམ། ཁོ་རེ།”
མེ་མདའ་དང་ཕྲེང་བའི་བར་སྟོང་།
འཇིགས་རུང་གི་མེ་མདའ་དང་། ཞི་འཇགས་ཀྱི་ཕྲེང་བའི་བར་སྟོང་དེར། སུ་ཞིག་ས་ལ་འགྱེལ་རྒྱུ་དང་། སུ་ཞིག་རྒྱལ་བར་འགྱུར་རྒྱུ་ནི། ནམ་མཁའ་སྔོན་པོ་དེ་དང་། ས་གཞི་སྐྱ་བོ་དེ་གཉིས་ལས། སུ་གཅིག་གིས་ཀྱང་མི་ཤེས། *འདྲ་པར་དེ་དབྱིན་ཡིག་གི་timesཞེས་པའི་དུས་དེབ་གྲགས་ཅན་དེ་ལས་བཤུས།
ཆོལ་གསུམ་ལོ་རྒྱུས་འབྲི་མཚམས་བཞག་པ།༼བོད་ཀྱི་དུས་བབ་དྲ་རྒྱ་ནས་བཤུས༽
ཆོལ་གསུམ་ལོ་རྒྱུས་ཕྱོགས་སྒྲིག་གི་ལས་གཞི་མགོ་བཙུགས་ནས་ལོ་ངོ་དགུ་ཙམ་འགོར་གྱིན་ཡོད་པ་དང་། ད་ལྟའི་བར་དུ་ཡིག་ཆ་འཚོལ་སྡུད་བྱས་པ་དག་ཤོག་སྙིགས་ལ་འགྲོ་སྲིད་པར་སེམས་འཚབ་ཆེན་པོ་འདུག ཅེས་ལོ་རྒྱུས་ཕྱོགས་སྒྲིག་ཁང་འདིའི་འགན་འཛིན་འགུ་ལོག་དམ་ཆོས་དཔལ་བཟང་གིས་གསུངས་བྱུང་།
ཟླ་ ༥ ཚེས་ ༡ ཉིན་ནས་བཟུང་ཆོལ་གསུམ་ལོ་རྒྱུས་ཕྱོགས་སྒྲིག་གི་ལས་གཞི་མཚམས་དགོས་པའི་བཀའ་མངགས་པ་ལྟར། ལས་བྱེད་ཚོས་ཉིན་དེ་ནས་ལས་མཚམས་ཡོངས་སུ་བཞག་ཡོད་འདུག འདིའི་ཐད་ལོ་རྒྱུས་ཕྱོགས་སྒྲིག་གི་ལས་གཞིའི་འགན་འཛིན་འགུ་ལོག་དམ་ཆོས་དཔལ་བཟང་ལགས་ལ་བཀའ་འདྲི་ཞུས་སྐབས། ཁོང་གིས། ཆོལ་གསུམ་ལོ་རྒྱུས་ཀྱི་ལས་གཞིའི་རྨང་གཞི་བཏང་ནས་མི་ལོ་ ༩ ལྷག་འགོར་གྱིན་འདུག་ལ། རྒྱ་བལ་འབྲུག་གསུམ་དང་བོད། ཕྱི་རྒྱལ་ཁག་ཏུ་ཡིག་ཆ་ ༣༠༠ ལྷག་གི་ཁྲོད་ནས་རྒྱུ་ཆ་འཚོལ་སྡུད་དང་ཕྱོགས་སྒྲིག་བྱས་ཡོད་ལ། དེ་བཞིན་ས་ཕྱོགས་གང་སའི་རྒན་རབས་པ་ ༢༤༥ ལྷག་ལ་བཅར་འདྲི་བརྒྱུད་རྒྱུ་ཆ་འཚོལ་སྡུད་བྱས་ཡོད་པས། ད་ལྟའི་ཆར་ཕྱོགས་ཡོངས་ཀྱི་ཡིག་ཆ་བརྒྱ་ཆ་ ༧༠ ཙམ་འཚོལ་སྡུད་དང་ཕྱོགས་སྒྲིག་བྱས་ཡོད། དེའི་ཁྲོད་ནས་ད་ལྟ་དེབ་གཟིགས་སུ་དཔར་ཆོག་པ་དང་ཞུ་དག་རིམ་པ་དང་པོ་ཡང་སོང་ཚར་བ་གཅིག་ནི་བོད་ཆེན་པོའི་ཡིག་ཚང་དེབ་ཕྲེང་དང་པོ་དང་གཉིས་པ་གཉིས་ཡིན། སྤྱི་ཟླ་ ༤ ཚེས་ ༣༠ ཉིན་གློ་བུར་དུ་སྐུ་སྒེར་ཡིག་ཚང་གིས་ཕྱག་འཕྲིན་ཞིག་འབྱོར་ཏེ་ལས་མཚམས་འཇོག་དགོས་གསུངས་འདུག ཅེས་གསུངས་བྱུང་།
དེ་ལས་མང་བ་། “ཆོལ་གསུམ་ལོ་རྒྱུས་འབྲི་མཚམས་བཞག་པ།༼བོད་ཀྱི་དུས་བབ་དྲ་རྒྱ་ནས་བཤུས༽” »
གངས་ཅན་སྐྱིད་གཤོངས། དུས་རབས་ཉེར་གཅིག་གི་གནའ་བོའི་སྐུ་དྲག་གི་ཉི་མ་ལྷ་ས།
བདེ་ཆེན་སྒྲོལ་མ།
མྱི་མང་པོ་ཞིག་གིས་གངས་ཅན་སྐྱིད་གཤོངས་ལ་བསྟོད་པ་གཡག་གིས་མི་འཁྱོག་པ་རེ་བྱེད་ཞོར། རང་ཉིད་ཀྱང་གངས་ཅན་སྐྱིད་གཤོངས་ཀྱི་གནམ་འདེགས་ཀ་བ་ཞིག་ཡིན་པའི་ལབ་ཤོབ་དང་སྟོང་བསམ་བྱེད་ཀྱིན་འདུག ཡིན་ནའང་། ཁོང་ཚོས་བཤད་པ་ལ་དུངས་ཞེན་ཙམ་ལས་གནས་ལུགས་རྒྱུ་མཚན་ཡོད་མཁན་གྱི་གྲངས་ཀ་ཕལ་ཆེར་ཀླད་གོར་རེད།
ཁོང་ཚོ་མང་པོ་ཞིག་ལ་མཚོན་ན། ༧གོང་ས་མཆོག་གི་གཟི་བྱིན་དང་གངས་ཅན་སྐྱིད་གཤོངས་གཉིས་གཅིག་ཏུ་འཁྲུལ་འདུག་ལ། ལོ་རྒྱུས་ཀྱི་གངས་ཅན་སྐྱིད་གཤོངས་དང་ཁ་སང་དེ་རིང་དུས་རབས་ཉེར་གཅིག་གི་གངས་ཅན་སྐྱིད་གཤོངས་གཉིས་ཀྱི་རྐྱ་ཡང་འཁོར་མི་འདུག ཉ་དང་ཉུང་མ་མཉམ་བསྲེས་བྱས་འདུག
དེ་ལས་མང་བ་། “གངས་ཅན་སྐྱིད་གཤོངས། དུས་རབས་ཉེར་གཅིག་གི་གནའ་བོའི་སྐུ་དྲག་གི་ཉི་མ་ལྷ་ས།” »
བླ་བྲང་སློབ་ཕྲུག་གི་ངོ་རྒོལ་དང་ཁྲིན་ཅན་ཧྦའི་སྐད་ཆ།
བར་ལམ་གསར་གནས་བརྒྱུད་ལམ་ཁག་ཏུ་སླེབས་ཟིན་པ་ལྟར། ཉེ་སྔོན་ཕྱི་ཟླ་ ༤ ཚེས་༢༤ ཉིན་བསང་ཆུ་རྫོང་མི་རིགས་སློབ་འབྲིང་གི་སློབ་མ་རྣམས་ཀྱིས་རྒྱུ་གཞུང་ལ་ངོ་རྒོལ་བྱས་ཡོད་པ་དང་། དེ་ཡང་ཡེ་རྡོར་ཟེར་བ་ཞིག་ནས་༧གོང་ས་མཆོག་ལ་མཚན་སྨད་བྱས་པ་དང་། རྒྱ་ཕྲུག་གིས་བོད་ཕྲུག་མཐོ་སློབ་ཏུ་འགྲོ་མཁན་ཚོའི་ས་མིག་ལེན་གྱི་ཡོད་པ་ལ་བརྟེན་ནས་ཡིན་འདུག དེ་ལ་རྒྱ་གཞུང་གིས་༤།༢༤ དོན་རྐྱེན་ཞེས་དམ་དྲགས་ཤུགས་ཆེ་བྱས་འདུག་ཀྱང་། དེ་ནས་ཉིན་དྲུག་གི་ ཕྱི་ཟླ༤ཚེས་༣༠ཉིན་བསང་ཆུ་རྫོང་སློབ་ཆུང་གི་སློབ་མ་ཚོས་ཀྱང་ཕྱི་ལ་འགྲོ་བསྐྱོད་བྱེད་མ་ཐུབ་ཀྱང་རང་ཚོའི་སློབ་རའི་ནང་གཞུང་ལ་ངོ་རྒོལ་བྱས་འདུག ད་རུང་དེའི་སྔོན་༤།༠༩ ཉིན་གྱི་དོན་རྐྱེན་ཟེར་བ་ཞིག་ཀྱང་བྱུང་འདུག གནས་ཚུལ་འདི་རིགས་ཆེ་ཆུང་ལ་མ་ལྟོས་པར་བོད་ནང་ལ་ཡང་ཡང་འབྱུང་གི་ཡོད་པའི་སྤྱིར་བཏང་གི་གནས་ཚུལ་ཞིག་རེད་ཅེས་བརྗོད་ཀྱང་མ་ཆོག་པ་མི་འདུག་སྙམ།
ངས་དོ་སྣང་བྱུང་བ་གཙོ་བོ་ནི་ངོ་རྒོལ་གྱི་གནས་ཚུལ་དེ་མིན་པར་དེའི་སྐོར་ལ་ཀན་ལྷོ་བོད་རིགས་རང་སྐྱོང་ས་ཁུལ་གྱི་ཧྲུའུ་ཅི་ཁྲིན་ཅན་ཧྦས་བཤད་པའི་སྐད་ཆ་འདི་དག་རེད།
དེ་ལས་མང་བ་། “བླ་བྲང་སློབ་ཕྲུག་གི་ངོ་རྒོལ་དང་ཁྲིན་ཅན་ཧྦའི་སྐད་ཆ།” »
སྒྲོན་མེ་ཆེད་རྩོམ་འགྲན་བསྡུར།
༄༅། ། མཁྱེན་དཔྱོད་དང་ལྷག་བསམ་ཡངས་པའི་བཀུར་འོས་རིགས་མཐུན་རྩོམ་པ་པོ་རྣམས་ལ་ཡོངས་ཁྱབ་གསལ་བརྡ།
དམིགས་ཡུལ།
མི་ལོ་ཧྲིལ་བོ་ལྔ་བཅུ་འཁོར་བའི་བཙན་བྱོལ་བོད་མིའི་གནས་སྟངས་ལ་ཕྱིར་རྟོག་དང་མདུན་བསྐྱོད་ཀྱི་སྒོ་ནས་འབྱུང་འགྱུར་བོད་དང་བོད་ཀྱི་ཁྱད་ནོར་གྱི་ཁ་ཕྱོགས་ྋསྤྱི་ནོར་གོང་ས་སྐྱབས་མགོན་ཆེན་པོའི་དགོངས་གཞི་ལམ་སྟོན་ལྟར་དུས་བབ་དང་འཚམ་པའི་སྐྱེད་སྲིང༌། འཐུས་ཚང༌། ཡར་རྒྱས། རྒྱུན་ཐུབ་རང་བཞིན་བཅས་ཀྱི་ཁྱད་ཡོན་དང་ཕན་ནུས་ཀྱི་གྲུབ་འབྲས་གཟེངས་སུ་ཐོན་ཐབས་ལ་འདི་ག་སྒྲོན་མེ་རྩོམ་སྒྲིག་ཁང་གིས་སྒྲོན་མེ་ཆེད་རྩོམ་འགྲན་བསྡུར་ཞེས་པ་གོ་སྒྲིག་ཞུས་ཏེ། དེང་དུས་བོད་ཀྱི་ཁ་སྟབས་ཞན་པའི་གནས་སྟངས་ལ་ཆར་བ་ཆུ་གྲོགས་ཀྱི་ཚུལ་དུ་ནུས་ཤུགས་རྣམ་དག་ཅིག་འདོན་རྒྱུར་དམིགས་པ་ཡིན། དེར་བརྟེན། རིས་མེད་ཤེས་ལྡན་རྩོམ་པ་པོ་ཡོངས་ཀྱི་གཤམ་གསལ་བརྗོད་གཞི་དང་ཆ་རྐྱེན་ལས་མ་འགོངས་པའི་ཕྱོགས་སྟོན་དང་ཐབས་བྱུས། སྒྲོམ་གཞི་དང་ཁ་ཕྱོགས་བཅས་ཀྱི་གནད་འགག་གསལ་བའི་སྡིངས་ཆ་ཞིག་ཏུ་འགྱུར་རྒྱུ།
