གལ་ཏེ་ང་ཤི་སོང་ན།
ཀླུ་སྨྱོན། རྒུན་ཆང་དམར་པོ་འདི་འཐུངས་ནས་མ་ཚར་གོང་། སྙན་ངག་རིང་མོ་འདི་བྲིས་ནས་མ་རྫོགས་གོང་། གལ་སྲིད། ང་ཤི་སོང་ན། ངའི་མི་ཚེ་ཐུང་ཐུང་འདི་ཡང་དེ་ནས་མགོ་བརྩམས་ཏེ་ཚར་སོང་བ་རེད། དགུན་ཁ་རིང་མོ་འདིའི་མཇུག་ཏུ་མ་བསླེབས་གོང་། དཔྱིད་ཟླ་དྲོན་པོ་དེ་སླེབ་མགོ་མ་བཙུགས་སྔོན། གལ་སྲིད། ང་ཤི་སོང་ན། ངའི་གཞིས་ཀ་ཆུང་ཆུང་འདི་ཡང་དེ་ནས་བཟུང་སྟེ་སྟོངས་སོང་བ་རེད། དྲིན་ཅན་ཕ་མ་གཉིས་ཀར་ཁ་པར་ཞིག་མ་བརྒྱབ་གོང་། བརྩེ་བའི་གཅེན་གཅུང་ཁོ་ཚོར་སེམས་གཏམ་རེ་མ་བཤད་སྔོན། གལ་སྲིད། ང་ཤི་སོང་ན།…