ཤ་བོ།
ཟམ་གདོང་རིན་པོ་ཆེ་ནི། བཙན་བྱོལ་བོད་གཞུང་བཀའ་ཤག་ནང་མི་མང་ནས་ཐད་ཀར་འོས་འདེམས་བྱས་པའི་བཀའ་ཁྲི་ཐོག་མ་དང༌། དངོས་གཞིའི་ལས་དོན་གྱི་ཆ་ནས་བྱས་ན། བཀའ་ཤག་སྐབས་གཉིས་པའི་ལས་དོན་ལ་འཇུག་བཞིན་པའི་སྐབས་རེད། ཟམ་གདོང་རིན་པོ་ཆེ་བཀའ་ཤག་ལ་སླེབས་པ་ནས་བཅོས་སྒྱུར་སྣ་ཚོགས་ཤིག་བྱས་ཡོད་པར། འདོད་པ་ཡོད་མཁན་དང་མེད་མཁན་མང་པོས་གླེང་སློང་སྣ་ཚོགས་བྱས་ཡོད་ནའང༌། གྲུབ་འབྲས་ཐོན་ཡོད་མེད་གླེང་བ་དུས་སུ་མ་བབས་པར་བརྟེན། བཅོས་བསྒྱུར་སྣ་ཚོགས་པའི་དགེ་སྐྱོན་གྱི་མཐིལ་དེ་མ་མཐོང་བར་ཡོད། དེ་ནི་དུས་ཚོད་དང་གྲུབ་འབྲས་ནི་བར་ཐག་གིས་ཆོད་ནས་ཡོད་པ་རེད།
ཕྱི་ལོ་ ༢༠༠༢ ལོ་ནས་ད་ལྟ་འགྲོ་མུས་ཀྱི་བོད་རྒྱ་ཞི་མོལ་འདིའི་མགོ་བཙུགས་པ་རེད། མགོ་བཙུགས་པ་དེ་ནི་གཞི་རྩའི་གནད་དོན་ཐོག་བོད་རྒྱ་ཕྱོགས་གཉིས་ཀྱི་ངོས་འཛིན་བྱེད་ཕྱོགས་མ་གཅིག་པའི་གནད་དོན་ལ་འགྱུར་བ་གཏོང་བ་ནས་མགོ་བཙུགས་ཡོད་པ་རེད། མགོ་བཙུགས་པ་དེ་ནི་དེ་སྔར་ཆད་པའི་འབྲལ་མོལ་གྱི་རྒྱུན་དེ་བསྐྱར་གསོ་བྱས་པ་ཞིག་ཡིན་ནའང༌། བསྐྱར་གསོ་འདིའི་མགོ་ཚུགས་པ་ནས་བཙན་བྱོལ་བོད་གཞུང་གི་དབུ་མའི་ལམ་གྱི་སྲིད་བྱུས་དེར་གཞི་རྩའི་ཆ་ནས་འགྱུར་བ་ཆེན་པོ་ཞིག་སོང་ཡོད། དེ་ནི་བཙན་བྱོལ་བོད་གཞུང་བཀའ་ཤག་གི་ངོས་ནས་འདི་འདྲ་ཞིག་ནས་མགོ་བཙུགས་ཡོད་པ་སྟེ། ༼རྒྱ་ཕྱོགས་ནས་ཞི་བའི་དོན་ཚན་ལྔ་དང༌། སི་ཏྲས་སྦག་གི་གསུང་བཤད་ཀྱི་སྔོན་གླེང་སོགས་ལ་བསྙད་དེ་དྭོགས་པ་རྣམ་རྟོག་ཤུགས་ཆེར་བྱས་སྟབས། དྭོགས་གཞི་དེ་དག་སེལ་སླད་ཞི་བའི་དོན་ཚན་ལྔ་ནི་བོད་དོན་འགྲིགས་ཆགས་བྱུང་མིན་ལ་མ་ལྟོས་པར་བོད་རྒྱས་དབུས་འཇིག་རྟེན་སྐྱེ་འགྲོ་སྤྱི་ལ་སྨན་པའི་འབྱུང་འགྱུར་གྱི་འཆར་སྣང་ཞིག་ཡིན་༽སྐོར་བཤད་ཡོད་པ་དང༌། དེ་དང་ཕྱོགས་མཚུངས༼སི་ཏྲས་སྦག་གསུང་བཤད་ཀྱི་སྔོན་གླེང་དང་འགྲེལ་བརྗོད་སོགས་ནི་གྲོས་གཞིའི་ཆ་ཤས་མིན་པ། དེར་གསལ་རང་སྐྱོང་གི་སྒྲོམ་གཞི་ཁག་ཀྱང་གྲོས་གཞི་ཙམ་ལས་མཐའ་མའི་གཏན་འབེབས་མིན་པ་འགྲེལ་བརྗོད་བྱས་ཡོད།
བོད་མིའི་ཆིག་སྒྲིལ་ནི་ང་ཚོའི་རེ་བ་གཅིག་པོ་དེ་ཡིན།
འཕན་མྱི།
ཁར་སང་གི་ངའི་རྩོམ་ཡིག་ཐེབས་ཆག་དེ་ཡང་ཁ་ཤས་ཀྱིས་བྐླགས་འདུག་ཅིང་ཁོང་རྣམ་པས་འཛེམས་ཟོན་མེད་པར་དགོང་འཆར་ལྷུག་པོར་གནང་བ་ལ་ཐུགས་རྗེ་ཆེ་ཞེས་ཞུ་རྒྱུ་དང་འདིར་ཡང་གསལ་བཤད་ཀྱི་ཚབ་ཏུ་སྙན་གཙེར་ཅུང་ཙམ་མི་ཞུ་ཐབས་མེད་བྱུང་། ༸གོང་ས་སྐྱབས་མགོན་ཆེན་པོའི་ཞལ་ནས་ཀྱང་ང་ཚོ་ནམ་ཡིན་ཡང་གངས་ཅན་པ་ཟེར་བའི་ཚིག་དེའི་འོག་ཏུ་སྡོད་རྒྱུ་དེ་གལ་ཆེན་པོ་རེད་གསུངས་པ་དེའི་དགོང་དོན་བཞིན་སྟོད་མངའ་རིས་ནས་སྨད་ཁམས་ཀྱི་མཐའ་དར་རྩེ་མདོ་དང་ཨ་མདོའི་མཐའ་མཚམས་བར་གྱི་བོད་མི་རྩམ་ཟན་ཡོད་དོ་ཅོག་རྡོག་རྩ་གཅིག་ཏུ་སྒྲིལ་རྒྱུ་དེ་ནི་ང་ཚོའི་རེ་བ་དང་དམིགས་ཡུལ་ཐ་ན་ང་ཚོ་སྐྱབས་བཅོལ་དུ་སྡོད་དགོས་དོན་ཡང་དེ་ཡིན། ང་ཚོའི་དབུ་མའི་ལམ་དེ་ཡང་ཚད་དམའ་ས་ནས་བཤད་སྐབས་བོད་ཆོལ་ཁ་གསུམ་གཅིག་ཏུ་སྒྲིལ་བའི་མི་རིགས་ས་ཁོངས་རང་སྐྱོང་ཙམ་ཞིག་ལ་བབ་འགྲོ་གི་ཡོད་པ་དེ་རེད། ཆབ་སྲིད་ཀྱི་བསམ་བློ་དང་བསམ་བློ་ཞེས་པ་དེ་ཁོགས་རྒྱ་ཡངས་པོ་དང་དག་སྣང་གི་ལྟ་སྟངས་དང་རྦད་དེ་རྒྱབ་འགལ་དུ་གྱུར་པ་ཞིག་ཡིན་སྟབས་ང་ཚོས་ཕྱི་རྒྱ་ནག་ལ་ལྟོས་ན་ཡང་འདྲ། ནང་སྤུན་ཟླ་བོད་མི་ལ་ལྟོས་ན་ཡང་འདྲ། ཆབ་སྲིད་ཀྱི་ཆེ་ཕྲ་གང་ཞིག་སུས་འཇོན་ཡང་དེ་ཉིད་བོད་གངས་ཅན་པ་ཞེས་པའི་ཁྱབ་ཁོངས་ཡོངས་རྫོགས་ཀྱི་ཐ་སྙད་འདི་བོར་མི་རུང་བ་ཞིག་རེད། གལ་ཏེ་མ་འགྲིགས་པ་ཞིག་ཡོད་ན་དེ་མ་འགྲིགས་པའི་སར་འཇོག་པ་ལས་ཡང་བརྡབས་བསྐྱར་བརྡབས་ཀྱིས་གླེང་ན་ཇེ་བཙོག་ཏུ་འགྲོ་བ་ལས་དགོས་པ་ཅི་ཡོད་སྙམ་པ་ལྟ་བུ་ཞིག་ཡིན་ཡང་རང་རེ་ལ་མི་དགོས་པའི་བྱ་བ་དེ་རིགས་སྲོལ་རྒྱུན་ལྟ་བུར་གྱུར་ན་ཆུང་ས་ནས་བཙན་བྱོལ་བོད་མིའི་མཐུན་སྒྲིལ་དང་ཆེ་ས་ནས་༸གོང་ས་སྐྱབས་མགོན་ཆེན་པོའི་དགོང་གཞི་དང་བོད་རྒྱ་ཆེའི་མི་དམངས་ཀྱི་མངོན་འདོད་ངོ་མ་སྟེ་བོད་གངས་ཅན་པ་ཡོངས་རྫོགས་ཆིག་སྒྲིལ་གྱི་ལས་ལ་ཡང་གནོད་སྐྱོན་གྱི་རྒྱུ་རུ་འགྱུར་མི་སྲིད་པ་མ་ཡིན་པས་ངས་འདི་ལྟར་གླེང་དགོས་བྱུང་སོང་།
མཆན་འགོད་མཁན་འགའ་ཞིག་གིས་ངས་འཕན་པོ་དང་མལ་གྲོ་གུང་དཀར་ཡས་མས་ཀྱི་དེབ་ཅིག་ཕྱོགས་ཀྱིས་དང་སུས་འགོག་མི་ཡོང་ལྟ་བུའི་བཀའ་བཀྱོན་གནང་འདུག་པ་དེ་བདེན་པ་རེད། ཡིན་ན་ཡང་ངས་བཤད་པ་དེ་ང་ཚོ་བོད་མི་མི་རེའི་དེབ་རེ་སྒྲིག་དགོས་ན་འཇོན་ཁག་པོ་རེད། འཇོན་ཐང་ཡོད་མཁན་ཚོས་གངས་ཅན་པ་ཡོངས་རྫོགས་ཀྱི་ཚབ་བྱེད་ཐུབ་ན་ཡག་པོ་བྱུང་འདུག་ཅེས་ཞུ་བཞིན་ཡོད། དཔེར་ན་ནང་མི་སྤུན་མཆེད་གསུམ་གྱི་ནང་ནས་གཅིག་ལ་དངུལ་ཡོད་གཉིས་ལ་དངུལ་མེད་ན་དངུལ་ཡོད་མཁན་དེས་མེད་མཁན་དེ་གཉིས་ལ་རོགས་པ་བྱེད་དགོས་པ་ནང་བཞིན་རེད་ཅེས་ཞུ་བཞིན་ཡོད། འདས་པའི་ལོ་རྒྱུས་ཀྱི་ནང་དུ་བོད་ཀྱི་ཡུལ་ལུང་བྱེ་བྲག་པ་དང་སྡེ་དཔོན་ཉི་ཚེ་བ་ཚོས་རང་མགོ་གར་ཐོན་བྱས་ན་འགྲིགས་འགྲོ་བསམ་པ་དེས་ཐ་མ་ཆག་ཆེ་ཉམས་ང་འདི་ཉོས་པ་རེད། དེ་བཞིན་རང་རེ་བོད་ལ་མཚོན་ན་རང་མགོ་གར་ཐོན་གྱི་ལས་འདི་ཆོལ་ཁ་དང་། སྡེ་ཚོ། མི་སྒེར་གང་ཞིག་ཡིན་ན་ཡང་སྤངས་བྱ་ཞིག་ལས་བླངས་བྱ་ཞིག་མ་ཡིན་སྟབས་འདིས་མཇུག་འབྲས་ཏེ་ཡག་པོ་ཡོང་རྒྱུ་མ་རེད་ཅེས་ཤོད་བཞིན་ཡོད། སྤྱིར་བཏང་ངས་ཁ་བཙུམ་ནས་སྡོད་ཐུབ་ཀྱི་རེད། དེ་བཞིན་ཆོལ་ཁ་གསུམ་གྱི་མི་གཞན་ཚོས་ཀྱང་ཁ་བཙུམ་ནས་སྡོད་ཀྱི་རེད། ཡིན་ན་ཡང་རྒྱ་མིས་ཁ་བཙུམ་རོགས་བྱེད་ཀྱི་མ་རེད། ཉིན་ཞིག་ལ་རྒྱ་མིས་དེ་གོ་སྐབས་ཤིག་ལ་བརྩིས་ཏེ་བོད་ཆོལ་ཁ་གསུམ་གཅིག་ཏུ་སྒྲིལ་ཟེར་བ་ཞིག་ཡོད་པ་མ་རེད། ཏཱ་ལའི་བླ་མ་རང་གི་གཞུང་གི་བཀའ་བློན་དང་སྤྱི་མཐུས་ཟུར་པ་ཚོས་ཀྱང་ཨ་མདོ་བའི་ཆེད་དུ་དེབ་ཅིག་ལོགས་སུ་བཟོས་པ་དེས་ཨ་མདོ་དེ་བོད་ཁོངས་སུ་མ་ཚུད་པའི་དཔང་རྟགས་རེད་ཟེར་ནས་ཏག་ཏག་གྲུབ་འབྲས་ལྡོག་ཕྱོགས་ནས་སྨིན་པའི་ལས་དེ་འདྲར་ཡང་འགྱུར་མི་སྲིད་པས་ང་ཞེད་ཀྱིན་འདུག རྒྱ་མིས་བོད་རྒྱའི་ཁོངས་རེད་ཟེར་ནས་འཛམ་བུ་གླིང་པ་ཕལ་མོ་ཆེ་ཡང་མགོ་འཐོམ་དགོས་པ་ཞིག་བཟོས་པ་དེ་ཚོར་ཡང་གཞི་འཛིན་ས་འདི་འདྲ་རེ་ལས་མེད་པ་རེད།
དེ་ལས་མང་བ་། “བོད་མིའི་ཆིག་སྒྲིལ་ནི་ང་ཚོའི་རེ་བ་གཅིག་པོ་དེ་ཡིན།” »
ང་དང་ངའི་འཇིག་རྟེན།
གཡང་སྐྱབས་རྒྱལ། དེ་རིང་གི་ལས་ཀ་ཚར་སོང་། སང་ཉིན་གྱི་ལས་ཀའི་གྲ་སྒྲིག་བྱེད་རན་ལ་ཉེ། བར་དེར་ང་ལ་ཆུ་ཚོད་ཁ་ཤས་རིང་གི་ངལ་གསོའི་དུས་ཚོད་ཅིག་ཡོད། དུས་ཚོད་འདིར་ངས་བྱིས་པའི་ནང་ལས་ལ་རོགས་བྱེད་ཆོག ངས་ཉལ་ཁང་གཙང་མ་བཟོ་ཆོག ངས་ནང་མི་ལ་དགུང་ཟས་བཟོས་ཆོག འོན་ཀྱང་ངས་དེ་ཚོ་གང་ཡང་མ་བྱས། ངས་དུས་བབ་དང་ཕ་ཡུལ་གྱི་དྲ་རྒྱའི་ཁ་ཕྱེ། ངས་ངའི་འཇིག་རྟེན་གྱི་གསར་འགྱུར་ཤེས་ན་འདོད། ཕ་ཡུལ་དྲ་རྒྱའི་མདུན་ཤོག་གཅིག་པུ་ཡིས་ང་མགོ་ཡོམ་འཁོར་བཅུག་སོང་། གསར་འགྱུར་དང་པོ་ནི་ངའི་ཕ་ཚབ་དང་མ་ཚབ། ངའི་སློབ་དཔོན་དང་བླ་མ། ངའི་དཔོན་པོ་དང་རྒྱལ་པོ། ༧རྒྱལ་བ་དོན་གྱི་བདག་པོ་ལ་བསྙུང་གཞི་བཞེས་པའི་སྐོར་དེ་རེད།…
ས་བྱི་ཞི་རྒོལ་གྱི་དེབ་དང་ཕྱོགས་རེ་བའི་བྱ་བཞག
འཕན་མྱི། ས་བྱི་ཞི་རྒོལ་ཆེན་མོ་ལོ་རྒྱུས་སུ་བཀོད་པའི་དེབ་ཅིག་འགྲེལ་སྤེལ་བྱས་པ་ནི་ཆེས་ཤིན་ཏུ་གལ་གནད་ཆེ་ཞིང་དུས་སུ་བབ་པའི་བྱ་བཞག་ཅིག་ཡིན་མོད། ཡིན་ན་ཡང་ཕྱོགས་དང་རིས་སུ་མ་ཆད་པར་གངས་ཅན་པ་ཡོངས་རྫོགས་ཀྱི་ཚབ་བྱེད་ཐུབ་པའི་དེབ་ཅིག་འདོན་ཐུབ་ན་དེ་ལས་ཀྱང་རྟགས་རྟེན་མ་འཛོལ་བ་ཞིག་ཡོང་རྒྱུ་ཡིན། འོན་ཀྱང་དེའི་རྩོམ་སྒྲིག་པ་དང་། ནང་དོན། ཐ་ན་དབུ་འབྱེད་མཛད་སྒོའི་སྐུ་མགྲོན་ཡན་ཆད་བཅས་མདོར་ན་སྦྱོར་དངོས་རྗེས་གསུམ་ཚང་མ་ཡང་མདོ་སྨད་ཆོལ་ཁ་ཟེར་བ་འདི་གཙོ་བོར་བཟུང་བའི་ཆེས་ཕྱོགས་རེ་བ་ཞིག་ཏུ་གྱུར་པ་འདི་ཡང་བློ་མིག་གུ་དོག་པོ་ཅན་ཞིག་གི་ངོར་བྱས་ན་དེ་ཙམ་མ་འཚམས་པ་ཞིག་ཏུ་གྱུར་འདུག་སྙམ། ཆབ་སྲིད་ཀྱི་ལྟ་སྟངས་ཞེས་པ་དེ་ནི་གུ་དོག་གི་མཐར་ཐུག་པའི་བསམ་བློ་ཞིག་ཡིན་སྟབས་དགྲ་གཉེན་གང་ཕྱོགས་ལ་ལྟོས་ཀྱང་དེ་ཙམ་ཡིད་ངོར་འབབ་པ་ཞིག་མ་བྱུང་བས་འདི་ལྟར་གླེང་དགོས་བྱུང་། དེའི་སྐོར་རྩོམ་སྒྲིག་པ་ཁོ་རང་ཚོའི་བྱས་རྗེས་ངོམ་པ་དང་ཆབ་ཅིག་དུ་སེམས་ནང་གི་ན་ཚ་དེ་ལ་མི་རེག་ཐབས་མེད་ཅིག་ཀྱང་བྱུང་འདུག རྩོམ་སྒྲིག་པ་སྤྱི་ཟུར་ཧོར་གཙང་འཇིགས་མེད་ཟེར་བ་དེས་སྔོན་གླེང་དང་འབྲེལ་བའི་གཏམ་བཤད་དེར་བོད་ཆོལ་ཁ་གསུམ་ལ་ཞི་རྒོལ་བྱུང་རྐྱེན་མདོ་སྨད་ཆོལ་ཁའི་ཤེས་ལྡན་མི་སྣ་སྐོར་ཞིག་རྩ་འཛུགས་བྱས་ནས་བྲིས་པ་ཡིན་ཚུལ་འདུག ས་བྱི་ཞི་རྒོལ་དེ་བོད་ཆོལ་ཁ་གསུམ་ནས་བྱུང་སྟབས་དེ་ལ་དམིགས་བསལ་མདོ་སྨད་ཆོལ་ཁའི་ཤེས་ལྡན་མི་སྣ་གདམས་དགོས་པའི་རྒྱུ་མཚན་མི་འདུག་སྙམ། གལ་དེ་མི་སྣ་གདམས་སྒྲུག་སོགས་ཀྱི་གོ་སྐབས་མ་བྱུང་ནས་རྩོམ་སྒྲིག་པ་ཆ་ཚང་མདོ་སྨད་ཀྱི་ཁོངས་ནས་ཡོང་དགོས་བྱུང་ཡང་ཤེས་ལྡན་གྱི་བོད་མི་སྐོར་གཅིག་ཅེས་བྲིས་པས་ཆོག་པ་ལས་དམིགས་བསལ་གྱི་མདོ་སྨད་པ་སྐོར་ཞིག་སོགས་འབྲི་དགོས་དོན་མི་འདུག་སྙམ། གལ་སྲིད་མི་དེ་ཚོས་ངལ་བ་དང་དུ་བླངས་པའི་བྱས་རྗེས་ཤེས་ཆེད་དུ་རྩོམ་སྒྲིག་པ་སོགས་མི་རང་རང་གི་མིང་བཀོད་ན་འཐུས་པ་ལས་མདོ་སྨད་ཅེས་པའི་ཡུལ་ཕྱོགས་རེ་བ་དམིགས་སུ་བཟུངས་བ་དེས་ཁོ་རང་ཚོའི་བྱས་རྗེས་ཀྱང་ཇེ་ཆུང་དུ་བཏང་འདུག དེ་བཞིན་དཔེ་དེབ་དེའི་ནང་དོན་ཡང་སྔོན་ལ་མདོ་སྨད་ཕྱོགས་སུ་ཁོ་ཚོར་རྒྱུས་ཡོད་སྟབས་དེ་གཙོ་བོར་བྲིས་ཚུལ་སོགས་བཤད་འདུག་ཀྱང་མཁས་པས་བཤད་ན་ཅི་ཡང་བདེན་ཟེར་བ་འདྲ་ཡིན་ན་མ་གཏོགས་ས་བྱི་ཞི་རྒོལ་གྱི་ཆ་ཤས་ཤིག་མ་གཏོགས་འབྲི་མ་ཐུབ་ན་མིང་དེས་ཁྱབ་ཆེ་བའི་སྐྱོན་ཞིག་བྱུང་འདུག སྔོན་ལ་ཞེས་པར་བལྟས་ན་རྗེས་ལ་དབུས་གཙང་དང་མདོ་སྟོད་རྒྱུད་དུ་བྱུང་ཚུལ་ཡང་མུ་མཐུད་ནས་འབྲི་རྒྱུ་ཡིན་པའི་བཟོ་ལྟ་ཡིན་ནམ། དཔེ་དེབ་དབུ་འབྱེད་མཛད་སྒོའི་ཐོག་ཀིརྟི་སྤྲུལ་སྐུ་དང་ཨ་ལགས་འཇིགས་མེད་གཉིས་མགྲོན་འབོད་གཏམ་བཤད་སྤེལ་དུ་འཇུག་པ་དེ་ཡང་དམིགས་བསལ་བ་ཞིག་ཡིན་ཞིང་ཨ་ལགས་འཇིགས་མེད་ཀྱི་གཏམ་བཤད་དེ་ཡང་ཁྱད་མཚར་འདུག…
དེ་ལས་མང་བ་། “ས་བྱི་ཞི་རྒོལ་གྱི་དེབ་དང་ཕྱོགས་རེ་བའི་བྱ་བཞག” »
ན་གཞོན་གླུ་མ་བསྟན་འཛིན་ཀུན་གསལ་དང་མོའི་གླུ་གཞས།
སྤོབས་པ་མཐའ་ཡས།
ལོ་ན་ཆེས་གཞོན་པའི་གླུ་མ་བསྟན་འཛིན་ཀུན་གསལ་དང་མོའི་གླུ་གཞས་ཀྱི་སྐོར་ལ་བོད་ནང་གི་ཤེས་ཡོན་ཅན་མང་པོས་དྲྭ་རྒྱའི་སྟེང་བགྲོ་གླེང་དང་བསྟོད་བསྔགས་གནང་བཞིན་པ་མཐོང་། དེ་ནི་ཁོང་ཚོར་མཚོན་ན་རྒྱ་མཚོའི་ཕ་རོལ་ནས་ཁྱེར་ཡོང་པའི་རེ་སྤོབས་ཤིག་དང་བཙན་བྱོལ་བོད་མིའི་བསྐྲུན་པའི་སྒྱུ་རྩལ་ལས་རིགས་ཀྱི་གྲུབ་འབྲས་ཤིག་ལ་མཐོང་བཞིན་ཡོད་ངེས། འོན་ཀྱང་ང་ཚོ་བཙན་བྱོལ་བོད་མིའི་ངོས་ནས་དེ་ཙམ་གྱི་དོ་སྣང་དང་བསྟོད་བསྔགས་བྱེད་བཞིན་པ་ཤེས་ཚོར་མ་བྱུང་བས། རྗེ་ས་པཎ་གྱིས་ངོ་མཚར་གནས་ལ་མཚར་དུ་མི་འཛིན་པ་བླུན་པོའི་རྟགས་ཡིན་པར་གསུངས་པ་དེ་ལྟ་བུ་ཞིག་མིན་ནམ།
སྤྱིར་བཏང་རང་རེའི་ངག་རིག་པར་བརྫུ་བ་དག་ནི་གསེར་ཁྲིའི་སྒང་གི་བླ་མ་གཟི་བརྗིད་ཅན་དང་། ལས་ཁུངས་སྦུག་གི་སྐུ་ངོ་གཏུམ་དྲག་ཅན། གླེགས་བམ་ཕག་གི་མཁས་པ་ང་རྒྱལ་ཅན་སོགས་ང་ཆེ་ང་བཙན་གྱི་རང་གཤིས་ཅན་ཚོར་ངོ་བསྟོད་གཅམ་བུའི་ཕྱེ་གཏོར་ཁོ་ན་ལ་སྲེད་ཀྱང་ཉེ་རབས་ཀྱི་དུས་ནས་རང་རེའི་རྩོམ་པ་པོར་རློམས་པ་ཕལ་མོ་ཆེས་རང་གི་སྤྱི་ཚོགས་འདིའི་མུན་ནག་གི་ཆ་ཤ་སྟག་བཏུ་བ་ལས་དཀར་ཆ་ལས་གླེང་རྒྱུར་དེ་ཙམ་མི་མཉེས་པ་འདྲ། འོན་ཀྱང་ང་ཚོ་མི་རིགས་ཤིག་ཤི་ལམ་དང་། རིག་གཞུང་ཞིག་ཆག་འཇིག་གི་འཕྲངས་ལ་གྱར་བའི་དུས་འདིར་ལས་རིགས་དང་ཕོ་མོ་རིས་སུ་མ་ཆད་པར་མདོར་ན་ངོམས་དང་སྨོན་པར་འོས་པའི་མི་སྣ་རེ་རེ་བྱོན་ཀྱང་བསྔགས་བརྗོད་ཀྱི་མེ་ཏོག་འཐོར་འོས་པ་ཡིན་སྟབས་ངས་འདིར་ལོ་ན་ཆེས་གཞོན་པའི་གླུ་མ་བསྟན་འཛིན་ཀུན་གསལ་གྱི་སྐོར་ལ་རྩོམ་ཐུང་འདི་སྤེལ་འདོད་བྱུང་།
དེ་ཡང་བོད་ནང་གི་རྩོམ་པ་པོ་ཞིག་གིས་འདི་ལྟར་གླེང་ཡོད་དེ། བུ་མོ་བསྟན་འཛིན་ཀུན་གསལ་གྱིས་བླངས་པའི་ཕ་ཡུལ་དྲན་གླུ་ལྟ་བུས་ནི་ནམ་ཡང་མི་སེམས་གསོ་ལ། མི་སེམས་ལྷག་ཏུ་འགུལ་བའི་སྙན་དབྱངས་ཡིན་པར་འདོད་དེ། དེ་ཡང་གླུ་གཞས་སྙན་པོ་འདི་དག གླུ་བ་གླུ་མ་དག་གིས་སྙིང་ཁོངས་རུས་པའི་གཏིང་ནས་བླངས་པས་ཡིན་ངེས་སྙམ། ཞེས་དང་། ལྷག་དོན་སྒྱུ་རྩམ་གྱི་འཚར་ལོངས་ལམ་བུ་བརྒྱུད་བཞིན་པའི་བུ་མོ་བསྟན་འཛིན་ཀུན་གསལ་གྱི་སེམས་ཁོངས་ཀྱི་སྙན་དབྱངས་དག་ཀྱང་ཧི་མ་ལ་ཡའི་རི་རྒྱུད་ཁྱོན་དུ་གྲག་པའི་སྨོན་འདུན་ཞུ། སོགས་ཀྱིས་མཚོན་དྲྭ་རྒྱའི་སྟེང་དུ་བསྟན་འཛིན་ཀུན་གསལ་གྱི་སྐོར་དང་ཁོང་མོར་བསྟོད་པ་མང་དུ་བྲིས་ཡོད།
དེ་ལས་མང་བ་། “ན་གཞོན་གླུ་མ་བསྟན་འཛིན་ཀུན་གསལ་དང་མོའི་གླུ་གཞས།” »
མི་འདི་སུ་རེད་དམ།
ལྕགས་རྒྱ་འགྲམ་ནག སྒྲུང་ཐུང་ཡིག་བརྒྱ་མ། གཅིག དགེ་རྒན་གྱིས་ཀླུ་སྨྱོན་ལ་འཇམ་རྩུབ་ཀྱི་ཐབས་ཤེས་ཅི་ཞིག་འཐེན་རུང་ཁོས་ལས་བྱ་གཞན་ལ་འབྲི་རུ་འཇུག་པའི་གཤིས་ངན་དེ་ལ་འགྱུར་བ་རྩ་ནས་མ་བཏང་། དུས་ཚོད་ནི་རྟ་མཆོག་སྒྲོག་ལས་ཤོར་བ་ལྟར་བསམ་དབང་དྲན་དབང་མེད་པར་སློབ་གྲྭའི་སྤྱི་རྒྱུགས་ཀྱི་དུས་ལ་སླེབས་སོང་། སྙན་ངག་གི་རྒྱུགས་བླངས་ཚར་སོང་། ཀླུ་སྨྱོན་གྱི་ངོ་ན་འཛུམ་གྱི་མེ་ཏོག་དགོད་ཅིང་། སློབ་ཁང་དུ་ཁོའི་དགོད་སྒྲ་དང་གླུ་སྒྲས་ཁེངས་འདུག ཁོའི་ཁ་ནས་ཅི་བཤད་སྙན་ཚིག་དང་གླུ་ཚིག་ཡིན་ཞིང་། ཡང་ཁོས་སུན་རྒྱུ་མེད་པའི་གླུ་དེ་ལངས་སོང་། གླུ་ལེན་ན་འཇིག་རྟེན་འདི་ནས་ལོངས། ཚེ་ཕྱི་མའི་ཡུལ་ན་གླུ་ལེན་མེད། མི་མཐེ་བོང་ཙམ་ཞིག་མེད་ས་ན། གླུ་བླངས་ནས་འགྲོ་ས་གང་ན་ཡོད། གཉིས།…
མཐའ་མཚམས་ལོ་རྒྱུས་དང་བདག་དབང་གི་སྐོར།
སྤོབས་པ་མཐའ་ཡས།
སྤྱིར་བཏང་མཐའ་མཚམས་ཀྱི་ལོ་རྒྱུས་འདི་རྙོགས་འཛིངས་དང་གལ་གནད་ཤིན་ཏུ་ཆེ་བས་རང་གི་བློ་ངོས་ཤར་ཚོད་ཅིག་ཐོལ་བྱུང་གི་འདིར་བཀོད་པ་ཡིན། ཁྱོད་ཚོས་གང་ཤེས་འགོད་རོགས་གནོངས། ལྷག་པར་ཡང་ད་ལྟའི་བོད་རང་སྐྱོངས་ལྗོངས་ཀྱི་ཁོངས་སུ་མ་ཚུད་པའི་བོད་ཀྱི་ཡུལ་གྲུ་འདི་དག་ལ་ལ་མཚོ་སྔོན་དང༌། ལ་ལ་ཀན་སུའུ། ལ་ལ་སི་ཁྲོན། ལ་ལ་ཡུན་ནན་གྱི་ཁོངས་སུ་ཆད་པ་དེ་དག་རེ་རེ་བཞིན་རྒྱུ་མཚན་དང་རྒྱབ་ལྗོངས་རེ་རེ་མེད་པ་གཅིག་ཀྱང་མེད། ༡༩༥༩ལོར་བོད་རང་བཙན་ཤོར་སོང་ཞེས་པ་དེ་ལྷ་སའི་སྡེ་པ་གཞུང་འཐོར་ཞིག་ཏུ་སོང་བ་ཙམ་ལ་ཟེར་བ་ཡིན་པ་ལས་དེ་ལས་གཞན་པའི་བོད་ཀྱི་ཡུལ་གྲུ་མང་པོ་ཞིག་དེའི་སྔོན་ནས་རྒྱའི་ཞིང་ཆེན་ཁག་གི་ཁོངས་སུ་བཅུགས་པའམ་སུའི་ཁོངས་གཏོགས་ཡིན་མིན་ཙམ་ཡང་མ་ཤེས་པར་ལུས་ཡོད་པ་མང་པོ་ཡོད་སྟབས་ལས་སླ་པོར་ཤོད་ཐུབ་པ་ཞིག་མ་རེད། ཉེ་སྔོན་ངའི་གྲོགས་པོ་ཨ་མདོ་མཚོ་སྔོན་ནས་ཡོང་མཁན་ཞིག་གི་ཕྱི་རྒྱལ་བ་ཞིག་ལ་༡༩༥༩ལོའི་སྔོན་དུ་ང་ཚོ་ལ་བོད་རང་གི་གཞུང་ཞིག་ཡོད་ཀྱང་སྐབས་དེ་ནས་རྒྱ་དམར་གྱིས་བཙན་འཛུལ་བྱས་པ་རེད་ཅེས་བཤད་སོང༌། ཕྱི་རྒྱལ་བ་དེ་ཧ་ལས་མདོག་གིས་ང་ལ་དེའི་སྐོར་འགྲེལ་བཤད་གསལ་ཞིབ་ཅིག་གྱིས་དང་ཞེས་ཨུ་ཚུགས་རྒྱག་གི་འདུག ངའི་སེམས་ལ་ཨ་མདོ་མཚོ་སྔོན་པོའི་རྒྱུད་ལ་༡༩༥༩ལོ་བར་དུ་བོད་རང་གི་གཞུང་ཞིག་མེད་པས་ད་འགྲེལ་བཤད་ག་འདྲ་ཞིག་རྒྱག་དགོས་བསམ་ནས་གདོང་ཚ་ལམ་ལམ་བྱུང་སོང༌། ༡༧༥༠ལོར་ཕོ་ལྷའི་བུ་ངག་དབང་རྣམ་རྒྱལ་བསད་པའི་རྗེས་ནས་བོད་སྡོད་ཨམ་བན་གྱིས་བོད་སྲིད་ལ་ལག་པ་རྐྱོང་བའི་དབང་ཆ་དངོས་གནས་ཤིག་རག་འདུག་ཀྱང་༡༩༡༢ ལོ་ནས་ལྷསྡོད་ཨམ་བན་གྱི་མཇུག་བསྒྲིལ་བ་རེད། གོང་མ་ཆན་ལུང་འདི་ལྷ་འདྲེ་གང་ཡིན་མི་ཤེས་ཀྱང་གང་ལྟར་བོད་སོག་གི་ས་ལ་བཙན་འཛུལ་བྱེད་མགོ་བཙུགས་མཁན་དངོས་གནས་དེ་ཁོ་རེད་འདུག་ག ༡༩༩༡ལོར་གོར་བོད་དམག་འཁྲུགས་ལ་ཆན་ལུང་གི་དམག་རོགས་བཏང་བའི་རྗེས་སོར་དེ་ལས་དབང་ཤུགས་ཇེ་ཆེར་གྱུར་ནས་ཀྲུང་ཐང་རྒྱས་དཔྱད་ཅེས་དོན་ཚན་༢༩ཅན་གྱི་ཁྲིམས་ཡིག་ཀྱང་གཏན་འབེབས་བྱས་འདུག ཁྲིམས་ཡིག་དེ་ལས་ཨམ་བན་དང་ཏཱ་ལའི་བླ་མའི་དབང་ཆ་ཡང་ཕལ་ཆེར་འདྲ་མཉམ་ལྟ་བུ་གཏན་འབེབས་བྱས་འདུག སྐབས་དེ་དག་གིསྔོན་ལ་བོད་ཕར་ཞོག་རྒྱལ་རོང་ལ་ཡང་རྒྱ་ནག་གི་དབང་བསྒྱུར་བྱས་པའི་ལོ་རྒྱུས་དངོས་གནས་ཤིག་མི་འདུག
ཕ་ཡུལ་དྲན་པའི་གཏམ།
བོད་ཀྱི་བུད་མེད་བསླུས་འཚོང་།
འབྲོག་རུ་ཆོས་གྲགས།
གནའ་ནས་བཟུང་གངས་ཅན་པ་ཚང་གི་སྤྱི་ཚོགས་ནང་ན་བུད་མེད་རྣམ་གྱི་ཐོག་ལ་ལྟ་སྟངས་ཡག་པོ་ཞིག་བཟུང་མེད་པ་ནི་དམངས་ཁྲོད་ནས་ཡོང་བའི་ཚིག་ཁ་ཤས་ཤིག་གི་ངོ་གདོང་ནས་བལྟས་ན་ཧ་ཅང་གསལ་བོ་ཞིག་རེད། དཔེར་ན་བུད་མེད་ཀྱིས་ཅི་ཤེས། བུང་བུས་ཅི་ཐེག་ཟེར་བ་ལྟ་བུ་དང་ད་དུང་སྐྲ་རིང་མ་དང་བློ་ཐུང་མ། མོ་མཁས་འགོང་པོ། བུད་མེད་ལ་བརྡུང་དགོས། པགས་པ་མཉེས་དགོས། སྨན་སྐྱིད་ས་ནས་མི་བསྡོད། ར་བདེ་ས་ནས་མི་འདུག ད་དུང་ཁྱི་བུ་མོ་གཉིས་ལ་བློ་གཏད་མེད་ཟེར་བ་ལྟ་བུ་སོགས་མང་བོ་ཞིག་ཡོད་པ་རེད། ཡུལ་དུས་ཅི་འདྲ་ཅིག་འགྱུར་ན་འང་ཁོ་ཚོའི་ལས་དབང་གི་ལམ་ཀ་དེ་ད་དུང་འགྱུར་མ་སོང་།
སྤྱི་ཚོགས་ཀྱིས་གནོན་ཤུགས་དེ་འདྲ་ཞིག་གིས་དབང་གིས་ཁོ་རང་ཚོས་ཀྱང་ནག་ཉེས་དེ་ཁས་བླངས་མདོག་གིས་བསྡད་པ་རེད། ཡིན་ན་འང་ངོ་མ་བློས་མི་བཟོད་པ་ཞིག་ནི་དུས་རབས་ཉི་ཤུའི་སྨད་ནས་བཟུང་རྒྱ་ནག་ནང་དམིགས་བསལ་གྱི་བོད་ཀྱི་བུད་མེད་ཚོ་ནག་ཚོང་དུ་གྱུར་བ་དེ་རེད། ངས་གོ་ཐོས་ལྟར་ན་ད་དུང་ཡང་དེའི་ལས་འཕྲོ་བོད་ནང་དུ་ལྷག་ཡོད་སྐོར་མང་བོ་ཞིག་བཤད་ཀྱིན་འདུག
གཤམས་ནས་ང་ཚོས་འདིའི་སྐོར་ལ་ར་རྫ་འཇམ་དབྱངས་སྐྱིད་ཀྱིས་རྒྱ་ཡིག་གི་དྲ་ཐོག་ཅིག་ནས་བསྒྱུར་ཡོད་པ་དེ་ལ་ཅུང་ཙམ་ལྟ།
་
རྨི་ལམ་གཟུགས་སུ་གྲུབ་པ།
ངས་ཡུན་རིང་རེ་སྒུག་བྱས་པའི་དོན་དག་ཅིག་སྟེ། འཛམ་གླིང་གི་ཡིག་རིགས་ཆེ་ཁག་རྣམས་དང་ཤན་སྦྱར་གྱི་དབྱིན་ཡིག་གློག་རྡུལ་ཚིག་མཛོད་དེ་ཚོ་དང་འདྲ་བར། ང་ཚོ་ལ་ཡང་བོད་དབྱིན་གློག་རྡུལ་ཚིག་མཛོད་ཅིག་ཡོད་ན་ཅི་མ་རུང་གི་རྨི་ལམ་དེ་ད་ལྟ་མངོན་དུ་འགྱུར་མགོ་ཚུགས་འདུག ངས་སློབ་གྲྭ་ནས་རྒྱ་མོ་ཚོས་རྒྱ་དབྱིན་གློག་རྡུལ་ཚིག་མཛོད་ཆུང་ཆུང་རེ་བདེ་ལྕག་འཁྱུག་པོས་སྔོག་པ་མཐོང་ཐེངས་རེ་རེར་བོད་དབྱིན་ཚིག་མཛོད་མཐུག་ལྡང་མ་རེར་འཇུས་ནས་དངན་པ་ག་ཚོད་ཅིག་འཐེན་ཡོད་དམ། ཞིབ་ཏུ་གཟིགས་འདོད་ན་གཤམ་དུ་རྡེག་གནོན་གྱིས། ཡང་མིན་ན་ཀྲུང་གོའི་བོད་ལྗོངས་ཆ་འཕྲིན་ལྟེ་གནས་སུ་རྒྱུགས། http://zw.tibet.cn/news/xz_news/ttxw/200810/t20081006_430507.htm
ཟམ་གདོང་རིན་པོ་ཆེ་དང་མཇལ་འཕྲད་ལས་འཕྲོས་པའི་གང་དྲན་གྱི་གླེང་མོལ།
སྤོབས་པ་མཐའ་ཡས།
དྲྭ་གྲོགས་ཚོར་ཀྲ་ཤིས་བདེ་ལེགས་ཞུ། གློག་ཀླད་བེད་སྤྱོད་མ་བྱས་ནས་ཉིན་འགའི་རིང་ངས་ཁྱོད་ཚོ་དངོས་གནས་དྲན་བྱུང༌། ངས་སྔོན་མ་ཞིག་ལ་ཟམ་གདོང་སྤྲུལ་སྐུ་མཇལ་བྱུང༌། ངས་འདི་ལྟར་བཤད་སྐབས་ཁྱེད་ཚོའི་སེམས་ལ་ངས་ཆེད་དུ་མགོ་སྒུར་དང་སྒྱིད་པ་གུག་གུག་གིས་་གྱིས་སྙན་ཞུ་ཐུང་ཐུང་ཞིག་དང་རྔན་པ་ཆུང་ཆུང་ཞིག་ཁྱེར་ནས་ཟམ་གདོང་སྤྲུལ་སྐུའི་དྲུང་དུ་བཅར་བའི་ཚོད་དཔག་བྱེད་རྒྱུ་རེད། དེ་ངས་ཤེས་ཀྱི་ཡོད། ཡིན་ན་ཡང་དོན་དངོས་སུ་དེ་འདྲ་ཞིག་མ་རེད། ཞོགས་པ་ཞིག་ལ་ང་སྨན་རྩིས་ཁང་གི་སྒོ་འགྲམ་བརྒྱུད་ནས་རྡ་རམ་ས་ལ་ཤོད་དུ་འགྲོ་བཞིན་པའི་སྐབས་སུ་སྨན་རྩིས་ཁང་གི་སྒོ་འགྲམ་ལམ་ཁུག་དཀྱོག་དེའི་མཚམས་སུ་གདོང་གཏུག་གིས་ཐུག་བྱུང༌། ངས་རྒྱུན་དུ་ནམ་རྒྱུན་ཁོང་དང་མཉམ་དུ་སྐུ་སྲུང་དང་སྐུ་འཁོར་ཡོད་པར་རློམ་བཞིན་ཡོད་ཀྱང་ཞོགས་པ་དེར་ཁོ་རང་ཁེར་རྐྱང་དུ་ག་ལེར་གངས་ཅན་སྐྱིད་གཤོང་གི་ལས་ཁུངས་ཁག་གི་ཕྱོགས་སུ་ཕེབས་ཀྱིན་འདུག ངས་མ་གཞི་ཁོང་ཚོགས་འདུའི་སྐབས་དང་དེ་མིན་གློག་བརྙན་ནང་ཁོ་ན་ནས་མཐོང་མྱོང་སྟབས་གློ་བུར་དུ་ཐག་ཉེ་དེ་འདྲ་ཞིག་ནས་ཐུག་སྐབས་འདི་ཟམ་གདུང་སྤྲུལ་སྐུ་ཡིན་ནམ་མ་ཡིན་སྙམ་པའི་སྣང་བ་ཞིག་ཀྱང་བྱུང་སོང༌། དེ་ལྟར་བྱུང་སྟབས་གུས་པ་མཚོན་པའི་འཚམས་འདྲི་ཞིག་བྱེད་དགོས་མོད་གང་ཞིག་ཤོད་དགོས་པ་དང་རྣམ་འགྱུར་གང་འདྲ་ཞིག་སྟོན་དགོས་པ་ཡང་ཤེས་ཀྱིན་མི་འདུག ཁོང་ལ་ཐུག་རིག་ཧ་ཅང་གྲུང་པོ་ཞིག་ཡོད་ངེས་རེད། ངའི་གདོང་ལ་གི་རྣམ་འགྱུར་སྟོན་སྟངས་ཞིག་ལས་ཁོང་གིས་ངའི་སེམས་པ་ཡོངས་རྫོགས་མཐོང་སོང༌། ཁོང་གི་ཞལ་ལས་བྱམས་བརྩེའི་ཉམས་ཞིག་མངོན་བཞིན་མཛུམ་མདངས་ཤིག་ཤིག་གནང་བྱུང༌། དེར་ངས་ཀྱང་རིན་པོ་ཆེ་ཞོགས་པ་བདེ་ལེགས་ཞེས་པ་ཞིག་ཁ་ནས་ཐོན་ལ་མི་ཐོན་གྱིས་སྨྲས་པ་ཡིན།
རྒྱུ་མཚན་དེས་ངས་བསམ་གཞིག་མང་པོ་ཞིག་བྱེད་དགོས་བྱུང་སོང་ལ་ད་དུང་ཡང་མཚམས་མཚམས་སུ་ཉམས་རྒུད་དུ་ཐེབས་པའི་མི་རིགས་འདིའི་ལས་དབང་དང་མཉམ་དུ་ཞོགས་པ་དེའི་ཟམ་གདོང་སྤྲུལ་སྐུའི་སྣང་བརྙན་དེ་ཡང་ཚོར་བ་མངར་སྐྱུར་འདྲེས་མ་ཞིག་གི་ངང་ནས་མངོན་ཡོང་གིན་འདུག ཆོས་རྒྱལ་ཁྲི་སྲོང་གིས་སུམ་གཉིས་ས་ལ་མངའ་དབང་བསྒྱུར་སྐབས་ཀྱི་རྟ་དམག་ཁྲི་ཕྲག་གིས་བསྐོར་ཞིང་ཕྱོགས་བཞིའི་རྒྱལ་ཕྲན་སྟོང་གི་གཙུག་རྒྱན་ལ་ཞབས་ཀྱི་པདྨོ་འགོད་པའི་དྲག་ཤུགས་དེ་དང་དཔལ་ལྡན་ས་སྐྱས་བོད་ཆོལ་ཁ་གསུམ་ལ་ཀའ་ལུང་གི་སྤྲིངས་ཡིག་འགྲེམ་པའི་རྫོགས་ལྡན་གྱི་དུས་རབས་དེ་དག་དང་དེ་རིང་གི་ཟམ་གདོང་སྤྲུལ་སྐུ་ལས་ཁུངས་སུ་ཕེབས་སྟངས་བསྡུར་སྐབས་དུས་ཡུན་མི་རིང་མི་ཐུང་ཞིག་ལ་རང་རེའི་རྒྱལ་ཁབ་དེ་འདི་འདྲ་བའི་ཐབས་སྐྱོ་བོ་ཞིག་གི་གནས་སུ་གྱར་འདུག་པ་ཡང་མིག་མཐོང་གི་ལམ་ནས་ངོ་འཕྲོད་བྱུང༌། གངས་ཅན་སྐྱིད་གཤོང་གི་ཐལ་རྡུལ་སྟུག་པོ་དེའི་ཁྲོད་ན་གྲོགས་མེད་ཁེར་རྐྱང་གིས་ཞོགས་པའི་གྲང་རླུང་གདོང་གིས་བསུས་ནས་འདུར་བཞིན་པའི་གནས་བསྟན་བགྲེས་པོ་འདི་ནི་བོད་དང་བོད་ཆེན་པོ་ཞེས་ཡོངས་སུ་གྲགས་པའི་རྒྱལ་ཁབ་དེའི་དེ་རིང་གི་ཆེས་མཐོའི་དབུ་ཁྲིད་རེད།
དེ་ལས་མང་བ་། “ཟམ་གདོང་རིན་པོ་ཆེ་དང་མཇལ་འཕྲད་ལས་འཕྲོས་པའི་གང་དྲན་གྱི་གླེང་མོལ།” »
ང་རང་གཉིས་པོའི་ལས་དེ།
གཞས་ཚིག ལུང་རིགས་རྒྱལ། ང་རང་གཉིས་ཀ་ཆ་རེད། སེམས་པ་གཉིས་དེ་གཅིག་རེད། འཇིག་རྟེན་མི་ཡུལ་འདི་ན། ང་ལ་ཡོད་པ་ཁྱོད་རེད། ང་རང་གཉིས་ཀའི་ལས་དེ། བྲིས་པའི་རི་མོ་མ་རེད། ཚེ་སྔོན་ལས་ཀྱི་སྨོན་ལམ། ལག་རིས་སྟེང་ལ་བབ་རེད། ཉི་མ་མེད་ཀྱང་འགྲིག་གི ཟླ་བ་མེད་ཀྱང་ཆོག་གི བུ་ངའི་མི་ཚེ་འདི་ལ། མེད་ཐབས་མེད་པ་ཁྱོད་རེད། སང་ལོ་གནངས་ལོ་མ་ཟེར།…
ཨ་ཇོ་ང་མྱུར་དུ་ལོག་ཡོང་།
གཞས་ཚིག ལུང་རིགས་རྒྱལ། ལོ་ཟླས་ང་གང་དུ་ཁྲིད་རུང་། སེམས་པ་འདི་ཁྱེད་ལ་འཁོར་ཡོད། མི་ཚེ་ལ་རིང་ཐུང་མེད་ན། བུ་མོ་ཁྱོའི་བརྩེ་སེམས་ཡུལ་དུ། ཨ་ཇོ་ང་མྱུར་དུ་ལོག་ཡོང་། ལས་དབང་ནི་གང་འདྲ་བཙན་རུང་། ལུས་སེམས་འདི་ཁྱེད་ལ་གཏད་ཡོད། སྨོན་ལམ་ལ་མཐུ་ཞིག་ཡོད་ན། བུ་མོའི་ཁྱོའི་བརྩེ་སེམས་ཡུལ་དུ། ཨ་ཇོ་ང་མྱུར་དུ་ལོག་ཡོང་། ཉིན་མཚན་ལ་རེས་འཁོར་ཡོད་རུང་། སྐྱོ་སྡུག་ལ་ཉིན་མཚན་མི་འདུག ལས་མཐུན་གྱི་ལམ་ཞིག་ཡོད་ན།…
༢༠༠༨ ལོའི་རྒྱལ་སྤྱིའི་རྩེད་འགྲན་དང་བོད་དོན།
དགེ་འདུན་མཐར་ཕྱིན་གྱིས།
པྱི་ལོ་ ༢༠༠༨ ལོའི་རྒྱལ་སྤྱིའི་རྩེད་འགྲན་དེ་རྒྱ་ནག་ནང་ཚུགས་ཉེར་བོད་པྱི་ནང་དུ་གནས་པའི་བོད་མི་རྒྱབ་སྐྱོར་བ་དང་བཅས་པས་རྒྱ་ནག་ལ་བོད་མིའི་ཐོབ་ཐང་ལ་བརྩི་བཀུར་དགོས་པའི་ངོ་རྒོལ་ཤུགས་ཆེ་བྱས་ཀྱང་བོད་དོན་དྲིལ་གྲགས་ཤུགས་ཆེ་བྱུང་བ་ཙམ་ལས་དོན་དངོས་ཐོག་གྲུབ་འབྲས་གང་ཡང་ལག་སོན་མ་བྱུང་།
ངོས་རང་དུས་སྐབས་དེའི་རིང་ལ་ས་གནས་སུ་བོད་མི་གཞན་མང་པོ་མེད་སྟབས་གཟུགས་མཐོང་རླུང་འཕྲིན་ཁག་དང་བོད་དོན་ལྷན་ཚོགས་མང་པོ་ཞིག་ལ་སྐད་ཆ་བཤད་དགོས་བྱུང་བ་དང་དེ་སྐབས་ཆེད་ལས་གསར་འགོད་པ་འདྲ་མིན་དང་སྲིད་དོན་པ་དང་གཞན་མི་སྣ་མང་པོ་ལ་བཀའ་མོལ་ཞུ་སྐབས་ཁོང་རྣམས་ནས་གསུངས་བབས་ལས་ཁོང་ཚོས་རྒྱལ་སྤྱིའི་རྩེད་འགྲན་འགོ་མ་ཚུགས་ཀྱི་བར་རྒྱ་ནག་ནས་བོད་ནང་འགྲོ་བ་མིའི་ཐོབ་ཐང་གི་གནས་སྟངས་ཐོག་ཡར་རྒྱས་གཏོང་རེས་ལས་འགུལ་གང་ཐུབ་བྱེད་ཀྱི་ཡོད་པ་ཙམ་ལས་ངོ་རྒོལ་དེ་དག་བོད་དོན་ཐོག་ཕུགས་འགྱངས་རིང་པོའི་འཆར་གཞི་ལྡན་པའི་སྲིད་བྱུས་ཞིག་མེད་པ་གསལ་རྟོགས་ཡོང་གི་འདུག
འོན་ཀྱང་བོད་ནང་དང་རྒྱ་གར་དང་བལ་ཡུལ་ནང་བཅས་སུ་གནས་སྡོད་བོད་མི་ཧ་ཅང་མང་པོ་ཞིག་གི་ངོས་ནས་བོད་དོན་ཐོག་དོན་དངོས་ཀྱི་འགྱུར་བ་ངོ་མ་ཞིག་དུས་སྐབས་དེར་འགྲོ་བའི་རེ་བ་ཆེན་པོ་ཞིག་རྒྱབ་ཏེ་ལས་འགུལ་ནང་རང་སྲོག་བློས་གཏང་གིས་ཞུགས་ཡོད་པ་རེད་ལ་བོད་ནང་བོད་མི་མང་པོ་ཞིག་གི་ཚེ་སྲོག་ཡང་བཤོར་ཡོད་ཅིང་། རྒྱ་གར་དང་བལ་ཡུལ་ནང་གི་བོད་མི་ཆེས་མང་པོ་ནས་ཉིན་རེའི་འཚོ་བའི་དཀའ་ངལ་ལ་མ་འཛེམས་པར་དུས་ཚོད་ཉིན་གྲངས་མང་པོའི་རིང་ལུས་སེམས་ཀྱི་དཀའ་སྡུག་དང་དཔལ་འབྱོར་གྱི་འགྲོ་སོང་བཅས་གཏང་ཡོད་པ་ལ་དོན་འབྲས་སོན་ཡོད་པ་ཞིག་སྐབས་བབས་བསྐུལ་སློང་པ་དང་ལམ་བསྟོན་པ་རྣམས་ནས་གསལ་བཤད་མཐིལ་ཕྱིན་ཞིག་མ་གནང་ཚེ་ཕྱིས་སུ་ཁོང་ཚོའི་སེམས་ཤུགས་ཆག་གཞི་དང་བསྐུལ་སློང་གནང་མཁན་རྣམས་ཀྱི་གཏམ་ལ་ཡིད་འཆེས་གཏོར་གཞིར་འགྱུར་ཉན་ཆེ་སྙམ།
དེ་ལས་མང་བ་། “༢༠༠༨ ལོའི་རྒྱལ་སྤྱིའི་རྩེད་འགྲན་དང་བོད་དོན།” »
གལ་སྲིད་ང་བཀའ་བློན་ཁྲི་པ་ཡིན་ན།
གཡང་སྐྱབས་རྒྱལ་གྱིས།
མདང་ང་གཉིད་མ་ཐུབ། ངས་བསམ་བློ་དྲུག་གསུམ་བཅོ་བརྒྱད་བཏང་། ང་གཉིད་མ་ཐུབ། ངས་གལ་སྲིད་ང་བཀའ་བློན་ཁྲི་པ་ཡིན་ན་ག་རེ་བྱེད་ཀྱི་ཡིན་པའི་སྐོར་ལ་བསམ་བློ་བཏང་། འདི་ནི་སྟོང་སེམས་ཤིག་རེད། འདི་ནི་སྟོང་སེམས་ཤིག་ཡིན། འདི་ནི་དངོས་ཡོད་ཅིག་མིན། འདི་ནི་འཆར་སྣང་ཞིག་ཡིན། མུ་མཐུད་ནས་གསན་རོགས་གནང་དང་།
གལ་སྲིད་ང་བཀའ་བློན་ཁྲི་པ་ཡིན་ན། ཐོག་མར་ངས་ལས་ཁུངས་ཁུ་བསྡུ་བྱེད་ཀྱི་ཡིན། ལས་བྱེད་ཇེ་ཉུང་ལ་གཏོང་གི་ཡིན། ལས་བྱེད་གཅིག་ལ་ལོ་གཅིག་གི་ཟླ་ཕོགས་ཧིན་སྒོར་ཁྲི་བཞི་ཡིན་པ་ཆ་ཞོག ངས་ལས་བྱེད་བཅུ་དང་ཉི་ཤུ་དང་ཉི་ཤུ་ནས་བརྒྱ་ཕྲག་བར་ཇེ་ཉུང་ལ་གཏོང་གི་ཡིན། ངས་ལས་བྱེད་ཚོ་ལ་ལས་ཀ་གཞན་པ་འཚོལ་གི་ཡིན། དེ་ནས་ངས་རྒྱ་གར་དུ་ནང་སྲིད་ལས་ཁུངས་ཉར་གི་ཡིན། ཆོས་དོན་ལས་ཁུངས་སྒོ་རྒྱག་གི་ཡིན། བདེ་སྲུང་ལས་ཁུངས་ཉར་གི་ཡིན། དཔལ་འབྱོར་ལས་ཁུངས་སྒོ་རྒྱག་གི་ཡིན། ཕྱི་དྲིལ་ལས་ཁུངས་ཉར་གི་ཡིན། ཤེས་རིག་ལས་ཁུངས་སྒོ་རྒྱག་གི་ཡིན། སྒོ་བརྒྱབ་པའི་ལས་ཁུངས་ཚོའི་ལས་ཀ་བཀའ་ཤག་གིས་རྩིས་ལེན་གི་ཡིན། སྒོ་བརྒྱབ་པའི་ལས་ཁུངས་ཀྱི་སྔོན་རྩིས་སྒོར་མོ་དེ་ཚོ་བོད་ནང་ལ་གཏོང་གི་ཡིན། དེ་ལ་དམིགས་ནས་གཞིས་ལུས་མི་མང་བདེ་དོན་ལྷན་ཁང་ཟེར་བ་ཞིག་འཛུགས་གི་ཡིན། ལས་ཁུངས་དེས་བོད་ནང་གི་མི་མང་གི་བདེ་སྡུག་ཆེད་ལས་ཀ་བྱེད་གི་ཡིན།
གལ་སྲིད་ང་བཀའ་བློན་ཁྲི་པ་ཡིན་ན། ངས་གཞིས་ཆགས་མི་མང་གི་འཚོ་བ་ཡར་རྒྱས་གཏོང་གི་ཡིན། ངས་སུད་ཚོང་བ་ཚོས་ལུ་ཌི་ཨ་ན་ནས་དོ་པོ་ཆེན་པོ་འཁུར་ནས་འགྲོ་བ་མཐོང་གི་འདུག ངས་གཞིས་ཆགས་མི་མང་གིས་ཁ་སྐམ་སེ་དང་གདོང་ནག་སེ་བ་བྱས་ནས་རྔུལ་ནག་འཕྱི་ཞོར་ཞིང་ཁ་ལ་ལས་ཀ་བྱེད་པ་མཐོང་གི་འདུག ངས་དེ་ཚོའི་ལས་ཀ་ཇེ་ཡངས་སུ་གཏོང་བའི་ཐབས་ཤེས་བྱེད་ཀྱི་ཡིན། དེ་ནས་ངས་བོད་རིགས་སུ་ཡིན་རྣམས་ཐང་བུ་བཞིན་གཡུགས་བཞག་པ་ཞིག་བྱེད་ཀྱི་མིན། བོད་རིགས་ཡིན་ཚད་ལ་འགྲོ་ས་སྡོད་སའི་ཁུངས་ཡོད་པ་ཞིག་བྱེད་ཀྱི་ཡིན། ལས་མེད་ཀྱི་བརྒྱ་ཆ་ཇེ་ཉུང་ལ་གཏོང་གི་ཡིན། རྡ་རམ་ས་ལ་དང་ལྡི་ལི་ཁུལ་ན་རང་མགོ་གང་ཐོན་བྱས་ན་མ་གཏོགས་འགྲོ་ས་སྡོད་ས་མེད་པ་དེ་ཚོ་རྒྱུན་ཆད་པ་ཞིག་བཟོ་གི་ཡིན།
བོད་མིའི་མི་ཚེ།
ཚེ་ཆོས་སྒྲོན། སྐད་འབོད་རྒྱབ་ག་ལོས་འགྲོ། ཞལ་འདོན་སྐྱོར་ག་ལོས་འགྲོ། འབུལ་བ་ཞལ་འདེབས་ལོས་ཕུལ། བོད་ཀྱི་རང་བཙན་ཆེད་དུ། རང་སྲོག་གློད་ཀྱང་ཅི་འགྱོད།
གཏམ་དཔེ་ཞིག་གི་གོ་དོན་འཚོལ་བ།
དཔོན་པོ་ཁྱི་ལས་ལོད་ཀྱང་། ཁྱི་རྔ་མགོ་ལ་ཁུར།། འདི་ནི་ངའི་ཕ་ཡུལ་གྱི་གཏམ་དཔེ་ཞིག་རེད། གཏམ་དཔེ་འདི་ཁྱེད་རང་གིས་མཐོང་མ་ཐག་སེམས་ལ་གནའ་སྔ་མོའི་བཀས་བཀོད་རྒྱུད་འཛིན་རིང་ལུགས་ཟེར་བའི་འདྲ་རིས་ཤིག་ཁྱེད་ཀྱི་སེམས་ངོར་འཆར་ཡོང་སྲིད། ཁྱེད་ཀྱི་ཁ་ནས་བརྗོད་བཞིན་པའི་དམངས་གཙོ་ཟེར་བའི་ཚིག་ལས་འགལ་ཟླར་ཕྱིན་ཡོད་སྲིད། ཁྱེད་ཀྱི་དེང་རབས་ཀྱི་བསམ་བློ་དེ་དང་མཐུན་ཐབས་མེད་པ་ཞིག་ཡིན་སྲིད། ངས་གཏམ་དཔེ་འདིར་བསམ་བློ་ཅུང་ཞིག་བཏང་བ་ཡིན། འདི་དམག་འཁྲུག་དང་དཀའ་ངལ་གྱི་ལོ་ཟླ་མང་བོའི་བརྒྱུད་རིམ་ཁྲོད་ནས་ཡོང་བའི་ཉམས་མྱོང་གི་ཕྱོགས་སྡོམ་ཞིག་ཡིན་པའི་ངེས་ཤེས་སྐྱེ་གི་འདུག འདི་གནད་འགག་ཅན་གྱི་གཡུལ་འཁྲུག་ཅིག་གི་སྐབས་དམག་དཔོན་དང་དམག་མི་བྱིངས་ཀྱི་འབྲེལ་བར་སྐུལ་སྤེལ་གཏོང་བྱེད་ཅིག་ཡིན་པ་མ་ཟད་རྒྱལ་ཕམ་དང་འབྲེལ་བ་ཡོད་པའི་དམག་དོན་གྱི་ཚིག་གལ་ཆེན་པོ་ཞིག་ཡིན་ངེས་རེད། དེ་མ་ཟད་གཏམ་དཔེ་འདི་ད་ལྟ་དམངས་གཙོའི་དུས་སྐབས་སུའང་གནད་འགག་སྐབས་མཁོ་ངེས་ཆེན་པོ་ཡིན་པར་འདོད། ཡང་གོང་གི་གཏམ་དཔེ་འདི་དང་རྗེས་འབྲེལ་གྱིས་ངས་ཁྱེད་ཚོར་ ་་ལེ་བདའ་་ ཟེར་བའི་ཕ་སྐད་འདི་ངོ་སྤྲོད་བྱེད་ན་འདོད་བྱུང་། ལེ་བདའ་ནི་དོན་དག་ཅིག་མ་བྱུང་བའི་རྗེས་གཅིག་ཁག་གཅིག་ལ་དཀྲི་བ་ལ་ཟེར། མང་པོ་ཞིག་མཉམ་རུབ་ཀྱིས་དོན་ཆེན་གང་ཞིག་སྒྲུབ་པར་འབད་ནས་དོན་དག་དེ་མ་འགྲུབ་པའི་སྐབས་ཕན་ཚུན་ལེ་བདའ་བྱེད་པ་དེ་ཆེས་ཐ་ཆད་དུ་བརྩི།…
རྒྱ་རི་ཚང་གི་གྲིབ་ནག
ཚེ་རིང་གི་བུ། སྔོན་ཆད། ང་རང་བོད་ཀྱི་རྒྱལ་རབས་ལོ་རྒྱུས་དང་བོད་ཀྱི་རྩོམ་རིག་སྒྱུ་རྩལ་ཕྱོགས་ལ་སྤྲོ་སྣང་ཆེན་པོ་ཡོད་པ་མ་གཏོགས། བོད་ཀྱི་སྲིད་དོན་གྱི་སྐོར་ལ་དེ་འདྲའི་ཨ་གསར་འདྲ་པོ་མེད་པ་དེ་ནི། རྡ་རམ་ས་ལར་ཡོད་པའི་བཙན་བྱོལ་བོད་གཞུང་དང་བོད་ཀྱི་སྐུ་དྲག་ཚོའི་འགྲོ་ལས་འདུག་སྟངས་སོགས་ཧ་ཅང་རྒྱུན་ལྡན་ཡིན་པ་དང་། སྐུ་དྲག་ཚོས་བཀའ་སློབ་རིན་པོ་ཆེ་བཙན་བྱོལ་བོད་མིའི་སྤྱི་རྒྱན་དུ་ཇི་ལྟར་བསྩལ་ནའང་། ང་ལ་ཚོར་སྣང་དང་རྔམ་དྲག་ཇི་ཡང་བྱུང་མ་མྱོང་བའི་སྟབས་ཀྱིས་ཡིན་པ་འདྲ། འོན་ཀྱང་། ལོ་ངོ་ཁ་ཤས་ཀྱི་སྔོན་དུ། གྲོགས་པོ་ཚོས་བོད་རྒྱ་གཉིས་ཀྱི་དབར་ལ་གྲོས་མོལ་ཞིག་སླར་ཡང་བྱུང་བ་རེད། གཅིག་ཐང་ན། བོད་ལ་བདེ་སྐྱིད་ཀྱི་ཉི་མ་འཆར་བ་ལ་དུས་ཚོད་རིང་པོ་འགོར་གྱི་མ་རེད་ཅེས་བཤད་པ་དེར། ངས་ཨུ་ཚུགས་ཀྱིས་བོད་རྒྱ་གཉིས་ཀྱི་དབར་ལ་གྲོས་མོལ་ཞིག་ཡོད་པ་ཙམ་གྱིས་བོད་ལ་འགྱུར་བ་འགྲོ་གི་མ་རེད་ཅེས་ལན་བཏབ། དགོང་མོ་དེར། ང་ཚོས་རྩོད་གླེང་རིང་པོ་ཞིག་བྱས།…
དྲ་གྲོགས་ཚོར་ཞུ་རྒྱུར།
ཉིན་ཤས་གོང་ཁ་བརྡ་ལ་འཕྲུལ་རྐྱེན་ནམ་གྲིབ་སྐྱོན་ལྟ་བུ་ཞིག་བྱུང་ནས། གྲོགས་པོ་འགའ་ཞིག་གིས་གཟིགས་ཐུབ་པ་མི་འདུག་གསུངས་བྱུང་། ང་ཚོས་ད་དུང་ནད་རྟགས་དེ་ངོས་ཟིན་མེད་མོད། མཆན་རེ་ཟུང་ལ་བརྟགས་ན། ད་ཆ་ཚང་མས་གཟིགས་ཐུབ་པ་ཡོད་ཚོད། ཁ་བརྡའི་ངོས་ནས་དགོངས་སེལ་ཞུ་བ་དང་ཆབས་གཅིག་གྲོགས་པོ་ཚོ་སྔར་རྒྱུན་བཞིན་གླེང་སློང་ལ་ཞུགས་པའི་རེ་སྐུལ་ཞུ་བ་ཡིན།
རྒྱ་རི་ཡི་དབང་ཆ་དང་རྒྱ་ལོའི་ཤུགས་རྐྱེན།
ལྕགས་རྒྱ་འགྲམ་ནག རྒྱ་ལོ་དོན་འགྲུབ་ནི་འདས་པའི་རྒྱ་བོད་གྲོས་མོལ་གྱི་ལས་རིམ་ཁྲོད་དུ་བོད་ཕྱོགས་ཀྱི་མི་སྣ་གཙོ་བོ་དེ་རེད། ཡིན་ནའང་ད་ལྟ་ཁོང་ལ་རྒྱ་བོད་གྲོས་མོལ་གྱི་ཐོག་ལ་འགན་འཁུར་དང་དབང་ཆ་མེད་པ་གསལ་བོ་རེད། དེ་མིན་ན་ཁོང་གིས་ཟམ་གདོང་རིན་པོ་ཆེ་ལ་ད་ལྟའི་སྐུ་ཚབ་གཉིས་ཀྱིས་ག་རེ་གནང་གི་ཡོད་རེད་ཅེས་འདྲི་དགོས་དོན་མི་འདུག ཁོང་དགུང་ལོ་ ༨༠ རེད། ཆབ་སྲིད་ཀྱི་དབང་ཆ་འཐབ་རྩོད་བྱེད་པའི་དུས་ཚོད་ཡོལ་ཚར་བ་རེད། ད་ཁོང་གིས་ག་རེ་གནང་གི་ཡོད་རེད་ཟེར་ན། རྒྱ་བོད་གྲོས་མོལ་གྱི་ཐོག་ལ་ཆབ་སྲིད་ཀྱི་ཤུགས་རྐྱེན་འཚོལ་བཞིན་འདུག དེ་ཡང་བོད་སྐད་ཀྱི་རླུང་འཕྲིན་དང་བོད་ཡིག་གི་ཚགས་པར་བརྒྱུད་དེ་བོད་མི་དམངས་དང་ཐད་ཀར་སྐད་ཆ་བཤད་དེ་མང་ཚོགས་ལ་ཤུགས་རྐྱེན་སྟེར་བཞིན་ཡོད། དེ་ཡང་བཀའ་ཤག་ལ་ཐུག་སྟེ་མི་རིགས་ས་ཁུལ་རང་སྐྱོང་ཟེར་བའི་རྒྱ་ནག་གི་ཞག་པ་དེའི་ནང་འཛུལ་ཚར་ན། རྒྱ་ནག་གིས་འཐེན་གི་རེད།་ཅེས་ཉེན་བརྡ་གཏོང་བཞིན་ཡོད། དེ་ཡང་རྒྱ་རི་བློ་གྲོས་རྒྱལ་མཚན་ལ་ཐུག་སྟེ་རྒྱ་ནག་གིས་རྒྱལ་བ་རིན་པོ་ཆེ་ལ་སྔར་བྱུང་མ་མྱོང་བའི་སྐྱོན་བརྗོད་བྱེད་པ་དེ་ཆབ་སྲིད་ཀྱི་འགྱུར་བ་རེད་ཅེས་བཤད་བསླབ་བྱ་བརྒྱག་གི་ཡོད། ཡིན་ནའང་གྲོས་མོལ་མཚམས་བཞག་སྟེ་བོད་དོན་འཐབ་རྩོད་ཀྱི་ལམ་ཕྱོགས་གཞན་པ་ཞིག་ཁོང་ལའང་སྟོན་རྒྱུ་མི་འདུག…
