བོང་སྟག་རིལ་ལུའི་སེམས་ཁུག་ཞིག་གླེང་བ།
འབྲོང་ཕྲུག
བོང་སྟག་རི་ལུས་དཔེ་དེབ་ཅིག་པར་བསྐྲུན་བྱ་རྩིས་ཡོད་པའི་ཁ་པར་དེ་ཟླ་བ་བཞི་ལྔ་ཞིག་གི་ཡར་སྔོན་ལ་སླེབས་བྱུང་ལ། ཟླ་བ་བཞི་ལྔ་ཞིག་གི་རིང་ལ་བདག་གིས་ཀྱང་འབོལ་རྩོམ་དང་སྙན་ངག་བསྡུས་པའི་དཔེ་དེབ་ཅིག་གི་མ་ཕྱི་བསྒྲིགས་ཟིན། དུས་ཚོད་འདིའི་ནང་དུ་ང་ལ་སེམས་ཁུར་ཞིག་ཡོང་པ་ནི་ངས་ཀློག་མཁན་དག་གི་འདོད་བློ་བསྐོང་ཐུབ་མིན་དེ་རེད། བར་སྐབས་འདིར་བོང་སྟག་རི་ལུས་རྒྱང་རིང་ནས་ང་ལ་སེམས་ཁུར་ཞིག་བསྐུར་ཡོང༌།
དུས་རྒྱུན་པར་རང་གི་ཀློག་མཁན་དག་གི་འདོད་བློ་བསྐོང་རྒྱུ་དེ་ཆུང་མ་དང་བུ་ཆུང་གི་འདོད་བློ་བསྐོང་རྒྱུ་ལས་ཀྱང་གལ་ཆེ་བར་བསམ་ན་ཡང༌། ཞིབ་འདང་རེ་བརྒྱབ་ན། ངས་ད་དུང་གཞན་སུ་ཞིག་གི་འདོད་བློ་ཡང་བསྐོང་ཐུབ་ཀྱིན་མི་འདུག འོན་ཀྱང་བོང་སྟག་རི་ལུ་ང་དང་མི་འདྲ་སྟེ། ཁོས་རང་ཉིད་ཀྱིས་བཤད་པ་ནང་བཞིན་ཁོའི་ཀློག་མཁན་གྱི་གྲས་སུ་མཐོ་བ་དཔོན་པོ་དང་མཁས་པ་ཡོད་ལ། དམའ་བ་ཡིག་རྨོངས་པ་སེལ་བར་བརྩོན་ཞིང༌། ཁོའི་སྙན་ངག་གིས་སྒྱུ་རྩལ་གྱི་ཕོ་བྲང་བཞེངས་བར་བྲེལ་བ། ཁོའི་འབོལ་རྩོམ་གྱིས་རྟོགས་སད་ཀྱི་དུང་བརྡ་འབུད་པར་རྔམ་པ་བཅས་ཀྱིས་མཚོན་ནུས་པ་དེའོ།།
༄༅།།བསམ་ཚུལ་ལྟ་བུའི་འཇིག་རྟེན་བཀླགས་པའི་མྱོང་ཚོར།
བསམ་བློ་འདི་ལྟར་གཏོང་འོས། བསམ་ཚུལ་ཡང་འདི་ལྟར་བརྗོད་འོས། རྗེས་སུ་ཡི་རང་ཡོད། ང་ཚོའི་འཇིག་རྟེན་འདིར། ད་བར་ལྟ་གྲུབ་མང་པོ་ཞིག་བྱུང་ལ་ད་བར་གཞུང་ལུགས་ཀྱང་མང་པོ་ཞིག་བྱུང་། དེ་ལ་བརྟེན་ནས་ད་བར་རྙོག་དྲའང་མང་པོ་ཞིག་བྱུང་། དེ་ལ་བརྟེན་ནས་ད་བར་གྲུབ་འབྲས་ཀྱང་མང་པོ་ཞིག་ཐོབ། འདིར་བསམ་བློ་ཞིག་བཏང་ན། ང་ཚོར་ད་རུང་བསམ་བློ་བའི་མ་འདང་བའི་དཀའ་ངལ་འདུག་པ་ལས་བསམ་བློ་བ་གང་ཞིག་ལ་རྗེས་འཇུག་པས་མ་འདང་བའི་དཀའ་ངལ་དང་བསམ་བློ་གང་ཞིག་ལག་ལེན་ལ་འདེབས་མཁན་གྱིས་མ་འདང་བའི་དཀའ་ངལ་རྩ་ནས་བྱུང་མི་འདུག་སྙམ། ང་ཚོའི་ལྟ་གྲུབ་གང་ཞིག་ལ་གདེང་འཇོག་བྱས་ཡོང་དུས་དེ་འཇིག་རྟེན་གྱི་རང་བཞིན་དང་མཐུན་མི་མཐུན་ཐོག་ནས་བཤད་ཡོང་ན་དེ་བདེན་ཤས་ཆེ་བར་མཐོང་། ཡིན་ན་ཡང་། ངས་བལྟས་ན་དེ་ཅུང་ཟད་རྙོག་རྫོབ་ཆེ་བ་ཞིག་རེད། སྟབས་བདེ་ཞིག་བརྗོད་ན། ང་ཟེར་བའི་ཚིག་འདི་དང་མཐུན་མི་མཐུན་གྱི་ཐོག་ནས་བལྟས་ན་དེས་འཐུས། ང་ཚོའི་འཇིག་རྟེན་འདི་ང་མང་པོ་ཞིག་ལས་གྲུབ་པའི་རྒྱུ་མཚན་གྱིས།…
དེ་ལས་མང་བ་། “༄༅།།བསམ་ཚུལ་ལྟ་བུའི་འཇིག་རྟེན་བཀླགས་པའི་མྱོང་ཚོར།” »
ཕ་མ་འཕུར་ཤུལ་གྱི་དྭ་ཕྲུག་དང་དྲན་སྣང་གཞན།
གཡུ་དྲུག་དཀར།
ང་ནི་ས་ཆུང་ཆུང་ཞིག་དང་མི་ཉུང་ཉུང་ཞིག་མ་གཏོགས་མེད་པའི་ར་སྐོར་ཆུང་ཆུང་ཞིག་ཏུ་སྡོད་པ་དང་། ཉིན་བཞིན་ཕར་ཚུར་ལ་འགྲོ་སའི་ལམ་ཕྲན་གཅིག་ལས་མེད་ལ། ལམ་འདིའི་སྟེང་དུའང་ང་ཉིན་གཅིག་ལ་ཕར་སོང་ནས་ཚུར་ལོག་པ་ཙམ་ཡིན་མོད། ཉིན་བཞིན་ཕར་ཚུར་ལ་འགྲོ་ཞོར་དུ་ང་ལ་ཁ་བརྡ་བྱེད་ཆོག་ཆོག་དང་ཀུ་རེ་རྩེ་ཆོག་ཆོག་ཅིག་ཡོད་པ་ནི་བྱིས་པ་སྣབས་ལུག་ཁ་ཤས་ཡིན། ཁོང་ཚོའི་ཁམས་དང་མོས་པའི་དབང་གིས་ང་ལ་ཁོང་ཚོར་སྐད་ཆ་བཤད་སྟངས་དང་རྩེད་མོ་རྩེ་སྟངས་ཅི་རིགས་ཤིག་ཡོད་པ་མ་ཟད། ཁོང་ཚོའི་ཁྲོད་དུ་ང་ལ་མཉམ་འཇོག་ས་དམིགས་བསལ་ཞིག་ཡོད་ནི་ཕ་མ་འཕུར་ཤུལ་ན་ལུས་པའི་བུ་ཕྲུག་རྣམས་ཡིན།
གང་ཡིན་ཟེར་ན་ད་ལྟའི་དུས་སུ་བོད་ནང་དུ་རྒྱ་ནག་གིས་ཕ་མ་བསད་པའམ་བཙོན་དུ་གདགས་པའི་ཤུལ་ན་ལུས་པའི་དྭ་ཕྲུག་ཉིན་རེ་བཞིན་ཇེ་མང་དུ་འགྲོ་བ་དང་བཙན་བྱོལ་ཁྲོད་དུ་ཕ་མ་ནུབ་ལ་འཕུར་ཤུལ་ན་ལུས་པའི་དྭ་ཕྲུག་འདི་ཚོ་ལྟ་བུ་ཇེ་མང་དུ་འགྲོ་བཞིན་ཡོད་པས། སྤྱིར་བོད་པ་དྭ་ཕྲུག་གི་གྲངས་འབོར་ཇེ་མང་དུ་འགྲོ་བཞིན་འདུག་ལ། བོད་ཀྱི་ལོ་རྒྱུས་སྟེང་གི་དྭ་ཕྲུག་མང་ཤོས་ཀྱི་དུས་སྐབས་རེད་ཅེས་ཀྱང་སྨྲ་སྤོབས། དེ་བས་བུ་ཕྲུག་འདི་དག་གི་ཁྲོད་ནས་ཕ་མ་འཕུར་ཤུལ་གྱི་དྭ་ཕྲུག་ཚོ་མཐོང་དུས་གློ་བུར་དུ་སེམས་པ་སྐྱོ་སྣང་གིས་ཁེངས་འགྲོ།
ང་རང༌། ༼བོད་འབྱོར་རྩོམ་ཡིག༽
བོང་སྟག་རི་ལུ། རི་བོ་མཐོན་པོའི་རྩེ་མོ་དེ་ལ་དར་ལྕོག་འཛུགས་མཁན་ང་ཚོ་ཡིན། གཙང་བོ་དམའ་མོའི་ཆུ་གཞུང་དེ་ལ་རྡེའུ་འབུམ་སྤུངས་མཁན་ང་ཚོ་ཡིན། གཡུ་ལོ་སྔོན་མོའི་སྤང་ཐང་དེ་ལ་ཁྱིམ་གཞི་བཅའ་མཁན་ང་ཚོ་ཡིན། དང་པོ་མཐོ་སྒང་ཨ་མ་དེ་ཡང་བདག་གིར་འཛིན་མཁན་ང་ཚོ་ཡིན། སྐྲ་སེར་སྤྲེའུས་རྔ་མ་བཅད་ནས་རིགས་རྒྱུད་སྤེལ་མཁན་ང་ཚོ་ཡིན། མདའ་དང་མདུང་གི་རྩེ་མོར་བསྐྱོད་ནས་རང་ས་འཛིན་མཁན་ང་ཚོ་ཡིན། ཀི་དང་རླུང་རྟ་ལན་གསུམ་བསྐྱོད་ནས་དགྲ་ངོ་ལེན་མཁན་ང་ཚོ་ཡིན། མི་རིགས་གཞན་པའི་བཙན་གནོན་ཁྲོད་ན་དཔུང་རྡང་སྦྲེལ་མཁན་ང་ཚོ་ཡིན། མཛུབ་གུ་ལྔ་བཅངས་ཁུ་ཚུར་བྱས་ནས་ཁོག་དཔུང་འཛིན་མཁན་ང་ཚོ་ཡིན། སེམས་པ་དམར་པོ་སྐྱེས་སུ་ཕུལ་ནས་ཕྱི་རབས་སྐྱོང་མཁན་ང་ཚོ་ཡིན། གསེར་ཏོག་སེར་པོ་ཐང་ལ་འཕངས་ཀྱང་ཤུགས་རིང་མེད་པ་ང་ཚོ་ཡིན། འབྲེལ་སྒྲ་ལྔ་བོ་མེད་པར་བཏང་རྗེས་མ་སྣུབས་ཡོད་པ་གི་ཡིག་ཡིན། སྔོན་ཆད་སུམ་གཉིས་ས་ཡི་དཀྱིལ་འཁོར་དབང་དུ་སྡུད་མཁན་ང་ཚོ་ཡིན།བར་དུ་གསལ་བྱེད་གསེར་ཡིག་སུམ་ཅུ་མཛོད་ལ་ཉར་མཁན་ང་ཚོ་ཡིན། ལོ་ཟླ་དམར་པོའི་ཆག་འཇིག་ཁྲོད་ནས་སེམས་ལ་འཛིན་མཁན་ང་ཚོ་ཡིན།…
ང་དང་ངའི་རོ་སྒམ། ༼བོད་འབྱོར་རྩོམ་ཡིག༽
བོང་སྟག་རི་ལུ། རྒྱལ་ཁབ་ཀྱིས་ང་ལ་རོ་སྒམ་ལྟ་བུའི་ཁང་མིག་ཅིག་བྱིན་རྗེས། དེའི་ལྡེ་མིག་ཡོད་ཚད་ང་ལ་སྤྲད་པར་མ་ཟད། ད་དུང་ལས་བྱེད་ཅེས་པའི་རྣ་ཚར་ཞིག་ཀྱང་བཏགས། དེ་ནས་བཟུང༌། ངས་རོ་སྒམ་ལྟ་བུའི་ཁང་མིག་དེའི་ལྷིང་འཇགས་སྲུང་བ་ཡིན། རོ་སྒམ་ལྟ་བུའི་ཁང་མིག་དེའི་ནང༌། བདེ་སྐྱིད་དང་དགོད་སྒྲ་ཡོད་ལ། དྲོལ་ཁོལ་དང་རྨི་ལམ་ཡོད། ད་དུང་ཟས་རང་འབབ་ཡིན་ལ་གོས་རང་གྲུབ་ཡིན། དེ་བས། ངས་ཕྱི་རོལ་གྱི་ནམ་ཟླ་ཏག་ཏག་བརྗེད་སོང༌། ཁ་བ་བརྗེད་སོང༌། རླུང་བུ་བརྗེད་སོང༌། ལུག་ཁྱི་བརྗེད་སོང༌།…
ཕ་ཡུལ་གྱི་གཏམ་རྒྱུད།
སྐར་ཆེན།
ལོ་ན་ཆུང་བའི་དུས་སུ།
ངའི་བསམ་པར།
ཕ་ཡུལ་འདི་རང་ལ་དབང་བའི་རྩེད་རྭ་ཆུང་ཆུང་ཞིག་རེད་སྙམ
ངའི་བསམ་པར།
ཕ་ཡུལ་འདི་ལྷ་སྒྲུང་གི་ཞིང་ཁམས་ཤིག་རེད་སྙམ།
ད་དུང༌།
ངའི་ཡིད་ལ།
ཕ་ཡུལ་འདི་ཨ་མའི་འཇམ་གཉེན་གྱི་ཕྱག་ཟུང་བཞིན།
ཧ་ཅང་དྲོད་ཁོལ་ལྡན་པ་ཞིག
ཧ་ཅང་བརྩེ་སེམས་གྱིས་ཁོལ་བ་ཞིག
ད་དུང༌།
ངའི་དྲན་སྣང་ལ།
ཕ་ཡུལ་གྱི་རི་ཆུ་ནགས་གསུམ་འདི།
ང་ལ་དབང་བའི་ཁྱིམ་གཞིས་ངོ་མ་དེ་ཡིན་བསམ་མྱོང༌།
ངས་ལོངས་སྤྱོད་བྱས་ཆོག་པའི་མ་འོངས་བའི་རྒྱུ་ནོར་ཡིན་བསམ་མྱོང༌།
སེམས་ཁུར་གྱི་སྐད་ཆ།༼བོད་འབྱོར་རྩོམ་ཡིག༽
བོང་སྟག་རིལ་ལུའི་སེམས་ཁུག་ཞིག་གླེང་བ།
འབྲོང་ཕྲུག
བོང་སྟག་རི་ལུས་དཔེ་དེབ་ཅིག་པར་བསྐྲུན་བྱ་རྩིས་ཡོད་པའི་ཁ་པར་དེ་ཟླ་བ་བཞི་ལྔ་ཞིག་གི་ཡར་སྔོན་ལ་སླེབས་བྱུང་ལ། ཟླ་བ་བཞི་ལྔ་ཞིག་གི་རིང་ལ་བདག་གིས་ཀྱང་འབོལ་རྩོམ་དང་སྙན་ངག་བསྡུས་པའི་དཔེ་དེབ་ཅིག་གི་མ་ཕྱི་བསྒྲིགས་ཟིན། དུས་ཚོད་འདིའི་ནང་དུ་ང་ལ་སེམས་ཁུར་ཞིག་ཡོང་པ་ནི་ངས་ཀློག་མཁན་དག་གི་འདོད་བློ་བསྐོང་ཐུབ་མིན་དེ་རེད། བར་སྐབས་འདིར་བོང་སྟག་རི་ལུས་རྒྱང་རིང་ནས་ང་ལ་སེམས་ཁུར་ཞིག་བསྐུར་ཡོང༌།
དུས་རྒྱུན་པར་རང་གི་ཀློག་མཁན་དག་གི་འདོད་བློ་བསྐོང་རྒྱུ་དེ་ཆུང་མ་དང་བུ་ཆུང་གི་འདོད་བློ་བསྐོང་རྒྱུ་ལས་ཀྱང་གལ་ཆེ་བར་བསམ་ན་ཡང༌། ཞིབ་འདང་རེ་བརྒྱབ་ན། ངས་ད་དུང་གཞན་སུ་ཞིག་གི་འདོད་བློ་ཡང་བསྐོང་ཐུབ་ཀྱིན་མི་འདུག འོན་ཀྱང་བོང་སྟག་རི་ལུ་ང་དང་མི་འདྲ་སྟེ། ཁོས་རང་ཉིད་ཀྱིས་བཤད་པ་ནང་བཞིན་ཁོའི་ཀློག་མཁན་གྱི་གྲས་སུ་མཐོ་བ་དཔོན་པོ་དང་མཁས་པ་ཡོད་ལ། དམའ་བ་ཡིག་རྨོངས་པ་སེལ་བར་བརྩོན་ཞིང༌། ཁོའི་སྙན་ངག་གིས་སྒྱུ་རྩལ་གྱི་ཕོ་བྲང་བཞེངས་བར་བྲེལ་བ། ཁོའི་འབོལ་རྩོམ་གྱིས་རྟོགས་སད་ཀྱི་དུང་བརྡ་འབུད་པར་རྔམ་པ་བཅས་ཀྱིས་མཚོན་ནུས་པ་དེའོ།།
མི་རྐྱང་གླུ་བའི་མིང་ལ་རི་ལུ་ཟེར།༼བོད་འབྱོར་རྩོམ་ཡིག༽
བོང་སྟག་རི་ལུ།
མི་རྐྱང་གླུ་བའི་མིང་ལ་རི་ལུ་ཟེར།།
སྨྱུ་གུའི་རྩེད་མོར་རོལ་ནས་ལོ་མང་འགོར།།
ཕྲག་དོག་མདའ་ཡི་རྨ་ཁ་ལན་ཤས་ཕོག།
མིག་ཟུང་རྒྱང་ལ་གཏད་ནས་ཉིན་ཤས་སོང༌།།
ལུས་པོ་རླུང་ཁར་གཟེད་ནས་སྲང་ལ་བསྐྱོད།།
གོམ་པ་འཁྱར་འཁྱོར་ངང་ནས་མདུན་ལ་སྤོས།།
ས་ནག་སུམ་མདོ་དེ་ནས་ངལ་ཞིག་གསོས།།
སང་གི་ཉིན་མའི་ཕྱོགས་ལ་རྒྱང་བལྟ་བྱས།།
རི་བོའི་རྩེ་ལ་བུད་ནས་ཀི་ཞིག་བཏབ།།
རང་གི་རིགས་རྒྱུད་མཐོང་ནས་སྙིང་ཞིག་འཕར།།
བོད་མི་ཀུན་ལ་ཕན་པའི་གཏམ་ཞིག་སྨྲས།།
ཡིད་མཐུན་གྲོགས་ཤིག་མེད་པས་སེམས་པ་སྡུག།
དེ་ལས་མང་བ་། “མི་རྐྱང་གླུ་བའི་མིང་ལ་རི་ལུ་ཟེར།༼བོད་འབྱོར་རྩོམ་ཡིག༽” »
བོད་ཀྱི་ཕྱུག་པོ་དང་ཨ་རིའི་ཕྱུག་པོ།
གཡང་སྐྱབས་རྒྱལ། ༢༠༠༠ ལོར་ང་རྒྱ་གར་ལྷོ་ཕྱོགས་ལ་ཕྱིན་པ་ཡིན། མོན་གྷོ་བོད་མིའི་གཞིས་ཆགས་ལ་ཕྱིན་པ་ཡིན། ང་དེ་ལ་སླེབས་སྐབས་རྒྱལ་ས་ལྷ་ས་ལ་སླེབས་པ་ལྟ་བུའི་གྲོང་ཁྱེར་ཞིག་མཐོང་བྱུང་། དེ་ནི་གཞི་རྒྱ་ཆེ་བའི་ཁང་བརྩེགས་དག་རེད་ལ། བོད་ཀྱི་རི་མོ་དོད་པའི་སྒོ་ཆེན་དང་། བུམ་གཟུགས་སུ་བཀོད་པའི་བསངས་ཁུང་། སྒེའུ་ཁུང་གི་མཐའ་ལྕགས་ལ་ཚོན་རིས་ནག་པོ་བྱུགས་པ། སྟེང་དུ་གསེར་གྱི་རྒྱ་ཕིབས་དང་རྡོ་ཀ་མ་རུའི་རྡོ་གཅལ་འདི་ཚོས་གྲུབ་ཡོད་ལ། དེ་ཚོ་ནི་གདན་ས་ཆེན་པོ་དགའ་ལྡན་དང་འབྲས་སྤུངས་བཅས་རེད། ང་སྡོད་ས་ནི་གཞིས་ཆགས་ཀྱི་གྲོང་ཁྱིམ་ཞིག་རེད། ཤིང་དུམ་གྱིས་བསྒྲིགས་པའི་སྒོ་ཆུང་དེ་འཛུལ་ནས་ཁྱམས་རྭ་དེ་ལ་སླེབས་ཤིང་། དེ་ནས་ཐོག་ཏུ་ས་ཕག་ལེབ་མོས་བཀབ་པའི་ཁང་རིང་ཞིག་ཁྱིམ་ཁ་ཤས་ལ་བགོ་བཤའ་བརྒྱབ་པའི་ཁང་མིག་ཅིག་འདུག ཐབ་དང་ཐང་གཞི་ནི་འདམ་གྱིས་བཟོས་པ་རེད།…
ལོངས་ཤིག རང་བཙན་གཞས།
གོང་གསལ་ནི་ ང་དགུ་རྗེས་དྲན་ཞེས་པའི་གཞས་ཚོགས་པ་ཞིག་གིས་བཏང་བ་དེ་ ཡུ་ཊུབ་ནས་ཕྱོགས་བསྡུས་བྱས་པ་ཡིན། ཁོང་ཚོའི་དྲ་ཤོག་གི་ཁ་བྱང་ནི་གཤམ་གསལ་ལྟར་རེད། http://www.r59band.altpro.net/bandsite
ཁ་བརྡ་གྲུ་ཁང་གི་རྩོད་རྙོག
བླུན་པོ་གཡག་གི་སྙིང་རྩ་ཅན་རྣམས་གཡག་བཞིན་ངུར།། གླེན་པ་ལུག་གི་མགོ་བོ་ཅན་རྣམས་ལུག་བཞིན་འབའ།། མ་བརྟག་ཧོལ་རྒྱུག་བྱེད་ལ་གོམས་རྣམས་ཁྱི་བཞིནཟུག། ཚིག་གཅིག་ཡང་ཡང་སྐྱར་ཟློས་བྱེད་རྣམས་ནེ་ཙོ་བཞིན།། གྲྭ་བའི་སྙན་ངག་ཡིན་ཟེར་ཁ་ཕོ་འབྲུག་གྲགས་གྲགས།། ཚིག་གི་སྦྱོར་བར་བལྟས་ན་བྱིས་པས་རྡོ་བསྒྲིགས་བསྒྲིགས།། དཔྱད་ན་སྒྱུ་རྩལ་གྱིས་ཕོངས་མྱ་ངམ་ཐང་སླེབས་སླེབས།། མྱངས་ན་ཕྱུར་ཁུ་བཞིན་དུ་བྲོ་བ་སྐྱུར་སིལ་སིལ།། སྟག་སྨྱོན་སྟག་གིས་སོ་གཅིག་བརྒྱབས་པས།། ཀླུ་སྨྱོན་ད་བར་སྨྱོན་པ་ཆགས་འདུག། སྨྱོན་པའི་ཆིག་ལབ་རྫོགས་རྒྱུ་མེད་གི། སྨྱོན་པའི་སྐྱར་ཟློས་ཚར་རྒྱུ་མེད་གི།། མགོན་པོ་ཕྱག་གཉིས་ཕྱག་གཅིག་གཡུགས་ཏེ།། སྨྱོན་པའི་སྨྱོ་དེ་ཇེ་ཐུར་ཕྱིན་འདུག། མདའ་ཚན་དེ་རིང་སྙིང་རྗེ་སྐྱེས་ཏེ།།…
མི་ལུས་ཐོབ་པའི་སྡུག་བསྔལ།༼བོད་འབྱོར་རྩོམ་ཡིག༽
བོང་སྟག་རི་ལུ།
ཐོག་མར་མི་ལུས་ཐོབ་པར་དགའ་སྣང་ཞིག་སྐྱེས་ཀྱང༌།།
བར་དུ་མི་ཡུལ་འགྲིམས་པའི་ངལ་དུབ་ཀྱིས་གཟིར་བ།།
ཐ་མར་མི་སེམས་དཀྲུགས་པའི་སྡུག་བསྔལ་ཞིག་སྐྱེས་པས།།
མི་ཡུལ་མི་ཡུལ་ཞེས་པར་ཞེན་ཆགས་ཤིག་མ་སྐྱེས།།
མི་རྣམས་མཐོང་ན་བྱ་ཚོགས་ཀྱུག་ཀྱུག་གིས་འཕུར་ཞིང༌།།
མི་སྐད་ཐོས་ནས་རི་དྭགས་ཕྱོགས་བཞི་རུ་འབྲོ་ལ།།
མི་ལུས་མཐོང་ན་ཨ་བྲ་ཙག་ཙག་གིས་གྲག་པས།།
མི་འདི་འཇིགས་སུ་རུང་བའི་གཅན་གཟན་དང་འདྲ་འདུག།
དེ་ལས་མང་བ་། “མི་ལུས་ཐོབ་པའི་སྡུག་བསྔལ།༼བོད་འབྱོར་རྩོམ་ཡིག༽” »
བསམ་ཚུལ་ལྟ་བུའི་འཇིག་རྟེན། འཇིག་རྟེན་ལྟ་བུའི་བསམ་ཚུལ།
ཨ་འབྲུག་དཀོན་མཆོག
༄། ཉིན་འདི་དག་གི་རིང་ལ་ངས་དཔེ་ཆ་སྣ་ཚོགས་ཀློག་གི་ཡོད་ལ། ཀློག་གིན་ཀློག་གིན་དཔེ་ཀློག་བྱེད་པ་ནི་བསམ་ཚུལ་སྣ་ཚོགས་ལ་ཉན་ཞིབ་བྱེད་པ་ཞིག་དང་མཚུངས་ཤིང༌། བསམ་ཚུལ་སྣ་ཚོགས་ཀྱང་ཚད་མཐོ་ས་ནས་ཕྱོགས་བསྡོམས་བྱས་ན་འཇིག་རྟེན་ལྟ་བུའི་བསམ་བློ་བཟོ་བའི་བསམ་ཚུལ་དང་བསམ་ཚུལ་ལྟ་བུའི་འཇིག་རྟེན་བཟོ་བའི་བསམ་ཚུལ་ཏེ་རྩ་བ་ནས་ལྡོག་ཕྱོགས་སུ་འགྲེངས་པའི་བསམ་ཚུལ་གཉིས་ཡིན་པའི་སྣང་བ་དེ་ལས་ཀྱང་ཆེས་ཆེར་འཕེལ། དེ་ལས་ཀྱང་བསམ་ཚུལ་ལྟ་བུའི་འཇིག་རྟེན་བཟོ་འདོད་ཀྱི་བསམ་ཚུལ་དེ་ཤུགས་ཆེ་བ་དང༌། འཇིག་རྟེན་ལྟ་བུའི་བསམ་ཚུལ་བཟོ་མཁན་དེ་ཧ་ཅང་ཉུང་བའི་སྣང་བ་སྟེར། མ་གཞི་འཇིག་རྟེན་གྱི་ཆེས་གཞི་རིམ་གྱི་གཞི་རྟེན་ནི་རང་བྱུང་ཡིན་པ་དང་རང་བྱུང་གི་མངོན་འདོད་ཀྱིས་མི་རྣམས་མཉམ་རུབ་ཀྱིས་འཚོ་བའི་སྤྱི་ཚོགས་སུ་འཕེལ་འགྱུར་བྱུང་རུང༌། མི་རང་སྟེང་གི་མངོན་འདོད་ལ་སྤྱི་མཐུན་མཉམ་རུབ་ཀྱིས་བསྒྲུབ་དགོས་པའི་ཆ་དང་སྒེར་གྲུབ་རང་སྟོབས་ཀྱིས་བསྒྲུབ་དགོས་པའི་ཆ་གཉིས་ཀ་ཡོད་པའི་དབང་གིས་མིའི་འཚོ་བ་དེ་གཞན་རྟེན་དང་རང་སྟོབས་ཟུང་གིས་གཉེར་དགོས་པ་ཞིག་ཏུ་གྲུབ་ཡོད་པ་ནི་མི་རང་སྟེང་གི་རང་བཞིན་གྱིས་ཐག་བཅད་པ་ཞིག་ཡིན་པ་ཧ་ལམ་མིའི་ལོ་རྒྱུས་ཧྲིལ་པོས་གསལ་སྟོན་བྱས་པའི་གནས་ལུགས་ཤིག་ཏུ་ངེས་པས་ན། ལྟ་གྲུབ་དང་གཞུང་ལུགས་གང་ཞིག་སྤྱི་ཚོགས་དང་མི་སྒེར་གྱི་འཚོ་བའི་ནང་དུ་གཏིང་ཟབ་མོར་འདྲེས་ཏེ་འཚོ་བ་དངོས་ཀྱི་ནང་ནས་སྐྱེ་སྟོབས་མངོན་ཐུབ་མིན་ཀྱང་མཐར་གཏུགས་ན་མི་དང་མིའི་སྤྱི་ཚོགས་ཀྱི་རང་བྱུང་གི་རང་བཞིན་དང་ཁ་ཐག་ཉེ་འགྱང་དང་འབྲེལ་བ་གཏིང་ཟབ་ཡོད་པ་ཞིག་རེད།
དེ་ལས་མང་བ་། “བསམ་ཚུལ་ལྟ་བུའི་འཇིག་རྟེན། འཇིག་རྟེན་ལྟ་བུའི་བསམ་ཚུལ།” »
དགེ་བསྐོས་བཙན་པོའི་སྒྲུང་།
འདི་དགེ་བསྐོས་བཙན་པོའི་སྒྲུང་མིན་པར་དེ་ལྟ་བུའི་སྒྲུང་གཞན་ཞིག་ཡིན། ངའི་སྲིང་ཆུང་མས་ལས་ཀ་ལས་ཀྱིན་ལས་ཀྱིན་སྒྲུང་འདི་བཤད་བྱུང་། མོས་བཤད་རྒྱུར། ་་ཉིན་ཞིག ས་ཆ་ཚང་མ་གངས་ཀྱིས་བཟུང་ནས་དཀར་སྒྭག་སེ་བྱེད་པའི་སྔ་དྲོ་ཞིག་ལ། ཕ་གི་བླ་རི་མགུལ་དང་ང་ཚོའི་ས་མཚམས་ཕྱོགས་ནས་ཚུར་ཅིག་ནག་ཡོར་ཡོར་ཡོང་གི་འདུག ་་ མཚམས་འདིར་མོས་ང་ལ་དཀར་ཡོ་འབྲུག་མ་ཞིག་གི་ནང་འོ་་ཇ་གང་བླུགས་ནས་སྤྲོད་ཞོར་དུ། ་་ ཨ་ཀ། ཇ་འཐུང་། ཤ་བརྒྱགས་ཚད་ཟོས། ཁྱོད་ཕྱི་རྒྱལ་ནས་ཤ་བཟའ་རྒྱུ་རག་ཡོད་རྒྱུ་མ་རེད་་ ཟེར་ནས་ཡང་མུ་མཐུད་དུ་་སྒྲུང་བཤད་བྱུང་། ་་འགུལ་གྱི་ཡོད་པ་མ་གཏོགས་ཚུར་ཡོང་གི་ཡོད་པ་འདྲ་ཞིག་མི་འདུག…
སྙིང་ཉེ་བའི་དྲ་གྲོགས་གི་སྙན་དུ།
སྐུ་ཞབས་མགོན་པོའམ་སྟག་སྨྱོན་ལགས་སུ། ཁྱེད་ཀྱིས་ངའི་མཚང་ཇི་ལྟར་བྲུས་ཀྱང་ང་ལ་ཁྱད་པར་ཆེན་པོ་ཞིག་མེད། <<དགེ་བསྐོས་བཙན་པོ>>ཞེས་པའི་དེབ་དེས་རང་རེའི་མུན་ནག་གི་སྤྱི་ཚོགས་འདི་ལ་ཕན་ཐོགས་ཅུང་ཟད་རེ་ཨེ་འབྱུང་བསམས་པ་ཡིན། ཉོན་མོངས་དུག་གསུམ་འདུལ་བྱེད་དུ་ང་ཚོའི་སྟོན་པས་(ཁྱེད་རང་ནང་པ་ཡིན་མིན་མ་ཤེས།)མདོ་ལུགས་ལ་སྡེ་སྣོད་གསུམ་ཟེར་བ་ཞིག་དང་སྔགས་ལུགས་ལ་རྒྱུད་སྡེ་བཞི་ཟེར་བ་ཞིག་གསུངས་ཡོད་པ་མ་གཏོགས། ངུར་སྨྲིག་འཆང་བའི་སྡེ་རུ་གྲི་དང་མེ་མདའ། རྡོ་དང་དབྱུག་པ། ཁུ་ཚུར་དང་རྡོག་རྒྱག འགྲམ་ལྕག་དང་ཕྲེང་ལྕག ཐག་པས་བཀྱིགས་ནས་གནམ་འདོག་དང་འོག་ནས་སུར་པན་མེར་སྲེག གནམ་གཤིས་གྲང་མོར་གོས་བཤུ་དང་དགུན་ཁར་ལུས་སྟེང་ཆུ་བཤོ་(དྲག་སྤྱོད་པ་དེ་ཚོས་ཚན་རིག་ཡར་རྒྱས་དང་བསྟུན་ནས་གློག་གི་རྒྱུག་པ་དང་གློག་གི་མེ་མདའ་སོགས་བེད་སྤྱོད་བྱེད་ངེས་ཅན་རེད།)ལ་སོགས་པ་ཡོ་རོབ་ཀྱི་དུས་རབས་བར་མ་དང་། རང་རེའི་ལྗོངས་སུ་ད་དུང་མུ་ནས་མུ་རུ་རྒྱུན་སྲིང་བཞིན་པའི་ཀླ་ཀློའི་བྱ་སྤྱོད་འདི་དག་གི་རྒྱབ་སྐྱོར་དུ་འགྲོ་བའི་མདོ་སྔགས་ཀྱི་ཁུངས་གཏུགས་ས་ཞིག་རྙེད་དུ་མེད་པ་དང་། སྟོན་པས་ངའི་བསྟན་པ་ངའི་ཉན་ཐོས་ཀྱིས་འཇིག་གསུངས་པ་ཡང་། རབ་བྱུང་བའ་སྡེ་རུ་སྡེ་སྣོད་གསུམ་དང་རྒྱུད་སྡེ་བཞི་ཡིས་རང་སེམས་འདུལ་རྒྱུའི་ཚབ་ཏུ་དགེ་བསྐོས་འཇིགས་སྐུལ་དྲག་སྤྱོད་པ་ཚོས་རང་སྣང་གང་དྲན་གྱིས་བཅའ་ཁྲིམས་སྒེར་གཅོད་ཀྱིས་དྲག་རྡུང་ཁོ་ན་འདུལ་ཁྲིམས་སྲུང་བྱེད་དུ་སྤྱོད་པའི་ལམ་ཁ་འབའ་ཞིག་ཡིན་ལུགས་བརྗོད་དེ་་སྣུམ་ཟད་ཀྱི་བསྟན་པའི་མར་མེ་ཉམ་ཆུང་འདི་མུན་ཁུང་དུ་ཨུ་ཚུགས་ཀྱིས་སྐྱེལ་རྒྱུར་རྔམ་པ་དག་གི་སྣང་ངོར་རྩོམ་དེབ་དེ་ལ་རིན་ཐང་ཅི་ཡང་མེད་པ་ཤིན་ཏུ་ནས་ཀྱང་བདེན་ན་ཡང་། དགེ་བསྐོས་དྲག་སྤྱོད་པ་དེ་དག་འགྲོ་བ་མིའི་གྲས་ནས་རྒྱང་ཐག་ཅི་ཙམ་ཞིག་རིང་ན་ཡང་། བསྟན་དང་སྟོན་པ་གཅིག་པའི་ཞེ་རྩིས་ཤིག་གིས་ད་དུང་ཡང་དེ་དག་ལོག་ལམ་ལས་གོམ་པ་རེ་རེ་ལས་མ་བྱུང་ན་ཡང་དངོས་ཡོད་འཇིག་རྟེན་དུ་ཕྱོགས་པའི་རེ་བའི་མེ་ལྕེ་ད་དུང་ཉམས་མེད་དུ་འབར་བཞིན་ཡོད།
སྨྱོན་པའི་གླུ།
སྤོབས་པ་མཐའ་ཡས།
ངུར་སྨྲིག་གསེར་གྱི་སྒ་ཆས་རང་ལུས་ལ་བརྗིད་ཀྱང༌། །
ངེས་འབྱུང་སྲབ་ཀྱིས་མ་ཟིན་རང་སེམས་ཀྱི་རྟ་རྒོད། །
ཐར་བའི་གླིང་དུ་བགྲོད་པའི་བཞོན་པ་ཞིག་མིན་ཕྱིར། །
ལྟུང་བ་སྡེ་ལྔའི་བསྲུང་སྡོམ་བཤགས་གསུམ་གྱིས་ཅི་བྱ། །
འཇིག་རྟེན་ཆོས་བརྒྱད་ཟེར་བའི་དགྲ་བོ་ཡིས་བསྐོར་ནས། །
ཆགས་སྡང་མཚོན་ཆ་རྩུབ་མོས་བར་མེད་དུ་གཙེས་སྐབས། །
རྒྱུ་འབྲས་མན་ངག་བདུན་གྱི་མདུང་ཡུ་ནས་ཤོར་བས། །
མར་གྱུར་སེམས་ཅན་ཟེར་བའི་ཁ་ཕོ་དེས་ཅི་བྱེད། །
སྨྱོ་གླུ།
སྤོབས་པ་མཐའ་ཡས།
མི་ཡི་དབང་པོ་པཎ་ཆེན་བླ་མའི་དྲུང༌། །
མི་བྱེད་དགུ་བྱེད་ཚངས་དབྱངས་རྒྱ་མཚོ་ཡིས། །
མི་བསྲུང་མི་བསྲུང་སྡོམ་པ་མི་བསྲུང་ཞེས། །
མི་ཁར་མ་འཛེམས་བརྟུལ་ཞུགས་སྤྱོད་པ་བསྐྱངས། །
མི་སྡུག་ཧོར་སོག་སྲིན་པོའི་མཚོན་ཆའི་འོག །
མི་ཡི་བདག་པོ་སངས་རྒྱས་རྒྱ་མཚོ་ཡིས། །
མི་གཏོང་མི་གཏོང་རྒྱལ་སྲིད་མི་གཏོང་ཞེས། །
མི་མགོ་ཧོར་ལ་ཤོར་ཡང་ཕངས་པ་བྲལ། །
ཀླུ་སྨྱོན་སྤུན་གསུམ་གྱི་མཉམ་འབྲེལ་དེབ་གསར་པར་སྐྲུན།
ཀླུ་སྨྱོན་ཧེ་རུ་ཀ་དང་ཁོའི་གཅེན་པོ་སྦྲང་ཆར་རྩོམ་རིག་བྱ་དགའ་ཐོབ་མཁན་ལྡོང་ཕྲུག་ཡེ་ཤེས་བཟང་པོ་དང་གཅུང་བོ་གཟི་མིག་གསུམ་པ་སྐལ་ལྡན་རྒྱ་མཚོ་གསུམ་གྱི་མཚན་ཉིད་རིག་པའི་མཉམ་འབྲེལ་རྩོམ་དེབ་གྲྭ་སྤུན་གསུམ་གྱི་མནོ་བསམ་ཕྱོགས་བསྒྲིགས་ཞེས་པ་དེ་འགྱང་མིན་སྤྱི་ཚོགས་སྟེང་གི་ཀློག་པ་པོ་རྣམས་ཀྱི་སྤྱན་ལམ་དུ་འབུལ་རྒྱུ་ཡིན།
གཙང་ཆེན་གྱི་སྙན་ངག
ཨ་མདོའི་ཕོ་རྒོད་བློ་སྤོབས་ཇི་བཞིན་གཙང་ཆེན་ས་གཞིའི་མཐའ་དབུས་བསྐོར་ནས་འབབ། ། ཡུལ་གྱར་འཁྱམ་པོའི་གདུང་སེམས་ཇི་བཞིན་ལྷོ་རླུང་ནམ་མཁའི་མཐའ་ནས་ཕྱོགས་མེད་ལྡང་། ། རྨི་ལམ་ཞིང་གི་མཛའ་མོ་ཇི་བཞིན་གློག་སྒྲོན་རྒྱང་རིང་ལྗོན་པའི་གསེབ་ཏུ་སྦར། ། མ་འོངས་བཅང་བའི་ཕུགས་བསམ་ཇི་བཞིན་གཡུ་ཡི་ལོ་འདབ་འབུམ་གྱི་འཛུམ་རྒྱ་གྲོལ། ། འཁྱམ་པོས་སེམས་པ་འཁྱམ་པོར་བསྟན་ཏེ་མི་རིགས་ཤིག་གི་འདས་པའི་ལོ་རྒྱུས་གླེང་། ། སྐྱོ་གདུང་དྲག་པོ་ཁོག་ཏུ་སྦས་ཏེ་རེ་ཞིག་བྱིས་པའི་ལོ་ཟླར་ཕྱིར་དྲན་བྱས། ། ས་སྲོད་ནམ་མཁའི་གཏིང་རུམ་འཚེར་བའི་སྐར་ཚོགས་འོད་སྣང་ཁྱེར་ནས་ནང་དུ་ལོག །…
རྨི་ལམ་དེ་དག
ཡོད་པས་ཡོད་གོ་མི་ཆོད་རྨི་ལམ་གྱི་མཛེས་མ། མེད་པས་མེད་གོ་མི་ཆོད་རྨི་ལམ་གྱི་བཙོན་ཁང་། རེ་དོགས་གཅིན་སྐྱག་བརྫིས་པའི་རྨི་ལམ་གྱི་བག་ལེབ། དུག་གསུམ་ཡི་དྭགས་འགོང་བོའི་ཁ་ཟས་སུ་བྱིན་ཤོག
