སྒྱུར་མཁན། ཟངས་དཀརཿཚུལ་ཁྲིམས།
༡༽ (WordPress) མཉེན་ཆས་ངོ་སྤྲོད།
(WordPress) མཉེན་ཆས་ནི་དྲ་ཚིགས་ཀྱི་རྣམ་པ་ཅན་གྱི་མཉེན་ཆས་ཞིག་ཡིན་ལ། མཉེན་ཆས་འདི་བེད་སྤྱོད་ཀྱིས་དྲ་ཚིགས་དང་ཟིན་བྲིས་སྣ་ཚོགས་བཟོ་ཐུབ། དེ་བཞིན་མཉེན་ཆས་འདིར་ཁྱད་ཆོས་གཙོ་བོ་འགའ་ཡོད་པ་གཤམ་གསལ་ལྟར་ཡིན།
ཀ… རིན་མེད་ཡིན་པས་བཀོལ་སྤྱོད་པར་རང་དབང་ཆེས་ཆེར་ལྡན་པ་སྟེ། ཐོན་རིམ་གསར་པ་ནམ་ཐོན་ལ་རིན་མེད་ཐོག་ཕབ་ལེན་བྱས་ནས་སྤྱོད་ཆོག་ཆོག་ཡིན།
ཁ… ད་མཐུད་ད་སྤྱོད་དང་། (Plugin) དཔེ་པང་། (Theme) སྟོང་ཕྲག་བརྒལ་བ་ཡོད་པ་དང་། རང་ཉིད་ཀྱིས་ཀྱང་གསར་པ་བཟོ་ཆོག་པས་བཀོལ་སྤྱོད་བདེ་ཞིང་བྱེད་ནུས་ཧ་ཅང་ཆེན་པོ་ཡོད།
ག… བཀོལ་སྤྱོད་པ་ས་ཡ་ ༦༠ ལྷག་ཡོད་པས་ཁྱབ་རྒྱ་ཆེ་ཞིང་། མཉམ་སྤྱོད་བྱེད་བདེ་བ་སོགས་ཀྱི་ཁྱད་ཆོས་ཡོད།
༢༽ ( WordPress) བོད་སྒྱུར་བྱ་བའི་བརྒྱུད་རིམ།
ངས་དྲ་ཚིགས་བཟོ་བའི་བརྒྱུད་རིམ་ཁྲོད་ནས་མཉེན་ཆས་འདི་མཉེན་ཆས་གཞན་ལས་ཕུན་ སུམ་ཚོགས་པ་དང་སྟབས་བདེ་བོ་ཡོད་པ་རྟོགས། དེ་བས་མཉེན་ཆས་འདི་བོད་སྒྱུར་གྱིས་དྲ་ཚིགས་བཟོ་མཁན་གྱི་བོད་མི་རྣམས་ལ་རོགས་ ཕན་དང་ཁྱད་པར་བོད་ཀྱི་སྐད་ཡིག་ལ་ཞབས་འདེགས་ཞུ་བའི་སྤྲོ་བ་རྙེད་སོང་། འོན་ཀྱང་འདི་དེ་འདྲའི་ལས་སླ་བོ་ཞིག་རེད་མི་འདུག ང་ཚོ་བོད་ལ་ཐ་སྙད་གསར་པ་འདི་ཚོ་མེད་པས་མིང་ཚིག་གསར་བཟོ་བྱེད་དགོས་པ་དེ་དཀའ་ངལ་ཆེ་ཤོས་རེད། གང་ལྟར་བྱ་བ་འདི་ལེགས་འགྲུབ་ཀྱིས་སྤེལ་ཡོད་པས་ད་ནས་བཟུང་དྲ་ཚིགས་བཟོ་འདོད་མཁན་ཚོས་བོད་ཡིག་མཉེན་ཆས་རིན་མེད་ཀྱིས་ཕབས་ལེན་དང་བེད་སྤྱོད་བྱེད་ཆོག་པ་རེད།
༣༽ ཀ༽ སྐད་ཡིག་ཅིག་གི་བརྡ་ཆད་གསར་བ་གཏན་འབེབས་བྱེད་པར་ཚོགས་པ་ཞིག་གི་སྟངས་འཛིན་དང་འཆར་འགོད་དགོས་པ་ཧ་ཅང་གལ་ཆེན་རེད། འོན་ཀྱང་། ད་ལྟའི་ཆར་དེ་འདྲའི་ཆུ་ཚད་དང་དབང་ཚད་ཡོད་པའི་ཚོགས་པ་ཞིག་བོད་ཕྱི་ནང་གང་དུ་ ཡང་བྱུང་མེད། དེ་བཞིན་ང་ཚོས་ཚོགས་པ་དེ་འདྲ་འབྱུང་བར་སྒུག་ནས་འདུག་རྒྱུ་དེ་ཡང་ཏག་ཏག་ཅིག་མིན་པར་སེམས།
ཁ༽ ཚང་མས་ཤེས་གསལ་ལྟར་བརྡ་འཕྲིན་ལག་རྩལ་ནི་ཆུ་ཚོད་སྐར་ཆ་རེ་རེར་ཡར་རྒྱས་འགྲོ་བཞིན་ཡོད་པས། ཆོས་ཚིག་མཁྲེགས་པོ་དང་རི་མགོའི་ཐ་སྙད་ཙམ་ལས་མེད་པའི་སྐད་ཡིག་ཅིག་གིས་དེ་ཚོའི་རྗེས་ཆོད་རྒྱུ་ལས་སླ་བོ་ཞིག་ག་ནས་ཡིན། འོན་ཀྱང་། ང་ཚོས་རང་ནུས་ཅི་ལྕོགས་ཀྱིས་འབད་པ་བྱེད་རྒྱུ་ནི་གཡོལ་ཐབས་མེད་པའི་འོས་འགན་དུ་སེམས་སོ། དེ་བས་ལས་དོན་འདི་སྤྲོ་བ་ཡོད་མཁན་ཚོས་ང་ལ་འབྲེལ་བ་བྱོས་དང་ང་ཚོས་བགྲོ་གླེང་དང་གཤར་སྦྱང་གི་ལམ་ནས་ཐུན་མོང་གི་བྱ་བཞག་ཅིག་གཉེར་བར་དགའ་བསུ་བྱེད་བཞིན་ཡོད།
གཤམ་གྱི་པར་འདི་གཉིས་བོད་སྒྱུར་བྱས་ཟིན་པའི་ (Worpress) མཉེན་ཆས་ཀྱི་ཟུར་རེ་ཡིན།
བཟང་དཀར་ལགས་བཀོལ་སྤྱོད་བྱེད་སྟངས་ཤིག་ངོ་སྤྲོད་གནང་རོགས།
སྐུ་ཞབས་ལགས་སུ་ཇི་ལྟར་བཀོལ་དགོས་པ་རེད། གསལ་བཤད་ཅིག་ཡོད་པར་ཞུ་ཞུ།
གཞན་ལ་ཕན་ཐོག་སྤྱད་ཅིག་སྤེལ་མི་འདུག ཁྱོད་ཀྱི་དྲྭ་ཚིགས་མཉེན་ཆས་གསར་བའི་འགོ་བརྗོད་ཆ་ཚང་ཞིག་འདིར་ངེས་པར་དུ་བཀོད་དགོས་རེད། དེའི་སྒང་དུ་གཅིག་མནན་ན་མཉེན་ཆས་གསར་པ་དེ་སླེབས་པ་ཞིག་བྱེད་དགོས་རྒྱུ་ལ། དེ་མིན་wordpress་ཟེར་ན་མགོ་བོ་རྨོངས་ ་བྱེད་རེད། You should post wordpress link on Kadha and then people can click on it and otherwise it’s not helpfull.
ཁོང་གིས་བོད་བསྒྱུར་གནང་བ་དེ་སྤྱི་ཡིས་བད་སྤྱོད་གཏོང་རྒྱུ་ཡོད་པ་ཞིག་མིན་པ་འདྲ། WordPress, Blogger, Yola, Webs སོགས་མང་དག་ཅིག་རང་དབང་གི་བཀོལ་སྤྱོད་གང་མཚམས་ཡོད་ནི་རེད། དེ་དག་ལ་ད་ལྟའི་ཆར་སོ་སོས་དྲ་ཚིག་བཟོས་རྗེས་དེ་ནང་གི་མ་ལག་གི་ཐ་སྙད་ཡོངས་རྫོགས་བོད་ཡིག་ལ་སྒྱུར་ཐུབ་ནི་རེད། འོན་ཀྱང་དེ་ནི་གོང་ཞུས་སོ་སོའི་དྲ་ཚིགས་ལས་གཞན་ལ་བད་སྤྱོད་རྒྱུར་དཀའ་བ་རེད།
བཟང་དཀར་ལགས་བཀོལ་སྤྱོད་བྱེད་སྟངས་བརྙན་འཕྲིན་ཐུང་ངུ་ཞིག་བཟོས་ཏེ་ང་ཚོར་ངོ་སྤྲོད་གནང་ན་ཕན་ཐོགས་ཆེ་བ་ལས་འདིས་ང་ཚོ་མང་ཆེ་བ་མགོ་རྨོངས་སོང་།
ཕབ་ལེན་ཆེ་ཆུང་ལ་mb ག་ཚོད་ཡོད་རེད།
སྐུ་ཉིད་ཀྱི་ཧུར་བརྩོན་དང་སྙིང་སྟོབས་ལ་ཡི་རངས་དང་ད་དུང་ལྷག་བསམ་ལ་བར་ཆད་མང་ནའང་ནམ་ཞིག་འབྲས་བཟང་མང་མུ་མཐུད་དེ་ལམ་སྟོན་གནང་རོགས་