ཀླུ་སྨྱོན་ཧེ་རུ་ཀ སྟོན་པ་མཉམ་མེད་ཤྰཀྱའི་རྒྱལ་པོ་མཆོག་གི་སྐུའི་འཁྲུངས་སྐར་དུས་ཆེན་ཁྱད་དུ་འཕགས་པའི་ཉིན་མོ་འདིར། འཛམ་གླིང་གི་ས་ཕྱོགས་གང་སར་བཞུགས་པའི་ཆོས་གྲོགས་ཚང་མའི་སྐུ་ལུས་བདེ་ཞིང་བྱ་བ་ལམ་འགྲོ་ཡོང་བའི་སྨོན་འདུན་དང་། འཇིག་རྟེན་གྱི་ཁམས་འདིར་དུས་ངན་སྙིགས་པའི་རྒུད་པ་ནད་མུག་འཁྲུག་རྩོད་འབྱུང་བཞིའི་གནོད་པ་སོགས་ཉེ་བར་ཞི་སྟེ། སྐྱེ་རྒུ་ཀུན་གྱིས་མཛའ་བརྩེ་ཚེ་རིང་ནད་མེད་མཁོ་རྒུའི་དཔལ་ལ་ལོངས་སྤྱོད་པ་དང་། སྲིད་ཞིའི་སྡུག་བསྔལ་སེལ་བའི་སྨན་མཆོག་སངས་རྒྱས་ཀྱི་བསྟན་པ་རིན་པོ་ཆེ་ཡིས་ས་སྟེང་མ་ལུས་པར་ཁྱབ་པ་དང་། ཁྱད་པར་དུ་བོད་ཁ་བ་གངས་ཅན་པའི་འདི་ཕྱིའི་ལམ་སྟོན་ཆེན་པོ་འཕགས་མཆོག་མིག་མི་འཛུམ་པ་གང་ཉིད་ཀྱི་སྐུ་ཁམས་བཟང་ཞིང་འགྲོ་འཕེལ་བ་དང་། རང་རེ་གངས་ཅན་པ་ཡོངས་ཀྱི་འཕྲལ་ཡུན་འདོད་དོན་མཐའ་དག་འགྲུབ་པའི་སྨོན་འདུན་ཞུ།། དུས་ཚོད་ཡོད་ན་འཁྲུངས་སྐར་སྲུང་རྩི་བྱོས། ། སྒོར་མོ་ཡོད་ན་འཁྲུངས་སྐར་ལེགས་སྐྱེས་ཉོས། ། གྲོགས་པོ་ཡོད་ན་འཁྲུངས་སྐར་གསོལ་སྟོན་ཤོམས། ། འདི་ནི་ནང་པ་ཡོངས་ཀྱི་ལས་འགན་རེད།…

དེ་ལས་མང་བ་། “སངས་རྒྱས་ཀྱི་འཁྲུངས་སྐར་ལ་བཀྲ་ཤིས་བདེ་ལེགས་ཞུ།” »