རྭ་རྒྱ་བློ་དབང་
དུང་ཟླའི་གཟི་བྱིན་སྤྲིན་ལ་ཡིབ་པའི་རྒྱུས་མེད་ས་མཐའི་མཚན་ལྗོངས་ཏེ། །
འཇམ་རླུང་བསིལ་མ་དལ་བར་གཡུག་པའི་སྟོང་འཇགས་ལྷོ་མཐའི་ཐང་ཆེན་དུ། །
ཁྲ་ཆུང་མིག་མདའ་སྐོར་ཙམ་བྱས་པས་རི་ཐང་འདྲིས་མའི་སྨག་རླབས་ཁྲོད། །
ལྷེམ་ལྷེམ་འཚེར་བའི་འོད་སྣང་གང་ཞིག་མུན་པའི་གཤེད་དུ་འབར་བ་མཐོང་། །
ཅི་ཞིག་ད་ལྟ་གཉོམ་པོར་བཞད་པའི་འོད་ཀྱི་སྣང་བ་འདི་ཙམ་ཡང་། །
བསྐལ་བའི་མེ་དཔུང་གྱེན་ཏུ་འཕྱུར་བའི་མེ་སོན་མཆོག་ཏུ་འགྱུར་སྙམ་སྟེ། །
གང་ཞིག་རི་རབ་རྡུལ་དུ་རློག་པའི་ཆུ་ཀློང་ཆེན་པོའི་རླབས་ཤུགས་ཀྱང་། །
མི་མཐོང་ས་ཡི་གཏིང་ལ་ཡིབ་པའི་ཆུ་མིག་དག་ལས་བྱུང་མིན་ནམ། །
བོད་ཀྱི་རྩ་དོན་ཆེད་རང་གི་བསམ་ཚུལ།
དགེ་འདུན་དཀོན་མཆོག་ལ་ཕྱག་འཚལ་ལོ། དགེ་འདུན་དཀོན་མཆོག་ལ་ཕྱག་གསུམ་འཚལ་ནས་བོད་ཀྱི་རྩ་དོན་སྐོར་བསམ་ཚུལ་ཅུང་ཟད་ཞུ་ན་འདོད་བྱུང་། ང་ཚོས་ད་བར་བོད་ཀྱི་རྩ་དོན་སྐོར་མང་པོ་གླེང་ཞིང་རྒྱབ་འདྲེ་མང་པོ་བརྒྱབས་ཚར་བས་ངའི་བསམ་ཚུལ་དེ་ཁྱེད་ཚོས་ཤེས་ཀྱི་རེད་ལ་ཁྱེད་ཚོའི་བསམ་ཚུལ་ངས་ཀྱང་ཤེས་ཀྱི་འདུག ་ཀྱང་ད་དམིགས་བསལ་གྱི་བོད་དོན་ཚོགས་ཆེན་སླེབས་ལ་ཉེ་བས་ཡང་སྐྱར་རང་གི་བསམ་ཚུལ་ཁ་གསལ་གྱིས་ཞུ་དགོས་བསམ་བྱུང་། རང་བཙན། གལ་སྲིད་ང་ཚོས་རང་བཙན་བརྩད་པ་ཡིན་ན་ངས་དེར་ལམ་ཁ་གཉིས་མཐོང་གི་འདུག གཅིག་ང་ཚོར་དམག་ཤུགས་དང་དཔལ་འབྱོར་གྱི་སྟོབས་ཤུགས་རྒྱ་ནག་ལས་ཆེ་བ་ཡོད་ན་ང་ཚོས་དམག་བརྒྱབ་ཏེ་རང་ས་ལེན་ཆོག་ཀྱང་དེ་མེད་པ་མ་ཟད་སྐྱབས་བཅོལ་གྱི་གནས་སྟངས་སྐྱོ་བོ་རང་གི་རྐང་པའི་ཐོག་ལངས་མ་ཐུབ་པར་བསྡད་ཡོད་པ་རེད། ངས་རང་བཙན་དགོས་ཟེར་མཁན་རྣམས་ལ་དམིགས་བསལ་གྱི་སེམས་ཤུགས་ཚ་བོ་ཞིག་ཡོད་པ་མཐོང་གི་འདུག ཡིན་ན་ཡང་རང་བཙན་འདི་སེམས་ཤུགས་གཅིག་པོས་ཡོང་ཐབས་མེད་པ་དེའང་མཐོང་གི་འདུག ད་ལམ་ཁ་གཞན་ཞིག་ནི་རྒྱལ་སྤྱིའི་ཐོག་ནས་བོད་རང་བཙན་ཡིན་པ་ངོས་ལེན་དང་དེ་ལ་རྒྱབ་སྐྱོར་ཐོབ་པ། རྒྱ་ནག་ལ་གནོན་ཤུགས་སྤྲད་ནས་རང་བཙན་མ་སྤྲད་རང་སྤྲད་བྱ་འཇུག་རྒྱུ་དེ་རེད། དེ་འདྲ་ཞིག་ཡོང་རྒྱུར་ཐོག་མར་བཙན་བྱོལ་བོད་གཞུང་འདི་བོད་མིའི་ཁྲིམས་མཐུན་གྱི་གཞུང་ཡིན་པ་རྒྱལ་སྤྱིའི་ཐོག་ངོས་ལེན་ཡོང་དགོས་པ་རེད། བོད་འདི་ལོ་རྒྱུས་ཐོག་རང་བཙན་ཡིན་པ་ངོས་ལེན་ཡོང་དགོས་པ་རེད། ང་ཚོས་བཙན་བྱོལ་བོད་གཞུང་བོད་མིའ་ཁྲིམས་མཐུན་གྱི་གཞུང་ཡིན། བོད་རང་བཙན་ཡིན་ཞེས་བཤད་རྒྱུ་དེ་ལས་སླ་པོ་ཞིག་རེད།…
ཟླ་བ། ངའི་བརྩེ་དུང་གི་དཔང་པོ།
ཨ་རིག་འགྱུར་མེད། ང་དང་སྙིང་སྡུག་མས་སེམས་གཏམ་གླེང་དུས འཇིག་རྟེན་གྱི་མི་ཚོགས་ཉལ་ཞིང་ དབུགས་ཐོགས་ཚད་ཀྱི་འཁུན་སྒྲ་འཇགས་འདུག ཧ་ཅང་རྒྱང་རིང་རྒྱང་རིང་ཞིག་ན ཆུ་བོའི་བཞུར་སྒྲ་ཙམ་ལས་ཅི་ཡང་མི་ཐོས ཡིན་ནའང་། ངས་སྙིང་སྡུག་མའི་བརྩེ་ཆང་འཐུང་སྟེ གསང་གཏམ་ཤབ་ཤུབ་ཅིག་གླེང་དུས མཁའ་མཐའི་ཟླ་བ་བགད་བྱུང་ མཚམས་མེད་པར་ངེད་གཉིས་ལ་བལྟས་ནས་བགད་སྟབས ངས་ཟླ་བ་འདི་སྤྲིན་གྱིས་བསྒྲིབས་ཏེ སྐར་ཚོགས་ཀྱང་གཉིད་དུ་ཡུར་ན་བསམ ཡིན་ནའང་ དུས་དེ་ནས་བཟུང་…
ཕ་ཡུལ་གྱི་གཟའ་ཉི་མའི་ཉིན་ཐོ།
བོད་ཨ་མདོ་ནསལྷ་མོ་སྒྲོལ་མས 2008-11-13 ཉིན
ཉི་མ་སེར་བོ་ལུས་ལ་ཤར་ན་ཡང༌།།
བུ་མོ་ང་རང་རྒྱུན་ལྟར་མལ་ན་ལུས།།
ཆུ་ཚོད་དགུ་དང་ཕྱེད་ཀ་ཡས་མས་སུ།།
འཐད་མི་འཐད་ཀྱི་སྒོ་ནས་མལ་ལས་ལངས།
ནང་གོས་ལུས་ལ་གཡོགས་ཙམ་བྱས་ནས་སུ།།
བརྙན་འཕྲིན་སྒོ་ཕྱེ་རང་ཉིད་ཆེས་དགའ་བའི།།
འོད་སྡེར་དེ་ཉིད་ནང་དུ་བཞག་པ་དང༌།།
ང་ཚོ་མཉམ་དུ་ཡོད་ཞེས་དལ་གྱིས་གྲགས།།
ཁ་ལག་བཀྲུས་ཅིང་ཟ་མ་ཟོས་རྗེས་སུ།།
རང་ཉིད་གོམས་ལོབས་སོང་བའི་ས་ཕྱོགས་དེར།།
དཔེ་ཆ་ལག་ཏུ་བཟུང་ནས་དལ་གྱིས་བསྐྱོད།།
དགོན་པའི་གཡས་ཕྱོགས་སྒུར་མགོ་ཐོན་པ་ན།
།གྲུབ་འབྲས་ཡག་པོ་མེད་པས་སྐྱོ་རབས་གླེང༌།།
སྙན་ངག་པ་དང་སྒྱུ་མ་མཁན།
ཀླུ་སྨྱོན། བུད་མེད་སྙན་ངག་པ་དོམ་པ་ཚེ་རིང་དབང་མོར་ཆེད་དུ་ཕུལ་བ། ཉི་ཟེར་ས་གཞིའི་སྟེང་དུ་འཕྲོས་མ་ཐག སྒྱུ་མ་མཁན་ལམ་ལ་ཆས་ཤིང་། ཁོ་ལ་དམིགས་ཡུལ་དང་རྒྱགས་བྲོ་ལྡེངས་ངེས་ཤིག་ཡོད། ཁོ་རང་ལམ་ལ་ཆས་ཤུལ་དུ། སྨུག་སྤྲིན་ཕོན་པོ་ཞིག་གིས་ཁོའི་གྲོང་ཚོ་དེ་སྟུག་པོར་བཀབ། ཡིན་ན་ཡང་། ཆུ་འགྲམ་དུ་ཁོའི་ཆུང་དུས་ཀྱི་རྐང་རྗེས་འགའ་གསལ་ལ་མི་གསལ་བའི་ཚུལ་དུ་ད་དུང་ལུས་འདུག སྒྱུ་མ་མཁན་གྱི་འཚོ་བ་ལ་དོན་སྙིང་ལྡན། སྒྱུ་མ་མཁན་གྱི་མི་ཚེ་ལ་རྒྱབ་ལྗོངས་མང་། སྒྱུ་མ་མཁན་གྱིས་རང་གི་འདོད་པ་བཞིན་ཡོད་པ་མེད་པར་བསྒྱུར་ཐུབ་ཅིང་མེད་པ་ཡོད་པར་ཡང་བསྒྱུར་ནུས། སྒྱུ་མ་མཁན་གྱི་རྣམ་ཤེས་དེ་འཇིག་རྟེན་གཞན་ཞིག་ནས་འོངས་པ་བཞིན། ཁོ་ཚོའི་རིགས་རྒྱུད་ཁོ་ནས་ད་གཟོད་འཇིག་རྟེན་གཞན་གྱི་གསང་བ་རྟོགས་ཐུབ་པར་གླེང་། བུ་མོ་ཞིག…
ལས་མཐའ་ཟད་པའི་གྲོས་མོལ།
ཟླ་བ་ཚེ་རིང་། ཐེངས་འདིའི་འབྲེལ་མོལ་མཇུག་སྒྲིལ་རྗེས། ངྷ་རམ་ས་ལ་དང་པེ་ཅིན་གཉིས་བར་དུ་གོ་ལྡོག་པའི་ངང་ཚུལ་གསར་བ་ཞིག་བྱུང་ཡོད། འབྲེལ་མོལ་རིམ་པའི་སྐབས། པེ་ཅིན་གཞུང་གིས་སྐབས་ཐོག་སོ་སོར་བོད་པའི་སྐུ་ཚབ་ཚུན་རྒྱ་ནང་དུ་འབྱོར་ཡོད་མེད་གསང་རྒྱ་བྱས་ཡོད་ནའང་། ཐེངས་འདིར་ཆེད་དུ་དུས་ཡུན་ཆུ་ཚོད་གཅིག་དང་ཕྱེད་ཀ་ཅན་གྱི་གསར་འགོད་གསལ་བསྒྲགས་ཤིག་སྤེལ་ཏེ་འབྲེལ་མོལ་འདིའི་ནང་དོན་ཕྱི་བསྒྲགས་བྱས་ཡོད་ལ། དེ་ཡང་རྒྱལ་སྤྱིའི་སྤྱི་ཚོགས་ལ་ཁ་གཏད་ནས་ཕྱི་གསལ་ནང་གསལ་བཟོས་ཡོད། འོན་ཀྱང་ཚང་མས་ཅི་ཙམ་ཁ་གདངས་ཤིང་མིག་ཅེར་ནའང་རྷ་རམ་ས་ལས་འབྲེལ་མོལ་འདིའི་ནང་དོན་ད་དུང་ནག་ཁུང་ནང་བཞག་ནས་ཕྱི་ལོགས་ལ་བཏོན་མེད། ངང་ཚུལ་གསར་བ་འདིས་མི་རྣམས་ལ་གོ་བརྡ་གསར་བ་ཞིག་སྤྲོད་ཀྱི་ཡོད། ངྷ་རམ་ས་ལར་རང་ཉིད་ཀྱིས་བཏོན་པའི་གྲོས་མོལ་གྱི་གཞི་རྩའི་དགོས་འདུན་ཁག་ལ་པེ་ཅིན་ལས་ལྷག་པའི་གདེང་ཚོད་ཅིག་མེད་པ་དེ་ཡིན་ལ། གདེང་ཚོད་འདི་ད་ལྟ་ངྷ་རམ་ས་ལ་ལས་པེ་ཅིན་གཞུང་ལ་མཐོ་ཙམ་ཡོད། པེ་ཅིན་གཞུང་གིས་ངྷ་སའི་ཕྱོགས་ནས་བཏོན་པའི་གྲོས་མོལ་གྱི་གཞི་རྩ་ཞི་བའི་དོན་ཚན་ལྔ་ལ་ཞིབ་ཚགས་པོའི་ངེས་ཤེས་ཤིག་ཅིག་རྙེད་ཡོད་མེད་བཤད་དཀའ་ནའང་། ཐེངས་འདིར་དེ་དག་རེ་རེ་བཞིན་བཀྲམས་ནས་བརྡ་ལན་ཞིག་བྱིན་པ་ནི་བརྡ་སྤྲོད་གཞུང་ལུགས་ནང་གི་དགག་སྒྲ་སྟེ་༼ མ་མི་མེད་མིན༽བཞི་བོ་འདི་ཡིན། དགག་སྒྲ་འདིའི་ནང་དུ་གྲོས་མོལ་གྱི་གཞི་རྩའི་དགོས་འདུན་ཙམ་དུ་མ་ཟད།…
བར་ལམ་བོད་ནང་གི་ཛ་དྲག་གི་བྱུང་རྐྱེན་དང་རྒྱལ་སྤྱིའི་གནས་བབ་འོག་བོད་ཀྱི་རྩ་དོན་སྒྲུབ་ཕྱོགས
གྲོས་གཞི།
བར་ལམ་བོད་ནང་གི་ཛ་དྲག་གི་བྱུང་རྐྱེན་དང་རྒྱལ་སྤྱིའི་གནས་བབ་འོག་བོད་ཀྱི་རྩ་དོན་སྒྲུབ་ཕྱོགས
བལ་ཡུལ་རྣམ་རྒྱལ་མཐོ་སློབ་ཆོས་དགེ་བསྟན་འཛིན་ཉི་མ་ནས་༢༠༠༨།༡༡།༠༨ཉིན
༡༽ བོད་ནང་གི་ཛ་དྲག་གི་བྱུང་རྐྱེན་གཙོ་བོ་ནི། རྒྱ་དམར་གྱིས་བོད་ཆེན་པོ་འདི་ལ་བཅངས་པའི་དམིགས་ཡུལ་དང་པོ་ཤར་དུས་ནས། གཙོ་བོ་བོད་པའི་ཆོས་དང་རིག་གཞུང་རྩ་མེད་དུ་གཏོང་དགོས་པའི་ཧམ་སེམས་བཅངས་ཡོད། དེ་ནི་དམར་པོའི་ལྟ་བ་ཡིན། དམར་པོའི་ལམ་སྟོན་སི་ཏ་ལེན་གྱིས། མི་རིགས་ཤིག་མེད་པར་བཟོ་བ་ལ། དང་པོ་དེའི་སྐད་ཡིག་མེད་པར་བཟོ་དགོས་ཅེས་པའི་གཡོ་བྱུས་ཀྱི་ལམ་སྟོན་གཞིར་བཞག་ནས། དུས་ད་ལྟའི་བར་བོད་མི་རིགས་ཀྱི་སྲོག་རྩའི་ཆོས་དང་རིགས་གཞུང༌། གོམས་བཤིས་སྐད་ཡིག་བཅས་མེད་པར་བཟོ་ཐབས་ཀྱི་གཡོ་བྱུས་སྣ་ཚོགས་ཅིག་ར་དང་རིམ་པར། བཙན་དབང་དང་གཡོ་རྒྱུ་ཁོ་ནས་བརྩམས་པའི་བཀོལ་སྤྱོད་བྱས་དང་བྱེད་མུས་ཀྱི་ངན་བྱུས་དེ་དག་ལ་བོད་མི་རྣམས་ཀྱིས་མ་བཟོད་པར། ལུས་སྲོག་ལོངས་སྤྱོད་ཕངས་མེད་དུ་བཏང་བའི་ཛ་དྲག་གི་དོན་རྐྱེན་འདི་བྱུང་བ་རེད། དེ་ནི་བོད་ཀྱི་རྩ་དོན་ཁོ་ན་ལ་ཐུག་པ་ཡིན་སྟབས། ང་ཚོ་རང་དབང་ལུང་པར་ཡོད་པའི་བོད་མི་རྣམས་ནས་གཞིས་ལུས་རྒྱ་ཆེའི་མི་དམངས་ཀྱི་ཚབ་བྱས་ཏེ་བོད་ཀྱི་རྩ་དོན་སྒྲུབ་ཕྱོགས་ཐད་དུས་འགྱངས་སུ་མ་སོང་བར་གྲུབ་འབྲས་སྨིན་ཐབས་གནང་དགོས།
༢༽ དེ་ཡང་རང་བཙན་མི་འདོད་པའི་བོད་པ་སུ་ཞིག་མེད་ཀྱང༌། འདས་མ་འོངས་ད་ལྟའི་བོད་དང་རྒྱ་ནག རྒྱལ་སྤྱི་བཅས་ཀྱི་འཕོ་འགྱུར་གྱི་གནས་བབ་ལས་བསྲེག་བཅད་བརྡར་གསུམ་གྱི་སྙིང་བཅུད་དབུ་མའི་ལམ་གྱི་ལྟ་གྲུབ་འདི་ལས་ལྷག་པའི་བོད་ཀྱི་རྩ་དོན་སྒྲུབ་ཕྱོགས་ཀྱི་སྲིད་བྱུས་བཟང་པོ་གཞན་ཞིག་མ་མཐོང༌། འོན་ཀྱང་ད་ལྟའི་བར་དུ་དབུ་མའི་ལམ་གྱི་སྲིད་བྱུས་འདི་ལ་གྲུབ་འབྲས་མ་ཐོན་པ་ནི། ང་ཚོའི་དབུ་མའི་ལམ་གྱི་སྲིད་བྱུས་འདི་ནི་རང་གཞན་གཉིས་ཕན་གྱི་སྙིང་རྗེ་གཞིར་རྩར་བཞག་པའི་ལམ་ལུགས་བཟང་པོའི་སྲིད་བྱུས་ཤིག་ཡིན་ལ། རྒྱ་ཕྱོགས་ནས་རང་གི་འདོད་རྔམས་ཁོ་ན་མཁྲེགས་འཛིན་བྱེད་པ་ལས་བྱམས་སྙིང་རྗེ་ལ་བརྩས་མེད་དང༌། གཞན་ལ་མཐོང་ཆུང༌། དབང་ཤུགས་དང་གཡོ་སྒྱུ་ཁོ་ན་བེད་དུ་སྤྱད་པས་ད་ལྟའི་ཆར་གྲུབ་འབྲས་གང་ཡང་མ་སོན། དེར་བརྟེན་ང་ཚོའི་ངོས་ནས་ཀྱང་དབུ་མའི་ལམ་གྱི་ལྟ་བ་གཞིར་རྩར་བཞག་སྟེ། དབུ་མའི་ལམ་གྱི་སྤྱོད་པའི་ཐབས་ལམ་གྱི་སྲིད་བྱུས་ཀྱི་རྣམ་གྲངས་མང་དུ་གཏོང་དགོས།
ང་ལ་འབྱུང་འགྱུར་གྱི་བཀའ་བློན་ཁྲི་བ་རྙེད་བྱུང༌།
ཐེ་བོ་ཤེས་རབ་རྒྱ་མཚོ། དེང་སྐབས་ཕྱོགས་གང་སར་འབྱུང་འགྱུར་གྱི་བཀའ་བློན་ཁྲི་བ་གསར་བ་འཚོལ་རྒྱུར་བྲེལ་འཚུབ་ཅིག་ལངས་ཡོད་པ་དང༌། བྲེལ་འཚུབ་དེའི་འོག་ནས་ང་ཡང་རང་རེའི་བཙན་བྱོལ་བའི་དཀྱིལ་འཁོར་ཆུང་ཆུང་འདིའི་ནང་འབྱུང་འགྱུར་གྱི་བཀའ་བློན་ཁྲི་བ་གསར་བ་ཞིག་འཚོལ་དུ་སོང༌། རྒྱ་ལོ་དོན་གྲུབ། རྒྱ་རི་བློ་གྲོས་རྒྱལ་མཚན། རྗེ་བཙུན་པདྨ། འཇུ་ཆེན་ཐུབ་བསྟན། ཨ་ལགས་འཇིགས་མེད། བཀྲེས་མཐོང་བསྟན་འཛིན་རྣམ་རྒྱལ། བཀའ་ཟུར་པདྨ་ཆོས་འབྱོར། བསོད་ནམས་སྟོབས་རྒྱལ། ཞེ་བོ་བློ་བཟང་དར་རྒྱས་སོགས་འདི་འདྲའི་མང་པོ་མང་པོ་ཞིག་རྙ ེད་པར་གྱུར། འོན་ཀྱང༌། བདག་གིས་ཡང་སྐོར་བསྐྱར་སྐོར་བསམ་གཞིགས་བྱས།…
དེ་ལས་མང་བ་། “ང་ལ་འབྱུང་འགྱུར་གྱི་བཀའ་བློན་ཁྲི་བ་རྙེད་བྱུང༌།” »
དུས་འགྱུར་རྩོམ་ཡོན་དང་བདག་གི་རྨི་ལམ།
ཨ་རིག་འགྱུར་མེད་ཀྱིས།
ཕྱི་ཟླ་ ༩ ཚེས་ ༡༢ གྱི་མཚན་མོར་ངས་མལ་ས་ནས་དུས་འགྱུར་དུས་དེབ་སྤྱིའི་འདོན་ཐེངས་གཉིས་པ་དེ་བཀླགས་ཤིང༌། རྒྱབ་ཤོག་ནང་ལོགས་ཀྱི་རྩོམ་སྐུལ་ཞིག་ཏུ་རྩོམ་ཡིག་འབྲི་མཁན་ཚོར་རྩོམ་ཡོན་ཞིག་འབུལ་རྒྱུ་ཡིན་སྐོར་བསྒྲགས་འདུག་ལ། རྒྱུ་མཚན་དེར་བརྟེན་ངས་ཀྱང་རྩོམ་ཡིག་ཅིག་འབྲི་རྒྱུར་སེམས་ཐག་བཅད།
དངོས་གནས་རེད། ང་ལ་རྩོམ་ཡོན་ཞིག་དགོས་ཀྱི་འདུག མ་ཟད་ངས་རང་ཉིད་ཀྱི་དཀའ་སྤྱད་སྡུག་རུས་ལ་བརྟེན་ནས་བྲིས་པའི་རྩོམ་ཡིག་དེ་དུས་འགྱུར་དུས་དེབ་ཐོག་བཀོད་དེ་ངས་དུས་འགྱུར་རྩོམ་སྒྲིག་ཁང་གིས་བསྐུར་ཡོང་བའི་རྩོམ་ཡོན་དེས་ཟས་ཞིམ་པོ་ཞིག་དང༌། ཆུ་གྲང་མོ་ཞིག་འཐུང་སྤྱད་བྱེད་ན་འདོད། གལ་སྲིད་བྱུང་ན་གྲོགས་པོ་འགའ་སྐད་བཏང་ནས་སྟབས་བདེའི་དགོང་ཟས་ཤིག་ཀྱང་མཉམ་དུ་འཐུང་ན་འདོད། འདི་ལྟར་ང་རྩོམ་ཡོན་ལེན་སའི་དུས་དེབ་དང་རྩོམ་ཡོན་ལེན་སའི་ཚགས་ཤོག་རྩོམ་སྒྲིག་ཁང་མང་བོ་ཞིག་གི་སྒོ་འགྲམ་ཉུལ་ནས་རང་ཉིད་ཀྱི་རྩོམ་ཡིག་བཙོང་དུ་འགྲོ་ན་འདོད། ནམ་ཞིག་བཙན་བྱོལ་སྤྱི་ཚོགས་ཁྲོད་ཀྱི་བོད་མི་བརྒྱ་ཆ་དགུ་བཅུ་གོ་དགུ་ཡན་གྱིས་བོད་ཀྱི་སྐད་ཡིག་སྟེང་ཡོད་པའི་ཚགས་ཤོག་དང་དུས་དེབ་འདྲ་མིན་བཀླག་ཐུབ་པར་འགྱུར་ཞིང༌། དུས་དེབ་རྩོམ་སྒྲིག་ཁང་དང་ཚགས་ཤོག་རྩོམ་སྒྲིག་ཁང་ཚང་མས་རང་ཁ་སོས་ཤིང༌། གཞན་གྱིས་བསྐུར་ཡོང་བའི་རྩོམ་ཡིག་ལ་རྩོམ་ཡོན་ཚད་ངེས་ཅན་རེ་སྤྲོད་ཐུབ་པར་འགྱུར་བ་དང༌། རྩོམ་པ་པོ་མང་བོ་ཞིག་རྩོམ་ཡོན་ལ་བསྟེན་ཏེ་རང་ཁ་གསོ་ཐུབ་པ་དང༌། རྩོམ་ཡོན་ལ་བསྟེན་ཏེ་ཆེད་ལས་རྩོམ་པ་པོ་ཞིག་བྱ་ཐུབ་ཚེ། སྐབས་དེ་དུས་ངས་དམིགས་འདུན་འགྲུབ་སོང་བ་ཡིན། སྐབས་དེ་དུས་ང་ཡང་དངོས་གནས་ཉིན་མཚན་འགར་རྩོམ་ཡིག་གཅིག་ལ་ཤི་འཐམ་རོ་འཐམ་བྱས་ཏེ་ཞིབ་ཚགས་དང་རྒྱས་འབྲི། སྒྱུ་རྩལ་གྱི་ཕྱོགས་སུ་འབད་ངེས་ལ། མདུན་སྐྱོད་ཀྱི་གོམ་པ་ཧ་ཅང་ཧ་ཅང་གི་བརྟན་པོ་ཞིག་སྤོ་རྒྱུར་ཐེ་མི་ཚོམ།
ལུག་རྫིའི་སྙན་ངག
བདག་ནི་ལོ་ན་ཉི་ཤུར་བསླེབས་པའི་གཡང་དཀར་རྫི་བོ་གཞོན་ནུ་སྟེ། ། གཉིས་འཐུང་མཆེ་བ་གཏུབས་པའི་རྗེས་འགྲོ་ཟླ་ཤེལ་ཁ་བའི་རི་ཚོམ་དང་། ། རྐང་འཐུང་ཡལ་ཀ་བསྣོལ་མར་འཁྲིགས་པའི་ལྗང་མདོག་རི་བོའི་གདགས་སྲིབ་དང་། ། འཇའ་ཚོན་མེ་ཏོག་ཚོམ་བུར་བཀྲ་བའི་མརྒད་སྤང་ཐང་ཡངས་པོའི་གཞིར། ། ཨེ་ཊ་ཀ་ཡི་ཁྱུ་དང་ལྷན་ཅིག་ལོ་ཟླའི་ཕྲེང་བ་སོར་མོས་བགྲངས། ། ཉིན་ཞིག་ཆགས་ལྡན་སྔོ་བསང་གཡེམ་མས་མཚམས་སྤྲིན་དམར་པོའི་གོས་དོར་ནས། ། དགུ་ཚིགས་དོ་ཤལ་མགུལ་བར་དཔྱངས་ཤིང་སྐར་ཚོགས་སྟོང་གི་རྒྱན་སྤྲས་ཏེ། ། བཅུ་དྲུག་ལང་ཚོའི་དཀྱིལ་འཁོར་རྫོགས་པའི་མཛེས་སྡུག་ཟླ་བ་གཞོན་ནུ་དེར།…
བོད་ཀྱི་སྐུ་ཚབ་ཀྱིས་འགན་འཁུར་དགོས་ཟེར།
གསར་འགྱུར་འདིའི་ནང་རྒྱ་བོད་ཀྱི་འབྲེལ་མོལ་འདི་འབྲས་བུ་མེད་པ་དང་། འགན་ཚང་མ་བོད་ཀྱི་སྐུ་ཚབ་ཀྱིས་འཁུར་དགོས་ཟེར། བོད་གཞུང་གིས་ཅི་ཡང་ལན་འདེབས་མ་བྱས་པའི་གནས་སྟངས་ལ་བལྟས་ན། དངོས་གནས་རྒྱ་ཕྱོགས་ལ་རྒྱུ་མཚན་འདུག་སྙམ་གྱི་འདུག ད་དུང་རྒྱ་ཕྱོགས་ཀྱི་བཤད་སྟངས་ལ་གཞིགས་ན། བོད་གཞུང་གི་སྐུ་ཚབ་ཚོས་རྒྱལ་བ་རིན་པོ་ཆེའི་བཀའ་དགོངས་རྣམས་རྒྱ་ཕྱོགས་ལ་མི་བཤད་པར། རང་བཙན་དང་རང་བཙན་ཕྱེད་ཟེར་བའི་སྐད་ཆ་འདི་འདྲ་བཤད་ཡོད་ཚོད་རེད། འདི་ལྟར་ངོ་མ་ཡིན་ན། སྐུ་ཚབ་ རྣམས་རེ་རེ་བཞིན་འདྲི་གཅོད་བྱས་ནས། ཁོང་ཚོས་བོད་མིའི་རེ་བ་རྩ་མེད་བཏང་བ་དེར་ཉེས་པ་ཞིག་སྤྲོད་དགོས། གཤམ་ལ་རྒྱའི་གསར་འགྱུར་འདི་གཟིགས་རོགས་གནང་། http://v.cctv.com/html/wwwwxinwen/2008/11/wwwwxinwen_300_20081110_15.shtml
འཆམ་འཆམ་ལས་བཏུས་པའི་སྙན་ངག
ཀླུ་སྨྱོན། མུན་ནག་གི་འཇིག་རྟེན་ལ་ལང་ཚོ་སྣོན་པའི་སྐར་ཚོགས་དལ་བུར་འཕྱོ་བའི་མཚན་མོ་དེར། བདག་གཅིག་བུས་ཀེང་རུས་ལྟ་བུའི་ལུས་པོ་འཁྱར་འཁྱོར་ངང་དཀར་ལྷོག་ལྷོག་ཏུ་འཕྱུར་བའི་སྨུག་སྤྲིན་བརྒལ་ནས་རྒྱང་རིང་གི་རི་གྲོང་ཞིག་ཏུ་བསྐྱོད། འཇམ་སྙན་རོལ་དབྱངས་ཀྱི་འགྱུར་ཁུག་ལྟ་བུའི་དུང་ཞེན་གྱི་ལོ་འདབ་ལ་བྲིས་པའི་ཁེར་རྐྱང་གི་སྐྱོ་གདུང་དུམ་བུ། གློག་གཞུའི་འོད་སྣང་སྐྱ་བོའི་ཁྲོད་དུ་འཕུར་བའི་སྨྲེ་སྔགས་དང་མིག་ཆུའི་མངར་སྐྱུར་དང་འདྲེས་ཏེ་ཆར་ཟིམ་དལ་བུར་འཐོར་བའི་སྤྲིན་གསེབ་ཏུ་རྒྱུ། ཆར་སྤྲིན་གྱི་ལྟེབས་གཉེར་བར་ནས་གློག་ཞགས་ཀྱིས་མཚན་ལྗོངས་ལ་ཚེ་སྲོག་གི་དྲན་ཤིང་འཇོག་དུས། དྭངས་ཤིང་གཙང་བའི་གཏམ་རྒྱུད་ཅིག་བདག་གི་སྙིང་དམར་པོའི་སྒོ་གླེགས་བར་ནས་དུང་ཟླ་དཀར་པོའི་ལང་ཚོ་ཇི་བཞིན་འཛུམ་ཡོང་། ཆུ་ཐིགས་དང་ལོ་འདབ་ཀྱི་སྙིང་གཏམ་ལ་རྫོགས་ཚིག་འགོད་ཐབས་བྲལ་བའི་ལྗོན་ཤིང་གི་ཡལ་གར་བསྙེས་པའི་སྙན་ངག་པ་ཀྱེ། ས་མཐའི་གཉེན་ཉེ་ཡི་འཕྲིན་ཡིག་དང་ཁ་བ་མཉམ་དུ་འབབ་མི་སྲིད་པ་ནི། ཁྱོད་ལ་བཞག་པའི་སྐྱོ་གར་དེའི་མཇུག་མཐའི་རོལ་དབྱངས་ཐེངས་ཤིག་མ་ཡིན་ནམ། བརྩེ་དུང་དང་རེ་འདུན་བསྲེགས་པའི་མེ་ལྕེ་ནི་མཁའ་མཐའི་ཉི་མ་དམར་པོ་དེ་ལགས་པས། ཕ་སའི་སྦྲ་ནག་གི་ཆོན་ཐག་ལ་བརྒྱུས་པའི་བཅོ་ལྔའི་དུང་ཟླ་བགྲང་ལས་འདས་པའི་ཕམ་ཁའི་སྡུག་ཡུས་དེ་འདི་རུ་གྱེར་བས་ཅི་ཕན། དུང་ཟླ་ཟླུམ་པོ་དེར་ནང་ཡང་ལྷིང་འཇགས་དཀྲོག་པའི་སྙིང་གྲོགས་ཤིག་ཡོད་པའི་གཏམ་རྒྱུད་མང་མོད། འོད་དཀར་གྱི་གཟེགས་མས་ནམ་རྒྱུན་ཁེར་རྐྱང་གི་སྙན་ངག་པའི་མིག་མཐའ་བརླན་དོན་ཅི།…
ཨ་མདོ་སྟག་ཚང་ལྷ་མོའི་ཞང་ཐོག་ནས་དམེ་བྱས་ནས་མི་གཅིག་བསད་འདུག
ཐེ་བོ་ཤེས་རབ་རྒྱ་མཚོ། རྒྱ་ནག་གཞུང་གིས་འཆར་གཞི་ལྡན་པའི་ཐོག་ནས་བོད་མི་གཞོན་སྐྱེས་རྣམས་ཀྱི་མི་ཚེ་འཕྲོ་བརླག་གཏོང་ཐབས་སུ་བོད་ཁུལ་གང་སར་ཆང་ཁང་དང་ཤོ་ཁང༌། གཞང་ཁང་སོགས་བཙུགས་ཡོད་པར་བརྟེན་འདས་པའི་ལོ་འདི་དག་གི་རིང་བོད་ནང་ཁུལ་གྱི་ན་གཞོན་བསམ་མེད་རེ་ཟུང་གིས་ནང་དམེ་བྱས་དང་བྱེད་མུས་ཡིན། དེར་བརྟེན་བོད་མི་ན་གཞོན་གང་མང་ཞིག་གི་མི་ཚེ་མདུན་ལམ་ལ་གནོད་པ་ཧ་ཅང་འཚབ་ཆེན་ཐེབས་ཀྱིན་ཡོད། ད་ལོ་བོད་ནང་གསུམ་བཅུའི་དུས་དྲན་ནས་བཟུང་རྒྱ་གཞུང་ལ་ངོ་རྒོལ་བྱེད་སྐབས་ཀ་ཆ་ཁར་ནང་དམེའི་དོན་རྐྱེན་བྱུང་ཡོད་པ་དང༌། མདང་དགོང་བོད་ནས་ཁ་པར་བརྒྱུད་རྒྱུས་ལོན་བྱུང་བ་ལྟར་ན་བཞག་སྡོམ་རྫས་ཧོར་སྡེ་བའི་ཨ་ཀར་གྱིས་ཧུ་ར་སྡེ་བའི་བསམ་གྲུབ་དར་རྒྱས་ལ་གྲི་བརྒྱབ་ནས་སྟག་ཚང་ལྷ་མོའི་ཞང་ཐོག་གི་ཆང་ཁང་ཞིག་གི་ནང་དུ་བསད་ཡོད་འདུག ཁོང་གཉིས་ཆ་རུ་སྡེ་ཕན་ཚུན་ཐག་ཉེ་ཡིན་འདུག འདས་པོ་བསམ་གྲུབ་དར་རྒྱས་ནི་སྔོན་མ་སྟག་ཚང་ལྷ་མོའི་ཀིརྟི་དགོན་པའི་ནང་གྲྭ་བ་བྱས་མྱོང་ཡོད་འདུག ད་ཆ་རུ་ཧུ་ར་སྡེ་བས་འདས་པོ་བསམ་གྲུབ་ཀྱི་རོ་སྐྱིན་ལེན་རྒྱུར་གྲ་སྒྲིག་བྱེད་ཀྱིན་ཡོད་ནའང༌། རྒྱ་ནག་གཞུང་གིས་དེའི་ཐད་ཅི་ཡང་བཤད་ཀྱི་མེད་སྟབས་སྟག་ཚང་ལྷ་མོའི་ཀིརྟི་དགོན་པའི་གྲ་བ་ཚོ་རུ་སྡེ་གཉིས་ཀྱི་བར་བུད་ནས་གྱོད་དོན་འདི་ཞི་འཇགས་སུ་གཏོང་རྒྱུ་ཡིན་ཚུལ་བཤད་བྱུང༌། སྤྱིར་བཏང་ད་ལོ་བོད་ཁུལ་གྱི་ཕྱོགས་གང་ས་ནས་བོད་མི་ཚོས་རྒྱ་ནག་གཞུང་ལ་ངོ་རྒོལ་བྱེད་སྐབས་བཞག་སྡོམ་པ་ཡང་རྒྱ་ནག་གཞུང་ལ་ངོ་རྒོལ་བྱེད་མཁན་གཙོ་གྲས་ཡིན་སྟབས། དེ་གའི་རུ་སྡེ་ནང་གི་རྒད་པོ་དང་ཕོ་གསར་བསམ་ཡོད་འགས། འདི་ད་ལོ་རྒྱ་ནག་གཞུང་ལ་ངོ་རྒོལ་སྐབས་བསད་ཡོད་རྒྱུ་ན་འུ་ཚོ་ཚང་མའི་མི་རབས་ནས་མི་རབས་བར་གཟི་བརྗིད་རེད་ཅེས་འགྱོད་པ་ཤུགས་ཆེན་བྱེད་ཀྱིན་ཡོད་པར་མ་ཟད། བོད་ཕྱི་ནང་གཉིས་ལ་ཡོད་པའི་རང་རིགས་སྤུན་ཟླ་བསམ་ཡོད་ཅན་ཚོས་རུ་སྡེ་འདི་གཉིས་ལ་མགྱོགས་མྱུར་ཁ་ཏ་བསླབ་བྱ་རེ་གནང་རོགས་ཞེས་ཁ་པར་བརྒྱུད་ནས་རེ་སྐུལ་ཤུགས་ཆེན་ཞུ་བཞིན་འདུག་ན་རྣམ་པ་ཚོས་འདིའི་ཐད་ལ་སེམས་བརྩེ་བས་ཀུན་བསླངས་ཏེ་ཁ་ཏ་བསླབ་བྱ་རེ་གནང་རྒྱུ་མཁྱེན།
༄༅།། བདེན་དོན་འཐབ་རྩོད།
རིག་པའི་རྡོ་རྗེས།
གླེང་སློང་།
ངས་འདིར་རང་ཐག་རང་གཅོད་ཀྱི་ཐོག་ནས་བསམ་ཚུལ་ཁ་ཤས་ཞུ་འདོད་བྱུང་། འདི་ནི་རང་གི་བསམ་ཚུལ་གསལ་བོར་བརྗོད་པ་ཙམ་ལས། ཚོགས་པ་དང་སྒྲིག་འཛུག་གི་ལངས་ཕྱོགས་མིན་ལ། ༧གོང་ས་མཆོག་དང་། བོད་གཞུང་ལ་སྐྱོན་བརྗོད་བྱེད་འདོད་དེ་བས་ཀྱང་མིན་པས། གཟིགས་མཁན་རྣམས་ཀྱིས་དེ་ལུགས་ལྟར། དགེ་སྐྱོན་གང་ཡོད་གང་ཟག་སྒེར་གྱི་ཐོག་འགེལ་རོགས་ཞེས་ཐོག་མར་གླེང་སློང་བའི་ཚུལ་གྱིས་ཞུ་བ་ཡིན།
ལོ་རྒྱུས་ལ་གཞི་བཅོལ་ཏེ་བདེན་དོན་འཐབ་རྩོད་བྱེད་དགོས།
དེ་ཡང་བོད་ཀྱི་རྒྱལ་རབས་སྤྱིའི་དབང་དུ་བཏང་ན། དང་པོ་གནམ་གྱི་ཁྲི་བདུན་དང༌། སྟོད་ཀྱི་སྟེང་གཉིས། ས་ཡི་ལེགས་དྲུག ཆུ་ལ་ལྡེ་བརྒྱད། བར་གྱི་བཙན་ལྔ། གཉན་བཞི། སྨད་ཀྱི་བཙན་བཅུ་སྟེ། མདོར་ན་སྔ་ཕྱིར་བོད་རྒྱལ་བཞི་བཅུ་ཞེ་གཉིས་ཀྱིས་མི་ལོ་བརྒྱད་བརྒྱ་ལྷག་རིང་བོད་ལ་དབང་བསྒྱུར་ཞིང་། བོད་རང་བཙན་དུ་གནས་ཡོད་པ་མ་ཟད། ལྷག་པར་དུ་མེས་དབོིན་རྣམ་གསུམ་གྱི་རིང་བོད་འདི་སྟོབས་ཆེན་རྒྱལ་ཁབ་ཅིག་གི་ངོ་བོར་གནས་ཡོད་པ། རྒྱ་ནག་གཞུང་གིས་ཀྱང་ཁས་ལེན་བྱེད་བཞིན་ཡོད་པ་འདི་རེད། དེ་རྗེས་ས་སྐྱ་དང་། ཕག་གྲུ རིན་སྤུངས། གཙང་པ། དགའ་ལྡན་ཕོ་བྲང་བཅས་ཀྱི་རིང་ལ་ཡང་། རང་ས་རང་གིས་བཟུང་ཏེ། རང་བཙན་གྱི་ངོ་བོར་གནས་ཡོད་པ་རྒྱལ་སྤྱིའི་ཁྲིམས་ཐོག་དང་དངོས་ཡོད་གནས་ཚུལ་གཉིས་ཀའི་ཆ་ནས་ཐག་གཅོད་བྱས་ཡོད། དེས་ན་ལོ་རྒྱུས་ཐོག་བོད་རང་བཙན་ཡིན་པ་བདེན་པ་ཡིན་དུས་བདེན་དོན་དེ་ཞུམ་པ་མེད་པར་རྩོད་དགོས། འདི་ལ་འགྱུར་བ་གཏོང་རྒྱུ་གང་ཡང་ཡོད་པ་མ་རེད། ལོ་རྒྱུས་ནི་ལོས་རྒྱུས་ཀྱིས་ཐག་གཅོད་བྱས་ཡོད་པས། ལོ་རྒྱུས་ལ་འགྱུར་བ་གཏོང་རྒྱུའི་ཐོབ་ཐང་སུ་ལ་ཡང་མེད་པ་མ་ཟད། ང་ཚོས་རང་གི་རྒྱལ་ཁབ་ཀྱི་བདེན་པའི་ལོ་རྒྱུས་ལ་ཡིད་ཆེས་དང་བརྩི་བཀུར་ངེས་ཅན་དུ་བྱེད་དགོས།
བོད་པའི་ཟིང་འཁྲུག་ཐག་གཅོད་ཐབས་ཀྱི་དབུ་མའི་ལམ་འཁྲུལ་མེད་ཅིག
བང་ལི་ཞུང་། ( དབྱིན་ཡིག)
མང་རའི་གངས་ཐིགས་ཀྱིས་བསྒྱུར། ཝཱཎ་མཐོ་སློབ།
(སྒྱུར་མཁན་གྱི་མཆན། ཕྲན་གྱིས་སྐུ་ཞབས་བང་ལི་ཞུང་གིས་བོད་དོན་ཐོག་ལ་འཛིན་པའི་ཆབ་སྲིད་ཀྱི་ལྟ་བ་ངོ་མ་དེ་ྐློག་པ་པོ་ཚོར་སྟོན་པའི་ཆེད་དུ་བསྒྱུར་བ་ཡིན་པ་ལས་དམིགས་ཡུལ་གཞན་ཅི་ཡང་མེད། ྐློག་པ་པོ་ཚོས་ཁོང་གི་བོད་འབྲེལ་གྱི་ཆབ་སྲིད་རྩོམ་ཡིག་སྤྱི་ལ་བགྲོད་གླེང་གནང་རོགས་ཞུ།)
ན་གཞོན་ཞིག་ཡིན་དུས་ང་དེ་སྔ་རྒྱ་ནག་གི་བྱང་ཤར་གྱི་གྲོང་གསེབ་དུ་”སློབ་གསོ་བསྐྱར་གཏོང”་བྱ་བར་བཏང་བྱུང་། ཉིན་ཞིག་ངས་ཤིང་རྟ་འཁོར་ལོ་ཞིག་དེད་དེ་ཀུང་ཧྲེ་ནང་ལ་རོགས་སྐྱོར་བཟའ་ཆས་ལེན་པར་སོང་བ་ཡིན། བཟའ་ཆས་དོ་དམ་ལས་ཁུངས་ནང་དུ་”གསར་འགྱུར་སྙིང་སྡུས་ News Digest ཚགས་པར་ཕྱོཊ་བསྡུ་ཤག་པ་ཞིག་མཐོང་བ་དང་ངས་འཕྲལ་དུ་པར་ལོག་ཅིག་ལ་སྤར་འཇུ་བརྒྱབ་སྟེ་བྐླགས་པ་ཡིན། འདི་ནི་དེ་སྔ་ཕྱི་གླིང་གི་གནས་ཚུལ་བཀོད་ཡོད་པའི་ཚགས་པར་གཅིག་པུ་དེ་ཡིན། དེའི་གསར་འགྱུར་དག་ནི་ཆབ་སྲིད་བསམ་བློའི་འཛིན་སྟངས་སྐོར་ལ་ཡིན་ནའང་། དེ་ཉུང་མཐར་སྐབས་དེའི་དམར་ཕྱོགས་ཚོགས་པའི་ཚགས་པར་དག་གི་ཚད་གཞི་དག་ལས་མ་འདྲ་བ་ཡོད། གསར་འགྱུར་དག་གི་ཁྲོད་དུ་གཅིག་ནི་དེ་སྔ་ཕྱི་རྒྱལ་གནས་ཚུལ་མཁོ་གཏོང་བ་ཞིག་གིས་༸ཏཱ་ལའི་བླ་མ་ལ་བཅར་འདྲི་བྱས་པ་ཞིག་རེད། ངས་རྩོམ་ཡིག་དེའི་ཞིབ་ཕྲའི་བརྗོད་བྱ་དྲན་པ་བརྗེད་འདུག་མོད། འོན་ཀྱང་ངའི་དྲན་འཛིན་གྱི་ཡོལ་བའི་ངོས་སུ་ད་དུང་འང་སྐམ་ཞིང་རིང་པའི་གཞོན་ནུ་ཞིག་གི་གཟུགས་བརྙན་ཞིག་ལྷག་འདུག་པ་ནི་རྒྱ་ནག་གི་ཚད་མེད་སྐྱོན་བརྗོད་འོག་ཁེར་རྐྱང་ངང་བཙན་བྱོལ་དུ་བཞུགས་འདུག་པའི་༸ཏཱ་ལའི་བླ་མ་མཆོག་རེད། ངས་ཁོང་གི་སྐོར་ལ་སྔོན་ཆད་གོ་མྱོང་ཡོད། ཡིན་ཡང་། དམར་ཕྱོགས་ཚོཊ་པའི་རྩོམ་རིག་ནང་”ཏཱ་ལའི་”ཞེས་པ་འདི་ནི་དེ་སྔ་བོད་ཀྱི་མུན་ནག་གི་ལོ་ཟླ་དག་གི་དོན་གཅིག་མིང་གི་རྣམ་གྲངས་ཀྱི་མིང་ཚིག་ཙམ་ཞིག་ཡིན། རྩོམ་ཡིག་འདི་ངའི་ཡིད་ལ་འཁོར་བའི་རྒྱུ་མཚན་ནི་དེས་བོད་ཀྱི་རྩ་དོན་ཐོག་ལ་བསམ་ཚུལ་རྒྱས་པ་གང་རུང་ཞིག་བཀོད་ཡོད་པའི་རྐྱེན་མ་རེད། དེ་ལས་ལྡོག་སྟེ་དེས་གལ་གནད་མེད་པ་ཞིག་ལ་ཞིབ་ཕྲ་བཀོད་འདུག་པ་དེ་རེད། ངས་དེ་སྔ་རྩོམ་ཡིག་དེ་ྐློག་བཞིན་པའི་སྐབས་དེར་བཟའ་ཆས་དོ་དམ་ལས་ཁུངས་ཀྱི་ལས་བྱེད་པ་ཞིག་གིས་ངའི་ལག་ནས་ཚཊ་པར་དེ་བཙན་ཤུཊ་ཀྱིས་འཕྲོག་པ་དང་དེ་ནི་”མཐོ་རིམ་དཔོན་རིགས་ཚོ”གཅིག་པུས་ྐློག་ཆོག་པའི་”ནང་ཁུལ་འགྲེམས་སྤེལ”ཞིག་ཡིན་སྐོར་ཁོང་ཉིད་གལ་ཆེ་མདོག་གིས་བརྗོད་བྱུང་། ཉིན་ཞིག་ལ་རྐེད་ལ་ཐག་པས་སྐེད་རགས་བཅངས་ཤིང་ལག་ལ་རྟ་ལྕགས་ཤིག་དམ་པོར་བཟུང་བའི་བསམ་མེད་བུ་ཆུང་”མཐོ་རིམ་དཔོན་རིགས་”མིན་པ་ཞིག་ཉིན་ཞིག་༸ཏཱ་ལའི་བླ་མ་མཆོག་དང་གདོང་དང་གདོང་གཏུགས་ཏེ་མཇལ་འཕྲད་གནང་ཐུབ་པ་ཞིག་ཁོང་དང་ངེད་གཉིས་སུས་ཀྱང་ཚོད་དཔག་གནང་ཐུབ་མེད་པ་རེད།
དེ་ལས་མང་བ་། “བོད་པའི་ཟིང་འཁྲུག་ཐག་གཅོད་ཐབས་ཀྱི་དབུ་མའི་ལམ་འཁྲུལ་མེད་ཅིག” »
༄༅།།ཏུའུ་ཆིང་ལིན་གྱིས་ཏཱ་ལའི་བླ་མ་སྒེར་གྱི་འཐུས་མི་འཁོར་དང་བཅས་པར་མཇལ་འཕྲད་གནང་བ།
གསར་འགྱུར་འདི་གཤམ་གྱི་རྒྱ་གཞུང་གི་དྲ་གྱའི་ཐོག་ནས་ཕབ་པ་ཡིན། http://tb.tibet.cn/news/xz_news/ttxw/200811/t20081107_437194.htm ཉེ་ལམ་པེ་ཅིང་དུ་རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་དང་ཀྲུང་གུང་ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་ཏུའུ་ཆིང་ལིན་གྱིས་ཏཱ་ལའི་བླ་མའི་མི་སྒེར་གྱི་འཐུས་མི་རྒྱ་རི་བློ་གྲོས་དང་སྐལ་བཟང་རྒྱལ་མཚན་འཁོར་དང་བཅས་པར་མཇལ་འཕྲད་གནང་བ་རེད། ཏུའུ་ཆིང་ལིན་གྱིས་རྒྱ་རི་བློ་གྲོས་འཁོར་དང་བཅས་པར་པེ་ཅིང་གི་ཨའོ་རྩལ་འགྲན་ཚོགས་དང་དབང་བོ་སྐྱོན་ཅན་གྱི་ལུས་རྩལ་འགྲན་ཚོགས་སྟེང་དུ་གྲུབ་འབྲས་ཆེན་པོ་བླངས་པ་དང་། འཕུར་གྲུ་ཨང་བདུན་པ་ཞེས་པར་མི་བསྡད་ནས་མཁའ་དབྱིངས་སུ་བསྐྱོད་པ་བདེ་བླག་ངང་ལེགས་འགྲུབ་བྱུང་བའི་གནས་ཚུལ་སྐོར་ངོ་སྤྲོད་གནང་ཞིང་། དེང་སྐབས་རྒྱལ་ཁབ་དང་བོད་རང་སྐྱོང་ལྗོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་འགྲོ་བའི་གནས་ཚུལ་སྐོར་དང་། དེ་མིན་བོད་ལྗོངས་ཀྱི་ཡོམ་འགོག་གེགས་སེལ་དང་ཤིན་ཏུ་མཐོང་དཀོན་པའི་གངས་སྐྱོན་འགོག་སེལ་བྱས་ཚུལ་སོགས་ངོ་སྤྲོད་གནང་བ་རེད། ཁོང་གིས་འདི་སྐད་དུ། ང་ཚོ་དཀའ་ངལ་དང་ཚོད་བགམ་སྣ་ཚོགས་ལས་རྒྱལ་ཐུབ་པ་དང་། བཅོས་སྒྱུར་སྒོ་འབྱེད་དང་སྤྱི་ཚོགས་རིང་ལུགས་ཀྱི་དེང་རབས་ཅན་འཛུགས་སྐྲུན་ལ་ཀུན་གྱིས་དོ་སྣང་བྱེད་པའི་གྲུབ་འབྲས་གསར་པ་བླངས་ཡོད་པ་མཐའ་དག་གི་རྩ་བའི་རྒྱུ་རྐྱེན་ནི། ང་ཚོས་ཐོག་མཐའ་བར་གསུམ་དུ་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་འཕེལ་རྒྱས་ཀྱི་ལམ་ཕྱོགས་རྒྱུན་འཁྱོངས་བྱས་པས་ཡིན་ལ། ཀྲུང་གོ་ཞི་བདེའི་ངང་འཕེལ་རྒྱས་འགྲོ་བ་ནི་ནམ་ཡང་འགོག་ཐབས་མེད་པའི་ལོ་རྒྱུས་ཀྱི་འཕེལ་ཕྱོགས་ཤིག་ཡིན་པ་དང་། བོད་ལྗོངས་ཉིད་མེས་རྒྱལ་གྱི་ཁྱིམ་གཞི་ཆེན་མོའི་ནང་དུ་དར་རྒྱས་ཆེན་པོ་འགྲོ་བཞིན་པ་ནི་ཀུན་གྱི་མིག་གིས་མཐོང་ཚོད་དུ་གྱུར་པའི་དོན་དངོས་ངོ་མ་རེད་ཅེས་གསུངས་པ་རེད། ཏུའུ་ཆིང་ལིན་གྱིས་འདི་སྐད་དུ། ཀྲུང་གོའི་གུང་ཁྲན་ཏང་གི་འགོ་ཁྲིད་རྒྱུན་འཁྱོངས་བྱེད་པ་དང་། …
དེ་ལས་མང་བ་། “༄༅།།ཏུའུ་ཆིང་ལིན་གྱིས་ཏཱ་ལའི་བླ་མ་སྒེར་གྱི་འཐུས་མི་འཁོར་དང་བཅས་པར་མཇལ་འཕྲད་གནང་བ།” »
མཚན་མོ་རིང་དུ་རིང་དུ།
བདེ་ཆེན་སྒྲོལ་མ། མཚན་མོ་ནི་མཚན་མོ་ཡིན་པས། མཚན་མོ་ལ་རིང་ཐུང་ཞིག་གང་ནས་ཡོད། ཁ་བྱང་གི་གསང་བ། ཀ ཁ་སང་དེ་རིང༌། ཉི་མ་དང་རྡ་སའི་བར་ཐག་ཇེ་རིང་ཇེ་རིང་རེད། གཅིག་བྱས་ན་བདག་གི་བསམ་ཚུལ་ནོར་ཡོད་སྲིད། གནས་ལུགས་སྟོང་ཉིད་ཀྱི་མིག་ནང་ནས། མི་རིགས་དང་རྒྱལ་ཁབ་ག་ལེར་བོར་འགྲོ་དུས། མཚན་མོ་རིང་དུ་རིང་དུ། ལོ་དང་ཟླ་བར་འདྲེས་སོང༌། ཁ། སྐུ་ངོ་ཚོས། རྐང་པ་རྡ་ས་དང་མགོ་བོ་ཨ་རིར་བཞག་དུས་དང༌།…
ཨ་མ་འདས་རྗེས་ཀྱི་ཉིན་ཞག་འགའ།
ཚེ་རིང་སྐྱིད།
སྤྱི་ཟླ་ ༡༠ བའི་ཚེས་ ༢༧ གྱི་དགོང་མོ་དེར་ང་དང་ཉལ་གྲོགས་བུད་མེད་ཅིག་གིས་ངའི་ཨ་མ་གཙོ་བྱས་པའི་བོད་རིགས་བུད་མེད་ཚོའི་ལས་དབང་གླེང་ནས་ཚེས་ ༢༨ ཀྱི་ཞོགས་པའི་ཆུ་ཚོད་བཞི་བའི་བར་བསྡད། ཉིན་དེའི་ཞོགས་པའི་ཆུ་ཚོད་དགུ་བར།བོད་རིགས་བུད་མེད་ཀྱི་ནུས་ཤུགས་གོང་འཕེལ་ཞེས་པའི་བོད་གཞུང་གི་སྲིད་བྱུས་དེའི་སྒང་ལ་ཟབ་སྦྱོང་མགོ་འཛུགས་རྒྱུ་ཡིན་པས་མདང་ནུབ་གཉིད་ཚད་ལོངས་པ་ཞིག་ཡོང་ཐབས་མ་བྱུང༌། ངེད་གཉིས་ཀྱིས་ལབ་གླེང་མཚམས་བཞག་སྟེ་གཉིད་དུ་ཡུར་རྗེས་ཀྱི་གཉིད་གུང་དུ་ང་རང་མཚམས་རེར་དགོད་ཀྱིན་འདུག་ལ་ལན་རེར་ངུ་གིན་འདུག་ཟེར་ནས་ཞོགས་པ་མལ་ལས་ལངས་དུས་ཉལ་གྲོགས་བུད་མེད་དེ་ཡིས་ལབ་བྱུང༌། ངས་བསམ་བློ་ཅི་ཙམ་བཏང་ཡང་རྨི་ལམ་ཅི་ཞིག་རྨིས་པ་དང༌། རྒྱུ་མཚན་གང་འདྲ་ཞིག་གིས་གཉིད་གུང་ནས་དེ་ལྟར་བྱས་པའི་རྒྱུ་རྐྱེན་གཏན་ནས་མ་རྙེད། ཞོགས་པ་དེར་ཞོགས་ཇ་ཡང་མ་རག་པར་ཟབ་སྦྱོང་ལ་ཞུགས་པ་ཡིན།
ཟབ་སྦྱོང་མགོ་འཛུགས་ཏེ་ཆུ་ཚོད་གཅིག་ཙམ་གྱི་རྗེས་སུ་བདག་གི་ལག་ཁྱེར་ཁ་པར་ནས་སྒྲ་གྲག་བྱུང༌།
བཀའ་སློབ།
དམིགས་བསལ་ཚོགས་ཆེན་སླེབས་ལ་ཉེ་བའི་སྐབས་འདིར། མི་རེ་རེས་རང་གི་ཆབ་སྲིད་ཀྱི་ལངས་ཕྱོགས་རེ་བཟུང་ཞིང་། རྒྱལ་བ་རིན་པོ་ཆེའི་བཀའ་སློབ་ལས་སྣ་བཏོགས་སྣེ་བཏོགས་ཀྱིས་རང་ལ་གང་མཁོ་བ་ཁོ་ན་ལུང་འདྲེན་གྱིས་མི་རྣམས་དབུ་མའི་ལམ་ལས་གཞན་ཞིག་ལ་ཁ་བསྒྱུར་ཐབས་ལ་བེད་སྤྱོད་གཏོང་གི་འདུག་པས་ཁོང་གི་བཀའ་སློབ་འདི་ཚོར་ཡག་པོར་གཟིགས་རིགས་གནང་། དེ་ཡང་ཁོང་ནས། ་་ད་ཆ་འགག་ལ་ཐུག་པའི་སྐབས་འདིར་མི་མང་ལ་བསམ་འཆར་གང་ཞིག་ཡོད་པ་དེ་ལ། བསམ་བློ་བཏང་། གོ་བསྡུར་བྱས། དེ་ཡང་ཆབ་སྲིད་ཀྱི་ཕྱོགས་ཁག་སོ་སོའི་སྲིད་ཇུས་དང་ལྟ་བ་འཁུར་ནས་དེ་ཁོ་ན་སྒྲུབ་ཐབས་བྱེད་པ་ལྟ་བུ་དང་། ཆབ་སྲིད་ཀྱི་བསམ་བློ་འདྲ་མིན་བཤད་པ་དེ་འདྲ་མ་ཡིན་པར། ང་ཚོའི་རྩ་བའི་རྩ་དོན་གྱི་ཐོག་གང་དགའ་ཅི་ལེགས་ཀྱིས་གོ་བསྡུར་བྱེད་རྒྱུ་དེ་ཡིན་་་ ཞེས་གསལ་པོར་བཀའ་གནང་མི་འདུག་གམ། ད་རེས་ཚོགས་ཆེན་འདི་བོད་ཀྱི་རྩ་དོན་ཐོག་མི་མང་ལ་བསམ་ཚུལ་ཅི་ཡོད་དང་དེ་ཐོག་གྲོས་བསྡུར་བགྲོ་གླེང་ཞིག་ཡིན་པ་ལས་མཐའ་མའི་ཐག་ཆོད་དེ་འདྲ་གང་ཡང་མིན་པ་ཡང་ཁོང་ནས་གསལ་པོར་གསུངས་འདུག དེ་ཡང་ཁོང་ནས། ་་དེ་ལྟར་བཀའ་སྤྱི་གཉིས་ལ་ཞུས་ནས། གང་ལྟར་ང་ཚོར་འདིར་ཚོགས་ཆེན་འཚོག་རྒྱུའི་སྒང་ལ་བཞག་ཡོད།…
ཟམ་སྟོང་རིན་པོ་ཆེས་དང་རྒྱ་རི་གཉིས་ཀྱིས་གསང་བ་བྱེད་དགོས་པའི་གནས་ཚུལ་རྒྱ་ཕྱོགས་ཀྱིས་བཤད་འདུག
གྲོགས་པོ་ཚོ། རྒྱ་མིས་རྒྱ་བོད་ཀྱི་སྐད་ཆ་གང་བྱུང་བ་དང་། རྒྱའི་ལྟ་བ་གང་ཡིན་གསལ་པོ་ཚགས་པར་ཐོག་བཤད་འདུག བོད་གཞུང་གི་དེ་གསང་བ་བྱས་ནས། ཚོགས་འདུ་ཆེན་པོའི་ཐོག་ཤོད་རྒྱུར་གསང་བཀག་བྱེད་ཀྱི་འདུག དགོངས་པ་མ་འཚོམས། གནས་ཚུལ་གལ་ཆེ་ཡིན་སྟབས། ཡིག་ཆ་ངོ་མ་སྟོན་དགོས་ཐུག་སོང་། གྲོགས་པོ་གཅིག་གིས་ཡིག་སྒྱུར་གནང་ཨེ་ཐུབ། 杜青林接见达赖喇嘛私人代表一行 发布时间：2008-11-06 16:30:00 来源：新华网 作者： [进入论坛][打印本稿][发表评论][关闭窗口] 全国政协副主席、中共中央统战部部长杜青林近日在北京接见达赖喇嘛的私人代表甲日·洛迪、格桑坚赞一行。 杜青林向甲日一行介绍了北京奥运会和残奥会取得巨大成功、神州七号载人航天飞行圆满成功的盛况，介绍了当前国家和西藏自治区经济社会发展，以及西藏抗震救灾、抗击罕见大暴雪灾害等情况。他指出，我们之所以能够战胜各种困难和挑战，不断取得改革开放和社会主义现代化建设的举世瞩目的新成就，根本原因在于我们始终不渝地坚持中国特色社会主义发展道路。中国的和平发展是不可阻挡的历史潮流，西藏在祖国大家庭中不断繁荣进步是有目共睹的客观事实。 杜青林指出，坚持中国共产党领导、坚持中国特色社会主义道路、坚持民族区域自治制度，这是中华人民共和国宪法明确规定的，也是西藏最大的政治现实。任何否定“三个坚持”、违反宪法的行为都是绝不允许的。对“三个坚持”，必须毫不动摇、一以贯之地执行。 杜青林指出，任何组织、个人都必须以宪法为根本的活动准则，维护宪法尊严，遵守宪法和民族区域自治法。实施《中华人民共和国民族区域自治法》，必须遵循：坚持国家利益和中华民族利益高于一切的原则，坚决维护国家统一和民族团结；民族区域自治是我国单一制国家结构形式的具体体现，不同于一些国家实行的联邦制、邦联制；民族区域自治是解决我国民族问题的基本政策，是国家的一项基本政治制度，不同于国家在香港、澳门实行的“一国两制”；民族区域自治是民族自治和区域自治的有机结合，绝不允许打着“真正的民族自治”旗号制造民族分裂，损害民族团结。 杜青林强调，在维护祖国统一和领土完整这个原则问题上，无论任何时候、在任何情况下，都不可有丝毫动摇和偏离，西藏“独立”不行，“半独立”不行，“变相独立”也不行。达赖喇嘛应该尊重历史、正视现实、顺应时代，对自己的政治主张进行根本性改正，切实做到不支持策划煽动暴力犯罪活动和一切谋求“西藏独立”、分裂祖国的主张和活动，切实履行今年7月北京接谈时作出的承诺，为接触商谈取得进展创造有利条件。 杜青林表示，中央对达赖喇嘛的政策是一贯的、明确的，对话的大门始终是敞开的。今年以来，尽管出现了拉萨打砸抢烧严重暴力犯罪事件，我们仍先后三次安排达赖喇嘛的私人代表回国接触，充分体现了中央的诚意、宽宏和大度，希望达赖喇嘛作出对国家、对人民、对历史、对自己有益的选择。 中央统战部常务副部长朱维群、副部长斯塔，西藏自治区常务副主席白玛赤林与甲日一行进行了谈话。指出，中央对达赖喇嘛回到爱国立场上来的大门始终是敞开的，今后也是敞开的；但对“西藏独立”、“半独立”、“变相独立”的大门过去没有开过，今后也不会开。甲日·洛迪、格桑坚赞就有关问题陈述了想法，并表示将把有关情况向达赖喇嘛如实汇报。 此前，甲日一行到宁夏回族自治区参观。在京期间，有关专家学者就中国民族区域自治的法律、政策和实践向甲日一行介绍了情况。（责编：南卡）
