པདྨ་ཚེ་དབང་ཤཱསྟྲི།
——–
རང་ཡུལ་གངས་ཅན་གྱི་ལྗོངས་སུ་སྲིད་པ་ཆགས་པ་ནས་བཟུང་སྟེ་རང་ཅག་གངས་ཅན་པ་རྒན་གཞོན་བར་གསུམ་ཚང་མས་རང་རང་སོ་སོའི་བསམ་བློའི་འཁྱེར་སོ་དང་། ལངས་ཕྱོགས། སྙིང་སྟོབས། ཆོད་སེམས་སོགས་ལ་ལྟོས་ཏེ་མི་ཚེའི་ནང་དམ་བཅའམ། ཁས་ལེན་ཆེ་ཆུང་དུ་མ་ཞིག་གནང་ཡོད་པ་ནི་གོར་མ་ཆགས། ལྷག་པར་དུ་ནང་ཆོས་དར་ཁྱབ་བྱུང་ནས་བཟུང་སྟེ། ཆེ་ས་ནས་འགའ་ཞིག་གིས་ཇི་སྲིད་ནམ་མཁའི་མཐའ་དང་མཉམ་པའི་མར་གྱུར་སེམས་ཅན་ཐམས་ཅད་ཐར་པ་དང་། ཐམས་ཅད་མཁྱེན་པའི་ས་ལ་འགོད་མ་ཐུབ་ཀྱི་བར་དུ་རང་ཉིད་ཚངས་མི་རྒྱ་བའི་དམ་བཅའ་གནང་བ་དང་། འགའ་ཞིག་གིས་རང་ཉིད་འཁོར་བ་དང་ངན་སོང་གི་གནས་ལས་གྲོལ་ཕྱིར་ལས་ཉོན་གྱི་གཞན་དབང་དུ་མི་གཏོང་བའི་དམ་བཅའ་གནང་བ། འགའ་ཞིག་གིས་རང་ཉིད་མངོན་མཐོ་ལྷ་མིའི་གོ་འཕང་ཐོབ་ཕྱིར་དགེ་བ་བཅུ་སྒྲུབ་པ་དང་། མི་དགེ་བཅུ་སྤོང་བའི་དམ་བཅའ་གནང་བ། འགའ་ཞིག་གིས་ཇི་སྲིད་བོད་དོན་བདེན་མཐའ་མ་གསལ་གྱི་བར་དུ་ལྷོད་སྡོད་མི་བྱེད་པའི་དམ་བཅའ་གནང་བ། དེ་བཞིན་འགའ་ཞིག་གིས་༸གོང་ས་མཆོག་གིས་ཅི་གསུངས་བཀའ་བསྒྲུབ་ཞུ་རྒྱུའི་དམ་བཅའ་གནང་བ་སོགས་དུ་མ་ཞིག་བྱུང་ཡོད།་ ཡང་འགའ་ཞིག་ལོ་ནའི་བབ་དང་། ཁོར་ཡུག་གནས་སྟངས། བསམ་བློའི་གནས་ཚད་སོགས་རྒྱུ་མཚན་དུ་མའི་རྐྱེན་གྱིས་དམ་བཅའ་གང་ཡང་མ་གནང་མཁན་ཡང་ཉུང་ཉུང་ཡིན་མདོག་ཁ་པོ་མ་རེད།
དོན་ངོ་མར་ཁ་བྲལ་དུ་གཏོང་མཁན་དེ་སུ་ཡིན།
གངས་ཉི།
བྱ་ལས་གང་ཞིག་བརྩོན་ན་ཡང་དྲིལ་བསྒྲག་ནི་བྱ་ལས་དེའི་ནུས་པ་རྒྱ་ཆེར་གཏོང་བྱེད་ཀྱི་ལག་ཆ་གལ་ཆེན་ཞིག་རེད་མོད། དྲིལ་བསྒྲག་བྱེད་སྟངས་དེ་ནམ་ཡང་བདེན་དོན་གྱི་ར་བ་ལས་བརྒལ་ཕྱིན་ནམ་ཞིག་ཁྱོད་ཀྱི་དྲིལ་བསྒྲག་དེ་ནི་ར་བཟི་བའི་ལབ་རྡོལ་བཞིན་ནུས་མེད་ཅིག་ཏུ་ཆགས་འགྲོ་བའང་ཆོས་ཉིད་ཅིག་རེད།
ད་ལོའི་ཞི་རྒོལ་འོས་ལངས་ཀི་སྐབས་སུ་རྩ་འཛུགས་ཡོད་པའི་ཁོངས་མི་སུ་ཞིག་ནང་འཛུལ་བྱས་ཏེ་མི་དམངས་ལོག་ལམ་དུ་ཁྲིད་ཅིང་ཀྲུང་དབྱང་བརྙན་འཕྲིན་ཁང་དང་། ལྷ་ས་བརྙན་འཕྲིན་ཁང་སོགས་ཀྱིས་གནས་ལུགས་རྒྱབ་གཏོད་དང་དྲང་བདེན་རྡོག་རྫིས་ཀྱིས “ཁ་བྲལ་བོད་པ” ཞེས་བོད་མི་སྤྱི་ལ་སྡུག་དམོད་བྱས་པ་ཐལ་དྲགས་པ་འདིས། ནམ་ཡང་སོས་དཀའ་བའི་རྨ་ཁ་ཟབ་མོ་ཞིག་ཕྱོགས་གཉིས(བོད་རིགས་དང་རྒྱ་རིགས་གཉིས།།) ཀར་བཟོས་ཡོད་པས་ན་ད་ནི་རྒྱ་རིགས་སྤུན་ཟླ་བོད་ལ་མི་དགའ་བ་ཞིག་དང་། བོད་རིགས་སྤུན་ཟླ་རྒྱ་ལ་སྡང་བའི་བསམ་ཕྱོགས་ཤིག་ཀྱང་རང་ཤུགས་ཀྱིས་ཐོན་པར་བྱས་སོང་། ཁོ་བོས་ནི་ནམ་ཡང་དེ་ནི་མི་རིགས་ཁ་བྲལ་དུ་འགྲོ་བའི་བྱེད་ལས་ཤིག་ཏུ་ངོས་མི་འཛིན་ཐབ་མེད་དུ་འདོད་ཀྱིན་ཡོད།
ཁ་ཆེའི་ཆོས་ལུགས་ཀྱི་ཁ་གཏད་དུ་ལངས་པའི་ཁ་ཆེའི་བུད་མེད་རྩོམ་པ་པོ་ཞིག
གནའ་ནས་ད་ལྟའི་བར་དུ་ཆོས་ལུགས་ཀྱི་ཁ་གཏད་དུ་ལངས་པའི་བུད་མེད་ཅིག་མིའི་རིགས་ཀྱི་ལོ་རྒྱུས་སྟེང་མཐོང་དཀོན་པ་དང་། ལྷག་པར་ཁ་ཆེའི་སྤྱི་ཚོགས་སུ་ཁ་ཆེའི་ཆོས་ལུགས་ཀྱི་ཁ་གཏད་དུ་འགྲེངས་པའི་ཁ་ཆེའི་བུད་མེད་ཅིག་སྐྱེས་རྒྱུ་དེ་ནི་མི་སྲིད་པའི་རྨི་ལམ་ཞིག་ཏུ་སྣང་། ཡིན་ན་ཡང་། དུས་རབས་ཀྱི་འགྱུར་ལྡོག་དང་བསྟུན་ནས་མི་རྣམས་ཀྱི་འཇིག་རྟེན་ལྟ་ཚུལ་ལ་སྔར་ལས་འགྱུར་བ་རབས་དང་རིམ་པ་ཞིག་ཕྱིན་པ་དང་། ཆོས་ལུགས་ལས་བསྟན་པའི་ཕོ་མཆོག་མོ་དམན་གྱི་ལྟ་བ་ལ་ཡིད་ཆད་པའི་མི་མོ་འགའ་རེ་རིམ་བཞིན་འཇིག་རྟེན་འདིའི་ཁུག་ཀྱོག་རེ་ནས་སྐྱེས་བྱུང་། ཁྲ་སི་ལི་ན་ན་ས་རེན་Taslina Nasreenནི་དེ་དག་གི་ཁྲོད་ཀྱི་དཔེ་མཚོན་ཞིག་ཡིན་པ་དང་། མོའི་ལོ་རྒྱུས་མདོར་བསྡུས་ནི། མོ་རང་སྤྱི་ལོ་༡༩༦༢ལོའི་ཟླ་བརྒྱད་པའི་ནང་སྔོན་ཆད་ཀྱི་ཤར་པ་ཀི་སི་ཐན་དང་ད་ལྟའི་ཆར་བྷང་ལ་རྡེ་ཤིར་འབོད་པའི་ཁ་ཆེའི་རྒྱལ་ཁབ་ཀྱི་མ་ཡེ་མེན་སིང་ཞེས་པའི་གྲོང་གསེབ་ཀྱི་ཁ་ཆེའི་ཁྱིམ་ཚང་ཞིག་ཏུ་སྐྱེས།
དེ་ལས་མང་བ་། “ཁ་ཆེའི་ཆོས་ལུགས་ཀྱི་ཁ་གཏད་དུ་ལངས་པའི་ཁ་ཆེའི་བུད་མེད་རྩོམ་པ་པོ་ཞིག” »
༄༅།། བོད་རྩིས་གཅིག་གྱུར་བྱེད་ཐབས།
རིག་པའི་རྡོ་རྗེ།
ཨ་རིའི་རྒྱལ་ས་ཝ་ཤིན་ཀྲོན་གྱི་ཨེ་ཤ་ཡ་རང་དབང་རླུང་འཕྲིན་ཁང་གི་རང་དབང་གླེང་སྟེགས་ཀྱི་ལེ་ཚན་གཙོ་འཛིན་པ་སྟག་ལྷ་རྒྱལ་གྱིས་ཁ་པར་ཐོག་བཅར་འདྲི་གནང་བ།
དྲི་བ།༽ དུས་འཁོར་སྐར་རྩིས་དང་རྒྱ་ནག་ཞིང་རྩིས་གཉིས་ལ་ཁྱད་པར་ཅི་ཞིག་ཡོད་དམ།
ལན།༽ སྤྱིར་བཤད་ལས་ཡོང་ན་ཧ་ལམ་འདྲ་བོ་ཡོད་པ་རེད། ཡིན་ན་ཡང་མི་འདྲ་ས་གཙོ་བོ་ཟླ་ལྷག་འདོན་སྟངས་དང་། དུས་གཟེར་བརྟག་ཐབས་རེད། དཔེར་ན། མདའ་རོའི་ལྷག་མར་ཐིག་ཤར་ན།། མཐའ་རུ་བཤོལ་བྱུང་གཟུགས་ཤར་ན།། དབུས་སུ་ཟླ་བཤོལ་ཐོན་པ་ཡིན།། ཞེས་གསུངས་པ་ལྟར། དུས་འཁོར་རང་ལུགས་ཀྱི་མདའ་འཕྲོའི་ཐོག་ནས་འདོན་གྱིན་ཡོད། དེ་བཞིན་དུས་གཟེར་རྣམས་ཁྱིམ་བཅུ་གཉིས་ཀྱི་ཐོག་ནས་ཐག་གཅོད་བྱེད་ཀྱི་ཡོད།
ཁམས་ལི་ཐང་ནས་བོད་མི་ ༡༦ སྐད་འབོད་བྱས་འདུག
༼གསར་འགྱུར་འདི་ནི་བོད་ཀྱི་དུས་བབ་ནས་བཤུས་པ་ཡིན།༽
འདོན་སྤེལ། ༢༠༠༩/༠༢/༡༦
དེ་རིང་སྔ་དྲོ་ཁམས་ལི་ཐང་ཁུལ་དུ་བོད་མི་ ༡༥ ཡིས་བོད་རང་བཙན་ཡིན། རྒྱལ་བ་རིན་པོ་ཆེ་བོད་དུ་གདན་འདྲེན་ཞུ་དགོས། ད་ལོ་བོད་ལ་ལོ་གསར་མེད་ཅེས་སོགས་ཞི་བའི་སྐད་འབོད་བྱས་སྟབས་རྒྱ་གཞུང་གིས་འཇུས་འདུག
དགའ་ལྡན་བྱང་རྩེ་གྲྭ་ཚང་ཕ་ར་ཁང་ཚན་གྱི་གྲྭ་བློ་བཟང་ཆོས་སྐྱབས་ཀྱིས་འདི་གར་གནས་ཚུལ་སྤྲད་པ་ལྟར་ན། ཁ་སང་གཟའ་ཉི་མའི་ཉིན་གྱི་རྒྱ་ནག་གི་ཆུ་ཚོད་ ༡༢ ཐོག འབའ་མཐའ་རྫོང་གནས་སྒོ་དགོན་པའི་གད་མོ་ཁང་ཚན་གྱི་རང་ལོ་ ༣༨ ཡིན་པ་གྲྭ་བློ་བཟང་ལྷུན་གྲུབ་ཀྱིས། ལི་ཐང་རྫོང་གི་སྲང་ལམ་ནས་༧རྒྱལ་བ་རིན་པོ་སྐུ་ཚེ་ཁྲི་ལོར་བརྟན་པར་ཤོག བོད་རང་བཙན་ཡིན། ༧རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས། བོད་མི་ཚོར་ལོ་སར་མེད་ཅེས་སྐད་འབོད་བྱས་ཡོད་འདུག གནས་ཚུལ་མཁོ་འདོན་པ་ལྟར་ན། སྐད་འབོད་བྱེད་མཁན་གྱིས་རྒྱ་ནག་གི་ཆུ་ཚོད་ ༡༢ ཐོག་སྐད་རྒྱག་དོན་ནི་རྒྱ་ནག་གི་ལས་བྱེད་ཚོའི་ཉིན་གུང་ཞལ་ལག་གི་མཚམས་སུ་ཡིན་ལ། སྐབས་འདིར་སྐད་བརྒྱབ་ན་དུས་ཡུན་རིང་ཙམ་ལ་སྐད་རྒྱག་པའི་གོ་སྐབས་རག་ཆེད་ཡིན་འདུག སྐར་མ་ཁ་ཤས་ལ་སྐད་འབོད་བྱས་རྗེས་རྫོང་ཉེན་རྟོག་པས་འཇུས་ཡོད་པ་དང༌། ཉིན་དེར་ལི་ཐང་རྫོང་གི་བཙོན་ཁང་དུ་བཀག་ཉར་བྱས་ཡོད་འདུག
སྐྲ་བཞར་ཁང་།
གཡང་སྐྱབས་རྒྱལ་གྱིས།
_______________
དེ་རིང་རེས་གཟའ་སྤེན་པ་རེད། ང་སྐྲ་བཞར་ཁང་ཞིག་ཏུ་སོང་། སྐྲ་བཞར་ཁང་དེའི་སྐྲ་བཞར་པ་རྣམས་ནི་དབྱིན་མོ་དཀར་པོ་ཤ་སྟག་རེད། ང་སྒོ་ནས་ཡར་འཛུལ། ཐོ་འགོད་ཀྱི་མདུན་ཅོག་དེའི་མདུན་ནས་ཡར་ལངས། བུ་མོ་ཞིག་འཛུམ་དང་བཅས་ཚུར་གློག་ཀླད་ཀྱི་མདུན་དེར་སླེབས།
“ཁྱེད་རང་གི་སྐྲ་བཞར་དགོས་ཡོད་དམ།”
“ལགས་ཡོད། ངའི་སྐྲ་བཞར་དགོས་ཡོད།”
“མིང་ལ་ཅི་ཟེར།” “ཁ་བྱང་དང་ཁ་པར་ཨང་གྲངས་ག་རེ་ཡིན།”
ངས་དྲི་བ་རེ་རེ་ལ་ལན་བཏབ། གུས་ཞབས་དང་བཅས་ལན་བཏབ།
“སྐར་མ་ ༢༠ ལ་སྒུག་དགོས།”
ཏུན་ཧོང་གཏེར་ཡིག་དང་རྡོ་རིང་སོགས་་ནང་ཕྲད་བཀོལ་སྟངས།
ཉེ་ཆར་ངས་ཕྲད་གི་སྐོར་གླེང་སློང་གང་འཚམས་ཅིག་བྱས་ཟིན་ཡང་ད་རུང་མཇུག་སྣེ་ཕྲད་ལ་ཐོགས་ནས་ལས་སླ་པོར་རང་ཉིད་ཕྲད་ལས་ཕྲལ་ཐབས་མི་འདུག དེ་རིང་ཁོམ་ལོང་ཅུང་ཟད་སྤྱད་ནས་ཏུན་ཧོང་གཏེར་ཡིག་ནང་གི་ར་མ་ནའི་རྟོགས་བརྗོད་བསྒྱུར་ཡིག་གི་ཕྱེད་ཙམ ཞོལ་རྡོ་རིང་ཕྱི་མ། ཀོང་མོ་དེ་མོའི་བྲག་བརྐོས་ཡི་གེ་སོགས་གནའ་རྩོམ་འགའ་ཤས་ནང་གི་ཕྲད་གི་སྐོར་རྟགས་རྒྱག་གི་རྒྱག་གི་ཕྱིན་པ་ཡིན།
ཡིག་རྙིང་འདི་ཚང་མ་ཐོན་མིས་ ་་སུམ་རྟགས་གི་གཞུང་མཛད་་ གྲུབ་པའི་རྗེས་ལ་བྱུང་བ་ཡིན་ན་ཡང་དེ་དང་མ་མཐུན་པ་མང་པོ་ཅིག་འདུག འཇུག་ཡུལ་གཅིག་པའི་ཕྲད་མང་པོ་ཅིག་གང་བྱུང་འདོད་རྒུར་བཀོལ་འདུག་པར་བལྟས་ན་ངས་ཁ་སང་དེ་རིང་གི་ཕྲད་བེད་སྤྱོད་གཏོང་སྟངས་དང་འདྲ་སེ་འདུག མི་འདྲ་ས་ནི་ང་ནང་བཞིན་གཏན་ཁེལ་བའི་ཕྲད་སྟབས་བདེ་ཅིག་མིན་པར་འདམ་གསེས་གི་རང་བཞིན་ལྡན་པའི་ཕྲད་མང་དག་ཅིག་རེད། དཔེ་བཞག་ན། ཅིག ཆིག ཞིག ཤིག ཚང་མ་མང་ཉུང་ཅིག་མ་གཏོགས་གངབྱུང་ལ་བེད་སྤྱོད་བཏང་འདུག འདིར་སུམ་ཅུ་བའི་གཞུང་དང་མི་མཐུན་པ་སྐོར་ཅིག་དཔེ་མཚོན་གི་ཆེད་བཀོལ་གི་ཡིན། དཔེར་ན། ཞོལ་རྡོ་རིང་ནང་། རྗེ་བླས་གྱྀ་རྔོ་ཐོག་པའྀ། བཀའ་གྱོད་གྱི་ཚིགས་ཅྀ་ལ་བབ་པ་ལས། རབས་ཆད་ན་རབས་ཆད་གྱི་ཁོལ་ཡུལ་དང། ཕྱི་ནང་གཉྀས་གྱི
ཤ་ཁོན་གྱི་བག་དུ་སྲོག་སྲིད་ལ། མཛད་དོ་ཅོག་དུའང་ལེགས་སྟེ། རྟག་དུ་དཔྱ་དར་ཡུག་ལྔ་ཁྲི་ཕུལ་ཏེ། ལྟ་བུའོ།
དེ་ལས་མང་བ་། “ཏུན་ཧོང་གཏེར་ཡིག་དང་རྡོ་རིང་སོགས་་ནང་ཕྲད་བཀོལ་སྟངས།” »
དེ་རིང་གི་འཛམ་གླིང་།
དེ་རིང་ནི་ ༢༠༠༩ ལོའི་ཟླ་གཉིས་པའི་ཚེས་བཅུ་གསུམ་རེད། གྷོའུ་གྷལ་གྱི་མདུན་ཤོག་ན་ཡོད་པའི་གསར་འགྱུར་དག་བམ་ཀློག་ཅིག་བྱས་པ་ཡིན། མདང་གནམ་གྲུ་ཞིག་ཨ་རིའི་ནིའུ་ཡོག་ཁུལ་དུ་བརྡབས་ནས་འགྲུལ་མི་དང་བཅས་པའི་མི་ལྔ་བཅུ་ཤི་འདུག ཨ་རིའི་སྲིད་འཛིན་གསར་པས་ཨ་རིའི་དཔལ་འབྱོར་ཉམས་ཆག་ཏུ་ཕྱིན་པ་གསོ་སླད་ཨ་སྒོར་དུང་ཕྱུར་བརྒྱད་བརྒྱ་ཙམ་གྱི་གཞུང་དངུལ་གཏོང་འཆར་ཡོད་པ་དེ་གྲོས་ཚོགས་ཀྱིས་རྒྱབ་གཉེར་ཐོབ་ལ་ཉེ་ཟེར། སོ་ནཱེ་ཟེར་བའི་བཟོ་གྲྭའི་དཀོན་མཆོག་གི་དམག་གསུམ་པ་ཞེས་པའི་གློག་ཀླད་རྩེད་མོ་ཞིག་བཟོས་འདུག
ཆོས་རྒྱམ་དྲུང་པ་རིན་པོ་ཆེ། ནང་ཆོས་ནུབ་ཕྱོགས་སུ་སྤེལ་བའི་ཐོ་རངས་སྐར་ཆེན།
ཀླུ་སྨྱོན།
(1939-1987)
ཆོས་རྒྱམ་དྲུང་པ་རིན་པོ་ཆེས་ལོ་རབས་དྲུག་ཅུ་བའི་ནང་དབྱིན་ཡིག་ཏུ་བྲིས་པའི་ཁོང་གི་སྐུ་ཚེའི་སྟོད་ཀྱི་རང་རྣམ་བོད་དུ་སྐྱེས་པ་ཞེས་པ་ཞིག་ཡོད་པ་དེ་ཨ་མདོ་བ་དེང་སྐབས་རྒྱལ་སྤྱིའི་བོད་དོན་ལས་འགུལ་ཁང་གི་ལས་བྱེད་པད་མ་དབང་རྒྱལ་གྱིས་བོད་ཡིག་ཏུ་གང་འཚམ་ཞིག་བསྒྱུར་ཡོད་ལུགས་ཐོས།
ཁོང་གི་སྐུ་ཚེ་སྨད་ཀྱི་རྣམ་ཐར་ནི་ཁོང་གི་གསང་ཡུམ་སྒྲ་ཡ་ན་སྨུག་པོ་ལགས་ཀྱིས་ལོ་ཤས་གོང་བརྩམས་པའི་དེབ་རྒན་ འབྲུག་སྒྲ། ངའི་མི་ཚེ་ཆོས་རྒྱམ་དྲུང་པ་དང་ལྷན་དུ་ ཞེས་པ་ཞིག་ཡོད་པ་དེར་གཟིགས་ན་ལེགས།
སྤྱིར་དྲུང་པ་རིན་པོ་ཆེ་འདི་བ་ཀརྨ་པ་སྐུ་ཕྲེང་བཅུ་དྲུག་པ་རིག་པའི་རྡོ་རྗེས་ངོས་འཛིན་གནང་པའི་སྤྲུལ་སྐུ་ཞིག་ཡིན་ཞིང་། ཁོང་གི་དགོན་པ་དེ་ནི་ཁམས་ཟུར་མང་བདུད་རྩི་དིལ་ཞེས་པ་དེ་རེད། ཁོང་གི་རྩ་བླ་གཅིག་ནི་གངས་ཤར་མཁན་པོ་ཞེས་པའི་སྐུ་ཚེ་དེ་ལ་རྟོགས་པ་བརྙེས་པའི་རྣལ་འབྱོར་བ་དེ་རེད། སྐྱབས་བཅོལ་ལ་ཕེབས་རྗེས་གོང་ས་མཆོག་ནས་སྐབས་དེའི་སྤྲུལ་སྐུ་ཆུང་ཆུང་ཚོའི་ཚོགས་པ་དེའི་དགེ་རྒན་དུ་བསྐོ་བཞག་གནང་འདུག ཨ་སྐོང་སྤྲུལ་སྐུ་དང་མཉམ་དུ་དབྱིན་ཡུལ་ལ་ཕེབས་ནས་སློབ་གཉེར་ཁྱུག་ཙམ་གནང་རྗེས་ཨ་རིར་ཕེབས། དང་པོར་ཝེ་ཐི་ནམ་དམག་འཁྲུག་ལ་རྒོལ་བའི་ཨ་རིའི་སྐྱིད་ཉལ་རིང་ལུགས་པ་HIPPIEཚོ་དང་མཉམ་དུ་རོ་སྙོམས་ཀྱི་སྤྱོད་པ་ཡང་གང་འཚམ་ཞིག་བསྐྱངས།
དེ་ལས་མང་བ་། “ཆོས་རྒྱམ་དྲུང་པ་རིན་པོ་ཆེ། ནང་ཆོས་ནུབ་ཕྱོགས་སུ་སྤེལ་བའི་ཐོ་རངས་སྐར་ཆེན།” »
ཀ་རྩོམ་རང་མོས་མ།
ཟླ་བ་གཞོན་ནུ། ========= ཀ་ཕྲེང་ལ་འོ་བརྒྱལ་བཟོ་དགོས་སམ ཁ་ལྕེ་འདི་སྡུག་ལ་གཏད་དགོས་སྙམ་པའི་འགལ་འདུ་ཁྲོད ག་ལེར་ལོ་མང་འགྲོགས་པའི་སྨྱུ་གུ་དེ་ལག་ཏུ་ཐོགས་དུས ང་རང འཆར་ཡན་གྱི་སྣང་བ་མོད་པོས་ཡུན་གྱིས་གཅུད་བྱུང་། ཅ་རེ་ྐླད་སྦུབས་དང་ཡིད་ཡུལ་དུ་འཁོར་འོང་བ་ནི ཆ་ཡོད་དང་མཛེས་སྡུག་གི་ཁྱེད་ཉིད་དེ ཇ་ཁའི་བྱད་བཞིན་དུ་བརྟན་པའི་འཛུམ་ཀོང་ལ ཉ་མ་ཁྲི་ཕྲག་གི་སྡུག་ཡུས་འཁྱིལ ཏ་ཀུ་ལ་ཁེན་རན་པའི་རྒན་པོ་དག་གི་མིག་ཞགས་ཀྱང ཐ་མག་དང་ཆང་རག་གིས་བསྐྱོར་ཏེ་ཁྱེད་ཉིད་ལ་ཡང་ཡང་འཕེན དྭ་ཕྲུག་ལྟར་ཁེར་འགྲོ་ཁེར་འདུག་གི་གདུང་བ་བཟོད་དམ་ཞེས ན་ཟུག་གིས་བསྟིམས་པའི་འདྲི་ཚིག་ཅིག…
སངས་རྒྱས་ཀྱི་གཟི་འོད་ནུབ་ཕྱོགས་སུ་འཕྲོས་པ།
ནུབ་ཕྱོགས་སུ་བོད་བརྒྱུད་ནང་ཆོས་དད་ལྡན་པའི་སྤྱི་ཚོགས་ཀྱི་ཁོངས་སུ་འཛུལ་མཁན་ལ་རིགས་མི་འདྲ་བ་ཁ་ཤས་ཤིག་འདུག ཡག་ཤོས་ཁག་ཅིག་ཡོད་པ་ནི་ཆོས་རྒྱམ་དྲུང་པས་བཙུགས་པའི་ནྰ་རོ་བ་མཐོ་སློབ་དང་བལ་ཡུལ་གྱི་ཆོས་ཀྱི་ཉི་མའི་བཤད་གྲྭ མཁན་པོ་ཨ་པད་ཀྱི་རྒྱལ་ཡོངས་ས་ཆེན་བཤད་གྲྭ་ལྟ་བུ་ནས་ནང་ཆོས་ཀྱི་སློབ་གཉེར་གང་འཚམ་རེ་བྱས་ནས་ནང་པའི་ཆོས་ཀྱི་སྐྱབས་འགྲོ་ནས་ཡེ་ཤེས་ཆོས་སྐུའི་བར་དུ་འགྲེལ་བཤད་གང་ལ་གང་འཚམ་རེ་རྒྱག་ཐུབ་པ་སྐོར་ཞིག་དང་། འབྲིང་རིམ་པ་དག་ནི་དང་པོར་ཡེ་ཤུའི་ཆོས་ལ་དད་པ་བྱས། དེ་ནས་ཡེ་ཤུའི་ཆོས་ཀྱིས་འདོད་པ་མ་ཁེངས་པར་ཆོས་ལུགས་གཞན་པ་ག་རེ་ཡག་པ་བསམས་ནས་རྩད་གཅོད་བཏང་བའི་མཐའ་མར་ནང་པའི་ཆོས་ཀྱིས་ཡིད་དབང་ཕྲོགས་ཏེ་ནང་པར་འཛུལ་ནས་སློབ་གཉེར་བྱེད་བཞིན་པ་ཁྱུ་ཞིག་དང་། དེ་བཞིན་དང་པོ་ནས་ཆོས་ལུགས་ཅི་ཡང་མེད་པ་དང་།
ཕྱི་སྡོད་རྒྱ་རིགས་ཤེས་ལྡན་པ་ཁག་ཅིག་གིས་བོད་དོན་ཐད་ཀྱི་ལྟ་ཚུལ་༼གསུམ་པ་༽
མང་ར་བ་གདུགས་དཀར་འབུམ།
བོད་རྒྱ་འབྲེལ་མོལ་ཐད་ཨ་རིར་བཅའ་སྡོད་རྒྱ་རིགས་ཞའོ་བེས་ལགས་ཀྱི་བསམ་ཚུལ། བོད་རྒྱ་བར་འབྲེལ་མོལ་ཐེངས་བདུན་བྱས་ཟིན། མི་འགྱངས་པར་ཐེངས་བརྒྱད་པ་དེ་བྱེད་རྒྱུ་རེད། ཡིན་ནའང༌། སྔོན་གྱི་འབྲེལ་མོལ་ཐེངས་བདུན་པོའི་གནས་སྟངས་ལ་བལྟས་ན། གུང་ཁྲན་ཏང་ལ་རྩ་བ་ཉིད་ནས་ལྷག་བསམ་མི་འདུག རྒྱུ་མཚན་ནི། ཁོ་ཚོས་བཙན་བྱོལ་བོད་གཞུང་དེ་འདྲ་མཉམ་དོ་ཟླ་ཞིག་ལ་ངེས་འཛིན་གནང་མེད། ཁོ་ཚོས་རྒྱལ་ནང་གི་ཁྱབ་བསྒྲགས་ནི་བོད་པ་འགའ་རྒྱལ་ནང་དུ་འཚམས་འདྲིར་ལོག་པ་དང༌། ཐུགས་ཁུར་གཟབ་བཞེས་གནང་བཞིན་པ་སོགས་རེད། ཁོ་ཚོས་ད་ལྟའི་བར་དུ་བཙན་བྱོལ་བོད་གཞུང་ཟེར་བའི་མིང་ཙམ་ཡང་གླེང་གི་མེད། དེ་ནི་ངས་བསམ་ན་ཆབ་སྲིད་ཀྱི་སྟེང་ནས་འདྲ་མཉམ་ཞིག་མ་རེད། དེ་མིན། བཙན་བྱོལ་བོད་གཞུང་གི་ཕྱོགས་ནས། ཁོང་ཚོ་ལྷག་བསམ་རྣམ་དག་རེད། ཀྲུང་གོའི་གནད་དོན་སྣ་ཚོགས་སེལ་ཐུབ་པའི་རེ་བ་བྱེད་བཞིན་འདུག ཡིན་ནའང༌། ཀྲུང་གོ་གུང་ཁྲན་ཏང་གི་བསམ་འདུན་ནི་གླེང་མོལ་གྱི་སྟེགས་བུའི་སྟེང༌། གླེང་མོལ་ལས་ལོག་པའི་ལས་དོན་ཞིག་ཐོབ་པའི་ཆེད་དུ་ལས། ཁོ་ཚོས་ལྷག་བསམ་རྣམ་དག་གིས་འབྲེལ་མོལ་གནང་གི་མེད།
དེ་ལས་མང་བ་། “ཕྱི་སྡོད་རྒྱ་རིགས་ཤེས་ལྡན་པ་ཁག་ཅིག་གིས་བོད་དོན་ཐད་ཀྱི་ལྟ་ཚུལ་༼གསུམ་པ་༽” »
དར་དཀར་གྱི་བརྩེ་བ།
ཟླ་བ་གཞོན་ནུ། —— མཛེས་པོའི་ལྷ་ཟླ་དཀར་པོ།། སྤྲིན་ནག་ཕག་ལ་མ་འགྲོ། གྲོགས་མེད་ཨུཏ྄ྭཔལ་སྔོན་པོའི།། འབྱེད་འཛུམ་ཁྱེད་ལ་ལྟོས་ཡོད།།
སྲིད་འཛིན་གསར་བའི་གཏམ་བཤད་དང་ཨ་རིའི་ནང་པའི་གྲངས་འབོར།
ཉེ་ཆར་ཨ་རིའི་སྲིད་འཛིན་ཁྲི་ཐོག་ཞེ་བཞི་བ་སྐུ་ཞབས་ཨོ་སྦ་མས་ཁོང་གི་སྲིད་འཛིན་དམ་འབུལ་གྱི་གསུང་བཤད་སྐབས་ཨ་རི་ནི་ཆོས་ལུགས་མང་པོ་མཉམ་གནས་ཀྱི་རྒྱལ་ཁབ་ཅིག་ཏུ་བགྲང་སྐབས་ཡེ་ཤུ་དང་རྗུའུ། ཁ་ཆེ་དང་ཧིན་སྡུ་བཞི་མ་གཏོགས་ནང་པ་མ་བགྲངས་པར་དེང་སྐབས་ཨ་རིའི་མི་སེར་ཡིན་པའི་ནང་པ་ཁག་ཅིག་གིས་རང་རང་གི་ལྟ་ཚུལ་འདོན་བཞིན་འདུག་པ་དང་། སྤྱིའི་ཆ་ནས་ཨ་རིའི་ནང་གི་ནང་པ་པའི་གྲངས་འབོར་དང་དེའི་འཕེལ་རྒྱས་དེ་ནི་འདས་པའི་ལོ་ངོ་བཅུ་གྲངས་ནང་ཆོས་ལུགས་གཞན་དག་གིས་འགྲན་མི་ཐུབ་པའི་མགྱོགས་ཚད་ཧ་ཅང་མྱུར་བོ་ཞིག་གི་སྒོ་ནས་འཕེལ་རྒྱས་སུ་ཕྱིན་ཡོད་པ་ཞིག་རེད་འདུག གཤམ་དུ་དེའི་སྐོར་རྡེག་གནོན་དང་ཞིབ་ཀློག་མཛོད། http://buddhistfaith.tripod.com/pureland_sangha/id65.html
རྒྱ་བོད་འབྲེལ་མོལ་དགུ་པ་འདི་ཡང་མགོ་འཛུགས་གྲབ་ཡོད་པ་འདྲ།
རྒྱ་བོད་ཀྱི་འབྲེལ་མོལ་དེ་ཡང་མགོ་འཛུགས་གྲབས་ཡོད་པ་འདྲ། དཔང་རྟགས་མེད། གཤམ་གྱི་གནས་ལུགས་རྣམས་ཞུ་རྒྱུ་ཡོད། ༡༽ཕ་ཡུལ་དྲ་རྒྱའི་ནང་གཟའ་འཁོར་གཉིས་ཀྱི་གོང་ལ་གསར་འགྱུར་གྱི་ནང་རྒྱ་ཕྱོགས་ནས་ཏ་ལའི་བླ་མའི་སྐུ་ཚབ་སྐད་འབོད་བྱས་པ་དང་དེར་རྒྱ་རི་མཆོག་གིས་ལས་འདེབས་བྱས་ཟེར། ཡིན་ནའི་ཉིན་གཉིས་པ་དེར་གསར་འགྱུར་དེ་བཏོན་སོང་། ཡ་མཚན་པོ་བྱུང་། ༢༽བོད་གཞུང་གི་རྒྱ་བོད་འབྲེལ་བའི་སློབ་སྟོན་གྱི་ཚོགས་ཆུང་དེ་གང་མགྱོགས་ལྡི་ལིར་འཚོག་གི་འདུག རྒྱུན་དུ་བོད་ཕྱོགས་ཀྱི་སྐུ་ཚབ་རྣམས་པེ་ཅིང་ལ་མ་འགྲོ་གོང་ཚོགས་ཆུང་དེ་འཚོག་ནས་སྐད་ཆ་གང་ཤོད་དགོས་མིན་གྲོས་བསྡུར་བྱ་སྲོལ་འདུག ༣༽ཉེ་ཆར་པེ་ཅིང་ནས་ཤེས་རྟོགས་བྱུང་བར། བོད་ཀྱི་མཁས་པ་མི་ཉུང་བ་ཞིག་དང་། བོད་རིགས་ལས་བྱེད་ཁ་ཤས་ཤིག་ཕྱི་མིར་བོད་ཀྱི་གནས་སྟངས་ངོ་སྤྲོད་བྱེད་པར་སྦྱོང་བརྡར་བྱེད་ཀྱི་འདུག་ཟེར། ཕྱི་མི་སུ་ཡོང་གི་ཡོད་དམ་ཞེས་སྐད་ཆ་འདྲི་སྐབས། འདི་བཤད་མི་རུང་ཟེར། གོང་གི་གནས་ཚུལ་རྣམས་བསྡོམས་ཡོང་དུས་ཕལ་ཆེར་རྒྱ་བོད་ཀྱི་སྐུ་ཚབ་རྣམས་ཡང་རྒྱ་ནག་ལ་སྐྱར་ཐུག་ནས་འབྲེལ་མོལ་བྱེད་རྩིས་ཡོད་ས་འདུག
འཆི་མི་སྲིད་པའི་ང་ཚོ།
ཨ་མེ་ཆ། ——— མིག་ཆུས་བཀྲུས་པའི་དུས་ཚིགས། ཁྲག་གིས་ཚེས་པའི་ས་གཞི། དགུན་ཟླ་འདི་ཇི་ལྟར་རིང་ནའང་། མི་རིགས་ཤིག་འཆི་མི་སྲིད་པའི་ངར་རྒྱལ་དང་སྤོབས་པས་བཞེངས་ཡོད། གནའ་ནས་བཟུང་དམངས་ཀྱི་སྨྲ་ལྕེ་འཕྲོག་སྟེ། ལྕགས་སྒྲོག་དང་ཁང་མིག་རེ་རེ་བཀོད་སྒྲིག་བྱས་ཡོད་ནའང་། སུས་ཀྱང་བསྲེགས་མི་ནུས་པའི་སེམས་ཁམས་རྣལ་མ་ཞིག་ཡོད་སྟབས། ང་ཚོ་བསྐལ་བ་མ་སྟོང་བར་མེ་རི་ལྟར་འབར་སྲིད། ང་ཚོ་དུས་ནས་དུས་སུ་གཙང་བོ་བཞིན་བརྡོལ་སྲིད། 08/02/2009 05:55:40AM
རིགས་གཅིག་རྐང་འཛིན་གྱི་དགོས་མཁོ་གླེང་བའི་སྐད་མགོ་ཇེ་མཐོ་རེད།
སྔ་ལོའི་ལོ་སྨད་དུ་གོང་ས་ྋམཆོག་ནས་འདས་པའི་མི་ལོ་ལྔ་བཅུའི་ནང་གི་མི་ལོ་སུམ་ཅུ་ནི་འཐུས་ཤོར་གྱི་མི་ལོ་སུམ་ཅུ་ཡིན་པའི་ངོས་འཛིན་དང་བཀའ་སློབ་ཕེབས་པར་བརྟེན། ཤེས་རིག་ལས་ཁུངས་ནས་བཙན་བྱོལ་བོད་མིའི་སྤྱི་ཚོགས་ནང་ཆེད་ལས་སློབ་ཐོན་པ་དང་ཆེད་ལས་སུ་ཞུགས་མུས་ཀྱི་གྲངས་ཐོ་བསྡུ་ལེན་དང༌། གཞུང་མང་ཕྱོགས་གཉིས་ཐད་ནས་རིགས་གཅིག་རྐང་འཛིན་གྱི་དགོས་མཁོ་གླེང་བའི་སྐད་མགོ་ཇེ་མཐོར་འགྲོ་བཞིན་ཡོད།
རང་རེ་རྣམས་བཙན་བྱོལ་དུ་འབྱོར་བ་ནས་ཆོས་དང་རིག་གཞུང་སྲུང་སྐྱོབ་དང་དར་སྤེལ་ནི་བསྟན་པ་ཆབ་སྲིད་ཀྱི་གནས་བབ་སླར་གསོའི་རྨང་གཞི་དང་སྟོབས་ཤུགས་ཀྱི་འབྱུང་ཁུངས་ཡིན་པའི་ངོས་འཛིན་དང་བཅས་ཏེ། སློབ་གྲྭ་གསར་འཛུགས་དང་དེ་འབྲེལ་གྱི་ལག་བསྟར་ཞུ་སྒོར་ཕྱོགས་སྣ་སྒོར་མོ་ནས་འབད་པ་བསྟེན་ཡོད་ནའང༌། མི་ལོ་ལྔ་བཅུའི་རྗེས་ཀྱི་ད་ཚོད། གཞི་ནས་སྤྱི་ཚོགས་ཀྱི་དགོས་མཁོ་དང་དེ་འགན་ལེན་ཐེག་ཁུར་བྱེད་མཁན་དོ་མཉམ་མ་བྱུང་བའི་གནས་སྟངས་འདིའི་བྱུང་རྐྱེན་སྐོར་ལ་ཞིབ་འཇུག་དང༌། སླད་ཀྱི་དུས་ཡུན་ནང་གྲུབ་འབྲས་མངོན་གསལ་བ་ལེན་པའི་ཐབས་ཚུལ་ལམ་ཁ་ཕྱོགས་འཚོལ་བཞིན་ཡོད།
འདི་ཐད་དོ་སྣང་དང་ཐུགས་ཁུར་གནང་མཁན་གྱི་ཉམས་ཞིབ་པ་ཁག་ཅིག་ལྟར་ན། ཐོག་མའི་ནོར་འཁྲུལ་གྱི་མགོ་འཛུགས་ནི་ཕ་མའི་བསླབ་བྱ་ལ་རག་ལས་པ་དང༌། བར་གྱི་ནོར་འཁྲུལ་ནི་དགེ་རྒན་གྱི་ལམ་སྟོན་གྱིས་མ་འགྲིག་པ། མཐའ་མའི་ནོར་འཁྲུལ་ནི་སློབ་གཉེར་བ་ཚོའི་འདམས་ཀ་མ་འགྲིག་པ་གསུམ་དུ་ཡོངས་སུ་འདུ་བར་ངོས་འཛིན་དང༌། དེ་ཡང་ཕ་མའི་སློབ་གསོ་དེར་མི་ཐོག་རིམ་བརྒྱུད་ཀྱིས་འགྱུར་བ་སོང་བ་སྟེ། དེ་སྔར་ཕ་མས་ཕྲུ་གུར་སློབ་གསོ་རྒྱག་རིམ་ནང༌། སློབ་གཉེར་ཡག་པོ་བྱེད་པ་དང༌། ཡ་རབས་གུས་ཞབས་གཞི་ལ་འཇོག་པ་རྨང་གཞིར་བཞག་ནས། གོང་ས་སྐྱབས་མགོན་ཆེན་པོ་མཆོག་གི་དགོངས་གཞི་དང་བོད་གཞུང་དམངས་ཀྱི་སྲི་ཞུ་ཁུངས་འཕེར་སྒྲུབ་མཁན་ཅིག་བྱེད་དགོས་པའི་བསླབ་བྱ་རྒྱག་པ་ནས། དེ་རིང་ཁ་སང་ནི། གཉོམ་ཆུང་བྱེད་རྒྱུ་མེད་པ་དང༌། ཕམ་ཁ་ཁུར་རྒྱུ་མེད་པ། ཁེ་བཟང་གང་རེག་བྱས་ནས་རང་མགོ་ཐོན་པ་བྱེད་དགོས་ཞེས་བསླབ་བྱ་རྒྱག་པའི་བར་འགྱུར་བ་ཐེབས་པ་དེ་དང༌། དེ་སྔའི་དགེ་རྒན་ཚོས་གཞན་ཕན་དང་ཤ་ཚ། ལྷག་བསམ་རྣམ་དག་བཅས་ནི་ལས་འགན་མཐའ་དག་གི་དང་པོར་འཇོག་པའི་གནས་སྟངས་ནས། དེ་རིང་ཁ་སང་ནི། ཉི་མ་འཁྱོལ་ཙམ་དང༌། ཕོགས་འབབ་ལེན་ཐུབ་ཙམ་གྱི་གྲངས་འབོར་ཇེ་མཐོར་སོང་ནས་ཡོད་པ། སློབ་གཉེར་བ་ཕལ་མོ་ཆེ་བས་ཀྱང་རང་ཉིད་སྤྱི་ཚོགས་ཀྱི་དགོས་མཁོ་གང་ཞིག་སྒྲུབ་མཁན་དུ་དམིགས་པ་ལས་ལྡོག་སྟེ་རང་ཉིད་ཀྱི་འཚོ་ཐབས་ཁོ་ན་གཙོ་འདོན་བྱེད་པར་གྱུར་པའི་འགྱུར་བ་འདི་གསུམ་གྱིས་ད་ལྟའི་ང་ཚོའི་དགོས་མཁོ་དང་འགན་ལེན་བར་གྱི་སྟོང་ཆ་འདི་བསྐྲུན་པར་བརྗོད་ཀྱི་ཡོད།
དེ་ལས་མང་བ་། “རིགས་གཅིག་རྐང་འཛིན་གྱི་དགོས་མཁོ་གླེང་བའི་སྐད་མགོ་ཇེ་མཐོ་རེད།” »
བོད་པ་ཚོར་ཡང་རང་རང་གི་ཁྱིམ་རྒྱུད་ཟིན་དེབ་འབྲི་བའི་རིག་གཞུང་འདི་མགོ་འཛུག་དགོས་ཀྱི་འདུག
བོད་ཀྱི་ལོ་རྒྱུས་དེབ་ཐེར་དག་ཏུ་རང་གི་རིགས་རུས་ཀྱི་ལོ་རྒྱུས་མ་ཤེས་ན་ནགས་ཀྱི་སྤྲེའུ་འདྲ་ཞེས་ལན་མང་བཟླས་ཡོད་ན་ཡང་། ལོ་རྒྱུས་དེབ་ཐེར་དེ་དག་གི་ཁ་གཏད་དུ་བསྡད་ཡོད་པའི་རང་རེའི་མི་རིགས་འདི་ལ་མཚོན་ན་ཆོས་རྒྱུད་དང་བླ་རྒྱུད། ཡང་ན་དགོན་པ་དང་གྲུབ་མཐའ་ཁག་གི་ལོ་རྒྱུས་དེབ་ཐེར་གང་འཚམ་ཞིག་ཡོད་པ་མ་གཏོགས། ཁྱིམ་ཚང་རེ་རེའི་ལོ་རྒྱུས་མཚོན་པའི་ཁྱིམ་རྒྱུད་ཟིན་དེབ་ཅིག་ད་སྔ་ཕལ་ཆེར་མཐོང་དཀོན་པོ་རེད། བོད་བཙན་པོའི་གདུང་རྒྱུད་ལྷ་རྒྱ་རི་ཚང་དང་ས་སྐྱ་འཁོན་གྱི་གདུང་རབས་ལྟ་བུ་ཆེ་ཆེ་གཉན་གཉན་གྱི་མི་ཚང་རེ་ཟུང་གི་ཁྱིམ་རྒྱུད་ཟིན་དེབ་ཡོད་པ་འདི་ཡིས་རང་རེར་ཁྱིམ་རྒྱུད་ཟིན་དེབ་མེད་པའི་སྟོང་ཆ་ཙམ་ཞིག་བསྐངས་ཡོད་མ་གཏོགས། སྐུ་དྲག་གི་ཁྱིམ་རྒྱུད་ཟིན་དེབ་འདི་དག་ཙམ་ཞིག་ཀློག་བཞིན་བསྡད་ན་བོད་མི་རིགས་ཀྱི་འདས་པའི་ལོ་རྒྱུས་ལ་འགྲེལ་བཤད་རྒྱག་ཐབས་ཆ་ཚང་བ་ཞིག་ནམ་ཡང་མེད་པ་རེད། རྒྱ་མིར་མཚོན་ན་ལོ་ངོ་སྟོང་ཕྲག་མང་པོའི་སྔོན་ནས་ཡི་གེ་ཞིག་ཡོད་པ་དང་། ཡི་གེ་སྤྱད་ནས་མཐོ་བ་རྒྱལ་པོའི་རྒྱལ་རྒྱུད་ནས་དམའ་བ་གཡོག་པོའི་མི་ཚང་གི་ཁྱིམ་རྒྱུད་ཟིན་དེབ་འབྲི་སྲོལ་དང་ཉར་སྲོལ་བཟང་པོ་ཞིག་ཡོད་པས། རིག་གནས་སྐབས་རྩ་བརླགས་སུ་སོང་བ་མ་གཏོགས་ཁྱིམ་ཚང་ས་ཡ་མང་པོར་ལོ་ངོ་སྟོང་ཕྲག་གི་ཁྱིམ་རྒྱུད་ཟིན་དེབ་ཡོད་པ་དང་། གལ་སྲིད་ཁྱིམ་རྒྱུད་ཟིན་དེབ་མེད་ན་ཡང་མི་རབས་བཞི་ཅུ་ལྔ་བཅུའི་རིང་གི་ཕ་མེས་གཤིན་པོ་དག་གི་མིང་བྱང་རེ་རེ་བྱས་ནས་ཁྱིམ་སྦུག་གི་མཆོད་ཁང་དུ་ཉར་ཡོད་པས། ལོ་ངོ་སྟོང་ཕྲག་དང་ཡང་ན་བཞི་བརྒྱ་ལྔ་བརྒྱའི་ཕ་མེས་ཀྱི་མིང་རུས་དེ་ཧ་ཅང་ལས་སླ་བོའི་སྒོ་ནས་འཚོལ་རྙེད་ཐུབ་པ་རེད། ཡིན་ན་ཡང་རིག་གསར་སྐབས་ཕ་མེས་ཀྱི་མཆོད་ཁང་ཐམས་ཅད་རྩ་གཏོར་བྱས་པ་དེས་རྒྱ་རིགས་དུང་ཕྱུར་དུ་མའི་ཕ་མེས་ཀྱི་ཁྱིམ་རྒྱུད་ཟིན་དེབ་དུང་ཕྱུར་དུ་མ་ཡང་མེར་བསྲེགས་ཆུར་བསྐྱུར་བྱས་པ་ནི་ཇི་འདྲའི་ཕངས་པ་ལ་ཨང་། ཡིན་ན་ཡང་རིག་གསར་སྔོན་དུ་ཐེ་ཝན་ལ་བྲོས་བྱོལ་དུ་ཕྱིན་པའི་ཐེ་སྡོད་རྒྱ་རིགས་ཁྱིམ་ཚང་དག་ལ་ད་ལྟ་ཡང་ཕ་མེས་ཀྱི་ཁྱིམ་རྒྱུད་ཟིན་དེབ་མཐུག་པོ་བཅུ་བཅོ་ལྔ་རེ་ཡོད་མཁན་གང་མང་འདུག་ཟེར་ལ། ཁྱིམ་རྒྱུད་ཟིན་དེབ་མཐུག་པོ་དེ་དག་གི་ངོས་སུ་མི་ལོ་སྟོང་ཕྲག་རིང་གི་མིའི་མིང་བྱང་རྐྱང་རྐྱང་གིས་ཁེངས་བསྡད་འདུག་ཟེར། ང་ཚོ་བོད་རིགས་ཀྱི་ཁྱིམ་ཚང་མང་ཆེ་བར་མི་རབས་གཉིས་གསུམ་གྱི་ལོ་རྒྱུས་ལས་བཤད་རྒྱུ་མེད་པ་དང་། དེ་ཡང་ཡིག་ཐོག་ཏུ་འཁོད་པ་ནི་ཉིན་སྐར་མཐོང་བའི་རྗེས་སུ་འགྲོ་བ་ཞིག་མིན་ནམ།
༼ཁ་སང་གི་གཏམ་རྒྱུད་༽གླེང་བ།
ཤིས་ཚང་ལྗང་སྨྱུག་གིས།
————
སྐུ་ཞབས་རྡོ་གྲགས་ཀྱིས་འཁྲབ་ཁྲིད་བྱས་པའི་བོད་ཀྱི་བརྙན་འཕྲིན་ཟློས་གར་༼ཁ་སང་གི་གཏམ་རྒྱུད་༽ལ་བལྟས་རྗེས།
ཚན་རྩལ་འཕྲུལ་རིག་དར་བའི་བརྒྱུད་རིམ་གྱིས་མིའི་རིགས་ཀྱི་སྤྱི་ཚོགས་ཧྲིལ་བོ་ཟང་ཟིང་འདུ་ལོང་ཅན་དུ་བསྒྱུར་ཡོད་ལ། དུས་ཀྱི་འགྱུར་བ་དང་ཕྱིའི་ཟང་ཟིང་དེའི་སྒུལ་ཤུགས་གཡོ་སྐྱོམ་གྱིས་འུ་ཚོའི་བོད་མི་རིགས་ཀྱི་འཚོ་བ་ལའང་ཕྱོགས་ཡོངས་ནས་བརྡབ་གསིག་ཆེན་པོ་ཐེབས་ཡོད་པ་མིག་སྔའི་འགྱུར་ལྡོག་གི་སྣང་ཚུལ་རེ་འགས་ར་སྤྲོད་གསལ་བོར་བྱེད་ནུས། སྤྱི་ཚོགས་དེང་རབས་ཅན་དུ་ཕྱོགས་པ་དེས་ཐད་ཀར་མིའི་བསམ་བློ་ལ་བཀོད་འདོམས་བྱས་པ་དང་འདྲ་བར་མི་རིགས་ཤིག་གི་དངོས་པོ་དང་དངོས་པོ་མ་ཡིན་པའི་རིག་གནས་སྣང་ཚུལ་མཐའ་དག་ཉམས་ཡལ་དུ་འགྲོ་བཞིན་མཆིས་ལ། གསར་ཞེན་རྙིང་དོར་གྱི་འདུ་ཤེས་གློ་བུར་བ་ཞིག་ཀྱང་བསམ་བཞིན་དང་བསམ་བཞིན་མ་ཡིན་པའི་ཁྲོད་བོད་མིའི་སེམས་ཁོང་དུ་སིམ་འཛུལ་བྱེད་ཀྱིན་ཡོད། འདི་ནི་དུས་སྐབས་ཤིག་གི་ཆོས་ཉིད་ཀྱིས་དེད་འོངས་པའི་བསམ་བློའི་འགྱུར་ལྡོག་གི་སྣང་བརྙན་ཞིག་ཀྱང་མིན་པ་ག་ལ་སྲིད།
འདས་མ་ཐག་པའི་སྟོང་ལོ་བརྒྱད་པའི་ནང་སྐུ་ཞབས་རྡོ་གྲགས་ལགས་ཀྱིས་འཁྲབ་ཁྲིད་བྱས་པའི་བོད་ཀྱི་བརྙན་འཕྲིན་ཟློས་གར་གསར་བ་༼ཁ་སང་གི་གཏམ་རྒྱུད་༽ཀྱིས་དེ་ལྟ་བུའི་སྤྱི་ཚོགས་རིམ་འགྱུར་གྱི་དུས་བབ་ཁྲོད་དུས་བཞིའི་དྲོ་གྲང་དང་བསྡོངས་ཏེ་རི་སུལ་སྐྱ་མོར་སྐྱས་སྤོར་གནས་བཅས་བྱས་པའི་བོད་ཀྱི་འབྲོག་སྡེ་ཞིག་གི་བསམ་བློའི་འཕོ་འགྱུར་དང་། དངོས་པོ་མ་ཡིན་པའི་དམངས་ཁྲོད་རིག་གནས་ཉམས་ཡལ་དུ་འགྲོ་བཞིན་པའི་སྣང་ཚུལ་ཞིག་བརྙན་རིས་ཀྱི་ལམ་ནས་གསོན་ཉམས་དོད་པོས་མཚོན་པར་བྱས་ཡོད། བརྙན་འཕྲིན་ཟློས་གར་དེ་ནི་མཚོ་སྔོན་བོད་སྐད་བརྙན་འཕྲིན་ཁང་གིས་ཕབ་སྐྲུན་སྒྲིག་སྦྱོར་བྱས་པའི་བོད་ཀྱི་འཚོ་བ་དངོས་བརྗོད་བྱར་བཟུང་བའི་ལེའུ་བརྒྱད་ཅན་གྱི་བརྙན་འཕྲིན་ཟློས་གར་གསར་བ་ཞིག་ཡིན་ལ། འཁྲབ་ཁྲིད་པ་དང་བརྙན་ལེན་པ། སྒྲ་སྦྱོར་བ་དང་འཁྲབ་སྟོན་པ་ཚང་མ་བོད་པ་རྐྱང་བ་རེད།
རིན་བཟང་གི་མུ་འབྲེལ་ཟིན་ཐོ། ངོ་སྤྲོད།
ཉེ་ཆར་གྲོགས་པོ་ཞིག་བརྒྱུད་ནས་ང་ལ་རིན་བཟང་གི་མུ་འབྲེལ་ཟིན་ཐོ་ཞེས་པའི་དེབ་གཉིས་འབྱོར་བྱུང་། དེབ་དང་པོ་དེ། ངའི་ཕ་ཡུལ་དང་ཞི་བའི་བཅིངས་འགྲོལ་ ཞེས་པ་དེ་རེད། དེབ་གཉིས་པ་དེ། ངའི་ཕ་ཡུལ་དང་གཟབ་ཉན། ཞེས་པ་དེ་རེད། དེབ་ཀྱི་ནང་དོན་གཙོ་བོ་ནི། མདོ་སྨད་ཁུལ་དུ་ ༡༩༥༨ ལོར་རྒྱ་དམག་སླེབས་སྐབས་ཤི་གསོད་གོད་ཆག་ཆེན་པོ་བྱུང་བའི་སྐོར་རེད། མི་སེར་སྡེབ་གསོད་བྱས་པ་དང་། བཙོན་དུ་འཁྲིད་པ། བོད་རིགས་དཔའ་བོ་ཚོས་གྱེན་རྒོལ་བྱས་པ་བཅས་དེང་སང་གི་རྒན་རྒོན་རྣམས་ལ་བཅར་འདྲི་ཞུས་པ་ཞིག་རེད་ལ། སྐད་ཀྱང་ཤུགས་ཆེ་ཨ་མདོའི་སྐད་དུ་བྲིས་འདུག …
