ལུང་རིགས་རྒྱལ།
་་་་་་དུས་རབས་འདིའི་ནང་མི་ཚང་མ་ཀློག་པ་པོ་ཡིན་ལ། ཀློག་པ་པོ་ཚང་མ་གང་འཚམ་གྱིས་རྩོམ་པ་པོའང་ཡིན། འདི་ལྟར་རྩོམ་པ་པོ་དང་ཀློག་པ་པོ་མང་པོ་ཞིག་ཀློང་བརྡོལ་ནས་སླེབས་ཤིང་། སྤྱི་ཚོགས་སྟེང་གི་གནས་ཚུལ་དང་བསམ་ཚུལ་རྒྱ་མཚོ་ལྟ་བུའི་ཁ་ཤོར་ནས་ཡོང་དུས་ རྩོམ་སྒྲིག་པའི་དགོས་མཁོ་ཇེ་ཆེ་དང་ཁོའི་འགན་འཁྲི་ཇེ་ལྕི་རེད་་་་་་
དང་པོ། དུས་རབས་འདིའི་སྤྱི་ཚོགས།
དུས་རབས་ཉེར་གཅིག་པ་འདི་མགོ་བཙུགས་མ་ཐག་དོན་དག་གལ་ཆེན་ཞིག་བྱུང་བ་ནི་མིའི་ རིགས་ཀྱི་གསང་བ་ཡོད་ཚད་ཀྱི་མཐིལ་རྡོལ་ཞིང་གནས་ཚུལ་མཐའ་དག་གི་ཁ་ཤོར་བ་དེ་ རེད། ཁྱོད་སའི་གོ་ལའི་ལྷོ་སྣེ་དང་བྱང་སྣེ་གང་དུ་ཡོད་ཀྱང་རུང་། ཁྱོད་ཤར་ཕྱོགས་དང་ནུབ་ཕྱོགས་ཀྱི་སྤྱི་ཚོགས་གང་དུ་གཏོགས་ཀྱང་ཆོག ཁྱོའི་སོར་འོག་ཏུ་མི་ཟིན་པའི་མི་དང་། ཁྱོའི་གློག་ཀླད་ཀྱི་སྒེའུ་ཁུང་ནས་མི་མཐོང་བའི་ཡུལ་ཞིག་མེད། ཁྱོད་དང་ས་སྒང་འདིའི་སྟེང་གི་མི་རེ་རེ་བཞིན་དྲ་བར་ནས་དམ་དུ་འབྲེལ་ཞིང་།