བེ་རི་འཇིགས་མེད་དབང་རྒྱལ།
སེམས་མཐའ་མཁའ་ལ་ཟུག་པའི་ཚོར་སྙེགས་ཀློང༌།།
ས་མཐའ་རིག་པས་བསྐོར་བའི་བརྗེད་ཐོ་རིས།།
མུ་མཐའ་མེད་པའི་གནམ་སའི་བར་སྲུབས་ནས།།
ཟད་མཐའ་བྲལ་བའི་ལྟད་མོའི་སྣང་བརྙན་སྐྲུན།།
མདོ་ ཁམས་ཧོར་ཐང་ཆེན་མོའི་ཚེ་སྲོག རྩོམ་པ་པོ་བྲག་སྨོན་ཡ་མ་རཱ་ཛ། མཚན་དངོས་བྲག་འགོ་དགེ་བཤེས་ཡེ་ཤེས་འོད་ཟེར་ནི། བོད་ཕྱི་ནང་གི་མི་སྣ་མི་ཉུང་བ་ཞིག་གིས་ངོ་ཤེས་ངེས་ལ། གལ་ཏེ་ངོ་མི་ཤེས་པ་ཆ་བཞག་ནའང་མ་མཐའ་ཡང་མིང་འདི་གོ་མྱོང་སྲིད། ཁོང་ གིས་དེ་སྔོན་དེབ་གཉིས་བྲིས་ཟིན་པའི་སྒང་ལ། རང་ཉིད་ཀྱི་ལོ་རྒྱུས་ངོ་སྤྲོད་མདོ་བསྡུས་རེ་ཡོད་པ་དེ་གས་མ་འཐུས་པ་མེད་མོད། འོན་ཀྱང་དེབ་སྔ་མ་གཉིས་བཀླགས་མྱོང་མེད་མཁན་དང༌། གལ་ཏེ་ཀློག་མྱོང་ནའང་ངེས་ཤེས་གསལ་པོ་མེད་པ་ཚོའི་ཆེད་དུ། དེབ་འདིའི་མགོར་ཡང་རྩོམ་པ་པོའི་ངོ་སྤྲོད་རགས་བསྡུས་ཤིག་གླེང་འདོད་བྱུང༌།
དེ་ལས་མང་བ་། “རྩོམ་མདོ་ཁམས་ཧོར་ཐང་ཆེན་མོ་རྩོམ་པ་པོ་ངོ་སྤྲོད་མདོར་བསྡུས།” »
བདུན་ཕྲག་གཉིས་ཙམ་གྱི་གོང་དུ་ཕྲན་ལ་ ཨ་འཇམ་དབྱངས་ཚུལ་ཁྲིམས་ཀྱིས་བརྩམས་པའི་”བོད་ཁམས་ཉུལ་བ་”ཞེས་པའི་དེབ་དེ་རག་བྱུང་། དེབ་ཀྱི་ཆེ་ཆུང་དང་མཐུག་ཚད། དེ་ནས་ཇུས་འགོད་བཅས་ཀྱིས་དེང་སང་གི་འགྲུལ་བསྐྱོད་པའི་ལག་དེབ་ཅིག་ཡིན་པའི་ཚོར་སྣང་སྟེར། ཁ་ཕྱེ་ནས་བམ་ཀློག་རེ་བྱེད་དུས་འདི་ན། དེང་སང་གི་འགྲུལ་བསྐྱོད་པའི་ལག་དེབ་༼guide book༽ཅིག་དང་མི་འདྲ་བ་འགའ་ཞིག་ཡོད་ལ། དཔེར་ན། ས་ཁྲ་དང་པར་རིས་མང་པོ་མེད་ཅིང་། ཚོང་ཟོག་དང་མགྲོན་ཁང་། ལྟ་སྐོར་ཡུལ་ཁམས་ཀྱི་ངོ་སྤྲོད་སོགས་མེད་པ་རེད། འདི་ཚོ་ཡོད་ན་ཨ་འཇམ་གྱི་དེབ་འདིའི་མཐུན་རྐྱེན་ནམ་བཟང་ཕྱོགས་ཀྱི་རྣམ་པ་ཞིག་ཡིན་མིན་གོར་མ་ཆག 
(གཤམ་གསལ་ནི་ཨིན་ཌི་ཡ་ན་ནས་ནིའུ་ཡོག་བར་དུ་གོམ་བགྲོད་གནང་བཞིན་པའི་འཇིགས་མེད་ནོར་བུ་ལགས་ལ་བཅར་འདྲི་ཞུས་པ་ཡིན། ཁོང་གིས་ཉིན་རེའི་གོམ་བགྲོད་དག་དབྱིན་ཇིའི་སྐད་ནང་གཤམ་གསལ་གྱི་འབྲེལ་ཐག་ཏུ་གསལ།
འཇིགས་མེད་ནོར་བུ་ལགས་དང་སྤྱི་ཟུར་དབང་ཕྱུག་རྡོ་རྗེ་ཟུང་གིས་བོད་རང་བཙན་ཆེད་ཨ་རིའི་ཨིན་ཌི་ཡ་ན་ཨེ་པོ་ལེ་སི་གྲོང་ཁྱེར་ནས་ནིའུ་ཡོག་གྲོང་ཁྱེར་བར་རྒྱང་ཐག་མེལ་ལེ་ ༩༠༠ ཅན་གྱི་ཞི་བའི་གོམ་བགྲོད་དེ་ ཟླ་འདིའི་ཚེས་ ༡༠ ཉིན་མགོ་འཛུགས་ཞུས་ཡོད་པ་རེད།