གཤམ་གྱི་དྲ་བྱང་བརྒྱུད་དེ་གསན་རོགས། http://www.qhtb.cn/zhibo/view.jsp?id=20821
གཤམ་གྱི་དྲ་བྱང་བརྒྱུད་དེ་གསན་རོགས། http://www.qhtb.cn/zhibo/view.jsp?id=20821
དེང་སྐབས་མཚོ་སྔོན་བོད་སྐད་རླུང་འཕྲིན་ཁང་གིས་རང་དབང་གི་གླེང་སྟེགས་ཞེས་པ་ཞིག་བསྒྲུབས་ཏེ་རོང་འབྲོག་མི་དམངས་ཀྱི་བདེ་སྡུག་སྐོར་ནས་སྐད་ཆ་འདྲ་མིན་འདྲི་གིན་འདུག ཉོན་དང་། http://www.qhtb.cn/zhibo/view.jsp?id=24278&zt=0
Apophis asteroid will probably almost certainly not smash into Earth, say scientists Apophis asteroid: Russian…
ཀླུ་སྨྱོན།
སྔོ་བསང་ནམ་མཁའི་དཀྱིལ་འཁོར་ནས། །
སྤྲིན་དཀར་ལེབ་མོ་ཡུག་གཅིག་གིས། །
མེ་ཏོག་དཀར་པོའི་ཆར་བ་ཞིག །
ཆུ་ཚོད་ཉི་ཤུ་རྩ་བཞིར་བསྙིལ། །
སྙིང་ལ་གཟན་པའི་སྡུག་གུ་མ། །
དབྱངས་ཅན་ལྷ་མོ་གཅེར་བུ་རུ། །
པི་ཝང་མེད་ལ་སོར་གདུབ་མེད། །
བདག་གི་རུམ་ལ་འཛུལ་བྱུང་ངོ་། །
བདག་ནི་སྔགས་འཆང་དྲེད་པོ་སྟེ། །
ཉིན་མཚན་མེད་པར་ར་བཟི་ཞིང་། །
ལུས་ལ་ཆགས་པའི་མེ་འབར་བས། །
དེ་རིང་བསྐལ་པ་བཟང་བྱུང་ངོ་། །
ཉི་མ་སུམ་བརྒྱ་དྲུག་ཅུའི་རྗེས་སུ་ཡང་། །
རྨི་ལམ་འདི་ལས་སད་མི་འདོད། །
སྒྱུ་མའི་འཇིག་རྟེན་བློས་མི་ཐོངས། །
རྣམ་ཤེས་འཁྱམ་པོ་སྙིང་ཡང་རྗེ། །
གཤམ་གྱི་དྲ་བྱང་འདི་བེད་སྤྱོད་བཏང་ན་གཟིགས་ཐུབ། http://reganglin.tibetcul.com/52761.html
ཀླུ་སྨྱོན།
ཁ་པར་འདིའི་དྲིན་ལས་ངས་ཁྱེད་རང་རྙེད་བྱུང་།
ཁ་པར་འདི་བརྒྱུད་ནས་ངས་ཁྱེད་རང་མཇལ་བྱུང་།
ཁྱེད་རང་སྐད་གྲགས་ཆེ་བའི་ཨ་རིའི་རྒྱལ་སར་བཞུགས་ཡོད་ཅིང་།
ལས་ཁུངས་ཡག་པོ་ཞིག་ཏུ་ཕྱག་ལས་གནང་གིན་ཡོད་ལ།
གླ་ཕོགས་ཀྱང་ང་ལས་ལྡབས་འགས་མཐོན་པོ་ཞིག་ལེན་བཞིན་ཡོད་པ་བདེན་ཡང་།
ཁྱེད་ཀྱང་ང་དང་འདྲ་བར་སྐབས་རེར་སུན་སྣང་དང་ཁེར་རྐྱང་གི་སྡུག་བསྔལ་གྱིས་མནར་བཞིན་ཡོད།
ཁྱེད་ཀྱང་ང་དང་འདྲ་བར་མི་ཡུལ་གྱི་འཚོ་བའི་མནར་གཅོད་དང་ས་མཐའི་སྐྱོ་གདུང་གིས་གཙེ་བཞིན་ཡོད།
ཀླུ་སྨྱོན།
ཅི་ཡིན་འདི་ཡིན་མི་ཤེས་པར་རྨི་ལམ་འཁྲུགས་སོང་།
རྨི་ལམ་འཁྲུག་སྟངས་ཀྱང་མི་འདྲ་གི
ཕྱེ་མ་ལེབ་དང་གྲོག་མ།
ས་འབུ་ཐག་ནར་དང་སྦྲང་མ་སོགས་ཀྱིས་མཆེ་བ་གཙིགས་ཡོང་།
ཁོ་ཚོར་ངའི་ཟུངས་ཁྲག་དྲོན་མོ་དགོས་ཟེར།
ལྷ་འདྲེ་དང་འབྱུང་བོ་རོ་ལངས།
དྲི་ཟ་དང་གནོད་སྦྱིན་སོགས་ཀྱིས་ལག་གཡོབ་བྱས་སོང་།
ཁོ་ཚོར་ངའི་རྣམ་ཤེས་འཁྱམ་པོ་དེ་དགོས་ཟེར།
ཀླུ་སྨྱོན།
མདང་དགོང་ཉལ་ཁར་བྲིས་པའི་སྙན་ངག་དེ།
སྙན་ངག་འབྲི་དུས་ཀྱི་དམིགས་རྣམ་ཞེས་པའི་སྙན་ངག་ཡིན་ལ་མིན་ལ་དེ།
དེ་གཉིས་ལ་མི་གཏོགས་པའི་གཞས་ཚིག་ཐུང་ཐུང་དེ།
སེམས་ནང་ལ་འཁོར་ནས་འདང་ཞིག་བརྒྱབ་དུས།
ལོ་ཟླ་འདི་དག་གི་རིང་ལ་བྲིས་པའི་སྙན་ངག་དེ་ཚོས།
མ་ཤེས་མ་ཚོར་བའི་ངང་དོར་མ་གྱོན་འདུག
དེ་ཡང་ཁ་དོག་མི་འདྲ་བའི་དོར་མ་གྱོན་འདུག
རིང་ཐུང་མི་འདྲ་བའི་དོར་མ་གྱོན་འདུག
གོང་ཚད་མི་འདྲ་བའི་དོར་མ་གྱོན་འདུག
གཙང་བཙོག་མི་འདྲ་བའི་དོར་མ་གྱོན་འདུག
ཀླུ་སྨྱོན།
ས་གནས་བོད་རིགས་ཚོགས་པའི་ཚོགས་གཙོས་བོད་རིགས་ཚོར་ཡེ་ཤུའི་སྐྱེས་སྐར་དུས་ཆེན་ལ་རྟེན་འབྲེལ་ཞུ་བའི་འཕྲིན་ཡིག་བསྐུར་པའི་ལན་དུ་སྤྲིངས་པ།
ཚོགས་གཙོ་ལགས་སུ་ཐུགས་རྗེ་ཆེ་ཞུ་བ་དང་ཆབས་ཅིག་རང་གི་བསམ་ཚུལ་འགའ་ཞུ་འདོད་ བྱུང་། སྤྱི་ལོའི་ལོ་གསར་འདི་ནི་མི་གཞི་ཕྱི་རོལ་བའི་སྟོན་པ་ཡེ་ཤུ་མ་ཤི་ཀའི་སྐྱེས་ སྐར་ནས་བཟུང་སྟེ་རྩི་སྲུང་བྱས་པ་ཞིག་ཡིན་ན་ཡང་། དེང་སྐབས་འཛམ་གླིང་སྤྱིའི་ལོ་གསར་ལྟ་བུར་ངོས་འཛིན་བྱེད་བཞིན་འདུག་པས་ང་ཚོ་ ཕྱི་རྒྱལ་དུ་ཡོད་པའི་བོད་རིགས་ཚོས་འདིའི་སྐབས་སུ་ཕན་ཚུན་བཀྲ་ཤིས་བདེ་ལེགས་ ཙམ་ཞུས་ན་འགྲིག་གི་ཡོད་འགྲོ ཡིན་ན་ཡང་ཡེ་ཤུའི་འཁྲུངས་སྐར་(Christmas)རང་ལ་ང་ཚོས་གཅིག་གིས་གཅིག་ལ་རྔན་པ་ སྤྲོད་རེས་དང་ཁྱིམ་ཚང་ནང་དུ་ཡེ་ཤུའི་ཤིང་སྡོང་འཛུག་པ་དང་གློག་སྒྲོན་ཁྲ་ཆིལ་ དགུ་ཆིལ་སོགས་སྤར་བ། ཐུགས་སྤྲོ་མགྲོན་འབོད་སོགས་ཕྱི་རྒྱལ་ཡེ་ཤུའི་ཆོས་དད་པ་ནང་བཞིན་བྱེད་དགོས་ དོན་ཨེ་ཡོད།
དེ་ལས་མང་བ་། “ཡེ་ཤུའི་སྐྱེས་སྐར་གྱི་སྔ་ནུབ་ཏུ་སྤྲིངས་པའི་འཕྲིན་ཡིག” »
ཀླུ་སྨྱོན། ལོ་ངོ་མང་པོ་ཞིག་གི་ཡར་སྔོན་དུ། ངས་རང་ཉིད་ཀྱི་ཤེས་རབ་ཀྱི་མེ་སྟག་ཆུང་ཆུང་དེ་དང་། ལྷ་ཡི་བྱིན་རླབས་རྒྱང་ཐག་རིང་བ་དེ་གཉིས་ཀྱི་རམ་འདེགས་ལ་བརྟེན་ནས། འཇིག་རྟེན་འདི་རུ་ཆེས་མཛེས་སྡུག་ལྡན་པའི་སྙན་ངག་ཅིག་འབྲི་ཨེ་ཐུབ་བལྟས་པ་ཡིན་ལ། དེ་ཡང་ལོ་ལོན་ཚོས་སྐྱག་པ་བཙུར་སྟངས་ཁོ་ན་ལ་ལད་མོ་བྱས་ཏེ། ཀ་རྩོམ་དང་ཀ་རྩོམ་རེ་རེ་བཞིན་བཙུར་ནས་བྲིས་པ་ཡིན་ལ། སྐྱག་པ་བཞིན་བཙུར་པའི་སྙན་ངག་རེ་འཁྱོངས་དུས། ང་རང་བཙོན་མ་ཞིག་བཙོན་ཁང་ནས་ཐར་བ་ཇི་བཞིན་ལྷོད་ཤིག་གེར་འགྲོ་མྱོང་། ཡིན་ན་ཡང་ད་ལྟ། ལོ་ངོ་དུ་མ་ཞིག་འདས་ཟིན་པའི་དེ་རིང་། ངས་རང་ཉིད་ཀྱིས་མྱངས་ཟིན་པའི་དགའ་སྐྱོ་ཆགས་སྡང་གི་ཚོར་བ་འདི་ཚོ་མ་རྩར་བཞག་སྟེ། གསར་མོ་ཚོས་གཅིན་པ་གཏོང་སྟངས་ཀྱི་དམིགས་རྣམ་སྐྱོང་བཞིན། སེམས་ཚོར་གློ་བུར་བ་རེ་གློག་ལྟར་མྱུར་བའི་སོར་རྩེ་རུ་དྲངས་ནས། ཀློག་མཁན་དག་གི་དགའ་བསུ་ཐོབ་པའི་སྙན་ངག་རེ་ཟུང་འབྲི་བཞིན་ཡོད་ལ།…
http://www.rfa.org/tibetan/chediklaytsen/amdolaytsen/tsom-rig-kyi-dora/interview-with-tibetan-poet-tering-kyi-12212010153439.html འདྲ་པར་འདི་མཆོད་མེ་དྲ་ངོས་ལས་བཤུས་པ་ཡིན།
ཀླུ་སྨྱོན།
ཐོ་རེངས་བྱ་ཕོས་ཀི་ཀི་ཀོ་ཀོ་ཞེས། །
མི་རྣམས་གཉིད་ལས་སློང་བའི་སྐད་བརྡ་སྒྲོག །
བུ་མོ་རིལ་རིལ་མལ་ནས་ཡར་ལངས་ཏེ། །
ཨ་མ་ནད་པར་ཞོགས་ཇ་དྲོན་མོ་བླུད། །
ཞོགས་པའི་ཉི་འོད་ས་གཞིར་འཕྲོས་པའི་དུས། །
བུ་མོ་རིལ་རིལ་བྲེལ་འཚུབ་ཆེ་རུ་སོང་། །
ཁང་ཆུང་ནང་དུ་གཙང་སྦྲ་ཏོག་ཙམ་བྱས། །
ཨ་མ་ནད་པར་ཉིན་གུང་ཟ་མ་བཟོས། །
ཁྲུས་ཁང་ཆུང་ཆུང་ནང་ནས་ཁྲུས་ཤིག་བརྒྱབ། །
མེ་ལོང་ཆག་པོའི་མདུན་ནས་ཡག་ཅིག་བཏོད། །
གསར་མིན་རྙིང་མིན་གྱོན་པ་གྱོན་ཞོར་དུ། །
ཨ་མ་མ་ཁོའི་འཁྲིས་སུ་གུང་ཟས་བཞག
བོད་རྒྱ་ཁ་ཆེ་གསུམ་འཛོམ་ཁྲོམ་སྲང་འདིར། །
དེང་སྐབས་ཕྱི་གླིང་བ་ཡང་རེ་ཟུང་མཆིས། །
ཆོས་རིག་དངོས་རྫས་ཐང་མར་བརྡལ་བའི་ཁྲོད། །
མི་རྣམས་རྣ་བར་འཛེར་བའི་སྐད་སྒྲ་སྒྲོག །
ཀླུ་སྨྱོན་ཧེ་རུ་ཀ
དཀྱིལ་འཁོར་ཆེན་པོའི་ལྟེ་བ་རུ། །ཁྱབ་བདག་གདོད་མའི་མགོན་པོ་སྟེ། །ཀུན་བཟང་རྡོར་སེམས་ཡབ་ཡུམ་ནི། །བདེ་ཆེན་ཀློང་ན་མྱོས་ཤིང་འདར། །ཡུམ་ཆེན་ཀུན་ཏུ་བཟང་མོ་ཡི། །ཆོས་དབྱིངས་ཁྱབ་བརྡལ་བྷ་གའི་ཀློང་། །ལྷ་སྐུ་ཡབ་ཡུམ་མཉམ་སྦྱོར་ནི། །ཏིལ་གྱི་གང་བུ་ཁ་ཕྱེ་བཞིན། །ལྷ་སྐུ་རེ་རེའི་སྦྱོར་མཚམས་སུ། །རིག་འཛིན་ཞིང་ཁམས་འབྱམས་ཀླས་ཤིང་། །ཞིང་ཁམས་རེ་རེའི་རྒྱ་ཁྱོན་ཡང་། །སྟོང་གསུམ་འཇིག་རྟེན་མཉམ་པར་བརྡལ། །དེ་བཞིན་བདེ་ཆེན་ཡབ་ཡུམ་གྱི། །བ་སྤུའི་ཁུང་བུ་རེ་རེར་ཡང་། །སྤྲུལ་པའི་ཞིང་ཁམས་མཐའ་ཀླས་པར། །རྡོར་སེམས་སྤྲུལ་བའི་རོལ་མོ་འཁྲོལ། །བུ་སྤུའི་འོད་ཟེར་རེ་རེས་ཀྱང་། །སྟོང་གསུམ་འཇིག་རྟེན་གསལ་བའི་གཞིར། །བྱེ་བ་ཕྲག་བརྒྱའི་འཇིག་རྟེན་གྱི། །སེམས་ཅན་དག་ལ་སྤྲུལ་པ་འགྱེད། །དགའ་བའི་རོལ་མོ་སྙན་བརྗིད་ཅན། །ཆགས་པའི་སྙན་ངག་ལུད་པའི་རྩེར། །དགའ་བ་བཞི་དང་བཅུ་དྲུག་གི །མེ་ལྕེ་དམར་པོའི་འོད་ཕྲེང་འགྱེད། །རྣལ་འབྱོར་དཔའ་བོ་དཔའ་མོ་རྣམས། །གསང་ཆེན་སྤྱོད་པ་ཡ་མ་ཟུང་། །མིག་འཕྲུལ་བཞིན་དུ་རོལ་བའི་དཔྱིད། །ངོ་མཚར་ཆེ་ཞིང་གཟི་བརྗིད་འབར། །མཁའ་སྤྱོད་མ་དང་སྒྲོལ་མ་སོགས། །གནས་གསུམ་དཔའ་བོའི་སྙིང་སྡུག་ཚོགས། །གཅེར་བུའི་གར་ལ་རབ་དགྱེས། །དཔའ་བོའི་པང་ན་མྱོས་ཤིང་བརྒྱལ། །འཛམ་གླིང་སྟག་ཤར་དཔའ་བོའི་རྒྱན། །གུ་རུ་ཨོ་རྒྱན་ཆེན་པོ་ཡང་། །མཁའ་འགྲོའི་བྷ་གའི་དྲོད་རླངས་ཀྱིས། །བཟི་ཞིང་བརྡ་ཡིག་ཆར་དུ་འབེབ། །ཡེ་ཤེས་མཚོ་རྒྱལ་ནི་གུ་མ།
ཀླུ་སྨྱོན།
སྙིང་གི་རྩ་མདུད་གྲོལ་བའི་ཆེད། །
རྩ་གསུམ་ལྷ་ལ་གསོལ་བཏབ་པས། །
རང་སྣང་ཌྰ་ཀིའི་གཟི་བྱིན་འབུམ། །
འཇའ་འོད་ཀློང་ནས་ས་ལ་བབས། །
རྡུལ་བྲལ་འཇིག་རྟེན་དཀར་པོའི་ཞིང་། །
ངོ་མཚར་ཌྰ་ཀིའི་ཞིང་ཁམས་སུ། །
གཅིག་དང་དུ་མར་འཕྲུལ་བའི་གར། །
རྡོ་རྗེའི་རོལ་བ་འབྱམས་སུ་ཀླས། །
འདོད་པའི་མྱོས་བུམ་མཁྲངས་ཟླུམ་ཞིང་། །
(1455-1529)
ཀླུ་སྨྱོན་ཧེ་རུ་ཀ
འབྲུག་ཡུལ་གྱི་ཡུ་མོ་ཚོའི་ཕྱི་ལུས་པོར་ཤ་ཤེད་དང་གཟི་འོད་རྒྱས་ཤིང་།
ནང་སེམས་ལ་ཆགས་པའི་རྦ་རླབས་འཕྱུར་བའི་དབྱར་གཞུང་ཞིག་ལ།
ཁ་བ་རི་བའི་རྔོན་པ་ཁེར་འཁྱར་ཞིག་སྟེ།
འབྲུག་སྨྱོན་ཀུན་དགའ་ལེགས་པ་ཁོང་གིས།
འཕངས་ན་ཕོག་པས་ཁྱབ་པ་དང་།
ཕོག་ན་འཆི་བས་ཁྱབ་པ།
ཤི་ན་མཐོ་རིས་སུ་འགྲོ་བས་ཁྱབ་པ་སྟེ།
ཁྱབ་པ་གསུམ་ལྡན་གྱི་ལིང་གའི་ལྕགས་མདའ་ཞིག་ཁུར་ནས་སྦས་ཡུལ་འདིར་བསླེབས་སོང་།
ཀླུ་སྨྱོན།
འདི་ནི་དཔྱད་རྩོམ་དེ་འདྲ་གང་ཡང་མིན་པར་འཕྲལ་སེལ་མཁའ་འགྲོའི་སྐོར་གྱི་གཏམ་བཤད་ཅིག་གི་ཆེད་དུ་བྲིས་པའི་བརྗེད་བྱང་ཙམ་ཞིག་ཡིན།
༄༅། །ལྷན་སྐྱེས་མཁའ་འགྲོའི་རིག་པ་དབྱིངས་སུ་སད། །
ཞིང་སྐྱེས་མཁའ་འགྲོའི་འདུ་བ་སྤྲིན་བཞིན་འཐིབས། །
སྔགས་སྐྱེས་མཁའ་འགྲོའི་སྡོང་གྲོགས་ཆར་ལྟར་འབབ། །
བླ་མ་མཁའ་འགྲོའི་ཚོགས་རྗེ་ལ་བཏུད་ནས། །
གནས་ཡུལ་ཉེར་བཞི་དུར་ཁྲོད་བཞི་ཟུང་སོགས། །
ས་སྤྱོད་གནས་སུ་སྐལ་ལྡན་འགྲོ་བའི་ཕྱིར། །
ཅིར་ཡང་རྫུ་བའི་འཕྲུལ་གྱི་ཟློས་གར་མཁན། །
མཁའ་འགྲོའི་རྣམ་བཤད་དེང་འདིར་བརྗོད་པར་བྱ། །
སྟོན་པ་མཉམ་མེད་ཤྰཀྱའི་རྒྱལ་པོའི་བསྟན་པ་འདི་ལ་མདོ་དང་སྔགས་ཀྱི་བབ་སོ་ཆེན་པོ་གཉིས་སུ་ཡོད་ཅིང་། མདོ་སྔགས་གང་གི་ལུགས་སུ་ཡང་མཁའ་འགྲོའི་ཆེ་བ་དང་ཆོས་ལུགས་སོགས་ཀྱི་འཇུག་སྒོ་མ་བཀག་པར་ཡོད་པ་དང་། དེ་ཡང་མཁའ་འགྲོའི་སྐད་དོད་ཌྰ་ཀི་ནི་ཞེས་པ་ནི་ནམ་མཁའ་ལ་འགྲོ་བའི་དོན་ལ་འཇུག་ཀྱང་། མཁའ་འགྲོ་མ་ལ་རིགས་མང་པོ་ཞིག་ཡོད་ཅིང་། རིགས་ཀྱི་སྒོ་ནས་དབྱེ་ན་རྡོ་རྗེ་མཁའ་འགྲོ རིན་ཆེན་མཁའ་འགྲོ་དང་ལས་ཀྱི་མཁའ་འགྲོ པད་མ་མཁའ་འགྲོ་དང་སངས་རྒྱས་མཁའ་འགྲོ་བཅས་མཁའ་འགྲོ་སྡེ་ལྔ་དང་། འཕྲིན་ལས་ཀྱི་སྒོ་ནས་དབྱེ་ན་ཡེ་ཤེས་ཀྱི་མཁའ་འགྲོ འཇིག་རྟེན་གྱི་མཁའ་འགྲོ་སོགས་གདུལ་བྱ་སོ་སོའི་སྣང་ངོར་སྤྲུལ་པའི་རོལ་གར་སྣ་ཚོགས་ཤིག་མཛད་པ་ཡིན། དེ་ཡང་མཐའ་གཅིག་ཏུ་མཁའ་འགྲོ་ཡིན་ན་ནམ་མཁའི་དབྱིངས་སུ་བཞུགས་པའི་ངེས་པ་མེད་པར་བདེ་མཆོག་སོགས་ནས་གསུངས་པའི་ཡུལ་ཉི་ཤུ་རྩ་བཞི་དང་། རི་དང་རྒྱ་མཚོ། ལྗོན་ཤིང་དང་གྲོང་ཁྱེར། དུར་ཁྲོད་ཆེན་པོ་སོགས་ཕྱོགས་ངེས་མེད་དུ་མཁའ་འགྲོ་མ་རྣམས་ཡོད་པ་ཡིན་ཞིང་། སྔོན་ཆད་རྒྱ་གར་འཕགས་པའི་ཡུལ་དུ་མི་མེད་པའི་དུར་ཁྲོད་དང་མི་མང་བའི་ཚོང་འདུས་གཉིས་ནི་མཁའ་འགྲོ་མ་རྣམས་འདུ་བའི་གནས་གལ་ཆེན་པོ་གཉིས་སུ་ངོས་འཛིན་པ་ཡིན། དེ་ཡང་མཁའ་འགྲོ་མ་ཉིན་མོར་ཚོང་འདུས་སུ་ཡོང་ནས་སྐལ་ལྡན་གྱི་མི་ལ་རྒྱུད་ཚོད་དང་མཐུན་པའི་ཆོས་སྟོན་པ་དང་། མཚན་མོར་དུར་ཁྲོད་དུ་འདུས་ནས་ཚོགས་ཀྱི་འཁོར་ལོ་བསྐོར་བ་ཡིན།
དེ་ལས་མང་བ་། “མཁའ་འགྲོའི་རྣམ་བཤད་ཌྰ་ཀིའི་ཞིང་ཁམས་ཉུལ་བའི་ལམ་ཡིག” »
ཐེངས་འདིའི་རོལ་དབྱངས་དུས་ཆེན་དུ་གླུ་བ་གདན་འདྲེན་ཞུ་བའི་ཚད་གཞི་ངེས་ཅན་གཞིར་བཟུང་ནས། ཀྲུང་གོའི་ནང་ཁུལ་དང་ཞང་ཀང་། ཐའེ་ཝན། སིང་ཀ་ཕོར་སོགས་རྒྱལ་ཁབ་དང་ས་ཁུལ་གྱི་གླུ་བ་སྐད་གྲགས་ཅན་མང་པོ་གདན་འདྲེན་ཞུས། རྒྱུས་ལོན་བྱས་པ་ལྟར་ན། ཀྲུང་གོའི་བོད་ཀྱི་གླུ་མ་རིན་ཆེན་གྱིས་མཐོ་སྒང་བུ་མོའི་ལྷན་སྐྱེས་ཀྱི་སྐད་ངག་གིས་རྩ་འཛུགས་ཨུ་ཡོན་ལྷན་ཁང་གི་ཡིད་སེམས་འཕྲོག་པ་རེད། ཀྲུང་གོ་ནང་ཁུལ་ནས་ཐོག་དང་པོར་མ་ལེ་ཞི་ཡའི་རོལ་དབྱངས་དུས་ཆེན་དུ་གདན་འདྲེན་ཞུས་པའི་བོད་ཀྱི་གླུ་མ་ཡིན་པའི་ཆ་ནས། ཁོ་མོས་འགོ་ཚུགས་མཛད་སྒོའི་སྟེང་དུ་བོད་ཀྱི་གླུ་དབྱངས་《སྐལ་བཟང་མེ་ཏོག་རྣམ་པར་བཞད》དང་《ཡར་ཀླུང་གཙང་པོ》གཉིས་བརྩེ་བ་ལྡན་པའི་ངང་ནས་བླངས་པ་རེད། གླུ་དབྱངས་དེ་གཉིས་ལ་ཡུལ་ཕྱོགས་དང་ས་ཁུལ་གྱི་ཁྱད་ཆོས་ལྡན་པ་དང་། ཨེ་ཤ་ཡ་ཤར་ལྷོ་ཡི་ཉམ་ཞན་པའི་དབྱངས་འགྲོས་དང་མི་འདྲ་བས་ལྟད་མོ་བ་རྣམས་ཀྱིས་དགའ་བསུ་ཆེན་པོ་ཐོབ། འཁྲབ་སྟོན་ཚར་རྗེས་གསར་འགོད་པས་བཅར་འདྲི་བྱེད་སྐབས་ཁོ་མོས་བཤད་རྒྱུར། རིག་གནས་མི་འདྲ་བ་དང་། རོལ་དབྱངས་ལ་བརྟེན་ནས་རིག་གནས་མི་འདྲ་བ་དང་མི་རིགས་མི་འདྲ་བའི་ལྟད་མོ་བ་རྣམས་ལ་བོད་མི་རིགས་དང་བོད་ཀྱི་རིག་གནས་རྒྱུས་ལོན་བྱེད་དུ་འཇུག་པའི་རེ་བ་ཡོད་ཟེར། རོལ་དབྱངས་དུས་ཆེན་གཙོ་སྒྲུབ་མཁན་CFS SHOWBIZདང་མ་ལེ་ཞི་ཡ་ཡི་KPI…
དེ་ལས་མང་བ་། “བོད་ཀྱི་གཞས་མ་རིན་ཆེན་ཕྱི་རྒྱལ་གྱི་གར་སྟེགས་སུ་མངོན་པ།” »
གཤམ་གྱི་བརྩེ་བ་སྡུག་ཅག་ཅེས་པའི་མིང་དེའི་སྟེང་དུ་རྡེག་གནོན་བྱོས་དང་། ཁྱེད་ཀྱི་སྙིང་དམར་པོའི་གསང་བ་ཕྱི་རུ་འདྲེན་ཞིང་མིག་ཁྲ་ཆུང་མཆི་མ་ཐུར་དུ་འགྲིལ་བའི་གློག་བརྙན་”བརྩེ་བ་སྡུག་ཅག་”ཅེས་པ་འཁྲབ་ཚན་ཉི་ཤུ་ཅན་ཞིག་མངོན་ཡོང་། གློག་བརྙན་འདིའི་ནང་དུ་ཁྱེད་ཀྱིས་བརྩེ་བ་དང་འགལ་ཟླ། ཕྲག་དོག་དང་སེམས་སྡུག་སོགས་འཇིག་རྟེན་མི་ཡི་འཚོ་བའི་གྲུབ་ཆ་ཆེན་པོ་དག་རེ་རེ་བཞིན་མཐོང་ཐོས་མྱོང་རོལ་བྱེད་ཐུབ་ཅིང་། རང་རེ་བོད་པ་ཚང་ལ་ཡང་འདི་འདྲའི་གློག་བརྙན་ལེགས་པོ་རེ་ཡོད་ན་ཅི་མ་རུང་སྙམ་པའི་བསམ་བློ་ཡང་འཁོར་སྲིད། བརྩེ་བ་སྡུག་ཅག རྡེག་གནོན་བྱས་ཚེ་མི་འཆར་ན་གཤམ་གྱི་དྲ་ཐག་དེ་བེད་སྤྱོད་ཐོངས། http://www.hulu.com/watch/159861/bad-love-episode-1
ཀླུ་སྨྱོན།
ཁེ་ཉིན་དགོང་མོར་འདི་གའི་NBCབརྙན་འཕྲིན་གྱི་ལས་རིམ་ལྟད་ མོ་ཞིག་ལ་བལྟས་པ་ཡིན། ལྟད་མོ་དེ་ནི་སྤྱི་ལོ་ཉིས་སྟོང་བདུན་ལོར་དངོས་སུ་བྱུང་བའི་གནས་ཚུལ་ཞིག་རེད་ ལ། གནས་ཚུལ་དེ་འབྱུང་ས་ནི་ཨ་རིའི་སྲིད་འཛིན་རྙིང་པ་རྗོར་རྗེ་སྦུ་ཞི་ཡི་ཕ་ཡུལ་ ཁྲེག་སི་སི་ཞེས་པའི་ཞིང་ཆེན་དེའི་ས་གནས་ཤིག་ཏུ་རེད། ཁྱིམ་ཚང་ཞིག་ལ་ཕ་མ་གཉིས་དང་ལོ་ན་བཅུ་དགུར་སོན་པའི་བུ་མོ་ཞིག ད་དུང་ལོ་བཅུ་གཉིས་དང་བཅུ་ལ་སོན་པའི་བུ་གཉིས་འདུག ཁོ་ཚོ་སྡོད་ས་དེ་ཞིང་གྲོང་ཞིག་ཡིན་ཞིང་ནམ་རྒྱུན་དོན་དག་ཕྲན་ཚེགས་རེ་བྱུང་ དང་འབྱུང་བཞིན་ཡོད།