ཟངས་དཀར་ཚུལ་ཁྲིམས།
༡ ༽ (WordPress) མཉེན་ཆས་ངོ་སྤྲོད།
(WordPress) མཉེན་ཆས་ནི་དྲ་ཚིགས་ཀྱི་རྣམ་པ་ཅན་གྱི་མཉེན་ཆས་ཞིག་ཡིན་ལ། མཉེན་ཆས་འདི་བེད་སྤྱོད་ཀྱིས་དྲ་ཚིགས་དང་ཟིན་བྲིས་སྣ་ཚོགས་བཟོ་ཐུབ། དེ་བཞིན་མཉེན་ཆས་འདིར་ཁྱད་ཆོས་གཙོ་བོ་འགའ་ཡོད་པ་གཤམ་གསལ་ལྟར་ཡིན།
ཀ… རིན་མེད་ཡིན་པས་བཀོལ་སྤྱོད་པར་རང་དབང་ཆེས་ཆེར་ལྡན་པ་སྟེ། ཐོན་རིམ་གསར་པ་ནམ་ཐོན་ལ་རིན་མེད་ཐོག་ཕབ་ལེན་བྱས་ནས་སྤྱོད་ཆོག་ཆོག་ཡིན།
ཁ… རིན་མེད་ད་མཐུད་ད་སྤྱོད་དང་། (Plugin) དཔེ་པང་། (Theme) སྟོང་ཕྲག་ཁྲི་ཕྲག་བརྒལ་བ་ཡོད་པ་དང་། རང་ཉིད་ཀྱིས་ཀྱང་གསར་པ་བཟོ་ཆོག་པས་བཀོལ་སྤྱོད་བདེ་ཞིང་བྱེད་ནུས་ཧ་ཅང་ཆེན་པོ་ཡོད།
ག… བཀོལ་སྤྱོད་པ་ས་ཡ་མང་པོ་ཡོད་པས་ཁྱབ་རྒྱ་ཆེ་ཞིང་། མཉམ་སྤྱོད་བྱེད་བདེ་བ་སོགས་ཀྱི་ཁྱད་ཆོས་ཡོད།
༢ ༽ ( WordPress) བོད་སྒྱུར་བྱ་བའི་བརྒྱུད་རིམ།
ངས་དྲ་ཚིགས་བཟོ་བའི་བརྒྱུད་རིམ་ཁྲོད་ནས་མཉེན་ཆས་འདི་མཉེན་ཆས་གཞན་ལས་ཕུན་སུམ་ཚོགས་པ་དང་སྟབས་བདེ་བོ་ཡོད་པ་རྟོགས། དེ་བས་མཉེན་ཆས་འདི་བོད་སྒྱུར་གྱིས་དྲ་ཚིགས་བཟོ་མཁན་གྱི་བོད་མི་རྣམས་ལ་རོགས་ཕན་དང་ཁྱད་པར་བོད་ཀྱི་སྐད་ཡིག་ལ་ཞབས་འདེགས་ཞུ་བའི་སྤྲོ་བ་རྙེད་སོང་། འོན་ཀྱང་འདི་དེ་འདྲའི་ལས་སླ་བོ་ཞིག་རེད་མི་འདུག ང་ཚོ་བོད་ལ་ཐ་སྙད་གསར་པ་འདི་ཚོ་མེད་པས་མིང་ཚིག་གསར་བཟོ་བྱེད་དགོས་པ་དེ་དཀའ་ངལ་ཆེ་ཤོས་རེད།
༢༠༡༤ ལོར་བོད་འགྱུར་ལེགས་འགྲུབ་བྱུང་ཡོད་མོད། wordpress.org བཟོ་གྲྭའི་ཐོ་གཞུང་དུ་འཁོད་ཐུབ་མེད། (2016/09 ནས་ 2016/10) ད་ཐེངས་ཡང་དབྱིན་ཇི་བ། རྒྱ་གར་བ། བོད་མི་མང་པོ་ཞིག་མཉམ་རུབ་ཀྱིས་གཟའ་མཇུག་རྣམས་སུ་ལས་གཞི་འདིར་འཇུག་གི་ཡོད། ལས་གཞི་ཚུགས་ཡུལ་རྡ་རམ་ས་ལ་ཡིན་པས་སྤྲོ་བ་དང་ཁོམ་པ་ཡོད་མཁན་ཚོ་མཉམ་ཞུགས་བྱེད་རོགས་།
ཞིབ་ཕྲའི་གནས་ཚུལ་འདྲི་ཡུལ། ཟངས་དཀར་ཚུལ་ཁྲིམས།
+91-9882324983
གཡག་པ། ངང་པ། བོད་པ། རྒན་པ། འཐབ་པ། རྩམ་པ། མཐའ་པ། རྒྱ་གར་པ། ཤར་པ། ཕལ་པ། ཁམས་པ། ཀ་པ། ཁ་པ། ག་པ། ང་པ། ཅ་པ་སོགས་སོ།།
བོད་མཁས་པ་དག་གིས་བྲིས་པའི་མིང་ཚིག་ཀུན་མ་བརླག་པར་འཛིན་ཐུབ་ན། མིང་ཚིག་གསར་བཟོ་བྱེད་དགོས་པ་ཡང་བདེ་བླག་ཏུ་འགྲུབ་ཐུབ། འོན་ཀྱང་། ད་ལན་ལ་དག་སྟེངས་དང་། གྲོགས་ལ་རོགས་སོགས་འབྲི་བར་བྱེད་ན། ཁྱོད་ཀྱིས་དཀའ་ངལ་དང་དུ་བླངས་ཏེ། ཐ་སྙད་གསར་པ་ལ་བོད་མིང་གསར་པ་ཞིག་གསར་དུ་བསྐྲུན་ཀྱང་སྤུས་དག་ཅིག་འོང་དཀའོ།