སྤོབས་པ་མཐའ་ཡས།
——————–
༡ གླེང་གཞི།
འཛམ་གླིང་གི་འགྱུར་བ་དང་བསྟུན་ནས་ཕོ་མོ་འདྲ་མཉམ་གྱི་ལམ་ཆེན་དུ་ཞུགས་ཚད་མྱུར་དུ་ཕྱིན་པ་ནི་དགའ་འོས་པ་ཞིག་ཏུ་མཐོང་། དེར་བསྟུན་རང་རེ་ཁ་བ་རི་པའི་སྐྱེས་སྨན་འཛམ་གླིང་ཡང་རྩེའི་བདག་མོ་ཚོའི་གོ་གནས་ཐོབ་ཐང་གོང་དུ་འཕར་ཐབས་ལ་་ཡང་བསམ་གཞིག་རེ་བྱེད་རྒྱུ་ནི་བོད་མི་སྤྱི་དང་ལྷག་པར་ཡང་ཤེས་ཡོན་ཅན་གྱི་མི་སྣ་ཚོའི་གཡོལ་ཐབས་མེད་པའི་ལས་འགན་ཞིག་ཏུ་འཁུམས།
བོད་མི་ཚོས་དེའི་སྐོར་ལ་གླེང་སློང་དང་བསམ་གཞིག་བྱེད་ཀྱིན་ཡོད་སྐོར་མང་པོ་ཞིག་བོད་ཕྱི་ནང་གི་དྲྭ་རྒྱ་ཁག་གི་ནང་དུ་བཀོད་ཡོང་གིན་འདུག་མོད་དོན་དངོས་གནས་ལ་བསམ་ན་དེ་ཙམ་གནད་དུ་ཁེལ་གྱིན་མེད་པའི་རྣམ་པ་ཞིག་མཐོང་སོང་། ལ་ལས་ཕོ་མོ་འདྲ་མཉམ་ཡོང་མིན་ནི་བུད་མེད་ཚོ་རང་ཉིད་ལ་ཐུག་ཡོད་ཅེས་པ་ཙམ་དང་གཞུང་ངོས་ནས་བུད་མེད་ལས་བྱེད་པ་བསྡུ་བར་དམིགས་བསལ་གྱི་ལམ་ཁ་སྟོན་དགོས་ཚུལ་ཙམ་མང་པོ་ཞིག་གླེང་གིན་འདུག འོན་ཀྱང་ཕོ་མོ་འདྲ་མཉམ་ངོ་མ་ཞིག་ཡོང་དགོས་ན་སྤྱི་ཚོགས་ཁྱོན་ཡོངས་ཀྱི་བསམ་བློ་འམ་བག་ཆགས་ལ་བཅོས་བསྒྱུར་ཡོང་ཐབས་བྱ་རྒྱུ་མ་གཏོགས་ཕྱོགས་རེ་བ་ཞིག་གིས་འགྲུབ་ཐབས་མེད་པ་ངོས་ཟིན་མཁན་དཀོན་པར་སྣང་།
༢ ཕོ་མོ་འདྲ་མཉམ་གྱི་གལ་ཆེའི་གནད་དོན།
ཕོ་མོ་འདྲ་མཉམ་བྱ་རྒྱུའི་འགན་དེ་ནི་ཕོ་མོ་གཉིས་ཆར་གྱིས་བསྒྲུབ་དགོས་པ་ཞིག་ཡིན། རང་རེ་སྐྱེས་པ་ཚོའི་སྤྱི་ཚོགས་ཀྱི་ངོས་ནས་ཀྱང་རྒྱ་ཆུང་ས་ནས་རང་གི་ཨ་མ་དང་སྲིང་མོ། ཆུང་མ་དང་བུ་མོ། ཚ་མོ་དང་ཡང་ཚ་མོ་སྟེ་རང་དང་ཁྱིམ་རྒྱུད་ཀྱིས་འབྲེལ་བའི་གཉེན་ཚན་བུད་མེད་ཚོ་ཁོ་ན་ལ་བསམ་ན་ཡང་སྐྱེས་པའི་ཚེ་གཡོག་ཏུ་ཉར་བའི་སྲོལ་རྒྱུན་དེ་ལ་བསྒྱུར་བཅོས་ཡོང་ཐབས་དང་བུད་མེད་ཀྱི་ཐོབ་ཐང་དང་། རང་དབང་། བདེ་སྐྱིད། མི་ཚེའི་མཛེས་སྡུག་བཅས་ལ་འདྲ་མཉམ་ཡིན་པ་ཡིན་པར་ཤེས་པའི་བག་ཆགས་ཤིག་ཕོ་མོ་གཉིས་གར་འཇག་དགོས་པ་རེད། རྒྱ་ཆེ་ས་ནས་བུད་མེད་ནི་སྤྱི་ཚོགས་ཀྱི་ཕྱེད་ཀ་ཡིན་སྟབས་དེ་ལ་དམན་སྡང་དང་གཉའ་གནོན་ཡོད་པའི་སྤྱི་ཚོགས་ཤིག་ལ་མཚོན་ན་སྤྱི་ཚོགས་ཧྲིལ་པོའི་ལས་དོན་ཕྱེད་ཀ་ལ་འཐུས་ཤོར་འགྲོ་བཞིན་ཡོད། ལྷག་པར་ཡང་དེང་དུས་སུ་འཕྲུལ་ཆས་གྱིས་དབང་བསྒྱུར་བའི་འཛམ་གླིང་འདིར་ལུས་ཤུགས་ཀྱི་རིན་ཐང་ཆུང་དུ་ཕྱིན་པ་དང་། བརྡ་འཕྲིན་ཅན་དང་འབྲེལ་གཏུག་མཉམ་འབྲེལ་གྱི་སྤྱི་ཚོགས་འདིར་བུད་མེད་ཀྱི་ནུས་ཤུགས་ཆེས་ཆེར་ཕྱིར་མངོན་བཞིན་ཡོད།
རྒྱལ་ཚབ་རྭ་སྒྲེང་དང་ཧི་ཁྲི་ལིར་བར་གྱི་འཕྲིན་ཡིག་རེད་ཟེར་བའི་ཡི་གེ་ཞིག་གླེང་བ།
དམག་ཆེན་གཉིས་པ་མ་ལངས་པའི་སྔོན་ཙམ་སྟེ་སྤྱི་ལོ་༡༩༣༨ལོར་འཇར་མ་ནེའི་SSཚོགས་པའི་ཁོངས་མི་ཡིན་སྐད་པ་གཉིས་ཀྱིས་གཙོས་པའི་སྲོག་ཆགས་རིག་པ་བ་དང་མིའི་རིགས་རིག་པ་བ་འཇར་མན་པ་མི་ལྔ་བོད་ལ་ཡོང་ནས་དུས་ཡུན་གང་འཚམ་ཞིག་གི་རིང་བསྡད་དེ་བོད་ཀྱི་ས་བབ་དང་ཡུལ་མིའི་ལུས་ཚད་དང་གདོང་རིས། དེ་བཞིན་ལོ་རྒྱུས་ལྡན་པའི་དགོན་པ་ཁག་ལ་ཉམས་ཞིབ་བྱས་ཡོད་པ་དང་། སྐབས་དེའི་རྒྱལ་ཚབ་རྭ་སྒྲེང་གིས་དེ་ཚོ་བརྒྱུད་འཇར་མན་ན་ཚེའི་མགོ་ཁྲིད་ཧི་ཁྲི་ལིར་ལ་བཏང་སྐད་ཀྱི་་ཡི་གེ་ཞིག་ཡོད་པའི་གཤམ་དུ་བོད་ཀྱི་རྒྱལ་ཚབ་ཅེས་པའི་མིང་རྟགས་དང་ཐམ་ཀ་འཁོད་པ་ཞིག་དངོས་བཀོད་གློག་བརྙན་ The Nazi Exppeditions in Tibet ་ཞེས་པ་དེའི་ནང་དུ་ཡོད་ན་ཡང་། ལོ་རྒྱུས་འབྲི་མཁན་ཞྭ་སྒབ་པའི་སྲིད་དོན་རྒྱལ་རབས་ཀྱི་སྨད་ཆའི་ཤོག་ལྷེ་༣༥༦ནས་༣༥༧བར་དུ། “མེ་གླང་༡༩༣༧ལོར་འབྲས་སྤྱིས་ཕྱི་རྒྱལ་ལས་ཁུངས་བརྒྱུད་གནས་ཚུལ་ཕུལ་གསལ། འཇར་མན་གྱི་མི་རིགས་ཌོག་ཌོར་ཤས་ཕར་(Dr. scheafer)ཟེར་བ་དང་། ཨེམ་ཆི། པར་རྒྱག་མཁན་སོགས་མི་རིགས་ལྔ་བོད་ཁུལ་བལྟ་བསྐོར་དུ་ཡོང་ཆོག་པ་ཞུས་པ་བཀའ་འཁྲོལ་ལྟར་ལྷ་སར་འབྱོར་ཏེ།…
དེ་ལས་མང་བ་། “རྒྱལ་ཚབ་རྭ་སྒྲེང་དང་ཧི་ཁྲི་ལིར་བར་གྱི་འཕྲིན་ཡིག་རེད་ཟེར་བའི་ཡི་གེ་ཞིག་གླེང་བ།” »
བློ་བཟང་དབང་རྒྱལ་གྱིས་གཞུང་དང་བོད་མིའི་སྤྱི་ཚོགས་ལ་མ་ཉེས་ཁ་གཡོག་བྱེད་ཀྱི་འདུག
སྟག་སྨྱོན་གྱིས། ——– བོད་ཀྱི་མཛངས་མ་འགྲན་སྡུར་གྱི་ལས་འགུལ་འདི་ཚད་ལྡན་ཡོང་ཆེད། ད་ལྟའི་གོ་སྒྲིག་བྱེད་མཁན་བློ་བཟང་དབང་རྒྱལ་ཟེར་བ་འདི་བོད་པའི་སྤྱི་ཚོགས་ནང་བག་ཆགས་དང་བྱ་སྤྱོད་ཆེས་མི་ལེགས་པའི་མི་ཐ་ཤལ་ཞིག་ཡིན་སྟབས། ཡིད་དུ་འོང་ཞིང་མཛེས་སྡུག་ལྡན་པའི་ལས་འགུལ་འདི་བཞིན་ལོ་རེ་བཞིན་ཆེས་ཉམས་ཐག་གི་རྣམ་པ་ཞིག་གི་འོག་ནས་ཚོགས་ཀྱི་འདུག་པས་གོ་སྒྲིག་བྱེད་མཁན་བརྗེ་དགོས། གོ་སྒྲིག་བྱེད་མཁན་ཚད་ལྡན་མེད་པའི་དབང་གིས་ལས་འགུལ་ཡག་པོ་ཡོང་གི་མེད་པ་ཕར་བཞག་ནས། ཕྱི་ནང་གི་མི་རིགས་ཚང་མར་བོད་ཀྱི་མཛངས་མ་འགྲན་བསྡུར་གྱི་ལས་འགུལ་འདི་བཞིན་ལམ་ལྷོངས་ཡོང་གི་མེད་པ་བོད་གཞུང་དང་བོད་མིའི་ཚོའི་སྤྱི་ཚོགས་གུ་དོག་དྲག་པས། བུ་མོ་ཚོའི་ཐོག་གནོན་ཤུགས་ཆེ་བ་དང་བུ་མོ་ཚོའི་བསམ་བློ་དམའ་དྲགས་པ་སོགས་ཀྱིས་འགྲན་བསྡུར་ནང་ཞུགས་མཁན་མེད་ལུགས་དང་། ཞུགས་ཁ་ཤས་ཡོད་པ་ཚོ་ཕ་མ་འགྲམ་ན་མེད་མཁན་དང་ཡང་ན་བུ་མོ་འཁྲེབ་ཏོ་ཚོ་ལས་བུ་མོ་ཚད་ལྡན་ཞིག་འགྲན་སྡུར་དེའི་ནང་ཞུགས་ཀྱི་མེད་སྐོར་གང་སར་ཁྱབ་འདུག་པས་། བློ་བཟང་དབང་རྒྱལ་གྱིས་ལས་དོན་ཡག་པོ་ཡོང་གི་མེད་པ་བོད་མིའི་སྤྱི་ཚོགས་ལ་འགེལ་བཞིན་པའི་ནག་ཉེས་འདི་སྣང་མེད་དུ་འཇོག་མི་འོས་པ་མཐོང་། ལྷག་པར་བུད་མེད་ཚོའི་མཛེས་སྡུག་དང་མཁས་རྩལ་འགྲན་སའི་ལྡིང་ཆ་འདི་བཞིན་བློ་བཟང་དབང་རྒྱལ་གྱི་ལག་ནས་རྩེད་སྤྱད་བྱེད་དུ་བཅུག་ནས་འཇོག་མི་འོས། དེའི་ཕྱིར་ལས་དོན་འདི་ངེས་པར་བོད་མིའི་ཚད་ལྡན་གྱི་ཚོགས་སྡེའམ་གང་ལྟར་འགྲན་སྡུར་འདི་བཞིན་བཟི་བརྗིད་དང་སྤོབས་པ་ལྡན་པའི་སྒོ་ནས་གོ་སྒྲིག་བྱེད་ཐུབ་མཁན་ཞིག་ལ་རྩིས་སྤྲོད་དགོས་ཀྱི་འདུག ད་ལྟ་གོ་སྒྲིག་བྱེད་མི་ཆེས་ཐ་ཤལ་དང་སྤྱི་ཚོགས་ནང་བག་ཆགས་ཡག་པོ་མེད་སྟབས། བུ་མོ་ཚད་ལྡན་ཞིག་དེའི་ནང་ཞུགས་རྒྱུར་ངོ་ཚ་དང་ཞེད་སྣང་བྱེད་ཀྱི་ཡོད་པ་རེད། བོད་མིའི་སྤྱི་ཚོགས་ཀྱི་དགའ་བསུ་ལས་འགོག་རྐྱེན་བྱེད་མི་སྲིད།…
དེ་ལས་མང་བ་། “བློ་བཟང་དབང་རྒྱལ་གྱིས་གཞུང་དང་བོད་མིའི་སྤྱི་ཚོགས་ལ་མ་ཉེས་ཁ་གཡོག་བྱེད་ཀྱི་འདུག” »
སྐྱོ་སྡུག་གི་དུས་ཚོད། རྡུང་ལེན་པའི་ལྷན་འཛོམས།
འདི་ལོ་སྟེ། བོད་ས་བྱི་ལོ་ནི་བོད་ལ་མཚོན་ན། དཔའ་ངར་ཆེན་པོས་མདུན་བསྐྱོད་ཀྱི་གོམ་སྒྲ་ལ། ལྕགས་སྒྲོག་དང༌། མེ་མདས་དྲག་གནོན་ཐེབས་པའི་ལོ་དང༌། དེ་བས་ཀྱང་སྐྱ་སེར་ཕོ་མོ་བརྒྱ་ཕྲག་ཁ་ཤས་ཀྱི་ཚེ་སྲོག་གི་ལྗོན་པ་རྒྱ་དམག་གིས་བསྒྱེལ་བའི་ལོ་ཞིག་ཡིན་སྟབས། སྡུག་གུ་མུན་པ་མ་སངས་བར་ཡོད་པའི་དུས་ཚོད་འདི་འདྲ་ཞིག་ལ། མཚོ་སྔོན་ཟི་ལིང་ན་ཡོད་པའི་མཚོ་སྔོན་མི་དམངས་ཀུན་ཁྱབ་རླུང་འཕྲིན་ལས་ཁུངས་ཟེར་བ་དང༌། མཚོ་སྔོན་བརྙན་འཕྲིན་ཁང་ཟེར་བ། མཚོ་སྔོན་རླུང་འཕྲིན་ཚོང་ར་ཟེར་བ། ཉི་མའི་ཚོ་བ་མི་རིགས་གླུ་གར་གླིང་ཟེར་བ་བཅས་ཀྱིས་༼ཉི་མའི་ཚོ་བའི་མདོ་ཁམས་རྡུང་ལེན་སྤྲོ་ཚོགས་གངས་ཆབ་ཟེགས་མའི་འགྱུར་ཁུགས་༽ཞེས་པ་ཞིག་མཉམ་དུ་བཀོད་སྒྲིག་གིས་ཕྱི་ཟླ་ ༡༢ ཚེས་ ༢ ཉིན་ཟི་ལིང་དུ་ཡོད་པའི་ཉི་མའི་ཚོ་བ་མི་རིགས་གླུ་གར་གླིང་ནས་གཟབ་རྒྱས་ངང་འཚོགས་ཡོད་པ་དང༌།…
དེ་ལས་མང་བ་། “སྐྱོ་སྡུག་གི་དུས་ཚོད། རྡུང་ལེན་པའི་ལྷན་འཛོམས།” »
ཁྱེད་ཀྱི་ལན་དུ། ངས་བསམ་ན།
འཇིགས་མེད་ཟླ་བ།
————–
དེ་རིང་དྲ་ཐོག་ནས་ངོ་ཤེས་གྲོགས་པོ་ཞིག་ལ་ཁ་བརྡ་བྱས། ངའི་གྲོགས་པོ་ཆེད་ལས་གསར་འགྱུར་ལས་རིགས་གཉེར་མཁན་ཞིག་ཡིན། གྲོགས་པོས་ང་ལ་བོད་དོན་གྱི་སྐོར་ལ་དྲི་བ་འདྲ་མིན་བཏང་། ངས་ཀྱང་གང་ཐུབ་ཞིག་ལན་བཏབ། གྲོགས་པོས་ང་ལ་བཙན་བྱོལ་གྱི་བོད་ཡིག་རྩོམ་པ་པོ་ཚོའི་སྐོར་ནས་དྲི་བ་བཏོན་སོང་། ངས་ཀྱང་ལན་འདེབས་ཁུལ་བྱས། འོན་ཀྱང་། ང་རང་རྩོམ་ཡིག་ལ་དོ་སྣང་ཡོད་པ་མ་གཏོགས་རྩོམ་འབྲིའི་ལས་ལ་ཉམས་མྱོང་ཡོད་མཁན་དང་ཆེད་ལས་རྩོམ་འབྲི་བ་སོགས་ཅི་ཡང་མ་རེད། ཐ་ན་རྩོམ་ཡིག་ཡག་པོ་གཅིག་ཀྱང་འབྲི་མི་ཐུབ་མཁན་ཞིག་གིས་ཁོང་གི་དྲི་བར་ལན་འདེབས་རྒྱུ་ཁག་པོ་རེད་འདུག། གྲོགས་པོའི་དྲི་བ་དེ་དག་གིས་ང་ལ་ཡང་སེམས་ངར་འདྲ་བོ་ཞིག་བསླངས་སོང་། ཕྱིར་ཉལ་ཁང་དུ་སླེབས་རྗེས། ངས་ཀྱང་བཙན་བྱོལ་ནང་གི་བོད་ཡིག་རྩོམ་འབྲི་བ་ཚོའི་སྐོར་ལ་བསམ་བློ་གཏོང་ཁུལ་བྱས་བ་ཡིན། ངའི་སེམས་ལ་འདི་འདྲ་ཞིག་དྲན་སོང་།
ཕལ་ཆེར་ཕྱི་ལོ་ཉིས་སྟོང་གི་འགོ་དེ་བ་ཡིན་བསམ་གི། འོན་ཀྱང་། ངའི་སེམས་ལ་གསལ་བོ་ཞིག་དྲན་གྱི་མི་འདུག ད་ལྟའི་པེན་བོད་ཀྱི་རྩོམ་པ་པོའི་མཐུན་ཚོགས་སམ་སྔ་མོའི་བོད་ཀྱི་རྩོམ་པ་པོའི་མཐུན་ཚོགས་ཀྱི་གོ་སྒྲིག་འོག། བཙན་བྱོལ་ནང་གི་ཕུལ་བྱུང་རྩོམ་པ་པོ་བསྡུ་བའི་ལས་འགུལ་ཞིག་མགོ་བཙུགས་སོང་།་མཐའ་མའི་གྲུབ་འབྲས་ལྟ་བུར། བཙན་བྱོལ་ནང་གི་ཕུལ་བྱུང་བོད་ཡིག་རྩོམ་པ་པོ་གསུམ་འདེམས་སོང་། དེ་གསུམ་ནི་ཧོར་གཙང་འཇིགས་མེད་དང་ཆབ་བྲག་ལྷ་མོ་སྐྱབས། བླ་བྲང་སྐལ་བཟང་བཅས་གསུམ་རེད། རྩོམ་པ་པོ་འདི་གསུམ་ཀ་དེབ་ཀྱི་མང་ཉུང་དང་རྩོམ་ཡིག་གི་མང་ཉུང་། ཡང་ན་རྩོམ་བྲིས་ཀྱི་སྤུས་ཀའི་ངོས་བཅས་ལ་བལྟས་དེ་འདེམས་པ་མིན་འགྲོ་བསམ། གནས་ཚུལ་གསལ་བོ་ནི་ངེད་ཀྱིས་དྲན་སོས་ཀྱི་མི་འདུག
དྲ་བའི་ནང་གི་རྩོམ་པ་པོ་ཚོ་ལ།
ཀུན་གསལ་ ———– དྲ་ཚིགས་ནང་གི་མང་ཆེ་བ་ཏང་གི་དུག་ཆུ་འཐུང་མཁན་རེད། ་འདིའི་ནང་ན་གུང་ཁྲན་ཏང་གི་རྒྱུག་ཁྱི་ཡང་མང་པོ་ཡོད་པ་རེད། ངས་འདི་རྒྱུ་མཚན་མེད་པར་ལབས་པ་མིན། ལོ་འགའ་ཤས་སྔོན་རྒྱ་གཞུང་གིས་ང་ལ་ལས་ཀ་འདི་ལས་དགོས་ཟེར་ནས་བཀའ་བཏང་སོང། ཁོ་ཚོས་བཤད་ན་ཁོ་ཚོ་ལ་རྡ་ས་ན་མི་་མང་པོ་ཡོད་ཟེར། ཕྱི་རྒྱལ་ན་མི་མང་པོ་ཡོད་ཟེར། ང་ལ་རྡ་ས་ནས་བོད་གཞུང་གི་ལས་བྱེད་ཚོའི་བར་གྱི་འབྲེལ་བ་དང་ཁོ་ཚོ་རེེ་ཡི་ལོ་རྒྱུས་རང་ལྗོངས་ཀོ་ནན་ཐེན་ནང་གི་གསང་ལས་ཚན་པ་ལ་ལ་མཁོ་སྤྲོད་བྱེད་དགོས་ཟེར། ཕྱི་སྡོད་བོད་མིའི་སྤྱི་ཚོགས་ཐོག་གི་འགལ་བ་གཞི་ལ་བཞག་ནས་རྩོམ་ཡིག་སྤེལ་དགོས་ཟེར། གནས་ཚུལ་ཞིབ་ཕྲ་དགོས་ན་ད་དུང་བཤད་ཆོག ངས་ཁོ་ཚོ་ ངོ་ལོགས་བྱས་ནས་ཕྱི་་ལ་བྲོས་ཡོང་པ་ཡིན། དྲ་ཚིགས་ནང་གི་་མང་པོ་ཞིག་ནས་སྤྲུལ་སྐུ་མི་དགོས་ཟེར། དེ་་དོན་ནི་་རྒྱལ་བ་རིན་པོ་ཆེ་ཚུད་པའི་བོད་ཀྱི་བླ་མ་ཚོས་བོད་ཡུལ་ནས་སྐྱེས་བ་བླངས་མི་ཆོགས་ཟེར་གིན་ཡོད་ནི་རེད།…
འགྲོ དུས་བབ་གླེང་སྟེགས་སུ་རྩོམ་ཡིག་འབྲི་གི་འགྲོ
ཨ་རོགས་ཚོ། དུས་བབ་གླེང་སྟེགས་ཀྱི་སྒོ་མོ་དེ་ང་ཚོའི་ཕྱོགས་སུ་ཕྱེས་ནས་ཟླ་བ་གང་མང་ཞིག་འགོར་ན་ཡང་ད་དུང་དེ་རུ་རྩོམ་ཡིག་སྤེལ་མཁན་ཧ་ཅང་ཉུང་བས། ང་ཚོས་གང་ནུས་ཀྱིས་རྩོམ་སྒྲིག་པ་ཚོའི་ངལ་བ་ཆུད་ཟོས་སུ་མི་འགྲོ་བའི་ཆེད་དུ་རྩོམ་ཡིག་རྩམ་རྒན་འདྲ་བ་རེ་ཁྱེར་ནས་དེ་རུ་སོང་ཆོག་ཆོག་ཏུ་འདུག འགྲོ དུས་བབ་གླེང་སྟེགས་སུ་རྩོམ་ཡིག་འབྲི་གི་འགྲོ
དམིགས་བསལ་ཚོགས་ཆེན་གྱི་རྒྱབ་མདུན།
སྐར་ཆེན། ཡོ་རོབ།
དེ་རིང་འདི་ནས་ཡར་བརྩིས་ན་དམིགས་བསལ་ཚོགས་ཆེན་ཚར་ནས་ཉིན་གྲངས་ཉི་ཤུ་ལྷག་འགྲོ་གི་ཡོད།འོན་ཀྱང་། ངེད་ཀྱི་རྩོམ་འདི་ཉིན་གྲངས་ཉི་ཤུའི་རྗེས་སུ་བྲིས་བ་ཡིན། ཉིན་གྲངས་ཉི་ཤུའི་དུས་ཡུན་ནི་ངེད་ཀྱིས་དམིགས་བསལ་ཚོགས་ཆེན་གྱི་སྐོར་ལ་བསམ་བློ་བཏང་བའི་དུས་ཡུན་རེད། དུས་ཡུན་འདིའི་ནང་ལ་ངེད་ཀྱིས་དམིགས་བསལ་ཚོགས་ཆེན་གྱི་སྐོར་དང་འབྲེལ་བའི་གཞུང་འབྲེལ་གསུང་བཤད་དང་གསུང་འཕྲིན། ཟིན་བྲིས། གཞན་མི་སྒེར་བའི་གསུང་བཤད་དང་ཚོགས་པ་སྒེར་བའི་གསུང་བཤད། ཕྱིརྒྱལ་བའི་ཚོད་དཔག་དང་རྩོམ་བྲིས། ད་དུང་གསར་འགོད་པ་ཚོའི་གསར་འགྱུར་སོགས་ཕྱོགས་ཡོངས་ཀྱི་གནས་སྟངས་ལ་བསྡུ་ལེན་བྱས། ཉན་ཤེས་བྱས། བསམ་བློ་བཏང་སྟེ་གཞི་ནས་རྨོངས་འཆར་ཆུང་ཆུང་ཞིག་འབྲི་ཁུལ་བྱས་བ་ཡིན།
ད་ལོའི་བོད་ནང་གི་ཛ་དྲག་བྱུང་རྐྱེན་དང་རྒྱལ་སྤྱིའི་གནས་བབ་བཅས་བོད་ཀྱི་རྩ་དོན་ཐོག་གོ་བསྡུར་བགྲོ་གླེང་ཞིབ་ལྷོད་ཅིག་གནང་ཆེད་བཙན་བྱོལ་བོད་མིའི་བཅའ་ཁྲིམས་དོན་ཚན་༥༩བའི་ཆ་རྐྱེན་འོག་དམིགས་བསལ་ཚོགས་ཆེན་ཞིག་འཚོགས་དགོས་ཀྱི་འདུག་ཞེས་ཕྱི་ལོ་༢༠༠༨ལོའི་ཟླ༩ཚེས་༡༡ཉིན་༧གོང་ས་མཆོག་གིས་སྐུ་སྒེར་ཡིག་ཚང་བརྒྱུད་སྤྱི་འཐུས་ལྷན་ཚོགས་ཀྱི་ཚོགས་གཙོ་བགྲེས་གཞོན་དང་བཀའ་ཤག་ལྷན་རྒྱས་ལ་བཀའ་གནང་། དུས་ཚོད་དེ་ནི་ཏག་ཏག་སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་དྲུག་པ་རྡ་རམ་ས་ལར་འཚོགས་བཞིན་པའི་སྐབས་རེད། གྲོས་ཚོགས་ཚོགས་དུས་དྲུག་པ་ཚོགས་བཞིན་པའི་སྐབས་དང་བསྟུན་བཙན་བྱོལ་བོད་གཞུང་བཀའ་ཤག་ནས་ཚོགས་དུས་ཉིན་བདུན་པ་ཕྱི་ལོ་ ༢༠༠༨ ཟླ་ ༩ ཚེས་ ༡༥ རེས་གཟའ་ཟླ་བ་ཉིན་བཙན་བྱོལ་བོད་མིའི་བཅའ་ཁྲིམས་དོན་ཚན་ ༥༩ འོག་དམིགས་བསལ་ཚོགས་ཆེན་ཐེངས་དང་པོ་ཞེས་པའི་ཚོགས་ཆེན་བསྡུ་བསྐོང་གནང་རྒྱུའི་ལས་རིམ་གྲོས་འཆར་ཞིག་སྤྱི་འཐུས་ཚོགས་འདུའི་སྟེང་ཕུལ། གྲོས་ཚོགས་ནང་བཀའ་སྤྱི་གཉིས་ནས་ཚོགས་འདུའི་ལས་རིམ་གྱི་གྲོས་འཆར་ལ་གོ་བསྡུར་སྦྱང་བཤད་གནང་བའི་མཐར་ཚོགས་འདུའི་མིང་ལ། བཙན་བྱོལ་བོད་མིའི་བཅའ་ཁྲིམས་དོན་ཚན་ང་དགུ་པའི་འོག་དམིགས་བསལ་ཚོགས་ཆེན་ཐེངས་དང་པོ་ཕྱི་ལོ་ ༢༠༠༨ ཅེས་དང་། ཚོགས་དུས། ཕྱི་ལོ་ ༢༠༠༨ ཟླ་ ༡༡ ཚེས་ ༡༧ རེས་གཟའ་ཟླ་བ་ནས་ཚེས་ ༢༢ སྤེན་པའི་བར་ཉིན་དྲུག་རིང་སྔ་དྲོ་ཆུ་ཚོད་ ༩་༣༠ ནས་ཕྱི་དྲོ་ཆུ་ཚོད་ ༥་༠༠ བར།ཚོགས་ཡུལ་རྡ་སྟེང་བོད་ཁྱིམ་སློབ་གྲྭ། གཞན་ཚོགས་མིའི་ཡོང་ཁུངས་དང་ཚོགས་མིའི་གྲངས་ཁྱོན་༥༦༠གཏན་འབེབས་དང་དེའི་ཁོངས་སུ་གཞུང་གི་ལས་ཀྱི་སྣེ་མོར་མི་གཏོགས་པའི་གཞུང་འབྲེལ་མིན་པའི་ཚོགས་པ་ཁག་བཅུའི་སྐུ་ཚབ་གྲངས་ཉི་ཤུ་དང་རྒྱུན་ལྡན་བོད་དོན་ཐོག་ཐུགས་ཁུར་དང་འགན་འཁུར་ལས་འགུལ་གནང་མཁན་རྒྱ་བལ་འབྲུག་གསུམ་དང་། དེ་མིན་ཕྱི་རྒྱལ་ཡུལ་གྲུ་ཁག་ནས་དང་བླངས་ཕེབས་མཁན་གྲངས་༤༨བཅས་འདུག ཚོགས་འདུའི་དབུ་འབྱེད་ཀྱི་མཛད་སྒོའི་སྟེང་དུ་། བཀའ་ཤག་གི་བཀའ་བློན་ཚོས་ཚོགས་ཆེན་གྱི་སྐོར་ལ་གསུང་བཤད་ཚིག་རྐྱང་གནང་གི་མིན་གསུངས་འདུག། ད་དུང་གཞུང་ཞབས་ཚོར་གཞུང་གི་སྲིད་བྱུས་དང་ལངས་ཕྱོགས་གླེང་སློང་མི་དགོས་པར་སོ་སོའི་ལྟ་ཚུལ་བཤད་དགོས་ཟེར། འདི་ཕྱི་གསལ་ནང་གསལ་གྱི་སྐད་ཆ་ཞིག་རེད་དམ་མ་རེད། གཞུང་ཞབས་ཚོས་ཚོགས་ཐོག་ཏུ་གཞུང་གི་སྲིད་ཇུས་དང་ལངས་ཕྱོགས་གླེང་མ་དགོས་བར་སོ་སོའི་ལྟ་ཚུལ་བཤད་ཆོག་ན་དམིགས་བསལ་ཚོགས་ཆེན་དབུ་མ་ཚུགས་པའི་སྔོན་ལ་གཞུང་ཞབས་ཚོར་དམིགས་བསལ་ཚོགས་ཆེན་དང་འབྲེལ་བའི་བཅར་འདྲི་བྱས་མི་ཆོག་པ་ཅི་རེད། ངེད་ཀྱི་རྨོངས་འཆར་ལྟར་ན། ཚོགས་ཆེན་ཐོག་ཏུ་གཞུང་གི་སྲིད་ཇུས་དང་ལྟ་བ་བཤད་མི་བཤད་དེ་སྐད་ཆ་གཞན་ཞིག་རེད། གལ་སྲིད་ད་རེས་དངོས་གནས་དྲང་གནས་༧གོང་ས་མཆོག་གི་ཐུགས་རེ་ནང་བཞིན་མང་ཚོགས་ཀྱི་བསམ་ཚུལ་བསྡུས་ཡོད་ན། ཚོགས་ཐོག་ཏུ་གཞུང་གི་སྲིད་ཇུས་དང་ལྟ་བ་གླེང་རྒྱུའི་གཞི་མེད། དེ་ལྟར་བྱུང་མེད་ན་ནི། ཚོགས་ཐོག་ཏུ་གཞུང་གི་སྲིད་ཇུས་དང་ལྟ་བ་མ་གླེང་རུང་ཚོགས་ཐོག་གི་སྐད་ཆ་དེ་གཞུང་གི་སྲིད་ཇུས་དང་ལྟ་བའི་སྣེ་ནས་འདུག་གི་རེད། ཕར་བཤད་ཚུར་བཤད་ཅི་ཞིག་བྱས་རུང་གཞུང་གི་དཀྱིལ་འཁོར་དེ་ལས་ཕར་བརྒལ་ཐུབ་ཀྱི་མ་རེད།
སྲི་ཐར་
འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་གཞོན་པ་སྲི་ཐར་ཨ་རིའི་རྒྱལ་ས་ཝ་ཤིན་ཊོན་དུ་སླེབས་ནས་བོད་དོན་སྐོར་གྱི་གསར་འགོད་གསལ་བསྒྲགས་འགོད་ཀྱི་རེད་ཟེར། ཁོའི་ལོ་རྒྱུས་ཞིབ་གསལ་མཁྱེན་མཁན་ཡོད་ན་འདིར་འགོད་རོགས། གཤམ་གསལ་པར་རིས་དེ་དྲ་རྒྱ་ནས་བཤུས་པ་ཡིན་
ལྷ་ས་ས་རེད། ཇོ་བོ་ཟངས་རེད།
སྤོབས་པ་མཐའ་ཡས། རང་རེའི་མི་ཕལ་མོ་ཆེས་དད་པ་འཇོག་དགོས་ས་དེར་མི་འཇོག་པར་མི་དགོས་ས་རྐྱང་རྐྱང་གི་ཆེད་དུ་སྲོག་ཡིན་ཡང་གཏོང་ཐུབ་པའི་དད་པ་འཇོག་གི་རེད། བོད་མི་ཕལ་མོས་ཆེ་མི་ཚེའི་རིང་ལྷ་སར་ཐེངས་གཅིག་འགྲོ་ཐུབ་པ་དེ་ཧ་ཅང་གི་སྐལ་བ་བཟང་པོ་ཞིག་ཏུ་བརྩི་ཞིང་། སྔོན་དུས་སུ་ངེད་ཚོའི་ཕ་ཡུལ་མདོ་ཁམས་སྨད་ནས་ལྷ་ས་བར་དུ་གོམ་བགྲོད་ཀྱིས་ཟླ་བ་གསུམ་བགྲོད་དགོས་ཤིང་རྐུན་ཇག་མང་བ། མཐུན་རྐྱེན་ཞན་པ། འབྲོག་སྟོང་དང་། གཡང་ས་དང་། ནགས་ཁྲོད་དང་། ལ་ཐུར་མང་བ་སོགས་ཀྱི་དཀའ་ངལ་རྣ་བས་ཉན་མི་བཟོད་པ་མང་པོ་ཡོད་ཀྱང་ཇི་མི་སྙམ་པར་འགྲོ་ཞིང་སྲོག་མགོ་ཐོན་པ་དང་མ་ཐོན་ཅི་རིགས་བྱུང་གིན་ཡོད་འདུག བོད་མི་ཚོ་ས་དེ་ལྟབུའི་དཀའ་བ་དང་དུ་བླངས་ནས་གང་ཞིག་མཇལ་དུ་འགྲོ་བ་དེ་ནི་ཀོང་ཇོས་སྤྱན་དྲངས་པར་གྲགས་པའི་ཇོ་བོ་ཞེས་པའི་གསེར་སྐུ་འདི་དང་གཞན་ཡང་ལྷ་སྐུ་མདའ་ངེ་མདུང་ངེ་དང་ལྷ་ཁང་བ་གེ་བུག་གེ་ཁ་ཤས་ཤིག་རེད། དེ་མིན་གླིང་སྐོར་ལམ་འགྲམ་གྱི་ས་རྡོ་ཡན་ཆད་ལ་བྱིན་རླབས་ཞུ་བ་དང་མཆོད་པ་འབུལ་ཁུལ་གྱིས་མར་བྱུགས་ནས་ནག་རིལ་རིལ་བཟོས་ཡོད་པ་རེད། ལྷ་ཁང་དང་ལྷ་སྐུ་དེ་བཞིན་ས་རྡོ་འདི་ཚོས་བྱིན་རླབས་ཟེར་བ་དེ་བཙན་ཐབས་སུ་རང་རྒྱུད་ལ་བཅུག་ཡོང་གིན་ཡོད་པའི་དད་པ་ལོང་བ་ཞིག་ལས་གང་ཡང་མེད། དེང་དུས་སུ་ཡང་བོད་མི་ཚོས་དོ་སྐྱེལ་འཕྲུལ་འཁོར་གླས་ཤིང་དོ་སྐྱེལ་འཕྲུལ་འཁོར་རེ་རེའི་ནང་དུ་མི་བཞི་བཅུ་ནས་བརྒྱད་ཅུའི་བར་བསྡད་ནས་འགྲོ་ཞིང་དེའི་དཀའ་ངལ་དང་ཉེན་ཁ་དེ་ཡང་སེམས་ཀྱིས་མི་བཟོད་པ་ཞིག་རེད། འཕྲུལ་འཁོར་ཁ་ལོ་པ་མང་པོ་ཞིག་ལ་སྦྱོང་བརྡར་དང་ལག་ཁྱེར་ཡང་ཚད་ལྡན་མེད་སྟབས་བརྡབ་སྐྱོན་བྱུང་ནས་སྲོག་ཤོར་བའི་གྲངས་འབོར་ཧ་ཅང་ཆེན་པོ་ཡིན། སྤྱིར་བཏང་ལྷ་སར་སོང་ན་ཕན་ཡོན་མེད་ཅེས་བཤད་མི་ཐུབ་ཀྱང་བོད་མིའི་དད་པ་འཇོག་སྟངས་འདིའི་གང་ལ་ཡང་སླེབས་ཀྱིན་མེད།…
ཁ་བརྡར་ཕུལ་བ།
སྐར་ཆེན་། ཡོ་རོབ། ཁ་བརྡ་དྲ་དེབ་འདི་སྒོ་ཕྱེས་ནས་ཟླ་ངོ་འགའ་ཤས་མ་གཏོགས་ཕྱིན་མེད། ཟླ་ངོ་འགའ་ཤས་འདིའི་རིང་ལ་ཁ་བརྡའི་སྒང་ལ་རྩོམ་ཡིག་སྤེལ་མཁན་མང་། ཁ་བརྡའི་སྒང་གི་རྩོམ་ཡིག་ྐློག་མཁན་མང་། རྩོམ་ཡིག་སྤེལ་མཁན་དང་ྐློག་མཁན་གཉིས་ཀྱིས་ག་ལ་ཚད། མཆན་བུ་འདེབས་མཁན་དེ་ལས་མང་།་ འོན་ཀྱང་། མཚམས་རེར་མཆན་བུ་དག་བརྗོད་བྱའི་རྩོམ་གྱི་སྒང་ལ་མ་ཕྱིན་བར་མི་སྒེར་གྱི་སྒང་ལ་ཕྱིན་པས་ག་ལ་ཚད། མི་སྒེར་གྱི་མདུན་བརྒྱབ་བསྔོགས། མི་སྒེར་གྱི་མཚང་བྲིས། ད་དུང་དེས་ག་ལ་ཚད། མཚམས་མཚམས་སུ་བརྟག་དཔྱད་དང་ཞིབ་འཇུག་མེད་པར། བློ་བསྐྱེད་དང་གནས་ལུགས་མེད་པར། རང་གི་རྩ་བའི་བླ་མའི་སྐོར་ལ་ཡང་འདྲ་མི་འདྲ་གླེང་གི་ཡོད།…
འདི་ལོར་ལོ་གསར་མ་བྱེད་རོགས།
མགོ་ལོག་འཇིགས་མེད་བློ་གྲོས་རིན་པོ་ཆེ།
ཤ་རུས་གདུང་རྒྱུད་གཅིག་པའི་བོད་རིགས་སྤུན་ཟླ་ཡོངས་ལ་ནང་གཏམ་ཞུ་རྒྱུར།
སྤྱིར་བཏང་ལོ་གསར་ནི་འཛམ་བུ་གླིང་གི་རྒྱལ་ཁབ་ཐམས་ཅད་ལ་དར་ཞིང༌། ལོ་རེའི་ནང་གི་དགའ་སྐྱིད་ཀྱི་དུས་སྟོན་ཆེ་ཤོས་ཡིན་པར་མ་ཟད། རང་རེ་གླུ་གར་དང་སྤྲོ་སྐྱིད་ལ་རོལ་རྒྱུར་དགའ་བའི་བོད་མི་རིགས་འདིས་དམིགས་བསལ་གྱིས་དགའ་ཞེན་བྱེད་ས་དང༌། ལོ་རེའི་ནང་གི་རེ་སྒུག་ཆེས་ཆེ་ཤོས་ཀྱི་དགའ་སྟོན་དུས་ཆེན་ཞིག་ཀྱང་ཡིན། འོན་ཀྱང་མི་གཅིག་གི་མི་ཚེའི་ནང་གནམ་ལོ་གསར་དུ་ཚེས་ཚད་ལ་ལོ་གསར་གཏོང་གི་ཡོད་དམ་ཟེར་ན་མེད་དེ། ཕ་མ་སྤུན་མཆེད་སོགས་རང་གི་ནང་མི་གྲོངས་པ་དང༌། ཉེ་འབྲེལ་དང་གྲོགས་པོ་ཁྱིམ་མཚེས་རྣམས་ཀྱི་ནང་མི་གྲོངས་ན་ཡང་ལོ་གསར་བྱེད་ཀྱི་མེད། སྤྱིར་བཤད་ན་༡༩༥༩ལོར་བོད་ས་རྒྱ་ལག་ཏུ་ཤོར་བ་དང༌། བོད་མིའི་འདི་ཕྱིའི་སྐྱབས་མགོན་ས་མཐར་ཕེབས་དགོས་བྱུང་བ་ནས་བཟུང༌། བོད་གཞིས་བྱེས་ལྷན་འཛོམས་ཀྱི་ཉི་མ་མ་ཤར་བར་དུ་བོད་མི་རྣམས་ཀྱིས་ལོ་གསར་གཏོང་གི་མེད་ན། འཛམ་གླིང་རྒྱལ་སྤྱིའི་སྤྱི་ཚོགས་ཀྱི་མིག་མདུན་དུ་བོད་མི་རིགས་ཀྱིས་མྱོང་དང་མྱང་བཞིན་པའི་སྡུག་བསྔལ་གྱི་རྣམ་པ་ཕྱི་ལོགས་སུ་སྟོན་པའི་ཐབས་ལམ་ཡག་ཤོས་ཤིག་ཡིན་ངེས་མོད། དེ་ལྟར་མ་བྱུང་བར་མ་ཟད་བྱེས་བཞུགས་བོད་མི་ཚོས་དགོན་པ་དང་དགོན་པའི་བར། སློབ་གྲྭ་དང་སློབ་གྲྭའི་བར། སྐྱིད་སྡུག་ཚོགས་པ་དང་སྐྱིད་སྡུག་ཚོགས་པའི་བར་འགྲན་བསྡུར་ལྟ་བུ་བྱས་ནས་ལོ་གསར་དང༌། ལོ་གསར་མ་ཡིན་པའི་སྤྲོ་སྐྱིད་སྣ་ཚོགས་གཏོང་གི་ཡོད་པ་འདི་རྒྱལ་སྤྱིའི་སྤྱི་ཚོགས་ཀྱི་མིག་ལ་དེ་ཙམ་འཕྲོད་ཀྱི་མེད། དེ་བས་ཀྱང་འདི་ལོར་ནི་བོད་པའི་དམིགས་བསལ་གྱི་ཁྲག་དང་མིག་ཆུའི་ལོ་ཟླ་ཞིག་ཡིན་པས་བོད་མི་རྣམས་ལ་རྒྱས་སྤྲོས་ཀྱི་ལོ་གསར་དང༌། གླུ་ལེན་བྲོ་འཁྲབ་བྱེད་རྒྱུའི་ཡི་ག་དང་འོས་བབས་ག་ལ་ཡོད།
ཕྱོགས་གཅིག་ནས་འདི་ལོར་བོད་ཀྱི་རྒྱལ་དོན་དུ་གྲོངས་པའི་རྒྱལ་གཅེས་དཔའ་བོ་རྣམས་སྐུ་གཤེགས་ནས་ལོ་ཁ་གང་མེད་ཅིང༌། ཁྱོ་ག་དང་ཕ་རྒན་གྱི་གཅེས་སྲོག་བོད་ཀྱི་རྒྱལ་དོན་དུ་ཤོར་བའི་ཡུགས་མོ་དང་དྭ་ཕྲུག་རྣམས་ཀྱི་མཆི་མ་ད་དུང་སྐམ་མེད་པས། ང་ཚོ་ལ་དགོད་སྒྲ་ལྷང་ལྷང་གིས་ལོ་གསར་བྱ་རྒྱུའི་ཡི་ག་དང་འོས་བབས་མེད། བོད་ཀྱི་རྒྱལ་དོན་དུ་གཅེས་སྲོག་ཤོར་མཁན་གྱི་ཤུལ་བཞུགས་ནང་མི་ཚོས་འདི་ལོར་ལོ་གསར་བྱེད་ཀྱི་ཡོད་དམ། གལ་ཏེ་མེད་ན་ང་ཚོས་ཀྱང་ཁོང་རྣམས་དང་གདུང་སེམས་མཉམ་བསྐྱེད་བྱེད་དགོས་པ་ལས་ལོ་གསར་གཏན་ནས་བྱེད་རྒྱུ་མེད།
ལོ་རྒྱུས་ཁྲོད་རྩ་ནས་ཁ་ཐོར་བྱུང་མ་མྱོང་བའི་བོད།
ད་ང་ཅུང་ཟད་ར་བཟི་འདུག གྲོགས་པོ་ཚོ། ཡིན་ན་ཡང་ངས་གསལ་པོར་དྲན་གྱི་འདུག ཀླུ་སྨྱོན་གྱིས་སྔོན་མ་ཞིག་ལ་མདོ་ཁམས་ཀྱི་ས་ཆ་དེ་རྒྱ་ཁོངས་ཡིན་པ་ལྟ་བུ་ཞིག་བཤད་པ་དེ་ལོས་དྲན། ངས་ཀྱང་དེའི་སྐབས་དེ་ནི་དངོས་ཡོད་ལོ་རྒྱུས་དང་ཐག་ཉེ་སེ་ཡོད་པ་ལྟ་བུ་ཞིག་བཤད་ཡོད། ད་ལྟ་ཡང་དེ་ག་རང་ཡིན། རྒྱལ་སྤྱིའི་ལོ་རྒྱུས་དང་ལྷག་པར་དུ་ཆབ་སྲིད་རྐྱང་བའི་ལོ་རྒྱུས་བཤད་ཡོང་ན་ཁོའི་སྐད་ཆ་དེར་བདེན་པ་ཡོད་པ་ལྟ་བུ་ཞིག་ཡོད་པ་རེད། ཡོངས་གྲགས་ལྟར་ན། མདོ་ཁམས་འདི་ཆོས་རྒྱལ་མེས་དབོན་ཚོའི་སྐབས་བོད་ཁོངས་ཡིན་པ་ལྟ་བུ། དེ་ནས་འ་ཞ། དེ་ནས་སོག་པོ། དེ་ནས་བར་གནས་ཀྱི་རྒྱལ་ཕྲན་ཁག་ཅིག་གམ་རྒྱ་ཁོངས་ཡང་ན་བོད་ཁོངས། བོད་དེའང་རང་བཙན་ནམ་རྒྱ་ཁོངས་ཡིན་པ་ལྟ་བུའི་སྲིད་དོན་ལོ་རྒྱུས་རབ་རིབ་ཅིག་ཡོད་པ་རེད། འདི་ནི་ཡོངས་གྲགས་ཀྱི་ལོ་རྒྱུས་ལྟ་སྟངས་ཤིག་རེད། ཡིད་ངོར་ཆབ་སྲིད་དང་ལངས་ཕྱོགས་གང་ཞིག་གིས་ཀྱང་སླད་མ་ཞུགས་པའི་མི་མང་ཕལ་བ་ཚོས་སྟོད་དབུས་གཙང་ནས་བོད་རང་བཙན་ཡིན་ལབ་ན་སྨད་རྒྱ་བོད་འདྲེས་མཚམས་སུ་ཡང་བོད་རང་བཙན་ཡིན་ཞེས་སྐད་འབོད་བྱེད་ཀྱི་འདུག…
དེ་ལས་མང་བ་། “ལོ་རྒྱུས་ཁྲོད་རྩ་ནས་ཁ་ཐོར་བྱུང་མ་མྱོང་བའི་བོད།” »
༧གོང་ས་མཆོག་གིས་ཡུ་རོབ་གྲོས་ཚོགས་སུ་བཀའ་སློབ་བསྩལ་བ།
དུས་ཀྱི་འཁོར་ལོ་དང་དེའི་འཕྲོས་བཤད།
རྩོམ་ཡིག་འདི་ལ་གཟིགས་འདོད་ཡོད་ཚེ་གཤམ་གྱི་ཁ་བྱང་དེར་རྡེག་གནོན་གནང་རོགས། kalachakara
བཙན་བྱོལ་བོད་མིའི་མ་འོངས་པའི་འདུན་ལམ་གང་ཡིན་ནམ།
དགེ་མཐར། ——— བོད་མི་མང་གི་ཐབ་རྩོད་ནི་རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་པ་ལྟར་འགྲོ་བ་མིའི་ཐོབ་ཐང་གི་ཆེད་དུ་མ་ཡིན་ལ། ཡང་ན་རྒྱ་རིགས་དམངས་གཙོ་དོན་གཉེར་བ་རྣམས་ལྟར་དམངས་གཙོའི་སྲིག་གཞུང་སྤེལ་པའི་ཆེད་དུ་ཡང་མ་ཡིན། ཡང་ཡི་ཤུའི་རྣམ་དག་ཆོས་ལུགས་ཀྱི་གཞུང་ལྟར་ཆོས་ལུགས་སྤེལ་བའི་ཆེད་དུ་ཡང་མ་ཡིན། ང་ཚོ་བོད་མི་རྣམས་ཀྱི་ཐབ་རྩོད་ནི་བོད་མིར་རང་ཐག་རང་གཅོད་དང་རང་ཡུལ་རང་ལག་ཏུ་ཡོང་བའི་ཆེད་དུ་ཡིན། གལ་ཏེ་བོད་ཡུལ་དེ་བོད་མིར་བདག་དབང་ཐོབ་རྗེས་བོད་ཡུལ་དེ་དམངས་གཙོའམ་དམར་ཤོག་གམ་སེར་ཤོག་གང་དུ་འགྱུར་ཡང་ཁྱད་པར་མེད། བོད་རང་བཙན་ནི་བོད་མིའི་འདོད་འདུན་དང་དམིགས་ཡུལ་ཡིན། དམིགས་ཡུལ་བོད་རང་བཙན་དོར་ན་ཆོས་དད་རང་དབང་དང་དམངས་གཙོ་དང་འགྲོ་མ་མིའི་ཐོབ་ཐང་སོགས་ལ་ཇི་ཙམ་འབད་ཀྱང་ང་ཚོའི་རྩ་དོན་ངོ་མར་མཐུ་ཤོར་འགྲོ་བ་ལས་ནུས་པ་གང་ཡང་ཐོན་མི་ཐུབ། བོད་ཕྱི་ནང་དུ་གནས་པའི་བོད་མི་སུ་ཡིན་ཡང་སྙིང་གི་ནང་དུ་བོད་རང་བཙན་མི་བསམ་མཁན་སུ་ཡང་མེད་ལ་དེ་ལ་དུས་རབས་ནས་དུས་རབས་དང་མི་རབས་ནས་མི་རབས་འབད་བརྩོན་བརྟེན་རྒྱུར་ཡང་ཐེ་ཚོམ་མེད། འོན་ཀྱང་རྡ་སའི་བཙན་བྱོལ་བོད་གཞུང་གི་དམིགས་ཡུལ་ངོ་མ་དེ་སྔར་གྱི་དགའ་ལྡན་ཕོ་བྲང་བོད་ནང་སྐྱར་གསོ་ཡོང་ཐབ་ཡིན་ནམ། ཡང་ན་སྔར་མེས་དབོན་རྣམ་གསུམ་གྱི་བོད་དེ་སྐྱར་གསོ་ཆེད་ཡིན་ནམ། ཡང་ན་བོད་ནང་གི་བོད་མི་ཚོར་འགྲོ་བ་མིའི་ཐོག་ཐང་དང་ཆོས་དད་རང་མོས་ལ་རྒྱབ་སྐྱོར་ཡིན་ནམ། ཡང་ན་རྒྱ་གར་དང་བལ་ཡུལ་ནང་གི་སྐྱབས་བཅོལ་བོད་མི་རྣམས་བོད་ནང་པྱིར་ལོག་ཐུབ་པ་བཅས་གང་ཡིན་ཁ་གསལ་པོ་ཞིག་མེད་པའི་གནས་སྟངས་འདི་ལྟ་བུའི་འོག་མི་ལོ་ལྔ་བཅུའི་རིང་སྐྱབས་བཅོལ་གནས་སྟངས་འོག་བསྡད་པའི་བོད་མི་རྣམས་ཀྱི་མ་འོངས་འདུན་ལམ་སྐོར་ལ་ཇི་ལྟར་བསམ་དགོས་སམ། ཕྱི་ལོ་…
དེ་ལས་མང་བ་། “བཙན་བྱོལ་བོད་མིའི་མ་འོངས་པའི་འདུན་ལམ་གང་ཡིན་ནམ།” »
སྤྲོ་སྟོན་གླུ་གཞས།
ཟླ་བ་འདིའི་སྤྱེ་ཚེས་༢༡་ཉིན་བལ་ཡུལ་དུ་རྒྱ་རི་བློ་གྲོས་ཚང་གི་བུ་མོའི་སྲས་ཞིག་ཨྱོན་སྤྲུ་སྐུའི་ཡང་སྲིད་ལ་བོད་མི་ལས་ཕྱི་རྒྱལ་བ་ མང་བ་འཛོམས་ནས་ཁྲི་སྟོན་མཛད་སྒོ་རྒྱ་ཆེན་ཞིག་སྤེལ་ཡོད་ལ་སྐབས་དེར་རྒྱ་རི་བློ་གྲོས་རྒྱལ་མཚན་ཕེབས་ཡོད་པ་དང་། ཁྲི་སྟོན་གྱི་ཉིན་གསུམ་པར་བལ་ཡུལ་གྱི་བོད་རིགས་གླུ་བ་ཚེ་རིང་འགྱུར་མེད་ནས་སྤྲོ་སྟོན་གྱི་གླུ་དབྱངས་ཕུལ་ཡོད་པར། བལ་ཡུལ་གནས་སྡོད་བོད་རིགས་ཁག་ཅིག་ནས་ད་ལོའི་སྡུག་སྣང་འདིའི་འོག་ནས་དགའ་སྣང་གི་གཞས་གཏོང་བ་ནི་འོས་པོ་ཞིག་མ་རེད་སོགས་ཀྱི་གླེང་སློང་བྱས་དང་བྱེད་ཀྱིན་ཡོད་འདུག དེས་ན། ཀློག་མཁན་ཁྱེད་རང་ལ་ཚོར་སྣང་ཅི་ཞིག་སྟེར་རམ།
བོད་པའི་མིག
དགེ་འདུན་རབ་གསལ་གྱིས། ང་ལ་བོད་པའི་མིག་ཅིག་ཡོད། ངས་རང་གི་བོད་པའི་མིག་འདི་འཁྱེར་ནས་འཇིག་རྟེན་མྱུལ། ངའི་གྲོགས་པོ་ཚོ་ལ་ཡང་བོད་པའི་མིག་དེ་ཡོད་ལ། ངའི་གཞུང་དང་ངའི་དཔོན་པོ། ངའི་བླ་མ་རྣམས་ལ་ཡང་བོད་པའི་མིག་དེ་ཡོད། བོད་པའི་མིག་དེ་ལ་ཡ་མཚན་མང་པོ་རྙེད། ངའི་བོད་པའི་མིག་འདིས་ “འོ་མ་”ཞེས་པའི་བཏུང་བ་འདི་ནི་སེམས་ཅན་ལས་བཞོས་པ་ཤེས། ངའི་འཁྲིས་ཀྱི་ “བོད་པ་མ་ཡིན་པའི་མིག་”དེ་ཚོས་ “འོ་མ་”ཞེས་པ་དེ་འགྱིག་དམ་ཞིག་གི་ནང་དུ་ཡོད་པའི་བཟོ་གྲྭའི་ཐོན་རྫས་ཤིག་ཏུ་མཐོང་། ངའི་བོད་པའི་མིག་གིས་ཚོན་མདོག་དམར་པོ་དེ་མ་འགྲིག་པ་དང་ཉེན་ཁའི་རང་བཞིན་ཅན་དང་། ལྗང་ཁུ་དེ་ཉེན་མེད་དང་འགྲིག་པ་ཞིག་ཡིན་པའི་མཚོན་རྟགས་སུ་མི་འཛིན། གཞན་གྱི་”མིག་”གིས་དེ་ལྟར་འཛིན།…
འཇིགས་རུང་གི་ན་ཚ། བོད་ཡུལ་དུ་ཁྱབ་བཞིན་པའི་གློ་གཅོང་ཆེན་མོ།
བོད་ཡུལ་དུ་ཁྱབ་བཞིན་པའི་གློ་གཅོང་ཆེན་མོའམ་གློ་གཅོང་གི་འཇིགས་པ་དམར་པོ་ཞེས་པའི་ཆེད་རྩོམ་ཞིག་ལ་ལྟ་འདོད་ན་གཤམ་གྱི་འབྲེལ་ཡིག་བཤུ་འཁྱེར་གྱིས་ཀླད་དུ་དྲངས་ནས་ཀློགས། རྩོམ་ཡིག་དེ་པནཌི་ཏ་ཡིག་གཟུགས་སུ་འདུག་པས་ཁྱེད་ཀྱིས་ཀློག་ཐུབ་མིན་གྱི་འགན་ལེན་མེད། http://www.tibet123.com/tibbs/dispost.asp?BoardID=22&PostID=10373
འཇིགས་རུང་གི་ན་ཚ། བོད་ཡུལ་དུ་ཁྱབ་བཞིན་པའི་གློ་གཅོང་ཆེན་མོ།
བོད་ཡུལ་དུ་ཁྱབ་བཞིན་པའི་གློ་གཅོང་ཆེན་མོའམ་གློ་གཅོང་གི་འཇིགས་པ་དམར་པོ་ཞེས་པའི་ཆེད་རྩོམ་ཞིག་ལ་ལྟ་འདོད་ན་གཤམ་གྱི་འབྲེལ་ཡིག་བཤུ་འཁྱེར་གྱིས་ཀླད་དུ་དྲངས་ནས་ཀློགས། རྩོམ་ཡིག་དེ་པནཌི་ཏ་ཡིག་གཟུགས་སུ་འདུག་པས་ཁྱེད་ཀྱིས་ཀློག་ཐུབ་མིན་གྱི་འགན་ལེན་མེད། http://www.tibet123.com/tibbs/dispost.asp?BoardID=22&PostID=10373
